|
ابني ليس على وفاق مع زوجته لأنها غير مطيعة (مستجدات - الرد 142)
اخوتى واخوانى الافاضل اريد ان اطرح عليكم مشكله اريد رايكم فيها ابنى متزوج منذ عامين ومنذ ذلك الحين وهو ليس على وفاق مع زوجته واهلها تارة بسبب تدخل الاهل فى مشاكلهم. وتارة بسبب تمردها وعدم احترامها لزوجها والتطاول عليه باللسان لا اطيل عليكم حدثت مشكله مؤخرا فتركت منزل الزوجيه على اثرها دون اخباره بذلك واخذت معها النقود والذهب الموجود بالبيت عندما عاد ابنى وعلم بذلك قام بتغيير كالون الباب حتى لا تدخل احدا ويستولى على المنقولات .. عادت الزوجه مع والدها ووالدتها وقاموا بكسر باب الشقه والدخول ومنع ابنى من الدخول بحجة انها شقتها ولانها حاضنه !! قمت بتحرير محضر بقسم الشرطه وعاينوا الشقه ومحتوياتها واتهمت والدها بسرقة الذهب والاموال . كانت ليله كلها شد وجذب وتدخلت اطراف كثيره ولم نصل لحل .. نصحنا الزوجين بالجلوس سويا والاتفاق على مايرضيهم سواء بالاستكمال او الانفصال . المشكله هنا الاتى هى ترفض ان تقوم باى واجبات زوجيه او اعداد طعام او تنظيف للشقه وتريد ان تخرج وتدخل فى اى وقت دون علم زوجها .. هى تريد الانفصال والحصول على كافة حقوقها والبقاء بالشقه وخروج ابنى منها .. ابنى لا يريد التطليق لان له ابنه منها وانا نصحته ان كانت لا تريد الاستمرار ان تبريه بمستحقاتها وتترك الشقه وتعطيها اجرة سكن .. يراودنى هاجس اننى قد اكون جورت عليها واظلمها بعدم اعطائها حقوقها وارجع واقول هى من لا تريد الاستمرار فلترد عليه حديقته .. عندى بنت ولا اريد ان تتحمل وزر خطياتنا ولكن ابنى لا يملك اموال الطلاق .. دلونى على التصرف السليم تم تعديل العنوان ليتناسب مع مضمون الموضوع |
رد : اريد مشورتكم
ما تصفه يُعد من النشوز!
ولكن حتى نكون منصفين أخبرنا عن ابنك يا خالو .. كيف هو معها؟ وكيف هو خلال تلك المشاكل؟ وهل يكون سبباً في بعضها أم أن الزوجة وأهلها هم دوماً البادئين؟! |
رد : اريد مشورتكم
مااكذبش عليكى يامهره ان ابنى لم يستطيع احتوائها منذ زواجهم وهو عصبى فى المناقشات ولكن دون تجاوز او تطاول .. المشكله انه عندما يرفض لها طلب تسيئ الحديث بانها سوف تفعل وغصب عنك وعندها عباره شهيره وحياة امك لانا عامله كذا .. انا لا انكر دور الام فى كثير من قرارات الابن ولكن هذا لايبرر تطاول او تحدى وتمرد من الزوجه شوفيلى بيتا لو بتكلميها |
رد : اريد مشورتكم
هل القانون عندكم يظمن السكن للحاضنة بطفل واحد,?
