نوم الطفل ليلا
 

السلام عليكم صبحكم الله بالنور
عندي سؤال لا هنتوا
بنتي نايمه امس من 11 ليلا والان 6 الصباح هل اصحيها؟؟
انا بالنهار مسويه الرضعات كل اربع ساعات بس بالليل
اخليها تنام طول الليل؟؟
او بمجرد مايطلع النهار اصحيها مثلا نامت 11 ليلا اصحيها 6 صباحا؟؟ ولا اذا شفتها مكمله نوم تتركها

رد : نوم الطفل الطفل ليلا
 

حبيبتي.. النوم صحة للبيبي.. ما تنبهينه.. خليها تنام.. ما تفقسيها نومتها.. شبعانة.. ونظيفة.. خلاص محتاجة راحة :)

رد : نوم الطفل ليلا
 

لا تصحين طفل من نومه أبدا قبل بلوغه سبع سنوات

رد : نوم الطفل ليلا
 

هلا بام يوسف بالغلا توي جبت طاريك بموضوعي ولا حضرني معرفك
سعيده للقائك من جديد يالغلا

رد : نوم الطفل ليلا
 

افاق المجد كيف حبيبتي يعني مارضعها كل اربع ساعات بالنهار
وبالليل اتركها تنام؟
بنتي صغيرة الحجم وزنها 4400 جرام وهي بالشهر الثالث

رد : نوم الطفل ليلا
 

لمسة التوام عادة تكون ولادتهم مبكرة و طبيعي تكون اوقات نومهم اطول من الطفل الي مولود في وقته

انا ايضا عندي توأم و واحد منهم ما شفت لون عينيه الا بعد شهرين كان يستيقظ لوقت بسيط ويمكن ينام 12 ساعة متواصلة

لما تحبي ترضعيها غيري حفاظتها راح تستيقظ

وبعد تغيير الحفاظ علي طول حطيها علي صدرك ترضع و ترجع تنام

كنت هيك اعمل jyh

رد : نوم الطفل ليلا
 

سابين الله يحفظهم لك
كم كانت اوزانهم؟بعد الواالاده
وهل ارضع كل اربع ساعات بالنهار وبالليل اخليهم نوم متواصل

رد : نوم الطفل ليلا
 

عزيزتي

واحد كان وزنه 1900غ بعد ثلاثة اشهر صار 5كلغ

وواحد وزنه 2كيلوا و بعد 3اشهر صار 6كيلوا

باليل اتركيهم يناموا و لا تزعجيهم

عادة اذا ناموا باكرا يستيقظوا للرضاعة عند الفجر

و اذا ناموا متاخرين يستيقظوا علي الساعة 9 الصبح

لما يجوعوا راح يستيقظوا من نفسهم , انا ما التزم بوقت معين للرضاعة وقت ما طلبوا اعطيهم

كل ما كبروا راح تقل ساعات نومهم و راح تتمني ترجع ايام السبات
ما دام نايمين معناه مرتاحين

رد : نوم الطفل ليلا
 

تسلمين سابين
الله يحفظهم لك يارب
انتي وزن اجنتك كان معقول
انا مره صغار
وحدة 1200
والثانيه 1500

رد : نوم الطفل ليلا
 

و السبب..؟؟

رد : نوم الطفل ليلا
 

لأنه في فترة نمو مطرد ويحتاج النوم
وتكدير النوم مؤذي ممكن يصحى لا يرضى يرضع ولا يقدر يرجع ينام

رد : نوم الطفل ليلا
 

خليهم ينامو ويرتاحو من 11 الليل ل6 الصبح قليلة على الرضع يحتاجو ينامو اكثر
اهم شي الرضاعة وهم مرة صغار الله يحميهم لاتنسي تعطيهم من حليبك يحتاجوه

رد : نوم الطفل ليلا
 

حبيبتي حتى وهم نايمات عادي حطي الرضاعه بفمهم
كل ساعتين رضعه نصيحه مني استغلي حكاية انك جبيتهم صغار بالحجم
انا ولدي جبته ووزنه 2400 مره صغير وكان لونه غامق لانه ماكان يوصله الاكسجين والاكل كويس
ووحده قابلتها بالمستشفى بعد ولادتي وحطيت كلامها حلق باذني واستفدت من كلامها
قالت الطفل الي يجي ووزنه صغير لما يوصل ست شهور صير منفوش والله كذا قالت لي حرفيا
رجعت بيتي وبدات اعطيه كل ساعتين رضعه مره من صدري ومره من الصناعي لانه حليبي مايشبعه
وبعد مرور الاربعين وقف حليبي صار جاف واضطريت اكمل له من الصناعي
وصرت اعطيه تمر منقوع من عمره 20 يوم اقولك كيف
اجيب ست تمرات له واحطه على النار مع ماء واخليها تغلي تقريبا خمس دقايق اوقات احط معاها 3 حبات حلبه
واصفيها تكون خفيفه انتبهي تكون ثقيله واحط معاها الحليب واعطيها رضعه
ولما توصل اربع شهور اضيفي ملعقة سيريلاك الي مكتوب عليها اربع شهور
وفيه وجبات زي بلفيت بلس للعمر اربع شهور
واختيار الام كمان اربع شهور
وبالنسبه للنوم خليهم ينامون بس رضعيهم ولاتنسين بالليل تعطينهم رضعة اعشاب تشترينها من الصيدليه جدا رااائعه
وراح تشوفي كيف راح يكبرون ويسمنون زي ولدي ربي يحفظه لما وصل عمر 2 شهر قالي الطبيب ولدك صار وزنه اكبر من المفروض وقال زوجي يادكتور كل شي تعطيه ههههههه
وصراحه كل شهر احجز له عند افضل استشاري بمستشفى دله بالرياض واوديه شهريا
اسوي كشف للوزن والطول وصحته عامه ولله الحمد الله من علي بصحته
الله يفرحك فيهم وتشوفينهم قدامك يراكضون

