|
تعالوا نفكر بعقلانيه/الزوج الدلوع؟! الحل معه
بسم الله ابدء.. كتبت بالفصحى مالقيتها بردت تسبدي..فكتبت خليط مابين العاميه والفصحى لعل وعسى.. انا موظفه،جميله جدا ليس الجمال العادي بل الملفت،"والله العظيم مو قصة مدح بنفسي بس عشان تعرفون معاناتي" ابلغ من العمر 36 سنه وتزوجت قبل 4 سنوات تزوجت متأخر لاني طموحه.. تزوجت من رجل مطلق والسبب اني لم اجد اعزب يبلغ عمر اكبر من عمري الا وفيه عيب شرعي كبير.. كشراب او سفريات مشبوهه او غيره.. هكذا كنت اظن.. وش يخلي رجال لاوظيفتن مثل العالم والناس وعمره كبير.. ولاماده الا الدجه وقلة السنع..!وابحث عن السبب الاقي به بلى.. وماتشفع عندي كلمة خوذيه ويتسنع .. ماتسنع وهو بالعشرين مو متسنع الحين.. كنت افتخر انو على جمالي ووضع اهلي مو متشدد ما انحرفت.. وتعرفون غيرة الحريم مافيه شي لاقين فيه عيب راحوا لعرضي وشرفي .. وحركات العجايز.. هاه وش رايك بفلانه؟ ميلت الخشه وقالت الله يستر عليها!! ولاسألتها وش فيها قالت ادعي لها بالستر !!! لحووول ايه.. ايه .. انا عايشه بمجتمع غيور ووصخ .. وماعندي صديقات.. علاقاتي سطحيه بعد هالمقدمه الطويله العريضه وضحت شخصيتي..عقلانيه .مثقفه.. شبه مثاليه..ولماحه..شوية تسلط ع غرور ولاعندي صبر.. فيني كبرياء عن بلد ..اموووت بمكاني ولا يفرح بدمعتي احد.. وفوق هذا كله اكره السطحيه والغباء واعتبرهم دم ضروسي.. تزوجت نقيضي.. دم خفيف لدرجة السماجه.. شخصيه متردده وخجوله..وملامح اقرب للقبح حنون طيب .. وابو دميعه حساس ويحب يشتري ورد! ! انا اكره الورد احسه شي مخيس اشتريه اليوم ويذبل بكره.. لو شاري لي بقيمته خاتم اكسسوار ابرك لي..!! الوكاد ان الله سخرني له واحبه بالرغم من عيوبه .. ولو يقول ارمي نفسك بالنار طمرت.. اكتشفت انه خاين.. وله سنين ع هالحاله راعي علاقات.. طبعا من كثر ثقتي بنفسي ومن كثر ماهو طيب وحنون ويرقصني بالكلام والفعل .. ماحسيت كشفته صدفه وسامحته على انها نزوه وخصوصا البنت تعتبر لامميزات ولا شكل ولاصوت.. او اسلوب..تعرفون مغازل الرحمه!! هذا زوجي.. اي وحده فيها عاهه يغازلها ويصرف عليهاوانا يتحجج بالديون .. ولاقلت له وش ناقصني..؟؟ قال : انتي حبيبتي انتي انتي؟؟ وجلس يبرر خرابيط.. احيانا احس اني امه.. من كثر ما اوجهه مو عشانه عشان عيالي.. وقبل اجيب منه.. تاركته ع دجته.. وهو كان مبسوط.. ولما جبت العيال شديت عليه.. ولما شديت بانت العيوب.. واللامبالاه وعدم المسؤوليه؟وعدم الصرف؟ جالسه افكر بعيد عن عاطفتي هل يستحق اكمل معاه.. خصوصا مع الخيانه الاخيره والحلف الكذب.. وامور كثيره اقرفتني.. عشان عيالي .. مايصلح اب.. يصلح يصير اخوهم واربيه معاهم .. بس اب لا..!! تعرفون الطفل المراهق المدلع .. كنت امشي هالنظام واستملحه لما كنت خفيفه.. وماعندي اطفال.. يوم كثرت المسؤليات تهرب كاني رجال وهو حرمه.. عجزت اعدله قبل جونا كله ضحك ووناسه ومقاالب وسفريات.. وكان يخون .. وكنت ما اهتم لانها مكالمات .. ويترك بسرعه.. وتجلس البنت المسكينه تلاحقه وهو مطنش لدرجة ارحمها.. هالحين الدعوه تطورت وصارت فضفضه وعلاقات قويه .. واشك ان فيها مقابلات..!! طيب وش المطلوب: انا مابي ملقح بالعربي.. سالفة رجال عايش مراهقته يبي ينبسط ع الفراش وضحك ولعب وخدمه وتاليتها خيانات ولامبالاه ولامصروف مثل العالم والناس..!! ويمنعني عن الطلاق انو حنون وصبور.. وعيالي لاسألوني عنه؟؟