|
و أخيرا فهمت وجع زوجي .. " بدو يكسرلي راسي "
السلام عليكم و رحمة الله و بركاته ..
عيد مبارك ع الجميع بحب عرف عن نفسي عمري 24 سنة خريجة علم اجتماع .. ماجستير بالعلاقات الاجتناعية و المشاكل الزوجية زوجي عمرو 33 .. دكتور اذن و فم و حنجرة مشكلتي كانت دائما و ابدا مع زوجي بجفافو العاطفي .. و كنت ارجع هالسبب للبيئة الي نشأ فيها .. لاني عجزت اعرف شو السبب أما من جديد بعد ما اتبعت معو اسلوب التطنيش و اللا مبالاة .. " نطق" .. و حكا مع أخي و عبر عن مشكلتو معي قال انو هو ما رح يرتاح لحتا يكسر راسي .. انا بالاول تفاجأت من هالسبب .. ع شو بدو يكسر راسي و منشان شو كنت لاحظ عليه عدة تصرفات وما كنت افهم شو بيقصد فيا 1- صفحتي ع الفيس بوك بتسببلو حساسية مع العلم اني ما بنزل صور شخصية الي و لا بحط فيا اي شي شخصي .. حتى صور ابني نادرا جدا ما حطا .. صفحتي بس بنزل فيا مقالاتي و خواطر .. و عبارات من كتاباتي حتى قرايبيني الرجال ولو كان ابن عمي ما بضيف و قد ما اجاني رسائل ما برد .. يعني بالمختصر مو شايفتلو حجة 2- اسلوبي بالكلام ما بيعجبو .. بقول انو اسلوبي رجولي وصوتي عالي .. بس انا هالاسلوب تعودت عليه من اول ما دخلت جامعة .. لانو بالمحاضرات دايما في نقاشات و حلقات بحث لازم نشرحها ع كل طلاب القاعة و نحن جامعاتنا مختلطة 3- عندي مشكلة بعاني منها كتير اني جدا طبيعية .. يعني وين ما رحت ووين ما كنت ومين ما كانو الاشخاص بتصوف قدامهم كانو واقفة قدام المراية يعني ما بحسن اتصنع و لا اشعر بالحرج او الخجل من شي .. و هالشي مدايقو كتير الو .. و انا دايما بحاول اصطنع الخجل او التلبك بس بحسن ضاين فيه لمدة مؤقتة و قصيرة جدا بعدا برجع لطبيعتي 4- انا انسانة كتير بحب حالي و معجبة بحالي .. وهو كتير بينقهر لاني معجبة بحالي مع انو مافيني ذرة تكبر بس انو هيك بدلل حالي كتير و بحسب راحتي و عافيتي ع الليبرا .. وما بعرف دلل حدا "خصوصا اهلو" .. بتعامل معن بطبيعتي .. وهو بريد مني دللن و احطن ع راسي بالرغم اني ما شفت شي منيح منن ولا عاطل يعني بعاملوني كاني غريبة عنن .. فانا تلقائيا بعاملن بنفس الطريقة من خلال هالنقاط .. صرت تقريبا افهم تفكير زوجي " عندو ثقافة انو الرجال لازم يكسر راس المرة!!". فانا بدي تفهموني كيف فيني حسسو انو قدر يكسرلي راسي .. لانو بعاملو بطريقة لطيفة و ما بتدخل بحياتو و تاركتو يعيش ع كيفو وما مشي الحال شو بتنصحوني اعمل شي منشان يحس بالراحة معي |
رد : و أخيرا فهمت وجع زوجي .. " بدو يكسرلي را
الصوت الناعم سحر اتعلميه زي ما اتعلمتي ع الصوت العالي
بالنسبه لﻷهل و الله الرسميه مافي منها و مو واجب عليكي تدلليهم و اذا ع اﻹنتقادات فهم رح ينتقدوا و يتكلموا إﻻ ان يخافوا من الله رب العالمين بالنسبة لتدليلك لنفسك حلو الواحد يحب نفسه و بين فتره و فتره خليه يحس بإمتنانك قد ايش هو يحبك و انتي سعيده معاه خليه يحس انه مشارك في سعادتك ♡♡ و ربي يعينك |
