|
زوجي يلمح للزواج الثاني وانا السبب ..
صباح الخخخير جميعا ..
زوجي على وشك ينتهي من بناء البيت .. البيت اللي انا شريت ارضيته وشلت كامل مصاريفي ومصاريف اطفالي عشان يقدر زوجي يبني بيت الاحلام .. في الوقت اللي هو مشغول عنا اغلب اليوم جسديا وذهنيا وكل تفكيره منصب ع البنا والديكورات والعمال انا شلت هم فوق مقدرتي .. صارت مسؤولية ادارة اسرتي الصغيره على كاهلي .. فوق دوامي .. وللاسف اهملت نفسي من ناحية التزيين وحسن التبعل .. اهتم بس بنظافتي وتعطير جسمي وخلاص وصار عندي نفور من العلاقه اللي اساسا ماتصير اﻻ مره او مرتين بالشهر .. واذا صارت اتهررب بالحيل واحيان ارفض الشي اللي خلا زوجي يلمح لي اكثر من مرة بزواجه الثاني بسبب تقصيري ! المشكككله اني ما اشوف هذا الشي مشكله ! حاسه اني زاهده بزوجي وبحقي فيه !! قلت له رجع لي فلوسي كلها وانفصل عني جسديا وتزوج .. لكنه تراجع وقال انا احبك وﻻ راح اتزوج بس كنت ابيك تغيري من نفسك شوي .. الكلام هذا من ثلاث اسابيع وﻻ غيرت من نفسي وﻻ اصلا عندي استعداد ليه ماااا ادري ! وكل شوي اسرح بخيالي انه تزوج وانو انا وعيالي مستقرين بشقه لحالنا وانو يجيب اغراضنا ويروح .. وعادي جدا ما اتأثر .. احيان اقول بنفصل عنه عاطفيا واتنازل عن حقوقي الزوجيه اذا تزوج .. واحيان اقول ﻻ انا انثى ولي غريزتي راح اخليه بعدل بيننا .. كل هذا وانا ماحاولت اصلا امنعه مع اني اقدر بس مادري ليهه مع اني احبه وربي واخاف عليه واحس اني اغار عليه .. احس زواجه علي خيانه من ناحية تضحياتي عشان يوقف على رجليه ويبني بيته لكن خيانه لي انا ك أنثى ماحسبتها كذا واقول عادي يتزوج دام وقفت رغبته تجاهي ليه مايعف نفسه .. حاسه اني راح اندم لو فعلا تزوج وبنفس الوقت ما غيرت من نفسي وكل مايلمح اقوله تزوج ربي يسعدك .. هل هذا الشي طبيعي .. طيب اعطوني اشياء تحمس للحياه الزوجيه .. احس خلاص مابي اكون زوجه يكفي اني اكون ام لاطفالي وصديقه لزوجي |
رد : زوجي يلمح للزواج الثاني وانا السبب ..
هههههههه تعوذي من الشيطان يابنت الحلال لاتخربي بيتك
لو تزوووج بتتحمسي وبتتزيني وبتحاولي ترجعيه له من اولها احسسسسسسن،، بس جد ماالومك البيت والعيال وكمان الوظيفه تهلك الانسان وتهدر طاقته اغصبي نفسك مره ومرتين ومع مدحه بيرجع لك الحماس فضي يوم لنفسك صرفي الاولاد عند بيت اهلك ،،سوي قناع ودلكي جسمك وخذيلك دش وتزيني وسويلك كوب عصير والبسي احلي لبس مو عشان زوجك لا عشان نفسك وشوفي كيف تبداء نفسيتك تتغير |
رد : زوجي يلمح للزواج الثاني وانا السبب ..
شكلك من الناس اللي ما تستوعب الصدمة الا متاخر
|
رد : زوجي يلمح للزواج الثاني وانا السبب ..
تري ان وافقتي او شجعتيه ع الزواج بتغير عليكي
شيلي من راسك سالفة كفايه اكون صديقه له الحين هو تفكيره فيكي انتي ورغبته بااتجاهك لاتخلي هالرغبه تروح لوحده ثانيه اعطي نفسك حقها انتي مو مربيه للاولاد وخادمه للمنزل وصديق للزوج بس انتي انثي بالنهايه ولك احتياجات ،،لاتزرعي براسك هالكلام |
رد : زوجي يلمح للزواج الثاني وانا السبب ..
حبيبتي اصحي
الفرصه ماتتكرر والرجل ماطلب مستحيل تزيني وحسيي نفسك عروس كل الحريم موظفات ويشاركون ويعاونون بس مازهدو باشكالهم روحي السوق واشتري ملابس حلوه وماارخصها الحين شموع فواحات هديه له غيري مفرش السرير اصبغي قصي حطي ممياج |
رد : زوجي يلمح للزواج الثاني وانا السبب ..
