المشاركة الأصلية كتبت بواسطة عبدالـرحمن (المشاركة 3085567)

بسم الله الرحمن الرحيم

طلقت زوجتي من اشهر , لأنها نكدية على الصغيرة والكبيرة وكثيرة البكاء وجوها دائم مغيم بالكآبة والزعل أو الضحك العالي المزعج ع المسلسلات ,
صدق طلقت لهذا السبب ، ياأخي تتمجغ عندك ، تبغى حنان ، لو لقيته كان مااكتئبت ، وتحط اللي فيها بالمسلسلات ويوم تضحك تروح تنتقد ، ليه النقد على كل شيء ؟؟
لا تهتم بالمنزل ولا تطبخ الا بالنادر ,
])"]وينك عنها ؟ كلمها باللين وبذرابة وابتسامه تبغى تذوق من يداتها الطعمة ، مافاد مره واثنين وثلاثة قلها اتصل على أمك تتفاهم معك ،وشوف آيش تقولك أحسن من الكبت
تجاوزت خطوطي الحمراء من ابداء الإعجاب بالممثلين ومحاولة اثارة غيرتي بطريقة مقززة ,
[COLOR="rgb(72, 61, 139)"][COLOR="rgb(72, 61, 139)"][COLOR=]"]أسألها ليه تسوي كذا ، ممكن قد أثرتها بشيء وترده لك ..ممكن مراهقه ، كم عمرها؟ هل كانت لك رده فعل ؟ وهل عادتها بعد ردة الفعل[/COLOR][/COLOR][/COLOR]
تقتل رغبتي فيها بكثرة رفضها الجماع ،
)"]قد فكرت ممكن تكون السبب المرأه تشرد من هذا الشيء اذا ما لقيت شيء يرضيها ..هل صراحتها ؟ وماهي ردة فعلها عند صراحتك لها ؟]
تعتمد علي كثير بعمل الرضاعة للبنت,ماعندي مشكلة بالمساعدة لكن بدون اتكالية زايدة
هل الطفلة تبكي من الجوع ام حرص منك بأن ترضعها باستمرار لان القناعات تختلف بين الاشخاص
تتأخر بتغيير حفاظات البنت مما سبب لها التهابات وانا كثير الزن غيري لها..غيري لها..حتى تنتهي بزعل ..
, يأخي الالتهابات تأتي غالبا لكل الأطفال كيف جزمت بأنها من عدم تغييرها ..
لا تستجيب لأوامري..تعاندني..
"](المرأه في أعمالها بالبيت لا تحب إعطاء الأوامر في عملها كما الرجل تماماً عند سياقته للسيارة مجرد مثال ) لذلك ترى نفسها الصح مهما أمرت ..وتعاند
اكره وانفر من بدانتها..ما احب اجرحها..المح لها من بعيد بتنظيم الأكل وعمل الرياضة..ووفرت لها اللازم..لكن رغم ذلك..تنجرح بسبب حساسيتها الزائدة ويغيم جو الكآبة والزعل..ويستمر هذا السيناريو..ولا شئ يتغير
"] ( وليه تلمح من بعيد ؟ ياأخي قول أنا أبغى زوجتي رشيقة ، وسوي كذا وبجيب لك كذا ، لما تلمح هي بتفهمها انك بس تبغى تنتقد لانها متعوده ع النقد ،لو مدحتهااا كثير واعطيتها الثقة ماكان زعلت في كل مرا تنتقد لها)
