|
خطيبتي لاتنظر الي
السلام عليكم
كل عام وانت بخير اخوانى الاعزاء جيتكم بعد فترة غياب طويلة حصل ما حصل من مشاكل وحصل ما حصل من امور جميلة ورائعة كان ابتعادى لاتخذ قرارى مننفسى حاولت ان ارتب نفسى فى امور كثيرة لكنى ما زلت متحير فى امور ولا اعرف لها حل (النظر ) ما زالت حتى الان لا تركز نظرها على ( المبادرة ) حتى الان لا تبادر ... اعلم انكم مللتم ولكن لا اعلم ما هذا ؟؟؟؟؟؟؟؟؟؟ |
رد : حالة صعبة
شو السالغه
|
رد : حالة صعبة
يااااااااااااه لا بالنسبة للسالفة
هى طويلة مختصر خطيبتى حتى الان بعد خطوبة وملكة سنة ونص ما زالت لا تنظر الى وتنكسف تبصللى ولا تبادر معى بالحديث |
رد : حالة صعبة
الاخ فارس اذكر قصتك قصة منجد
بس المهم هي اذا بتحبك ومتقبلتك يعني من ناحية المشاعر ومهتمة بالرد عليك كذا تمام اللي بعدو ان شاء الله مع الوقت بتنحل المشكلة وكمان انت وضح لها انك تبغى احد يهتم فيك واذا اهتمت فيك يوم طيرها للسماء والله يوفقك |
رد : خطيبتي لاتنظر الي
تخيل تقول لزوجتك هو انتى تعتبرى الزواج او الجنس عموما عيب تقولك احيانا بحس بكده فعلا ً؟؟؟؟؟!!!
|
رد : خطيبتي لاتنظر الي
حد يقوللى ان ده برود يا جماعه
انا خلاص الهم راكبنى صبرت انا كثير والله اتغيرت لكن ليس تغير المطوب تغير كأنها تريد ارضائى وفقط لا اعلم هل انا على الصواب ام انها ستكون سبب تعاستى فى حياتى لا ادرى اشعر اننى لوتركتها سأموت واظن انى لو اكملت معها ساتندم واتحسر وانا لا اريد ان اعدد .. اشيروا على اين انت يا ابا مريم؟؟؟ |
رد : خطيبتي لاتنظر الي
اخى الحبيب فارس اهلا بك ولكن انت ترى ما يحدث فى مصر وكلنا يشغلنا الكارثة التى حللت بمصر اسأل الله ان يفك الكرب لى عودة اخى الحبيب بإذن الله |
القرار الاخير
بسم الله
كيف حالكم جميعا اخوانى جئتكم مستشيرا لامر حصل لى كررتها للمرة الثانية خطيبتى كررت الامر للمرة الثانيه احنا مش هينفع نكمل مع بعض موضوعنا مش هينفع يكمل احنا شخصياتنا متنافرة انت شخصيتك عاطفية وبتهتم بالحب والكلام دة كثير وانا شخصيتى عمليه وعقلانية ومش فى دماغى الواج اصلا دلوقت ....انا اهم حاجة عندى دلوقت دراستى وانى اخلص كليتى .... طبعا اتكلمت معاها كثير انتى ايه اللى خلاكى تقوللى كده ذكرت انها اتاثرت من حاجات كثير لانها انسانة حساسة جدا وان ظهر فى جسمها حبوب كثير بسببى ونصف شعرها وقع بسسب المشاكل اللى دارت ما بيننا انا سببتلها حالة من الالم وعملتلها ازمة كبيرة جدا ودا كان نص كلامها بعد حوار طويل وانا قفلت التليفون غضبان كتبتلى ده على الفيس ....... السلام عليكم اولا بجد انا اسفه جدا انا حاسه بشعورك لكن صدقا باذن الله دا الخير لينا انا شخصيتي غير شخصيتك وانا قسما بالله تعبت وانتا كمان تعبت يبقي بلاش نخلي مشاعرنا تتحكم فينا دا وقت تشغيل العقل وبعد التفكير المجرد اكيد هتلاحظ اننا لو فعلا حبينا بعض ماتكناش اتشاكلنا دا كله ربنا يقدر الخير ..... انا فعلا محتاج مشورتكم انا رحت عندهم وقعدت معاها ومع اهلها اهلها ذات انفسهم خليتهم جلسوا معانا وظلوا يحاولوا يحلوا الللى بينا شوية يجحوا على وشوية يجوا عليها وبيحالوا معانا احنا الاثنين ف الاخر قللتلهم يا جماعه انا معنديش مشاكل انا مستعد انسى الماضى فضحكت هى وقالت انت لا يمكن انت لازم تقلب ف كل اللى حصل قبل كده ودى مشكلتك ودى اللى تعبانى انت مبتنساش بسهولة ولازم تقلب ف كل اللى فات ابوها سألنى قللتلها انا عايز اشوف تغيير هى بتقوللى انها اتغيرت وانا نفسى اشوف تغيير بجد عليها نفسى احس منها بحب نفسى احس باقبالها على كأنثى ابوها جلس معى قال يابنى انت ناسى ان دول ناقصات عقل ودين دى عقول صغيرة انا مش هقولك استحمل اللى انت عايز تعمله اعمله وانا سايبلكم انتوا الاثنين حرية الاختيار انا نفسى اكون جد لاحفادك انا بحبك جدا والله يا فارس وفى نفس الوقت مقدرش انى اجى عليك او اكون سبب فى تعاستك اللى انت عايزة اى يكن والله انا تحت امرك فيه وانت عندى اكبر من اى تفاهات زى دى قللتلها طيب عقلها يا عمى المهم رجعت كلمتها هى ثانى نفس الكلام تقوللى انا بجد نفسى تفكر بعقلك بلاش قلبك اركن قلبك على جنب انا اللى ممكن تسعدك انا اللى ممكن تكون سبب فى راحتك انا انسانة مبفكرش ف الكلام ده دلوقتى وفعلا انا كرهت الرجالة كلهم وانا اسفه والله بس دا قرار بجد انا جبت اخري وفكرت كتير واخدت قراري وباذن الله مش هندم بجد انا مخنوقه وجبت اخري...