وش اقولهم؟ اخليه ع جنب؟واعيش حياتي؟؟ طيب وخياناته واحتياجاتي كأنثى .. من اني احس اني ماليه عينه..؟ وكرامتي .. ما احس ان فيني شي ناقص.. دلع وخدمه وجمال؟! عجزت اعرف ليه هو يسوي كذا؟ هل يحس هو بالنقص؟وربي اني اتسيمج معاه واترك له القياده عشان مايحس انو انا كنترول بزياده! وادري انه مبسوط ولايستغني عني؟ انا مو مراهقه وزهرة شبابي وشكلي بيروح.. كلها كم سنه؟،اذا وانا بهالشكل.. والاهتمام.. وهذي حالته؟ شلون لو السنين بينت فيني ..؟ امي تقولي بتدورين رجال جديد؟كلهم يابنيتي كذا؟تختلف بس الاسماء ولا المضمون واحد؟ ماشلت هم الزواج.. مع انكم تعرفون مجتمعي السالف ذكره... لكن شلت هم عيالي.. بيعيشون بين ام مسترجله.. غصبا عنها.. وابو لاهي وعايش جوه..!! جالسه ببيت اهلي حاليا .. كارهته .. وجالسه استخير بطلاقي..هل فيه مجال يتعدل.. رجال بيدخل عمر 40 .. ولا خلاص .. اتوكل ع الله واتركه؟ ع الاقل ما احس بنقص وغبنه وقهر ودمعتي ع مخدتي كل ليله وانا اسأل وش ناقصني؟ مستجدات الرد 39 http://www.66n.com/forums/showpost.p...0&postcount=39 |
رد : تعالوا نفكر بعقلانيه/الزوج الدلوع؟! الحل
الله يفرج همك ؛؛؛
|
رد : تعالوا نفكر بعقلانيه/الزوج الدلوع؟! الحل
خذي منه الشي اللي يعجبك و خليه هيبة لعيالك
منظر أب حتى لو هو مايسوى سالفة تتطلقين انسيها لانه مافيه ذاك العيب المضر عليك و على ذريتك خيانة ...ما خان الا ربه انتي محد طالك و عايشة جوك و عيالك فحضنك انتي حياتك نعمة جنب غيرك |
رد : تعالوا نفكر بعقلانيه/الزوج الدلوع؟! الحل
ماهي الخطوات الي فعلتيها عشان زوجك يترك الخيانة ؟
لفت نظري العنوان إنه دلوع ( يعني هي المشكلة ) لكن الموضوع يبرز أن الخيانة هي السبب ! |
رد : تعالوا نفكر بعقلانيه/الزوج الدلوع؟! الحل
اقتباس:
لما كان يخون مكالمات ماكنت اهتم.. حاطه براسي كل الرجال كذا هذي فتنتهم.. بس ان اتكلم عن الشخصيه المراهقه الدلوعه .. هل تتسنع ..! تسترجل! |
رد : تعالوا نفكر بعقلانيه/الزوج الدلوع؟! الحل
طبعا تتسنع مافيه أي زوج صعب ..
خصوصا على وحدة مثل شخصيتك العقلانية القادرة كل الصفات اللي ذكرتيها عنه بسيطة يبغالها طول بال و شوي سياسة اذا حطيتي براسك تجيبينه بتجيبينه زي بنات المغازل و أكثر |
رد : تعالوا نفكر بعقلانيه/الزوج الدلوع؟! الحل
اقتباس:
ولاتجمعهم صفه معينه.. يا وحده راعية غنم اويلي ويلاه ..وحركات غبيه .. يابنت متفتحه وراعية خمر.. ونص كلامها انجليزي.وهو مايفهم له ومع هذا مكمل وبقوه.. احسه اكتشاف واشباع فضول اكثر من انه مغازل!! لكن بعد الضغط وتحميله شوية مسؤليات العيال!! بدت العلاقات تصير جديه .. هذا اللي الاحظه.. واكثر شي قرفني حلفه بالله كذب و على المصحف.. حسيت باستهتاره .. مع ان الموضوع مايسوى .. وهو من عائله متدينه وبقوه |
رد : تعالوا نفكر بعقلانيه/الزوج الدلوع؟! الحل
تكلمي عن تركه للمسؤلية وعدم صلاحيته كأب , اضربي أمثلة ومواقف له .
|
رد : تعالوا نفكر بعقلانيه/الزوج الدلوع؟! الحل
ادري .. اني اجيبه..
