يزعجني حب زوجي الزائد ﻷخته ..
 

سلام للجميع واخباركم عساكم بصحه وسلامه
مدري ليش ...زوجي تصرفاته تنزفز.
لما يشوف اخته يكونو متفاهمين جداً جداً جداً بشكل مو طبيعي هالاثنين مثل السمن والعسل ومثل الخبر والجبن. ياترى هيش فيها انا ما حصله معي بالرغم من انها متزوجه حتى زوجها مو متعلق معها لهالدرجه وهي ايضا .....استغفر الله.
اول مرة فحياتي اشوف ناس كذا والقهر طاحو عندي انا استغفرك ربي
....
وايد يدلعها ووايد حنون معها وايد طيب معها وايد يحب سوالفها وشكلها وتصرفاتها زعلت ولا رضت وايد تهمه واذا بكت يتحسس.
اما لو انا عادي معه كأني انا اخته او صديقه
صرت اخشى يكونو مع بعض ويزيد حبه لها فوق هذا الحب. اصلا شو بقى لنا حن انا وعياله ما بقى لنا حب. حبه عطاها أهي هذي ملكة جمال الدنيا
لا جمال ولا شيء

رد : استغرب منه يحب يرفع ضغطي هالانسان
 

عادي اخته ،،استهدي بالله حبيبتي

رد : استغرب منه يحب يرفع ضغطي هالانسان
 

وحاولي انك انت تتقربي منها عشان تتقربي اكثر من زوجك ان شاء الله تكوني فهمتي علي

رد : استغرب منه يحب يرفع ضغطي هالانسان
 

عاد واذا صارو زي السمن والعسل؟؟ لازم يتهاوشون عشان ترتاحين؟؟؟ صفي نيتك وتشوفين الخير يجيك من كل جهه

رد : استغرب منه يحب يرفع ضغطي هالانسان
 

اعرف شعورك اختي وحاسه بوجعك .. مو لاني جربت اكون مكانك لا ابدا .. لاني انا الاخت اللي يحبها اخوها
علاقتي في اخوي علاقة اهتمامات مشتركة وماض جميل مليء بالمغامرات والضحك وعندما تزوج رأيت في كلام زوجته وعيناها ان ذلك يؤلمها ..
اكيد بتقولين لا علاقتهم غير يشوفها جميله وجسمها مثالي .. اقول لك اخوي كان يغلط بالكلام وبدون ما ينتبه يؤذي زوجته رغم انه يحبها ويحترمها جدا..
ولاننا نساء فهمنا المها وفهمنا اخونا وقلت له عيب تقارن لو زوجي قال عن اخته قدامي كذا يا ويله مني .. ومن فترة الفترة نمدح في زوجته بشكل عابر وبدا يشوف ان فيه اهتمامات تجمعهم لكن قربه منا هو اللي اعماه عنها .. والان هي كل شي واهم شي و رب البيت ان هذا اسعدنا جدا ..
لا تفكرين انه ما يحبك او مستهين فيك بس ماضيه مع اخته قديم ووثيق بامكانك تشاركينهم بدون ثقل .. قربي من اخته واكسبيها راح تكسبينه باذن الله ..
الله يهدي قلبك ويجعل زوجك لك مثل ما تتمنين واكثر ..

رد : استغرب منه يحب يرفع ضغطي هالانسان
 

كم ليكم متزوجين ؟!

صدقيني هي مرحله انتقاليه بس

بكره بتكبر اهتماماته وياكم ان شاء الله و ما بيلحق لا على اخت و لا غيره

لا تظهري تضايقك بس

رد : استغرب منه يحب يرفع ضغطي هالانسان
 

اممم ،، ماشوف فيها مشكلة .. انتي تقربي منها و خلي اهتماماتك مثل اهتمامات زوجك ومع الوقت مثل ماقالوا الاخوات راح تحسين بالفرق والدنيا مشاغل بعدين مع الاطفال وتربيتهم ويكبرون كل واحد يالله يشوف الثاني .. على ايام اجدادنه لو شفتيهم شنو بتقولين ؟؟ المرة عند النسوان بيت الجيران او اهلها يا اما تساعد وتعاون يا اما مجتمعة معاهم والزوج هم كذلك يكون باشغاله وبعدها مساعده الاهل والخ يعني مايلتقي بزوجته الا باوقات معينه وبالوجبات وهاذي حياتهم ماشية احسن منا ودايما الاهل داخلين طالعين يعني مافي متنفس وبالعكس على قولتهم بسبت هالامور كان الخير دايم ببيوتهم ..

