|
تناقص اهتمام خطيبتي بي
(تناقص اهتمام خطيبتي بي )
السلام عليكم ورحمة الله وبركاتة اخواني واخواتي انا ماسجلت في هالمنتدى الا بعد ماشفت التفاعل بينكم وحبكم للخير واتمنى تساعدوني:jj انا مملك من تقريبا 8 شهور وزواجي بعد 4شهور muy مشكلتي مع خطيبتي ان لها شهرين متغيره علي ماصارت زي اول قبل كانت تكلمني وتهتم وتسال علي وتسمع لي وتحاول تقضي اكثر وقتها معي, طبعا عبر الواتساب ghh وسالتها ليش كذا؟ تقول مشغولة!!!قلت لها انا دايم مشغول واذا كلمتيني اكلمك واحاول ابديك على كل شي في حياتي وافضي نفسي لك عشان اكلمك وكلمتها ثلاث مرات عن هالموضوع ,انها لازم تهتم واني محتاج لها واني اضحي بحاجات كثيره على شانها, واكلمها باسلوب حلو وامزح معها وتقولي ابشر, ومايجي بكرا الا ولاكاني كلمتها المشكلة قلت لها في المره الثالثه هاذي اخر مره اكلمك عن االاهتمام واللبيب بالاشارة يفهم (بغيت اقول لها ترا لو كررتيها ابي ازعل عليك بس خفت تزعل علي ومشكلتي اني حنون cgg) سالتها قلت تحبيني؟ قالت: اموت فيك. متضايقه مني ؟ تقول لا ابدا مستحيل اتضايق منك. احد موصيك علي قايل اثقلي عليه ؟ قالت: لا :jj المشكلة واضح عليها انها متضايقه من اسئلتي بس ماتقول انا متضايقه انا مو مقصر معاها بشي احبها واهتم فيها واسال عنها واقول لها كل كلمة حلوه وانواع الهدايا. ياناس والله طفشت وش الحل ؟nhg صرت اكلم نفسي وافكر كثير ghh (تم التعديل ليتناسب مع المضمون) |
رد : مشكلتي مع خطيبتي
وعليكم السلام ورحمة الله وبركاته
خلها تنفس شوي يمكن انت من النوع اللي كثير تتكلم وهي ماعندها وقت. والواتس ضايع للاوقات صدق" خلاص اصبر اجل كل سوالفك للزواج ما باقي شي. |
رد : مشكلتي مع خطيبتي
اقتباس:
دايم اخليها تتنفس يوم او اكثر بس اقلها تسال علي تشوف ميت ولا حي :jj |
رد : مشكلتي مع خطيبتي
عجل با الزواج احسن لك ولها كل مت كثرت المدة تصيب الاثنين با الملل
|
رد : مشكلتي مع خطيبتي
اقتباس:
حددت موعد الزواج واتفقنا حنا وأهلها وهي موافقه على الموعد يعني شي وخلصنا منه اذا هي ملت هاذي مشكلتها بس اقلها تهتم وتسأل وانا اكلمها وما مليت وأحاول اغير أسلوبي معاها للأفضل وأغير الجو اذا تطفش الحين بعد الزواج وش بتسويjyf وش اسوي معها وش الحل ؟ |
رد : مشكلتي مع خطيبتي
العيشه معها شي ثاني
ترى التواصل الكثير يملل خفف تواصلك معاها صير ثقيل الثقل زين .. ترى وانا مملكه كنت انحرج لما زوجي يتصل او يرسل وامسك الجوال تعليقات واحراج يعني افرض ان هي محرجه من اهلها الزواج ماباقي عليه شي انشغل بالتجهيزات افضل واكرر اثقل عليها المراه تحب الرجال الثقيل ... وبالتوفيق اخوي |
رد : مشكلتي مع خطيبتي
اقتباس:
الصراحة كلامك خلاني اتاكد من ان السبب الأحراج(الحياء) لانها دايم تقولي انا استحي. وانا أفكر اني ما أكلمها اسبوع مع اني مقدر اتحمل بس وش اسوي 😭 cgg هل تعتقدون هذا الحل ينفع ؟jyf |
رد : مشكلتي مع خطيبتي
اقتباس:
انشغل عنها باي شي واشغل وقتك بشي من هواياتك او طلعه مع اصحابك او مع اهلك واعطيها مساحه شوي مو شرط تحدد اسبوع ولا شهر بس قلل من التواصل وراح تشوف النتايج قريب .. وبالتوفيق |
رد : مشكلتي مع خطيبتي
جزاك الله خير🌹، كلامك الصراحة مقنع وطريقتك أن شاء الله تجيب نتيجة أبجربها من اليوم 😍