طيب كيف .. احس اهانه لي اتزين عشان مايتزوج علي ! عجزت ابلعهاا ..
ع الفكره انا مو طول الوقت محيوسه تجيني اوقات لما اكون رايقه اكشخ بس لي مو له .. يعني يكون هو برا او بدوامه اكشخ مع نفسي بعدين انام .. احس اذا بيتزوج عشان بس ماتزينت له بصراحه ماعنده سالفه |
رد : زوجي يلمح للزواج الثاني وانا السبب ..
وبتحسين باهانه اكبر ان تزوج عليك بسبب عدم اهتمامك وقله انوثتك
اتركي الكلام وابليس الي يلعب عليك لاتتزيني اهم شي كرامتك هذا زوجك ان ماتزينتي له تتزيني لمين حنا خواتك وننصحك الله عطاك هالفرصه استغليها وانتي معترفه مقصره معاه بعالنقطه الرجال ان نالقى زوجه متزينه له وين يروح لازم يعف نفسه حرام جهدك وتعبك يروح بسبب هالنقطه حبيبتي تزيني واكسبي زوجك شوفي الحريم هنا الي تدخل دورات تبي تفهم زوجها والي يخونها وصابره واقري موضوع لمسه شارط عليها تتنازل عن حقوقها وبترجع لبناتها ساعتها بتحسين بصغر مشكلتك وسهوله حلها تزيني وانا اختك وغيري بنفسك ترى واجد بنات تتمنى تتزوج بس لتززين لزوجها وترضيه |
رد : زوجي يلمح للزواج الثاني وانا السبب ..
لاتفكرين ان الرجال اذا تزوج ثانية بيعدل ،،أبداً أنسي هالفكرة ،، اذا انت الان مو متقبلة فكرة انك تهتمين بنفسك عشان تحافظي عليه كيف راح تتقبلي فكرة انه عنده حياة ثانية أنت مو فيها عنده زوجة وأطفال وأسرة،، وطبيعي راح يميل للي تهتم بنفسها وتبرز مفاتنها عنده،، نصيحة خذي الموضوع من باب انك باهتمامك بنفسك راح تحافظي ع استقرار اسرتك وع استثمارك في بيت العمر ،،وشوي شوي مع الوقت راح يصير عادة عندك ،، لاتضيعي زوجك من يدينك بسبب كبرياء أعمى..
|
رد : زوجي يلمح للزواج الثاني وانا السبب ..
ياما حريم نكديات ماتعرف الكشخه و المكياج الا اذا كانت معزومه أو رايحه لعرس أهم شي في حياتها أهلها و اولادها بس و هالزوج معتبرته ماكينة صرافه لا تعرف تهتم و لا تدلعه و لا حتى تقوله كلمه حلوه تطيب خاطره إذا أتصلت عليه تقوله بالامر جيب خضره و جيب حليب و جيب و جيب وجيب وإذا دخل بيته يبغى يرتاح بس يلاقيها تصررررخ على العيال و حايسه معهم و بدراستهم لا جات تنام تقوله ترى تعبانه عيالك دوخوني و تبدأ تحن و تشكي مشغوله عنه ماتدري عن الرجال و لا تسأل فيه ........................................ يابنت الحلال مابين الرجال و زوجته كرامه أو كبرياء كل هذا حكي فاضي أصلاً من طبع الأنثى التزين و التجمل بس بعد الزواج يزيد اهتمامها بنفسها لزوجها حلو زوجك يشوفك حلوه و كاشخه دايما و متمكيجه مو إنتي تكشخين للدوام و لصديقاتك ليش ماقلتي مو حلوه أكشخ للبنات و ماأكشخ لزوجي ؟!! في النهايه كشختك لزوجك مأجوره عليها راجعي نفسك ليش معقدتها و ماخذه الحياة بتكلف و تعقيدات الحياة أبسط من كذا بكثيرررررررررر |
رد : زوجي يلمح للزواج الثاني وانا السبب ..