طنشي حبيبتي وبالعكس حببي زوجك باخته وامدحيها وبتكبرين بعينه وتقربي منها وشوفي السوالف اللي تعجب زوجك وحاولي تتناقشين فيها معااه وربي يسخركم لبعض ان شاء الله ...

رد : يزعجني حب زوجي الزائد ﻷخته ..
 

ليش تكرهين اخته ؟؟
ليش الزوجات دائما يخربون العلاقات بين الاخوان ؟؟

رد : يزعجني حب زوجي الزائد ﻷخته ..
 

انتي مكبره الموضوع الله يهديك هي اخته وإنتي زوجته ويمكن العلاقة بينهم اخوه وصداقه وتقارب روحي
اختي كبري عقلك مافي شي اذا الأخ كان يحب اخته ويقدرها

رد : يزعجني حب زوجي الزائد ﻷخته ..
 

تحمدي ربك اخته ولا وحده بنت هواء ولا زوجة ثانيه
ليت يحب اخته وامه واهلو وقبيلته كلها بس بالنهايه يبقى لي واكون زوجته الوحيده
لايكون غاويه نكد
حب الزوج لزوجته وعياله لايتقارن بحبه لأخته ولأهلو
لايدخلك الشيطان من هالمدخل
وولا تحاولي تبيني غيرتك من اخته لزوجك راح تطيحي من عينو

رد : يزعجني حب زوجي الزائد ﻷخته ..
 

رد : يزعجني حب زوجي الزائد ﻷخته ..
 

اذا اخته ما تأذيك ليش متضايقه
بلعكس
اكسبيها اخت وصديقه
وازرعي لبناتك بكرة ان شاء الله اوﻻدك يحنوا عليهم ويحبوهم ويصلوهم

رد : يزعجني حب زوجي الزائد ﻷخته ..
 

لا ياجماعه انتو فاهمين غلط
انا الي مضايقني انهم مع بعض وليش لما اكون معه ما يسولف او يضحك معي مثل ما يسولف ويضحك معها
ليش ما يعاملنا بالمثل
ليش يفرق
هو دائماً كذا زوجي بس انا الوحيده الي فعينه مب جميله وممله وووووو
على فكرة هو ما يسوي هالحركة مع اخواته بوجودي أيضاً مع الغريبات سوا في محلات او اماكن او حتى الخدامة اذا ابتسمت له وعطته وجه على طول يسولف معاهن
وانا يزعجني هذا الشي
ليش يسوي كذا مع جنس اللطيف فقط اي حرمة المهم حرمة
طيب وانا زوجته ام اولاده وكاني غريبه

رد : يزعجني حب زوجي الزائد ﻷخته ..
 

يمكن لأنه شايفك تطاردين وراه ....اثقلي عليه وخلي لك شخصيتك المستقلة الواثقة من نفسها ....
وحاولي تبحثين عل الاإهتمامات المشتركة بينك وبينه ونميها بينكم
ولاتدققين وراه وتفتحين معاه هذي الهروج لأنه اتوقع من وجهة نظره انها وسوسة وغيرة وفقدان ثقة في النفس

رد : يزعجني حب زوجي الزائد ﻷخته ..
 

تعامله معك مستفز ويغيظ
لكن مو أخته السبب
فلا تحطي حرتك فيها

رد : يزعجني حب زوجي الزائد ﻷخته ..
 

هذا اثقل عليه وما كو فايده مجربه هذا الشي من زمان تقدري تقولي انه ما عنده احساس أبدا كانه جماد
والغيرة يغار على امه واخواته وبنات برع تصدقو حتى يغار على الاجنبيات
وانا الي ميته غيره عليه من كل صوب ومايحس فيني بالعكس يشوفها مرض
المرض فيه هو الي ما يغار علي ويغار على حد ثاني

رد : يزعجني حب زوجي الزائد ﻷخته ..
 

الي يقول الله يشفيني والي يقول اني مكبره السالفه
انتو بس حطو نفسكم ف مكاني لو مثلا زوجتك تحب عمها او خالها او اخوها الكبير ومعاملتها معاهم غير عن معاملتها معك وانت ولا اي شي بنسبه لها شو بيكون شعورك
ساعتها انت الي الله يشفيك
اخوانها الثانيين معاملتهم وياها عادي مش كثر هذا الي معي
وانا مو قصدي عشان يتهاوشون مثلا
انا قصدي اذا عاملني بمثل ما يعاملها اوكي حتى لو مجامله لاني محتاجه حنان وحب من زوجي وهو شايف اني محتاجه وبعد كذا يعاملني عكس طيب شو بيخسر اذا عاملني مثل ما يعاملها

رد : يزعجني حب زوجي الزائد ﻷخته ..
 

