طلبت الطلاق
 

السلام عليكم ورحمه الله وبركاته
انا سبق ونزلت موضوع عن زوجي وخيانته لي
ما اعرف وش اكتب حاسه حالي متلخبطه
المهم طلبت الطلاق مااقدر اكمل معه
لانه للحين مستمر في خيانته
اعذروني كلامي مو مرتب
ابغى اعرف كيف اخلي الحضانه لي ومايسحب عيالي مني

رد : طلبت الطلاق
 

استشيري محامي وأسألي اكثر من واحد

قد يكفي زوجك علاجا غير الطلاق لا تستعجلي هناك عدة امور قبل الطلاق

أسأل الله ان يهدي زوجك ويسخره لك

رد : طلبت الطلاق
 

اذا عندك اداله ومايثبت خيانته خاصه لو وصلت للزنا
احتفظي فيها تنفعك لو رفعتي قضيه انه مو اهل للتربيه

رد : طلبت الطلاق
 

والله يابوفارديا جربت حلول كثيرة والرجال مستمر آخرها أمس !
نفسيتي وصحتي أهم منه
والحمدالله ما احس اني استعجلت ولا احس بندم عادي الموضوع عندي
بس محتارة مع اهلي ما ابي اخبرهم ولا اعرف ردة فعلهم كيف

للحياة امل
عندي ادله كثيرة
اذا تعرفين محامي شاطر بالقضايا هذي خبريني للاسف ماعرف احد

رد : طلبت الطلاق
 

جروح الحين انتي وين قاعده ؟
وزوجك شو كانت ردة فعله بطلبك للطلاق

رد : طلبت الطلاق
 

عند اهلي ( هو اللي اجبرني اروح قال بسافر )
ما اعرف والله مارد علي للحين وهي وحده من ثنتين اما انه مصدوم او باقي نايم بالعسل

رد : طلبت الطلاق
 

مصدوم ويرتب افكاره
حاولي ان لا تثنين عزيمتك بطلبك عله يأخذ درس ويتعظ

رد : طلبت الطلاق
 

لا حول و لاقوة الا بالله العلي العظيم

لما صارحتيه شو قال يعني انكر او شو كان تبريره

ما دام طلبت الطلاق لازم اهلك يعرفوا ’تحدثي مع امك و ابوكي و شوفي رايهم

الطلاق بوجود الاطفال مو بالسهولة دي ,فلا تتسرعي و فكري مليح

رد : طلبت الطلاق
 

ايه باذن الله راح اصر ع موقفي
الحين انا مضطره اخبر أهلي بالاسباب مع اني اتمنى ينتهي الأمر بستر وبدون ما اخبرهم
انا ارسلت له رساله مضمونها اني اعرف هو مع مين وطلبت الطلاق
ما قال شي ولا رد علي
انا ما ابغى انه يخليني انا وعيالي غطاء لافعاله خليه يتوهق ويرجع بيت امه ولاعاد يقدر يلعب
انا دوري انتهى سعيت وبذلت وتفائلت بعد ماشفته تحسن بس الحمدالله يارب
اعرف ان الضحيه هم أطفالي لكن خلاص ابي اكون لهم أم صالحه انا قصرت في حقهم كثير لان بالي مشغول مع ابوهم

رد : طلبت الطلاق
 

التصرف اللي اتوقعه منه بيقول جهزي اغراضك انا جاي آخذكم
كيف ارد عليه
وكيف العده لازم اقضيها في منزله ؟
هل علي ذنب لو قلت ما ارجع معك ؟

رد : طلبت الطلاق
 

كيف ينتهي بالستر و دون ما تخبريهم

يعني تنفصلي دون ما يعرفوا اهلك السبب او انا فهمت غلط

رد : طلبت الطلاق
 

ايه انا اتمنى كذا
ممكن اقول لهم ما ابغاه كرهته خلاص
اهلي لو يعرفون بتصير مشكله كبيره وماراح يمشون الموضوع وانا ما ابي كذا
انا بنت عمي قالت لاهلها كذا بس توهقت صاروا يودونها عند رقاه قالوا عين فيها !

