|
زوجي صدمني بخطبته لزواج مسيار
مادري منين ابدا موضوعي
لكن الهم والغم ياكل قلبي اكل انا ياخوات صدمت جدا من زوجي ...تخيلوا الصدمه خطب مسيار من جنسيه ......... طبعا جاء زوجي ورمى علي الخبر زي القنبله ذاك الوقت وقف عقلي جتني حاله زي الذهول قلت له تمزح قال لا وحتى معاي صورتها قلت وريني اياها وانا مو مصدقه للان في حالة ذهول تخيلوا!!!!!!!!قساوة القلب لوين وصلت طلع صورتها وراني اياها انا ذيك اللحظه انجنبت لدرجة قعدت فوقه قلت احلف ؟ طبعا حلف وانهرت قدام اطفالي اللحين جاي يلومني ويهزء فيني علشان ايش علشاني عصبت قدام اطفاله وانا !!!!!!! ومشاعري !!!!!!!!! آآآآه بس تكفون تكفون ادعوا لزوجي بانه يهديه ويحنن قلبه علي ويصرفه عن هالزواجه |
رد : زوجي صدمني بخطبته لزواج مسيار
يااارب ترجعه لك ويصلحكم لبعض وتتهنوا وتعيشوا احسن عيشة استهدي بالله وعليك بالدعاء
|
رد : زوجي صدمني بخطبته لزواج مسيار
اتخذي موقف صارم
التونون والضعف ماينفع لو زواج عادي اوك بس نزوه من ............... على حساب مشاعرك ارجعي اسأليه وتأكدي بأدب وهدؤ ...................... |
رد : زوجي صدمني بخطبته لزواج مسيار
توقعون جاء يراضيني او يطيب خاظري ..
قسم بالله انه قاعد يهددني بالضرب علشان عليت صوتي قدام اطفالي !!! بالله في رجل صاحي يسوي زي ماسوى. ؟ وانا ويني ؟؟؟ وين مشاعري وين احاسيسي ؟؟ تدرون يوم سالته عن السبب وش قال ؟ قال لانك تغثيني لابغيت اسافر برا غثيثه ونكديه لاجاء هالطاري |
رد : زوجي صدمني بخطبته لزواج مسيار
والله العظيم انه صاااااااااادق
هزتني طريقة ايصاله للخبر تخيلوا وهو يكلمني يقوول )اصلا انا ماطقيت لمشاعرك خبر هذا شي حلال ومالك اي دخل فيني( حسبي الله |
رد : زوجي صدمني بخطبته لزواج مسيار
وبالنسبة لاسلوب للزوجة البايعه ماهمه ولا طق خبر
|
رد : زوجي صدمني بخطبته لزواج مسيار
شو الاسباب
هل فيه مشاكل بينكم تراكمات من اول هل فيه تقصير يعني منك او هو عندهم عادي في العيله التعدد كم صارلك متزوجه كم طفل عندك هل انت موظفه كم عمره زوجك اسلوبه غلط وما عنده احتواء لو هددتيه انك تتركي الاولاد عنده وتروحي بتتوقعي يبطل عن الزواج فيه كثير نسوان بتحكي لزوجها مثل ما انت حابب تجدد انا كمان رايحه ابدء حياه جديده احكيله راح اتركلك الاولاد وابدء حياة جديده مع رجل يعوضني عن كل شي وشوفي رده فعله |
رد : زوجي صدمني بخطبته لزواج مسيار
لا حول و لا قوة الا بالله
اختي ابلعيها و خلي الامور تمر، و لا تراهني بزواجك و مستقبل اولادك، فرايي لا تطلبي الطلاق المسيار يعني ما هو دايم و للاسف حرام عند بعض المذاهب، و ان شاء الله بيرجع لك بس انت وش اللي يضرك، انه راح يتزوج، أو انه ما راعى مشاعرك قدام الاولاد |
رد : زوجي صدمني بخطبته لزواج مسيار
استغفر الله
قهرني زوجك الله يصلحه ويهديه |
رد : زوجي صدمني بخطبته لزواج مسيار
ريماس حبيبتي..