واخته هذي مب فحالها مثل اخواتها الثانيات
هذي كانت ما تريد اخوها يتزوج لانها تغار عليه وخاصه لما شافتني زادت الغيره وكانت متوقعه ان اخوها راح يحبني اكثر عنها
وكانت تسألني عن العلاقة الي بيننا فالغرفه كيف؟
وكانت لما تشوف اخوها متضايق مني وخاصه ان هذا الرجال يبين جدام الناس اذا متضايق مني ينفخ وجهه ويجلس ساكت هي كانت تنبسط لما تشوف الحبيب يتضايق مني
واحيانا تجي جم باب غرفتنا عشان تسمع كلامنا اذا نتهاوش او غيره
وانا كشفتها كم مرة.
هذي اخته مب مسكينه هذي شريره لو مسكينه كان بتعاطف معها لكنها تريد بيني وبين اخوها الزعل والفراق على حساب سعادتها هي

رد : يزعجني حب زوجي الزائد ﻷخته ..
 

مهما حاولتي تبررين ، ما يعطيك هذا العذر انك تغارين بهالشكل
اخته
استوعبي هالكلمة
وعلى قولة طعن اخته ولا بنت ليل
بعدين الرجال مهما لف ودار وابعد مرده لبيته
انخنقت وانا بس اقرا موضوعك ، كيف زوجك ؟!
تعلمي تطفين نار الغيرة اللي بقلبك
وان كانت تبي لكم الشر ففيه رب يحاسبها والدنيا دواره
وقضينا
لا تحطينها سالفة واضيعين عمرك وتفكيرك وصحتك بلا شيء

رد : يزعجني حب زوجي الزائد ﻷخته ..
 

هههههههه اخر جمله ""gg

هدي حبيبتي اشفيك على المسكينه بعدين متزوجه بعد وتغارين منها hfh

انت اعرفي الماضي وكيف كانت علاقته باخته واكيد بتعذرينه ..
وبعدين مثل ما قالوا الاعضاء لك فتره وبتعدي وبتكبر مسؤلياته وبينشغل فيك وفي عياله ..
وعلى فرض ما تغير هالشي انت تغيري وتقربي منها مو عدوه تراها glh

رد : يزعجني حب زوجي الزائد ﻷخته ..
 

كم لكم سنه متزوجين ؟؟

انا اقول طنشي تصرفاته هدي واضح انه زودها لكن حاولي تعاملي اخته بالسياسه حتى لو ماتحبيها تقربي لها وعامليها بالافضل وادا كات تضمرلك الشر صدقيني راح يجيها يوم الدنيا دواره امدحيها قدام زوجك حتى لو بالكدب وحسسيه انك تحبيها وتنبسطي بشوفتها وادا جلست مع زوجك تضحك روحي اضحكي معهم وسولفي وخشي عرض معهم كدا كدا لين تصيرين متملكه قلبها واهتمام زوجك

لاتنسين الدعاء والتوكل عالله

رد : يزعجني حب زوجي الزائد ﻷخته ..
 

5سنوات
اختي وفا انا حاولت اتقرب منهم لما يتكلمون مع بعض لكن احيانا لما اتكلم من كثر ما هم مندمجين بسوالفهم وابتساماتهم ما يسمعوني لما اتكلم فاسكت عنهم واحيانا يطنشوني/ اساسا ولا كأني موجوده بينهم كأني جدار بالله عليك اختي ما يجرح هذا الشي.
طبعا اكثر من مرة كذا يصير ولما يجي من برع هي الحبيبه الي تستقبله وترحب فيه وانا مهما سويت ما بيلتفت صوبي دام انها موجوده
ولما نروح مع بعض مواعيد مستشفي يدخلو مع بعض ويطلعو مع بعض طبعا الحبيبيه تفضفض له يوم الي صار وهو المستمع والناصح والمخفف
اما انا طاف لي ولا كاني موجوده
لا هو يلتفت لي ولا هي تلتفت لي خصوصا لما يكونو مع بعض
وحتى لو حاولت يا انهم يطنشوني او كاني مثل الشخص الي اذا قاطعتهم يتضايقو يعني افسد عليهم فرحتهم

رد : يزعجني حب زوجي الزائد ﻷخته ..
 

يمكن حبها لشخصيتها الجذابة
وانتي -اسمحي لي- احس انه شايف شخصيتك ماتجذب
شكلك من النوع الشكاية او حساسة وهذا الشي ينفر الزوج
غيري شخصيتك معاه خليك اقوى من كذا وحاولي تمسكين لسانك عنده
شوفي هي عن ايش مواضيعها طريقة كلامها تفكيرها اسلوبها وقلديها

رد : يزعجني حب زوجي الزائد ﻷخته ..
 