خارج النص : سبحان الله قصتس ذكرتني ببنت خالتي و خالتي من الرضاعة -الله أعلم إذا مالخبطت بينه وبين أخته- : هذي معلمة وجمعت و بنت بيت من راتبه لكن باسمه فتزوج عليه و تطلقت - لا أسقط وضعك و أقول طبق الأصل فقط من باب الاخبار- ، ثمن أخذت معدد مدري هي الأولى أو الثانية .. المهم هي تجي أحيان تسير تسلم قهوة يعني و بس ، فذيك المرة جتنا العصر كاشخة ومعه عياله و بناته ، وفي سياق الكلام المنقول لي تقول لأختي الكبرى فيما معناه : الله يجزى أم فلان خير- تقصد جارته - لأنه اليوم دور جارته فهي ترتاح تروح تتمشى و تنبسط لأنه أساسا مرتنا و هي بطريقه للحديقة . و بنت خالتي من خالة ثانية غير ذي و تصير بعد خالتي من الرضاع هي معلمة وزوجه أخلاق مب زي الأولى ، ومتدينة و يعني حليمة ماعمري تخيلت وجه إلا و ملامحه هادية ... المهم ذي بنت له من راتبه فلوس و عقارات و صارت الحمدلله موسرة ماشاء الله تبارك الله و لا حول و لا قوة إلا بالله ، المهم ... يعني كلنا استغربنا تزوج رجله عليه ؟ و بعد ما مر وقت يعني على زواجه بجلسة قهوة كانت أختي الكبرى تحاول تواسيه زي كذا ، بينما هي فاجأت أختي بكلامها فيما معناه : "الحمدلله ..أنا مقدر أعترض أو أقول شيء لأنه حلال وهو مب مقصر معي ..ما أجحد إني مرة-أنثى- أضيق و أغار بس بنفس الوقت ما أشوف شيء غلط أو حرام عشان أعترض ". زميلة لي ذكرت سالفة و هي تقوله بوجه شاحب .. كانت تتكلم عن فترة اختبارات بمستوى فات عنده ظروف حزن وعزى وبكى و أمه وكل البيت فماذاكرت ولا حلت ،وهي تكمل كلامه طلعت المتوفاة هي " مرت أبوهم " ؟ فيه مسلسل ثقافة الممثلين قروية .. كان الولد يزور "خالته " زوجة أبوه ؟ و يعطيه قروش و يسأل عن أخوه ، قامت الخالة تقول : " أحتسب أجره - هذي الفلوس- لبييك و ميمتك ". ^ طبعاً ما أقول هذولي من زمن الطيبين لا إن شاء الله فيه نساء طيبات بالزمن الحديث ، ولو كانت معظم قصص التعدد الجيد بضمير ودين سواء للرجال و النساء من الماضي ؟ لأن الرجال الحين مب زي أول يردعه عن الظلم دين و لا ضمير بنفس الوقت النساء الحين مب زي أول ، إلا من رحم ربي ... وعاد يله جيبي طريقة امتحان أو اختبار تضمن الخبيث من الطيب الله المستعان . يمكن من هنا كنت أشوف أن جانب الضمير بنفسك هو اللي متقبل فكرة التعدد . __________________________________________________ _________________ داخل النص : لازم تكتبين البيت و كل الحلال " باسمك " ، و لا تقترحين الزواج من نفسك انتبهي ؟ وإذا تزوج من نفسه لا تطلبين الطلاق ولاتكدرين عيشته امسكي بيتك وحبيه و حبي عيالك، بس كوني حريصة على مستحقاتك و عيالك المادية وهذا أهم شيء. "سبحانك اللهم وبحمدك أشهد أن لا إله إلا أنت أستغفرك و أتوب إليك" |
رد : زوجي يلمح للزواج الثاني وانا السبب ..
اقتباس:
كلامك صحيح زوجة زوجي الأولى كذا معاه بس هي مو موظفة ولاهية بالزيارات والطلعات وكل شهر تسافر لأهلها تقعد اسبوع اسبوعين وتغيب عيالها عن الدراسة ولاتتركهم عند ابوهم وتروح ،، واغلب أكلهم من المطاعم تسهر طول الليل مع صديقاتهم واحياناً تنام عندهم وبالنهار تنام ماتصحى الا العصر وماتعطيه حقوقه الزوجية عاد اللبس والكشخة ماادري عنها بس هذا حكية ولما تزوجني كل يوم تتهاوش معاه انا وش ناقصني يوم تتزوج علي ....؟! وتقوله ياليتك متزوج بنت بس مطلقه وعندها ولد وشي أحسن مني فيه وتسب فيني سب وكانت ترسلي مسجات لو فيك خير ماتطلقتي وتدعي علي ان انحرم من ولدي ..؟! وماارتاحت لحد ماطلقني وبعد سنتين رجعنا لبعض رجعت لنفس الموال إلى قبل كم يوم تقوله ياتطلقها ياتطلقني ،، مع العلم انه مطلقها مرتين وساكت عن الثالثة عشان البنات مو حب فيها وهي تعرف هالحكي ومع ذلك مصرة ع اسلوبها وطلباتها،، الله يكفيني شرهاا شوفي زوجات المعدد مو مرتاحين ولا هو مرتاح لاتفتحي ع نفسك باب جهنم |
رد : زوجي يلمح للزواج الثاني وانا السبب ..