رد : و أخيرا فهمت وجع زوجي .. " بدو يكسرلي را
الصوت الناعم بحسن احكيه لما كون انا وهو لحالنا بالبيت .. بس هو بدو ياني كون دايما احكي بهالطريقة .. و انا مشكلتي مشكلة .. قبل ما فوت جامعة كان صوتي ما ينسمع .. سبحان الله بعد ما تعبت ع حالي و خليت صوتي يصير عالي و احكي بوضوح .. صار بئى لازم ارجع درب حالي ع الصوت الواطي
بالنسبة لاهل زوجي كتير عاملين معي مواقف غير لائقة .. لهيك قررت اتعامل معن بطريقة رسمية منشان احفظ كرامتي و ما اسمح لحدا يستفزني لاغلط بس انا سوال .. بتزكر لما كنت صغيرة كان في مرة ختيارة اسمعها تقول انو النرة لازم دايما تورجي زوجها انو هو كل بالكل .. و انو كل الرجال بحبو يحسو بشعور انو هنن كاسرين روس نسوانن .. انا بالاول كنت قول انو هي عمتحكي ع رجال زمان .. نحن هلا تغير زماننا و صرنا بغير وقت وما ضل في هيك تفكير بس انصدمت وقت عرفت انو زوجي تفكيرو قديم لهيك قررت انو بدي احسسو انو هو كاسرلي راسي و اني بدون شخصية .. لحتى يحس بالانتصار بس مو عارفة كيف و شو هي الحركات الي لازم اعملا لاوصلو هالاحساس خاصة انو زوجي فيو كتير ايجاابيات بس كان جفافو العاطفي مجنني وهلا عرفت السبب فبدي اشتغل ع هالموضوع ياريت تعطوني افكار اطبقها لاحسسو بانعدام شخصيتي |
رد : و أخيرا فهمت وجع زوجي .. " بدو يكسرلي را
صدقتِ ... فن الإلقاء يتطلب أمورا مثل طلاقة اللسان و الصوت الجهوري الواضح مع هدوء النبرة وثباتها ، وحسن التحكم بالإيماءات body language و الانفعالات مثل التوتر ورهبة الجمهور .. كل تلك المهارات المحمودة لا تكسبها إياك الحياة الأكاديمية بل تفرضها عليك ؟ في العروض التقديمية و المشاريع البحثية هناك جزء كبير من العلامات يخصص لمجرد الآداء للفرد و للمجموعة . رغم ذلك أحسب .. أن إتقان مثل تلك المهارات هي خطوة إيجابية و نعمة عظيمة في الحياة ، أي ليست سلبية أبداً .. و بأنها وهو الأهم ؟ لا تعارض لين الجانب و حلاوة اللسان و الدعابة و المزاح المحمودان و الابتسامة المودة و الرحمة التي قد تحصل بين الزوجين ، و الله أعلم . لا أحسب بجعبتي ما أقدر على مساعدتك به ، فأسأل الله لكِ التوفيق إلى الصواب و السداد فيه ، إنما و ربما أود أن أهمس لكِ أن : * تبتعدي عن رفع نبرة صوتك معه ، فهي مزعجة و إن كان حديثك جميلاً . * لا تحرصي قط على الوقوف على كل نقطة و النقاش حولها - كما قد تفعلين في جلسة أكاديمية -، بل تغاضي و تغابي كثيراً جداً ، فالاختلاف في الأراء سنة كونية ، خاصة حينما يتنبأ بأن لا نهاية لذاك الاختلاف في خضم نقاش ما ، أو حين يكون ذلك مع أشخاص محددين ، حينئذ أرى و الله أعلم في مثل هذا هو الاكتفاء بالابتسامات و الإيماءات ، و في حال طلب منك التعليق فعلقي - بابتسامة- بعبارات سطحية موجزة لا تطرحين فيها أي رأي لك - حتى لا يؤلمك ضميرك إن كنتِ صاحبة مبادئ - ، و بعدما تجدينه وصل إلى آخر خيوط النقاش بزفرة تخرج كل إنفعالاته ، انظري في عينيه و أخبريه بابتسامة شاهقة على غرة " أحبك " ؟ ! ستجدينه قد تنفسالصعداء ونسي ما قد كان يخاصم حوله ، .. أبداً حديثي ليس دعوة إلى الضعف بل إيمانا مني أن الحب الحقيقي الصادق المخلص في الحياة يحتاج الكثير من التضحيات ، أعظم من مجرد الاتفاق أو الاختلاف في نقاش حول هرطقات الحياة . |