طبعا انا ما احب اقلد
وهي من النوع الاجتماعي كثير وكلامها فيها مثل النكت وضحك
واحيانا تكون دلوعه فطريقه الكلام
وانا حاولت اكون كوميديه ودلوعه يعني اغير فطريقتي وبعد هذا الرجال ما اعجبه
مع انه انا اجمل منها لكن هي شكلها طفولي بيبي فيس
يمكن هذا الشي حبه في شكلها

رد : يزعجني حب زوجي الزائد ﻷخته ..
 

لاتستعجلين النتيجة لازم تخلينه يغير نظرته عنك وهذي يبالها صبر وطولة بال يعني مو اسبوع او اسبوعين لا ...أقلها سنة اصبري والعوض الجنة ان شالله لو مافادت الطريقة (:

رد : يزعجني حب زوجي الزائد ﻷخته ..
 

حبيبتي انت يشوفك كل يوم واخته تحصلين وين وين يشوفها وطبيعي يفرح فيها
أنت اسألي نفسك ليش منزعجة وجاوبي لنفسك بصدق عشان تعرفين المشكلة لازم تحددين السبب، أما إذا كان بس ع كلامك فانت شكلك حساسه مرا وغيورة حاولي تساعدين نفسك وتتخلصين من هذا الشيء

رد : يزعجني حب زوجي الزائد ﻷخته ..
 

حبيبتي لا تقارنين بينك وبينها ولا بينك وبين أي أحد ثاني
أقصر طريق لتدمير الذات هو المقارنه
بعدين زوجك لا تفكرين انه يحبها عشان شكلها ياقلبي أنا أخوي بحبه ولو كان شين هذي علاقة أخوة
زوجك يحبها لانها أخته قبل كل شي وبعدين تجي الروح الحلوه والتعامل الحسن في المرتبة الثانية
أنت زوجته وهي أخته ( انتم مو طباين عشان تقولين يعدل أو تقعدين تقارنين )
لا ترهقين نفسك وفكرك عليه
انا لو مكانك بفرح وبقول عسى عيالي يحبون بعض نفسهم fdgrg

رد : يزعجني حب زوجي الزائد ﻷخته ..
 

شكرًا اعزائي على ردودكم الجميله

رد : يزعجني حب زوجي الزائد ﻷخته ..
 

انتي مو تقولي متزوجة انا حاسة انا عايشة معكم على طول
وزي ماقالوا اﻻعضاء هي اخته محبتهم محبة اخوه طنشي تلموضوع ﻻ ترهقي نفسك بالتفكير او تقليد اﻻخرين خليك بشخصيتك وبكره تكثر المشاغل مع العيال وعلى قولة امي ما يدوم حال بس انتي ﻻ تحسسبنه بغيرتك منها او جريك وراه
الله يسعدك

رد : يزعجني حب زوجي الزائد ﻷخته ..
 

بالنهايه اختة

رد : يزعجني حب زوجي الزائد ﻷخته ..
 

مظلومة غيري معرفك صار لك منه نصيب (:

رد : يزعجني حب زوجي الزائد ﻷخته ..
 

تراها اخته مو زوجته والا حبيبته حتى اخته تغارين منها ي اختي حرام عليك هذي اخته تبينه يكرها والا ايش والا يسحب عليها اكيد بيناكدك لانها اخته وبينقهر منك

رد : يزعجني حب زوجي الزائد ﻷخته ..
 

يابشر حاولو تفهمون شعورها ...هي تقصد انه مهملها ولامعتبر انه في حياته زوجه محتاجه حب وحنان زوج
وهو صارف حبه لأخته ...
اللحين لو جات بنت واشتكت انه امها تحب اختها اكثر منها وهي محتاجة حبها ووقفتها معاها أقلها بالعدل ...بتقسون عليها بكلامكم وتقولون لها حرام عليك هذي اختك مايسيرين تقولين عنها كذا ....ولاتقارنين بينك وبينها واحمدي ربك ان امك تحب اختك ولا تروح تحب لها وحدة بالحرام ...؟؟؟!!!

اكيد بتتعاطفون معاها وتنصحونها بنصايح تنفعها ولاتضر اختها صح؟؟؟
خلاص سوو معاها نفس الشي

مظلومة ان شالله مايدوم ظلمك ...واجهي زوجك وبيني له انك زوجته ولك احتياجاتك العاطفية ولازم يشبعها لك ولاتجبين له سيرة اخته
الله يسخره لك

رد : يزعجني حب زوجي الزائد ﻷخته ..
 

عليكم السلام ورحمة الله وبركاته

الاخت تغار والزوجة تغار nhg

تذكري دائماً يا اختي

غيرة المرأة كفر .
:16::16::16: