هل المتزوجات يهتمون انفسهم بعد الزواج ؟
 

السلام عليكم ورحمة الله وبركاته
عندي سؤال اذا ممكن ، ومدري مكانه هنا صح او غلط .
هل فعلا ان كثير من البنات ما يهتمون في انفسهم بعد الزواج ، وطبعا اقصد الاهتمام الكريمات والعنايه بالبشره والكلام هذا ؟
لان من كلام كثير متزوجين اعرفهم ، ان مافي اهتمام ، يهتمون بالنظافه الشخصيه واللبس فقط .
فهل هذا صحيح ؟

رد : هل المتزوجات يهتمون انفسهم بعد الزواج ؟
 

على حسب

فيه حريم الاهتمام هذا من ضمن حياتهم

و فيه اللي لو ما لقت لها اهتمام من زوجها و لا مدحها ما عاد اهتمت >>> تقول هو مو داري و لا مهتم

اذا انت تحب هذا الشي فمن يوم ما تتزوج و تبدأ زوجتك تتعطر و تتمكيج لك امدحها و عززها و قول انك تحب هذا الشي ،، ' منها

رد : هل المتزوجات يهتمون انفسهم بعد الزواج ؟
 

زوجتك ع ماتعودها

رد : هل المتزوجات يهتمون انفسهم بعد الزواج ؟
 

اذا تحبك .. تسوي اي شيء عشانك

رد : هل المتزوجات يهتمون انفسهم بعد الزواج ؟
 

بهالموضوع أشوف إن البنات ينقسمون لثلاثة أقسام:

- فيه إللي تهتم بنفسها عشان نفسها وتلقاها دايم على سنقة عشره وتحب الزين وهي بنت وهاذي بعد الزواج تستمر زي ماهي
لأنها مهتمه عشان نفسها مو عشان أي أحد

- إللي ماتهتم بنفسها نهائي وأهم شي بالنسبه لها النظافه الشخصيه ويمكن حتى هالشي مهملته هاذي بعد الزواج بتستمر نفس الشي

- إللي تهتم بنفسها مؤقتاً بس عشان تتزوج وبعد الزواج بفتره خلاص تبرد زي مايقولون بالأخص لو زوجها من النوع إللي مايهمه
أهم حاجه ياكل ويشرب وياخذ حقه الشرعي وبس

في النهايه أي شخص قبل يطلب من شريك حياته الإهتمام لازم هو يهتم بنفسه عشان تاخذ لازم تعطي ويفضل يكون طلبك بأسلوب لبق

وأبتعد عن المقارنه تماماً بعض الرجال يعتقدون لو أثاروا غيرة زوجاتهم هالشي بيخليها تتحمس وإللي بيصير في الواقع العكس

رد : هل المتزوجات يهتمون انفسهم بعد الزواج ؟
 

[QUOTE=عاشقة القهوة;3091479]على حسب

فيه حريم الاهتمام هذا من ضمن حياتهم

و فيه اللي لو ما لقت لها اهتمام من زوجها و لا مدحها ما عاد اهتمت >>> تقول هو مو داري و لا مهتم

اذا انت تحب هذا الشي فمن يوم ما تتزوج و تبدأ زوجتك تتعطر و تتمكيج لك امدحها و عززها و قول انك تحب هذا الشي ،، ' منها[/QUOTE
يالله الله ييسر ، مع ان الي اعرف مو يمدحون وبس ، الا كمان يطلبون وعلى قولتهم وانا مادري ولا احكم وانما هنا اسأل فقط ، فعلى قولتهم انه لا حياة لمن تنادي ، واذا مره اصر عليه ، اهتمت يومين ثلاثه ورجعت بعدين مثل ما كانت .

رد : هل المتزوجات يهتمون انفسهم بعد الزواج ؟
 

الله ييسر مع ان مافي مثل الشي اذا هو منه ومن نفسه وباقتناعه

رد : هل المتزوجات يهتمون انفسهم بعد الزواج ؟
 

فعلا يا اختي انا اسمع كذا كثير انه سواء الرجل او المراءه اذا اهتمو في انفسهم فهذا دليل على الحب ، فهل هذا فعلا صحيح تماما ، لان فيه ناس اعتقد يحبو بعض ومع ذلك مو مهتمين في انفسهم .