في اول يوم زواج صدمت نفسياً من قبح جسمها..وما يخص المرأة كان فيه مافيه..حتى ذهبت بها للدكتورة واعطتها ادوية..مااستمرت عليها حتى غلطت عليها وجرحتها بالكلام وقلت العدوى انتقلت لي..
شفيت بعد مدة ولله الحمد..لكن اصبح لدي فوبيا..ارغبها بالجماع بشدة وانفر منها..واذا رغبتها أمرتها باستخدام ادوات العناية..
]وتقول لماذا تكره الجماع !!!تستطيع بأن تذكرها بأدويتها في وقتها دون الحاجة للتجريح ..
انا محافظ واغض بصري ولله الحمد..لكن اوقات اضعف قد المح امرأة ذات جسد جميل فأندب حظي..
ولهذا الموضوع كنت اضاعف في نفسي اي مشكلة تحدث اضعاف حجمها ( اذكر مرة قرأت هنا في المنتدى موضوع: فراش الزوجية بيت المشاكل او السعادة(شئ من هذا القبيل ))
](صحيح ولكن الخيل من خياله اخي الكريم )
فكيف اذا اتت من الفراش وشخصية الزوجة واخلاقها
تقارن نفسها في..اي شئ اتمناه تبي زيه..لدرجة وقفت اتكلم معها عن امنياتي وايش بسوي..
مثلا..اتمنى اطور من اللغة الإنجيلزية..عشان دراستي..فتقوم تصيح على راسي ايام بدراسة اللغة واني حطمت مستقبلها..
,](من ناحية مثل ماذا حطمت مستقبلها هل فصلتها من دراستها، اذا كان الامر كذلك فيحق لها مجاراتك )
طبعا لها الحق انها تتمنى تتعلم اللغة او غيره..لكن انا مالي قدرة لنفسي فكيف هي..ومين يمسك البنت اذا كلنا خرجنا..الخ
كثيرة الكلام عن اهلها..وتمدح باخوانها لدرجة ازعجتني..مو غيرة مني..لكن انزعاج بكثرة مدحههم كأنها تقارني فيهم..ما أدري هل هي محاولة لأتصف بصفاتهم ولا ايش !!!
لا غالبا النساء هكذا لم يقصدن المقارنه اطلاقااا
الزبدة..
لمن افكر بشريط الزمن اللي قضيته معها..كله عبارة عن معاناة ومشاكل..
فاعتبر طلاقي لها كان من انجح القرارات اللي اتخذتها..
طيب اذا ناجح قرارك استمر عليه ..لان ظلم لها ولك تكمله حياة زوجية بأكملها وعمر من دون وفاق ، التراكمات تسبب مشاكل نفسيه أنتو في غنى..
باقي على انقضاء العدة ايام قليلة..رغم نظرتي ان قراري ناجح لكن أعدت التفكير عشان بنتي..(ارسل اهلي يجيبوها لي كل ما اشتقت لها بحكم القرابة)
فكنت طول هذي الأشهر انتظر منهم رد يحسم الموقف..لكن صمت..حتى انها سوت لي حظر(بلوك) في الواتس وفي برنامج آخر وضعت صور كنت امنعها عنها..صور ممثل يقبل رأس ممثلة او رجل وهكذا..فازددت نفور وعدم رغبة في ارجاعها..والطامة الكبرى انها من خلال هذا البرنامج دخلت على حساب زميل لي ووضعت له اعجاب..
اتمنى محد يعرف انها زوجتي والا تدنس سمعتي بين زملائي..
مافعلتها الا سذاجة وغباء لإزعاجي..