دا قدر وا انا فعلا حسيت اني كنت اتغيرت بس خلاص كل شيئ انتهي بس دا قدرنا وعادي انتا هتتعب شويه وبعد كدا هتخطب وتعيش حياتك عمري ماتمنيت اني اقول كدا الحمد لله علي كل شيئ المهم اني كدا قلت اللي عندي وربنا ييسر ليك الخير انا هقول لبابا اني خلاص وانتا بقي كلامك معاه لو بتحبني كنت سبتني لحالي ..... دا كله من كلامها .... سألتها انتى لسه شايلالى ف قلبك ذرة حب واحدة قالت بصراحة ......لا ..... انا عارف ان كلكم هتجمعوا على انى اسيبها بس امها وابوها شايفيين ان مفيش اى حاجه و اصبر والله عقلها عقل عيال وف الاخر يقولوا اللى انت عايز تعملها اعمله احنا مش هقف قدام سعادتك ولا راحتك .... انا لى عودة ربنا يعزكم جميعا انا محتاج مشورتكم هى قالتللى احنا هستنى يوميين نفكر فيهم وناخد قرارنا الاخير |
رد : القرار الاخير
السبب ف الموضوع ده
اننا كنا بنتكلم وقللتلها عايز اتفق معاحكى انك لما تكونى خارجة من البيت تدينى خبر رفضت ذكرتلها واحد صاحبى خطيبته اللى لسه مكتبوش كتابهم على بعض كان بيكلمها ازاى لما كانت عايزة تخرج فى مرة من المرات اتضايقت جدا وقالتللى دى انسانة معندهاش كرامة ومن هنا بدات المشكله اى اللى دخل الكرامة ف الموضوع دلوقت تقول هو كده لما انسان ملوش سلطان عليها ويكلمها بالطريقة دى كده يبقى معندهاش كرامة قللتلها طالما انتى شايفة كده تبقى انسانة متكبرة وانسانة جامدة انتى تعبتينى انتى انسانة عندك جمود وقلبك حجر قالت ماشى كده طيب يلا مع السلامة طب استنى قالت لا احنا مش هينفع نكمل المكالمة دى طب بس استنى قالت لا لا يلا معلش انت متقليش الكلام ده وعايزنى اكمل مكالمتى معاك المهم قفلت ودخلت كتبت عالفيس اصعب شىء على الانسان لما يعيش على وهم طويل يظنة حب وف الاخر يكتشف انة مخدوع وكتبت لما يكون من المفترض ان تعيش افضل ايام حياتك وتكتشف انها اسوأ ايام حياتك ... هى دخلت وقرأت الكلام ده واللى حصل ده كان تعقيبها .... ابوها قاللى ان عندها عزة نفس بدرجة كبيرة جدا |
رد : القرار الاخير
هي تريد الطلاق؟؟ تبلغ اهلها بقرارها... و ابدؤوا اجراءات الخلع بدون اللجوء للمحاكم..
|
رد : القرار الاخير
موعارفة شو احكيلك .. حاسيتك متمسك فيها بس مشان شو !!
بماانك بعد هادا كله ماتركتها صعب احكيلك نصيحتي ورأيي ﻻنه ماحيعجبك .. مابقول اﻻ الله يعينك بس. |
رد : القرار الاخير
ردك الثاني أتعجب منه يا فارس
هذه الفتاة التي تتحدثا عنها ألا يوجد خلفها رجل من أب أو أخ ..أم أن خطيبها هو الرجل الوحيد الذي يفهم!! طالما أنه لا ينفق عليها فليس لها أن تطيعه أو أن تتحدث إليه إن لم يكن عاقد عليها وهذا شرع الله وأمره سبحانه.. خطيبتك وجدت بون شاسع بينكما .. وهذا واضح والحياة هكذا لا تطاق فإما أن يتنازل كل واحد منكما ليفهم الآخر ويقدم إليه ما يحتاج وإما أن تتفرقا ويغني الله كلاً من سعته .. لكن حل الأمور بوسطية أفضل فمثل هذه الأمور ستواجهك معها أو غيرها فالحل هو الأفضل.. وفقك الله |
رد : القرار الاخير
تم دمج الموضوعين لإرتباط المحتوى
|
رد : القرار الاخير
زى ما قلت لك مليون مرة هى طفلة ومخها صغير وعاوزة تعامل خاص لو تقدر على كده يبقى ممكن تكملوا والا يبقى الفراق طبعاً كثير سيقول 17 سنة ده كبيرة وكثير بيتزوج فى هذا السن فى الخليج نعم هذا طبيعى فى الخليج وعندنا فى الصعيد وفى الريف ولكن فى المدن فى مصر وفى الاسر اللى بتهتم بتعليم بناتها لا يقبل هذا الآمر ومها من هذا الصنف طبعاً هى مش عاوزة تتطلق فعلا ولكن هى عارفة انك بتموت فيها وعلشان كده كل ما بتزعل منك بتبقى عاوزة تربيك وتقول لك طلقنى ولكن فى نفس الوقت هى تخاف الله لذا ذكرها فقط ايما مرآة تطلب الطلاق دون سبب لن تشم رائحة الجنة اذكر لها هذا وانقل لى ردة فعلها ولا تنسى استخارة الله عز وجل |
رد : القرار الاخير
..