وإذا فيه نصائح أو حلول أتمنى منكم تساعدوني، بحكم صغر سني ماعندي خبره أو أحد عشان أكلمه في مشكلتي😭 وهذا المنتدى هو المكان الي أرتاح فيه😌 ، وأتمنى تعتبروني "أخوكم الصغير". 😊 في انتظار المزيد من النصائح والحلول. 🌹 |
رد : تناقص اهتمام خطيبتي بي
وعليكم السلام ورحمة الله وبركاته
أخوي راجع ردي على الموضوع هذا وان شاءالله يفيدك http://www.66n.com/forums/showthread.php?t=255218 |
رد : تناقص اهتمام خطيبتي بي
السلام عليكم
لا تناقص اهتمام ولا شي الموضوع وما فيه تبي تقلل تواصل معاك قبل العرس علشان تشتاقون لبعض بوقت العرس وهالحركه كثير يسوونها اثقل ولا تتلزق راح تتعب وتتعبها معاك بعدين تملون من بعض |
رد : تناقص اهتمام خطيبتي بي
خففو التواصل شوي .. لانه صدقا ممكن هي زهقت او ربما محرجة
فكر بمواضيع ثانية غيرها ... اشغل وقتك بامور اخرى ... علشان تشتاقو لبعض اكثر ... الله يهدي بالكم ويفرحكم ويتمملكم على خير ياااارب ... وشغلة ثانية من طبيعة البنات المزاجية ... |
رد : تناقص اهتمام خطيبتي بي
اقتباس:
اقتباس:
اقتباس:
انا معك يمكن ملت او مستحيه بس انا ابغى اعرف وش شعور البنت وش في تفكيرها ليش ماتسال ليش ماتهتم !!! |
رد : تناقص اهتمام خطيبتي بي
[
مشكوره اختي والله يجزاك خير jyhجربت اشغل نفسي بس البنت في بالي وين مارحت يعني انا ماني في بالها مثلا!jyf انا معك يمكن ملت او مستحيه بس انا ابغى اعرف وش شعور البنت وش في تفكيرها ليش ماتسال ليش ماتهتم !!![/QUOTE] هاد الوضع الطبيعي ... يعني اتركها فترة على راحتها وبعدين هي اللي رح تسأل ,,, هم هيك البنات بيحبو يثقلو شوي ... :) |
رد : تناقص اهتمام خطيبتي بي
يسلمو ي maram if ماقصرتي واللهjyh, البنت شكلها تتغلى ومسويه ثقيله واتوقع انها تسمع كلام الناس وصايره تتثقل علي مع اني اكره الي مسوي مثقيل وبالذات الشخص الي احبهnhg
|
رد : تناقص اهتمام خطيبتي بي
سلام عليكم
سجلت و الله عشان ارد عليك بس و اتمنى ردي يكون يعني بالصورة و مفيد لك عموما يا شنب اثقل وناخوك ما بقالك 4 شهور و تنتقل إلى الريل لايف وذ هير , يعني عطها ثقل شوي خلها تتنفس يخرب بيت ابليسك لو اني بنت و 8 شهور اقرق مع خطيبي عز الله إني لابلكه بطفش :D , البرود هذا عادي شي طبيعي لانه ملل و نفس الروتين وممكن نفس الكلام يتكرر لكن مو مشكله خلها يوم أو يومين كذا لما هي تكلمك عشان تحس على دمها :D و الله يوفقكم وناخوك ويتمم لكم على خير |
رد : تناقص اهتمام خطيبتي بي
اقتباس:
مشكور اخوي على ردك والله ضحكني 😂 ردك الصراحة حفزني وماالومها على الحتسي الزايد وانا اشوف نفسي طبيعي زي اي واحد توه مملك ومقبل على زواج 😍 وانشاء الله أبشركم بالنتائج بس لاتحرمونني من نصايحكم ❤️🌹 |
رد : تناقص اهتمام خطيبتي بي
حلو يكون الشي بتوازن ومقدار
ما تكون العاطفه مفرطه وهي المتحكمه ، اثبت توازن العاطفه مع العقل من غير تفريط في المقدارين |
رد : تناقص اهتمام خطيبتي بي
اقتباس:
بس أبشركم البنت صارت ترسل صور وتكلمني وتسأل عني حتى صارت تسألني تعشيت muy وانا ماصدقت بس هالمره صرت أكلمها عادي بدون مشاعر مفرطه 😎بس اخاف تفكر اني زعلان ولا صاير شايف نفسي او اتغلى عشانها كلمتني cggزي ماقلت لكم انا حنين ورومانسي بزياده!!!! |
رد : تناقص اهتمام خطيبتي بي