رد : نوم الطفل ليلا
 

الله يسعدك ملكه الاحساس ع المعلومات
رضاعه اعشاب راح اشتريها لهم
سالت الدكتوره اليوم هل اقدر اعطيهم سريلاك قالت لا لين ست شهور
بس ودي والله يسممون شوي
الله يسعدك حبيبتي واذا في معلومات اكثر لا تحرميني لا حرمك الله الاجر

رد : نوم الطفل ليلا
 

اختي بطمنك من ناحيه الوزن امي جابتنا كليو ونص وماضرنا ، بالنسبه لي مازان وزني إلا بعمر 15
وانا عيالي مع انهم مو توائم بس كلهم يجيون ع كيلوين ، الكبير بسرعه زاد وزنه والصغير الحين وصل 4 ويعتبر ضعيف ع عمره
وجارتنا جابت ولدها 700 قرام يخوف كأنه دجاجه صغيره hhf والحين مافيه الا العافيه وعمره 10 سنوات طيب وطبيعي
لا تشيلين هم الوزن اهم شي الحركه يعني بالرابع مفروض تبدأ المغاغاة عندهم ويلتفون ويضحكون وبعضهم يبدون يتقلبون من الرابع وفيه اطفال بالخامس او السادس
شوفي بناتك ولديتهم ع كم اسبوع مثلا 33 اسبوع نقصي من عمرهم شهر يعني لاتعاملينهم معامله طفل بالرابع اعتبري عمرهم باقي 3

رد : نوم الطفل ليلا
 

لمسه انا كنت ارضع طفلي كل ساعتين بالتمام حتى بالليل حاطه المنبه كل ساعتين طول ال24 ساعه
كذا قايل لي الدكتور
بس ابني كبر وهو متعود مايشرب الا رقمين بس
وبالنسبه للحجم الحمدلله اهم شي انهم بخير وبيكبرون ان شاءالله
انا كان اوزانهم
واحد 800 جرام
والثاني 1400

رد : نوم الطفل ليلا
 

نصيحه لاتكثرين اعشاب لبناتك
فقط اليانسوون نص ملعقه صغيره تغسلينها وتحطين عليها ماء مغلي وتغطيه وبعد مايصير دافي مايل للبروده صفيه
وحطي بالرضعه رقمين بس واعطيهم واحسن شي بالليل
والافضل تجيبين اليانسون جديد دوري اذا عندكم منتجات عضويه او عطار يجيب اعشاب جديده.

رد : نوم الطفل ليلا
 

طريقة منقوع التمر اللي اسويه لاولادي
حبه وحده رطب احط عليها ماء مغلي بكاس زجاج واحركه بالشوكل الى ان تذوب بعدين اصفيه واحطه بالرضعه رقمين
كل يوم مره
لاتحطينه مع الحليب ثقيل ع المعده
اليانسون عادي تحطي عليه حليب

رد : نوم الطفل ليلا
 

تسلمين جمانه حبيبتي الله يحفظ لك عيالك من كل شر
وحدة من بناتي حطيت لها اعشاب تطرش
ماتقبل معدتها اي شي
وديتهم لدكتور قبل يومين قال لا عاد تصحينهم خليهم يرتاحون
عشان كذا يطرشون ويدسعون من كثر الحليب معدتهم ترفض
انا كنت ترضع كل اربع ساعات
وبعدين قالي دكتور اخر 3 ساعات واخر دكتور الحين قال لا تصحينهم ان شاء الله ينامون عشر ساعات اذا جاعو يصحون
مدري ياجمانه ايش اسوي الحين انا اتبع كلام اخر دكتور وخليتهم ينامون ع راحتهم ان شاء الله بس مايطيح وزنهم
وبعد البنت عندي معدتها تعبانه

رد : نوم الطفل ليلا
 

احس حرصك الزائد ممكن يجئ سلبي عليهم ،،
لساتهم صغار لاحقه يسمون ويكبروا ،،
تابعي صحتهم مع الطبيب وكوني معتدله ،،
اللي بعرفه ان المواليد يناموا فترات طويييله
ومهمه جدا لهم لنموهم ،،،
هم لما يجوعوا يصحوا ووقتها رضعيهم ،،
الله يطمئن بالك