اقتباس:
هذا الزواج قلّ كثيراً ! .. توقعت الفتاة جامعيّة !! بما أنك متعلق بها فأعانك الله . صغيرة ومراهقة ، مرحلة المراهقة مرحلة صعبة وتحديد الخيارات في أمور بسيطة أمر صعب فكيف اذا اجتمعت مع مشكلات الزواج. الفتاة تفكيرها صحيح اجتماعياً، هي حتى الآن لم تتهيأ بعد نفسياً لمرحلة الزواج كل اهتمامها دراستها وانت أتيت لتُفسد هذه الدراسة التي تتفانى من أجلها ! أضف ألى ذلك أنها لن تراك خسارة لو ذهبت فهي في ربيع العمر وسيأتي غيرك ! هكذا تفكر وهكذا تفكر أغلب البنات في عمرها !! والداها سلبيان للأسف من المفترض وهذه حالتها ، أن يكون لهما رأي واضح والظاهر أنهما يحبانك !! إذا أردتها فاصبر عليها ، ولا تهتم كثيراً لتحديثات الفيس بوك ليست ذات أهمية هذه الكلمات التي تخرج في لحظة الحزن والغضب صدقني ، دعك من اسلوب اياك أعني وافهمي ياجارة . كبّر عقلك واحتوي مراهقتها ، صدقني كل آرائها ستتغير من تقدمها بالعمر واكتسابها خبرات من الحياة . أو اتركها بحضن والديها يرعيانها . . . . |
رد : القرار الاخير
سنها الان 18
سأحكى لكم امر حصل منذ اسبوعين اثنين فقط وانا على الفيس بوك اقلب رأيت لها تعليق على احد منشورات الشبابيه فى احد الصفحات فوجدتها ترد وتأخذ مع البنات والشباب وكانت موجودة بالشات كلمتها و سألتها وبينت لها غضبى تاسفت وتأسفت كثيرا بينت لها غضبى وصراحة زودت العيار شويتين يوم او يومين و كلمتها فى الهاتف قالت الن تاتى عندنا قلت ان شاء الله وذهبت جلست معها ظلت تتاسف مرة اخرى بينت اننى لا ارضى بمثل هذا الامر قالت والله لو تريدنى اغلق هذه الصفحة ساغلقها ولن اجلس مرة اخرى على الفيس بوك قلت لها لا اعمللى اللى يريحك فقالت ثوانى ورجعالك ذهبت ناحية امها ثم رجعت الى ومدت الى يدها وقالت ممكن يدك قلت لما قالت بعد اذنك ممكن يدك اعطيتها يدى فاذا بها تنحنى لتقبل يدى وقالت والله اسفة والله ما كنت عارفة ان ده ممكن يزعلك كده ((ماشاء الله ) لم اتوقع ان تفعل ذلك ابدا قلت لها لم فعلتى ذلك قالت ممكن ده يعالج الامر شويه انت مكنتش هترضى غير بكده قلت لها والله انا من اليوم فعلا وانا حاسس انى خاطب شكرا يا روحى ... لا اعلم ماذا حصل ؟؟؟؟؟؟ لا اعلم ما الذى حملها على ان تقول هذا الكلام الجديد !! |
رد : القرار الاخير
اللى جعلها تقول هذا ذنوبك يا فارس ربينا يغفر لنا ولك ارجع الى الله واتقى الله فى السر والعلن وسيصلح الله لك زوجك لقد ذكرت لك مراراً وتكراراً ان زوجة فتاه ممتازة وخصوصاً فى مثل هذا الزمن ولكن فشلت فى اقتحام قلبها - فشلت تكون لها صديق مثل من تشاركهم ارائهم واضح جدا العلاقة بينكم تقدمت جداً ما شاء الله فى الفترة الماضية واصبحت تتجرأ وتمسك يدك وتطلبك للزيارة وربما حدث اكثر من هذا ولكنك تقلب فجآة هداك الله وتظهر لها الصفات الذكورية والتى تمقتها اى بنت عموما انتظر ان تخبرنى كيف كان الوضع بينكم بعدما انتهت من الاختبارات وهل فعلا اظهرت لك حب واهتمام وماذا كان رد فعلك معها |
رد : القرار الاخير
السلام عليكم
اخى ابو مريم جزاك الله خيرا بس بالله انااحترت ماذا افعل ؟ كيف احول قلبها هى قالتها لى اكثر من مرة (بحبك ) والحمد لله حصلت امور رائعة ماشاء الله لكن بعد كل هذا تقول انا كرهت كل الرجاله انا مش هفكر فى الجواز تانى دلوقت انا كرهت الزواج اصلا .... ولو سألتها عن الاسباب تقول انت تقارنى بغيرى كثيرا اتت اتعبتنى وتقول انت بتقول انك تعبان انت كمان خلاص ما دام تعبت اتركنى وسيبنى عشان ترتاح انا عارفة انى مضايقاك وعارفة انى خنقتك وانا حاسة بده بجد يا ريت عشان انا مقدر اتحمل انى اعذب حد معاايا يا ريت تسيبنى ونرتاح احنا الاثنين منذ يومين هذبت وجلست معها وكنت طلبت منها فى الهاتف ان نخرج فرفضت وقالت لا يمكن المهم كررت الطلب امام ابوها يوم كنت عندهم ابوها قال لها يلا قوموا اخرجوا قالت بابا انا تعبانة قالها وان كان عشان خاطرى خرج ابوها ثم التفتت هى الى وقالت انت بتحرجتى قدام بابا بتكرر نفس الموقف ثانى ماشى عموما خلاص اعملوا اللى انتوا عايزينة قللتلها خلاص خلاص والله مش لازم ننزل ولا حاجه قالت لا انا عشان بابا ميزعلش منى قلت خلاااااااص انا مش نازل المهم نزلت اصلى ورجعت لقيتها لابسة ومستنية قللتلها قومى غيرى هدومك قالت لا خلاص انا مش لعبه البسى غيرى خلاص انا هنزل عشان بابا ميزعلش منى قللتلها بجد عشان بابا ميزعلش منك ندهت على ابوها قلتلله لو سمحت يا عمى انا مش هقدر انزل قاللى ليه اشمعنا انتوا حصل حاجه ثانى قللتله يا عمى لو سمحت خلاص بالله قال طيب يلا قوموا اخرجوا شوية يلا يا مها فقامت قالى يلا وماتتاخروش قلت لها يلا وخرجنا الا وهى معقده الخروج يا دوب فلتنا من البيت تقوللى يلا نرجع كفاية كده يا بنتى طب اشتريلك شىء تقول لا يلااا يا بنتى اصبرى لا لا معلش خلااص مش كده خرجنا يلا نرجع اخذتها عالنيل ونتمشى تقوللى لا مش هتمشى يلا لو سمحت طب ممكن نقعد تقول لا واحاول معاها فين لما تقعد وفين لما طلعت روحى المهم واحنا راجعين ربنا الهمنى قعدت اكلمها عن التوكل ومعرفة ربنا فىالتوكل واحاديث الرسول لى الله عليه وسلم فى التوكل وكل الامور دى ... والله حسيت انها اقتنعت بالكلام لما روحنا بقيت عادية بقيت تتكلم ثانى بس قليل ضحكت حسيت ان الامور بقيت عادية نوعا ما مرة اخرى انا حاليا بقاللى يومين من بعد اخر مرة دى ولا كلمتها ولا شىء بس خايف من امروقاصد اخر| 1 _ خايف تظن منى انى ببعد عنها عشان اثقل عليها ف تقوم تبعد مرة اخرى واكثر واكثر 22- انا بعمل كده عشان اخليها تفكر براحتها وتحس فعلا بشوق ناحيتى وتاخد وقتها فى التفكير براحتها ... ايه رأيك انت ؟ وبعدين يا اخى ونالله طول الفترة اللى فاتت بحاول انى اكون صديقها مش عارف ليه حسستنى فجأة بخيبة امل وبعدين حاليا بحاول اكلمها الاقيها بتبعد هى يا اخى والله خايف من المستقبل خايف هى تبصللى بنظرة احتقار ما دام انا ملهوف وواقع فيها قوى كدة يا اخى الحب ده بيزل بشكل والله ما كنت اتقوع كده تخيل لما هى اللى تقوللى بالله عليك ما عدت تتاسف انا مبحبش حد يعمللى كده مش عارف يا ابا مريم انا كده صح ولا اى ؟ اللى زى دى معلش ف الكلام انا هنام معاها ازاى بعد ماقالت الكلام ده ؟؟؟ هل اللى زى دىهتدلعنى وتدينى حقوقى كاملة هل اللى زى دى هتلبس وتتشيك عشان خاطرى دى امها بتقوللى مبتحبش تشترى الحاجات الللانجيرى دى وبتتكسف تبصلها وتقولها الم تستحى فافعل ماشئت يا اخى ازاى ؟؟؟ يا اخى سامحنى ف الكلام اللى زى دى ممكن ف يوم تلبس لبس من نوع معين عشان تغرينى ممكن تنكسر لى تنخدع لى تحاول ان هى اللى تيجى تنام معايا مش انا اللى انام معاها ممكن دى تتطلب منى الشىء ده ممكن دى .... انا اسف انى زودت ف الناحية دى بس انا متزوج عشان اعف نفسى عن الحرام ممكن اللى زى دى عفنى ؟؟؟؟ الله اعلم اعتقد انى رجعت لنفس الاسئله القديمة مرة اخرى ,,,وعلى رأى ابوها ((مها رجعت ثانى يا فارس لتفس ما كانت عليه من الاول خالص )) شكرا ,,, |
رد : القرار الاخير
بسم الله وبه نستعين سبحان الله كما ذكرت لك انت تبحث عما يغضبها وينفرها وتفعله يا فارس هداك الله عموماً قبل ان استرسل فيما كتبت ارجوا منك اجابة صادقة هل عدت الى المعاصى والذنوب - متى وكيف عاوز منك معلومات عن الفترة الماضية وكيف ظهر لك حب مها ولا تقل لى ذكرت لى عدة مرات احبك انا اريد مواقف او توضح لى كيف كانت العلاقة بينكم فى الفترة الماضية سأرد وافند لك كل ما ذكرت لكى يطمئن قلبك بإذن الله انتظرك اخى العزيز |
رد : القرار الاخير
بسم الله اخى الحبيب
اما عن الذنوب والمعاصى فادعو الله ان يتوب على ... اما عن اظهار حبها لى فلا ارى افضل من موقف تقبيل يدى و قبل ذلك طلبت منها ان اقبلها فدخلت لترى امها هل هى مشغولة ام لا ودخلت فاغلقت باب غرفة اختها ومواقف كثيرة كمحافظتها على فى السر كما كنت اتفقت معها فسارت على هذا الوضع فترة عدم افشائها لاسرارنا ابدا وكثير والله اخى ابومريم بدأت تتكلم معى بصراحة وتحكى لى عما يغضبها حتى انها قالت لى انا بدات اعتبرك مستشارى تكلمت معى عن زوج اختها وبينت ان اختها فى شقاء معه وكانت المفاجأة ان ما كنت اعتقده كان صحيحا الا شىء واحد وكانت امها بينت لى واجهةاخرى اعتقادى فى زوج اختها من ناحية التكبر والبخل وانه شخصية صعبة وشديدة وهو فعلا كذلك قلت لها والله انى كنت اعلم ذلك واحسست به منذ بادىء الامر وحكت لى عن زوج احد اصدقائها وقالت انها معذبة معه واستغللت انا هذة الفرصة لاقول لها والله لاخليكى ملكه واحسن من كل دول ...والكلام من هذا القبيل ... اريد ان اعلم بالله عليك كيف انى ابحث عما يغضبها وينفرها ؟؟ ... العلاقة فى الفترة الماضية مرت بمراحل كثيرة تطورت وتغيرت وتبدلت بدأت تنظر الى و بدات تنادينى باسمى وتتصل هى على دون ان اطلب واذا تكلمنا على شات الفيس وبينت لها اننى غضبان تقول ممكن اتصل عليك اكلمك فلا ارد تقول ساتصل وعندما لا ارد تقول بالله عليك رد مش هينفع اقفل معاك كده ... اعتقد اننى كنت افعل هذا معها كثيرا ... الموقف تكرر كثيرا فى الفترة الاخيرة حتى انها بدأت تعد هذا من الاشياء التى تضايقها انت بقيت تزعل كثير يبدو انى عندما تغيرت انت الاخر تغيرت وتبدلت ... ترى انها عندما انصلحت بدأت انقلب انا عليها ... ... ياااه الان اغلقت صفحتها فى الفيس ولا تفتحها نهائيا حتى لا نتكلم ولا يكون هناك مجال اصلا لفتح الكلام انا لا اتصل هناك الان نهائيا رغم انى ازعم انها كانت بدأت تنفتح نوعا ما .... يا اخى لا اعلم لما هذا اشعر انى لو فقدتها ساخسر كثيرا ولو خسرتها فعلا سيكون بسبب ذنوبى هى خامة نظيفةجدا عيوبها (( عندها عزة نفس كبيرة )) وهذا اكبر عيوبها ... ابوها جلس معى اكثر من مرة و قال لى هو بنفسه ابتعد قليلا واتركا المساحه لبعضيكما لتفكرا بجدية وبعقلانية اكبر واعلم يا فارس انه لو لم يحصل ارتباط بينكما اننى انا الخسران والله وابنتى لن تجد افضل منك وكلام بصراحة رائع وقال انا لا اتمنى لابنتى افضل منك وقال والله يا فارس انا اتمنى انا يكون لى حفيد منك وقال لها امامى انا لن اتنازل عن فارس مهما كان افعلى ما تفعلى ولكن انا لا اريد غير فارس .... قلت له انا بالمقابل لا والله لو ما حصل نصيب انا الخسران وانا لا استاهل بنتكم وكل ما اريده ان يكون الود كما هو وان اظل ابنكم .. ... والله لا اريد ان يأتى يوم واكتب هنا ((تم الانفصال )) لا اريد ذلك ابوها قال لى انا اعلم انكم ستكملون باذن الله رغم كل شىء .... |
رد : القرار الاخير
طيب هنعمل اه فى تقصيرك يا فارس لو ضاعت البنت ده هيكون بسبب معاصيك الله يهديك يا فارس اصبر وكلها شهور وتشيع من الحلال مع حبيبة قلبك ان شاء الله لو المعاصى بسبب النت اخرج النت من البيت او اقسم بالله الا تدخل على كل موقع يجعلك تقع فيما يغضب الله وكما حدث فى المرة الفائتة عندما رجعت لله عز وجل هداها الله لك ورجعت احسن من الاول المهم الان اكثر من الاستغفار والصلاة على سيدنا محمد البنت ممتازة بسم الله ما شاء الله لا قوة الا بالله وواضح انها حبيتك وخلاص وبقت مقتنعه بك ما شاء الله ولكن يجب ان تفهم وتفعل كل ما يسعدها ولا تقوم بكل ما يغضبها هذه مبادىء الحياة الزوجية السعيدة ان شاء الله ان يفعل الزوج والزوجة ما يسعد الآخر والا يفعل ما يحزنه ويثير غضبه فتاتك بنت صغيرة ومراهفة ولم تنضج بعد لكى تتقبل كل تسرعك وانفعالك سبحان الله على الرغم من انك اكبر منها ولكن لا تحتويها ولا تقدر ان تكون ان القائد والموجهه لدفة الآمور تتحدث عن الملابس وخجل البنت وهذا شى طبيعى جدا لفتاه بريئة وتخجل كل الخجل من امها الا تعلم يا فارس انها تخجل ان تدخل امها معها الحمام لكى لا ترى جسمها وتخجل من ان تستبدل ملابسها امام امها وتأتى انت تريد ان تشترى ملابس مثيرة امام امها وبالتالى تعلم امها ان البنت جريئة وستفعل اشياء جريئة وتعلم ان البنت تعلم الان كل شىئ ولم تصبح البنت الصغيرة البرئية والتى لا علم عن الزواج الا اسمه تتحدث عن اشبعاك وسد رغباتك وتنسى تماماً ان لها شهوة مثلك واكثر مثلها مثل اى بنت وهذه فطرة الله عز وجل وتنسى ان المرآة شهوتها اضعاف الرجل واذا كان الزوج ذكى وحبب زوجته فى العلاقة وجرئها وازال الخجل الضار بينهم واصبحوا اصدقاء يحدث كليهما الآخير بكل ما يدور فى خياله سيجد زوجته تتقبل العلاقة بحب ورغبة وستسعى لها مثله واكثر ان شاء الله يا فارس انسى هذا الكلام الان لان ما تتحدث عنه غريزة موجودة ولا خلاف عليها بإذن الله تعالى المهم ان تقلل من ملاحقتك لها ويجب ان تشعرها انك ناجح وان لديك الكثير الذى يشغلك وليست هى فقط كل حياتك ومحور اهتمامك اثناء انقطاعك يجب ان تقوم اختك بزيارتها والاتصال بها والتقرب منها وفك بعض الغاز شخصيتها وكذلك شخصيتك وفقك الله عز وجل لكل ما يجب ويرضى |
رد : القرار الاخير
مرحباً بكِ أيها الأستاذ الفاـضل ’’
كنتُ أقرأ كلامك وأخرج لأنك تُذكرني بشيء سيء وخصوصاً بأني أعلم سمات هذه الشخصية ’’’ أيها الفـاضل أولاً هي عمرها صغير ...وعاطفة المرآة دوماً تحتاج بأن تسمعها كلمة جميلة طيبة وهذا يسعدها وأنت انسان رسمي جداً وهذا سيتعبها ونصيحتي لك لاتتحدثا عبر الفيس أو السكايب إلا صوتاً أما كتابة لن تفهما ويزداد الأمر سؤءاً ... بكلمة طيبة تجعل هذه الطفلة في قلبك وتسمع كلامك ’’’أنت تعاملها كفتاة أكبر من عمرها فلا تنسى بأنها مازلت صغيرة ... اصبر عليها ...واحمدلله بأنها تُخبرك بكل مايضايقها في صريحة وصادقة جداً نصيحتي حافظ عليها ولا تخسرها... وفقك الله لكل خير ... |
رد : القرار الاخير
ليه مركز بالكلام الحلووو ؟؟
ترى في حريم مايتكلموو طبع فيهم .. بيعبروا بالفعل اكثر ( مثل ماباست يدك ) مستعجل على رزقك ،، مها واضح انها خام احمد ربك ، بعد الزواج علمها حبه حبه وبعد فتره بتصير خبيرا اكثر منك . هي بتحبك لكن مابتعرف تعبر وعمرها ايضا له دور . |
رد : القرار الاخير
تسلموا يا جماعه
هى مشكلتها الصغيره بالكلام انها بتركز فى الكلام قوى ولا تعطيه محمله المباشر تفكر ف الكلام كثيرا ومرارا وتكرار وترى ان لكل كلمة نية يعنى ان كلمة فلان يقصد بها كذا وكلمة فلان المقصود بها كذا ...الخ |
رد : القرار الاخير
فارس لازم تشتغل او تدرس وتثبت لمها انك ناجح ولك مستقبل جيد مثلها وان لك طموح كبير وربما افضل منها معلش يا فارس لازم تميت بداخلها صورتك والتى تبغضها وهى الشاب العاطل الذى لا عمل له والذى يعتمد كل الاعتماد على والده والذى اذا قطع ابوه عنه المصروف سيموت من الجوع هو زوجته يا اخى اذا لم تجد عمل ادرس ماجيستير او دراسة شرعية الخ |
رد : القرار الاخير
اخى الحبيب ابا مريم انا كنت سافرت للعمل ولله الحمد انا اعمل فى الالكترونيات ولست عاطل عن العمل
اما الان فافتتحت مشروع لى خاص اعمل به ومع هذا ادرس علم شرعى ...ولله الحمد بالامس سالتنى سؤلا غريبا قالت انت ليه بتحبنى .؟ انا عايزه اسباب واضحه بقولها اشمعنا قالت لو سمحت جاوبنى ومتسألش السؤال بسؤال قللتلها لحاجات كثير قوى بس قبل اى حاجه عشان ده رزق اولا ..انا حبيتك لاسباب انا ذات نفسى معرفهاش ...بس بينى وبين نفسى انتى اجمل انسانة انا شفتها ف حياتى انتى الانسانة اللى انا حاسس انى لا يمكن هعرف اعيش من غيرها انا حاسس اننا اتخلقنا لبعض وبس ...ردت انا عايزه اسباب مش كلام نظري لو سمحت يعني في ايه فيا مميز - انتى انسانة واضحة وعاقله ورزينه 3 - انسانة مرحة وحبوبة 2 - بتعرفى تدبرى امورك وامور اللى حواليكى بسهولة وبدون اى تعسير 4 -انسانة خلوقة ومهذبة ومتربية و من بيت محترم وعائله محترمة 5- تدينك اللى هو قبل اى شىء واللى الحمد لله حافظتى عليه رغم اى شىء وتعلقك بربنا فى اوقات ازماتك وفى اى وقت كنتى دايما بتلجأى له 6 - عارف انك رغم اى شىء عندك حاجات حلوة كثيرة ومتأكد منها 8 - صافيه نقيه لا تحملى ضغينة ولا حقد ولا حسد ولا غل لاى احد ودى صفات امهات المؤمنين شفت فيك من اخلاقهم ومن سيرهم حسيت برائحتهم فيك عارف انك هتبقى اعظم ام فى العالم وقبل كده هتبقى اعظم واصلح زوجة فى الدنيا كلها وقبل اى حاجة من دى ...