|
احكمو بيني وزوجي مين معه الحق
السلام عليكم
ابيكم حكم بيني وزوجي وزوجي راح يشوف ردودكم طالعه من الدوام ومتاخر علي اخر من طلع من المدرسه واركب وتفاجا متاخر ياخذ اخته من دوامها وبسياره معه وابلعه واسلم واسولف مع اخته اصل بيتي وتوقع بينزلني ويروح يوصلها الا الاخ عازمها تجلس عندنا زوجها مسافر وتخيلو راجعه تعبانه زياده ضيوف الظهر مب وقت مناسب واقوله المفروض عطيتني خبر برساله انها بتنزل معنا استعد نفسي وشينه بحقي اقول قدامها مب موصل اختك قبل تاخذ بنتنا من مدرستها ويقول لا فيه مكان بسياره ليه ماقال بتنزل عندنا الخلاف الان انا اقوله انت غلطان المفروض عطيتني خبر برساله استعد نفسي وزياده زيارتنا رسميه بينا المفروض يوم قلت لك بتوصل اختك قلت لا عزمها وهو يقول لا ماغلطت بيتي واختي مب غريبه 😢 |
رد : احكمو بيني وزوجي مين معه الحق
1) ربما أنه قد وقع في موضع إحراج فقام بالمرور على أخته.. وفي الواقع يحق له أخذ أخته.. لمن يدعها؟! خصوصاً أن زوجها في سفر.. هنا معه حق. 2) أخوك وجه دعوة لأخته؛ لأنها في سيارته، ويريد أن يسعدها قليلاً بدعوته لبيته وتناول طعام الغداء معكما.. هنا معه حق. 3) نعم.. وقت الظهيرة غير مناسب لأصحاب الوظائف والأعمال.. هنا لك الحق. 4) كان من المفترض أن يرسل لك رسالة وربما نسي الأمر.. هنا لك الحق. ::: النتيجة من وجهة نظري: أنكما متساويان، وعفا الله عما سلف.. |
رد : احكمو بيني وزوجي مين معه الحق
للمعلوميه
انا ماعتبته ع تاخره متعوده اصلا ولا توصيل اخته الي مافيه خير الاهله مافيه خير للناس 😁 واخته استقبلتها ولا وضحت لها حاجه وغديتها والان نايمه وخلافي معه مب ع عزيمتها خلافنا ع انه ماعطاني خبر لو برساله هذي راحت لكن هدفي للايام الجايه 😁 |
رد : احكمو بيني وزوجي مين معه الحق
اقتباس:
متساوين بايش انا ماسويت شي انا ابي بس خبر يعطيني من باب التقدير بس لاغير وهو يشوف ماله داعي 😢 |
رد : احكمو بيني وزوجي مين معه الحق
اقتباس:
1) انفثي عن يسارك ثلاث مرات، واستعيذي من الشيطان الرجيم. 2) دعي الحياة تمضي؛ فالأمر جداً بسيط.. ولن يتكرر مع الأيام. |
رد : احكمو بيني وزوجي مين معه الحق
اقتباس:
المرأة هي اللي تخدم و تتعب في الاستضافة اذا ما اخد مشورتك اقل شي يخبرك منشان المرة الجاية يحسب حسابك حبيبتي احتسبي الاجر في استضافتها :) |
رد : احكمو بيني وزوجي مين معه الحق
اقتباس:
والحمدالله مافيه هواش ولا زعل هي فقط اختلاف وجهه النظر ان انظر لي حق رساله وهو لا 😢😢 |
رد : احكمو بيني وزوجي مين معه الحق
اقتباس:
مابيه ياخذ مشورتي يعزم والله يحييهم ع عيني وراسي ابي بس يعطيني خبر برساله من باب التقدير لاغير ولا اجل افشل نفسي اقول مايتوصل اختك قبل تاخذ بناك احسها شينه 😭😭 وهو مصر مالي حق حتى الرساله 😢😢 |
رد : احكمو بيني وزوجي مين معه الحق
حبيبتي واضح ان الموضوع جا فجأه لاتدققين..دقت عليه ومرها واستحى وعزمها يوم ركبت معاه ماتحتاج رسايل ولاهم يحزنون،،واذا ارسل لك وانتي بالمدرسه وش بتفرق معاك انتي بدوامك مايمديك تسوين شي..لاتخلين الشيطان يفرح بما بينكم..تعوذي منه
|
رد : احكمو بيني وزوجي مين معه الحق