رد : و أخيرا فهمت وجع زوجي .. " بدو يكسرلي را
اقتباس:
انتي ﻵ تتطرفي مثل زوجك hgh مافي انسان كآمل خذي نفسك حبه حبه للتفاهم معاه و لتكامل عﻵقتكم حطي هدف قدامك تحققيه كل 3 شهور يعني مثﻻ اشتغلي ع الصوت الواطي معاه هو بالذات 3 شهور و خﻵص رح يخزنها عقلك الباطن بإذن الله انه هاﻹنسان من بد البشر احكي معاه بصوت واطي bht بعدين اشتغلي على انك ما ترادديه و بعدين على انك تمدحيه اكثر مما تنتقديه حلو اﻹنسان يطور نفسه حسب معطياته بس ما يجهد نفسه و دائما اشكري الله على القليل ليأتيك الكثير hth حطي الشكر لله ثم للناس تمرين ليكي و ﻵ تضغطي على نفسك كثير في التمارين * اما اهله ما خصهم فيكي يكسر راسك و لا تفقشيله راسه ههههه رضا الناس غاية ﻵ تدرك و ﻵ يجب ان تدرك فالنوايا اعلم بها الله و ليست كلها في سبيل الله hgh |
رد : و أخيرا فهمت وجع زوجي .. " بدو يكسرلي را
رغم طيبة أبي الشديدة إلا أنه لم يخلو من الطباع الصعبة ،
اجتاحاني على إثرها حيرة و تساؤل.. حين أصبحت راشدة حتى أخبروني بالسر : ... أمي رحمها الله قد كانت أعظم مثال للتضحية من أجل الحب . " سبحانك اللهم وبحمدك أشهد أن لا إله إلا أنت أستغفرك وأتوب إليك " |
رد : و أخيرا فهمت وجع زوجي .. " بدو يكسرلي را
بالإسلام عزتي ..
لفتي نظري لشي كان رايح عن بالي .. بس حسيت انو هو حل فعال جدا .. " التغابي " فعلا زوجي كتير بيستفز بنقاشاتي و بقلي دايما بتعلي حالك زكية و فاهمة بكل شي .. بس انا طبيعة دراستي هي ثقافة اكتر من علم وهو اختصاصو علم اكثر من ثقافة .. لهيك لفتيلي نظري ع انو هو بعصب من اني بناقشو بكل شي و بجبلو ادلة و اوباتات ع انو كلامي صحيح .. فعلا .. للرجل الي متل زوجي " الحل هو التغابي " رح جرب هالاسلوب من زوجي .. يمكن بالتغابي رح يحس بلذة الانتصار علي بتشكرك اختي ع هاللفتة الرائعة عاشقة القهوة .. انا دايما معو وقت بكون رايقة بحكي معو بلطف ورقة بس برا البيت صوتي عالي و بخجل احكي بصوا واطي لانو بحس انو الناس الي بتعرفني رح اتغيير عليهم .. و معظم الناس الي بعرفن بحبوني بهالشخصية و بهالصوت .. يعني بحسو بدو ياني كون متل ما هو بقرر بس فكرة حلوة اني اتفق معو انو كل فترة درب حالي ع شي بحبو .. يمكن هيك رح يحسني خاضعة الو تماما و يمكن هادا المطلوب بالنسبة الو |
رد : و أخيرا فهمت وجع زوجي .. " بدو يكسرلي را
يمكن يبغاك ترخيله جناحك
يعني لا تردي عليه الكلمه .. شاوريه الطاعه الا في معصيه |
رد : و أخيرا فهمت وجع زوجي .. " بدو يكسرلي را
سهل الله عليك.
