|
احس زوجي مو معطيني حقي ..
السلام عليكم ورحمة الله
عندي مشكله متعبتني ويعلم الله قد ايش مقهوره واكتم غيضي عشان ما اخرب الي بيني وبين زوجي انا على وشك الانجاب .. ولي سنه متزوجه من يوم تزوجت اثاثي كان بسيط و الشقه مو هو دافعها ماقدر يصبر و بكل الطرق نقلنا فبيت لابوه مره ما ابغى اجي فيه و احسه خدعني و بالحيله خلاني انقل فيه .. البيت ابدا شكليته مو حلوه و الاثاث ما ضبط ما سوى اي تعديل فيه .. و راعيت ضروفه وقلت ما علي اتحمل و اذا كلمته انا ماني جالس و بسوي وبسوي ووووو ... ولا شفت شيء .. وربي بيت مقرف جاتني نفسيه فيه واستحي احد يعرف بيتي يفشل .. 😢😢 و كل ماله فالديون وفلوسه يمين يسار وانا ما يجيني شيء يجلس يتكلم و ينوح لا كلمته لدرجة شوي و اتصدق عليه الحين ما اطلبه لو ابغى مويا احسه مسكين ما معه فلوس .. اتفاجئ يعطي امه يشتري لاصحابه وانا فنفسي اشياء كاتمتها عشان اراعيه و ما اصرف حدي وصلت معي و مابقي فيا صبر .. قلتله تعدلي البيت وجلس ينق كنت اقول ما معه بس ذحين معه وما يبغى يسوي كل الي اعرفهم وازورهم بيوتهم معدله اقل شيء الاثاث منسق والله كانه بيت عجوز جده .. اهلي ما عليهم ما يقصرون معي .. اشتري الي نفسي فيه و يعطوني فلوس .. بس كمان ساير يدس عني صح مديون وحالته حاله .. بس مو مسوي الي يقدر عليه عشاني اقل شيء يفتح نفسي بالبيت وهو شايف ديونه ما تخلص اقل من خمس سنوات افكر بعد الانجاب ما ارجع للبيت لين يعدله لي .. بشكل يليق مو كانه خرابه لانه بالهداوه غير يصرفني و يتمسكن |
رد : احس زوجي مو معطيني حقي ..
حبيبتي وش يشكي منه البيت
وتعديل بيت بويه وارضيات مش هين اذا كانت المساله شويه اكسسوارات وتحف تهون |
رد : احس زوجي مو معطيني حقي ..
البيت هو السكن والراحه ومن حق الزوجه ان تختار بيتها وعلى ذوقها
مش لازم يكون فخم ولكن مرتب وانيق شدي عليه يغير ويعدل البيت شكلش عايشه في خرابه jytt |
رد : احس زوجي مو معطيني حقي ..
اقتباس:
ًبالنسبه ما عنده فلوس ماطلبتي شي خرافي من حقك ترتاحي في بيتك وإذا فعلا مايقدر إبدائ حبه حبه اذا محتاج بويه أو ورق جدران ابدائي بغرفه وكل شهر او اكثر سوي شي وعلى الأثاث الي ماضبط بيعية وأشتري شي ع قد فلوسك |
رد : احس زوجي مو معطيني حقي ..
مو مسوي الي يقدر عليه عشاني ؟
ومن قال ان البيت عشانك بس ؟ البيت عشانكم كلكم ويبدو ان زوجك مو مقتدر ماديا او عنده ظروف ماديه عشان كذا السكن بهالشكل ويمكن زوجك خايف من الاسعار وانه مابيقدر يغير شيء .. مو معقوله في زوج مايبي يسعد زوجته ويغير بيتهم للافضل .. البيت مو له ولا لك لوحدك .. مشترك بينكم .. اذا زوجك عنده ظروف وتقدرين تساعدينه وترتبون بيتكم ليش ماتبدين بكذا واذاماتقدرين كلميه وبصراحة قولي له ابيك تعدل باليت عشان اذا رجعت بعد الولادة القاه غير عن كذا .. ولو معك فلوس اعطيه مبلغ بسيط منك بالبدايه عشان يحس ان الموضوع جدي وانك ترغبين بشدة في ذلك .. موضوعك بسيط يحتاج بس تفاهم وجديه بينك وبين زوجك فلاتكبرين الموضوع وتخلينه يخرج عن بيتكم |
رد : احس زوجي مو معطيني حقي ..