رد : هل المتزوجات يهتمون انفسهم بعد الزواج ؟
 

لا تاخذ كلام المتزوجين كله محمل الجد

يمكن الخلل فيهم

رد : هل المتزوجات يهتمون انفسهم بعد الزواج ؟
 

اختي الفاضله اشكرك على ردك كامل ، واخر سطر انتي محقه فيه تماما ، وخصوصا المقارنه مع الي يشوفونه في التلفزيون ، والله اكثر ما ضيعنا هذي المقارنه سواء من الرجال او النساء ، فالرجال يبغون زوجاتهم زي الي في التلفزيونات والمسلسلات باب الحاره والطقه ، وهذا مستحيل لان هذاك تمثيل في الادب والاخلاق وقوة مكياج ومدري ايش ، والحريم يبغون رجالهم زي الي في التلفزيون والبرامج الهابطه مثل ستار اكاديمي والمسلسلات والاشياء ذي ، وهذا برضو مستحيل لان الي في التلفزيون برضو تصنع وتمثيل .
الله يسقي ايام زمان قبل انتشارات التلفزيونات كان كل واحد راضي بزوجته ويشوفه ملاك وكل امراة راضيه بزوجه .

رد : هل المتزوجات يهتمون انفسهم بعد الزواج ؟
 

ما فهمت يعني ترطيب للبشرة وتغذيه زي كريمات فيها فيتامين على وجهها سي وأي وهكذا


سواء اهتمت ببشرتها او لا مااتوقع بيضر الزوج
المهم نظافتها الشخصيه ولبسهااوعطرها ومكياج في فترات وجسمها تهتم فيه بالترطيب .،

مع انه أنا طبيعتي أحب الاهتمام ومعاي حمام البخار وشلته حتى ببيتي لما تزوجت (لكن آيش يفيد الزوج)
اسويه لنفسي ..
وزوجي يخاصم بالعكس مو عاجبه يقول بشرتك ترققت عدمتيها .. من الكريمات والخرابيط وانواع المقشرات استخدمتها من دون مبالغه أحب ادلل نفسي وانعشها وأحب اجرب كل شيء ..
لكن الاهتمام اولا وأخيرا لنفسي ..

.. برجع اقول مابيضره شيء الزوج لو ما استعملت ..

رد : هل المتزوجات يهتمون انفسهم بعد الزواج ؟
 

اقصد الاهتمام الي يزيدها جمال ، مثل الكريمات الي تبيض الجسم والي تنعم الجسم ولصقات الانف لرؤس السوداء والاشياء هذي انتم الحريم ادرى فيه ، الاشياء الي تزيد الانثى جمال ونعومه .

رد : هل المتزوجات يهتمون انفسهم بعد الزواج ؟
 

ممكن ، شكرا لك

رد : هل المتزوجات يهتمون انفسهم بعد الزواج ؟
 

الي تبغاه لها بس و انه ممكن يدور احلى منها
تهتم .. لكن ممكن مع العشره و كل واحد متاكد من حب الثاني

يسير اهمال .. قريت قبل فتره دراسه فعلا بعد الزواج يهمل الشكل
لانه خلاص ضمن شريك حياته .. من ناحية الوزن و الاهتمام

رد : هل المتزوجات يهتمون انفسهم بعد الزواج ؟
 

في بنات يتغيرون بما كانو عليه فالبيت ب 180 درجه ع حسب للسلبي او الايجابي
يا انهم يتكسلون و مايهتمون لشي او كل تفكيرهم يكون للاشياء هذه ع حسب يعني

