زوجي اهداني جوال ولم اتواصل معه قبل حفل الزفاف
 

الله يسعدكم انآ جآيه استشيركم بكذا حاجه : انا متملكه و زوجي اهداني جوال وسجل رقم جواله فيه وما اسعفه الوقت يجيب لي شريحه وانا طلعتها ولا اتصلت عليه ولا تواصلت معه ابدا مع انه كان يبي يتواصل معي وطبعا انا استحيت اني اتصل عليه او ارسل له رساله ظنكم ان اللي سويته غلط وما باقي ع زواجي غير ايام قليله جدا وثاني حاجه يوم زواجي بتكون معي الدوره اعزكم الله تايدون اني اكل حبوب منع الدوره ولا لا وتكفون طمنوني لاني والله ميته خوف من ذيك الليله ويعطيكم العافيه

رد : ابي نصايحكم
 

ايوه خذي حبوب منع الدورة افضل

لكن باستشاره دكتورة

ولاتبدأين انت بالاتصال
اذا كلمك كان بها ماكلمك خلاص
واذا حابه تكلمينه
خلي اخوك يلمحله
يقول مثلا انحرقت شريحة فلانه وطلعتلها بدل فاقد
او يكلمك قدامه
اي طريقة توضح ان عندك رقم

رد : ابي نصايحكم
 

اتواصلي معه

رد : زوجي اهداني جوال ولم اتواصل معه قبل حفل الزفاف
 

بصراحه
بخصوص التواصل ..
الرجل يحب المرأه الي فيها حيى وحشمه
وانتي الان في مرحله الملكه .. اخشى ان تقعو في ماوقع فيه غيركم
بحيث لمى تتواصلو حدث بينكم مشاده او اختلاف في امر ما

قد ينتهي كل شي قبل الزواج ...
ولاكن هو لو يرد التواصل كان جاب لكي شريحه ...
مدام باقي ايام قليله مبروك عليكم .. الله يجعل ايامكم سعاده ورضى

بخصوص الدورة ... اترك المجال للبنات للحديث في هذا الامر
ولاكن انصحك بعدم استعمال حبوب تأخير الدورة فيها أضرار

وكلها تساهيل توكلي على الله ....

رد : زوجي اهداني جوال ولم اتواصل معه قبل حفل الزفاف
 

بما أنكم عاقدين : مملكين: هو زوجك حلالك ، بإمكانك التحدث معه متى ماشئت

رد : زوجي اهداني جوال ولم اتواصل معه قبل حفل الزفاف
 

امممم شكله خجول عشان كذا ماتواصل معك , اذا حابه انتي هالشيء ممكن ترسيليه رسالة انو قرب زواجكم والله يقدرك انك تسعديه ومن هذا الكلام, يعني كلام مايظن فيه انك جريئة , اما بالنسبة لحبوب انا مانصحك ابدا واصلا هالشغلات مضره لك , يعني ماعتقد يحدث شيء في البداية دوبكم راح تتعرفوا على بعض.

رد : زوجي اهداني جوال ولم اتواصل معه قبل حفل الزفاف
 

جربتِ تاخذين حبوب التأخير من قبل؟؟

اممم مدري لو كنت مكانك ما راح آخذهم
بالنسبة للتواصل خليه هو اللي يبدأ
وأكيد راح يزورك بالأيام الجاية وراح يصير بينكم تواصل
ان شاء الله

رد : زوجي اهداني جوال ولم اتواصل معه قبل حفل الزفاف
 

لا تاخذين حبوب منع الدورة
اتركيها تنزل طبيعية
وهذه فرصة لكم تنسجمون مع بعضكم
وكل شي ملحوق عليه

رد : زوجي اهداني جوال ولم اتواصل معه قبل حفل الزفاف
 

ليش الحبوب احسن لك تكون يوم زواجك بعذر تقدرين تسوين المكياج بدري
وغير انه احسن بعد مايصير بينكم شيء في البدايه تتعودين ع وضعك الجديد مو من أول يوم
وبالنسبه للتواصل معه اشوفه ضروري بس مفروض هو يبدأ ويطلب رقمك

رد : زوجي اهداني جوال ولم اتواصل معه قبل حفل الزفاف
 

كيف تبينه يتواصل معك وانت ما معك شريحة؟!
هالفترة هي اجمل فترات العمر ، بكرة بتندمين وتقولين ليتنا تواصلنا

رد : زوجي اهداني جوال ولم اتواصل معه قبل حفل الزفاف
 

السلام عليكم

اولا ألف مبروك

اختي لا تتصلي لانه قاعد يجربك، خليك على حياك، لا ن أمر الشريحة سهل ليش ما جابها اليك، و بعدين ليش يسجل رقم موبايله و ما يجيب شريحة فاذا برأيي لا تتصلي

بالنسبة لموضوع الحبوب استشيري مع دكتورة و لو أنه الاغلبية ما يؤيدوا استعمال الحبوب في اول ايام الزواج لانها بتأخر الحمل بعدين و لو استغنيتي عنها و الله أعلم

و يومك مبارك

رد : زوجي اهداني جوال ولم اتواصل معه قبل حفل الزفاف
 

ايوآ قد جربت حبوب منع الدورة قبل سنتين تقريبآ وبغيت اموت من شدة الالم وهذآ السبب اللي خلآني اتردد كثير من استخدآمهآ واشكرك حبيبتي على الرد

رد : زوجي اهداني جوال ولم اتواصل معه قبل حفل الزفاف
 

حآليآ انا طلعت الشريحة لان هو ما امداه يعطيني الشريحة لان هو بمنطقه وانا بنطقه وسافر بدري عشان دوامه وحاول كثير ياخذ رقمي لكن ما قدر ويعطيك العآفيه ع الرد

رد : زوجي اهداني جوال ولم اتواصل معه قبل حفل الزفاف
 

عزيزتي شوق اللقاء..يجربها في ماذا؟؟؟

رأيي اتصلي به ..اكسري شوية جليد
لا اتخيل كيف فتاة تتزوج رجلا و يكون اول كلمة معه و لقاء..في ليلة الدخلة
كيف سيتقرب منك و انت للتو تستوعبيه؟
ع الاقل اعرفي صوته اسلوبه.