السلام عليكم اختي
خمس سنبن ما كثير. اصبري شوي و طولي بالك، لانه زوجك متعوب و الحين جايكم بيبي ان شاء الله، يعني حفاظات و لبن و غيره، اذا أهلك بيساعدوك خلاص بهذي الفلوس حاولي تظبطي اللي تقدري عليه و العفش اللي مو ظابط بيعيه و اشتري واحد ثاني انت راح تخربي حياتك عشان المظاهر في حين أهم حاجة راحتك و راحة زوجك كل الاالازواج بيبتدو هيك على قدهم و البركة بتجي مع لوقت و بيتغير الحال للاحسن ان شاء الله |
رد : احس زوجي مو معطيني حقي ..
اقتباس:
المشكله يقولي مافيه منه طلعه اذا عدلته .. يخليني ارضى باقل شيء وخمس سنين مين ما كان يمديه يعدله مره ثانيه |
رد : احس زوجي مو معطيني حقي ..
اقتباس:
وسرت ما اجلس فيه ولا تجيني افكار |
رد : احس زوجي مو معطيني حقي ..
حلم الأيام كم راتب زوجك وايش الالتزامات الي عليه
وفعلا عند ولادت الطفل راح تزيد التزاماتكم هل البيت شعبي وساكنين فيه بالمجان كم تتوقعي تحتاجي مبلغ لتحسين شكل البيت |
رد : احس زوجي مو معطيني حقي ..
اقتباس:
حتى ابوي فالبدايه زعل لانه ماسوى شيء على شاني اي واحد توه متزوج يبغى يبيض وجهه قدام عروسه ويجيب اثاث لايق المجلس مرقع من اول يوم شفته استغربت والمطبخ ما يجي جدر واحد وهو يقضي قبل الزواج كنت نفسي يشاورني غرفة النوم بعد ما اشتراها صورها لي ابد مو على ذوقي و جاملته بس ذحين بجد حسيت بالفرق .. وانه ما تعب نفسه بالزواج بي |
رد : احس زوجي مو معطيني حقي ..
اقتباس:
يب زي ما قلتي شعبي مجاني ما اعرف كم احتاج رافض تعديل كبير |
رد : احس زوجي مو معطيني حقي ..
اقتباس:
مافي تنسيق .. ولمن اقول رايي ابد ماينفع كذا يحطني متطلبه ما يرضيني شيء .. بس ابغى شكل جميل من قبل الزواج خايف اني اطلب تغيير كذا يقولي الشكل مو مهم .. بس شسويله مو قادره اتحمل وانا اشتري الي اقدر عليه .. بس ذحين عنده مبلغ يقدر يعدل به يقول ديوني ..قلتله مو خالصه ديونك عدلي البيت بعدين ابدا سدد |
رد : احس زوجي مو معطيني حقي ..
اقتباس:
طيب راتبه ديون في ايش بالضبط دامه ما تكلف في الأثاث |
رد : احس زوجي مو معطيني حقي ..
سيارات خلص وحده اخذ جديده غيرها .. الراجحي قرض و التسليف
وكل ماخلص واحد اخذ غيره رحمته بس شفته مالها نهايه اخذ حقي وهو الله ييسرله |
رد : احس زوجي مو معطيني حقي ..