|
رد : و أخيرا فهمت وجع زوجي .. " بدو يكسرلي را
حبيبتي كوني مثلما يريد زوجك على الاقل عنده واحتفظي بشخصيتك وثقتك بنفسك
حسسي زوجك انك محتاجه له انتي بتعرفي انه غلط انك مخليه لزوجك على راحته مثلما قلتي. ..لان الرجل عنده ان هذا ماتغاري عليه والغيرة دليل الحب الله بسعدك |
رد : و أخيرا فهمت وجع زوجي .. " بدو يكسرلي را
يعني بدك يا سهر اتمثلي عليه الدور ويصدق حاله سي السيد
بدك كيد ومكر في عندك منو؟؟ شخصيتك دغري وما بتلفي ودوري وتراوغي روحي طلي حبيبتي على موضوع التمثليه الصادقه لأخي في الله بس حبل الكذب قصير بدك تشتغلي عاحالك صح وبصدق ورغبه حقيقيه للتغير لأجلك ولأجل زوجك ، وحلو تعيشي دور الأنثى بصدق من غير ما تجاملي حدا وبنفس الوقت ما تقلبي شخصيتك رأسا على عقب خلي يكون في توازن ، وقت تكوني ضعيفه وانثى ووقت تكوني واثقه وقويه ما تخسري هويتك لأجل حدا ;) |
رد : و أخيرا فهمت وجع زوجي .. " بدو يكسرلي را
^
هههه كوكي حبيت اللهجة منك .. ما شاء الله عليك ياسهر .. علم اجتماع وماجستير مشاكل زوجية .. احنا اللي نتعلم منك .. وانا دايما تعجبني ردودك احسك بتتكلمي عن وعي وفهم مش مجرد راي ووجهة نظر .. الله يسهل لك .. ♡ |
رد : و أخيرا فهمت وجع زوجي .. " بدو يكسرلي را
السلام عليكم
في الفترة الاخيرة تعرضت لمشاكل كثيرة مع زوجي ومن خلال محاولة فهمي لحالته قرات كثيرا على الرجال وطريقة تفكيرهم اكثر ما يكسر الرجل هو استقلال زوجته المادي عنه وكذلك شخصيتها القوية يعني لازم يخرج منتصرا ظاهريا بالنقاش معها اظن ان طريعتك الادبية او الفلسفية تجعلك منتصرا دائما في النقاش وهذا ما يكسر زوجك اظن انك لو تطلبين منه المساعدة في كل امور حياتك هذا يعزز الثقة بالنفس عنده كما ان الرجل يحب المراة الضعيفة معه التى تحسسه دائما انها لا تستطيع لعيش دونه اظن ان الصراحة افضل حل كان تقولي له انك تريدين التغيير لاجله فساعدني يا حبيبي لاتغير وحدة وحدة اكيد ان اسلوبه سيكون جارح لانه اكيد يعاني تراكمات تجهلينها لذلك حاولي ان لا تجادليه فقط استمعي لان اكثر ما يحب الرجل هو سماع كلمة اجل وطال عمرك و نعم ........من زوجته حتى لو ناقشتيه لاحقا الله يوفقك ويسخر لك زوجك |
رد : و أخيرا فهمت وجع زوجي .. " بدو يكسرلي را
سهر حبيبتي المشاكل اللي ذكرتيها هاي مش مشاكل
المشكلة الكبيرة اللي ذكرتيها تقريبا فيكي تقولي هي الجفاف العاطفي عند زوجك بعدك عنه و تجنبك الو.. هيدا مش حل ... هو اللي خلاه يتغير و يقسى عليكي انا برايي روحي اعمليلك طلة على مواضيع أخي في الله في التمثيلية الصادقة و الرومانسية متل ما قالتلك كوكي و رح تستفادي كتير ان شاء الله الله يفرج همك حبيبتي |