أهلا بك أخي ..وأسأل الله أن يسعدك ويجمع بينك وبين من تحب على خير أخي أرى طيبة قلبك ومشاعرك الجياشة إتجاه حبيبتك وما هذا إلا لطبعك الطيب والحنون ... أخي عامل الوضع بسياسة وذكاء وإستغل فترة قربها إليك وإنجذابها بتفريغ ما تقدر عليه من مشاعر الحب والرومانسية .. وفي فترة بعدها عنك خليك رزين وطبيعي في تعاملك ...لو تهدي لها كتب عن العلاقة بين الخطيبين أو الزوجين وتتعلما يكون لكما أفضل ...الله يوفقك |
رد : تناقص اهتمام خطيبتي بي
اقتباس:
نصيحتك مميزه وان شاء الله راح اتبع طريقتك وماني ناسي نصائح الاخوان والاخواتdff وبخصوص موضوع الكتاب راح احاول ادور على كتاب مفيد وأرسله عليها ولو تكرمتو علي واعطيتوني اسم كتاب او مقاله او منشوره او فيديو بس يكون سهل للوصول الى قلبها وتقدر تفهم منه gggh |
رد : تناقص اهتمام خطيبتي بي
مبرووووك كتب كتابك والله يوفقكم
مشكلتك هذي يعاني منها اغلب الشباب او البنات في المنتدي يالخطيب ثقيلل والبنت تعبت منه او العكس فالجميع يعاني :) اولا انا ضد من قال اثقل البنت تحب الرجل الثقيل معلوووووومه خاطئه جدا البنات يفضلون الرجل اللي يحبها يفاجئها. يتغزل فيها يحسسها انها اجمل امراءه رأها حتي لو لم تكن كذلك بسس ماتكر من جرعات الغزل والرومنسسيه لدرجه تغليها دايم محور حديثكم لانها راح تمل ويصير عادي عندها ما ياثر فيها كلامك الحاجه الثانيه تقول انها ما تسال عنك .. كيف تبيها تسال عنك وهي مافقدتك خلاص هي متعوده انك انت راح تتصل او ترسل كل يوم ماراح تكلف ع نفسها وتسال مدام المبادره منك لاكن لو اشغلت حالك لحست بعدك وبادره بالسوال والبنات يحبون السوالف العامه تحب تسولف بكل شي ممر بيومها اسالها عن ادق تفاصيلها شو تحب ايش يجذبها او عن ذكريات يوم الملكه وكيف كان شعورها .. مثلا ايام الخطوبه كيف وصلها خبر انها انخطبت ذكريات ومششاعر جمممميله تخليها تسترسل معاااك بالحديث . ولاتنسي الحيااااااء يمنعها كذلگ فلا تضغط عليها وتكثر عتااااب الف الله بين قلوبكم وسسسخرها لك… |
رد : تناقص اهتمام خطيبتي بي
اقتباس:
موضوعي مع الثقل بديت أحله بما اني في اجازة وعند أهلي صرت مشغول معهم وصارت محادثاتنا خفيفة hhf مع العلم اني مهتم فيها واسأل عنها والحمدلله هي بعد صارت تسال muy وفيه حاجات كنت أجهلها لاكن بعد نصائحكم الحمدلله الامور بدت تزين وتتحسن jk والصراحة ما ادري كيف أشكركم ❤️وما اقول الا جزاكم الله خير ويجعلها في موازين حسناتكم 🌹 وفي انتظار المزيد من النصائح lk |
رد : تناقص اهتمام خطيبتي بي
ماشاء اعضاء المنتدي ماقصرو بالنصائح وانا ماعندي غير دعواتي لك الله يوفقك ويسعدك سعاده الدارين يارب واضافه أدعيه للسعاده الزوجيه "اللهم وفق بيني وبين زوجتي واجمع بيننا على خير. اللهم اجعلني قرة عين لزوجتي، واجعلها قرة عين لي، واسعدنا مع بعضنا واجمع بيننا على خير." اللهم إني أسألك باسمك الحبيب الكافي أن تكفيني كل أموري مع زوجتي مما يشوش خاطري ويسهر ناظري."للهم أجعل بيننا من المودة والرحمة أفضلها، وارزقنا الصبر والحلم أكمله، واجعلنا على منابر من نور، وأسعدني معه وبقربه في الدنيا وفي جنه السرور، واهدنا يا الله لما فيه الخير والصلاح، اللهم وارحمنا برحمتك يا رحيم يا كريم." تحياتي لك
|
رد : تناقص اهتمام خطيبتي بي
اقتباس:
واتمنى المزيد من النصائح والحلول. |
| الساعة الآن 02:25 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©