لا تسألي عن سبب .. ولا تحلفيه .. ولا تحاولي إثناءه. زوجكِ قرر وخلاص .. والأهم أنه غير مستعد لا لمراضاة ولا لمداراة ولا لاحتواء ولا لتفهم .. فلا تتعبي نفسكِ وتجهدي أعصابكِ وتعرضي كرامتكِ للامتهان .. ولا تعطيه المجال لأن يسمعكِ أي كلمة تجرحكِ أو تؤذيكِ .. وتأكدي أن أي مبرر سيقوله غير صحيح في الغالب .. وأنه مجرد حجة يسكتكِ بها فقط. مع إنسان يتصرف بهذا الأسلوب أمامكِ خياران فقط .. إما أن تبقي من أجل أطفالكِ .. أطفالكِ فقط وتنسي حب ومشاعر ومودة .. وعندها ستكون الحياة رسمية جافة باردة بينكِ وبينه .. وإما أن تستخيري وتنظري للحل الآخر. |
رد : زوجي صدمني بخطبته لزواج مسيار
بس حبيبتي
لنا تدكرت اجوبتك عن موضوع طرحه العضو AMG2000 حول ردة فعل الست ادا زوجها تزوج عليها و اللي فهمت انو زوجك متزوج من الثانية، و انو كان يهددك يوريك صورتها |
رد : زوجي صدمني بخطبته لزواج مسيار
يوم تجتمع الخصوم عند رب ما يظلم مثقال ذرة اشتكيه قولي تزوج علي ............ مسيار وان كان لك حق بتاخذينه
|
رد : زوجي صدمني بخطبته لزواج مسيار
متفائله ايوه فيه تراكمات وانا موظفه وعندي 3
مفتاح ضايع حسيت كانك تمسخر واسلوب الخبر اللي جايبه وده يجلطني فيه .. شكرا للي ردوا .. احس بالم بقلبي ومو قاااااادره انام |
رد : زوجي صدمني بخطبته لزواج مسيار
http://up.q8bbm.com/bb/83e13e0b1feaee711.mp3
ياقلبيحنا بايام فضيله يمكن خيرلك وعسى ان تكرهو شياً وهو خيراً لكم الجي للواحد الاحد وماراح تخسرين شوفي حبيبتي زوجك بايع ويدور الشر فخليكي اذكى منه اعتبريها نزوه صدي عنه وطنششييييييييه خلك بيتك وبين عيالك لااحد يردي ابد ابد لايشوفك مكسوره ابداً ولا تكابرين ولا تبين ااي تفاعل خلاص بيتزوج مسيار طز اصلاً هو الي ارخص حاله مو انتي ادري الموضوع صعب وجرحك وقاهرك بس انتي اقهريه اجلسي بيتك وعلى راحتك كولي واشربي اطبخي ودلعي عيالك وتدلعي اهتمي بنفسك صومي وصلي اعزمي ونعزمي روحي وتعالي استعدي للعيد ولا كن شي صار جيبي له نفسيه برودك وهدوك ولا تتطرقين للموضوع هذا ابد لاتنامين معاه بغرفه قولي له لحد هناوخلاص انت اخترت وحر بختيارك خليه يحس انه صغييير وانك تبين الفكه منه وماهمك تزوج ولاقعد بس مو بسلوب العناد والتطنز والتتريق لاحبيبتي حسسيه انهطاح من عينكومعاد يهمك وانك تهمك نفسك وشخصيتك وطلتك ورزتك ولبسك وعيالك وبس تعرفين تحطينه صفر ع الشمال؟؟ بس بدون احتقار او عناد او تطنيش ان سئلك ردي بهدو ماسئلك براحته لاتهتمين ابداً ابداً لاتبينين انك منكسره اطلعي السوق اتجهزي للعيد روحي عن نفسك وعن عيالك والاهم الاهم الاهمالجي لله سبحانه مايخيبك عشر فضيله فيها دعوات مستجابه والاستغفار اسفه طولت بس زوجك هذا الي ينفع مع شخصيته مو العناد مو الزعل مو الخجر مو النقاش مو التهديد مو طلب الطلاق لا ينفع تحسسينه طاح من عينك ومعاد مهمولا له قيمه كزوج بطريقه راقيه وهاديه بدون مايسك عليك غلط يبربر ويناقش فيه |
رد : زوجي صدمني بخطبته لزواج مسيار
حاشا لله اتمسخر او استهين بأي مشكله لو هي صغيره لانها ممكن تكون للكاتب نفسه كبيره ..