هل اعطاء المشكلة بينهم وقت لتبرد هل يغير من قناعتها? ابنك هل يحبها بما انه يرفض الطلاق? أو خلينا نقول يري انه ممكن اصلاحها |
رد : اريد مشورتكم
عمو رؤوف حفيدتك ما تهون عليك بعد الطلاق و التشتت
بالنسبه لولدك من رجل لرجل علمه ازاي يسرق قلب زوجته و يخليها تعمل اللي هو عاوزة باقتناع بس لا ضرر و لا ضرار !!! انا اعرف انه البنت عندكم و اهلها يصرفوا مبالغ في الزواج فعشان كده هي ما دخلت الحياة الزوجيه عشان تكون ناشز بس اذا عصبي ولدك و ما يتفاهم اكيد بتكون عنيده و خصوصا لو عارفه انه ده مش كلامه هوه انما كلام مامته مثلا و لا اصحابه !!! ربي يوفق بينهم |
رد : اريد مشورتكم
اقتباس:
ياسابين طفل واحد او اتنين مادام خلفت فالاب ملزم يوفر لها سكن حاضنه او يعطيها اجرة سكن . الوضع الان ساخن وهم يريدون كافة المستحقات غصبا عن الولد والولد لا يضمن اصلاحها ولكنه يريد ان تتربى ابنته فى كنف الاثنين |
رد : اريد مشورتكم
اقتباس:
طيب يعنى عشان هو عصبى بقت هى عنيده والبيت قايد نار وعندما نتكلم فى طلاق نلاقيهم بيطالبوا بكافة الحقوق كان ابنى رمهالهم فى الشارع .. يعنى يغصبوا على الواد يطلق وياخدو كافة المستحقات ولما يريد ان يردها يدفع مهر ومؤخر جديد ياسلام ده اسمه ابتزاز مش حق الله |
رد : اريد مشورتكم
خليها تخلعه و ترد له مهره
|
رد : اريد مشورتكم
نفهم من هذا انكم انتم لعرضتم الطلاق
و ابنك لو كان كارها كان شاف في دعمك للطلاق فرصة متتكررش قلبه عوزها و عقله رافضها عشان كذا قلت يحتاجوا وقت حتي تبرد المشكلة كثير شفنا مثلهم و الان تسمي عليه لما يتقلب في مكانه من كثر خوفها لتفقده عشان هيك هدوا اللعب و خلوها تبرد يعني بلاش تصعيد |
رد : اريد مشورتكم
اقتباس:
ده اللى انا قلته تبريه ويتطلقوا هو ده حق الله مش زينب قالت لا ارى فيه عيبا ولكنى ابغضه وقالها ردى عليه حديقته هو ده شرع ربنا هم عاوزين يقعدوا يتفاوضوا يوم الجمعه على الطلاق وانا قلت من غير تفاوض . تبريه واحنا نطلق مش محتاجه خلع ومحاكم انما اللى فى بالهم نتفاوض على ايه اللى يحصلوه |
رد : اريد مشورتكم
اقتباس:
شوفى هى لمت هدومها وخرجت مع امها تانى دلوقتى وطالبه الطلاق ابنى كلمته قال تغور فى داهيه مش عايزها واللى عاوزاه تاخده بالمحاكم اهلها لا يستطيعوا غصبها على العيشه خاصة انهم يتوقعون الحصول على المؤخر والسكن وابنتهم تعود للعمل الذى منعها زوجها منه .. المهم انا لا اريد ان اشعر بتانيب الضمير على حرمانها من حقوقها كما اننى اشم رائحة ابتزاز فى مطالبهم |
رد : اريد مشورتكم
بصراحة مش فاهمة منين عايزة تتطلق ومنين عايزة مستحقاتها؟!!
زي ما قالت روح .. مش عايزة تستمر تروح تطلب خلع! وما دامت هي الطالبة للفراق فلا أرى أنك ظلمتها باقتراحك. . . . . أعطيت بيتا خبر يا خالو. |
رد : اريد مشورتكم
خلاص خليكم علي موعد الجمعة
اسمعوا منهم و قدموا لتقدروا عليه و اذا رفضوا قولوا مش حنطلق وخليهم يروحوا المحكمة |
رد : اريد مشورتكم
اقتباس:
لا ازاى ماهم شايفينا هبل مش عايزه تكمل وطاليه مؤخرها ومتعتها وسكنها والوسطاء عايزين يقعدوا يتفاوضوا على الطلاق انا قلت معنى نتفاوض يعنى نلبى رغبتهم رايى واضح ان طلبت الطلاق ابريه ولن ندفع مليم وامامها المحاكم وان ارادت العوده نشيلها على دماغنا من فوق |
رد : اريد مشورتكم
اقتباس:
ده اللى انا قلته للوسطاء علشان مايجوش يضغطوا علينا قدامهم يتكلمو فى صلح هم حرين انما طلاق بالغصب مابنطلقش وعندهم المحكمه ده لسه محضر الشرطه واتهام والدها وامها كسر الكالون والدخول وسرقة عشرة الاف جنيه |
رد : اريد مشورتكم
اقتباس:
لكنك تقول بأنها رافضة تعمل واجباتها وتطالب بحقوقها ... أهي طلعت الحجة معاها حق ونظر في الكنة العزيزة الله يصلح أحوالهم لو فيها خير لهم ويعوض ابنك بأحسن منها لو ما كانت زوجته صالحة . لا تضغط على ابنك وعامله كرجل واترك له الخيار .. متعملش زي الناس اللي شايفاه لسه بيبي ومحتاج توجيه . العدل يكون بأنك لا تظلم بنت الناس وكمان لا تظلم ابنك . الله يعينك ويهدي البال |
رد : اريد مشورتكم
اقتباس:
شوفى ياست الكل انا عمرى ماارفض صلح وتطييب خاطر وعيشه محترمه ارفض ليه هم اللى حايعيشوا انما دول عاوزين نقعد نتفاوض على الطلاق مش نتفاوض على الصلح اصل مافيش خصام عشان نتصالح احنا قعدنا قبل كده ييجى خمس مرات وفى الاخر نقول اسمعى كلام جوزك وماترديش عليه وانت عاملها كويس وماتضغطتش عليها ولا تتعصب اسبوع ونلاقيها سايبه البيت . تبقى تستاهل تتعامل بالحسنى دى ولا هى تزهق الواد عشان يطلق وادفع يارؤوف ماهو حايجيب منين الواد هو لا بيضربها ولا بيسرق ولا بيخش عليها سكران ولا قفشته مع واحده عايزه ايه كلام حب هى الدنيا كلام وبس |
رد : ابني ليس على وفاق مع زوجته لأنها غير مطيعة
سلام عمو رؤوف انا جديدة بالمنتدي بس اسمح لي اتدخل او بالاصح اقول رأيي
كل بنت تتمني تتزوج ويكون لها زوج محب وتكون ملكة في مملكتها وما في بنت تتمني انها تخرب بيتها وتتطلق إلا إذا كان فيه سبب وجيه ونحن نعرف بأن أمهات الازواج بصفة عامة لا تحب زوجة الابن لاعتبارات في نفسها ونلقي ان ام الزوج تصوب كل الاسلحة اتجاه زوجة الابن وتبدأ في قهر زوجة الابن بكلمة مرة بحركة حتي تغيطها او بتحكم الام في الابن وبالتالي نلقى الزوج منصاع لكلام والدته او اخواته عمي رؤوف انا شخصيا اعاني من ظلم حماتي وبناتها بينما حماي ربنا يطول في عمره ويخليه مع انه لا يستطيع الدفاع عني حتي انه لما يحدث موقف في حضوره يتجاهلني ولكن انا اعرف بأنه يحبني ولا يرضيه كل شئ يحصل معي وانا لا الومه عمي انظر لاسباب المشكلة يعني لماذا زوجة ابنك تعاند ضع عدة اسئلة .... اعطي لها مبررات يمكن تمر بشئ راح اعطيك مثل يمكن انت تشوفه ما يعصب لكن هو يعصب ويقهر فمثلا زوجة ابنك تبغي تطلع مشوار مع ابنك ولكن تتدخل الام وتقول سوف ارافقكم ومرات يكونوا قد خرجوا وانبسطوا ولكن الحماة تلومها ليش ما شلتوني معاكم ومن هذه الامور فكر واجلسوا وتناقشوا انتم العائلة معا وشوفوا اين الخلل قد يكون من الداخل ثم اجلسوا مع زوجة الابن واهلها وشوفوا اين الخلل واتفقوا وتعهادوا بأن لا يتدخل اهل الزوج واهل الزوجة في حياتهما واتركوهما يتخاصمون ويتصالحون بدون اي تدخل لا تصعدوا الموقف ولا تتدخلوا بين ابنك وزوجته اتركوهم يجلسون ويتعاتبون ويتصالحون |
رد : ابني ليس على وفاق مع زوجته لأنها غير مطيعة
فيه نوع من النسوان مفتريات اللهم عافينا واذا ابتلش فيها الزوج ما بيخلص ابدا مالهاش حل
الله يفرجها عليهم امين خليه يستخير قبل لا يعمل أي شي |
رد : ابني ليس على وفاق مع زوجته لأنها غير مطيعة
ياقلبى يامكسور اسمك حرق قلبى انا عندى بنت على وش جواز واخاف اى ظلم يقعد لها .. مش عاوز احمل الحماه كل المسئوليه لان معظم المشاكل لادخل لها بها وانما البنت دائما متحفزه ومتنمره ان اى رأى وراه امه .. عشان كده بترفضه ووصلت هذا الاحساس لاهلها نحن تركناهم سويا اكثر من مره لدرجة ان آخر مره التزموا بالتزامات بينهم وكتبوها فى ورقه ووقعوا عليها وده لوحدهم دون وجودنا او علمنا وهى من اخلت بالاتفاق .. هى ترفض الانصياع له بشتى الطرق لا وعامله نفسها بتعرف ربنا وحافظه القرأن وتصلى فى المسجد وتقول قال الله وقال الرسول مش الرسول قال اسمعى كلام جوزك . كنا خدناها نصرانيه كان احسن يعنى مثال وانتى قاعده مع جوزك وجاتلك رساله على التليفون وسالك جوزك مين اللى بعت الرساله تقوليه وانت مالك حاجه مالكش فيها ولما يقول حقى اعرف تقوله ماتنساش نفسك حاتعمل فيها راجل تفتكرى الموقف ده لو مع جوزك حايعمل فيكى ايه ؟ |