رد : طلبت الطلاق
 

الله يكون في عونك اختي

قرارك عين الصواب و ما تلامين فا الخيانة علقم علئ القلب

خليكي في بيت اهلك وﻻ ترجعين له و ضروري تخبريهم الحقيقة و ب اﻻدلة

رد : طلبت الطلاق
 

اذا اهلك مابتقوليلهم اجل كيف بتمشين في امر
محامي عشان الحضانه؟ واذا عندك ادله وش اللي
يمنعك ماتعرضينها على اهلك؟

رد : طلبت الطلاق
 

افكاري مشوشه
خلاص بخبر اهلي وخلي يصير اللي يصير
ماعاد تفرق معي كل الامور تساوت عندي
وشكرا لكم والله يجزاكم خير
ابغى احد مجرب ياخذ الحضانة عشان لو فكر يعند معي اكون قوية وما اضعف وعارفه اللي لي واللي علي

رد : طلبت الطلاق
 

انك تخبري اهلك هذا هو الصحيح غير كذا يخليك تظهري بدور البطرانة

تشاورا مع بعضكم و اسمعي منهم و لا تستعجلي

رد : طلبت الطلاق
 

رد : طلبت الطلاق
 

استخيري يا أختي وربي يكتب لك الخيرة
ويعوضك خير

رد : طلبت الطلاق
 

انهار وصار بوضع سيء جداً
ما ادري كيف واحد زي كذا يخاف من الطلاق وهو اللي مابقى شي ما سواه
وهو خبر اهله واشتغلت الواسطات
حلف لي انه ما راح يخون
اما انا ماخبرت اهلي
قلت اجرب
يمكن يصلح الوضع خاصه انه كان مستغفلني والحين عرف اني فاهمه كل شي يدور وراي
حسيت اني ضعفت كثير ودست على مشاعري كثير لأجل واحد مايستحق اي تضحيه !
الله المستعان

رد : طلبت الطلاق
 

اذا فيه مجال للاصلاح فهو الافضل
ولكن احذري يسكون صلح بدون علم اهلك بتفاصيل القضيه من والي
لابد ان تكون لك اليد الطولى في الصلح وانك انتي المتفضله عليه بالبقاء معاه رغم كل افعاله السيئه
ان رجعتي بدون ان يكون لاهلك علم بكل شيء بتكوني خسرتي كرامتك وانك عرفتي بخيانته وعادي الوضع عندك كل مره يخون وتزعلين وكم كلمه وترجعين
لو كنتي انتي الي خنتيه يمديك من زمان مطلقه ولاحد اخذ بخاطرك

رد : طلبت الطلاق
 

لو خبرت اهلي مستحيل مستحيل يرجعوني معه
وبتصير مشاكل كبيرة
اما كرامتي معه فقدتها من اول ماعرفت بخيانته

رد : طلبت الطلاق
 

جروح اللي زيه مو همه انتي ولا فراقك انهياره كله خوف من الفضيحة

اذا كان لك نظر بالرجوع لا تستعجلين خليه يأخذ الدرس

وروتين حياتكم لازم يتغر بيتكم ومكان عمله ولو حصل تنقلون مدينة ثانية

البيئة اللي كان عايش فيها اكيد لها دور في تسهيل الوقوع في الزنا المفروض يبعد عنها عشان ما يرجع لافعاله

رد : طلبت الطلاق
 

المدينة صعب نغيرها عشان دوامه
اما البيت قال لي كم شهر ونطلع منه
انا ما ابغى حتى الاثاث والله اني اتقرف منه اقول هنا جلسوا ومسكت الجدار هذا ويد الباب صار عندي وسواس نظافة
حتى المواعين اللي يضيف فيه ما استخدمها

رد : طلبت الطلاق
 

اختي اذا فكرتي ترجعي اشرطي عليه يسوي تحاليل الامراض الجنسيه المعديه ومنها الايدز

رد : طلبت الطلاق
 

فكرتي في نظافة المنزل
ونسيتي جسد زوجك الملوث بالحرام
هل زوجك خالي من الامراض المعديه أجارك الله
الاثاث يتغير ولكن جسد زوجك لا يتغير

رد : طلبت الطلاق
 

الله يفرج همك❤️
ة

رد : طلبت الطلاق
 

المهم يعمل تحاليل يااختب لضمان سلامتك

رد : طلبت الطلاق
 

ماظنيت انه بيترك سوالفه ،،بس عشان ينحاك عن فكرة الطلاق ،،كل الخاينين كذا ،،اذا انتي صامله للعيشه معاه اجبريه يحلل كشرط لرجوعك له..

رد : طلبت الطلاق
 

شوفي انا زوجي خاني 5 سنين وكنت اشوف واقي ذكري وحبوب فياجرا وكريمات تطويل وملابس نساء بسيارته وعقد شقه باسمه
وكنت احكي يمكن بيتهيئلي ولان شخصيتي ضعيفه واهلي ببلد ثاني وكان حارمني من الشغل والطلعات والجارات ما كان عندي خبره كيف اتصرف
وبسبب سكوتي على خياناته تزوجها
لكن لو كانت لي رده فعل قويه وتهديد بترك الاولاد له واروح عند اهلي من اول خيانه ما استمر بخياناته واتزوج 0000
علشان هيك انت بموقف قوة الحين
لازم اهلك يعرفوا ويكون لك رده فعل قوية
وهدديه انك راح تتركي الاولاد وتبدي حياة جديدة مع رجل نظيف ويستاهلك
فهمتي شو راح تحكيله
واذا سكتي الحين ورجعتي عنده بدون تهديد وفضيحه راح يتجرء عليك مره ثانيه ويرجع للخيانه الف مره
لانك سكتي من الاول واعطيتيه الضوء الاخضر يستمر بخياناته
لا تغلطي نفس غلطي
انا الحين بعض اصابع الندم
ليش سكتت على خياناته
وبعاني المرين بعد زواجه وظلمه وعدم عدله
لا تغلطي نفس غلطي
وخليكي قوية
اما حياة طيبه والا فلا

رد : طلبت الطلاق
 

الله يجزاكم خير جميعاً واشكر كل اللي ردوا علي الله يكتب لهم الأجر
الأخت متفائله انا بخاطري يتزوج وحده قذره من نفس طينته لو انا مكانك كان فرحت لانه اخيرا حصل اللي تستاهله
بالنسبه لزوجي رجعت معه وباقي ماقطعت الأمل وعشان اهله ترجوني ورحمت ضعفهم وانكسارهم لي
واليوم اشوف دليل جديد لخيانه جديدة > ما اعرف هل هو غبي او يستغبي صرت اشك والله
وخلاص ماراح اقعد معه واكون طلعت بعذر من اهله بالمره رجعت و
شفت بعيني

رد : طلبت الطلاق
 

رد : طلبت الطلاق
 

والله ما اعرف هل بعد العودة او قبل
بس الدليل واضح انه شي جديد ماشفته الإ اليوم بس ما اقدر احدد الوقت ،وانا صار لي يومين معه من رجعت

انا ما اشترطت الا انه يحلف بعدم العودة للفساد وحلف وعطاني وعد

رد : طلبت الطلاق
 

رد : طلبت الطلاق
 

آمين يارب
الله يجزاك خير
مع الأسف مايصلي لا في المسجد ولافي البيت مع حرصي اني اخليه يحافظ ع صلاته لكن ما اقول الا عسى ربي يهديه ويصلحه
يمكن الشك اللي عندي الحين صاير مرض فقدت كل الثقة فيه وما اقدر ارجعها
وانا خبرت اهلي وخلاص

شكرا مرا ثانيه لكل اللي ردوا علي
ابي منكم دعوه صادقه ان ربي يعوضني بالجنة
اتمنى يقفل الموضوع

رد : طلبت الطلاق