|
وايد أنسى !! اسباب النسيان وعدم التركيز .. * حلول *
السلام عليكم ورحمة الله وبركاته مادري شو السالفة بس انسى بششكل مش طبيعي :confused::( اتذكر اشكال مااعرف الاسماء :d:p واذا عرفت الاسم الشكل ما اذكره :rolleyes: ذكاء مكاني اصلا عندي ضعيف مش ذاك الزود يعني يوم اسوق الف عشرين مرة عقب اتذكر المكان المطلوب هذا عادي ما يزعجني موضوع الذكاء المكاني لأني اعرف اني اصلا ضعيفة فيه لكن اشكال ناس اعرفهم فجأة انسى !!! اسماء لي سنوات اتعامل معاهم خلاص كأنه فورمات للذاكرة يعني عادي ادش المنتدى وما اذكركم :d:( حد يعرف ليش ... لأن جد حالتي صعبة :21::( |
رد : وايد أنسى !!
الضغط النفسي له دور
افحصي فيتامين B12 وافحصي نسبة الحديد بدمك ..نقصهم يسبب ضعف بالذاكرة كثري كركم بالأكل ... وفي أعشاب وأغذية تساعد على تقوية الذاكرة مثل الجوز ابحثي عنها بجوجل |
رد : وايد أنسى !!
الضغط النفسي كثير ومحد فاضي من هالضغوطات :( وانا سي فود ما آكل لأن ما احب ريحته بشوف B12 الحديد كان زين بس مادري برجع بفحص يزاج الله خير خالتنا |
رد : وايد أنسى !!
شكلك تحبين ههه امزح.
افحصي دمك راجعي الطبيب. جتني فترة كذا وجربت الزبيب اليمني انقعيه بالمويه بالليل واشربي مويته الصباح. اللبان المر مااعرف وش تسمونه. نفسي الشي انقعيه واشربي مويته. |
رد : وايد أنسى !!
نفس الحاله الله يعين :29:
|
رد : وايد أنسى !!
اقتباس:
ان شاء الله بجرب ما قصرتي يزاج الله خير |
رد : وايد أنسى !!
اقتباس:
|
رد : وايد أنسى !!
اهلا خيتي بشرى ..
نفس حالتك بالذكاء المكاني وممكن تتخيلي قد ايش يتعبني هذا الشيء كـ رجال .. لكن بالتخطيط وبامور ثانيه الحمد لله فيه جوانب مرتفعه من الذكاء .. بالنسبه للاشخاص اربطي دائما الاسم بصفه معينه بالانسان .. يعني استخدمي الربط كثير وصدقيني بتفيد بمثل هالحاله لاني جربتها وضبطت حتى بالاماكن .. والنسيان بشكل عام صدقيني الضغط النفسي سبب اساسي فيه .. وخاصه لو تفكر باكثر من موضوع كبير بوقت واحد .. او من الاساس فيه موضوع يعيش معاك وشغال بداخلك .. ونزلت مره برنامج عن الاعشاب الطبيعيه بقسم التقنيه .. واتذكر مره قرات فيه عشبه مفيده للذاكره بس مو متذكر اسمها .. |
رد : وايد أنسى !!
وعليكم السلام ورحمة الله وبركاته ’’
مرحباً ببشرى الحبيبة ’’ماهذا ؟! نفس حالتي وأشدّ : ( لدرجة أتيت قبل البارحة بجوال جديد ’’وهذا اليوم الثاني وأنا أبحث عنه ’’ بعدها حلفت وقلت لن أبحث عنها واحرق على أعصابي على ماذا .. اليوم كنت أقرأ عن فاكهة الآساي وسأبحث عنها لكنها في البرازيل ويوجد مستورد لكن فيه كمية سموم سأتأكد من هذه المعلومة .. لأني أحتاج شيء يقوي الذاكرة لدرجة عندما أحصل على الذي كنت أبحث عنه لااتذكر كذلك إني وضعت ... لاأعتقد فقر الدم يؤثر علي بهذه الطريقة فصرت أشد من الزهايمر ..والله المستعان عندما أتأكد عن هذه الفاكهة سأظلي أبحث في المواقع الأجنبية الطبية لأنه لايوجد هذا النوع إلا عن طريق حبوب وسأرى ذلك ... أقوى فاكهة في العالم .. رزقكِ الله من حيثُ لاتحتسبي .. |
رد : وايد أنسى !!