اقتباس:
بالصراحه الباقي من الراتب قليل جداً وفكرة انك تجلسي بالبيت مجانا لفترة محدوده والله يصبرك بس في المقابل بعدين يعوضك في شقه أفضل لكن اذا حاسه انك ماراح تستفيدي شي من صبرك طالبي بحقوقك بس بالمعقول والله أني راحمه زوجك ياختي ماعنده شي بالمره طيب حبيبتي ما تقدروا تقدموا في ألمساعده المقطوعة وتستفيدي منها وممكن تشتري عفش عن طريق النت او الاستقرام في صوالين حلوه وفي ناس عارضينها مساعده يعني لوجه الله |
رد : احس زوجي مو معطيني حقي ..
الله يفرج همك ويرزقكم من واسع فضله
|
رد : احس زوجي مو معطيني حقي ..
الله يرزقه هل ممكن احد من اهله يساعده
|
رد : احس زوجي مو معطيني حقي ..
حبيبتي حاليا لازم تضريين عصفورين بحجر اولهم تحسسين زوجك انك واقفه معاه وثانيها تحصلين مبتغاك وبرضااه بعد ...
اقترحي عليه مبلغ شهري تجمعين منه وبعد مايتجمع شي حلوو غيري اللي بخاطرك وجددي المكان وبهالحالة ما راح يعترض ولالعكس لو شاف فيه فايدة راح يخليك تجمعين لاشيا ثانية ، حاليا زوجك ماعنده فانتي كرضى بهالواقع اطلبي منه هالمبلغ البسيط شهريا ومنها مابيحس انه مضغوط .. ماعليه بعض الاحيان تحتاجين للسياسة والدبلوماسية بالتعامل مع الزوج عشان تحصلين مبتغاك شتسوين! اذا عاند مشي الموضوع ولا تزيدين فيه وبعد فترة ردي اعطيه هالاقتراح ،،، |
رد : احس زوجي مو معطيني حقي ..
اقتباس:
و قبل كم يوم قالي حوله مبلغ كذا من عنده اتفاجئت انه راح سدد فيه دين ورجعنا من الصفر من جديد |
رد : احس زوجي مو معطيني حقي ..
اقتباس:
المشكله فيا زعل و كاابته ما ابغى اضيق خلقه بس كمان مني قادره اضحك معه و اكون عادي الله ييسرها |
رد : احس زوجي مو معطيني حقي ..
اقتباس:
|
رد : احس زوجي مو معطيني حقي ..
اقتباس:
|
رد : احس زوجي مو معطيني حقي ..
امس تناقشنا انا و زوجي .. و الله ان كلامه ضيق خاطري
وزعلني و ما قدرت انام عنده من الزعل يقولي ابدا مني معدل فالبيت .. نخليه زي ما هو بعد كم سنه نطلع ولا نقلنا لبيت الجديد باثثه مره وحده يقول لكن ذحين اعدل فيه شوي شوي لمن تخلص الديون يكون حلو و كامل و الله ساعتها ماني طالع اساله متى .. ما يدري يعني 5 او 10 سنين فبيت بهذا الشكل بدون اي تقدم 😢😭 يقول الي ما تصبر عادي اتزوج عليها بالله هذي عيشه رافض اي حلول .. قلتله انت زي ابوك كان مقصر عليكم وخلاكم تحسون بالنقص عن الناس والحين تسوي فينا زي ابوك ضربته فالصميم بهذي الكلمه .. و حزنان عليه بعدها وقلتله اتمنى لو اني رجال والله ما اقصر على اهلي بشيء ولا اخليهم يحسون بشيء قسيت عليه عارفه بس من جد الرجال يبغاله ضغط يتحرك ما يتصرف فالدين ياخذ قروض و يبلش نفسه وهي مو مهمه .. و القصور علي انا ما قلت لاهلي شيء .. واخاف هو يروح يشكي لاحد اصحابه ينصحه نصيحة ابليس ويخرب بيننا |
| الساعة الآن 07:01 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©