|
زوجي ومرضه النفسي
سبق وعانيت من زوجي مشاكل نفسيه كان يعاني منها الانه تحسن بالعلاج وفي العيد سافرنا لاهله وكانت ايام اغلبها ضيقه صدر كان متضايق جدا على غير سنع المهم يوم رجعنا صار مايعجبه شي اكلي فيه الف عله وليش وليش شككني بعمري واحاول اغير اصناف يقول تخربطين بس هو قبل قد اكل منه ومدحه حتى السلطه ماخلاها ههههههههه jhقمت اشك بعمري المهم اتعب انا واخر شي يهوش على الاكل ومافيه شي وقداكل اشين منه وشفت اكل اهله مو ذاك الزود المهم لاهاش اكيد اتنكد طول اليوم بما اني حساسه بس استمر وضعه اسبوع وهو مايعجبه وانا انضغط اكثرnhg لاوطلع وماجا الااخر الليل ولاقال وين راح يوم اتصلت قلت وينك احسبك تصلي وتجي قال ليه اقولك المهم قفلت وتنكدت ومن بكرى رحت لاهلي زياره قال وش رايك تقعدين اسبوع نرتاح كلنا ودي اقعد شهر واربيه بس وش اقول لاهلي وش عذري الحين بالاسبوع مليت اشكي وضعي مليت منه رضينا بالهم والهم مارضي فيناcgg
# مستجدات 14 # مستجدات 20- 21 (تم تعديل العنوان ليتناسب مع المضمون) |
رد : اسباب تافهه
أحيان الجلوس بالبيت يمكن هو اللي يعكر مزاجه
اطلعوا غيروا جو أو هو خله يروح يطلع مع أصحابه |
رد : اسباب تافهه
يمكن مضغوط من شي
الله يعينك ادعي واستغفري والله بسخره لك اهم شي خلك رايقه وهاديه |
رد : اسباب تافهه
يمكن في شيء مضايقة عند اهله و حط حرته فيك
انا اشوف ان زيارتك لاهلك تصرف صحيح عشان ترتاحين من ضغط زوجك وعلى ما تهداء نفسيته و يتعدل مزاجه |
رد : زوجي يزعل على اسباب تافهه
اعجبتني طولة بالك عليك ..
هو واضح انه متضايق من شغله واعتقد مالك علاقه ابدا بالشي اللي مضايقك، ويوم رحتي لاهلك وعرض عليك تجلسين اسبوع لانه حاس انه ضايقك ونفسيته تعبانه وقافله عالآخر، فحب يجلس لوحده هالفتره ويرجع لك بعد ما تروح الضيقه ويمكن قبل ما يكتمل اشبوع يعرض عليك انه ياخذك، فلذلك طولي بالك وخليه يعيش اجواءه وبيرجع لك بعد ما يتعدل مزاجه، وع فكره ترا اغلب الرجال اذا صاروا متعكرين يحب يجلس لحاله ويعزل نفسه.. |
رد : زوجي يزعل على اسباب تافهه
السلام عليكم ورحمة الله وبركاته..