بس ماعاد فيني صبر بدى الكره يمشي بعروقي من ناحيته.. لو تلاحظين قلت انه نقيضي بس لاني كنت احبه كنت امشي له امور واجد.. حاليا الموضوع اكبر من سالفة روج احمر وشمعه.. انا عندي اطفال محتاجين اب واعي .. ومسؤول.. سؤالي.. يمكن مافهمتيه..؟! هل بيظل ع سطحيته ولا احتمال شخصيته تتغير.. انا مو شايله هم خياناته.. افهميني انا افكر لقدام.. ماني مسؤوله اعيش دور الام له .. واتحمل وواعجز قبل وقتي.. انا اتكلم عن عيالي.. هل بندم اني بعدتهم عن ابوهم مهما كان ؟! او انهم راح يشكروني انهم ماعاشوا ببيئه الادوار فيها معكوسه؟! |
رد : تعالوا نفكر بعقلانيه/الزوج الدلوع؟! الحل
معانا عضوة في المنتدى مشكلتها زيك تقريبا ( اللامسؤلية والخيانة ) ووضعها تحسن كثيرا بفضل الله .. بعد ماقارب إلى الطلاق
تواصلي معها تعطيكياها من الآخر .. |
رد : تعالوا نفكر بعقلانيه/الزوج الدلوع؟! الحل
اقتباس:
مثال بنتي مرتفعه حرارتها والله ما ابالغ 39 وشي. انا بالسياره انتظره يخلص اجراءات الدخول.. جلست ساعه .. تخيلي ساعه.. والطواريء فاضي ..عشان حظرته يا يكلم يغازل او لاقي له صيده يتميلح.. للحين ماعرفت وش سبب التاخير .. كل شوي كذبه .. طيب ووبنيتي اللي ياله تفتح عيونها من الحراره وبحضني احس روحها زهقانه.. كانت بتروح من بين يديني.. عشان ابوها كان بيعيش جوه؟؟ شيء من اشياء كثيره .. جابت مريري |
رد : تعالوا نفكر بعقلانيه/الزوج الدلوع؟! الحل
اقتباس:
ما اقصد اللي فهمتيه اذا كان على الروج و الشمعه سهلة على أقل بنت كيف انتي اللي تفهمين اشياء مهمة لكن كلامي كان عام اجابتي بالمختصر طبيعي شخصيته تتغير غصبا عنه اذا كبروا عياله لا اراديا بيتوجه تفكيره لهم بس انتي تبغينه يستعجل في انتباهه للشي وانا معك مفروض يصحى من التخبط اللي هو عايشه خلاص الى متى وشلون يصحى هنا يجي دورك اشركيه بمسؤلياته بشكل غير مباشر انتي لا تركزين في مشاعرك تجاهه الحين فكري انتي وش محتاجه عيالك وش محتاجين وخذي اللي تبين منه بشكل غير مباشر اعطيك اسهل و اسرع شي جربته و نفع انفخي فيه انه أب مثالي مثلا ... هو مقصر معهم في حاجة معينة انتي جيبيها بالعكس امدحي انه يسويها بنجاح و بشكل يوحي انك فرحانة فيه مرة على مرة راح يفكر في الشي اللي وجهتيه انتي له و يحاول يؤديه على أكمل وجه عشان يلاقي منك مدح أكبر و قيسي عليها ودي لو اني اعرف اشرح اكثر من كذا بس هذا اللي طلع معي اتمنى وضحك فكرتي و وصل مقصودي بشكل أفضل عن مشاركتي اللي فوق |
رد : تعالوا نفكر بعقلانيه/الزوج الدلوع؟! الحل
من ناحية انه ابو دميعة وشخصيته بصفه عامه ، مرا تجننن :'(
انا ربي رزقني واحد بدوي جلف :') ههههه لما اقوله هذي الشخصية تعجبني يقول ايوا تعجب البنات اللي زيك لكن هذولا مو رجال ايش الفرق بينهم وبين البنات خخخ المهم نحن عندنا الشباب بمنطقتنا اكثرهم زي كذا .. اما صفة الخيانة وقلة الحياء اكرههها ربي يعينك مقدر اقولك اكثر من كذا :( .. |
رد : تعالوا نفكر بعقلانيه/الزوج الدلوع؟! الحل
حبيبتي
وقفي وقفه حازمه مع الخيانات الحين هل يصرف على البيت والاطفال هل يوديكم ويجيبكم وش المسئوليات الي شايلها |
رد : تعالوا نفكر بعقلانيه/الزوج الدلوع؟! الحل
عجزت اتحمل استغفاله لي .. وخصوصا حلفه بالله كذب..