رد : و أخيرا فهمت وجع زوجي .. " بدو يكسرلي را
اقتباس:
وانا اقول ليش فيه بعض الردود مو عاجبهم كلامي! تحسبوني جاي اعلمكم الكذب؟؟؟؟ فلنفرض ان كلامكم صحيح، طيب ليه ماتنصحوني لوجه الله عشان لااخذ ذنب الناس! |
رد : و أخيرا فهمت وجع زوجي .. " بدو يكسرلي را
اقتباس:
مش الكذب الكذب يعني الكذب الرومانسي gnn |
رد : و أخيرا فهمت وجع زوجي .. " بدو يكسرلي را
حبيبتي ياسهر
بتعجبني ردودك اتوقعتك اكبر من هيك لانه ردودك واعية كتير ماشاءالله ♥ بهنيكي على شخصيتك الحلوة سواء بصوت واطي او عالي :) كنت حابة افيدك بس ماعندي معرفة بالرجال والتعامل معهم والاساليب لهيك ان شاءالله البنات هون يفيدوكي وعكل انتي عرفتي مفاتيح زوجك انه تعملي حالك مو فاهمة قصده وانه تغيري بعض التصرفات بحالك من باب انه يحس برجولته عليكي وموفقة يارب |
رد : و أخيرا فهمت وجع زوجي .. " بدو يكسرلي را
بدك ياه يكسر لك راسك
مو مشكله عندي الحل اسمعي كﻻمو بكل شي قولي طلباتك أوامر ابن عمي. . وإن قعدتو تحكو بأي شي ﻻترفعي صوتك عليه وقوليلو صح حكيك صح عليك ماشاء الله حولك أد إيش انت زكي وفاهم وانا بعتمد بعد الله عليك وانت تاج راسي ياغالي ونصيحه لو صار بيناتكم تتش اسكتي هاه اسكتي اوعي تحكي ووﻻكلمه وبعد مايهدا قولي اللي بخاطرك بس بشويش ولما يحكي معك ﻻتحدقي بعينيه ﻻﻻﻻﻻ انتبهي هاه خلي عينك شوي عليه واكتر الوقت باﻻرض. . بهيك بيحس انتو انتصر عليكي وخﻻكي متل البسي ماألك صوت وتمشي متل مابدوو وكييف مابدو وهذي الفكره الاساسيه خليكي كيف مابدو وإيمتى مابدوو وتمشي متل مابيريد وسﻻامتك بنت عمي^ ^ |
رد : و أخيرا فهمت وجع زوجي .. " بدو يكسرلي را
اذا كان الموضوع ما يهمك لا تناقشينه بذمة ويكون هدفك انه يعرف الصح ويقتنع .. خليك صدى لصوته وبس
واذا كان الموضوع يهمك تعاليله بالتدريج .. واذا وصلتو لنقطة خلاف اسكتي وافتحي الموضوع بعدين انا هذي سياستي وزوجي زي زوجك كان يشوفني مغرورة وعنيدة وراسي بدو تكسير |
رد : و أخيرا فهمت وجع زوجي .. " بدو يكسرلي را
اقتباس:
سهر بعد اذنك بلاش الكلمه دى .تقيله اوى على ودنى .. ليه ياسهر عاوزاه يكسرلك راسك .. لا نخليها احسسه انى متفاهمه معاه ومتجاوبه .. انتى اكبد بتعامليه بره البيت اكنه تلميذ عندك .. امام الاغراب اتركى له القياده والقرار ولا تعترضى على رأيه حتى ولو لم يعجبك .. كمان لا تنشغلى عنه بالفيس او بعملك خصوصا فترة وجوده معك .. الرجل يجب كلمات التشجيغ والاطراء كما المرأه .. كما انه بنتشى عندما يجد امراته تمدح فيه امام اقاربه لانى الاحظ ان المراه لا يحلو لها الشكوى من زوجها الا امام اقاربه .. وتقول زوجى ده صعب صعب مايتعاشرش .. طيب قاعده معاه ليه .. ماتسيبيه ..