|
عدم اهتمام زوجي هل يحق لي أن أزعل منه؟
السلام عليكم
طبعا عارفين موضوع فشل التلقيح الصناعي واتفاقي مع زوجي علي الحقن المجهري بعد 6أشهر بعون الله .. طبعا هذا الاتفاق من خلال رسائل الواتس لأنه في دوامه له يومين .. عموما البارح ماقدرت انام من الام شديدة في بطني حسيت اني بموت من الالم وارسلت لزوجي كذا رسالة اشتكي له من الالم واتمني وجوده بجانبي واخبره اني احس اني بموت من الالم .. توقعت انه يزعجني باتصالاته حتي ارد عليه ويتطمن علي او حتي يرسل لي كم رسالة يطمن علي ويظهر لي خوفه وقلقله علي .. لكن ماتصدقون انه ولا شي من هذا صار ماعدا رسالة واحدة بعد ماصحي الساعة7سألني فيها انا صاحية؟ ههههه بصراحة انصدمت وبعد ماصحيت وشفت الرسالة سألته اذا بيجي الليلة ولا اروح لاهلي قالي كلمة واحدة قال روحي حتي ماسألني كيف بطني اليوم .. لهالدرجة انا ما اهمه ولا قلق ولا خاف علي.. برأيكم مايحق لي ازعل منه واتضايق ؟؟؟ انا بصراحة بعد ماشفت بروده وعدم اهتمامه جلست أبكي سبحان لهالدرجة أنا ما استاهل شي منه !!!!! مستجدات الرد 29 http://www.66n.com/forums/showpost.p...9&postcount=29 مستجدات الرد44 http://www.66n.com/forums/showpost.p...6&postcount=44 |
رد : عدم اهتمام زوجي هل يحق لي أن أزعل منه؟
وصار شي قبل 5ايام تقريبا .. كان في تقديم في الخرج علي مستوي وظيفي افضل من وظيفته الحالية بدرجتين وشفت ندمه علي انه مايمديه يقدم فيها .. طبعا هو كان يقدم طلب لاخوه عشان عنده واسطة بنفس مكان الوظيفة يبي يتوسط لاخوه .. طبعا هو قالي بصراحة فرصة بس ماراح اقدم .. فرحت علي بالي بيقول عشاني توظفت قريب منك وما ابي نبعد عن بعض ثاني .. لكن انصدمت انه يقول ما راح اقدم علي الوظيفة لانها واحدة بس وابيها لاخوي خاصة ان عندي واسطة .. قلت له يعني هذا بس اللي مانعك ؟ قال ايه .. بصراحة انصدمت برده .. لهالدرجة ما اهمه .. وانا اللي اضحي واقدم كل شي عشانه ..
|
رد : عدم اهتمام زوجي هل يحق لي أن أزعل منه؟
عليكم السلام أعرف مشاعرك وتتمنين الأهتمام والسؤال ولكن سبق حُكمك علمك فنزل دمعك وأنتهى أمرك ولايحق لك الزعل |
رد : عدم اهتمام زوجي هل يحق لي أن أزعل منه؟
حبيبتي لخبطة الهرمونات تخليك حساسة حبتين
يا امي انا معاه في بيت واحد واذا مرضت جاب لي عشاء من برا وطلع مع اصحابه ياقلب لاتحزن |
رد : عدم اهتمام زوجي هل يحق لي أن أزعل منه؟
اقتباس:
|
رد : عدم اهتمام زوجي هل يحق لي أن أزعل منه؟
اقتباس:
|
رد : عدم اهتمام زوجي هل يحق لي أن أزعل منه؟
اقتباس:
صبرت علي عدم الاستقرار لمدة أكثر من سنة بالرغم من انه وعدني في الخطبة ان نقله مضمون .. وقلت مو مشكله أصبر لحد ما الله يفرجها.. حاولت أنقل لمدينته اللي كان موظف فيها بالقطاع الخاص مع اني مشترطة عليه اني ما انقل وقالي مو مشكلة انا انقل عنده..وهو لحد قبل 5ايام كان يفكر يبعد عني مرة ثانية لولا ان الوظيفة واحدة ويبيها لاخوة.. ساعدته ووقفت معه ولاتقولي انتي تمني .. انا ما امن هذا زوجي ولازم اوقف معه بس ينسي كل شي قدمته له بهالسهولة .. وما يوقف معي لما احتاجه ولا يفكر فيني ولا يسأل عني .. هذي صعبة وراح تترك أثر كبير فيني للأسف.. |