ربنا اللى رزقنى حبك لان الحب ده رزق فقالت بالنسبه لرقم 1 و2 و3 انتا مش قايلهم من قلبك لانك دايما بتصفني بغير كدا وزيهم بالضبط رقم7 و 8 او بمعني اصح الكلام اللي بعدها قلت لها انا اللى كاتب الكلام وانا اللى قايله وانا مسؤول عنه انا قايله من قلبى واى حاجة انا كتبتها هى من قلبى قالت بالنسبه لانسانه واضحه انتا ابدا عمرك ماقلت اني واضحه باعكس دايما بتقول بتفكري في الكلمه قبل ماتتكلمي وبتعرفي تخرجي نفسك انسانه حبوبه ومرحه وحبه الحياه انتا عارف ان دا كان زمان (قصدها انها خلاص اتعقدت و اتخنقت واتقرفت وبقت كئيبه ))و هى عللطول بتقوللى الكلام ده ..انا مش عايزة اتكلم فى حاجه انا اتقرفت انا اتخنقت خلااااص قلت لها انا يعنى اى كان زمان انتى ليه عايزة تعمللى كده انتى مرحة وحبوبة وكل حاجه زى ما انتى على فكره دا ملوش دعوة بانك انسانة واضحة متحاوليش تعيشى نفسك فى دور الكابه ده انتى لسه زى ما انتى قالت بالنسبه للمرح ولاني واضحه دي حاجه ودي حاجه تانيه خالص وعشان كدا فصلت كل حاجه لوحدها بالنسبه لان افعالي تشبه افعال زوجات الرسول انتا نفسك كل مااعمل حاجه تقولي وكدا كانت بتفعل زوجات الرسول؟؟ قلت اانا كنت بشوف فيكى كل الامور دى وكنت بتمنى الزيادة مش معنى انى بنوهلك على امور انى مش شايف ده فيكى لكن انا والله العظيم صادق فى كل كلمة قللتهالك والا مكنتش حبيتك ولا تفسرى حبى ليكى بأى منطق لو انا مش شايف الامور دى فيكى اية اللى يخلينى استمر معاكى اية اللى يخلينى عايزك؟؟؟ قالت تقريبا كل حاجه انتا قلت انك بتحبني بسببها او علي الاقل كتير منها انا حسيت انه انتا نفيته قبل كدا وبتقول الكلام دا لحل موقف مش اكتر وعشان كدا السؤال اللي مجنني ايه الاسباب الحقيقيه اللي مخلياك تحبني؟؟ رديت انا انا هسيبك بالكلام اللى انا قلته فكرى انسان بيحبك ومتمسك بيكى لابعد الحدود انا قلتللك اللى عندى وانا والله العظيم صادق فى اللى انا قلته بس انا اللى عايز اقولك ليه انتى متعتبريهوش من عند ربنا وانه رزق وليه عماله شاغلة بالك بالكلام ده خلينا نعيش حياتنا ومنفكرش ف الكلام اللى ملوش لزمة ده انت ليه بتحبنى وانا ليه بحبك هومن عند ربنا وبس قالت انا ماقلتش انك كاذب بس انا من حقي اني اعرف وافهم اسباب ... شاغله بالي لان دي حياتي ولازم اكون فهماها كويس قلت .اكيد انتى فيكى مزايا وعيوب كذلك انا عايزة تفهمى حياتك ليه جوزك بيحبك بيحبك لكل شىء فيكى لكل حاجه انتى كلك على بعضك عجبانى كل تفصيله فيكى انتى هدية من الرحمن لى ,,,, قالت انتا لسا ماتعرفنيش كويس عشان تقول الكلام دا .. اتكلمنا كثير وحاولت انى اقلها يا حبيبى اشرحيللى مالك بجد ؟؟ اى اللى مضايقك اى اللى خانقك ؟؟ تقوللى بالله انا معدتش عايزة اتكلم فى مشاكل خلاص انا قرفت اقلها منى تقولى انا مقلتش كده انا قرفت من كثر الكلام عن المشاكل وبس ومعدتش عايزة اتكلم فى حاجه من ده خلااااااااااااااااااااص .... |
رد : القرار الاخير
طيب موفق اخى الحبيب ربينا يوفقك يا رب العالمين اما بالنسبة الى مها طبعا لها حق مع الآسف انت خلية حياتها هم ونكد ومشاكل وحرب مش بس معاك لا كمان مع امها وابوها لانك دائما تشتكيها لهم هى كرهة الحياة معاك لانها كلما تذكرت نفسها قبل الزواج منك وبعدها تجد انها كبرت عشرين سنة وفقدت راحة البال وكلما تقارن نفسها مع اصحابها تحزن على نفسها لذا يجب ان تتوقف عن نقدها ولوميها ومقارنتها بغيرها وكما ذكرت انت فى النهاية هى ارزاق وانت هذا رزقك فيجب ان تتقبله كما هو ولا تنسى اذا كان بها بعض العيوب بها ايضا الكثير من المزايا الغير موجودة فى غيرها وخصوصا فى هذا الزمان فارس اشتغل على اكسابها الثقة فى النفس وانها آهل لكى تكون زوجة ناجحة وام صالحة بإذن الله البنت حاسة انها فاشلة ولا تصلح لاى آمر الله يهديك يا فارس عقدت البنت بكثرة الشكوى وعدم الرضا والشك والقلق هداك الله هداك الله ليس امامك اللى الدعاء والتوقف عن معصية الله والعودة الى طريق الحق فى السر قبل العلن وانصحك بقرآة هذ الموضوع http://www.66n.com/forums/showthread.php?t=246655 |
رد : القرار الاخير
بسم الله
جزاك الله خيرا اخى الحبيب لقد اطلعت على الموضوع وهو موضوع رائع ماشاء الله مؤخرا حدث امر واردت اخذ استشارتكم به بالامس ذهبت اليها وكانت نائمة المهم انى قلت لها انا جئت لمجالستك هل لا تنتظرينى ؟؟ فقالت انتظرتك كثيرا وف الاخر نمت ...لاننى تأخرت عن الميعاد الذى اتفقت انى سأذهب فيه فوجدتها لا تتكلم ساكتة مالك يا حبيبى مالك يابابا فيكى اى ؟؟؟ يا روحى ردى على نعم و مفيش و اى ..كانت ردودها طبعا مع ايماءات التعجب والضيق والحنق .. قلت لها لا انا كده هقوم اروح احسن كفاية كده .. قالت انت جاى عشان تمشى قللتلها ما هو انا مش حاى اقعد معاكىتقومى تقابلينى كده قالت قللتلك كنت نايمة اى ؟؟ قللتلها وخلاص انا بقالى اكثر من نص ساعه قالت يعنى اعمل اى ؟؟ قللتها لا مش عارف .قالت طب خلاص ... المهم قامت ودخلت اكلمها مفيش رحت مزعق فيها قللتلها اسلوبك مينفعش طريقتك مش كويسة ..عايزانى امشى قوللى انما متعاملنيش كده قالت انت بتزعق ليه دلوقت ...ودخلت اوضتها لقيت امها داخله بعد شوية تقوللى فى اى يا فارس مالكم ؟؟ قللتلها اى ميفش حاجه قالت مفيش اى يابنى دى دخلت تعيط فى سريرها جوة قللتلها طب انا ممكن اخشلها لقيتها ((مها )) داخلة علينا قالتللها فى اى يا بنتى مالك ؟؟؟ رديت انا مفيش اى حاجه بالله عليكى خلاص قالت لا ما هو انا مش فاهمة فى اى اللى خصل يخليها تعمل كده كل شوية داخلة خارجة وعمالة تعيط عشان اى دا كله قللتها لو سمحتى خلاص قالت لا والله لازم انده ابوها قللتلها لا خلاص متندهيش حد المهم لقيت ابوها داخل علينا فى اى ؟؟ اى اللى حصل قللتله يا عمى مفيش اى شىء خلاص راح داخل فيها يا بنتى حرام عليكى دا ابن ناس حرام اللى بتعمليه فيه ده هو مش حمل كل ده هو استحملك بما فيه الكفاية ردت يا بابا وانا معملتش حاجه ردت امها اومال نازله عياط وبس ليه قالت ياماما خلاص رديت انا يا عمى بالله عليك محصلش حاجه لده كله بالله عليك عشان خاطرى خلاص قالى بعد اذنك يا فارس انا استكفيت انا مرضاش كده لابنى حرام حرام بجد ... اقعدوا مع بعض يابنى واللى انتوا عايزيين تعملوه اعملوه خليى فى بينكم شفافية اكثر من كده كفايه كفايه قوى سنة ونص كل ده لسه مفهمتوش بعض اتاخرتم قوى لا لازم تتكلموا بصراحة اكثر وتوضحوا لبعض اموركم سوا ....مرتاحين وحاسيين ان انتوا عايزيين بعض والله خير وكملوا شايفيين ان مش هينفع خلاص بس تتفقوا انتوا الاثنين على القرار ده ...اما بالاسلوب ده كده مينفعش ...وخرج وهى تعيط ثانى والله ما طقت اشوف منظرها كده بكيت لبكائها لكن الحمد لله ماشافتنيش قللتلها والله انا اسف انا مكنتش عايز ده كله يحصل بالله عليكى كفايه بكاء كفايه ارجوكى خلاص والله ما انا قادر اشوفك كده بالله عليكى خلاص لا ولا تبطل ابدا استأذنت ونزلت تحت شوية قلت يمكن الجو يفك شوية رجعت ثانى قللتلها بالله انا هتكلم بصراحة انا على استعداد يامها لاى طلب منك والله اللى هتقوللى عليه انا تحت امرك فيه بس بالله ما اشوفك فى المنظر ده خلاص انا مستعد حتى لو للانفصال بس متعمليش فى نفسك كده لو ده هيريحك انا تحت امرك مردتش قللتلها بالله ابوك لسهخ قايل لازم تتكلموا بوضوح وشفافية اتمنى اسمع منك قالت انت عارف انى لسه قايمة من النوم وانا قللتلك اصبر نزلت فى زعيق قلتللها طب خلاص والله انا اسف معلش حقك على خلاص وقمت رحت بايس راسها وايديها .... قللتها طيب النسبه لعلاقتنا يا مها ؟؟ قالت انا بجد خايفة قللتلها خايفة منى خايفة من حياتنا سوا قالت لا خايفة من الاخرة قللتلها مش فاهم قالت المشكله ان فى كتب كتاب قللتلها يعنى اى ؟؟ قالت خلاص قللتلها لا انا لازم افهم يعنى انتى عايزة تنفصلى بس خايفة انك تكونى طالمانى وعشان كده كملتى هزت راسها ايماءً قلت وانا مخنوق والله ما استطعت نطق الكلمه خلاص حاضر يا مها فضلت ساكت دخل ابوها اى الاخبار قللتلها الحمد لله المهم ابوها قال توصلتوا لايه ؟؟؟ قللتلها خير المهم جلس يكلمها كثير اى اللى انتى خايفة منه كل ده وانا ساكت ما نطقت بكلمه جلس طبعا يقول لها انا عارف انك اكيد فى خوف منحاجة وفى شكوك فى امور دا طبيعى اى بنت بيحصلها كده انتى مش هتطمنى لده الا لما تتزوجوا قالها انا عارف ان فارس مش من النوعيه اللى ممكن بعد الزواج تنتقم لنفسها بعد الزواج انا عارف شخصيتة كويس جدا وانا بقولك لو محصلش نصيب لا قدر الله انا الخاسر الوحيد فى الموضوع ده انا مش هلاقى ظفر فارس ولا هلاقى انسان زية والله الكلام ده يا فارس احاسب عليه امام الله انى صادق فيه قلتلله ربنا يخليك يا عمى انا اللى هخسر كثير والله وعمرى ما هلاقى زيكم ابدا بس بعد اذنك يا عمى يا ريت لو حضرتك تقوللى اى الاساسيات اللى تقوم عليها الحياة الزوجية فعدد كثير منها ((المودة - الرحمة - السكن )) وكل هذه الامور قلت .. وهل يقوم البيت على اساس الخوف من الله تعالى | قال يعنى اى ؟ قللتلها طبعا هو الخوف من الله سبحانة وتعالى لازم وواجب لكن ينفع ان يكون انا هتجوز بنتكم عشان انا خايف ان لو سبتها ربنا هيعاقبنى فى الاخرة قال يعنى هى قالتللك كده قللتلها انا اللى بقول قال اها انت بتجيبها فى نفسك يعنى ثم وجة السؤال لبنته انتى قلتى كده يا مها قالت اه يا بابا قالها ليه ؟ قالت عشان المشكله يابابا اننا كتبنا الكتاب قالها بجد ان كان ده الاساس فى توجيه دفة البيت وبناء البيت لا مينفعش ...يبقى من دلوقت بلاش انا مش عايز اكون سبب فى اى حاجه مش كويسه بس اللى مرضاهوش لنفسى مرضاهوش لولاد الناس هو دى المشكله الاساسية اللى بينك وبينة قالت اه قالها طب ممكن تدينى اسباب قالت يابابا انا حاسه ان مفيش بينا اى تفاهم و كل كلامنا مشاكل وكل لما نيجى نحل مشكله تقلب بمشكله اكبر قالها يعنى هو ده اللى مخوفك قالت اه يابابا قال انا هسيبكم مع بعض تفكروا كويس وانا هبقى اقعد معاك ان شاء الله يا فارس لان انا فى التوقيت ده طلبت انى اخرج لان التوقيت كان تأخر جدا ومشيت المهم لما روحت رنيت عليها عشان اطمئن عليها ما ردت وللان ... |
رد : القرار الاخير
فارس والله مش عارف اقول اه طيب استخير الله عز وجل واخبرنى بصدق لان الموضوع مش مستحمل خجل او عدم صدق توقفت يا فارس عن معصية الله ولا تفعل ما تخجل منه ام انك مازلت تضعف امام فتن النساء اجابتك مهمة جدا قبل ان اعلق على موقف مها |
رد : القرار الاخير
بصراحه فيه أشياء فيك ذكرتني بزوجي ايام الخطبة ..