اقتباس:
إذا لم يكن التزين مما يرغبه الرجل من المرأة وإذا كانت لا تسره إذا نظر إليها وإذا لم يكن الإعفاف من مقاصد الزواج فما هي مقاصد الزواج بنظرك , وما هو مفهومك عنه ؟ ومتى تشعرين أن عنده سالفه لو تزوج غيرك ؟ زوجك كان مشغول عنك ببناء بيتكم , وأنت تحملت مسؤولية الأسرة خلال هذه المده والآن انتهى ولله الحمد , والبعد الذي حصل بينكما خلال تلك الفترة انتهى أيضا ولله الحمد فلماذا الإصرار منك على استمرار الابتعاد , بالوقت الذي يجب أن تقتربا من بعضكما وتعوضا ما فاتكما ؟ لا أدري كيف ترين أن زواجه بأخرى خيانة لك رغم اعترافك بتقصيرك ؟ إذا كنت ترغبي بفرض إسلوب حياة على زوجك , يفرغ الزواج من مضمونه فلا تناقضي نفسك وتلومي زوجك . أنت الآن لا ترين مشكلة لو تزوج بأخرى , ولكن لو فعل سترينها أم المشاكل وستندمين أشد الندم . |
رد : زوجي يلمح للزواج الثاني وانا السبب ..
أنا مع أبو حكيم ...
يعني يجيك مرتين في الشهر وفوق هذا تتعذري .... تري الدعوه كلها روج ناعم وبودره ومسكره ورفعه بسيطه للشعر ولبس مغري حتى لو ساتر امام الاولاد بس يكون بالوان زاهيه تغري زوجك وبس وابتسامه لطيفه منك اذا دخل البيت ... واذا رحتو لفراشكم تحرشي بزوجك حتى لو مالك نفس والله ماتتخيلي تاثيرها ع الزوج وتعلمي فنون ال ج م ا ع. اقرئي وتثقفي بتتحمسي والكرامه ماهي بين الزوجين ... ..................... |
رد : زوجي يلمح للزواج الثاني وانا السبب ..
خلي العروس الجديدة تتهنى بتعبكم وانت احشري نفسك بشقة ، دمري كل تعبك وطموحك وطموح عيالك بكسلك وسوء تدبيرك !
قال إيه قال إهانة أتزين !!! الإهانة الحقيقية انك تستسلمين هالإستسلام المقيت. وتنسحبين بهالشكل ! مافيه أي روح تحدي أو مبادرة أو إيجابية !! مافيه حيوية حسيت وحدة ميتة وباااااردة قاعدة تتكلم !!! انت محتاجة صفعة تصحيك وتنبهك من غفلتك ! وأظن تحملك لمسؤليات أكبر من طاقتك أثرت على هرموناتك الأنثوية وقللت رغبتك الجنسية .. حولتك لشخص جامد بلا كيان حقيقي ، لا أنت رجل ولا عشتي أنوثتك صح .،. لازم تنسحبين من كل المسؤوليات اللي هي من واجب زوجك ، لازم تسترخين وتستعيدين طاقتك وحيويتك ، اقعدي مع نفسك في خلوة وراجعيها ، سوي أشياء مبهجة ومفرحة في الحياة ، عيشي عيشي عيشي ! ناظري نفسك بالمراية و شوفي قد ايش أهملتي نفسك !! قد ايش بشرتك تحتاج عناية وشعرك وجسمك و أسنانك وكل شي !! كل يوم تقدمي خطوة بسيطة في الإسترخاء و التجمل والأنوثة ، المهم دللي نفسك واستعيدي أنوثتك قبل فوات الأوان .. |
رد : زوجي يلمح للزواج الثاني وانا السبب ..
المشكله ماهي بالتزين وان يجيك مره مرتين بالشهر بالعكس ممكن تقبلها
المصيبه اللي منتي شايفتها انك زاهده فيه وهالشي راح ينعكس على تصرفاتك معاه يعني حياتكم فيها خلل |
رد : زوجي يلمح للزواج الثاني وانا السبب ..
في محرك قديم وخفي ودقيق مشكِّل شبكه كاملة على كل تصرفاتك و اتجاهاتك واهدافك ووجهها ومسيطر عليها
تبين تعرفينها اكتبي عن حياتك من قبل الزواج بشكل مفصل حتى الان وستري عجبا |
رد : زوجي يلمح للزواج الثاني وانا السبب ..
السلام عليكم
مع رأي الاعظاء و أزيد عليه: اذا تحبي أطفالك و بدك تحافضي على نفسيتهم لا تخربي بيتك ، الأطفال اكثر حساسية مما تتخيلين و بعدك و نفورك من والدهم رح يأثر عليهم سلبا ، و ممكن مستقبا يكررو نفس الخطأ لأنهم يعتقدون انه هكذا هي الحياة الزوجية ف لاطفالك عليك حق انك تتمسكي بابوهم لا تكوني أنانية و اضغطي على نفسك و اي إهانة لما تتزيني هذا حلالك و مملكتك و من بين اسلحتها حتى لا تنهار الزينة و مع الوقت رح تتاقلمي مع الوضع الجديد و الذي يعتبر الطبيعي في اي علاقة و حاولي تعطي لنفسك ولو ساعة كل يوم لتهتمي بنفسك |
رد : زوجي يلمح للزواج الثاني وانا السبب ..