اقتباس:
انا انسانه اقدر الاستعداد النفسي 😁😁😁 |
رد : احكمو بيني وزوجي مين معه الحق
إلا صحيح , معك حق , ماراح يضره لو بلغك برساله تستعدين نفسيا
أحسن من تتفاجئين ويبان بردة فعلك حتى من صالحه هو تستقبلينها بكلمات طيبة , وترحبين فيها لكن يكفي تخبرينه برغبتك , ولا تنتظرين منه إقرار بعض الرجال يسمع ولا يقر لكنه يتدارك ذلك مستقبلا |
رد : احكمو بيني وزوجي مين معه الحق
اكيد بيقرا الردود ؟gnn
هذي الرد له : اي اكيد غلطااان ... على الاقل يخبرك برسالة هذي ابسط شي والا المفروض ما يعزمها قبل ما يستاذنك jyjy وخاصة انك موظفة وتعبانة بس مشيها له هالمرة ... المرة الثانية ... لا تمشيها له شلون مدري khh بس انا واثقة فيكي وفي قدراتك dfh هذي الرد لك بدون ما يقرا: يا ختي مشيها واحتسبي الاجر جات على ذي وسعي صدرك وانا اختك ما في شي بهالدنيا يستاااهل bhtjyhjyhjyh |
رد : احكمو بيني وزوجي مين معه الحق
اقتباس:
الله يسعدك ويوفقك < الرد لمصلحتها |
رد : احكمو بيني وزوجي مين معه الحق
اقتباس:
والله ابي امشي ولا فيني اصلا خلق هوشات ولا احب الحياة قصيره وش حياتي بدونه الله يخليه لي وعياله بس مرات مواقف تفقدين اعصابك وانا بذات بالاشياء الي اشوف فيه تقدير واحترام ابشري دعواتك لي بسعه الصدر |
رد : احكمو بيني وزوجي مين معه الحق
اتمنى مايقرا ردي عشان انتي طلبتي الحق
الحق في هذا الموقف اعتقد انه مافيها شي ولا هو شرط استعداد نفسي ولا موقع عتب تعاتبين على انه عزم اخته بدون مايراسلك لاهي مناسبة كبيرة الامر سهل بااذن الله وانتم عاائلة ياختي لاتجعلين هالامور تجعل بينكم عتب اتركي العتب لاامور اكبر خصوصا بالظهر ورجعة الدوامات الكل تعبان ومو قادر يفكر مضبوط |
رد : احكمو بيني وزوجي مين معه الحق
اقتباس:
و نام الرجال ماجاب خبري 😁😁😁 لانه عند نفسه صح يعني انتي عادي عندك ضيوف يدخلون عندك بدون ماتدرين وفيه مجال يعلمك برساله وهو يعرفك ويعرف انك ماتحبين الزيارات المفاجاه ؟؟ وردك من باب العدل بيشوفه ☺☺☺ |
رد : احكمو بيني وزوجي مين معه الحق
عشانك تموني علييييه و يحبك
ما فكر انه يبلغك مو عشان قلة تقدير لك : ) |
رد : احكمو بيني وزوجي مين معه الحق
قال لك البليغ..
انفثي ثلاثاً عن يسارك والأمور في السمبتيك.. ترى على فكرة الرجال يفهم الرسالة كأنها استئذان يعني كأنه يستئذنك اعزمها أو لا؟؟ وأساساً كذا وإلا كذا عازمها. |
رد : احكمو بيني وزوجي مين معه الحق
خذي الامور ببساطه ولا تدققي
قالك ولا ما قال لك حياها الله هي مابتعيش عندكم عطول |
رد : احكمو بيني وزوجي مين معه الحق
أنا طبعي مثل طبعك ما أحب المفاجأت وأحب أني أكون مستعدة نفسيا لمثل هذه المواقف واتضايق جدا عندما اجد نفسي امام الامر الواقع بدون اي استعداد وعلى الرغم من اني اقوم بكامل واجبي على اكمل وجه في تلك الحالة مثلك تماما الا انني بعدها انفجر في وجه من وضعني في هذا الموقف لأنه سبب لي ضغط نفسي وتوتر أنا في غنى عنه لو اعطاني علم مبكر بالموضوع ...وبما أن زوجك يعرف طبعك فاعتقد انه لن يكرر هذا الموقف وخصوصا وانك نبهتيه لذلك ولكن لاتنتظري منه الاقرار لأنها طبيعة اغلب الرجال.