رد : عدم اهتمام زوجي هل يحق لي أن أزعل منه؟
…………
تعرفين وين (المشكلة) …؟ المشكلة ان عندك (صورة) معينة لردات فعل زوجك (تحبينها أنتِ) و تتصورين أن زوجك راح يعبر لك عن حبه و اهتمامه بنفس (الصورة) و الحوار اللي يدور في (مخيلتك) …علشان كذا تنصدمين …… هو زوجك و عنده مواقف تدل على (مكانتك) عنده و (حبه) لك … بس هو يعبر فيها بطريقته الخاصة لانكم مختلفين في التفكير و الرؤية … بالنسبة لمرضك معك حق كان من المفترض يسالك على الاقل عن حالتك *بعض الامور حاولي تعوديه عليها لانك (تحبينها)منه بطريقة لطيفة غير مباشرة و ( ذكية) … *بالمقابل فيه اشياء (أنتِ) تعودي عليها منه علشانه يحبها و من أطباعه خاصة إذا ما تسبب فجوات و مشاكل *و بعض الامور اعيدي النظر فيها مرارا لان ( ربطها بالاهتمام و الحب) لا يستحق صراحة / كالوظيفه بالعكس شوفيها بالمنطق أكثر من العاطفة … و لا تربطين كل شيء بحبك و اهتمامك ربي يوفقك و يسعدك |
رد : عدم اهتمام زوجي هل يحق لي أن أزعل منه؟
اقتباس:
تدرين الصدمة اني اشوف ردة فعله من زعل اخته من زوجها وكيف انه يطلب من اخته كيف تعامل زوجها ويقولها ان زوجها يحبها ومستحيل يفرط فيها ومحاولته انه يكلم زوجها ويوصيه علي اخته وكيف انه مهتم بأخته رسايل واتصالات واهتمام وانا مالي شي من اهتمامه .. انا ما اقارن عشان ماتقولي لي لاتقارني وعارفة ان هذي اخته ومسؤولة منه بس أنا وين موقعي من الاعراب!!! |
رد : عدم اهتمام زوجي هل يحق لي أن أزعل منه؟
اقتباس:
و ماني ضدك في رغبتك للحب و الاهتمام لانه شي تتعطش له النفس أنا جالسة أشرح لك أنه أنتِ عايشة مع إنسان يختلف في التعبير عن الاهتمام ( عنك) بالاضافه لانك ( تتوقعين) منه أمور عاطفية ماهي من طبيعة شخصيته … و اذا ما صار نفس ردة الفعل اللي متخيلته ( تنصدمين) موافقته على التلقيح الصناعي هذا دليل على حبه لك و انه حاب يرتبط فيك ( بطفل) و يشاركك في تكوين ( أسرة) و أنك تكونين ( أم) لابناءه إن شاء الله رغم انه كان مصر ما يسويه …… و اذكر انك كتبتي انه يتحمل الروحة و الرجعه يوميا لعمله (علشانك) هذا مو رغبة منه في البقاء ( بجانبك) ؟ انت تعرفين الرجال يهمه منصبه الوظيفي كونه ( مسؤول) عن بيته حتى لو انك تساعدينه يظل مسؤول … و بعض الفرص ما تجي بالسهولة فاتباع. المنطق فيها أفضل من اتباع ( العاطفة) و انا قلت لك اللي (تحبينه) منه من طرق للتعبير العاطفي حاولي تعودينه عليه بشكل غير . مباشر بنفس الوقت راعي اختلافه عنك لان واضح انك ( رومانسية و رقيقه الشعور) وهو اقل من الناحية هذي وين موقعك من الاعراب؟ أنتِ شريكة حياته تشاركينه تفاصيل كثيرة و تشوفين عيوبه و حسناته / طيب قبل زواجك كنت تتعاملين مع الزميلة مثل الاخت؟ احيانا تتجملين قدام صديقاتك و تحاولين تخفين جزء من صورتك عندهن لان وقتكم مع بعض محدود لكن اختك غير تشاركك تفاصيل اكثر و تشوف صورتك الكاملة … كذا انت و زوجك و زوجك و اخته … و هذا ما يمنع انك تاخذين منه نصيب من الاهتمام و السؤال حاولي تشوفين لك طريقة مناسبة ما ينفر منها تعودينه فيها بذكاء على انه (يكثر) من السؤال عنك و يظهر اهتمامه … فيك بطريقة تحبينها حاولي ما تربطين كل موقف ( بالاهتمام) و لا تخلين العاطفه نظرتك لكل موقف () العاطفه لها وقتها و كل انثى تحتاجها و المنطق ( قائد) القرارات …… |