أختي الكريمة لاتربطي المشاكل القديمة مع الجديدة بما وجدت حلا لها ، فلا داعي خلط الأمور ببعضها .. زوجك بما طلب منك أن تجلسي في بيت أهلك هو مدرك بخطائه وأفعاله الأخيرة ، فاﻹنسان أحيانا يحتاج إلى خلوة ليعيد أشياء كثيرة فقدها من الضغوطات التي مر فيها ... وفقك الله ... |
رد : زوجي يزعل على اسباب تافهه
ربي يعينك حبيبتي…
|
رد : زوجي يزعل على اسباب تافهه
انا بصراحه مليت منه مادري شقول لاهلي ليش بقعد اسبوع اقول بيروح لاهله توه جاي منهم اقول بيكشت حر اقول منتدب توه يدري يعني انا جايه كانها زياره بس بكرى بيسالون شسوي
|
رد : زوجي يزعل على اسباب تافهه
طيب اذا ساالو اهلك مافيها شي
عادي قولي انا جيت عندكم ابي ارتاح من بيتي تعبت ابي ارجع ايام العزوبيه وقولي انا متفقه مع زوجي واذا جلستي عندك اهلك حاولي ماتتواصلين كثير معه عشان يشتاق لك الله يخليكم لبعض |
رد : زوجي يزعل على اسباب تافهه
انتم غير متفاهمين
الحل الجلوس مع بعض وتناقشوا في موضوع زواجكم وكل مازادت المشاكل زادت النفره اقروا كثير عن المشاكل الزوجية وكيف انحلت خل زوجك يدخل الموقع علشان يستفيد من تجارب الاخوة تحياتي ،،، |
رد : زوجي يزعل على اسباب تافهه
صدقيني احسن لك ان زوجك تركك عند اهلك اذا هو وضعه ونفسيته مو مرره ..
هالشي اريح له ولك ولما يحس نفسه تضبطت اوضاعه وهدا ورجع طبيعي رح يرجع ياخذك حتى لو قبل هالاسبوع ما يخلص انتي حاولي تتقربين من زوجك وتعرفين ايش اللي مضايقه بس لا تنشبين له بالاسئلة اذا كنتوا جالسين لحالكم وهو مقفل قولي له : حبيبي هالايام ما اعجبتني عسى ما شر مزعلك شي ؟ متضايق من شي ؟ انا زوجتك وحبيبتك وام عيالك لو ما فضفضت لي باللي مضايقك وشاركتك همك من رح تفضفض له ؟ > لا تقولين له ابددددا انت متضايق مني او انا مزعلتك لا حاكيه على ان مشكلته برا البيت اذا قال لك ما فيني شي وهذا الاغلب قولي براحتك حبيبي بس عشاني لا تكدر خاطرك ولا تتضايق من شي ترى الدنيا ما تسوى وبالنسبة لاهلك قولي لهم انك انتي اللي طلبتي من زوجك ترتاحين من شغل البيت شوي وانك مشتااقة لهم وتبغين تقضين عندهم كم يوم .. وف هالفترة حاولي ما تكثرين اتصالات على زوجك بين فترة وفترة حاكيه وخلي المكالمة سؤال عنه وانك تبغين تتطمنين عليه وبس .. الله يصلح حالك ويبعد عنكم المشاكل والهموم مشكلة الرجال لما تكون طبيعته وشخصيته كذا لان اكثر من يتعذب معاه زوجته الله يعيننا واياك يارب :( |
رد : زوجي يزعل على اسباب تافهه
السلام عليكم ورحمة الله وبركاته ..
أختي الكريمة حلم إياك أن تخبرين أهلك بوجود أمر ما بين زوجك ، أخبريهم بأي شيء بعيدا عن المشكلة ، وعندما تعودي بإذن الله إختاري وقتا ومكان مناسب للتحدث معه بكل هدوؤء وتصارحيه ... أصلح الله حالكما .. |
رد : زوجي يزعل على اسباب تافهه
جزاكم الله خيرااjyh
|
زوجي موسوس