لكن هو ما خان ولا راح للحرام ولا غشك .. حتى وهو متزوج مسيار علمك الطريقة اللى علمك فيها هي اسلوبه .. فإن كان الطريقة اللى علمك فيها هو اللى مزعلك .. قولي له انك راضيه لكن طريقتك بإخباري كانت قاسيه علي. |
رد : زوجي صدمني بخطبته لزواج مسيار
السؤال وشلون طاح ..........
مع اني اشك انه تزوجها مطلع له صوره من النت وقايلك هاذي تزوجتها بيثير غيرتك بس الا ان كانك شايفه عقد الزواج |
رد : زوجي صدمني بخطبته لزواج مسيار
الأسلوب اللي استخدمه إسلوب إنتقامي أو خبال
هذا الشئ أنتي أدري فيه في كل الاحوال أهم شئ ردود افعالك هي راح تحدد مصير علاقتكم مع بعض مستقبلا إذا خبل تعاملي معاه بحذر لين توصلين الي بر الامان وإذا شايل عليك حاولي تعرفين الاسباب وتخلصي منها نصيحة لا تتسرعي بطلب الطلاق وامسكي لسانك |
رد : زوجي صدمني بخطبته لزواج مسيار
لا يامفتاح ضايع هو اكد لي بعدما هديت تكلمت معه وقال انها اللي وريتك بالصوره واني تعرفت عليها عن طريق خطابه مقابل مبلغ مالي
انا ماراح اطلب الطلاق وجلست اصييييح على صدره اقوله مستعده اسعدك واوعدك ما تعبك اذا بغيت تسافر برا طبعا من ضمن قوانينه ممنوع اسافر برا واني اتركه يسرح ويمرح برا تمنيته ذاك الوقت يضمني يخفف علي من هم قلبي لو باحتضان وكاني جدار للاسف قلبه حجر |
رد : زوجي صدمني بخطبته لزواج مسيار
ياعزيزتي
كيف تقبلي إنه يسافر برا يمرح و يسرح ؟ معناه عادي يروح للحرام ؟ |
رد : زوجي صدمني بخطبته لزواج مسيار
لا يا ريماس لا تترجين فيه .. هذا ما بيزيده غير عناد ويرخصك اكثر
كيف ينظر لك نظرة احترام واكبار وانت تقولين له سافر وخذ راحتك .. حبيبتي المك ما راح يخف الحين وصدمتك بتضل مثل الكدمه بقلبك تحسيها كل ما لمستيها .. شيلي يدك من جرحك لا تلمسينه .. اللي ابغى اعرفه هو بيتزوج مسيار ليه يعلمك وش فايدة المسيار هنا ؟؟!! لا يكون كذااب بس يبغاك تعطينه الضوء الاخضر للسفر |
رد : زوجي صدمني بخطبته لزواج مسيار
مع اﻷخت مهرة
واللي ملا حظته عليك إنك رامية نفسك عليه، ياغالية عزي نفسك،اثقلي،استبيعي لو إنك مو بايعة،، معليش إنت وش ناقصك تدورين رضاه بمذلة نفسك، موظفة،راتبك بإيدك، عيالك بحضنك خلاص، لا تلاحقينه ولاتجرين وراه، دوري رضا ربك وبس. |
رد : زوجي صدمني بخطبته لزواج مسيار
هذي خطه عشان يسافر بعد رمضان ويلعب
لا تمشي عليك اذا بيتزوج قوليله انا اخطب لك ولاتتعرف ولاتدور خطابات لكن يسافر ويلعب لا و ألف لا الله يسخره لك |
رد : زوجي صدمني بخطبته لزواج مسيار
وش المقصود بـ يسرح و يمرح برا ؟؟!!
