ساء حالي من بعد وفاة والدي رحمه الله
 

(ساء حالي من بعد وفاة والدي رحمه الله )

السلام عليكم ,,,,,,,,,الى متى هذه المعنااه ,,, انا اعتذر لاني ازعجتكم بمواضيعي بشو اعمل اذا كل مواضيعي اجو بهاي الفترة من وفاة ابوي للمتقدميلي ,,,,
بصراحة انا بشتغل وشغلي الحمد الله ممتاز المشكلة مش بلمحطين فيا من امي ولا خواتي ولا اخوتي ولا صديقاتي ولا زملائي بلعمل المشكلة فيااا انا
من لما توفى ابوي حاسة دايما بعصب وبنرفز وبزعل الي حولاي وع اي شي باخد موقف ,.,.,.,.مش مدحا بحالي لا سمح الله بس كنت طيبة القلب ما ادق ع اي شي اعفو واسامح كثير اما هاي الفترة ما بعرف شو صايرلي بزعل ع اقل شي صايرة قاسية القلب باخد موقف وما بتراجع فيه ,,,,, كتير حاوبو صاحباتي يطلعوني من هاس الاجواء بس تخيلو مثلا صاحبتي ترن علي تحكيلي بدنا تطلع ع شي مكان نغير جو ,,,, ما برضى وكانها سبت علي ,, بذايق من اتفه الاسباب ,,,,شو اعمل ؟؟؟؟؟ انا دايما ملتزومة الصمت ما بحكي ما بعرف افرغ الي جواتي واطلعو بالحكي بكتم جواتي حتى الكم وانتو ما بتعرفوني ولا شايفيني بس بحس انو في مانع اطلع الي جواتي وبصعوبة لاحكي شو جووواتي هاي النقطة زمان كانت فيااا ,,,,,, الرجاااء مسااعدتي وفسرولي الي بصير معي شو اسمو ؟؟؟انا كثير مذايقة من حالي وحرام الي حولي ما بقصرو معي بشي بس من بعد ما ابوي توفى بحس انو ولا حدا معي مع انو العكس صحيح ؟؟؟

(تم التعديل ليتناسب مع المضمون)

رد : مش عارفة اسمي الموضوع
 

انتي مو مضايقه لوفاة والدك فقط
انتي ضميرك يأنبك بأنك تفكرين بأنك قصرتي مع والدك قبل وفاته
تلومين نفسك وما سامحتيها
فتضخمي الامور بسبب الشعور بالعجز ولوم النفس
سامحي نفسك وتراضي معها

رد : ساء حالي من بعد وفاة والدي رحمه الله
 

رد : ساء حالي من بعد وفاة والدي رحمه الله
 

ماحداااا سااعني وفادني مشكورين بس والله ماحدا فاهم شو بمر فيه الرجااااء المساعدة

رد : ساء حالي من بعد وفاة والدي رحمه الله
 

رحيق حبيبتي أنا شايفه شعورك طبيعي جدا ... اللي مات أبوكي مو أي حدا ...يعني طبيعي تكتئبي وتتعبي وتشوفي الدنيا سودا من بعده ... واذا صاحباتك وأهلك ما تحملوكي بهذا الوقت متى بدهم يتحملوكي

معلش ..ابكي وازعلي وعصبي وطلعي كل اللي جواكي .. وراح يبان مين اللي فعلا بيحبك وقادر يتحملك ومين اللي لأ

عم يحاولوا يساعدوكي بأنهم يقترحوا تطلعي معاهم .. وانتي حاولي تتجاوبي معاهم ..قدرتي تجبري على حالك وتطلعي كان بها ..ما قدرتي خلاص للمرة الجايه

ويمكن انضغطتي بزيادة بسبب التفكير بقرار مصيري متل اختيار الزوج ..

الصحيح ما كنت بعرف انه والدك لسه متوفي من شهر ... لسه يمكن بكير عليكي تحاولي تتخذي هيك قرار ...اطلعي من حالة وفاة والدك بالأول وخذي وقتك وأعطي نفسك حقها بأن تحزن وتاخذ وقت لحتى ترتاح وترجع لطبيعتها

رد : ساء حالي من بعد وفاة والدي رحمه الله
 

شوفي هذا الموضوع رحيق ..يمكن تفهمي وضعك اكثر

http://www.66n.com/forums/showthread.php?t=233841

رد : ساء حالي من بعد وفاة والدي رحمه الله
 

عظم الله أجرك حبيبتي رحيق

مررت بما تمرين به ... وسألت يومها صديقة لي مضى على وفاة والدها خمس سنوات وسألتها : متى سأخرج من حالة الحزن التي انا فيها واتوقف عن الاشتياق له ؟ قالت لي ... لن تفعلي ابدا! لم اصدقها

وها أنا بعد أربع سنوات تقريبا ما زلت أشعر بطعم الحزن كلما تذكرته وأبكيه كأني فقدته بالأمس

ولكن الفرق هو أني ادركت أني لن استطيع أن ابقى غارقة في أحزاني لهذه الدرجة فهناك والدة واخوان واهل وزوج بحاجة لي .. والحياة أجمل من أن نضيعها بالبكاء

انتِ الآن في حالة حداد .. اعطي نفسك الوقت لتبكي وتحزني وتدعي له بالمغفرة .. وبعد ذلك .. حين يصبح الألم محتملا قليلا.. افعلي شيئا آخر لتبريه بعد موته رحمه الله .. تصدقي وادعي له بالمغفره والرحمة

"وولد صالح يدعو له"

اسأل الله العلي العظيم أن يمنحك الصبر والسلوان

رد : ساء حالي من بعد وفاة والدي رحمه الله
 

مشكورين جميعاا خالتي بيتا ارى فيكي حنان الام وعطف الاخت ومرح وشقاوة الصديقة ..عندما ارى كلماتك تسري في روحي وفي عقلي وتضرب جدران قلبي لانها تلمس روحي الحزينة ..ابكي وبذات الوقت افرح لاني صادفت انسانة مثلكي ...شكرااا جزيلااا خالتي بيتااا...كلماتك دوا لجروحي..اختي بكر الشايب شكرا جزيلااا ع نصيحتك وع كلامك الطيب الجميل شكرااا يا اخواتي الغاليااات شكرااا

رد : ساء حالي من بعد وفاة والدي رحمه الله
 

رد : ساء حالي من بعد وفاة والدي رحمه الله
 

اصدق واعذب الكلمات عندما تخرج من روح القلب كلماتي لك خرجت من روح قلبي لاني كنت فعلااا محتاجه اصادف انسانة مثلك...خالتي بيتا قرات الموضوع الي بعتيلي اياه وفعلا في اشي مشترك..وكانها بتحكي عني..بس كيف بدي اوصل موضوعي لدكتور رجل الرجال..مع انك ماقصرتي بس في اشياء جواتي حزينة وما بعرف اطلعهااا ...

رد : ساء حالي من بعد وفاة والدي رحمه الله
 

افتحي موضوع بقسم ساعدني ... واكتبي العنوان " ساء حالي من بعد وفاة والدي رحمه الله / رجل الرجال "
هنا بهذا الرابط
http://www.66n.com/forums/forumdisplay.php?f=139

لكن بدك تنتظري عليه ..÷و يتأخر أحيانا أيام بالرد .. وتقدري تبعتي لدوندرمة ترسل له رساله على الخاص عشان ينتبه لموضوعك

ارجعي لموضوع روح اللي قرأتيه واقرئي توقيع رجل الرجال .. لما تلتزمي بالتعليمات بكتابة موضوعك بيكون كثير أسهل له حتى يتابع معك

بالتوفيق حبيبتي :)

رد : ساء حالي من بعد وفاة والدي رحمه الله
 

خالتي حبيبتي اسفه بس مافهمت شي

رد : ساء حالي من بعد وفاة والدي رحمه الله
 

بسيطة خالتو ... لأنك جديدة بالمنتدى

1- اضغطي على الرابط هادhttp://www.66n.com/forums/forumdisplay.php?f=139

..راح يفتح لك صفحة جديدة ... صفحة بالمنتدى بقسم تاني اسمه قسم ساعدني

2- في فوق كلمة موضوع جديد ... اضغطي عليه واعملي موضوع جديد هناك بهداك القسم

3- حطي عنوان الموضوع نفس عنوان موضوعك هاد وأضيفي عليه كلمة الى رجل الرجال .. .
راح يصير العنوان " ساء حالي من بعد وفاة والدي رحمه الله /لى رجل الرجال "

4- اكتبي يلي بدك اياه لرجل الرجال وهو راح يجاوبك

5- رجل الرجال ما بيدخل المنتدى كثير فأحيانا بيتأخر لحتى يرد ..ممكن يتأخر أيام ... ف عشان نستعجله شوي خلي دوندرمة تبعت له رسالة فيها رابط موضوعك بقسم ساعدني لحتى يروح ويشوفه

6- ارجعي افتحي هاد الموضوع وشوفي بالرد تاع ؤجل الرجال توقيعه اللي كاتبه بالأزرق تحت
هو حطط كيف بيحب يكون تسلسل عرض المشكلة لحتى يعرف يرد بسهوله
اقرئي التوقيع واكتبي موضوعك
وربي يوفقك :)
وانا جاهزة لأي شي بيلزمك

رد : ساء حالي من بعد وفاة والدي رحمه الله
 

خلص ..تجاهلي النقطة 6

هي نسخت لك توقيع رجل الرجال هنا


لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

رد : ساء حالي من بعد وفاة والدي رحمه الله
 

شكرااا خالتي بيتااا شكرااا ...يعني كيف بدي اتواصل مع رجل الرجال..فهمت كيف بدي اطرح الموضوع ..

رد : ساء حالي من بعد وفاة والدي رحمه الله
 

اهلا اختي
انتي بس اكتبي الموضوع في قسم ساعدني وبنفس الطريقه الي شرحتها الخالة بيتا
والوالد الفاضل رجل الرجال هو الي بيرد عليك ويشاركك

لا تحملي هم شي


ربي يرحم والد ويغفر له ويسكنه فسيح جناته ويصبر قلبك ويعوضك خير

رد : ساء حالي من بعد وفاة والدي رحمه الله
 

لا اعرف كيف اكافئك اختي دندورمة ..لا اعرف كيف اجزي هذا القلب الطيب الحنون المخلص المحب المشع بالايمان ..جزاك الله خيرك..نفس الموضوع الي كتبتو بقدر اعملو كبي بيس..لاني من الجوال بفتح ع المنتدى..

رد : ساء حالي من بعد وفاة والدي رحمه الله
 

جربي .... ان شاء الله يقدر يفهم لهجتك :)

رد : ساء حالي من بعد وفاة والدي رحمه الله
 

معناها بكره من المكتب ببعتلو الرسالة او ببعتها لدندورمة حبيبتي وبكتبها باللغه العربيه الفصحى..بقدر استشيرو بموضوعي السابق ولا شو رايك انتي انصحيني لاني مابعرف عنو شي جزاه الله خيراا وجزاك ايضااا خالتو حبيبتي

رد : ساء حالي من بعد وفاة والدي رحمه الله
 

السلام عليكم ورحمة الله وبركاته ..
مرحباً أختي الكريمة الجميلة رحيق ..
فيه محاضرة هدية مني ، اسمعيها بكل جوراحكِ اسمها كشف الكربة عند فقد الأحبة ، ساعدتني كثيراً ..
http://ar.islamway.net/lesson/3722
وفقكِ الله لكل خير ..

رد : ساء حالي من بعد وفاة والدي رحمه الله
 

شكرا لك غاليتي ربي يجعلنا خير مما تظنوا
جزاك الله كل خير

رد : ساء حالي من بعد وفاة والدي رحمه الله