سبق ان تكلمت عن موضوعي معه المهم مرت شهور على خير كان فيها حركات منه بس تنبلع بس الحين رجع زي اول يتصرف اول كنت اناظره انه فيه حسد فيه عين كنت ماعرف وش فيه بس بعدين وضحت مشكلته عندي عرفت انه مريض نفسي واكل علاج للوساوس وخاف كثير بس بالتدريج الحين اكتشفت انه تركه وبدا يرجع وكان من اول اصلا ياكل حبوب مو معترف انها حبوب نفسيه المهم اقولكم تصرفه وانا نايمه اكيد الواحد يتقلب يقولي ليه تحطين يدك ليه تناظريني وش عندك قلت عادي انقلبت وشفتك ليه حطيتي يدك وقام يمثل لي الطبيعي شلون ينقلب حسيت انه مهبول مب صاحي قمت اداريه اخاف يسوي شي لاني قلت مانت طبيعي وتنرفز خفت منه لا ويقول بوديك شيخ تحلفين ان ماعندك شي ورجع شريط اول وهباله معي بغيت انهبل قلت ليه تركت علاجك قال من عرفتك اكلته اناا مافينيي شي انتي المشكله ليه ماتغيرن طبعك بالنوم قلت اتربط ليته على النوم جا قبل ويقولي في احد داخل البيت وانا ماعندي مفتاح لبيته للحين ماحس انه بيتي ماحاول اشتري شي للبيت ماحسه لي ماحس باستقرار للاسف كبرت وانا مجتمعي اللي حولي صغار ومتزوجات من زمان انا ماعرست الا وعمري 34 والحين دخلت 36 وماحملت افكر اتركه لاني تعبت بس ماقدر اواجه الي حولي من اول وهم يخافون اصكهم عين عانس والحين مطلقه مليت اداريه احس انه مهبول يعني الموسوس يقول روحي شيخ احلفي وفي اشيا بعد تضحك الله يخلف بس قلت بروح لاهلي قال خوذي قشك معك قلت مابي لارحت بعدين اخذهم معي ماقدر نفسيتي احس قلبي بيوقف gfn
|
رد : زوجي موسوس
حلم
كنت اتمنى ترجعي باخبار اسعد هل انتم متعمدين تاجيل الحمل نصيحه راحعي استشاري واشرحي حاله زوجك بالتفصيل |
رد : زوجي موسوس
زوجك ترك الأدوية فجأة بدون استشارة الدكتور ولا كيف ؟ لأن بعض الأدوية النفسية لها أعراض انسحابية وماينفع قطعها فجأة أبدا لازم بالتدريج عشان ما يشتد عليه المرض وتزيد الأعراض، خليه يراجع دكتوره ويشرحله الوضع عشان يرجع لأدويتـه ويغيرها له ولا يزيد له الجرعات إذا تعبان هالفترة أزود .
ولا تحملي لا تحملي لا تحملي لما ترسي على بر وتقرري تقدري تكملي حياتك مع هذا الشخص ولا لا ؟ أغلب المرضى النفسيين الحياة معاهم لا تطاق، هل من بداية الزواج ياخذ أدوية وما لا حظتي عليه شيء في فترة الملكة، إذا من زمان على العلاج ف انسي إنه يتشافى ويعيش طبيعي بدونه، استخيري واستشيري وادعي الله ينور بصيرتك .. ولا تحسبي حساب للناس وكلامهم أهم شيء راحة بالك كلن عايش حياته وصاك بابه على نفسه ومحدن درى عنك .. فكري بنفسك فقط وكان الله في عونك . |
رد : زوجي موسوس
هي القسمة والنصيب والعشرة من يحددها هو الله
|
رد : زوجي موسوس
يا الله
الله يفرج همك ويشفيه هو مريض غصب عنه الله يشفيه ويشفي مرضى المسلمين لكن اجلي الحمل حتى تستخيري وتقرري مصيرك والناس خليهم تحت رجلك وفكري بنفسك ومستقبلك.. الله يعينك وطمنينا عنك🌷 |
رد : زوجي يزعل على اسباب تافهه
تم دمج الموضوعين لترابط المحتوى ....