رد : عدم اهتمام زوجي هل يحق لي أن أزعل منه؟
اقتباس:
كلامك ممتاز .. وتحليلك رائع .. بس كل اللي سواه لي وعشاني يبقي واجب عليه ومن ضمن مسؤولياته .. بس اللي سواه معي البارح وهو عارف ان ماعندي أحد وتعبانة وأتألم وفوق كذا ما يسأل عني لو برسالة .. قبل قليل اتصل ليذكرني بأن السيارة التي ستوصلني للدوام ستمر مبكرا وطلب مني اتجهز مبكرا والله حتي ماقال السلام عليكم ولا سأل عني الا سؤاله هل انتي في البيت أو عند أهلك .. طبعا أجبته انا في البيت فذكرني بالسيارة وقفل .. ماذا عساني أن أقول!!! |
رد : عدم اهتمام زوجي هل يحق لي أن أزعل منه؟
وعلي فكرة اتوقع اللي خلاه يتصل لاني حذفت جميع برامج التواصل الاجتماعي .. مالي خلق اتواصل مع أحد وبنفس الوقت هو سافهني يومني ولا كأني موجودة ..
|
رد : عدم اهتمام زوجي هل يحق لي أن أزعل منه؟
اتصلي انت اساليه كيف حاله
|
رد : عدم اهتمام زوجي هل يحق لي أن أزعل منه؟
اقتباس:
|
رد : عدم اهتمام زوجي هل يحق لي أن أزعل منه؟
هذا ردي على موضوع مرضك: ) معك حق كان أقل شيء يقول كيف صحتك؟ أو صرتي أحسن على أقل تقدير هذا شي ينحسب ضده اقتباس:
كنتوا قبلها بمشاكل؟ عنده ضغط عمل؟ توتر الجو بينكم بسبب موضوع الحمل؟ و بعدها انسحب و صار بعيد عنك لمدة يومين؟ طيب موضوع ( تذكيره) بأن سيارة دوامك بتمر مبكر أنت كان عندك علم بهالشي و هو يدري انك تدرين و اتصل علشان ( يذكرك) بس؟ أو متصل علشان ( يخبرك) انها راح تمر إن شاء الله مبكر بصفة إن ما عندك علم بهالشي؟ |
رد : عدم اهتمام زوجي هل يحق لي أن أزعل منه؟
الله يكون بعونك وعوني .. فرج الله همك
|
رد : عدم اهتمام زوجي هل يحق لي أن أزعل منه؟
ياحبيبتي الله يعوضك خير ويرزقك بالذريه الصالحه
حاسه فيك انتي طالعه من ازمه محتاجه زوجك يكون جنبك معنويا ويخفف عليك عشان كذا تلقيك متحسسه من اي كلمه واي موقف لكن هذا مو معناه ان زوجك مايحبك او مايهتم لك .. للاسف اغلب الشعب الخليجي كذا مشاعره صحراويه لكن انتي ﻻ تزوديها على نفسك بالتفكير بهذي الامور .. الله يعوضك خير يارب |
رد : عدم اهتمام زوجي هل يحق لي أن أزعل منه؟
اقتباس:
وفي شغلة ثانية اللي هي موضوع السيارة طبعا قدمنا علي سيارة جديدة دفعت مقدمها وهو راح يتكفل بالقساط طبعا بعد ما استشرتكم .. بس السيارة يبي لها اسبوعين عشان نستلمها .. بس خربت سيارته اللي نستخدمها وماعرفنا نصلحها فاستأجر سيارة دفعت تأمينها لان ماكان معاه فلوس راتبه سدد فيه دين وقفلناه وافتكينا منه ورجع جدد السيارة لاسبوع.. طبعا الاربعاء المفروض يسلمها بالليل فقلت له برسالة لان مابيننا كلام انا بغرفة النوم جالسة لحالي نفسيتي سيئة قلت له برسالة جدد السيارة لبكرة عشان دوامي وبعطيك حقها .. قال ماهمك الا نفسك اجدد السيارة دوامك مسافة عشر دقايق ولا همك دوامي مسافة250كيلو .. قلت له كلامك يضحك ماني مسؤولة عنك عشان اشيل همك بالعكس انت المسؤول عني وكلامك هذا عيب يقوله اي رجال .. وقلت له بدل ماتواسيني وتكون جنبي تسمعني كلام سم زي العادة مافي الا اختي قاعدة تواسيني لانها مانت معي علي الواتس وكانت تخفف علي وتواسيني .. قالي وش رأيك أوديك لها تواسيك من قريب .. بالله هذا رد واحد لزوجته وهي في امس الحاجة له .. حتي لو غلطت بكلامي تراني معذورة من الكلام اللي قاله ومن حالتي النفسية اللي انا فيها اللي ما كلف نفسه يواسيني ويوقف معي ابد... |