ولا خايفه من الحسد ؟ فاهمانى .. كمان عدم تسفيه رأيه او التقليل من شانه حتى ولو خطأ .. لازم يحس انك تعطيه القوامه عن اقتناع ونفس راضيه وهو من يتحمل مسئولية قراره وتفرغى انتى لامتاع نفسك وتدليلها مع توصيل ان ذلك ما كان ليتم الا لحبك له . |
رد : و أخيرا فهمت وجع زوجي .. " بدو يكسرلي را
حقيقة طلب زوجك طبيعية يريد أنثى بطبيعتها التي خلقها الله وتصنعها لا يمكن
وبيئة الأختلاط كافية أن تدمر الإنوثة الربانية , بالذات صوت المرأة لأنه مهما يكن جمال المراة فإن كان صوتها عالي فهذا خلاف الطبيعة الأنثوية . |
رد : و أخيرا فهمت وجع زوجي .. " بدو يكسرلي را
اييي يا سهر
تعالي اشكيلي واشكيلك .... شوفي ياستي لا تتوقعي ان سبب جفائه هو لانه بدو يكسر لك راسك الله وكيلك .. انا وحدة نادرا ما يرتفع صوتي ولا احب اجادل زوجي مع ذلك هو جاااااف باختصار طبع .. ولازم تتقبلي هالشي عساس ما يصيدك احباط ..... ما يمنع انك تغيري شخصيتك شوي باللي يتناسب مع زوجك وانا اشجعك على الخطوة كما قالوا خواااتي قبلي لا باس من التغابي احيانا ... الله يسهلك و ووافينا باخبارك خلينا نتطمن عليك |
رد : و أخيرا فهمت وجع زوجي .. " بدو يكسرلي را
كلك فهم يا سهر :)
حبيبتي مش صعب عليكي تفهمي جوزك وانت علم اجتماع بالعكس عايزين منك دورات نفسية :D ياقلبي جوزك مابدو يكسرك جوزك بدو يحس انك انثى و انو قائم عليكي هيك تربية رجالنا الشرقيين مابحبو يحسو الست فاردة حالها عليهم في عاطلين بدهم يكسرو الوحدة فعلا وفي زي جوزك بدهم يحسو برجولتهم وقوامتهم وصدقيني ... الرجال لو كنتي خاضعة الجناح الو عينيه بعطيها الك ولو كنت قاعدالو عالوحدة والله مابتشوفي منو خير هوة الاسلوب الي بفرق وانا بقلك عن تجربة بحب الرجال يحس انو الست لطيفة وادعة بتعرفي الست بتحكم الرجال بطيبتها و خفة دمها و انوثتها ودلعها بتاخد منه اي شي بهادول وهوة بحب هبك ليحس انو القوي و القائم عليكي ووقتها لما تسحريه وتاسريه بقلبك صدقيني بتلاقيه حمل وديع قدامك هالحكي عن تجربة كم سنة صدقيني بشكل غير مباشر الرجال بتملكه المراة فعلا بس في حالة لما تحسسو بالخضوع وشوي شوي بتعمل الي بدها اياه وضلك احكيلو تقبر قلبي ابن عمي ههههه:D الله يخليلك اياه ... مع الوقت بتفهميلو اكتر اديش الك متجوزة شكلك مش كتير |
رد : و أخيرا فهمت وجع زوجي .. " بدو يكسرلي را
سهر حبيبتي..