تقول بنفس مكسورة بأنها صامته وعملت حظر لك ، الم تعلم بأن طلاق المرأه كسرها ، انت الرجل ، وانت من عليك ببدء الكلام وليست هي ، انت من طلقت وليس هي ، انت من سئمت الحياة معها وليس هي ، فمن يبادر بالإحسان والتراجع يا اخي الكريم ،

مشكلتي الآن..
اهلي الآن ينصحوني بترجيعها عشان بنتي..الخ( مايعرفوا عن مشاكلي شئ )..ويقولوا حنا نرجعها وانتا اصر على موقفك ومن ثمن اقبل بشروط..
مشكلتي اني الين لكلامهم واعتمد عليه..
لكن اذا خلوت بنفسي وفكرت..اقول مجنون انت..ترجع للجحيم اللي كنت فيه
عشان بنت..الخوف اذا استمر الحال على ماهو عليه..بكره بيكون اكثر من بنت لاقدر الله


فما رأيكم..اشيروا علي بالحلول جزاكم الله خير ؟؟
هل اصر على قراري..عشان مو من اقرب مشكلة اتندم واقول انا ليه رجعتها..

المشاركة الأصلية كتبت بواسطة سكر2 (المشاركة 3085602)

اذا متوقع مئه بالمئة بأنها سوف ترجع لك فبادر ، أخاف تنجلط لو رفضت .. ترجع لك

[
COLOR="Navy"]شجع زوجتك على اداء أعمالها بالبيت بكل حنية وابتعد عن الانتقاد ، كافئها من دون تذمر ، ارفق بها وبحالها ..
دعها تحبك ، كي ترضيك في فراشك ، وتتفنن في طبخها لك .. وتدعو لك ليل ونهار ..
الكلمة الطيبة صدقه ، أكلها وشربها وابتسم لها ، حتى ترد المعروف لك .. وتطيعك فيما تحب
اعتبرها جاهله صغيره ، أيا كان ، ظلمتها الحياة ، كن انت الراكب وأبحر بها كيفما تشاء دون ان تشد او ترخي كي ، لاتقطع شعرة معاوية ، زن الأمر ..
تكلمت والله اني اشعر ان زوجتك لطيفة حنونةز، لذلك اكتئبت وتدمرت فتبحث عن مايليها ..
المرأه أذا لم تعثر على الحب من زوجها أين تعثر عليه ، اذا لم ترغب في الفراش فمتى ترغب بعد ان تشيب . .
فكر بالأمر ، ، وضع سلبياتك وإيجابياتها ، إغفالها عنك فقط بحد ذاته ايجابيه ، بحثها عن مخرج لها ، يكن بأنها إنسانة تريد العيش ، لا الفرار ، انت من انخشت عشك فأعد إصلاحه ..
اصلح الله حالكماا ..[/COLOR]

المشاركة الأصلية كتبت بواسطة ابتسامة جذابة (المشاركة 3085580)

لا يفرك مؤمن مؤمنة ان ساءه منها خلق سره أخر .،
لأن حرارة الخلاف لم تبرد بعد تعتقد انها سيئة جدا
هل لديها إيجابيات
اقصد هل تحمل لها ودا ،او تحمل لك موده ،هل تتذكر رسالة جميله منها ،هديه مثلا ،او موقف جميل ،خلافات انتهت بصلح رائع تذكر الجميل

كل مننا يحمل صفات سلبيه،والكمال لله وحده
حينما يكون العيب في شريك الحياة مقدور على اصلاحة
فالأولى الإمساك عليه

كنت اعتقد في السابق ان الطلاق يقع لأجل مخدرات ،سكر ،زنا
من هذا القبيل لكن لم أتصور انه يقع يوما على مثل هذه المشاكل

قد تطلقها ،وتتزوج اخرى لكن هل تضمن ان تكون خير من الاولى ولن تندم,
اتمنى منك مراجعتها ،بنية صافيه متوكل على الله ان الحياة معها تكون افضل

المشاركة الأصلية كتبت بواسطة همة نحو القمه (المشاركة 3085584)

اذا بترجعها عشان بنتها فقط
فأنت تظلمها

المشاركة الأصلية كتبت بواسطة جروح..! (المشاركة 3085585)

طيب طلع ورقه واكتب لها الاشياء اللي مضايقتك فيها :
اعجابها بالممثلين ، اهمالها لبنتها ، جسمها
وخبرها بسبب نفورك منها وايش انت منتظر منها
اتوقع ان الاشهر هذي راح تخليها ترجع تفكر في علاقتكم بجدية
وبالنسبه للبلوك والحركات هذي ردة فعل ع طلاقها مفروض ماتآثر فيك
ونصيحة رجعها واعطي علاقتكم فرصه ثانيه خاصة ان مشاكلم تافهه وتنحل بسهوله
وانت لازم يكون عندك مرونه وتتغاضى عن بعض الاشياء لان ماراح تحصل انسانه كامله ع مزاجك
وبس بعلق ع تلميحك بكلمة فيه مافيه ( هذا شيء طبيعي ويصير عند أغلب المتزوجين وتحصل هذا الشيء ماعرفته قبل ماتعرفك فبلاش اتهام حتى بشيء مالها ذنب فيه )

المشاركة الأصلية كتبت بواسطة kooki3 (المشاركة 3085590)

حرام الجرح والطعن في مخلوقه ما عرفتيها وتحكمين عليها

اخي عبد الرحمن طليقتك اعتقد انها صغيره وما عندها خبره في الحياه
وناقصها ثقه بالنفس وهذا الشي انت نقصته اكثر عليه بأنتقاداتك
اعتقد تشوفك متعالي عليها فتزيد بعنادها وبكاها
شكلك جرحتها كثير وما قصرت
انا حابه اعرف انت ما عرفت صفاتها الشخصيه والجسمانيه من قبل ؟؟؟ وخصوصا انها قريبتك !!!!
ليش تزوجتها اذا كنت شايف ان مافي تكافئ بينكم
بالاخير هذا اختيارك
وبعد اذا حاب ترد لك بكيفك محد يفرض عليك

المشاركة الأصلية كتبت بواسطة كنافة بالجبن (المشاركة 3085595)

اتوقع زوجتك عندها اكتئاب وملل ووحده
لكن بما انك طلقتها ومقتنع بطلاقها
ومو شايف فيها اي ميزه.. والموضوع له مده
هذا يعني ان راحتك في الطلاق

المشاركة الأصلية كتبت بواسطة حلم آلآيآم (المشاركة 3085599)