هههههههههههه نفس الحاله
اشياء اكون قلتها من ساعه ولما اقولها مره تانيه اتفاجأ بأن اللي قدامي عارف واقول عرفت من وين !! ويقعد يقنعني بأني قلت هالكلام مسبقا لكني ما اقتنع :/ |
رد : وايد أنسى !!
نفس الحالة واسوأ
أرى ان السهر وقلة النوم له دور ايضا في النسيان |
رد : وايد أنسى !!
اعتقد لانج تمارسين حياتج بدون تركيز
يعني تتصرفين بشكل الي جربي يوم تحطين شي مكانه تقولين في خاطرج انا حطيت هالشي بهالمكان لما تسوقين ترسمين الطريق في راسج وايد بتتغيرين لو ركزتي اكثر وايد اعاني مع زوجي بهالامور يرمي الاشياء ويضيعها وانا وصلت لحد من عدم الاحتمال ركزي صدقيني بتتغيرين |
رد : وايد أنسى !!
نفس مشكلتك وأكثر
لدرجة ممكن بدون مبالغة وربي أحرك القلم من اليمين إلى جهة اليسار وبعدها بلحظة فقط لا أكثر أتسائل من حرك القلم ؟؟؟ |
رد : وايد أنسى !!
اقتباس:
ردج هني ياكد ردي الاول تتصرفون بشكل الي بدون تركيز واعتقد ان ارتباط انسان العصر بالالة سبب هذا التاثر لو قعدتي تنتبهين لتصرفاتج راح تتذكرين وايد اشياء مرت علي فترة والحمدلله تجاوزتها |
رد : وايد أنسى !!
والله أحيان النسيان نعمه
شوفي حبيبتي لاتاكلين حلويات وااايد ولاتفكرين بينج وبين نفسج ومارسي التمارين الرياضية وحولي تستنشقيان الهواء النقى واكثري من الاستغفار واكلي جوز لانه يقوي الذاكرة |
رد : وايد أنسى !!
والله يا جماعه هذا شيء منتشر على كذآ .. مو معقول !!!
كنت افكر اني لحالي بهالكون ومعاي اربعه خمسه بس بالكثير .. كل الاسباب الي ذكرناها صحيحه .. اسباب عدم التركيز والنسيان كثيره بشكل مانتخيله ولازم كل واحده يعرف ايش الخطأ في حياته او تركيزهـ .. وايش الي ماخذ عقله وشاغل باله .. خيتي بشرى باسالك هالسؤال ضروري تجاوبي .. كم تعطي نفسك من ميــه بالمدن والعواصم ؟ يعني مثلا لو مسكتي كتاب او شفتي برنامج يتكلم عن العواصم .. بعد مده تقدري تعرفي عاصمة كوريا ايش هي ؟ على سبيل المثال ؟ انا وضعي جدا سيء بالمدن والعواصم .. والله اكون عارف العاصمه وفجأه اضيــــــــــــع .. انتم كذآ ولا بـــس انآ .. |
رد : وايد أنسى !!
اقتباس:
وتركيزك احيانا يكون مشغول مع هالموضوع او مع حديثك بينك وبين نفسك .. بلحظة مثلا ما تعملي شيء يكون عقلك يفكر ومركز بموضوع ثاني بداخلك .. وبعد ماينتهي الموضوع الي بينك وبين نفسك .. تقولي انا ايش سويت ؟ وين تركت اغراضي ؟ انا اعتقد هذا السبب الي معآي ! |
رد : وايد أنسى !!
مره كنت ادور على جوالي وهو بيدي !!!
وموضوع اكون ذكرته قبل مده لشخص معين واجي مره ثانيه اعيد نفس الموضوع ويتكرر اكثر من مره واكون مقتنعه اني ما ذكرت شي من قبل عادي اسأل عن شي الف مره وفي كل مره انساه عادي اطلع من البيت لغرض معين وفجأه انسى على فين انا رايحه احيانا وانا في الصلاه انسى السوره اللي اقرى فيها وما اتذكرها واشياء اخرى نسأل الله السلامه من كل سوء |
رد : وايد أنسى !!
اقتباس:
انا يوم اضيع اتصل في اخوي المنقذ مالي :d اقول له انا مادري وين بس انت دليني وين بيتنا ههههههههههه يتوهق مسكين :d بس غريبة بالنسبة للرياييل اول مرة اسمع حد يقول لي جي انا توقعت البنات اللي مثلنا بس يضيعون والله ياخوي ست آلاف موضوع مو بس موضوع واحد الله المستعان ما قصرت يزاك الله خير والله يستر علينا هههههه |
رد : وايد أنسى !!
اقتباس:
يا مرحبا بالغالية سر هيه اعرفها الفاكهة هاي يبيعونها ف الكارفور وسبينس وايد يمدحونها بس ما حبيت طعمه :15: لكني مجبورة الآن الله يعينني ويعينج فديتج |
رد : وايد أنسى !!
اقتباس:
هههههههههههههههههههههههه الحمدلله ان انا مو بروحي في وايد ناس معاي معناته جد في مشكلة ,,,بس نحن مب عارفين انحلها |
رد : وايد أنسى !!
اقتباس:
حمدلله مرتبة وقت النوم والسهر ما اسهره ولله الحمد الله المستعان |
ف
اقتباس:
ما بتصدقين يمكن لو قلت لج اني كنت اكثر وحده ف البيت احفظ ومرتبة ولازلت مرتبة لكن من تقريبا سنتين كرهت الترتيب والتنظيم وابا اكون فوضوية خلاص يوم شفت اني بديت اضيع ابا ارجع نفس قبل مايستوي ف استويت انسى بشكل فظيع يزاج الله خير بحاول |
رد : وايد أنسى !!
اقتباس:
الله يعيننا يختي كلنا حالتنا بدت تتدهور يزاج الله خير |
رد : وايد أنسى !!
اقتباس:
ان شاء الله كل شي تمام بس كيف مااكل حلويات ههههه بحاول فديتج ما قصرتي |
رد : وايد أنسى !!
اقتباس:
هيه اعرف :d يعني شاطرة فيهم وحتى القران سبحان الله نسيان قليل فيه ولله الحمد مادري شو مشكلتي مع. اسامي الناس يا اتذكر الشكل او اتذكر الاسم |
رد : وايد أنسى !!
اقتباس:
اعتقد انا بعد جي بحاول ارتب افكاري تسلم ياخوي ما قصرت |
رد : وايد أنسى !!
اقتباس:
مثلي هههههه الله المستعان يختي يزاج الله خير ما قصرتي |
رد : وايد أنسى !!
اقتباس:
اليوم صديقتي أخبرتني في محلات موثوقة منها يبعونها على شكل مكمل غذائي .. بيني وبينكِ أفضل من الأكل ..على قول أختي أنتي ياسر الحياة ماتأكلي الفواكهة الحين بتأكلي الآساي ههه أنا عاد غضبت .. لاحرمني الله من دعواتكِ أيتها النقية .. |
رد : وايد أنسى !!
بص صرااحه حلوه الحاله بدأت تتدهور يا خيتي بشرى ... الله يعين بسسس تتوقعي !!! خلاص باوقف مواضيع عن التنميه البشريه جالس اقرا عن التنميه البشريه وعقلي ماسح وانسى .. لازم حل .. لا تطلعونا من هالموضوع الا بحلول وافكار .. ارجوكم .. |
رد : وايد أنسى !!
راجعت الردود وطلعت بنتيجه ان معظم اعضاء المنتدى عندهم زهااااايمر هههههههههههههه وانا منهم اكيد
الله يعين ويعطي الجميع العافيه |
رد : وايد أنسى !!
اقتباس:
للأسف أيها الأستاذ الفـاضل ’’مع علمي لهذا العلم الواسع الكبير يوجد من استخدمه ضدنا ومسح بعض عقول البشر هداهم الله ..وكان النسيان لأولئك من تشبتوا بهذا العلم ونسوا من أين نأخذ مصدرنا أولا وهي القرآن والسنة ... وأنصحك بقرآءة كتاب اتجاه ذلك الدكتورة فوز كردي حفظها الله لتكتشف إليك بعض الأمور المبهمـة الغامضة جداً لكثير منا ... |
رد : وايد أنسى !!
والله خيتي سر الحياه .. كنت اقصد النسيان العادي يعني ..
وبالنسبه للتمنيه البشريه .. يعني ماشاء الله فيه الدكتور الفقي والدكتور طارق السويدان .. مثلا نشروا الدين والعلم نفعهم .. بجد لاحظتهم كثير قريبين من الله وماشاء الله يعني .. نحسبهم والله حسيبهم .. يمكن لو تعمقنا بهالعلم وقرأنآ لكتب غير المسلمين تصير عندنا هالافكار .. ما اعرف ايش قصدك صراحـــ~ــــه .. لكن باذن الله باقرا الكتاب بابحث عنه نسخه الكترونيه في النت .. الله يعطيك العافيه خيتي سر الحياه .. |
رد : وايد أنسى !!
اقتباس:
الحين مب على كيفنا لازم ناكل افا عليج بنطرشلج اياه تيك اواي الى السعودية :) ولا حرمني منج .. |
رد : وايد أنسى !!
اقتباس:
هي خربانة خربانة بس قاعده اقولك مثلا مراجعة قرآن عندي سهل ما اتلعوز فيه لكن في المقابل رقمي ورقم سيارتي انساهم الرقم المالي عشان اسجل حضوري في الدوام ما اعرفه متخيل !! انا يوميا اسجل حضور اي شخص ثاني مكاني بيحفظه اكيييييييييييييييد لكن حالتي صعبة مع الارقام مع الاماكن مع الشوارع التنمية البشرية واللي يعافيك لا توقفها هذا املنا الوحيد ههههههههههه الله يعيننا |
رد : وايد أنسى !!
اقتباس:
شفتي شقايل :d عادي عادي بنشوف لنا حل .. :21: |
رد : وايد أنسى !!
اقتباس:
طيب حتى ماأتذكر الوجوه والأسامي زميلي يعمل في نفس القسم وأتعامل معه بشكل يومي لكن أناديه بأسماء عدة حتى يذكرني بإسمه |
رد : وايد أنسى !!
اقتباس:
هاي انا :( |
رد : وايد أنسى !!
رقم لوحة سيارتي نفس الشي ما اتذكره ..
|
رد : وايد أنسى !!
الله يكون بعون الجميع
تقريبا انا ايضا نفس الحالة خصوصا موضوع الاسماء والوجوه ابدااااااا ما اذكر اسم الشخص الي اشوفه مرتين ثلاث فصرت اكتب الاسم اول ما اتعرف على المقابل واكتب له صفة معينه او تاريخ والحمدلله جابت نتيجة والحين صرت اكتب الاسم براسي فقط :23::d واذكره بتكراره مرتين ثلاث بنفس اللحظة مع ربطه بشي معين مثل مكان التعارف او شي حدث بنفس اليوم وكذااااااااا ....... اما الاشياء فلما اضعها بمكان اسمي عليها او اصلي على النبي العدنان اللهم صل وسلم وبارك عليه فالحمدلله ايضا جايبة نتيجة مرضيه وبنفس الوقت وبما اني دايما اكون في حالة تكلم مع ذاتي --فكري مشغول دايماا ربي يشغلني واياكم بطاعته احاول بقدر الامكان يكون في ترتيب او تكرار للامر يعني مثلاااااا مكان مفتاح البيت .... دايما احتفظ فيه بنفس المكان ودايما احاول اعمل لي روتين معين بخصوص الاعمال الواجب اقوم فيهاااااا والحمدلله تعطي نتيجة مرضية لكن مشكلة اني اسال زوجي سؤال وارجع بعد شوي اعيد عليه السؤال واكثر من ثلاث اربع مرات :29::29::29: ههههههههههه --- خصوصا ان كان جوابه بالنفي:30: --- هذة مو لاقيه لها حل اتركها لكم عطوني لها حل ...... طبعااااا هذة الحالة جديدة علي جدااااااا اخر سنتين فقط --لا صج جديدة هههههه لكن لاني دايما اكون مشغولة مع بناتي وماخذني عقلي وتفكيري وتركيزي:14: لدرجة ان الارقام ما اجمعهااااااااااا مع اني ذاكرتي كانت جدااااااااااااااااااا قوية وما انسى شي لكن الحمدلله الحمدلله الحمدلله جربوا حلولي فترة وان شاء الله تجيب نتيجة معكم ولا تنسوني بالدعاء:d |
| الساعة الآن 03:42 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©