منذ أن كتبتِ الموضوع وأنا داخلة طالعة .. لا أجد ما أكتبه. عبارة (ما حيرتاح لحتى يكسر راسي) ألجمتني!! بل ويقولها لأخيكِ!!! |
رد : و أخيرا فهمت وجع زوجي .. " بدو يكسرلي را
ما يجب أن يكون واضح لك ان جاف و قاسي هده شخصيته و تكسير رأسك لن يجعله طيب و حنون
ربما إظهار بعض الخنوع و قليل من المسكنة تجعله أكثر هدوء .أقول ربما لأن بعضهم يصير مسلم ادا أظهر الطرف الآخر ااصعف |
رد : و أخيرا فهمت وجع زوجي .. " بدو يكسرلي را
قصدت متسلط
|
رد : و أخيرا فهمت وجع زوجي .. " بدو يكسرلي را
اقتباس:
!!!!!! |
رد : و أخيرا فهمت وجع زوجي .. " بدو يكسرلي را
حلم الايام ..
انا عارفة انو هو بدو ياني كون تحت سيطرتو .. بس زعجتني كلمة انو يكسر راسي اول ما سمعتها .. بس يعد ما فكرت فيا حسيت انو فعلا معناتا في عندي مشكلة بتعاملي معو الراجية رضا ربها .. فعلا هادا الي رح يصير رح غير حالي بوجودو و احتفظ بشخصيتي امام الناس |
رد : و أخيرا فهمت وجع زوجي .. " بدو يكسرلي را
كوكي ..
تماما ما رح اخسر شخصيتي الي تعبت عليها بس متل ما حكيتي لازم حسسو انو الاهم بحياتي ام الدانة .. تسلميلي حبيبتي و صدقا انا استفدت من هالمنتدى اكتر من دراستي الجامعية لانو دراستنا نظرية بس هون استفدت بالجانب العملي ريتاج .. الله يفرج عنك .. متابعة مواضيعك .. انا حاليا عمبشتغل ع حالي لاكون امامه بدور الضعيفة الي بتستمد قوتها منو ميمي .. انا ما بلشت بتجاهلو الا من بعد ما طفرت من جفافو العاطفي .. بس صدقي كانت طريقتي مفيدة لانو لولا تجاهلي الي ما كان انفجر و حكا لاخي و عرفت شو وجعو .. ع الاقل حاليا توصلت لراس الحبل صار فيني اعرف شو لازم اعمل روز .. الله يخليكي حبيبتي .. مرورك شرفني و اعطاني معنويات .. اعشق جنونه .. حاليا ماشية معو ع السراط المستقيم .. الي بقولو لازم يصير و شايفة نتايج حلوة عطر الفجر .. بالزبط صارلي فترة موقفة معو النقاشات و صايرة عمحاول قدر المستطاع انو ورجيه انو هو الصح خاصة ازا كانت مواضيع مو ذات اهمية .. بس الله يستر و قت يجينا شي موضوع جدي شو رح يصير .. مشكلتي لساني اطول مني هههه الهم رؤوف و الله و انا شايفتا كتير ثقيلة هالكلمة و اول ما حكالي اخوي ما تقبلتا .. بس بعد تفكير عميق حسنت اتوصل للمغزى .. ومعظم الرجال بكون كلامن بالصميم بدون تجميل و بالنسبة للمدح و الله طول ما منكون لحالنا بمدحو و بحسسو انو ملك .. بس مشكلتي اني امام اهلو ما بمدحو و بورجيين انو بعاملني بشكل مو تمام منشان ما يكرهوني .. لانو المتعارف عليه اهل الزوج خاصة امه و خواته ازا شافو ابنهم عمبدلل زوجتو بيكرهوها فانا بحاول اظهرلهم انو تعاملو معي ليس ولا بد منشان اخليهم يحبوني .. بس شكلا نظريتي غلط .. لازم اغير كل استراتيجياتي بالتعامل معو |
رد : و أخيرا فهمت وجع زوجي .. " بدو يكسرلي را
علو النفس .. بس نحن ببلدنا عنا الجامعات كلها اختلاط .. حتى هو درس بجامعة مختلطة