رد : عدم اهتمام زوجي هل يحق لي أن أزعل منه؟
اقتباس:
|
رد : عدم اهتمام زوجي هل يحق لي أن أزعل منه؟
اقتباس:
هذا هو الموضوع الأساسي إذن: ) ماهو مجرد ما سأل و لا اهتم هو نتيجة لسلسلة من التراكمات و الضغوطات اللي صارت في فترة بسيطة من ناحيتك أنت: رغبة في الحمل + شعورك بالاهمال كونه ما وقف معك بينما انت توقفين معه (و فعلا وقفاتك ماهي سهلة) + مرضك و عدم مبالاته و سؤاله و هو متحسس من موضوع السيارة انك اهتميتي بنفسك و ما اهتميتي فيه + يمكن حتى هو مأثر عليه موضوع الحمل لانه مهما كان هو الطرف ( الاضعف) في المسألة كونك سليمة + موظفة + كلامك بعد ما انفجرتي عليه بانه ( مسؤول) وهو في الحقيقة غير قادر على تلبية احتياجاته و معتمد عليك ممكن يعتبره جرح له يعني انتوا الاثنين متوترين …… كل واحد فيكم له اسبابه و جالسين تواجهون بعض بشكل غير مباشر بردود افعالكم … بما انك عند اهلك حاليا حاولي تريحين شوي انت تحت(ضغط) و دامك مضغوطة بتصير نفسيتك ( هشة) ريحي لك يوم يومين بعدها حاولي تكلمين زوجك او ترجعين لبيتك لان الموضوع محتاج ترتيب و صراحة و علشان تقدرين تتفاهمين لازم تكونين مرتاحة شوية و قوية علشان تتحملين و تقدرين تعبرين بانتباه و حطي باعتبارك ان الطرف الاخر ماخذ مواقف مثلك …… بس من زاوية ثانية هدي و ريحي بالك كم يوم بعدها ربي ييسر امورك |
رد : عدم اهتمام زوجي هل يحق لي أن أزعل منه؟
اقتباس:
|
رد : عدم اهتمام زوجي هل يحق لي أن أزعل منه؟
^
انت استاذنت منه و قالك روحي صح؟ فحسبت انك رحتي ^^ … حاليا ما عندي حل أختي غير اني اقول ربي ييسر امورك و يريح بالك و يفرج عليك … انت ريحي و انشغلي بعملك و اذا ما رجع زوجك بكرة اساليه اذا بيرجع او لا؟ ان ما رجع استاذنيه مرة ثانية و اطلعي لاهلك ريحي عندهم كم يوم و لا تجلسين تاكلين بنفسك و تركزين على زوجك و اهتمامه كذا بتزيد مشكلتك و كل يوم بيزيد تركيزك على امور صغيرة و تكبرينها و تضيفينها للمشكلة … و لا تطولين عند اهلك اعتبري نفسك ماخذه فترة نقاهه و راحة و راجعه …… |
رد : عدم اهتمام زوجي هل يحق لي أن أزعل منه؟
اقتباس:
|
رد : عدم اهتمام زوجي هل يحق لي أن أزعل منه؟
أنا أتوقع إن زوجك يتألم أكثر منك خاصة إنه سبب في موضوع الحمل
وربما يداري حزنه بالصمت والعروب من المنزل بدليل بقاؤه في العمل وطالما أنت تلحين عليه في الموضوع وتذكرينه كل شوي فأظن نفسيته متأزمة ومع ذلك أختي أنا مقدرة جدا لوضعك وألمك لأنه شيء طبيعي ولكن نصيحة لا تجعلين الحزن يسيطر عليك ولا تعلمين ما يخبئه الله في الغيب من خير لكما انسي الموضوع لفترة خاصة أن طبيعة النفس وكثرة التفكير في أمر مآ يمنع حصول المرغوب فتفاءلي بالخير واطري الغمة من بيتك ونفسك وعيشي مع زوجك في سعادة وكرري الدعاء إنا لله وإنا إليه راجعون اللهم اءجرني في مصيبتي واخلف لي خيرا منها . وأسأل الله أن يفتح لك أبواب الرزق |
رد : عدم اهتمام زوجي هل يحق لي أن أزعل منه؟
اقتباس:
مع هذا الرأي ... ماتمرين به طبيعي جدا فنفسيتك مشحونة وسيزول ، المهم لا تجعليه مسيطر عليك .. رزقك الله من حيث لاتحتسب .. |
رد : عدم اهتمام زوجي هل يحق لي أن أزعل منه؟
ياحبيبتي شكلك توك بالبدايه ماشفتي شي من للي شفناه لازم تقوين قلبك ولاتفكرين كثير ويازين التغافل عن حاجات كثيره عشان تريحين بالك وتعيشين مرتاحه لاتدققين كثير والتمسي الاعذار
|
رد : عدم اهتمام زوجي هل يحق لي أن أزعل منه؟
العلاقة صارت جدا متوترة بيني وبين زوجي .. جاء من الدوام له ثلاث ايام كل واحد لحاله .. كلامنا رسمي جدا ..ماني عارفة وش أسوي .. ما أبي أبادر ويمر موضوع عدم اهتمامه ويتعود علي هالوضع .. وما أبي أبدا تظل حياتنا كذا .. ما ادري كيف أتصرف أنصحوني..
|
رد : عدم اهتمام زوجي هل يحق لي أن أزعل منه؟
اقتباس:
مرحبا أختي الكريمة ، أليس أنت من بدأت وتحسست من موضوع عدم اهتمامه بك ؟! زوجك يتألم أكثر منك وذكرت هذا لك لهذا لايستطيع أن يواسيك كما تريدي ، وبعدها أرسلت له رابط عن العملية واتفقتم بعد ستة أشهر ، أرجوك توقفي عن العتاب واجعلي الموضوع يمر بسلام .. لا توتري العلاقة فوق توتركما ... عودي تكلمي معه لكن لا تأتي بسيرة أمر العملية إلا عندما يهدأ وتعودا كما كنتم وتناقشوا في وقت هادىء خاصةً موضوع حملك.. ربما يتكلم معك برسمية يظن بأنك ستزيدي عليه ، الألم شديد عليه لأنه الخلل به اعلمي هذا. . وفقك الله . |
رد : عدم اهتمام زوجي هل يحق لي أن أزعل منه؟
عاتبت زوجي برسالة استعطفته فيها .. وياليتني ما ارسلت له .. رد علي من فعايلك وتصرفاتك خلاص النفس طابت منك .. قلت خلاص ودني بيت اهلي عشان ترتاح .. قالي خليهم يجون يأخذونك لابارك الله في زوجة ماتحترم زوجها .. وانا جهزت اغراضي ومستنية يجي الصباح عشان اقول لاخوي يوديني لاهلي خلاص تعبت منه ..
|
رد : عدم اهتمام زوجي هل يحق لي أن أزعل منه؟
ابليس سعيد
ويتنطط من الوناسه اختي لا تتهوري تعوذي من ابلبس لانروحي لاهلك تراكي نكدتي على الرجال |
رد : عدم اهتمام زوجي هل يحق لي أن أزعل منه؟
أصدقك القول لم يكن الوقت ( مناسبا للعتاب) …
قلت لك حطي باعتبارك أن الطرف الآخر بداخله موقف تجاهك مثل ما بداخلك (موقف) تجاهه … معاتبتك له بمثل هالوقت المتوتر (غلط) و الف (غلط) كيف تعاتبين شخص ماخذ منك موقف و بداخله عليك كيف راح يقبل العتاب؟ بدون ما تحلين امورك و تكسبين رضاه بعدين تعاتبين بلطف علشان يتقبل اكثر … العتاب له وقته … واضح ان زوجك بداخله ضغط و انفجر … و كلمته انك ما تحترمين وراها سبب! ممكن لسا كلمتك انت المسؤول ماثره فيه … قدر الله و ما شاء فعل … مادري وش اشير عليك فيه … لكن نصيحة الحين ركزي على ( تصفية نفس) زوجك تجاهك اول و خلي موضوع الاهتمام الحين على جنب … شوي هدي نفسك و قبل لا تتكلمين باي شي فكري الف مرة و اختاري وقت صح ربي ييسر امورك |
رد : عدم اهتمام زوجي هل يحق لي أن أزعل منه؟
اللحين انت ايش سويتي له عشان قلك انك ماتحترميه .......