ما ألومش فقدتي الدافع والحماس مع زوجش
بس حاولي عشان ما يجي اليوم الي تندمين فيه بس بألاول اقعدي معاه وصارحيه عن اسباب نفورك منه واطلبي منه يتغير عشان انتي بعد تتغيرين |
رد : زوجي يلمح للزواج الثاني وانا السبب ..
أصلا زوجك كيف يطلب منك التزين له هذه الأمور لا تأتي بالطلب والإستجداء لأني أشوفها اهانة
تأتي بقناعة تامة ورضا نفس من الزوجة والا أكرم للرجل ان يبحث عمن تهتم بأمره لا من تجعله على الهامش فلا أدري زوجك كيف هانت عليه نفسه ويستجديك ثم ينتظر الموافقة على طلبه تخيلي لو كان الأمر العكس ماذا سيكون موقفك ؟؟؟ |
رد : زوجي يلمح للزواج الثاني وانا السبب ..
اقتباس:
والحياة الزوجية تبي الصراحة وليس المجاملات !! |
رد : زوجي يلمح للزواج الثاني وانا السبب ..
..............................................
اقول تزيني لزوجك واملي عينه ولا تبلين زوجته بنفسك بعد ما يتزوج ......................................... الزينة من طبع واصل الأنثى ف لما ما تتزين معناها ما فيها انوثه والرجل يبغى انثى معه ................ ولما تضطرني اذكرها بأنها انثى بيكون تزينها عشاني ذكرتها ف شوي وترجع تهمل لان الرغبه اصلا غير موجوده وانتي تقولين مااحب اتزين اسمحيلي اقول كأنك تقولين ما عندي انوثة اذن زوجك معذووووور كل العذر لو تزوج ..................................... ولا تزعلين مني الصراحه توجع بس حلوه وتريح |
رد : زوجي يلمح للزواج الثاني وانا السبب ..
الاخوة و الاخوات كفوا و وفوا
اردت ان اضيف ان المشاكل الصحية احيانا تنعكس علي النفسية و تصيبنا بالاحباط و ضعف الرغبة لو تسمعي مني اعملي تحاليل شاملة يمكن عنذك اضراب في الهرمونات او نقص في الفيتامينات و المعادن و ايضا اذا تاخدي مانع للحمل غيري نوعه او حطي لولب |
رد : زوجي يلمح للزواج الثاني وانا السبب ..
أختي الفاضلة يقول تعالى
((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11] يجب أن تغيري من نفسك فشعورك بالاهانة من التغيير خشية الزواج عليك ليس الا وسوسة من الشيطان لان زوجك اعترف لك بحبه فبدا الشيطان بوضع خطة لحيلة اخرى وهي اشعارك بالاهانة فزوجك يحبك وصرح لك بذلك وتلميحاته عن الزواج ليست الا رغبة منه في تحريك غيرتك للتغيير اختي الفاضلة ليس كل الرجال كبعضهم فمنهم من يقدر حسن صنيع شريكته وان راى منها امرا لايسره سارع الى التعديل تلميحا او تصريحا خصوصا ان كان متاكدا ان شريكته قادرة على التغيير وهذا هو زوجك فلا تجعلي للشيطان مدخلا في حياتك الزوجية واكثري من الاستغفار فهو مفتاح كل ماتحبه النفس وتتمناه وفقك الله ويسر امرك |
رد : زوجي يلمح للزواج الثاني وانا السبب ..
اشكر كل شخص ادلى بدلوه بموضوعي اسعدني جدا تفاعلكم ..
حبيبتي فيلسوفه هدي اعصابك انا صاحبة الموضوع ما احترقت زيك كذا .. باللنسبه للاخت اللي تقول لي الموضوع كلو ماسكرا وقلوس ﻻ هو مايبي كذا .. مادري كيف اشرح لكم بس شوفتي لما الوحدا تطلع من اﻻربعين كيف استعداداتها لزوجها من مفرش لشموع للبيبي دول لوقت فراغ تكون تستناه وجاهزه له تقريبا ساعتين .. لشوق وكلام حلو ومود رايق .. يبي كذا كل ليله سواء هناك معاشره او ﻻ .. هذا مفهومه عن ان الوحده تتزين لزوجها .. طيب انا وين يمديني واطفالي تحت السنتين وبوكرا دوام ممممرا صعب .. تدرون ايش المشكله .. شفت طليقته اللي جلست معاه 5 سنين وخلف منها ولد وبنت ياعالم انثى ضخمه بما تعنيه الكلمه .. تبارك الخلاق كل شي فيها كبير ..جلست اتخيل شكلها بالازياء التنكريه اللي يطلبها مني دايما حسيت مرا مايليق اساسا اي بيبي دول عادي مايجي مقاسها .. ﻻ والمفارقه انو هي اللي طلبت منه الطلاق والحت عليه ورمت عياله بوجهه .. يعني كان صابر وساكت ﻻ اشتكى وﻻ اتزوج !! طيب وانا ليه مضيقها علي كذا وانا اقل مايقال عني جميله .. ويشتكي وبيتزوج ! ممرا مو فاهمته .. ولما واجهته بأفكاري قال انا تعبت قبلك وابي ربي يعوضني فيك .. طيب يعوضك كل ليله ! مو كفايه محافظه على رشاقتي ونظافتي وشايله بيتك وعيالي وعيالك وواقفه معاك وﻻ اشتكيت هذا كلو مو عوض ! بعدين انا احس انو يتلكك خلصت عمارته ويبي يتزوج ومو عارف من وين يجيبها .. بسلامته الله ييسر له ماراح اقدر اضغط على نفسي اساسا حاولت بس ماقدرت .. |
رد : زوجي يلمح للزواج الثاني وانا السبب ..
و الله كلامك صح يا أم غاليها
انا حسيت انه الموضوع اكبر من ان نجيبك عليه جزافا و لكن حاولي تتخيلي حياتك بعد زواجه ز ادا فيك تتحملينها او لا بعدين حاولي تشوفي مين يساعدك في مسؤولية البيت اولا و بالاساس عشانك انت |
رد : زوجي يلمح للزواج الثاني وانا السبب ..
اقتباس:
. طيب اخوي ايش تقترح ؟ غير اني اسرد لك مو عارفه من وين ابدى .. اسألني عن النقاط اللي ممكن تفيدك |
رد : زوجي يلمح للزواج الثاني وانا السبب ..
اختي الكريمة
كأنك تقولين سوف ادعه يتزوج وانت لا تشعرين و هذا نتيجة كلامك انقاذ علاقتك الزوجية بتجاوبك مع زوجك مرهون برغباته في غير ما حرم الله وليس به اي شيء بل تغيير للروتين الذي تعيشونه و الخروج من دوامة التعب بتغيير يلطف الجو فيما بينكم و ارى انك ليست لديك رغبة ولست متشجعة لرغبته اسعديه فيما يحب و يشتهي وسوف ينسى كل نساء الكون ولا يرى غيرك بعض الرجال تصل اليه المرأة و تحببه فيها بالطعام و البعض بتفنن النساء في دلعهن و لبسهن...الخ وهذه احدى الحبال الذهبية التي سوف تربط بين قلبك و قلبه و تزيد بينكم الألفة و المحبة اضيف نقطة اخيرة بأن بناء المسكن جداً مرهق و متعب واسألي مجرب وهو يريد بعد كل هذا العناء ان يجد من تتلطف و تتبعل اليه في رغباته وهي انتي وليس غيرك احد و اعرفي بأنك مأجورة في زوجك و اطفالك في كل شيء تقومين به من اجلهم ولا جزاء الإحسان الا الإحسان |
رد : زوجي يلمح للزواج الثاني وانا السبب ..
لا أنتبهي الرجال ما لهم أمان ومن حقوق الزوج التزين له
|
رد : زوجي يلمح للزواج الثاني وانا السبب ..
لا احترقت ولا يحزنون!!
بس هذا هو اسلوبي <<يا رب يكون حلو كان مجرد تذكير بأنك بعد ما يتزوج بيبدأ السنع والزين كله بس بعد ما فات الفوت ف ابدأي من الحين احسن الا ان كنتي متقبله فكرة زواجه وتشوفين فيها مصالح اخرى ف براحتك:) وبعدين اش دراك يمكنه كان يطلب من زوجته اللي يطلبه منك الحين ولما رفضت طلقها انتي احمدي ربي ما طلقك بس بيتزوج |
رد : زوجي يلمح للزواج الثاني وانا السبب ..
دامه مجرب مرتين ؟ لا تعطينه وجه إذا جاب سيرة الزواج ،
ومن الحين الآن الآن احرصي و ألحي باللين و بكل الوسائل و الطرق الممكنة عدا الطرق العنيفة أنه : " يكتب البيت باسمك " ، و إذا ما نفع فلا تتنازلين بأقل من نتيجة أنه يكتب نصفه باسمك . ودامك مقتدرة جيبي خدامة من الرخاص تخفف عبء العيال بس مؤقتا هالفترة "تضبطي لاتخلين له حجة". سواء من نفسه أو من تأثير الآخرين كثير من الذكور يطمع بالزوجة الجديدة بعد بناء مسكن جديد. " سبحانك اللهم وبحمدك أشهد أن لا إله إلا أنت أستغفرك و أتوب إليك " |
رد : زوجي يلمح للزواج الثاني وانا السبب ..
يعني زوجك يبغى ليالي حمراء وصفراء وخضراء
ههههههههه عجيب زوجك والله لو تدفعي قيمة الازياء التنكريه والحفلات من حر ماله مارح يطالبك بها لكن جامليه كل اسبوعين سكتيه فيها واحب انصحك نصيحه الرجل لما يشبع جنسياً والله مايفكر لا بازيااء ولا غيرها ذكرتي انك رشيقه طيب تعلمي فنون الجماع ياعسل والله ماتخليه يفكر مجرد تفكير بغيرك وحاولي مايمر ثلاث ايام الا اخذ حقه الشرعي ورح اذكر لك قصه عجوز رهيبه كنت جالسه مع العجوز هذي ومعانا 2 ضرات والضرات حريم كبار وجات سالفة انه زوج الضرات يبغى يتزوج الثالثه قالت العجوز علمتكم وماتبغون تتعلمون والله ماعاد يفكر في غيركم ضحكت وقلت خاله تكفين علميني هههههههه قالت بسالك اذا مرت بنت متبرجه امام واحد عزوبي واحد متزوج ومكتفي يعني زوجته مو مقصره معاه في الجنس كيف يطالعو لها قلت اكيد الاعزب بيكون ولهان اكثر قالت زوجك لاتتهربي منه ولا تخليه يمر ثلاث ايام ولا اخذ حقه وهذا حق لك مو بس حق له لانه بتكون نظرته للحريم اقل شهره من الي عنده فراغ جنسي ويعاني من زوجته ..... اتمنى وصلت فكرتي لكن ازيدك انه انتي لازم تستمتعي يعني طالبي زوجك يكثر مداعبه وينسيك مشاغلك وتفكري في متعة اللحظه الي انتي فيها ...... انتي واضح عمليه وتشيلي هم الجميع خففي ياقلبي من المسؤليه ولاتنسي الكلام الحلو والابتسامه والله تاثيرها اقوى من ليالي الحمراء والفسفوريه ههههههه انا والله عمري ماسويتها لانه ماتعني لي شي اذا مافي استمتاع في الجنس |
رد : زوجي يلمح للزواج الثاني وانا السبب ..
اقتباس:
|
رد : زوجي يلمح للزواج الثاني وانا السبب ..
اقتباس:
|
رد : زوجي يلمح للزواج الثاني وانا السبب ..
اصحي حبيبتي قلبي قبل لا يطيح الفاس بالراس و تندمين
|
رد : زوجي يلمح للزواج الثاني وانا السبب ..
حبيبتي اذا كان يتلك صكي عليه هالباب
عشان مايحط العله فيك وتكوني ابريتي ذمتك ولا يقول شي وبغض النظر عن التنكر والحفلات انتي تقولي كرتين بالشهر ومالك خلق يعني انتو ياما حبا وياما برك مافيه حل وسط ياحفلات ومبالغه. يا مالي خلق ويادوبك مرتين خليكي انسانه طبيعيه تشيكي وعطيه ريق حلو والبسي ولا ترديه عن حقه ابد |
رد : زوجي يلمح للزواج الثاني وانا السبب ..
اقتباس:
اسف على الكلام اللي راح اقوله .. بس فعلاً البرود اللي فيك لو خلاك تخلينه يتزوج عليك .. يوم من الايام تبكين دم تعرفين شلون تبكين دم ؟؟ راح تندمين وتتذكرين كلامي .. ما راح أشرح لك الاسباب .. أترك الدنيا تعلمك الدروس بنفسها !! نصيحة لك أهتمي في شكلك وجمالك وحققي رغبات زوجك وعفيه وعفي نفسك !! أكرر أسفي على الاسلوب الجاف . شكراً |
رد : زوجي يلمح للزواج الثاني وانا السبب ..
الحل بسيط ( بالتأكيد) حتى أنتِ ذاتك ما يصعب عليك أنك تتزينين كأنثى و تعرفين كيف ( تجملين حالك من إلى) لكن … أنت وصلت لمرحلة ( إجهاد نفسي) و إحباط ربما … يمكن حاسة انك صرتي ضايعة و ما فيه هدف و شايفه انك تعبتي وهو ما قدر هالتعب و يمكن جاك الاحباط اكثر لانك حاسة بشوية عتب ليه انك اهملتي و تحملتي و محتاجةاللي يربت عليك و يرمم نفسيتك بعد المسؤوليات …… و التعب أنت ( مجهدة) و محتاجة تستعيدين ألوان الحياة اللي فقدتيها … تعوذي من ابليس و حاولي توعدينه بالتحسن القريب إن شاء الله بس يعطيك شوية وقت بس! انتبهي تقررين قرارات مصيرية و كبيرة بمثل هالوقت |
رد : زوجي يلمح للزواج الثاني وانا السبب ..
مشكلتك مفكرة ان الجمال و الرشاقة
تكفي حتى يتعلق فيك زوجك وهذا اللي مطلوب منك فقط في اشياء كثيرة مهمه و انتي غافله عنها |
رد : زوجي يلمح للزواج الثاني وانا السبب ..
والله يااختي امرك عجييب
اول مره اسمع انثى تقول مافيني او مااقدر اتدلل واتدلع والبس واكشخ الكشخه والتزيين والتبرج صفة لاي انثى الا في حالة ارتفع الهرمون الذكوري يااختي اعلمك شي اانا اسويه من اول يوم زواج لي وختي وزوجة اخوي كلنا نفس الاسلوب ولو انه ماتفقنا بس مره سولفنا حصلنا انفسنا زي بعض شوفي خصصي درج كامل لليل بس يعني مو ارواب ولا خرابيط لا بيبي دول كلهااااااااااااااا والبسي كل ليل وحده سواء فيه علاقة او لا بعد مايناموا اطفالك ادخلي وتحممي وعندك درج بالحمام فيه مخمريات شعر وعطورات الي من زهور الريف وبودي شوب للجسم وبعد حمامك جففي نفسك ورطبي نفسك بكريم وحطي عطورات جسمك وشعرك والبسي بيبي دوول كل ليله لبسه واطلعي له الغرفه وصلحي شعرك حركات بسيطه وخلاص ماصارت مشكله انا انزل واشتري مثلا 30 قطعه وتكفيني وقت طوويل وكل ليلة تشكيلة جديدة وماايمل منها وتكون جديده لو تباعدت الليالي في لبسها بالبيت البسي اشياء دلع فيها ورود وارنوبات ودبدوبات وهيك شغلات يعني لبس الارواب الي حقت عجايز شيليها نهائيا لاتدخل درجك يااختي عشانك وبس هو بيتغزل فيك ويشبعك عاطفيا ويدللك وتعفين المسكين والله يااختي مااطلب الاحقه لو جاتنا انثى وقالت زوجي جاف ولا يلبس ويتغزل ومن هالكلام عطيناها حلول ........ اختي انتبهي تخلين شي بنفس زوجك وتحرمين الحلال وتحدينه للحرام الشغله بسيطه بس انتي مكبرة الموضوع |
رد : زوجي يلمح للزواج الثاني وانا السبب ..
وبعدين ترى ان كان قال كل يوم ف اكيد مو قصده كل يوم كل يوم بس من كثر ما هو محروم مسكين ف قال كل يوم
زي الصايم يوم يقول اباكل كل شي وهاتوا وصلحوا ويوم يفطر يمكن تمر وقهوه تشبعه:) بس انتي ما تبغين ف ركزتي على كل يوم وحاست مخك هو اكيد يبغاك كل يوم حلوه ومهتمه بنفسك لكن يبغاك تزيدين الاهتمام كل فتره لو مره بالاسبوع كل وقت وله لبسه مو شرط رازه نفسك بلبس خرجات وسط البيت تصفحي النت وشوفي المنتديات الكشخه وتعلمي منهم فنون اللبس لكل وقت وشوفي هنا قد ايش يشتكون من عدم اهتمام ازواجهم بالرومنسيات اللي يسوونها وانتي يطلبك تقولين اهانه وما احب !!!! وترى ما طلب الا حقه ومن واجبك تلبين صراحه غريب طبعك الانثى احلى شي عندها اللبس والتزبرق حتى لو عندك عيال اصلا لا تشترين الا اشياء حلوه والوان فاتحه حتى يوم ما يكون لك نفس وتضطرين تلبسين يطلع كله حلو:) وسط النهار خليك ببجامه حلوه وناعمه والوان رايقه وشعرك نظيف ومرتب مو شرط تسريحه مدري كيف وبالليل لبس النوم بس لا تخلينها كللللل ليله عشان يكون لها طعم من وقت لثاني لا اذا هو قال كل ليله ابغاك كذا خلاص غثيه كل ليله:) وقبل كل شي المرح والابتسامه والوجه المشرق والنضاره والتفاعل معاه والله لو لبستي خلاقين الدنيا على وجه شاحب وبشره منهكه من قل النوم والدوام والعيال مااااااا يكون لها اثر ولا طعم ويحسك تأدين مهمه كلفتي بها وانتي كاااااارهه سويها وانتي راضيه محبه له ولطلباته يا رب اكون رديت هالمره زي الناسjyf |
| الساعة الآن 02:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©