|
رد : زوجي صدمني بخطبته لزواج مسيار
يسرح ويمرح برا معناها.. عكس .. يروح للمنتزهات ويتفرج على الطبيعه ويسكن فنادق مريحه ويتفرج بالسينما ويزور متاحف ويتعرف على ثقافة البلد اللي زارها ..
|
رد : زوجي صدمني بخطبته لزواج مسيار
أهلاً ريماس
انتو عزيزتي كيف معاملتكم لبعض بشكل عام؟ هناك خلل حتى اللي ماعنده ذوق ما يوصل الخبر بالطريقة ذي و أمام الأطفال؟ |
رد : زوجي صدمني بخطبته لزواج مسيار
اقتباس:
|
رد : زوجي صدمني بخطبته لزواج مسيار
السلام عليكم ورحمة الله وبركاته
اختي العزيزه انا عضوة جديده اتمني ان تتقبلي رائي وان لااكون تطفلت علي مشكلتك اولا لاتتنازلي عن اي حق من حقوقك كبيرأ كان او صغير ثانيآ اتمني ان تقرائي قصة ام بسمه للدكتوره ناعمه الهاشمي وتطبقي مافيها ثالثآ ان حصل وتزوج ......... ا...................... ،هو متزوج متزووج علي الاقل اضهري له انك قويه بدل ان تترجيه بااسعاده وهو مافكر بااسعادك حتي بااسلوبه بااخبارك اقل شي يكون راقي لكن للاسف اعتبره فرض عليكي وخلي زوجك يصرف علي البيت والاولاد كمان،،،ارهقيه بالمصاريف الي بدل مايتزوج فيها يصرفها عليكم سبحان الله فالرجل يحب المراءه التي تطلب وتجعله يصرف،،اهلكيه بالصرف لكن بذكاء حطي تحدي لنفسك فترة شهر ان تجعليه يغير قراره غيري اساليبك معه تماما اثقلي وطنشي،،شدي وارخي بس بذكاء خليكي شاطره وحاولي تقرائي دورات الاستاذه ناعمه الهاشمي وطبقي مافيها ولا تزعلي نفسك وتقهري حالك وهو ولا همه وفري صحتك لااولادك وبيتك تفنني فيه وغيري جو عند اهلك يعني صرفي الطاقه السلبيه وانشغلي عنه والله الله بالدعاء وسورة البقره فرج الله همك واراح قلبك |
رد : زوجي صدمني بخطبته لزواج مسيار
احسه يكذب ويشوف وش وراك عشان يسويها ....................