|
رد : احكمو بيني وزوجي مين معه الحق
اقتباس:
ع رفع من معنوياتي 😘😘😘 |
رد : احكمو بيني وزوجي مين معه الحق
اقتباس:
مشكله اختلاف الفهم للاستاذان 😢😢 |
رد : احكمو بيني وزوجي مين معه الحق
اقتباس:
مشيها .. ترا الموضوع بسيط جدا . ------------------ الأخ الفاضل زوج ريفان .. كان من الأفضل أن تبلغ زوجتك برساله أو اتصال , ولو أنك وقفت عند مطعم وأحضرت معك غداء لكان أفضل وأفضل , وفي المرة القادمه بلغ زوجتك مسبقا بارك الله فيك . |
رد : احكمو بيني وزوجي مين معه الحق
اقتباس:
|
رد : احكمو بيني وزوجي مين معه الحق
اقتباس:
|
رد : احكمو بيني وزوجي مين معه الحق
انفثي عن يسارك ثلاث مرات،
خلي عندك روح رياضية و ضيفيها احلى ضيافة و اكرميها و اذا خرجت من البيت خذي زوجك على جنب و حادثيه بكل ود و احترام انه ينبهكي المرة القادمة لو قبلها بدقيقة حتى تحسني استضافتها و انتبهي يحصل بينكم مشادة على هذا الموضوع لأنه ما يستاهل |
رد : احكمو بيني وزوجي مين معه الحق
والله وأنا بعد طبعي مثل طبعك انتي والاخت nene2004
لكن لو صار لي نفس الموقف بمشيها لكن اللي ماراح أمشيه ومن سابع المستحيلات اني أسويه اني أطبخ غداء.. بما انه عزم اخته بدون مايعلمني مسبقا وبما انه أنا جايه من الدوام تعبانه.. الله لا يهينه يجيب غداء من أقرب مطعم :) |
رد : احكمو بيني وزوجي مين معه الحق
اقتباس:
وتكمل ياقف ياخذ غدا لا يابن الحلال الغدا مجهز مبدائيا بس ابي رساله قسم بالله استعد نفسي واحس انه مقدرني 😢 |
رد : احكمو بيني وزوجي مين معه الحق
بصرااااااحة اختي ماني شايفه الموضوع مستاهل كل هذا ...
لو كان مستقبل ناس كثير او ناس توها صاحيه مفلله يعني تبي القهوة والشاهي و الوجه الحسن والسوالف والعلوم يحق لك تزعلي لانك تعبانه تبين الراحة لكن اخته بعد توها طالعه من الدوام تبي الغداء والنووووم فقط فماله داعي تسببي مشكلة مع زوجك ودامك عاتبتي صدقيني راح يراعيك المره الجايه باذن الله |
رد : احكمو بيني وزوجي مين معه الحق
اقتباس:
احسها عيب بحقي 😢 بس حلو طلع احد نفسي قدر الاستعداد النفسي 🙈🙈🙈 |
رد : احكمو بيني وزوجي مين معه الحق
اقتباس:
وهذاه عندي ع الايباد ويضحك مبسوط من ردودكم هذي اخر الصداقه تاقفون معه 😢😢😢 بس انا ابي رسااااله واشوفها من حقي استعد نفسي 😁😁 |
رد : احكمو بيني وزوجي مين معه الحق
اقتباس:
|
رد : احكمو بيني وزوجي مين معه الحق
اقتباس:
|
رد : احكمو بيني وزوجي مين معه الحق
يا زوج ريفان .. اسمع الكلام وخلك عاقل jyjy بعد صلاة العشا .. خذ زوجتك واختك الله لا يهينك لكوفي شوب ولا مطعم حليو تعشوا ولا تقهووا خل زوجتك تحس انها تستاهل التقدير fdgrg ومنها تعزم اختك على شي بسيط وتغيروا جو |
رد : احكمو بيني وزوجي مين معه الحق
اقتباس:
وعشاهم بيتنا اصحى لهن 😔😔 |
رد : احكمو بيني وزوجي مين معه الحق
اقتباس:
::PPP |
رد : احكمو بيني وزوجي مين معه الحق
اقتباس:
لأنك امرأة سنعه وبنت أصول وراعية واجب فتوقع زوجك ان الموضوع سهل عليكي. هذا بالاضافة الى انه لم يتخيل موقفك ، حبيبي زوج ريفان تخيل ان اخ المدام كان منتظرك عند دوام المدام!!! انا صراحة لو مكانك اطرطع عليها ليش ماخبرتني انو بنرجع اخوها معها عشان استعد نفسيا، انا مااصدق متى تركب المدام عشان اسولف معها عن مشاكل اليوم او طلباته الا الاقي اخوها معها واحتاج ارجع للمجاملات اللي توي تركتها في العمل. وعلى فكرة اختي، ترى صار لي نفس موقفك من زمان وعاتبتني المدام ودافعت عن نفسي نفس دفاع زوجك ولكني عرفت انه يجب علي اخبارها لأني اختي تعتبر غريبة عليها.ومستقبلا اصبحت ابلغها |
رد : احكمو بيني وزوجي مين معه الحق
اقتباس:
من الان بنتي لولدك كان ولدك طلع عليك ☺ |
رد : احكمو بيني وزوجي مين معه الحق
اقتباس:
زين دامك كنت زي زوجي ورده يعني فيه امل انه مقتنع بس يكاابر يااارب |
رد : احكمو بيني وزوجي مين معه الحق
أنا برأيي الموضوع بسيط جداً .. لكن قبل فترة
زوجتي زعلت بعد ما عزمت اختي دون اذنها هههههههههههه خذي الموضوع عادي وبعد العزيمة عطيه خبر ان يخبرك مرة ثانية |
| الساعة الآن 02:07 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©