بديت امشي باجراءات الطلاق.. ادعوا لي بالتوفيق.. احس مامنه فايده .. من شب على شيء شاب عليه |
رد : تعالوا نفكر بعقلانيه/الزوج الدلوع؟! الحل
لا تفكري بالطلاق
فكري بالحلول الاخرى |
رد : تعالوا نفكر بعقلانيه/الزوج الدلوع؟! الحل
ماله حل في نظري والله اعلم ودام شخصيته وشخصيتك كذا مافي حل الابيدك انت
قرري هل تكملين معه وتعتبرينه اكبر الاولاد وتربينه معهم ولا تنفصلين عنه وتربين باقي اخوانه وهو يروح يدشر بلحاله ! |
رد : تعالوا نفكر بعقلانيه/الزوج الدلوع؟! الحل
اختي اتمنى تتقبلي كلامي بصدر رحب
غاليتي ان الله لايغير ما بقوم حتى يغيروا ما بأنفسهم اسألي نفسك كيف هو حجابك ذكرتي انك جميلة هل حافظتي جيدا على جمالك وصنتيه عن اعين الرجاااال كم من زوجة تدعي اللهم من تساهلت بحجابها وفتنت زوجي اللهم اذقها من نفس الكأس اضعافا مضاعفة هذه ذكرى لعل الذكرى تنفع المؤمنين وان كان حجابك ساتر تماما ولا يظهر ظفرك فهو ابتلاء من الله لعباده الصالحين ليكفر الذنوب اصلح الله حالنا واحوال المسلمين |
رد : تعالوا نفكر بعقلانيه/الزوج الدلوع؟! الحل
الله يصلحه
ما ادري اذا يحق لك طلب الطلاق بس عموما ان كنتي معزمه عالطلاق لا تمشين بالإجراءات من دون علمه ومن دون ما تعلمينه السبب بالعربي ارجعي له وبيني له الوضع وقولي له يا فلان ان ما تعدلت راح اطلب الطلاق وان مسكتي عليه شي قولي له ودني بيت اهلي ومثلي انك تبين الطلاق وان طلب الصلح ارجعي وهكذا عطيه اكثر من فرصه مع الوقت يستحي ويخاف و يتعدل وان ما تعدل الوجه من الوجه ابيض اما سالفة زعلانه وتمشين بالطلاق وهو ما عنده فكره عن السبب وعن نيتك بالطلاق هذي مصيبه |
رد : تعالوا نفكر بعقلانيه/الزوج الدلوع؟! الحل
ياويلي. جفوووووه
كل شي ماهمني اتنازلي اشوي وحسي بالأشخاص من حولك تشاركي معهم مشاعرهم عيشي اللحظة المثالية لا زادة عن حدها تسيئ لك اكثر ماتفيدك زوجك مابه شي انتي مو فاهمته!! اكيد راح تندمي كثير وتتحسري في حال بعدتي بين الأطفال وابوهم. يمكن يكون قليل المسؤولية مثل ما وصفتي لكن بعد حنون وانتي تحرمينهم حنانه كذا |
رد : تعالوا نفكر بعقلانيه/الزوج الدلوع؟! الحل
اقتباس:
توقفت هنا واذهلت بصراحه اذا كلامك صحيح مو وساوس اقلك زوجك مريض مو لدرجة بنته حرارتها عاليه ويسوي كذا الله يكون في عونك والله شي مؤلم طيب ياخي خلص الاجراءا وروح مارس هوايتك |
رد : تعالوا نفكر بعقلانيه/الزوج الدلوع؟! الحل
كوني له جميع الشخصيات الي يحبها خارج المنزل
احتمال هذا الشي ما وجده فيكي |
رد : تعالوا نفكر بعقلانيه/الزوج الدلوع؟! الحل
-
هل الخيانة وصلت للزنا انتي تقوليين وصلت للمقابلة انسان لايبالي خاين لايوجد عنده حس بالمسئووليه اقتباس:
بتفكير شخص عمره 15 |
رد : تعالوا نفكر بعقلانيه/الزوج الدلوع؟! الحل
ثقتك الزايدة في نفسك وانشغالك عنه ممكن سبب خيانته
هذا حال الزوج أو الزوجة اذا ما اتشبعت عاطفتهم في بيت الزوجيه شيء أكيد راح يدوروا تعويض النقص برا هالبيت طبعا البعض وليس الكل لكن مايصح انك تتكلمي ع خلقته وشكله لأنها من الله .مهما كنتي زعلانه منه.مدري ليه حسيت كلامك قاسي وجارح بس نصيحه من اخت دام بينكم اطفال ودام زوجك طيب وحنون العني ابليس وسامحيه وحاولي تهتمي فيه وتعدليه عشان اولادك وصدقيني هذي نزوه وبتروح باذن الله وهذا ترى حال ازواجنا مع تطور وسائل التواصل والانفتاح.الله ييسر امرك يارب ويسخره لك... |
رد : تعالوا نفكر بعقلانيه/الزوج الدلوع؟! الحل
الله يساعدك ويكون بعونك
