|
والد زوجتي وتدخلاته في أموري الخاصة ببيتي
السلام عليكم ورحمة الله
يا جماعة الخير ساعدوني والله ثم والله اني وصلت لدرجة افكر اقتل أنا تزوجت قريب ودفعت في هذا الزواج كل ما املك وسويت اجمل عرس ولكن،،، عمي والد زوجتي ناشب في حلقي يبي يبين لي انه القوي اللي بيمشي كلامه والمشكلة يدخل في كل صغيرة وكبيرة في البيت تخيلوا حتى الأثاث بعد ماخلصت جبت زوجتي وقالت ماشاء الله حلو وجا عمي وقال لا أنا ماعجبني المهم والله يا جامعة الخير أني تعبت وتعبت نفسيا لانه يسوي اشياء مدري كيف اكتبها بس يأذيني بكل طريقة وانا احاول أمسك نفسي ،كرهني في حياتي وكرهت زوجتي وكرهت كل شي وصلت لدرجة قلت بطلق ولكن خايف من كلام الناس اقسم بالله العظيم اني اتمنى ان يرجع الزمن للوراء ولا اتزوج تم تعديل العنوان ليتناسب مع مضمون الموضوع |
رد : من جد كرهت حياتي
دامك تزوجت قلل الزيارات ، وفاتح زوجتك ويصارحها قلها يعجبك اللي يصير ،،
|
رد : من جد كرهت حياتي
اقتباس:
وهو وصل لدرجة يجي لزوجتي ويقول برجعها بكرة ومايرجعها الا بعد من أربعة الى خمسة ايام |
رد : من جد كرهت حياتي
ليش على طول راح عقلك للطلاق ؟؟؟؟
انت متضايق منها ولا من ابوها؟؟؟؟ خلاص اقطع علاقتك به وكلم اي احد من عياله ان يبعد آذاه عنك |
رد : والد زوجتي وتدخلاته في أموري الخاصة ببيتي
ينقل الى القسم الانسب
قسم العلاقات الاسرية والاجتماعية |
رد : والد زوجتي وتدخلاته في أموري الخاصة ببيتي
لا تطلع زوجتك مكان الا انته موصلها ،،. ارسم حدود من الان و بقوه ،،، كل شي يتحدد من البدايه. بكره بيتجاوز حدوده ان سكت له،،، زوجتك كلمها ،، قولها طلعتي من بيت رجال و دخلتي بيت رجال ،،، اهلك شي و حياتك الزوجية شي اخر
شد عليهم من الحين وخل تستوي مشاكل ،، بتتعب من أولها و بتستريح تالي ،، |
رد : من جد كرهت حياتي
اقتباس:
قطعت علاقتي به ومارد عليه واليوم جا معلق على البوري من الحوش لين صحيت وقال نزل بنتي بمشيها شوي المشكلة هي مسكينه ماتدري وش تسوي ماغير تروح معاه كل ماجاها والله ثم والله اني احاول اتقي شره ولكن هو يدور للمشاكل من لا شيء |
رد : والد زوجتي وتدخلاته في أموري الخاصة ببيتي
اقتباس:
|
رد : والد زوجتي وتدخلاته في أموري الخاصة ببيتي
اقتباس:
حتى ان قفلت جوالها ونامت يجي يسال يقول وش سويت فيها مقفله جوالها |
رد : والد زوجتي وتدخلاته في أموري الخاصة ببيتي
زوجتك شو رأيها في الموضوع؟ ضروري يتوقف عند حدددده ضروري جدا
|
رد : والد زوجتي وتدخلاته في أموري الخاصة ببيتي
يارب اموت وارتاح
|
رد : والد زوجتي وتدخلاته في أموري الخاصة ببيتي
اقتباس:
والله لا اقولها هياط لا اعرفكم ولا تعرفوني لكن افكر اقتله |
رد : والد زوجتي وتدخلاته في أموري الخاصة ببيتي
أموت وأقتل واطلق ومادري ايش.. ايش هالالفاظ
على العموم رحمت أبوها .. اكيد كانت يدلل بنته و يحبها مرة انا عندي بنات صغار و حاسه بشعوره هو فاقدها بقووووة فانت لاتصير متحجر وتحمله و راعه فترة لين يتعود ومافيها شي لو طلعها معاه شوي خلك مثل ولده تريح وترتاح |
رد : والد زوجتي وتدخلاته في أموري الخاصة ببيتي
اقتباس:
مو مشكلة صبرت له ياخذها ولكن مو يقول برجعها بكرة ويجيبها بعد اسبوع من حركاته حتى اذا طلعت انا وزوجتي وأقسم بالله يدق كل خمس دقايق ويقول ان مارديت علي ترى ببلغ الشرطة يمسكونك وكأني شيطان ااااااه بس وش اقول ووش اخلي يما قالوا لي الناس لاتتزوج من عنده تراه شايف نفسه بس ماصدقت الله لا يسامح السبب في هذا الزواج اللي كرهني كل شي |
رد : والد زوجتي وتدخلاته في أموري الخاصة ببيتي
إنتبه لكلامك إذا صار في الرجال شي أول من يتهمون إنت
والكلام إللي كتبته يكون دليل ضدك ياريت تركز شوي وماأشوف الموضوع كبير كثر ماإنت مو عارف تتصرف طيب ماجابها إنت ليه ماتروح تاخذها؟؟ ليه تستناه هو يرجعها؟؟ زوجتك ليه ماحكيت معها وفهمتها إنك متضايق؟ ليه ماجلست مع أبوها نفسه أو مع أي أحد في العايله؟ الحلول كثير لكن إنت الله يهديك تفكر تحل الأمور غلط هدي نفسك شوي وفكر زين |
رد : والد زوجتي وتدخلاته في أموري الخاصة ببيتي
اقتباس:
قلت لزوجتي والله واكثر من مرة وتقول وعارفه انه ابوها المخطئ لكن كأنها تنسى كل شي وقت الجد ابوها وواحد من إخوانها يبون يبنون شخصيتهم على حسابي مع اني سبق وقلت لابوها دامك تشتاق لها كذا لاترجعها وجابها نفس اليوم بس بعد اسبوع تقريبا رجع على حركاته وماعنده احترام ابد مثل اليوم جاي من الصباح يعلق ع البوري صحى كل الناس علشان يبي بنته والله ياخوي اني تعبت من هذي الحركات وان قلت بطلق فجماعتي بيقولوا انا المخطي |
رد : والد زوجتي وتدخلاته في أموري الخاصة ببيتي
فوق هذا كله يجي كل يوم يدخل كل مكان ويفتش كل مكان ورب البيت حتى دورة المياه يدخل ويقول الصابون هذا والشامبو ماقد شفته اشتر من القديم القديم أزين ويهاوش بأعلى صوت
وأشياء كثيره صحيح يمكن تشوفوها اشياء تافهه لكن بالله عليكم حطوا انفسكم مكاني كل شوي يدخل عليكم بهواش ولوما يلقى شي تصنع اي حاجة من عنده بس علشان يهاوش وانا أتحمل وأتحمل |
رد : والد زوجتي وتدخلاته في أموري الخاصة ببيتي
كلام أحد عاقل من أهل الزوجة مثل عمها أو خالها أو أحد يمون عليه حتى يبين لوالد زوجتك إن ما يفعله لا يصح
|
رد : والد زوجتي وتدخلاته في أموري الخاصة ببيتي
هي أول بنت له تتزوج؟
وكم عمر أبوها؟ إذا لها أخوات أو أخوان متزوجين يتعامل معهم بنفس الطريقه ولا بس إنت؟ إنت من نفس عايلتهم ولا من برا؟؟ إجابتك على هالأسئله بتخلينا نفهم تصرف أبوها أكثر |
رد : والد زوجتي وتدخلاته في أموري الخاصة ببيتي
اقتباس:
والله ياشباب لو تعيشون نفس الموقف وتعرفوا كيف احساسي تخيلوا كلما جاني يقول والله لو تزعلها معاد تشوفها والمشكلة ماقد زعلتها والحين معاد اطيقها حتى هي والله ان نفسي عافتها وعافت كل شي |
رد : والد زوجتي وتدخلاته في أموري الخاصة ببيتي
اقتباس:
لا انا مو من عائلتهم ياشينها من عائلة |
رد : والد زوجتي وتدخلاته في أموري الخاصة ببيتي
اقتباس:
|
رد : والد زوجتي وتدخلاته في أموري الخاصة ببيتي
المشكلة ياشباب ابي أطلقها ومادري وش بيكون كلام الناس خايف يقولو اني انا السبب
|
رد : والد زوجتي وتدخلاته في أموري الخاصة ببيتي
اقتباس:
|
رد : والد زوجتي وتدخلاته في أموري الخاصة ببيتي
مالك شغل بكلام الناس ولاتاخذ البنت بذنب أبوها
ياأخي إنت ماتدري أختها كيف عاشت مع طليقها يمكن الأب زاد حرصه على بنته من بعد طلاق أختها يبي يحسسك إن بنته وراها ظهر إنت أهدى شوي والأمور تنحل إن شاء الله |
رد : والد زوجتي وتدخلاته في أموري الخاصة ببيتي
ياخوي هدي نفسك ! والطلاق شيله من بالك البنت مالها ذنب وماعتقد مرتاحة من الحركة بس ماتقدر تقول لوالدها شي هي محتاجة انك انت اللي تتكلم وتوقف الامور عند حدها ،،،،
اقعد مع ابو زوجتك و صارحهه باللي بخاطرك ! قوله نقاطك والامور اللي مو عاجبتك بكل احترام وهدوء وبالاخير فهمه انك قاعد تحس شوي شوي بالنفور من البنت من هالحركات ولازم يكون لها نهاية ،،، |
رد : والد زوجتي وتدخلاته في أموري الخاصة ببيتي
نوعية عمك هذا تجيب المرض ..
اول شي شيل فكرة الطلاق من راسك وبذبحه وبسوي وبفعل ، غمك يبي له خطط جهنميه وبعدها اما تكون او لا تكون .. يعني لازم مواقف صارمه منك وقوية ، انا برجع لموضوعك وبعلمك وش تسوي .. |
رد : والد زوجتي وتدخلاته في أموري الخاصة ببيتي
اقولك شي حاسه فيك والله
حسيت اخوي يشرح معاناته يوم تزوج اخوي ابوها جا عندها لين غرفتها في الفندق وكعد يصيح؟؟؟؟؟ وثاني يوم من ال7 الصبح قال بشوف بنتي شسوا فيها ال...... شتم اخوي شوف اخوي قولها قررت انفصل كلام بس قولها ماعدت اطيق ابوج ووصليله ان سبب طلاقج هو يا يخف تصرفاته يا ترجعين عنده وقولها انتي دام ابوج مايستغني عنج خلاص روحي كعدي يمه ابرك لج اكيد بتوصل الكلام لابوها واخوانها وامها وعاد انت بهالساعه قولهم عن تصرفاته وقولهم انا عافت نفسي بنتكم بسبب ابوها خلاص خلي ابوها يشبع فيها ويدللها بتشوف البنت بتقولك مابي ابوي ابيك وخلصت السالفه ماله داعي حرق الاعصاب انت رجال والكلمه والشور بيدك مو بيد ابوها شفيك اذا من الحين ومانت كادر تمسك زمام الامور شلون باجر لا جوك عيال بيكونون عيالك شورهم جدهم الغثيث الله يكون بعونك |
رد : والد زوجتي وتدخلاته في أموري الخاصة ببيتي
انا اقول لك حل وبإذن الله ينفع معاك واتمنى تطبقه بحذافيره
تعامل معاه بطيبة ، ورحب فيه كل ماجاء وعطه من الكلام الزين انت الخير والبركة ياعم ، والله إني أفرح بشوفتك وبنتك متى مااشتقت لها خذها وردها متى ماتبي اذا اتصل عليك رحب فيه اذا جاء يأخذ بنته ،قل له ياعم ليش تعبت نفسك كان اتصلت علي انا أجيبها لك أحياناً نقلب الأمور عشان نحصل على النتائج اللي نبيها . ابو زوجتك نفس بعض أمهات الأزواج تنشب لزوجة ولدها لأنها تحسب انها داخلة تبي تآخذ ولدها منها جرّب هالتعامل معاه لمدة شهر وصدقني الا مايتغير للأفضل . |
رد : والد زوجتي وتدخلاته في أموري الخاصة ببيتي
ههههههههههههههههههه
والله شر البليه مايضحك... آه يااخوي حاسه فيك لكن انا ام زوووووجي كانت بداية زوجي تاخذ زوجي عندها وتتدخل في كل صغيره وكبيره والله لدرجة اني مره قفلت علي باب غرفت نومي بغير ملابسي وفتحته علي وكانه شي عادي تقول بسرعه البسي وواقفه الاخت ماراحت الا لما قلت طيب بلبس تفتش اغراضي ولازم تعرف ايش الي يدخل بيتي تزوجت وعمري 19 كنت احب البطاطسات وكانت تحرمني منها تقول ماعندكم صغار وزوجي وراها في كل شي اروح لاهلي ارجع وبيتي فيه اولادها واولاد واولادها بكييييت خلاص لا تدكرني .،،،،،..،تنتقد كل شي كل شي تخيل سويت مره ايدام ياناس ايدام فيه خضروات وتقول حطيتي فيه بيض اه اه بنجلط هذول يقصرون العمر ... لكن ربي ماخيب صبري ع الاقل انت تقدر تفرض ع زوجك اوامرك انا كان يقول الا اميييي لا تغلطي عليها والان بعد مرور 10 سنوات زواااج لازلت لكن بطرق اخف لاننا نقلنا عنها شوي واصبحت اتجنبها وترى الحل الوحيد مع الشخصيات هذي التشهير فيهم امامهم مثلا اذا جلست في مجلس رجال تقول بالله ايش رايكم بالرجال الي يدخل ع زوج بنته ويفتش في حماماته وغرفه وياخذ بنته بدون رضا زوجها انا كنت المح لها قدام الحريم وخفت بكثيييير .... الله يعينك سلاحك زوجتك عقلها بتعقل ابوها قولها اذا طولت مارجعخا شكلك تبغين تلحقين اختك |
رد : والد زوجتي وتدخلاته في أموري الخاصة ببيتي
الله يعينك ومااحد يقدر يلومك بس ليش تقتل الله احل امور لتفادي مصائب
تبيع دنيتك واخرتك تخسرها اي نحن معاك هو غلطان وضيف في بيتك ومايملك الحق بالتفتيش وانصحك اجلس مجلس فيه عمك واحد الرجال الثقات وقول انا هالرجال ياخذ زوجتي بدون شوري يدخل بيتي ويفتش ويتدخل حتى بالصابون والشامبوا انا المسؤل عنها وعن تمشيتها وعن اغراضها وانا ماتزوجته عشان اتشارك انا وابوها فيها ياانه رجال يمشي حسب الاصول او ننهي الامر وخل الرجل الثقه يفصل بينكم انا انصحك ان تتحرك وتحاول تحلها |
رد : والد زوجتي وتدخلاته في أموري الخاصة ببيتي
نسيت اقلك انه زوجي نضج وفهمها انها نكدت عليه حياته لانه اشتكيت له كثير منها فانسحب منها شوي شوي يعني مايخبرها عن حياتنا وطبعا بشق الانفس قدر يغير من نفسه لانه تعود انه لازم يقولها كل شي
والاحظ عليه حاليا يتضايق من جيتها عندي لانها لازم تدق من تحت لتحت( اسال الله ان يغنيها عني ولا تعيش معاي لانه ساعتها بهدم كل سنوات العشره وصحتي اهم من الزوج ولاولاد) سامحوني نفسي افضفض.: اتصالاتها علي وع ولدها بالهبل في اليوم تدق يمكن اكثر من ست الى سبع مرات ع اي تافهه تدق اذا جاني ضيوف تامرني اسوي العشا الي هي تبغاه لكن قطعت عادتها هذي من سنه ماارد عليها ابدا الى ان تغيرت رغم انها تقول لزوجي وتحرضه علي كثييييير وحطو ع التحريض خطوط طويله وعريضه اذا انتهت صلاه الفجر ولسى نايمين تدق باب غرفة النوم بقوه بدون مراعاه لطفل نايم اوزوجه مريضه اذا شافتني كاشخه ترتز في بيتي ماتروح وتطلب من زوجي يروح ينام وتقعد معاي رغم انه لها شقه وامور كثيره استحي اقولها لانها جريئه جدا في كلامها عن الجنس وهي ارمله ... اذكر حسناتها في كرمها بالاكل لي ولاولادي يعني تطبخ كثير وترسل لنا.... واعانتها لزوجي لقيام الفجر رغم قساوة اسلوبها .. واهتمامها الشديد بوالدتها ووالدها .. |
رد : والد زوجتي وتدخلاته في أموري الخاصة ببيتي
أكيد هي أول بنت يزوجها صدقني عادي وسع صدرك في آباء مايستوعب ان بنته تشوف رجال كبير في عيونها غير أبوها أويوفرلها وضع أحسن من وقت كانت عنده علشان كذا دايما يحاول يقلل منك أمامها علشان ماتظهر انت أحسن منه بهذي الحالة جرب تخليه كأنه ابوك وحسسه انك تسمع كلامه وانه أكثر فهم منك وانت تتعلم منه وأنه احسن منك ولاتسحب عليه احترمه ولاتتوتر معاه برودك وان تسوي أنك مو فاهم حركاته بيهديه وزوجتك لازم تشد شوي مع ابوها انت قوله أنا أحتاجها ولاتدخل معاه بصدامات شوي شوي بيقتنع ويتغير ويصير يحبك مثل أولاده.. اكيد انت متزوج جديد والموضوع يحتاج طولة بال وسلامتك.
|
رد : والد زوجتي وتدخلاته في أموري الخاصة ببيتي
شكله ابوها عنده مرض الوسواس القهري
مافي شئ يستحق انك تقتل او تطلق فقط تصرف وحل مشكلتك وكما قالت احد الاخوات لمح لها اانك مش قادر تتحمل الوضع ووديها بيت اهلها وانك بطلقها. .مجرد تهديد. .ان شاءالله يتعدل اذا ماعنده مرض الوسواس واذا كان عنده المرضى مافي قوة بتحسنه الا اذا تعالج |
رد : والد زوجتي وتدخلاته في أموري الخاصة ببيتي
انت جربت معاه القسوة و ما جابت نتيجة، جرب انك تغير طريعتك معاهم
البرود و التطنيش ادا جاء ابوها قبل لا يدخل سكر كل الغرف و لا تخليه يعدي الصالة و اذا جاء يطلع بنته، بتقول له انك محتاجها اليوم المهم لا تخلي اي خطة من خططه تنجح ادا اختار شئ اختر غيره، سفه كلامه، لا تطاوعه ابدا، حتى يحترم حدوده الله يكون في عونك |
رد : والد زوجتي وتدخلاته في أموري الخاصة ببيتي
اقتباس:
بس حسنات ام زوجك هذه سيئات عند ام طليقي تخبي الاكل ولا سفر ولا زيارة لا اهل فلوسي لهم قد ما تتخيلون تبي طريقة اولا زوجتك غصب تتدخل قولها حياتي معاك جحيم بسبب ابوك يا تنصحينه يا مع الباب عيشي معاه ,,,,تهديد بس ثانيا روح للجنة الاصلاح للمحكمة وخبرهم ويستدعون ابوها واحد من طرفه كبير اي حكم من اهله قدامك وكلن يطلع اللي عنده طبعا معك احد من اهلك كبير وحدد زيارته لك ف الاسبوع مرة والاتصالات وكل شي ضايقك واكتبوه في ورقة ثالثا تنقل من المدينة اللي هو فيها طليقي لما طردني ووصلت لاهلي ندم وقالوا له شروطنا امك ماله دخل بحياتكم ووافق ثم حرضته على طلاقي اللي يذوقها وترجع لبناتها زوجتك لها دور دامها مستانسة الله يكون بعونك |
رد : والد زوجتي وتدخلاته في أموري الخاصة ببيتي
الله يعينك ، طوول بالك اخوي شيل موضوع الطلاق من راسك
ايش ذنبها البيت حرام تكسب ذنبها ! الله يصلح حالك |
| الساعة الآن 02:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©