|
رد : زوجي يزعل على اسباب تافهه
ترك حبوبه عنده خبره طال عمره بدا ينقص من الحبه حد ماتركها مسوي خلاص طاب من الوسواس وهو اول قبل سنه اساله عن علاجه يقول للعضلات عندي تعب بعدين قال انا فيني مرض يجي الاذكياء في مشاهير فيهم المرض وبعدين قال اسمه بي دي
المهم ربطت كل الامور وعلى وضعه عرفت مرضه انه اظطراب ثنائي القطب هو جايه حادث والضربه على راسه جت حسبي الله ونعم الوكيل الي يقهرني انه داري انه مريض اصلا اكيد هذا من اسباب مرضه وزاد وساوس ومو معترف انه موسوس انا حاطني السبب وطبعي اخليه يشك واختي تقول انتبهي تتركينه انتي كبرتي من بيجيك شيبان قربتي على الاربعين جيبي ولد وبكيفه تقول نصير مطلقتين بالبيت وكبار كان يقاطعونا اول عانس ومطلقه الحين بصير مطلقه بعد ودي بولد وبكيفه همي اجيب ولد حتى ماتوظفنا الله يرزقنا ويصبرني وشكرا على تجاوبكم بس الموضوع مايناسب المشكله مفروض زوجي مريض نفسي ممكن يتغير وتشييلون الموضوع الاول |
رد : زوجي يزعل على اسباب تافهه
تكمله لما سبق رحت لأهلي قعدت فترة جونا عمي جلسوا كم يوم وقعدت وغيرت جو وأمي ماتدري ليه جالسه تحسبني عشان عمي وبناته المهم قلت خلاص برجع عشان ماضيق صدر امي وهو رجع يأكل علاج وشرا هديه المهم أمس رحنا السوق تنقضي للبيت ورجعنا وتعشينا يوم رحت فراشي كان هو جنبي قعدت افتح جوالي بشوف الوتسب المشكلة هو مرسل فديو كنت قدامه عشان مايشك مادري إثر فيه الله يخلف المهم شوي وانقلب على جنب وقام ينفخ ويزفر ههه قلت بدينا شوي أخذ فراشه راح للغرفة الثانيه قال الصبح بوديك اهلك شوي رجع وضربني قلت ليه وش مسويه قال تدرين وش مسويه ماحاولت اناقشه يسوي فيني شي وراح المهم طول الليل اصيح وأخذ جوالي مانمت الاالفجر قال أوديك الحين أو الظهر قمت اقلب اقرأ قصص الطلاق لقيت طلاق أسباب تافهه وانا مشكلتي أكبر بس اختي تقول انتبهي ترجعين نصير مطلقتين لاوكلنا ماجبنا عيال وانا طقيت 36واتوقع سنتين صابره عليه جته فتره تحسن يصير وش زينه تجيه حركات اعديها بس من ترك العلاج رجعنا للكابوس بس حاليا رجع بس افكر اكمل حياتي معه ترك العلاج أكله اه بس والناس بيقولون مسكينه عنست وتزوجت متأخر وتطلقت قعدت افطر وأكل هم وناويه أضف اغراضي حسبي الله ونعم الوكيل
|
رد : زوجي ومرضه النفسي
أكملي موضوعك هنا غاليتي
|
رد : زوجي ومرضه النفسي
الله يفرج همك ويشفي زوجك
ماعليك من الناس أهم شي راحتك استخيري الله قبل تسوين أي قرار الله يعينك ويسددك |
رد : زوجي ومرضه النفسي
الزواج هدفه هو السكنى والإستقرار وعف الحاجة مالم تجنيه من زواجك إلا التعب النفسي والقضاء على شخصيتك فراحتك أهم وكلام الناس لا ينفع ولديك رب كريم واسع العطاء لديه خزائن السماوات والأرض أحسني الظن به وسيرزقك مالم يكن في الحسبان ..
ثم إن وجودك مع زوج مريض ويضربك أخشى مع مرور الزمن أن يكون فيه خطر على حياتك ، إلا في حال استطعت مساعدته في العلاج .. وكان لديه الرغبه في ذلك .. |
رد : زوجي ومرضه النفسي
شرايكم اعلم ابوه بالموضوع
|
رد : زوجي ومرضه النفسي
اسأل الله ان يفرج هممممك
|
| الساعة الآن 07:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©