اذا الحياه كذا معاها .. وكارها لذي الدرجه
و تركتها غير ااسف عليها

اكيد صعب عليها الرفض و قرفك منها
مسكينه الله يكون بعونها

ما اتخيل زوجي ينظرلي بهذي النظره
لانه الي قلته اغلبه مو بكيفها

المشاركة الأصلية كتبت بواسطة مبتعثة متفائلة (المشاركة 3085573)

وش ايجابياتها ووش سلبياتك انت
شوف بالنسبه لمحاوله اثاره غيرتك هذي حركات بعض الحريم لا تحط ببالك
وبالنسبه لمدح اخوانها الكل يمدح اخوانه
متى كان زواجكم وكم اعماركم
ولا تنسى الاستخاره
وهل انت سعيد الان ومرتاح
ولا تحس انك لما كنت متزوج كنت اكثر سعاده

المشاركة الأصلية كتبت بواسطة كنافة بالجبن (المشاركة 3085618)

بعد ردك الاخير
اشعر انك تحمل لها ود كثير
لكن الشيطان يحاول يقنعك بالطلاق
وانت بداخلك تشعر باليأس من الاصلاح
وتعترف وتقر بأنك اذيتها كثير
لكن تكابر وتحاول تحميلها كل الاخطاء
لتريح ضميرك

المشاركة الأصلية كتبت بواسطة جروح..! (المشاركة 3085630)

واضح من رودودك انه لها مكانه بقلبك وهذي الاعذار انت طلعتها عشان تقنع نفسك بطلاقها ، الواحد لما يطلق لازم يدور عذر بس مع الاسف اعذارك ضعيفه وكلها قابله للتصليح
بعدين يا اخي ترى المرأة مو ملزومة تشتغل في بيتها ولا هي ملزومه بخدمة الزوج ( هذا في الشرع) اذا تبي تشتغل من نفسها فكثر خيرها ماتبي محد يقدر يجبرها تشتغل شغاله في بيت زوجها ، اما طفلتكم فتأكد أنها احن منك مليون مره عليها هذي أمها اللي حملتها و ولدتها اذا تبغى حياتكم تمشي بحلاوة فشي طيب منك تساعدها في رضاعه بنوتتكم وترضعها هي بعد ترتاح بالرضعه او الرضعتين اللي تمسكهم باليوم لاتنسى ان باقي اليوم راح تكون هي بس اللي ماسكتها وبالنسبه لشكلها فهي جميله اللي مضايقك وزنها ما ادري احس من كلامك جبت لها سير وقلت يلا تحركي ولا استخدمه ونضايقت يا اخي الرياضه لو بتخليها ع شي واحد راح تمل ولا تداوم عكس لو كانت منوعه ونظام حياة ، وديها نادي سوي لها عضويه ام 3 شهور خليها تروح وتشوف الناس كيف عايشه تطلع من حبسه البيت وتنفض كسلها اذا جربت الرياضه راح تخليها نظام حياتها مو عشان تصير حلوه بعينك عشان هي اللي بيرتاح جسمها وراح تنبسط بنفسها وربي يوفقكم وتجي تبشرنا برجوعكم لبعض

المشاركة الأصلية كتبت بواسطة كنافة بالجبن (المشاركة 3085634)

عفوا اخوي عبدالرحمن
اذا سمحت.. كم وزن زوجتك؟


لان زوجي اذا شافني اكل حلا كان يقول خلاص انحفي
وانا وزني 58 كيلو
وهذا شككني بعيون بعض الرجال

المشاركة الأصلية كتبت بواسطة متفائلة بالله35 (المشاركة 3085628)

رجعها وتزوج الثانيه
شكله نفسك عافتها
لكن اذا عندك قدره ماليه
وعندك قدره جسديه
وعندك قدره على العدل بينهن
تزوج واستخير
حكيتلك تزوج الثانيه لانه واضح من كلامك انك كاره زوجتك وجسمها وكل شي فيها
الزواج الثاني مشكله صدقني وراح تفتح على حالك ابواب مسكره ويمكن يعجبك جسمها وتنبسط معها لكن اخلاقها واهتمامها مو مثل الاولى
او انك بتعطيها فرصه ثانيه وبتصبر عليها واعطيها فتره محدده تصحح كل مشاكلها لزوجتك
طول بالك الحياة كلها ابتلائات واصبر عليها
ليش مطلوب من الزوجه تتحمل كل عيوب زوجها وبلاويه
واذا صار تقصير من الزوجه كل المشاكل بتتعقد وما بتنحل
استخير الله واجلس معها جلسه صراحة
وحط النقط على الحروف
واحكيلها انا بحبك وشاريكي لكن علشان تستمر حياتنا لازم نتعدل احنا الاثنين ونحسن من حالنا ونشتغل على عيوبنا
الله يفرجها عليكم امين

المشاركة الأصلية كتبت بواسطة متفائلة بالله35 (المشاركة 3085637)

مش مرتاح معها بالفراش
وديها طبيبه نسائيه تشوف شو مشكلتها
واذا متينه وديها اخصائية تغذيه وشركها بنادي او مركز نسائي رياضي لمدة ثلاث شهور راح تشوف الفرق
وامشي انت وياها كل يوم نص ساعه
واعمل ريجيم معين معها بيعتمد على الخضرة والفواكه
لا تحط العقده بالمنشار وتلوح بالزواج من الثانيه
الرجل العاقل بيحل مشاكله مع الاولى وبيصبر عليها وبياخذ بكل الاسباب وبيستعين بالله
اسئل حالك سؤال
شو هي اكبر مشاكلي هل فقط زوجتك قول الحمد لله وشوف المشاكل اللي حواليك
بتعرف لي صديقه عندها اربع اولاد الاربعه ما بيسمعو ولا بيحكو ولا بيشوفو
والمشكله الاصعب الزوج قاسي على اولاده
والزوجه لا حول لها ولا قوة الا بالله
وضعهم المادي صفر
وعايشه بغربه
وزوج قاسي
واولاد مريضين
لما تشوف بلاوي غيرك بتضل تحمد الله وتشكره على مشكلتك مع زوجتك
وانها شغله بسيطه وبتقدر تحلها باذن الله

المشاركة الأصلية كتبت بواسطة عبدالـرحمن (المشاركة 3085629)

طلقتها في لحظة غضب بعد تكالب المشاكل
وديتها لأهلها وقلت لها انا ما اتمنى لك الى السعادة ولا اتمنى يصيبك حزن وضيق
وكنت ناوي ارجعها بعد فترة

لكن مع علم الأهل بالمشكلة , فكرت قلت انا احرجت نفسي قدام الأقارب وجبت على نفسي الكلام
كل فترة والثانية وانا موديها على مشكلة
قد يكون الفراق افضل

واذا على الإصلاح..اعرف اني اقدر اصلح
لكن مشاكلي معها لليـــــــــــــــــــــــل , وراح اتعب بالإصلاح والتنازل عن كل شئ

عندي قصة dfg

كان فيه واحد عنده زوجته منكده عليه حياته..فارضة شخصيتها عليه ودايم متاذي منها
وعنده منها بنت بعمر الزواج..الكل يهرب منها..لأنهم يقولون الحية ماتجيب إلا حية..
جائ ذاك اليوم واحد يخطبها منه..قاله ياولدي انت شايف امها شتسوي فيا..ماراح تكون احسن من امها
قالها بس عطنيها ومالك دخل..
تزوجها..واخذها للبحر..وجاب عنز وكلب وبقرة
قال للعنز : اقطعي البحر..اقطعي البحر..ماسوت شئ العنز..فقام نحرررها بالسكين
جاب الكلب..قاله اقطع البحر..اقطع البحر..ماقطعه..فنحره بالسكين..
وقال للبقرة..اقطعي البحر..ماتحركت فنحرررها
راح لزوجته..قالها اقطعي البحر..قالت تم..وراحت تسبح وسط البحر..راح شالها وراحوا لبيتهم ffb

وقال لعمه ع السالفه
راح عمه..واخذ عنز وكلب وبقرة
وسوا نفس الحركة..اقطع ياعنز..ونحررررره وكذلك الكلب والبقرة
وصل لزوجته
قالها اقطعي البحر..قالت له (( تــخــسي yjy ))

فأنا لو بصلح ذحين ..مابحصل..إلا...تخسي

ابي جديدة اتقوى عليها hh

المشاركة الأصلية كتبت بواسطة عبدالـرحمن (المشاركة 3085635)

من العيشة بالمعروف انها تقوم فيها..ولا حتى انا اقول الشرع يقول مسكن وملبس ومالي في باقي الكماليات لأنه شرعا مو واجب
بعدين انا تعبت من اكل المطاعم..ماهية صحية
مين بالله بيطبخ..اذا انا دوام...ومشاغل
اجل انا ليش تزوجت..ابي شريكة تعفني وتساعدني..وهي مشاركة مو خدمة