و ما حدا بقلي انو ما فيني انوثة الا زوجي هو الوحيد بالدنيا الي بسمع منو هالكلمة بس الي اكتشفتو هو ما بدو انوثة هو بدو يمشي كلامو علي و بدو ياني اكون بلا راي و لا تفكير و انا رح اعطيه الي بدو ياه لانو اولا و اخيرا هو زوجي و لازم اعمل شي لنعيش براحة بال جمانة .. معنانا لازم تبحثي بمشكلة زوجك معك .. بتعرفي انا من اول ما كتبت الموضوع و كنت عمبشوف ردود الاعضاء و بطبقها .. و الله العظيم خلال هالفترة زوجي انقلب معي .. الا شوي رح قول عنو رومانسي .. لسا ما وصل لدرجة الرومانسية بس متغير معي كتير جربي طنشي زوجك لوقت ما يصل لمرحلة ما يقدر يتحمل فيا و ينفجر و يحكي شو وجعو ملك شادي هو اكيد بدو ياني كون خاضعة الو بس في اسلوب الطف من هيك .. بجوز انا وصلتو لمرحلة الانفجار بس ع الاقل عرفت شو المشكلة و عمبعمل بنصايحكم و الحمدلله شايفة فرق واضح و ان شا الله ع التمرين و التعويد رح كون دايما متل ما بدو و ارتاح و اريحو مهرة .. و الله انا اول ما سمعت الكلمة من اخي كنت مقررة انو ما ععد ورجيه وشي ووصلتلو حكي عن طريق اخي انو انا وقت اتزوجت كان هدفي الاول اني كون عزيزة مكرمة مو متزوجة ليجي حدا و يكسرلي راسي بس بعد ما فكرت بكلامو حبيت اراجع حالي بكل تصرفاتي وشفت انو فيني شغلات زاعجتو من اول زواجنا و نبهني عليها و انا ما كنت اتجاوب معو و عرفت انو ما قال هالكلمة الا من بعد ما يأس مني .. و بالاخير هو زوجي و ابو ابني و متل ما فيو عيوب فيو كتير ايجابيات .. فحبيت اني اعرف كيف ممكن حسسو انو حسن يحقق مرادر يمكن يرتاح و فعلا اتبعت اسلوب جديد معو و الحمدلله متغير تماما معي حتى الجفاف العاطفي الي من اول ما تزوجت بعاني منو . بهالفترة حسيتو زال و صار اكثر ليونة معي .. ميس لا زوجي مو قاسي بمعنى انو ممكن يظلمني او يعذبني .. قساوتو بعدم التعبير عن مشاعرو .. هالجفاف الي عندو الي خلاني اتجاهلو لفترة مو قصيرة .. ضليت اكتر من شهر متجاهلتو لحتى وصل لمرحلة و حكا مع اخي و حكالو هالكلام .. بتشكر كل مين رد ع موضوعي .. و بنصايحكم فعلاااا حسنت اغيير شوي من جفاف زوجي .. ادعولي احسن استمر و يضل هو عميتجاوب معي |
رد : و أخيرا فهمت وجع زوجي .. " بدو يكسرلي را
اقتباس:
انا بدي ساعدو لحتى اخليه يرتاح .. ووقت رح يكون مرتاح بالمعيشة معي تلقائيا رح يريحني و يدللني الي بهمني اني عرفت سبب مشكلتو معي و بما انو صار زوجي و صار بينا اطفال بحس انو لازم اعمل شي للحفاظ على حياتي الزوجية |
رد : و أخيرا فهمت وجع زوجي .. " بدو يكسرلي را
وعليكم السلام ورحمة الله وبركاته ..
سهر حبيبة تأملي المشاركة رقم 21 و23 لملك شادي الحبيبة هيدا الحكي ولا بلاش تؤبريني ياملوكه بالفعل كما وصفت يريدك هكذا ...بحبك كتيير ملك ﻻيقصد تكسير الرأس كما فهمت ، ربما أنت تتعاملي معه بعناد فقال الكلمة بناء على ذلك ..خانه التعبير في غضبه .. تغيري من أجلك أنت أولا فسهر تستحق .. الله يسعدك .. |
| الساعة الآن 11:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©