أسلوبك مرا مستفز يا فارس والله حاسه باحساسها حتى بكاء بكيت ايام خطبتي وجعل أمي تتدخل حتى ارد عليه ونتصالح ، قصتك فيها كثير من قصتي، على فكره كنت اقول لزوجي دائم مانصلح لبعض حتى اول سنتين من الزواج ، ولكن بدأت احاول افهمه واسايره ، لأني خلاص حملت وورطت بولد ، انا حاسه بتموت عليها ، لكن طريقتك غلط مؤ مريحها أبدا ،، حتى اسمك هيا قوليه ، قوليه ، حياتكم فيها كثير من حياتنا بالخطبه ارفض اقول أحيان عناد ، وأحيان اخجل كيف أقوله هوا كذا أقوله بس ، خلاص مع الكلام بقول ، بس يعاند الا قوليه قبل ما نكمل سوالف ، أزعل انا وخلاص ابغى اقفل ... مؤ عارف ابداااا كيف تكسبها ... لكن أنتو بتحبوا بعض كثير ماشاءالله الله يهنيكم بس خف عليهااا ... |
رد : القرار الاخير
اقتباس:
ساستخير وانا افعل هذا دوما واما عن الذنوب فالذنوب دائما ما تباغتنى والله اجاهد نفسى كثيرا ربنا يسترنا |
رد : القرار الاخير
اقتباس:
|
رد : القرار الاخير
اقتباس:
لا اعلم لم الاخ أبو مريم يكرر ويعيد ويزيد في سالفة الذنوب والمعاصي .. . .. الله ستر عبده فأنت بذلك توضح لمن يقرأ بأن لديه ذنوب ومازال مستمرا بالمعاصي .. |
رد : القرار الاخير
اقتباس:
المفروض انها أما تقوله بطيب خاطر .. مثلا اسمك او كلمة احبك او البوسة .. وإلا فبلاها هالكلمة تقولها مجبورة .. وحتى انت ماراح تفرح فيها بس تبي تسمعها عناد واصرار وتحكم .. تفصل كلماتها تفصيل .. وتحلل تصرفاتها تحليل .. انت تضغط عليها كثير .. والبنت ماتحب احد يضغط عليها .. لو من بداية الخطوبة خليتها على مهلها كان ممكن الحين تحبك وتموت في دباديبك .. لكنك من أولها حبيني حبيني .. جديدة بعد الحب بالغصب .. |
رد : القرار الاخير
نامل من الجميع عدم الخروج عن مسار الموضوع
الاشراف |
رد : القرار الاخير
مستغرب منك جداً أيها الأستاذ الفاضـل ’’’
هذه تُعتبر طفلة سنها 18 تحملها أموراً لاطاقة لها بها أبداً ... اتمنى أن لاتُحملها هكذا ...فهي لاتزال مراهقة بقلب طفل... وأنت شخصيتك جداً بها من الصلابة .. رفقاً بها ...رفقاً ...رفقاً ... |
رد : القرار الاخير
يا ام الدانة الله يكرمك بلاش النظرة القاصرة اخى فارس يستشير والاستشارة تحتاج تفاصيل لكى يوفقنا الله للمشورة هذه حياة ومشكلة كبيرة ويمكن ان تنتهى بهدم اسرة لا قدر الله لذا يجب من التفاصيل وفى الحقيقة انا لا اعلم سبب ضيقك من هذا السؤال واذا كان صاحب الموضوع لم يغضب يا اختى كلنا نخطأ وانا اولكم واسأل الله ان يغفر لى ما لا تعلمون ولكن شئم المعاصى يدمر الانسان ولقد ذكر الصالحين انهم كانوا يعلموا حالهم مع الله عز وجل من حال الزوجة والدابة لذا قبل ان ننفعل ونقول له البنت لا تريدك ويجب ان تطلق فورا يجب ان نعلم حاله مع الله لكى نعلم ربما كل ما تفعلع بزوجته بسببه هو وبسبب معصية الله فى الخلوات |
رد : القرار الاخير
اقتباس:
|
رد : القرار الاخير
اقتباس:
لا يا اختى انت تنورى فى اى وقت انت من اعمدة منتدنا العزيز ولكن فى الحقيقة اعتقد ان الطرح العام يفيد الغير ويعلم سبب كثير من المشاكل وفى النهاية نحن لا نعلم فارس معرفة شخصية ولكن نعرفة فى عالم النت وهو مثله الكثير والكثير من الشاب والذى يعانى مثلما يعانى ولا تنسى اختى الكريمة ان ما يشكوا منه اخويا فارس كل الرجال يشكوا منه الا من رحمه الله وكلنا والله مذنب يا اختى رزقك الله كل ما تتمنى و والله ثم والله لولا رحمة الله بينا لفضحنا على رؤوس الاشهاد نسأل الله ان يصرف عنا الفتن ما ظهر منها وما بطن ويرزقنا بحسن الخاتمة اللهم آمين |
رد : القرار الاخير
تاخرك عن موعدك ضايقها كثير، وفوق هذا ما اعتذرت وبررت
المفروض لما نامت ما صحيتها عشان حضرتك هي ما قصرت وانتظرتك، خلاص خلها براحتها ، ونامت يعني رح يكون من الذوق انك تأجل زيارتك لها مراعاة لها زي ما هي راعتك وانتظرتك لغاية ما غلبها النوم أخيراً: ترى البنت مخنوقه منك كثير وكل موقف جديد منك يقلب عليها الماضي كله، نصيحة خليها ترتاح وتطلع كل اللي بداخلها، قبل لا يجي يوم وتنفجر بوجهك ووجه الدنيا وتبيع كل شي! |
| الساعة الآن 06:15 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©