لو كنت محترمته وما قللت من قدره معناته يبغى يقلب الطاولة عليك يبغاك تجي تراضيه وانت ماقصرت معه ماديا وان شاءالله حتى معنويا ...لو كان زعله بدون سبب منك لاتعتذري ولا تطلعي من بيتك هوخليه لما يطق الا برأسه ويجي يعتذر |
رد : عدم اهتمام زوجي هل يحق لي أن أزعل منه؟
اللحين الكل يقول ان نفسيته تعبانه وما ادري ايش طيب هي مو نفسيتها تعبانه مين الا عمل العمليه ويضرب إبر تلعب بالهرمونات والتعب الجسدي يكون على مين والله لو كان السبب منك ليجلس يرمي عليك الكلام ولا بيقول مسكينه نفسيتها تعبانه ولا شي ....
|
رد : عدم اهتمام زوجي هل يحق لي أن أزعل منه؟
اقتباس:
نعم مع رأي تحت الظلال ، الله يهديك ياأختي الكريمة .. لا تتصلي على أخوك ولا تكبري المشكلة ، أنت لا تسمعين كلامنا ومالفائدة من المشورة؟! العتاب ليس وقته أبدا .. فرج الله همك .. |
رد : عدم اهتمام زوجي هل يحق لي أن أزعل منه؟
اقتباس:
قولي خيرا أو اصمت أختي الكريمة لاتؤججي مشاعرها، فلن تشعري بشعور من لديه مشكلة في اﻹنجاب .. احمدي الله عالعافية والصحة . |
رد : عدم اهتمام زوجي هل يحق لي أن أزعل منه؟
الا اشعر عندي بنت لكني من اربع سنوات لم احمل عندي مشكلة في الانجاب .... انتم الا تزيدوا عليها بكلامكم وتحملونها اللوم وهي ماسوت له شي ...هي كمان انسانه مثله وعندها احساس .... وانا ماقلت لها اطلعي من بيتك .... قلت لها اجلسي ولو كنت ماقللت من احترامك له خليه هو يجي وبيعتذر وين الغلط في كلامي
|
رد : عدم اهتمام زوجي هل يحق لي أن أزعل منه؟
اقتباس:
كلام بعض الاخوات جميل جدا |
رد : عدم اهتمام زوجي هل يحق لي أن أزعل منه؟
تعوذي من الشيطان و خليك في بيتك
اش تركتي للمشاكل الكبيرة ما اشوف شيء يستحق انك تخرجي من بيتك |
رد : عدم اهتمام زوجي هل يحق لي أن أزعل منه؟
اقتباس:
لا أريد تحويل الموضوع لنقاش أختي الكريمة احتراما لقوانين المنتدى وصاحبة الموضوع ... أليس هي فعلت العملية ولم تنجح طيب ماذنب زوجها ؟!!! أين أخطأ ؟! ولما يعتذر لها والخلل الحقيقي به ويشعر بألم لأن السبب ؟! كيف تريده يهتم بها في الوقت الحالي ؟! انصحي بعقلك ياأختي لاتزيدي ضغطا على مشاعرها فهو لم يخطىء أصلا ليس له ذنب ؟! أين إيمانها بالقضاء والقدر؟ ! لاتزيدي عليها ... هذه أول عملية وردة فعلها قوية جدا فما بالك لمن فعلت فوق العشرة !!! تصبر وتلجأ لله سبحانه أولا والصمت أفضل حتى يهدأ كلا منهما ، لا يحتاج أن يعاتب ... |
رد : عدم اهتمام زوجي هل يحق لي أن أزعل منه؟
انا مع كلام خواطر مكسورة
اجلسي و تفاهموا ووضحي لنا ماذا يقصد بكلامه؟ |
| الساعة الآن 02:05 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©