رد : ابني ليس على وفاق مع زوجته لأنها غير مطيعة
اقتباس:
تسلمى يامتفائله وربنا ييسر امورك ويمنع عنك كل كرب |
رد : ابني ليس على وفاق مع زوجته لأنها غير مطيعة
اشوف زوج عصبي يدعمه اهله بالطلاق
وزوجه عنيده يسندها اهلها بالطلاق وطفله بريئه قام الاهل بالتفكير بالماده والشقه والذهب والاثاث والمنقولات ولم يفكر فيها احد اخي انت تدفع ابنك للطلاق وهي يدفعها اهلها وكلهم مش عارف مضلحته وطايش ليه هذا كله حكم من اهله وحكم من اهلها اقعد معاها قعده ابويه واقعد مع ولدك دخلو شيخ المسجد فيه الف حل غير المخافر والطلايب دي لاتدفع ابنك للطلاق تذكر الرجل الذي ذهب لبيت عمر ووجد صوت زوجته يعلو فاستنكر ذلك فقال عمر تغسل ثوبي وتعد طعامي يعني تعذر لها دايم يشتكون اخواني من زوجاتهم ولكن امي اطال الله بعمرها تلتمس اهم الاعذار وتزينهم باعين اخواني عطوهم فرصه ان اصرو على الطلاق ساعتها الشرع ياخذ مجراه |
رد : ابني ليس على وفاق مع زوجته لأنها غير مطيعة
اقتباس:
انا عارفة نوعية الناس اللي واخدين الدين ستارة وبيقولوا قال الله وقال الرسول وبتلفظوا بألفاظ سوقية يااااااااااااه هي مش عارفة قيمة اهل زوجها راح يجيها يوم وتندم لانها كانت عايشة في نعمة وهي ماقدرتها واخيرا كل حد بياخد نصيبه في هذه الدنيا ربنا يقدر لابنك وحفيدتك الخير حيثما كان والموقف ده لو كان مع زوجي كان ذبحني وشرب من دمي وما حد سمى علي انا ما اقدر افتح فمي مع زوجي اولا خوفا منه وثانيا لان الوالدة ربتني اني ماأتجادل مع ابوي ولا اخواني ولا زوجي احتراما وتقديرا وحتي الولد يوصل عمره 7 سنوات نتكلم معاه ونعامله ونحترمه وكانه راجال كبير تقول امي ان الراجل له احترامه ولو كان طفل صغير احترموه قدروه وما ترفعوا اصواتكم عليه من الآن |
رد : ابني ليس على وفاق مع زوجته لأنها غير مطيعة
هذا نشوز يـ إستاذي الفاضل
مارسوا عليها الضغط لطلب الخلع وفي نفس الوقت تسحب منها حق الحضانه لأنها هي من طلبت الخلع اهم شيء مايطلقها دام هي تبغى الطلاق خلوها تطالب بالخلع |
رد : ابني ليس على وفاق مع زوجته لأنها غير مطيعة
خلاص
إنتوا كرهتوا زوجة ابنكم يا عمي و السبب ابنك مو المفروض يحكي لكم على تفاصيل دقيقه تكرهكم فيها الحياة الزوجية تظل اسرار لو بقول لامي و لابوي عن اللي يصير معاي و اللي يسويه زوجي و اهل زوجي و الله ما اقعد يوم واحد في بيت زوجي لكن الحمدلله الكتمان افضل حل الا لو في موضوع استشاره و اختصر فيه قدر الامكان يعني ما اعرف اهلي التفاصيل اللي تشعرهم بالغضب و ارجع انا احب في زوجي !!!!! انما ممكن اشرح اللي يغضبني بطريقه بعيده عن انه زوجي مسك جوالي يفتش مثلا طيب هنا الوالده تصرخ يعني ممكن يقرأ رسائلي ليكي و دا شي خاص بيني و بينك و الوالد يغضب ليه ؟؟ هوه اخذ من بيت محترم و عارف اخلاقك و لا و و و و و يغضب و معاه حق لان ده بيمس ببنته !!! انا بس اقولك يا عمو و انت بإذن الله تقدر بحكمتك تقدر حجم الاستنزاف العاطفي في لو ان زوجين اتعاندوا و راحوا بيتوا اسرار المعانده عند اهلهم ثم رجعوا يحبوا في بعض لو ما احد من اهل اي من الاثنين اتدخل و كبر المشكله دي و الله اعلم |
رد : ابني ليس على وفاق مع زوجته لأنها غير مطيعة
وعليكم السلام ورحمة الله وبركاته ..
مرحباً أيها العم الكريم .. للأسف الخطأ منهم الإثنان هو لايحتويها وسريع الغضب وهي تفعل ردة فعل لأفعال زوجها وهذه الحقيقة طبعاً ليس مبرر بأن تهمل بيتها ولا تُطيعه .. كيف علاقتك بوالدها ؟! لو كانت جميلة من الأفضل أن يكون الحديث أنت وهو فقط لاتجعل النساء يتدخلن في هذا الأمر أبداً ـ، بحيث يكون الحديث مبني عالتفاهم والحوار والإصلاح .. وكلاً منهما يعترفا بأخطاء بعض ويصلحا العيوب ..! أما الطلاق بالأكيد أنت لن ترضاه وخاصة بأن لديهم أطفال .. وأصلح الله حالهما .. |
رد : ابني ليس على وفاق مع زوجته لأنها غير مطيعة
عم رؤوف لا تستعجلوا في خراب البيوت
|
رد : ابني ليس على وفاق مع زوجته لأنها غير مطيعة
اقتباس:
احنا ماعندناش شيوخ تخش بينا كفايه اللى خدناه من اللى بيتمسحوا فى الشرع نحن لا ندفع ابننا للطلاق ولم نفتح سيرته اطلاقا هى من قالت لا اريده وابغى الطلاق كنت اتساءل ان طلبت هى الطلاق من دون باس . هل اكون ظالم لو منعتها حقوقها .. سنجلس يوم الجمعه وانا اشترطت ان كانت جلسة صلح وتراضى فاهلا بها اما ان كانت جلسة تفاوض على الطلاق فلن اتحدث .. حتى ابنى وان كان لا يريد الطلاق فهو كره سيرتها ولا يريدها |
رد : ابني ليس على وفاق مع زوجته لأنها غير مطيعة
الي عليك ان تفتح مجال للصلح
|
رد : ابني ليس على وفاق مع زوجته لأنها غير مطيعة
أخي رؤوف احضر الجلسة بنية الصلح و ادفع باتجاهه
و بكدا عداك العيب |
رد : ابني ليس على وفاق مع زوجته لأنها غير مطيعة
اقتباس:
هبه مش قضية انه يحكى او هى تحكى احنا مش قاعدين نقررهم عملو ايه البت سابت البيت وهو جه عندنا فيه ايه يابنى اصله حصل كذا خدى بالك المواضيع دى من اول يوم يعنى لما يحكى بيكون رد عن سؤال اه معاكى امه كانت فضوليه فى اول الجواز وكانت بتنبهه دايما على اشياء وكان خلافى مع امه انها بتتدخل اكتر من اللازم وكانت وجهه نظرها انها بتوعيه وياما اتخانقنا بسببه انما دلوقتى هى خارج الموضوع ومانحملهاش كل الوزر انا نفسى قلت للبنت انتى بتردى ولسانك طويل حتى علينا وده غلط اسمعى كلام جوزك وماترديش عليه .. هو حتى لو غلط آخد حقى بالهدوء وحسن اللسان .. انما على طول عماله تتحسبن عاينا |
رد : ابني ليس على وفاق مع زوجته لأنها غير مطيعة
اقتباس:
صدقينى يااختي احنا عاوزينهم يعيشو فى هدوء واللى يرضو بيه احنا مش حانتدخل فيه ياكش يمسحلها البلاط .. هو احنا يعجبنا مسمعين حسنا لطوب الارض انما انا مااقبلش ان مراتى ترد على وبطول لسان حتى لو انا غلطان فيه وقت وطريقه للعتاب مش بالتحدى واعلان راية العصيان |
رد : ابني ليس على وفاق مع زوجته لأنها غير مطيعة
اقتباس:
اخى عاشق شكرا لمداخلتك تحن لا نبغى ممارسة الضغط لحرمانها من حقوقها فليس هذا طبعنا اما ان كان ابنى يريد الطلاق لكنت قلت له اعطيها حقوقها اما وان كرهت هى فلترد عليه حديقته |
رد : ابني ليس على وفاق مع زوجته لأنها غير مطيعة
اقتباس:
احنا مش فى نيتنا طلاق كوكى المفروض اهلها يوعوها ان مش اى زعل نطلب الطلاق وبعدين بدل مايقولو استحملى امرك لله يقولوها انتى غلطانه ماترديش على جوزك واسمعى كلامه |
رد : ابني ليس على وفاق مع زوجته لأنها غير مطيعة
اقتباس:
ياسقيا سقيا زمزم ان شاء الله هو لما يكون اول ايام الجواز يقولها ابقى اعمليلى فطار اخده معايا الشغل وتقوله ماتعمل لنفسك هو انتى بيبى .. يعمل معاها ايه .. حتى لو ست الحسن والجمال تغور بجمالها وانا قعدت كتير مع الواد لكن هى عايزاه فى البيت قطه وكمان ماينونوش |
رد : ابني ليس على وفاق مع زوجته لأنها غير مطيعة
اه والله ليش ما يعمل لنفسه الفطار و يكسر الشر.
و هلم في المواقف الثانية |
رد : ابني ليس على وفاق مع زوجته لأنها غير مطيعة
اقتباس:
وعليكم السلام ورحمة الله وبركاته .. ياعم الكريم حتدافع عن ابنك :21: هو غلطان لأنها لم ترى أي إحتواء منه ، هل جرب أن يحتويها ؟! كلاً منهما يعمل عناد كأنه من يُثبت جدراته وهذا خطأ وهما يدفعان الثمن والأطفال ..! حاول تكلم ابنك من رجل لرجل هذا أفضل وأخبره أن يتغير إذا لم تتغير بعد فترة يكون أمر آخر .. أصعب شيء عندما المرأة تفتقد من زوجها الكلام الطيب .. ابنك على ماذا بيصرخ وبيعصب ؟! |
رد : ابني ليس على وفاق مع زوجته لأنها غير مطيعة
مش شايفه فايده من البحث بمين الغلطان ما دام البنت طالبة الطلاق .
المسألة مش مسألة صلح ما بينهم .. النقاش والمسألة طريقة الطلاق كيف ومين ياخذ شو . لو في مجال للصلح فالأفضل يكون بتوضيح المسائل ويرجعوا على أساس كل واحد عارف واجباته وموافق يقوم فيها . والبنت تكبر عند جدتها وما بين بيت امها وبيت أبوها أحسن ما تكبر ببيت كله مشاكل ونكد وتتعقد |
رد : ابني ليس على وفاق مع زوجته لأنها غير مطيعة
اقتباس:
حسستنى انى فرعون وظالم طب يابيتا وتمن الحرمان والنكد اللى عاشه ابنى يروح بلاش ويدفع كمان ابقى انا ظالم كده .. واحده كارهه ومش طايقه الراجل .. مش عاوزه تقول حاضر ونعم وكلمه بكلمه حتى معانا احنا ياكبار كلامها دبش سيبك مننا انما كرامة الراجل فاضل ايه بعدها ولما اقول تتنازل عن حقوقها ابقى ظالم يابيتا .. ماشى الواد ماعرفش يحتويها وهى مااتغيرتش ولسانها طويل ومش عاوزه تكمل .. نقلع الواد هدومه عشان مانبقاش ظلمه |
رد : ابني ليس على وفاق مع زوجته لأنها غير مطيعة
اقتباس:
هي عاوزه تطلق مش ابنك وبالتالي هي تتنازل عن اللي خذته منه لو هي جابت العفش خليها تاخذه لكن تاخذ فلوس ابنك اللي تاركهم بالبيت ..وتاخذ ذهبها ... وكماااااااان تاخذ العفش وتسيبه كده !!! لأ بعدين تقدر تروح لشيخ ثقة تعرف بأنه على علم واشرح له كل التفاصيل وقول له مش عاوزين فلس حرام .. لكن برضه مش عاوزين نظلم ابننا ... قول لنا قسمة الحق وامشي عليها |
| الساعة الآن 02:40 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©