لن يشعر بمعاناتك العظيمة إلا من عاش الدور الذي كنتِ تعيشينه دور الأم والأب معاً ودور الزوجة التي تضطر أن تكون أماً لزوجها لأنه لايريد أن ينضج ويكبر ويلتفت لبيته وأولاده الزوج الغير مسؤول زوج مؤلم نفسياً ومنهك جسدياً لزوجته تشعر المرأة معه أنها متزوجة من نفسها وتقوم بنفسها والمشكلة حين تكون امرأة لاينقصها شيء فتضطر أن تعيش تحت وطأة ظروف تجعلها تقنع وتسكت بأي شيء من أجل أطفالها عشت سنوات من القهر وأنا أحاول أن أتغافل عن زلات زوجي وسلبيته وأنصرافه لملاهيه حاولت أخلي المركب يمشي حتى جاءت الطامة التي جعلتني أتخذ القرار الحازم جأتني فترات بدأت فيها أشعر بأني أفقد أنوثتي وأفكر كما يفكر الرجال بالمستقبل والتدبير ورسم الخطط والسعي لتأمين مستقبل العائلة والأولاد لكن يد واحدة لاتصفق وخاصة إذا الطرف الثاني غير متعاون وغير جاد وإتكالي وعايش حياته وجوه وأنتِ حارقه بنفسك والله ما ألومك على لهجتك وقسوتك التي عاتبك البعض عليها أنتِ تتحدثين من عمق الآه من تحت وطأة المسؤولية المنفردة وليست المشتركة ياعالم لاتلوموها الحريم عايشات معززات مكرمات عند رجال حقيقين مهتمين بأولادهم ساعين بكفاح لتأمين مستقبلهم مهتمين بزوجات تجدي الواحدة منهن تستحقر أن تقول للرجل شكراً ويعطيك العافية ومع ذلك معززه عنده ومكرمة كله إبتلاء واللهم لا أعتراض لكن من لم يجرب معنى حياة الزوجة الوحيدة في ظل زوج وجوده زي عدمة لايعتب عليها ولايقول مقصرة معه هو طبعه كذا رجل بعقلية مراهق رجل مغزلجي حاب يعيش الجو ومفتون بالنساء أيش بيدها تسوي..؟!! أنا ممكن أنصحك زي نصيحة الغالية أم خالد الله يسعد قلبها وهي تبغاك ما تشتتي شمل اولادك أنك تعيشي حياتك وتعتبريه برستيج إجتماعي مثل مايقولوا الحريم الصبورات حوالينا أو تعتبريه ظل ورجال في البيت وأب يظلل على أولادك بس الشعور النفسي قااااااهر والضغط النفسي مدمر للصحة لأنك شخصية حارة وعملية وماتحبي الحال المايل ماراح تقدري تسكتي وتكملي فأيش تعملي بها الحالة ...؟!! تجدي استراتيجية للتعايش معه تريحك في وقت من أوقات حياتي كثير قالوا لي ياسيدة أعتبريه باب خيش يعني رجل والسلام وإذا طول بالسهر قفلي باب الفيله وحطي المزلاج وينام بالملحق لحد مايفوق من سكرته ماقدرت أتحمل أكثر نفسي طقت من التعامل معه وكأنه أحد ابنائي والمشكلة أكبر مني بفرق كبير المفترض هو إلي يربيني ويعلمني ويوجهني ويزرع بداخلي الأخلاقيات وكنت قد بدأت بالتعايش لكن أتى بالبدع توته لاتصيري سلبية وقفيه عند حده وأبلغيه يا يتعدل ويصير رجال زي الرجال يا أنك راح تنفصلي عنه لو من باب التهديد والتأديب فقط وقولي له أنا موقادرة أربي عيالي مع أب بمثابة قدوة غير صالحة وممكن يأثر عليهم خليه يصحى أعطيه القرار بيده وهو المسؤول بعد كذا ويتحمل تبعات أعماله لاتفكري بالإنفصال قبل أن تمنحيه فرصة واثنين وثلاثة عشان خاطر أطفالك أنا لو زوجي كان مايسكر كنت راح أجد لي استراتيجية جديدة للحياة معه والتأقلم بشرط أكون مرتاحة بس ماترك لي فرصة , جاني بشيء ما أقدر أتعايش معه ويهدد آمان أطفالي وأنتِ عارفة الخمر ومايفعل لذلك أبحثي عن طريقة لتأديبه والتعايش معه أنت فكري فيها بعقلك وشوفي أيش مكاسبك من بقائك معه...؟!! صدقيني حنا كسبانات أولاد وإستقلالية وبيت نعيش فيه بدون محد يقول لك مايصح تعيشي لحالك بوسط هالمجتمع الي بعض عيناته مريضة وتحارب المطلقة وتمنع إستقلاليتها حتى لو أهلها متفهمين وراضين أسأل الله أن يعينك ويهديه لكِ |