|
رد : زوجي صدمني بخطبته لزواج مسيار
استغفرالله العظيم
لاحول ولاقوة الا بالله زوجك شكله رجل استفزازي وانتي مرررررررررررررررررررره دليتي نفسك له cgg يابنت الحلال عزي نفسك تجديها :::::: هناك طرق حكيمه وعاقله تستطيعي بها ان تمنعي هدا الزواج ان شالله ولكن بدون ماتظلي نفسك لهالدرجه jk الله يسخره ويرده لك ردا جميلا jyh |
رد : زوجي صدمني بخطبته لزواج مسيار
استغفر الله واتوب اليه
الله يصبرك على ما بلاك بس ليه يا اختي تترجينه وتبكي على صدره ارحمي نفسك.. حبي نفسك الرجال مايراجع نفسه الا اذا حس ان زوجته باعته خلاص اذكري الله واقرأي رد ذاتي شموخي هي اعطتك الحل اللي يناسب نوعيه زوجك |
رد : زوجي صدمني بخطبته لزواج مسيار
...........ومسيار مادخلت مخي ابدددد،،اكيد يبي عشا اذا سافر ماتقولين شي وماتنكدين كالعاده على قولته،،والصوره يمكن من النت
|
رد : زوجي صدمني بخطبته لزواج مسيار
بيتزوج مسيار وتعيش معاه في البلد ؟
.................... محد يتزوج مسيار ويقول لزوجته !!! الكل في السر الله يفرج همك ويربط على قلبك انتي مررررره منهاره الرجال اذا بيسوي شي راح يسويه بدون ما يقول والمصيبه في البدايه تكون كبيره وبعدين تصغر انتبهي لنفسك ولصحتك وارحمي نفسك من البكا والي ربي كاتبه راح يصير سواء زواج شرعي او مسيار او اي شي علقي قبلك بالله وادعي الله انه يساعدك على تجاوز الازمه نفسك وأولادك اهم من اي شي بالوجود ياختي لعله خير لك رب ضاره نافعه وبالصراحه مادخل في بالي أبدا قصه زواجة وليش يقولك بالذات أسلوبه وكلامه كأنه حاقد عليك ويبغى ينتقم الي يتزوج على زوجته يداريها ويراعي مشاعرها عشان ماتحس ولأنه يحس بتأنيب الضمير كثير قصص اعرفها الواحد يتزوج الثانية ينصلح حاله مع الاولى ويصير حنون عليها بالشكل مو طبيعي |
رد : زوجي صدمني بخطبته لزواج مسيار
اقتباس:
|
رد : زوجي صدمني بخطبته لزواج مسيار
اقتباس:
|
رد : زوجي صدمني بخطبته لزواج مسيار
اقتباس:
لييييييه تبكي على صدره وتقدمي له تنازلات المفروض العكس لأنه هو اللي جرحك لا وكمان الأخ يشرط ويحط "قوانين" .. الله يهديكي بس خليتيه يتفرعن عليكي عموما أحس الموضوع كله كذب زي ماقالوا بعض الأعضاء وأنه بس يبغى يجس نبضك أو يرفع ضغطك لأن اللي جاد في موضوع الزواج يا انه يخفيه يا انه يفاتح زوجته فيه بكل هدوء مع خوف وترقب لردة فعلها غير انه مو قادره أفهم وش الرابط بين انك ماتخليه ياخذ راحته في السفر وبين زواجه مسيار من ...........!! يعني لو هددك بالطلاق كان قلنا انك طفشتيه وهو يبغى ياخذ راحته كأنه عزوبي لا مسئولية ولا رقابة .. لكن انتي مازلتي على ذمته وعتابك له في السفر راح يستمر.. إلا إذا كان يبغى سالفة المسيار من ..........