زوجي يضربني/ رؤوف/Beta
 

السلام عليكم ،
انا متزوجة من عشر سنوات تقريبا زوجي كان زميلي ف الكلية، وانا احبه كثيراً وهو يحبني ويغير علي كثيراً، المشكلة انه عندما نتخانق خناقة كبيرة يقوم بضربي ع وجهي ويسبني انا واهلي بابشع الالفاظ ويقول اني استحق ذلك ثم عندما نتصالح بعد ذلك يبكي ويقول اني استفزيته وخرجته من شعوره وانه لا يقصد ان يسب اهلي وانه يحبهم وانه بيضايق جداً لما بيضربني وانا اسامحه ف كل مرة لاني احبه ولا اريد خراب البيت حتي كانت آخر خناقة بيننا تعصب علية ونحن ف مكان عام ولم انطق حتي انه هددني بالطلاق وهو دائما يهدد، لم انطق وتركني وذهب وكنا ليلاً وذهبت للمنزل بمفردي وكنت مضايقة منه ودخلت حجرتي واغلقت ع نفسي لثاني يوم حتي المساء عندما جاء واتهمني باني مشيت وتركته اتغاظت ومقدرتش استحمل وقلت له انت رحت ف داهية وتركتني لم اشعر بنفسي وعارفة اني غلطانة بس رد فعله كان عنيف ضربني عع وجهي بالقلم عدة مرات وسبني بالاب والام وبعدها لم نتكلم وانتظرت ييجي يصالحني لم يحدث وسافر بعدها عدة ايام لم استطع ان اكلمه قبلها كنت مخنوقة منه وعندما عاد ايضا لم يكلمني كلمو واحدة او يطلب مني شيئاً ثم جاء بعدها بعدة ايام وقال لي كلام غريب لا افهم ماذا يريد ،قال احنا مش هينفع نكمل مع بعض ( وهو دائما يهدد وانا اقول له بحبك ومقدرش اعيش من غيرك)فالمرة دي حفاظاً ع كرامتي قلت له وانا كمان لاني تعبت ومبقيتش قادرة ع استحمال الضرب والاهانة امام اولادي قال انا عارف انتي لم تعودي تحبيني قلتله لا انا بحبك بس حفاظا ع كرامتي هسيبك قال لي الحاجات دي مفيهاش كرامة قلت له لا فيها المهم تناقشنا كثيراً وقال انا خايف عليكي تنهاري بعد ما نترك بعض وضميري يئنبني قلت له لا تخاف كنت عايزة اشعره اني المرة دي انا الي عايزة اتركه واني مش هتحايل عليه زي كل مرة ثم قال لن اطلقك نعيش مع بعض منفصلين عشان الاولاد قلت له لا نتطلق ( من وراء قلبي للتهديد)قال لا لانها سوف تكون آخر طلقة قلت له احسن عشان ميبقاش فيه رجوع رفض وانهيت الكلام معه ثم تلكك بعدها وجاء ليكلمني صديته والآن هو لا يكلمني ولا يطلب مني شيئاً ويقول انه لم يعد يحبني ويحلف انه سيتركني ويقول لي بأة اسافر وارجع ولا تسلمي علية قلت له انت شتمني بابشع الالفاظ وضاربني وبعد كل ده اجي اسلم عليك ليه معنديش كرامة وذهبت انا ودست ع كرامتي وتحدثت معه يقولي خلاص انا اخذت القرار وبلاش تضيعي وقتك معي ، واخذ يبكي ، قلت له خلاص بلاش نهدم البيت وانا احبك يقولي بعد كل ده بتحبيني انتي بتضحكي علية عشان متطلقيش قلتله لا بحبك عشان عارفة ان فيك حلجات تانية كويسة ،احب ان اضيف انه ف الوقت العادي يكون طيب جداً وحنين ويحب اولاده جدا ولا يرفض لهم طلب، انا مش عارفة اعمل هل اتحدث معه ثانياً او اتركه حتي يهدأ وهل هو جاد او كالعادة تهديد ، انا مش فاهمة هو عايز ايه ، ارجو مساعدتي ، بارك الله فيكم.

رد : زوجي يضربني/ابو حكيم وBeta
 

السلام عليكم،
انا جديدة في هذا المنتدي الرائع وكتبت مشاركة في الصباح وذكرت اسم الاستاذ ابوحكيم والاخت Beta ولم يتم الرد علي المشاركة فهل هناك خطأ في شئ؟ ارجو التوضيح وبارك الله فيكم وفي هذا المنتدي

رد : زوجي يضربني/ابو حكيم وBeta
 

أهلا بكِ عزيزتي

أمس كان هناك مشكلة فنية بالمنتدى .. موضوعك ما فيه مشكلة وبمكانه الصحيح ..

لي رجعة لموضوعك ..ليتك تكتبي شرح أكثر عن طبيعة المشاكل بينكم .. على ماذا تدور المشكلة وكيف توصل لأن للطلاق والتهديد به
وما أسباب طلاقكم المرتين السابقات؟ وكيف رجعتوا؟

وان شاء الله قريبا يدخل اخونا ابو حكيم للمنتدى ويكتب رده هو أيضا

رد : زوجي يضربني/ابو حكيم وBeta
 

السلام عليكم اخت Beta، اشكر اهتمامك جداً
انا بطبيعتي عصبية وهو عادي ولكن عنما يتعصب يكون شديد العصبية،لا انكر انه يحبني كثيراً جداً ، خناقتنا كلها هايفة حاجات صغيرة تقلب بخناقة كبيرة ويتعصب علية وفي اثناء عصبيته يقول انتي طالق ثم عندما يهدأ يندم ويقول مكانش قصدي اقولها خرجت من فمي من غير ما اشعر ويبكي ويقولي انا بحبك ومش عايز اخسرك.في اول سنوات زواجنا كان لما يزعقلي مثلا او يتنرفز علية للاسف كنت اتنرفز وازعق واقوله متكلمنيش كدة ومتغلطش لانه للاسف غلاط فبيستفزني وكانت الخناقة تكبر ويضربني ويشتمني ويقولي احنا مينفعش نكمل مع بعض وانا قررت اسيبك فأبكي واتحايل عليه واتأسف واتزلل واقوله انا بحبك ومقدرش اعيش من غيرك وبلاش نهدم البيت يوم اتنين تلاتة لغاية مايرضي يصالحني، بعد مرور االسنين هدأت كثيراً يعني لما يتنرفز او يغلط اسكت وادخل حجرتي وافضل فيها وهو يشعر بغلطه وييجي يعتذر حتي كانت آخر خناقة من اسبوعين تقريباً وهي كما ذكرتها من قبل تركني في مول ومشي وكنا ليلاً وذهبت للمنزل بمفردي واغلقت علية حجرتي وجاء ثاني يوم يزعق و يتهمني اني مشيت وتركته ،للاسف انا كنت متنرفزة منه جداً كيف يتركني من دون ان افعل له شيئا ويتلكك ويزعقلي ويمشي وانا لم انطق فقلت له انت رحت في داهية وسيبتني لوحدي بليل عايز ايه فضربني واخذ يسبني انا واهلي وانا لم ارد عليه وسافر وعاد ولم نتحدث الا بعدها بثلاثة ايام جاء يهدد كالمعتاد احنا مش هينفع نكمل مع بعض وانا مبقيتش بحبك وانتي كمان فقلتله لا انا بحبك بس انا كمان مش عايزة اكمل معاك عشان زهقت وتعبت من اسلوبك انت عمرك مهتتغير هو فوجئ بكلامي كان منتظر اني اتحايل عليه واني ماقدرش اعيش من غيره فبكي وقالي انا عايز ارحمك مني بس خايف اظلمك وكلام كتير وقالي احلفي ع المصحف انك عايزة تسيبيني قلتله لا مش هحلف قالي ازاي بتحبيني وعايزة تسيبيني قلتله عايزة احافظ ع كرامتي قالي بس لو تم الطلاق دي هتبقي اخر طالقة قلتله عارفة احسن عشان اخلص وميبقاش فيه رجوع قالي انا مش هطلقك نعيش منفصلين مع بعض عشان الولاد قلتله لا، طبعا انا بضغط عليه عشان يفهم اني جبت اخري معاه وزهقت عشان يبطل اسلوبه ده وانتهي الكلام ومن ساعتها كلمني مرة واحدة وبس ورحت اقوله حاجة اعد يعيط ويقولي انا مش عايز اكلمك وخلاص احنا اتفقنا اننا مش هنكمل مع بعض قلتله انت بتعيط ليه قالي انا اعصابي تعبانة وابعدي عني مش عايز اشوفك ومبيطلبش مني حاجة خالص، انا مش فاهمة هو عايز ايه كلامه قبل كدة معايا انه مش عايز نطلق وافعاله دلوقت انه هيطلقني عشان مبقاش بيحبني ، هو عنده مشاكل ف عمله هل يكون لها تأثير ع حالته دي ، انا بحبه لانه ف الوقت العادي طيب وحنين ورومانسي ، هل يعاقبني عشان قلتله انا كمان عايزة اسيبك ومش عايزة اكمل معاك، انا منهارة ومش فاهمة اتعامل معاه ازاي، هل اتركه كام يوم حتي يهدأ ؟ شكراً علي المس

رد : زوجي يضربني/ابو حكيم وBeta
 

حكتب مختصر جدا عشان تاخر الوقت عندي وبنفس الوقت مش قادرة اسيبك من غير رد لاني حاسه بيكي
جوزك عاوز يطلق مش عشان بقا دلوقتي مش بيحبك .... انما لانه تعب جدا وارهق ويئس من وضعكم واللي بيحصل ده كله منك ومنه
وزي ما هوا غلطان لانه بيتعصب أوي فإنتي كمان غلطانه لانك من البداية وهو الموضوع لسه هايف بتفضلي تناقشي لحد ما يوصل لحالة العصبية وبعديها بتسكتي وتهدي ... وده غلط يا حبيبتي.

هو مش حيطلق فما تخفيش وظروف شغله اكيد لها تاثير كبير

كان يودي لو تقوليلي الحاجات الهايفه اللي بتتخانقوا عليها
وكمان عاوزه اسألك اذا تاكدتم من الطلقتين اللي فاتوا من شيخ ثقة او قاضي اذا وقعم وللا لا ... لانه من كلامك جوزك بيكوت متعصب جدا لجرجى بينسى هو عمل ايه .. زي اخر مرة لما سابك بالمول وتاني يوم بيلومك ليه سبتيه

اعذريني حطلع من النت دلوقتي لكن عاوزاكي متخفيش وان شاء الله حكمل معاكي انا وابو حكيم لغاية متنتهي المشكلة وتعرفي ازاي تخليها متتكررش
تصبحي على خير :)

رد : زوجي يضربني/ابو حكيم وBeta
 

اشكر قلقك واهتمامك جداً ربنا يكرمك ويجازيكي خير.
اول طالقة لنا كانت في اول زواجنا كنت في اول حملي الاول واول مرة اسافر واتغرب واترك اهلي وعملي وحياتي كلها ومع الحمل في اول ثلاثة سهور كنت تعبانة جداً علطوول دوخة وترجيع من اي ريحة وكان لما زوجي يقترب مني اجري ارجع وكنت بتكسف اقول له عشان ميزعلش وكنت دائما تعبانة ولا اتكلم ففتكر اني اصبحت لا احبه ولا اطيقه وفي مرة ضربني وقال انتي طالق وترك البيت وكلم اهله وهم سألوا شيخ وقال يقع الطلاق بس يرجعها في ساعتها وخلاص وبعدها اعتذرلي زوجي وقال لي انا افتكرت انك بطلتي تحبيني.اما بالنسبة لخناقتنا الهايفة فسوف احكي اخر خناقة ، كنا كويسين جداً ونازلين نتفسح وكنت ارتدي عبايتي وهي بجيوب وليست اول مرة ارتديها معه وكان الجو بارد قليلا فوضعت يدي في جيبي واحنا في المول ففوجئت به يزعق ويقول شيلي ايدك من جيبك مش منظر العباية كدة بتبقي ضيقة مع العلم انها واسعة وهذه ليست اول مرة فقلت له ايدي ساقعة وانا مش شادة العباية خالص ومشيت ناحية المحل فجاء خلفي وشدني جامد من ذراعي وزعق وقال بتمشي وتسيبيني قلت لا انا مسيبتكش فقال شيلي ايدك بقول قلت له لو سمحت اخفض صوتك عشان الناس حوالينا قلتها بمنتهي الهدوء قال تحبي احلف عليكي طلاق دلوقت انا اتصدمت وقمت دخلت المحل ولم ارد عليه جاء خلفي وقال شيلي ايدك من جيبك وانا والله كنت شيلتها لاني كنت بتفرج علي الاشياء ف المحل قلت له شيلتها خلاص قام قال ثانياً تحبي احلف عليكي طلاق دلوقت قلت له احلف واستمريت في اني اعمل نفسي بتفرج حتي لا يتطور الموقف وهو مشي من جنبي وكان بيتفرج فانتقلت لمكان آخر ف نفس المحل فجاء من خلفي وقال انتي مش مستعنياني قلت له ليه انا عملت ايه فقال اقسم بالله انا ماشي وسايبك ومشي فعلاًوهذه ليست اول مرة يفعلها فعلها قبل ذلك وكان معي الاولاد وجريت وراه ركب سيارته ومشي ولما كلمته في الموبايل مبيردش علية، فالمرة دي قلت مش هجري وراه وتركته يمشي وكنت مصدومة انا لم افعل شئ يستحق رد الفعل ده عشان يهدد بالطلاق ويتركني ، هذا مثال للخناقات الهايفة . يا ريت تقولي اي لو انا غلطانة انا فعلاً مبقيتش عارفة اتعامل معاه ازاي ، احنا كل الي يعرفنا بيقولي زوجك بيحبك جداً وبيغير عليكي جدا طيب ليه كدة انا مش حاسة معاه بالأمان حاسة انه ممكن يسيبني في اي وقت وانا فعلا بحبه وعارفة انه بيحبني جداً.
عايزة اسأل حضرتك بتقولي هو مش هيطلق طيب حضرتك امال ليه مقاطعني وحلف انه مش هنكمل مع بعض واني لو عايزة مطلقش نعيش منفصلين، انا تعبت والله ومش عارفة اتعامل معاه مع انه في الوقت العادي طيب وحنين، اشكر تعبك وطولت عليكي ربنا يجازيكي كل خير.

رد : زوجي يضربني/ابو حكيم وBeta
 

معلش كنت عايزة اسأل حضرتك هو دلوقت مبيكلمنيش خالص ولما حاولت صدني وبكي وقالي مش عايزة اتكلم معاكي وانتي في حالك وانا في حالي، هل اتركه فترة ليهدأ ام احاول ان اتكلم معاه تاني اني بحبه واني مش عايزة اسيبه وقلت كدة بس في الاول لاني كنت مخنوقة منه؟

رد : زوجي يضربني/ابو حكيم وBeta
 

ايوا حبيبتي ابعدي عنه شوي لكن لو كلمك خليكي لطيفه معاه لأنه مضغوط جدا ومتضايق كثير .

يا ريت لو تقضي كل وقت فراغك الفترة دي بقراءة القرءان ... انتي عارفه القرءان بيهدي النفوس ولما يكون مقروء بالبيت بتهدى نفوس كل اللي بالبيت وربنا بيبعد عنكم وسوسة ابليس .

من شرحك لطريقة تطور مشاكلكم لاحظت أنك بتحاولي تسكتي وتبعدي عنه ... لكن ده مش صح دايما ومش كل طرق السكوت صح .
لما كنت بالمحل وطلب تشيلي ايدك من جيوبك وشفتيه بدأ يتعصب كان التصرف الصح أنك تشيليهم ولما يهدى تناقشيه برأيك ... الكلام معاه ومحاولتك تفهميه المنطق وهو متضايق وغيران مش حيجيب نتيجة ولا حيسمع حجتك من أصله .. هو مش حيشوف غير أنك مسمعتيش كلامه وبتعاندي فيه .
ولما تبعدي عنه وتروحي مكان تاني خلال النقاش وكأنك مستسخفاه وما يستهلش تكلميه من أصله .. ده مش تهدئة

المقصود بالسكوت هو السكوت عن النقاش وقبل ما يتطور الموضوع ..
لما تروحي البيت تبقي تناقشيه بطريقة يفهم منها أنك طوع أمره بس برضه بالعقل والمفروض أنه هو كمان يسمعك ويفهم نظرتك .

أمور الغيرة بالذات صعب النقاش فيها والرجل عادة بيقفل مخه معاها .

الله يجيبك يا أبو حكيم :) ... ان شاء الله حتلاقي برد أبو حكيم الحل .

ولي رجعة ان شاء الله

رد : زوجي يضربني/ابو حكيم وBeta
 

حاضر هبعد عنه وهو مش بيكلمني خالص ولا بيطلب مني شئ، بس هفضل كدة لغاية امتي ؟ربنا يجازيكي خير وفعلاً انا بقضي وقت فراغي في قراءة القرآن والتسبيح والدعاء

رد : زوجي يضربني/ابو حكيم وBeta
 

معلش احب اضيف لحضرتك اني بقيت بسكت وبمشي لما يحتد النقاش ليس استخفافاً به وكلن حتي لا يتطور الموضوع لان زمان كان يتنرفز احاول اشرح وجهة نظري وادافع يشتعل الموضوع فبقيت ابعد حتي يهدأ هي دي بس وجهة نظري وفعلا ممكن تكون طريقتي غلط ، انا فعلا محتارة

رد : زوجي يضربني/ابو حكيم وBeta
 

طبب معلش انا عايزة اسأل حضرتك هو دلوقت غير انه مبيكلمنيش مبيطلبش مني حاجة خالص حتي الغدا بيجيب معاه اكل ليه وهو جاي من الشغل ، اعمل ايه بأة انا تعبانة ومكتئبة جداً، برده ابعد عنه ؟ انا خايفة ببعدي عنه يفتكر اني موافقة ع قرار الانفصال، ارجوكي ردي علية معلش تعباكي معايا

رد : زوجي يضربني/ابو حكيم وBeta
 

ما تعبتيني حبيبتي :) أتمنى من ربي أني أقدر أفيدك

بصراحة هو ممكن يفتكر كده ... امممم ممكن تكلميه كم كلمة بس أنه مكنش قصدك وانك بتحبيه .. لكن ما تلحي عليه .. وارجعي سيبيه لوحده

رد : زوجي يضربني/ابو حكيم وBeta
 

معلش انا جديدة في المنتدي ازاي اطلب مساعدة الاستاذ رؤوف؟

رد : زوجي يضربني/ابو حكيم وBeta
 

اكتبي بردك هنا .. أود مشاركة الأخ رؤوف .
والادارة حيغيروا العنوان

رد : زوجي يضربني/ابو حكيم وBeta
 

استأذن الادارة في مشاركة الأخ رؤوف وشكراً

رد : زوجي يضربني/ابو حكيم وBeta
 

رد : زوجي يضربني/ابو حكيم وBeta
 

السلام عليكم استاذ رؤوف، اشكر اهتمامك كثيراً، انت معك كل الحق في كلامك انا دائماً كنت اتنازل لأني احبه واعلم انه يحبني جداً ولأنه دائماً يبدي ندمه علي ما فعله ويقول اني انا السبب لاني استفزه حتي يخرج عن شعوره لكن بعد سنوات من الزواج لم اعد كذلك بدأت اسيطر علي تصرفاتي واسكت حين يتنرفز علية واتركه حتي يهدأ ويشعر بغلطه وفعلاً بييجي يعتذر،
في العادي دائماً اشعر بعدم ثقته من حبي له فهو دائماً يسألني انتي بتحبيني، انتي سعيدة معايا ودائماً جوابي نعم احبك ومقدرش اعيش من غيرك، لا اعرف لماذا يبكي الان انا قلت له اني لا اريد ان اتركه واني لازلت احبه بالرغم من ضربه وسبه لي ولاهلي واني مجروحة منه، هو يقول انه يبكي بسببي لانه قرر ان لا يكمل حياته معي او نعيش مع بعض منفصلين وهو يبكي لان القرار صعب
انا محتارة وتعبانة جداً مش عارفة اعمل ايه معاه ولماذا هو يشهر بهذا القهر وهو صاحب قرار الانفصال؟انا احبه ولا اريد ان اهدم بيتي لانه في اوقاتنا العادية يكون طيب وحنين حتي مع اولاده ولا يقصر معنا في شئ، هو الآن فعلا لا يكلمني ولا يطلب مني شيئاً وانا بالفعل اجلس في غرفتي وهو يجلس لوحده ،ارجو ان تكون حضرتك قد تفهمت وجهة نظري ولك جزيل الشكر.

رد : زوجي يضربني/ابو حكيم وBeta
 

رد : زوجي يضربني/ابو حكيم وBeta
 

لا اعرف بس كل فترة يسألني انتي بتحبيني ومبسوطة معايا اقول له اه طبعاً بحبك وسعيدة معك، انا لا اقول اني مش غلطانة ممكن يكون رد فعلي عليه غلط بس لا يستاهل رد فعله هو من ضرب واهانة هذا هو قصدي يا استاذ رؤوف، هو دائماً او غالباً في ااغلب المشاكل بيننا يهددني انه سوف يتركني وكل مرة اتحايل عليه واقوله انا بحبك لكن هذه المرة عندما هددني ف اول الامر قلت له وانا ايضا زهقت من اسلوبك ومبقيتش قادرة استحمل . بصراحة انا مش فاهمة هو عايز ايه شوية يقول قررت مكملش معاكي بس مش هطلقك عشان دي آخر طالقة ويخيرني اننا نعيش مع بعض منفصلين وشوية يظهر لي انه لا يريدني نهائي ولا هو بس بيهددني .علي العموم حاضر يا استاذ رؤوف لن اتكلم معه في شئ، شكراً مرة اخري ع وقتك وتعبك معي جزاك الله كل خير

رد : زوجي يضربني/ابو حكيم وBeta
 

رد : زوجي يضربني/ابو حكيم وBeta
 

لما تهدى نفسيتك حبيبتي ... فكري ولاحظي علاقتكم ..يمكن تقدري تعرفي هو ليه ثقته قليله بحبك له .. لأن عصبيته وغيرته المبالغ فيهم ممكن يكون سببهم قلة ثقته بحبك له ... أحيانا لازم نحرص على أن نظهر مشاعرنا ونخلي أحبابنا يحسوا فيها ويتأكدوا منها وما بيكفي أن تكون بداخلنا واحنا حاسين فيها .

خلينا حريصين وهادين وبعيدين حبتين ... نشوف حيحصل ايه وحيتصرف ازاي

وبانتظارك حبيبتي بأي وقت تحبي تكتبي مستجداتك :)

رد : زوجي يضربني/ رؤوف/Beta
 

السلام عليكم ، اشكركم كثيراً للوقوف بجانبي والاهتمام بمشكلتي فكم اشعر بوحدة رهيبة ، والله دائماً اشعره بحبي وهو يعلم اني احبه ، نعم هو يغير بشدة وانا اراعي هذا دائماً في تصرفاتي، سأظل بعيدة وانتظر بس اريد ان استفسر هو الآن يعتمد علي نفسه في الاكل حتي لا يطلب مني ، طيب بالنسبة الي باقي الاشياء يعني مثلاً غسيل ملابسه ووضعها في اماكنها وتعليقها وهكذا ، هل اقوم بكل هذا عادي ولا اجعله يعتمد علي نفسه برده بما انه يقول لي مش عايز حاجة منك؟ وشكراً

رد : زوجي يضربني/ رؤوف/Beta
 

برايي تعمليها عشان لما يتفتح الموضوع بعدين ما تعطيه فرصة يركز على تقصيرك في الحاجات دي لو ما عملتيها ، ويشتت نقاشكم عن غلطه هو

رد : زوجي يضربني/ رؤوف/Beta
 

حاضر ، شكراً

رد : زوجي يضربني/ رؤوف/Beta
 

رد : زوجي يضربني/ رؤوف/Beta
 

السلام عليكم استاذ رؤوف، انا قمت قبل الفجر وصليت ودعيت ربنا كثيراً، لم اراه لأنه لا ينام معي ف الغرفة فهو ينام ع الكنبة في الليفينج وهذه عادته عندما نتخانق.
هو اصلا حتي لا يقول لي صباح الخير او السلام عليكم عندما يعود من الشغل لا يكلمني ولا ينظر لي ولا يطلب مني شيئاً وعندما يريد الخروج يدخل الغرفة ليغغير ملابسه وينزل من غير ما يكلمني وانا عملت زي ما حضرتك واستاذة beta قولتولي اجلس ف غرفتي ولا افتح معه اي حوارات لانه لا يرد علي، لا اعرف ان كان هذا صحيح ام خطأ.شكراً لاهتمام حضرتك

رد : زوجي يضربني/ رؤوف/Beta
 

لا اعرف الي متي سيستمر هذا الوضع هو يحاول ان يثبت لي انه جاد ف قرار الانفصال فهذه عادته بس انا قبل ذلك كنت اتحايل عليه واقول انا بحبك وبلاش نهدم البيت يوم اتنين تلاتة الي ان نتصالح لكن المرة دي انا مبكلموش خالص

رد : زوجي يضربني/ رؤوف/Beta
 

رد : زوجي يضربني/ رؤوف/Beta
 

حاضر يا استاذ رؤوف ، ربنا يجازيك خير ع اهتمامك ويا ريت تفتكرني معاك بالدعاء.

رد : زوجي يضربني/ رؤوف/Beta
 

رد : زوجي يضربني/ رؤوف/Beta
 

السلام عليكم استاذ رؤوف واستاذة Beta،
الحمدلله علي كل شئ ، انا لا جديد عندي ويبقي الوضع علي ما هو عليه ، زوجي لا يكلمني فقط طلبت منه بعض طلبات للبيت واحضرها.
هل استمر في عدم الكلام معه والجلوس في حجرتي بفردي؟؟

رد : زوجي يضربني/ رؤوف/Beta
 

اصبري شوي حبيبتي ... انتي ما غلطتي عشان انتي اللي تبدي الكلام معاه وتعتذري

ارجعي لبدابة موضوعك واقرئي المشاركة الأولى ... الظاهر انك نسيتي سبب المشكلة وقلبك حن :)

رد : زوجي يضربني/ رؤوف/Beta
 

رد : زوجي يضربني/ رؤوف/Beta
 

السلام عليكم ، الظاهر فعلاً انا الي مش صابرة، معلش سامحوني ، فأنا اشعر بوحدة ،
حاضر سأستمر وسأكون قوية ولن اتنازل، جزاكم الله كل خير

رد : زوجي يضربني/ رؤوف/Beta
 

رد : زوجي يضربني/ رؤوف/Beta
 

المشكلة انه في اجازة الويك اند بيخرج علطوول و لم يجلس في البيت وطبعاً هذه ليست عادته لأنه يخرج معي انا والاولاد كأنه يعاقبني بأن اظل في البيت وهو يخرج صبح وليل وده مديني احساس بأنه لا يشعر بأنه الغلطان في المشكلة ولكن انا الغلطانة وبالتالي علية انا الاعتذار وبكدة يبقي عمره مهيزهأ ولا عمره هيبدأ معي حوار، لا اعرف

رد : زوجي يضربني/ رؤوف/Beta
 

حتى لو مش حاسس أنه غلطان حتيجي لحظة ينهي حالة السكوت ويعاتبك
ساعتها تقوليله بهدوء عن غلطه

هذا رأيي لكن انتي عايشه معاه وبتعرفيه أكتر مني ..لو شايفه أنه لازم انتي تبدي بالكلام روحي وكلميه لكن عتاب وتوضيح للغلط مش اعتذار

رد : زوجي يضربني/ رؤوف/Beta
 

حضرتك لو فاكرة في اول الموضوع انا كتبت انه بعد المشكلة كنا ماخانقين ولا نتكلم ثم سافر كام يوم ورجع ولا نتكلم ايضاً الي ان انهي هو حالة السكوت وجاء ليقول انه مش هينفع نكمل مع بعض مثل كل مرة بس الفرق ان في هذه المرة عملت نفسي موافقة علي كلامه واني تعبت من اسلوب واهاناته لي وتوقف الكلام علي ذلك وعندما عدت بعدها بيومين لاكلمه بكي وقال انه لا يحبني وان احنا هنعيش منفصلين بالرغم من تأكيدي له اني لازلت احبه واني علي استعداد ان اكمل معه بس يغير اسلوبه بس هو رفض وتمادي في الخصام وما يفعله الآن هو انه يثبت لي انه عند كلمته بأنه اصبح لا يحبني ولن يكمل معي بس هو يرفض الطلاق ويريد ان نعيش منفصلين، فهل بعد كل هذا سيعود ليفتح معي حوار ولا هو مستني اني اتحاايل عليه زي كل مرة واني لا استطيع العيش بدونه حتي يحن علية

رد : زوجي يضربني/ رؤوف/Beta
 

رد : زوجي يضربني/ رؤوف/Beta
 

السلام عليكم استاذ رؤوف واستاذة Beta،
احببت ان اضيف الجديد الذي حدث ف الايام الماضية لتشاركوني الرأي ، ف الاول اعتذر لاني لم استطع ان لا اكلمه فمن يومين جاء من العمل متأخر وذهبت وسألته هتتغدي حتي لا يعود بعد ذلك كعادته ويقول كنتي حتي بتسيبيني من غير اكل، المهم قال لا اكلت برة ، حدث هذا ف اليومين الماضيين، ثم يبدل ملابسه ويخرج ومن يومين تأخر جداً وبصراحة قلقت عليه لانه كان شكله عندما جاء من عمله غريب ، مكتئب، يظهر عليه الغضب الشديد واللامبالاة، فاتصلت به ورد قلتله انت فين انا قلقانة عليك، قال وتقلقي ليه احنا قلنا كل واحد ف حاله، ع العموم انا داخل ع البيت وقفل، وعندما دخل المنزل ذهبت له وقلتله انت ليه بتعمل معايا كدة انا كنت هموت من القلق عليك، قال لا متخافيش انا كويس، فطلبت منه ان نتحدث فقال مفيش بيننا كلام احنا اتفقنا ان نظل منفصلين فلم اتمالك نفسي وبكيت فقالي لا تبكي لو سمحت ومتعمليش علية ضغط انا عندي ضغوط ف الشغل ومشاكل كثيرة، ومش عايز اتكلم معاكي ، المهم وباختصار تكلمنا قال انه لم يعد يحبني ولا يشعر تجاهي بأي مشاعر وقال لي انه بيضايق جداً من نفسه لما بيضربني ويشتمني بالاهل واعتذر عن ذلك وقال انتي عارفة انا بحبهم ومبقصدهمش ، وقال ان كل مرة بيضربني بيحصل شرخ ف قلبه من ناحيتي وقال ان عصبيتي هي من تخرجه عن شعوره فأقسمت له اني لم اتعصب عليه وانه لما زعقلي لم انطق واني بطلت عصبيتي من زمان وان ف السنين الماضية عندما كان يتنرفز كنت اسكت وادخل حجرتي حتي لا يزيد الخناق حتي قلت له ان السنة الماضية هذه احنا متخنقناش خالص وهذه حقيقة لم نتخانق خالص غير مرة واحدة وكانت عايرة لاختلاف ف وجهات نظر ، للأسف ظل يذكر حاجات من زمان مع اني والله حتي زمان كانت عصبيتي ليست مثل ماهو يصور قلت له انت ظالمني كثير ، المهم تحدثنا طويلا ثم فجأة قال الحل اني اتزوج واحدة ثانية انا عايز واحدة مبتتكلمش خالص حتي هتجوز اي جنسية مبتعرفش عربي عشان متوجعليش دماغي وانت هتفضلي زي منتي وبالعكس حياتنا هتبقي احسن وبعدين قالي انا مش هكذب اكيد لسة جوايا شوية حب ليكي ،وقال انه مش سعيد معايا فقلت له انت عمرك مقلت لي هذا بل دائما تسألني انت بتحبيني وسعيدة معايا فاقول لك طبعا بحبك وسعيدة معك ومقدرش اعيش من غيرك وكنت اسألك وانت سعيد معايا كنت تقول طبعا انتي مش عارفة ، لماذا تغير كلامك الان ؟ قلت له ولو انا مش موافقة قالي انا مش هسبك ومش عايز اطلق عشان دي اخر طالقة وممكن اندم اني سيبتك وكلام من هذا . المهم كان الفجر عوشك الاذان فقال انا عايز انام عندي شغل فطلبت منه ان ينام معي ف الحجرة فرفض ثم استجاب ، وامس نفس السيناريو جاء من العمل ولم يأكل ثم دخل ينام شوية وبعدها نزل حتي من غير ان يقول لي وجاء متأخرا وكان يريد ان ينام ف الليفينج فرفضت ذلك بشدة فاستجاب وقال لي بس متفتكريش اني عشان بنام ف الحجرة يبقي كدة خلاص واني بحبك ومش هتجوز ثانيا ده قرار.الحقيقة انا لا اصدقه ف موضوع الجواز هذا لأن هذه ليست شخصيته بالمرة وهو قال لي كذا مرة زمان لو تركنا بعض انا لن اتزوج ثانياً، اريد ان اعرف الآن رأيكم فيما حدث وانا تعبانة جدا ولا اعرف كيف اتصرف معه.