رد : تعالوا نفكر بعقلانيه/الزوج الدلوع؟! الحل
اختي
انتي ليه معطيته وقت ياخذ راحته؟ اسلوبك معه مشجعه يستمر بمراهقته نصيحتي باختصار اشغليه , لاتسوين كل شي يخص الاولاد او المصروف او المشاوير حاولي تبينين انك موب حريصة كثير على الامور المشتركة بينكم , لكن شبي عليه يقوم بواجباته يافلان سو كذا , وين الغرض الفلاني , ودنا , جبنا نبي كذا وكذا, لو اذا طلع تخربين الثلاجة وتتصلين عليه تعال ثلاجتنا خربت والاكل بيخرب وووو عشان ينشغل ويرهق ولايكون عنده وقت للخرابيط. خلك حنانه و مشغلته دايم, ادري مو شخصيتك لاكن اذا ودك تغيرينه وتمشي حياتك لازم تظهرين بالشخصية هذي قدامه. الطلاق انا ضده تماما دام فيه أولاد. والاصلاح ممكن دائما لكن يبيله شوية دهاء وكيد نساء. عندك عيال منه؟ ممتاز ,,, اشغليه فيهم , ضخمي تعبهم او احتياجاتهم له , خليه يقوم بكل شي ممكن ركزي في كثرة مطالباته بهالامور والتكرار عليه. اذا طلع اتصلي عليه كل شوي, وينك ووين رحت ومتى بتجي , وجب لنا معك كذا وكذا.. نوعية زوجك مايصلح له الا شخصية المرأة اللي كذا..المرأة الاعتمادية عليه..فإما أن يتسنع ويشيل مسؤوليتها ومسؤولية بيته والا ينحاش ويطلق...ان طلق ساعتها الذنب ذنبه.... شخصيتك الحالية امراة تتحمل مسؤولية وكأنها رجال وتقوم بكل شي وعندها حس عالي من المسؤولية تخلي رجال زي زوجك يتمادى في أن يعيش مراهقته ويعيش حياته وينبسط والحمدلله عندي زوجة ضامن اخلاقها ودينها وضامن انها بتشيل البيت والعيال. يوم اكتشفتي مكالماته وعلاقاته اكبر خطأ أنك تطنشين بحجة ان البنات مو بذاك المستوى او ان ذوقه غبي ,,, لاغلط, الخيانة خيانه سواء مع وحده شينه او ملكة جمال, غلط تحتقرين هالامر وماتهتمين , هذا تشجيع ضمني له. مفروض تقلبين الدنيا على راسه وتهاوشين وتزعلين وتبينيين له ان هالامر خطير دينيا واجتماعيا وقوليله وش يكون شعورك لو اتعرف على رجال واجلس اسولف معه واسوي معاه علاقه؟ ترى أنا لي مشاعر وعندي كرامة. اعانك الله |
رد : تعالوا نفكر بعقلانيه/الزوج الدلوع؟! الحل
اقتباس:
اقتباس:
وخدامه . ومستشاره.. وممرضه.. واخر الليل رقاصه .. اكثر من كذا وش اسوي؟! اقتباس:
|
رد : تعالوا نفكر بعقلانيه/الزوج الدلوع؟! الحل
اقتباس:
اقتباس:
|
رد : تعالوا نفكر بعقلانيه/الزوج الدلوع؟! الحل
اقتباس:
العاهات اللي يغازلهن عشان يحس بتفوق.. وحاليا لقى وحده .. اتوقع حبيبته منذو مبطي.. هاللي خلاه يتغير حيل الفتره الاخيره .. وخلاني خلااااااااص .. بموت من حركاته.. يعني ................... انا متحملته عشاني زوجته وام عياله ..وهو جنه ونار.. انتي وش حادك عليه؟!! المصيبه انها متزوجه ومنحله .. هاللي خلاني اشك ان علاقته الاخيره فيها مقابلات .. لانو تغير علي تغير واضح وقوي.. |
رد : تعالوا نفكر بعقلانيه/الزوج الدلوع؟! الحل
سيدة الموقف .. ياشيخه روحي الله يسهل امرك ويوفقك وين مارحتي<<دعوه من قلب قلبي
من جد جبتي كل الكلام اللي عجزت اشرحه.. صعب اني اعيش الدورين.. وخصوصا .. ان طبعي فيه انوثه وحابه انوثتي مابي استرجل .. مابي اشيل هم ليه السخان خرب .. ومتى بيصلح بعد حن وزن .. وبالاخير انا اللي اتفق مع السباك .. وهو بس محتاجين زوله انه رجال بالبيت.. كرهته لما اجبرني اتعامل بخشونه .. واشيل اشياء مو من مسؤلياتي.. وبالاخير .. يوووه نسيت اصرف عطيه وانا اعطيك بعدين .. !! وهلم جرا |
رد : تعالوا نفكر بعقلانيه/الزوج الدلوع؟! الحل
يابوهتان وانا اختك .. ماخليت عليه قاصر .. ناشبته .. لين شيبت رموشي..
حنيت عليه .. لقيته ينحاش.. يقفل جواله.. يتحجج .. هو دبلوماسي.. ابشري حبيبتي.. اللي تبينه.. والله اليوم ماتتخيلين وش صار.. ابد بكره واللي تبينه يصير..!! ويجي بكره واللي بعده واللي بعده .. والخ حرق اعصابي.. طاح شعري من كثر التوتر والقلق .. يعني مو معقوله عيالي يتراجفون من البرد مافيه ملابس شتويه.. وهو كل يوم يأجل .. حاولت اضغط على نفسي جلست اسبوع.. وانا احن وراه.. احنن قلبه بيوم.. اهاوش بيوم.. وهو مماطل .. وابشري.. لين بغيت اصلع .. ويجيني الضغط.. وخصوصا ان اطفالي مره صغار.. مايتحملون.. قلت يابنت الزم ماعليك صحتك! اتعب يديني ولا اتعب قلبي..!! كلمت السايق ورحت للسوق وشريت لهم.. وجلست مطنقره كم يوم.. ولاجاب خبري ورحت لاهلي .. عجزت اتحمل.. !! شيء من مجموعه اشياء تراكمت لين .. حسيت ان هذا القرار الاحسن. الطلاق. وارجع اطالع لعيونهم لاقالوا .. وين بابا .. يلا نروح بابا .. انكسر .. ورب البيت ان على كبريائي ومسويه ولاهمني..انكسر.. احس بالموت.. ودموعي تنزل بدون ما ادري.. احس اني شريره !! وافكر بنفسي.. !! مومعقوله بعيش بضغط نفسي.. !! االباقي لي من عمري |
رد : تعالوا نفكر بعقلانيه/الزوج الدلوع؟! الحل
توته
حاسه فيك عشت فتره بسيطه مع شخص كسول وبخيل حسيت بالكسر والوهن لكن دام عندك اطفال الجو الاسري صعب تعويضه وهنا يجي دور تضحيتك لان حتى لو تطلقتي راح تتحولي الى رجل اكثر بالاضافه الى ضغوط المجتمع وعيونهم المتسلطه عليك والف شخص يتحكم فيك سوي الي تقدرين عليه وقومي بنفسك وعيالك وعطي زوجك حقوقه وكثير عايشات زيك الله يعينك امني بيت لكم |
رد : تعالوا نفكر بعقلانيه/الزوج الدلوع؟! الحل
اقتباس:
انا ادور حل .. ما ادور عذر للاستسلام !! |
رد : تعالوا نفكر بعقلانيه/الزوج الدلوع؟! الحل
اختي اقسم بالله العظيم كأنك تتكلمين عن حياتي سابقا بالضبط بكل تفاصيلها
لكن الاختلاف اني رفضت انجب لنفس الاسباب اللي ذكرتيها ماحس بجديه او حمل مسؤوليه ابدا ونفس المواصفات حنون وصبور ومعجب ورومنسي لكن .....!!!! لاتعليق باستثناء الخيانات لاني لا ابحث ابدا ولا اشك فلا اعلم والله اعلم سؤالي هل كان مصيري سيكون هو وضعك الان ...؟! |
رد : تعالوا نفكر بعقلانيه/الزوج الدلوع؟! الحل
والله نفس المعاناة طاح شعري كله من القلق والتوتر وانا ماانجبت اطفال
حلف ووعود كاذبه وهذا شي هز الثقه تماما احس اني ارهقت نفسي في ارضاءه وتدليله واتعبتها احس اخذت دور المرأه والرجل وهالشي اتعبني كثير احس انه يحب نفسه اكثر من اي كائن حتى لو يحبه نفسي اولا ومتعتي وترفيهي اختي اقرأي مواضيعي نفس الوضع لكن تم الانفصال |
رد : تعالوا نفكر بعقلانيه/الزوج الدلوع؟! الحل
اقتباس:
ماترددت لحظه بالطلاق.. اهلي قبل يصبروني توه جديد .. وماعرفتي له .. وانا كنت عميا فيه ماشووف عيوبه بهالوضوح .. الحين يصبروني .. تو العيال صغار ما تعلق وحس بمسؤوليتهم يبيله وقت.. احس راح عمري وانا اطلع له اعذار ..هو فيه خير مو سيء.. كما ذكرت لكن جوه مايعجبني .. نظامه يستنزف طاقتي .. تفكيري .. احاسيسي .. بدعوى انه طيب وحنون.. ابي استراتيجيه اتعامل معاه فيها .. مابي ارجع من بيت اهلي وانا اتخبط .. هذا ان رجعت؟! حاليا استخير ؟! مع نفسي مو متقبلته .. بعد حركاته الاخيره .. فقدت الثقه من ناحيته والاحترام؟! واكبر مصيبه ان المرأه تفقد الثقه والاحترام .. برب الاسره وقائدها.. ماني شايله هم الطلاق .. اقدر اعيش وانبسط انا وكتاكيتي من دونه.. واحلى عيشه لكن وبعدين هالصغار بيكبرون ومحتاجين رجال .. محتاجين اب .. فعشان هالصغار متردده .. مابي التفت للورى واقول كان فيه طريق وماسلكته..!! |
رد : تعالوا نفكر بعقلانيه/الزوج الدلوع؟! الحل
انا ماكنت احس بالامان ولا الثقه ابدا رغم اني كنت اعيش حب كبير
صحيح طيب القلب حنون وصبور لكن في الامور المصيريه والمسؤوليه سنتين ونصف ماقدرت اغير فيه شيء فعلا وصفك بليغ استنزف طاقتي بشكل كبير بدت امراض المعده تدهر هههههههههه انا كنت موظفه ووظيفتي مرهقه ومتعبه نوعا ما فتعبت ارضيه واخدمه مع عملي طاقه وجهد عظيم لان الامور الماديه مافي اي تقدم وعجزت احاول اخطط معاه واحاول ارتب حياتنا فوضويه في كل شي حتى الامور الاساسيه فماتخيلت الوضع مع اطفال راح يكون قاتل مميت ههههههههههههه اختي اكتبي بالنت النمط الجنوبي واقري عن هالنمط يمكن تستفيدين |
رد : تعالوا نفكر بعقلانيه/الزوج الدلوع؟! الحل
ملاحظه كان برا البيت ومع الناس قمه كامل في كل شي كرم وشهامه وايثار على النقيض تماما
هذا الم ووجع بحد ذاته !!!!!! |
رد : تعالوا نفكر بعقلانيه/الزوج الدلوع؟! الحل
المستجدات:
لي يومين وانا استقبل منه رسايل دعاء واستهزاء.. وتغير ملحوظ باللهجه والاسلوب مدري مين اللي قاله انو لازم تهينها عشان تطيعك ؟؟ ويهدد بانه يتزوج لو انا مارجعت لعقلي .. وخليت عني الاوهام .. والمثاليه الزايده؟ انا مارديت عليه .. تتوقعون تهديداته حقيقه ؟؟ مع ان طول سنوات عشرتي معاه ؟؟ للامانه عمره ماقل ادبه لهالدرجه .. خصوصا انو انا انسانه .. ماحب نظام اللحوج والمرادد ؟ فماله مدخل علي انو يسب.. بس الحين تغير الوضع وصاير الرجال يرسلي بثقه.. انو مين انتي ؟؟ اللي تتركيني كذا وانا اوريك ؟؟ والخ؟ هل مل من الوضع ؟ مظبط نفسه ويبيها مني كلمة اتركني؟ هل تهديداته حقيقه ؟ يعني بدال لايسنع وضعه استزفت زياده ؟! الحل؟ |
رد : تعالوا نفكر بعقلانيه/الزوج الدلوع؟! الحل
ربما الغرور والثقه بحبك له و انك لن تتركيه
قد تكون فعلا تهديداته حقيقيه الحل لاتتواصلي معه فتره طالت او قصرت ولا تطلبي الطلاق ابدا لانه اتضح من كلامك تهوره وثقته بنفسه |
| الساعة الآن 04:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©