صديقاتي بغتابوا بعض ويمكن بغتابوني !
 

انا عايشة بغربة اجنبية و مافي حولي الا اجانب من فترة قريبة اجو عائلتين من بلد عربي جديدين عالغربة و سكنوا قريب مني يعني مسافة مشي ، فرحت و بادرت بالتعرف عليهم هم من بلد عربي غير بلدي. وحدة فرحت فيني و اعطتني رقهما و وحدة رفضت . قلت مو مشكلة المهم صار عندي صديقة مسلمة بدأنا التعرف زارتني و زرتها و بعد اسبوعين تقريباً التانية طلبت رقمي و بعتتلي رسالة انه حابة تتعرف عليي (يعني غيرت رأيها) المهم اني حاولت اتعرف بشكل رسمي بالبداية بعدين صار زيارات بينا بس المصيبة لما بدأت الاولى تحكي على التانية و تقلي انه التانية حكت عني و انها ما كانت حابة تتعرف علي بس زوجها قلها تعرفي على السورية (يعني اشفاقاً عليي !!! قال لأني بمر كتير من امام بيتها، طيب الطريق من الطرف التاني مسدود شو اعمل؟؟ ) انا انصدمت شوي و ضحكت شوي . المشكلة انو لسا ما صرلنا اسبوعين منعرف بعض صار في غيبة وانا ليش كرهتني التانية ما بعرف وليش مترددة تتعرف علي كانت و ليش بتسكر التلفون بوجهي و بتطنشني اسبوعين تلاتة كمان ما فهمت اذا كبر و غرور انا الحمدلله جامعية و احوالي المادية ميسورة وانا الحقيقة بصعوبة عم بتفاهم معهم لاني في فارق ثقافي بيني و بينن مو شهادات علمية بس الثقافة مختلفة تماماً يعني العرف و العادات حيروني من اول شهرين غيبة والآن هم ما بيحكوا مع بعض (تخانقوا لأسباب تافهة) بس التنتين بيحكوا معي وبحبوا اطفالي يزوروهم. انا ما بعرف هل من واجبي وفق بينهم ولا اسكت و لا شو؟؟

للعلم : سبب خناقتهم مع بعض -على حسب تعبير وحدة منهم - هو انه وحدة قالت للتانية انه معلمتها الي بتدرسها اللغة الاجنبية ، (يمكن) بتشتغل بالبيوت قالتلا يعني الشغالة بتدرسني ؟ فتركت المعلمة و تخانقت معها و انقطعت العلاقات! :21:

رد : صديقاتي بغتابوا بعض ويمكن بغتابوني !
 

- من عاشر قوما 40 يوماً صار منهم.
- مثل الجليس الصالح والجليس السوء، كحامل المسك ونافخ الكير .
- أيحب أحدكم أن يأكل لحم أخيه ميتا فكرهتموه
- وهل يكب الناس في النار على وجوههم الا حصائد ألسنتهم .
- الأخلاء يومئذ بعضهم لبعض عدو الا المتقين.
- يا وَيْلَتَى ليتني لم أتخذ فلانا خليلا

رد : صديقاتي بغتابوا بعض ويمكن بغتابوني !
 

ما فهمت عطيني المغزى يا اختي بعرف كل هالكلام الي كتبتيه

رد : صديقاتي بغتابوا بعض ويمكن بغتابوني !
 

هلا موون ..
اصلحي فيما بينهم ولك الاجر العظيم .. وهو من افضل الاعمال عند ربك ..
قال الله عزَّ وجلَّ (لا خَيْرَ فِي كَثِيرٍ مِنْ نَجْوَاهُمْ إِلَّا مَنْ أَمَرَ بِصَدَقَةٍ أَوْ مَعْرُوفٍ
أَوْ إِصْلاحٍ بَيْنَ النَّاسِ)

وكوني اخت لهم تذكرهم بالله و تعلمهم ما جهلوا ابتغاء للخير لك ولهم ..

رد : صديقاتي بغتابوا بعض ويمكن بغتابوني !
 

كوني قدوة لهم في الإصلاح وإمساك اللسان والأمر بالمعروف والنهي عن المنكر بالقول اللين وبالتي هي أحسن ..

رد : صديقاتي بغتابوا بعض ويمكن بغتابوني !
 

الله يجزيكم الخير انا قلت لو في رحم بينن بصلح بس لأنهم يعني مو اقارب قلت "يسطفلوا" بس حزينة لأنه مافي غير نحن التلاتة مسلمات بالمنطقة يعني شي بزعل صراحة
انا نصحت وحدة منن بالاصلاح هية كانت صريحة قالتلي ما بدي
التانية لسا مخبية عني انها متخانقة مع الاولى مفكرة اني انا مو ملاحظة شي
الله يهدين بس

رد : صديقاتي بغتابوا بعض ويمكن بغتابوني !
 

كلامي واضح اتركيهم لكي لا تتأثري بهما
والوحدة خير من جليس السوء.

رد : صديقاتي بغتابوا بعض ويمكن بغتابوني !
 

وان أردت نصحهم بصفتهم مسلمين والأمر بالمعروف واجب
لكن لا يلزم مصاحبتهما لان الطباع تتسلل الى الأرواح .

رد : صديقاتي بغتابوا بعض ويمكن بغتابوني !
 

بنت قبيلتها
انا هيك عما حاول اعمل بس الوحدة بتقتل والحياة الاجتماعية من دونهم صفر ! ما بعرف ليش هيك حظي يا وحيدة يا صحبة ما بزبطوا معي

رد : صديقاتي بغتابوا بعض ويمكن بغتابوني !
 

- من ترك شيئا لله عوضه الله خيرا منه
احتسبي الأجر في تركهما
اسأل الله ان يمن عليك برفقة صالحة تصلي معها الى منابر النور.

رد : صديقاتي بغتابوا بعض ويمكن بغتابوني !
 

شوفي انا الي حكت عليي هية و زوجها تركتا ! بس شافتني من يومين قدام البيت و سلمت عليي و عاتبتني . اما التانية لسا مصاحبتا.. مو حابة كون مصلحجية بس آه والله صدموني يا اما انا نسيت طباع العرب يا اما هنن غير عن باقي العرب . كتير حزينة =(

رد : صديقاتي بغتابوا بعض ويمكن بغتابوني !
 

رد : صديقاتي بغتابوا بعض ويمكن بغتابوني !
 

حاولت انسحب من العلاقة بس ما قدرت بالنهاية نحن جيران و في حديقة امام المنزل بنزلوا عليها الولاد و بشوفوني كل يومين تلاتة هناك ، فلجئت الآن للحل التاني :
اني وفق بينهم بس وحدة الله يهديها كتير عجيبة ما عاد فهمت عليها . صعب كتير الاختلاط مع ناس من ثقافة تانية هادا الي اكتشفته ! على العموم هم بحاجتي لضعف اللغة الاجنبية عندهم وانا لهم علي حق المسلم على اخوه المسلم ما بدي اخذلن ان شاء الله والي بدو يصير يصير .

رد : صديقاتي بغتابوا بعض ويمكن بغتابوني !
 

ماااشاء الله . الله يكرررمك . ونعم الناس انتم
بالتوفيق