الله يبارك لك يا عروسةjyjy.

رد : زوجي اهداني جوال ولم اتواصل معه قبل حفل الزفاف
 

هلل مسز داني

و الله من الغرايب اللي بنشوفها في النتدى. و بعدين في حدا ما عندو موبايل ذا الحين.

صح فطورك حبيبتي

رد : زوجي اهداني جوال ولم اتواصل معه قبل حفل الزفاف
 

وفطورك عزيزتي
والله مافهمت.بس تقول ما امداه يطلع شريحة. و حاول كثير ياخد رقمها!
وهي عندها شريحة
يجربها في ماذا؟

رد : زوجي اهداني جوال ولم اتواصل معه قبل حفل الزفاف
 

الأفضل تتواصلين معه تتعرفين على شخصيته وتكسرين حاجز الخوف اللي بيلازمك ليلة الزواج

لكن لازم المكالمات تكون بحدود والمواضيع اللي تتطرقون لها في حدود علاقتكم وتعارفكم على بعض..

اسأل الله لك التوفيق

رد : زوجي اهداني جوال ولم اتواصل معه قبل حفل الزفاف
 

السلام عليكم
الف مبروك عليك اختي
ياعزيزتي زوجك ليش اهداك الجوال عشان تقدري تتواصلي معاه وهو كذلك في اي وقت. ..
اكيد هو منتظر تعملي رسالة تخبريه ان هذا رقمك وبتشووووفي راح يتصل عليك
تواصلي كغ زوجك فهذة لحظات لاتعوض
اما بالنسبة لحبوب منع الحمل لاانصحك باستخدامها قد لاتتحملين الثاتيرات الجانبية من الام بالمعدة وصداع ودوخة وتروحين بيت زوجك وانتي مريضة
بالتوفيق

رد : زوجي اهداني جوال ولم اتواصل معه قبل حفل الزفاف
 

مبارك لك كتب الكتاب والله يوفقك يااارب


ممكن تحسي انه في شويه احراج لما تبدي انتي بالمراسله
لاكن بما انك عرفتي انه حاول يتواصل معك ولا قدر فلك ذلك

ارسليله رساله يكون كلام عادي وفيه من الحياء مو تاخذي راحتك من اول يوم مانعرف طريقه تفكيره
اذا كان حاب يتواصل اكيد راح يتصل او يرسل .
عيشي كل فتره بتفاصيلها هذي احلا اياااامك


والله يسخره لك ويسعدكم ... مووووفقه

رد : زوجي اهداني جوال ولم اتواصل معه قبل حفل الزفاف
 

شدعوة يجربها او يختبرها في شنو ؟!!!
الافضل تتواصلين معاه ، ما اعرف شلون بتقابلينه اول ليلة وحتى ما صار بينكم كلام
دزي له رسالة خبريه ان هذا رقمچ واهو اكيد بيتصل فيچ
اكسري حاجز الصمت بينكم

والله يوفقج ويبارك لكم يا عروسه

رد : زوجي اهداني جوال ولم اتواصل معه قبل حفل الزفاف
 

اذا مابقي الا ايام قلائل

ارسلي مسج جميل عن قرب زفافكم وبالآخر اكتبي اسمكك ..

واتركي المجال له بعد ذلك ..

رد : زوجي اهداني جوال ولم اتواصل معه قبل حفل الزفاف
 

رد : زوجي اهداني جوال ولم اتواصل معه قبل حفل الزفاف
 

هذا غريب، لا أضن أن ما قمتِ به مقبولاً.

أستغرب ممن يقول بأن الرجل يحب البنت الخجولة، ونسي أن مليكها وزوجها قد قدّم لها هذا الهاتف كي تتواصل معه، وهو الصواب!

أنا في الواقع لا أستسيغ أن أدخل بامرأة لا أعرف عنها الا لون بشرتها واسمها، ولم اتكلم معها قط!

ارى بأن تتواصلي مه زوجك وحليلك وتتخلصي من غيمة الأفكار الغريبة عاجلاً وشكراً

رد : زوجي اهداني جوال ولم اتواصل معه قبل حفل الزفاف
 

في رأيي أنه لم يهدك الجوال ألا من أجل التواصل وهو زوجك الآن على سنة ﷲ ورسوله وهو لايعرف رقمك من أجل أن يتواصل معك على الأقل أرسلي رسالة فيها كلمتين حلوات واسمك أما التجاهل بهذه الطريقة فأعتبره قصور وليس من الحكمة في شي .

بارك ﷲ لكما وبارك عليكما وجمع بينكما في خير .

رد : زوجي اهداني جوال ولم اتواصل معه قبل حفل الزفاف
 

هناك حل وسط
مابين الخجل والجرأة
خلي اخوك يعطيه رقمك
افضل

ونصييحة ﻻتاخذي حبوب
حتى ان كان معاك العذر يوم الزواج
احسن تحسي بالطمئنينه واﻵمان
يومين وكل شي تمام تكوني ولفتي عليه
واستعديتي نفسيا


ﻷنه اختي الحبوب ممكن تخرب الدنيا
آﻵم تنقيط استحاضة ولخبطة الدورة والهرمونات
وبعدها ممكن مشاكل بالحمل


والله يوفقك ويتمملك على خير