رد : هل المتزوجات يهتمون انفسهم بعد الزواج ؟
 

علي حسب شخصية البنت نفسها،،يعني ماخذها من بيت ابوها كسوله ولا لها بالكريمات والعنايه ببشرتها وشعرها
بتكون كذا ببيت زوجها واردي بعد
اما الي تاخذها من بيت ابوها كريمات ومخمريات شعر مرطبات للبشره وعطور فواحه هاذي بتستمر وبتزيد بعد
اعرف بنات مو متزوجات والله كانهم حريم الوحده كرشها قدامها وشعرها دايم مرفوع ولبسها بس ارواب ولا عطر ولا روج ولا كحل كانها عندها عشر اطفال وهي اصلا بنوته وصغيره بالسن بس من الاهمال صايره زي الحريم
واعرف متزوجات كانها لسئ صبيه اهتمام وشعر ولبس كشخه ومحافظه علي قوامها بالرغم من انها عندها ثلاث او اربع اطفال ومع كذا تلقاها مليانه ثقه وحيويه ومهتمه باطفالها وكشختهم وزوجها
يعني السالفه علي حسب شخصية البنت نفسها ،،الزواج مايقدم ولا ياخر بالروتين حقها

رد : هل المتزوجات يهتمون انفسهم بعد الزواج ؟
 

مدري ايش اقولك يعني الانوثه فطره في المرأه و المرأه تميل بفطرتها للاهتمام و الجمال

اللي مهمله هذي مرت بضروف

ما تهمل من نفسها

و اللي يقولون لك احنا نطالب بالجمال و الاهتمام و ما نلقى مجيب >>> الله اعلم هو ايش مسوي لها

و الله اذا المعامله زفت و يعايرها او او

بتهمل اكيد من فين بتجي لها نفس يعني

مثل ما قلتلك المدح يخلي الورد يتفتح >>> على الاقل خليها تشوف ان فيها احد معبرها و مهتم يشوف جمالها و يتمدح فيه jyh

رد : هل المتزوجات يهتمون انفسهم بعد الزواج ؟
 

انا قبل الزواج ما كنت اهتم بنفسي لانو كنت مشغولة بالجامعة و الدراسة

بعد الزواج بالرغم انو زوجي ما بهمو المكياج و الملابس .. بس انا صرت اهتم. بحالي اكتر لاني تفرغت

رد : هل المتزوجات يهتمون انفسهم بعد الزواج ؟
 

نعم يهتمون شريطه ان لا يبخل عليها زوجها بالمال والدلال ،،اقصد المال حسب استطاعه

ولا يتعمد تحبيطها ،، ومن ثم ينتقد اهمالها

الزوجه ورده اذا سُقيت اعطت واذا تُركت ذبلت ،،
امد زوجتك بالمال وشجعها بالذهاب للمراكز وتدليل نفسها ستراها كما تحب

رد : هل المتزوجات يهتمون انفسهم بعد الزواج ؟
 

اكيد راح تستمر بس يمكن مع مسئولية الزواج والأطفال تقل عن مستوى اهتمامها قبل ماتتزوج عشان كذا ساعدها اذا شفتها مضغوطه واعطيها وقت لنفسها ولا تحرمها من ( مراكز المساج والتجميل والنوادي الرياضيه )

رد : هل المتزوجات يهتمون انفسهم بعد الزواج ؟
 

كل شخص وله طباع ولانستطيع ان نحكم على الكل مجرد ان نرى عينه واحدة ،
الاهتمام ماله تأثير بالانوثه ابد
هو صحيح كل انثى متزوجه او غير متزوجه (ستهتم بنظافتها الشخصيه) << وهذا المهم
لكن هناك اشياء ثانويه مثل عمل حمام مغربي - جلسه مساج - عمل بدي كير منكير- تنظيف بشره -......الى اخ
لاتسقط انوثتها اذا تركت هذه الجانب من الامور
المتزوجه (تقل) عندها هذا الاهتمام بسبب انشغالها بحياتها الزوجيه وتربية ابنائها ،
_ نصيحه:
اذا كنت تربط بين الاهتمام بالانوثه فأعط زوجتك بين فتره وفتره وقت لتهتم بنفسها ، واثني عليها دائماً .

رد : هل المتزوجات يهتمون انفسهم بعد الزواج ؟
 

اللي بتهتم بنفسها عشان خاطر زوجها هذي مجرد ماتتعود على زوجها تهمل نفسها ..

اما الي تهتم بنفسها عشان نفسها بتستمر و ماراح يشغلها شي ابدا..