عذر عشان يسافر على راحته لوحده وفي أي وقت بحيث انك ماتقدري تمنعيه من أنه يشوف زوجته.. امممم أفكاري ملخبطه لأن الموضوع نفسه مبهم الخلاصة قوي قلبك ولا تضعفي قدام زوجك بالعكس بيني له ان زواجك منه وسيلة للحصول على السعادة وراحة البال ولو ماتحقق هذا الشي ممكن تتركيه في أي لحظة.. أغلب الأزواج إلا من رحم ربي إذا حسوا ان حريمهم مستغنين وممكن يتركوهم يجرون وراهن ويدورون رضاهن وإذا حسوا أن حريمهم ميتين عليهم ومايقدرون يستغنون عنهم تمردوا عليهن ونصيحة أخيرة لك اختي.. الزوج مايحب زوجته تحاسبه كأنه طفل صغير لا تروح المكان الفلاني لا تفعل كذا.. قوليله انت حر سوي اللي تسويه لكن حط في بالك ان ربك مطلع عليك وراح يحاسبك على أفعالك وأنك انسان متزوج ولازم تكون على قد المسئولية.. وفيه كلمة تقهر الرجال (اللي مو قد المسئولية لا يتزوج ويبتلي بنات خلق الله) من جد يبي يسافر على راحته ولوحده لا يتزوج يجلس عزوبي أحسن الله يعينك اختي ويفرج همك |
رد : زوجي صدمني بخطبته لزواج مسيار
الزواج من اجنبيه مهو بهالسهوله اللى قالها زوجك
وزارة الخارجيه ما تمنح الموافقه بسهوله فوق هذا من الشيخ اللى بيعقد لهم الموضوع مهوب محبوك فيه ثغرات كثيره .. |
رد : زوجي صدمني بخطبته لزواج مسيار
احكيليو وديني ع أهلي
واحكي لاهلك ولما ييجي ياخدن ارفضي وازا قدرتي تقولي لحد من اهلو قولي الله معك |
رد : زوجي صدمني بخطبته لزواج مسيار
اقتباس:
لكن اذا كان مسيار يعني العقد مو موثق مثل ما يقولوا عرفي ما يحتاج موافقه بس أسلوب زوجها مو أسلوب واحد بيتزوج من جد أسلوبه أسلوب واحد يبغى يسرح ويمرح وهي ما تدخل فيه من قريب ولا بعيد والأخت شكلها بلعت الطعم بالسرعه ! وانهارت وقامت تقدم تنازلات المفروض العكس يصير هو الغلطان مو انتي ! هو الي لازم يحافظ على البيت الي ناوي على خرابه بتفكيروا الغريب ا |
رد : زوجي صدمني بخطبته لزواج مسيار
........................
حبيبتي اهم ماعليك صحتك وراحتك وعيالك ..........................بون يجربون جنسيه ثانيه شكل ثاني وحتى لون ثاني ولو يحصل لهم كل نساء الارض مايقولون لا ابد وسعي صدرك وشوفي الاشياء الحلوه بحياتك وركزي عليها والطلاق ابد مو حل لمشكلتك لاجل عيون عيالك تحملي واذا شفتي ماعفتي هذاك الوقت قولي له مع السلامه مو الحين مع ان سلوب زوجك ما هو اسلوب واحد جاد ، احسه يبي ينرفزك بس خليك ذكيه ولا تخلينه يعرف نقاط ضعفك واذا تزوج عليك مو نهايه دنياك طالما اسلوبه كذا بالعكس خيره لك ترتاحين من وجهه يوم |
رد : زوجي صدمني بخطبته لزواج مسيار
رد على تساؤلات مس داني
اسلوبنا مع بعض هواش ومافيه احترام وبالنسبة اني ابين له بايعه دايما في نقاشاتنا ابين له اني بايعه واني راح اتطلق منه يعني ماوضحت له اني ميته عليه بس بالاونه الاخيره صاير دايم يطري الزواج وانه لازم تشترين بيت علشان تجلسين فيه حتى في مره من المرات قال لي في تمويل عقاري تحطين راتبك علشان يصير البيت لك ويوم تزاعلنا مره قال انا قلت لك كذا علشان بعدين لاتزوجت وبتكونين اكالساعه مجهزه البيت اللي بتجلسين فيه يعني اخذ كلامي بجديه بوقت الغضب .. تلوموني علشاني ترجيته لاني لو بسوي اللي قررته اخاف ربي يعاقبني لاني من الاساس مقصره بحقه وبالنسبة لسفرياته له رب يحاسبه وياخذ حقي منه .. ولو ادري 1% انه رايح للحرام اقسم بالله ماجلس معه ولا دقيقه |
| الساعة الآن 06:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©