بسم الله الرحمن الرحيم
السلام عليكم ورحمة الله وبركاته ..
أنا في حيرة من أمري واحس ان افكاري مشوشه :(
ولد خالتي خطبني ..وانا مو قادره اتخذ القرار طبعاً استخرت اكثر من مره ولسى محتاره ومتردده وحاسه بشويه ضيق ..والسبب كله في العمر لانه هو في نفس عمري يعني انا وهو قد بعض :( في البدايه ماقلت شي عشان باخذ وقتي في التفكير بس الي يقهر انه الموضوع صار كأنه اننا خلاص لبعض ..طبعا هو بس كلام يعني ماصار شي رسمي ..المهم بعد فتره شفت صورته انصدمت مو عشان شي بس صغيييييييييير كأنه لسى في الثانوي وهو 3 جامعه وكمان قصير والله مقهووووووره كل وحده تتمنى انه زوجها المستقبلي يكون اكبر منها عشان يكون واعي وفاهم الحياه مو بزر بس الحقيقه هو طيب وشكله جدددداً مقبول بس مشكلتي العمررررررررر ماعمري تخيلت اني بتزوجه ولا خطر في بالي حتى واهلي كمان كانوا زمان يمزحون مع اختي الي اصغر مني انه لها يعني ما جا في بالنا انه بيخطبني :( والله محتاااااااااااااااره وشايله هم اهلي يقولون مره مناسب اهم شي الاخلاق وانه اذا ماوافقت ما باقي احد من الاولاد كلهم اصغر مني ياااااالله ماادري خلاص اخلي كل شي يمشي ولا اقووول لااااااا مو موافقه واهلي يقولون مالك عذر او يقولون طيب بنسمع كلامك ونرفضه بعد شرشحه احصلها ؛(
زي ماقلت لكم اني استخرت بس لازم اتخذ القرار عشان اذا لا يقولون لهم من بدري لأ ومانبتلش وهذا اذا سمعوا كلامي :( ، كككلهم يقولون ليييش ترفضين عشان مايعرفون انه العمر اهم شي عندي اجل اتزوج بزر :( احسن شي البنت تتزوج واحد اصغر منها ب5 سنوات مو نفس العمر مااااااينفع والله :(

خاااايفه كل مايمر الوقت تتقعد اكثر واكثر ..بس انا استخرت وبنتظر فتره وان شاء الله ربي يكتب لي الي فيه الخير ..
كلامي كثير ومكركب اعذروني بس وش اسوي والله مشوشه وضاااايعه بين كلام اهلي وبين قناعاتي
....المهم الله يسعدكم ابغى منكم النصيحه والرأي السديد وكأني أختكم يعني بكل صراحه وشككككككراً لكم ♡♡♡

المشاركة الأصلية كتبت بواسطة حياتي مملكتي (المشاركة 2955258) حبيبتي الله يختارلك اﻷحسن يارب .. شوفي هوي فعﻻ حلو انه يكون الزوج اكبر من زوجته بس هادا مو شرط وﻻ قاعدة لنجاح الزواج .. بس بدك رأيي من اخت ﻷختها اوك اسمعي اراء الناس بهالموضوع مو غلط بس انتي الي ﻻزم تقرري هاي حياة ومشوار العمر .. اقعدي مع حالك قعدة رواق وفكري بالموضوع من كل الجوانب بدون تدخﻻت وﻻ تأثير من حدا شوفي انتي بنفسك شو بداخلك مقتنعة وﻻ مترددة وﻻ مو مقتنعة .. وﻻتنسي اﻻستخارة حبيبتي .. والي مقتنعة فيه حتكملي فيه برضا سدقيني .. موفقة يارب ..

المشاركة الأصلية كتبت بواسطة مهره (المشاركة 2955262) إن كانت هناك إمكانية .. اطلبي أن تجلسي وتتحدثي معه. قد تتضح لك الصورة أكثر.

المشاركة الأصلية كتبت بواسطة memaシ (المشاركة 2955267) للأسف يامهره احنا ماعندنا ذا الكلام مافي لا جلسه ولا كلام قبل مايصير شي رسمي وتتم الخطوبه عشان كذا انا محتاره ؛( وشكراً على ردك حبيبتي

المشاركة الأصلية كتبت بواسطة مهره (المشاركة 2955268) هل كل مشكلتكِ في العمر فقط؟ .. يعني لولا العمر كان من الممكن أن توافقي؟ إن كان الأمر كذلك فتحدثي مع والديكِ وصارحيهما بما تشعرين .. أبلغيهما أنكِ مستعدة للموافقة بشكل مبدئي .. ولكن بشرط أن تكون فترة الخطبة هي فترة اختبار لنفسكِ وخلالها ستتأكدين من قراركِ واستعدادكِ الاستمرار أم لا.

المشاركة الأصلية كتبت بواسطة ديــنا (المشاركة 2955269) حبيبتي لا تحتاري ولا شي بإذن الله الإخوة هنا مابيقصروا معاكي بعد الله من رأيي إذا انتي مو مقتنعة لا تقدمي على الخطوة نهائي الاستخارة في معنى الحديث (إذا هم أحدكم بالأمر ) يعني أقبل عليه وما في أحد يقبل الا اذا يبي الشي انتي اساسا مو مقتنعة ليش تلعبي على حالك وتقولي احاول واشوف .. نصيحتي لك حبيبتي انك تخلي الرأي بيدك لأنك انتي صاحبة القرار مو أهلك ولا أقاربك انتي اللي راح تعيشي معاه اسألي نفسك هل الأمر هذا مهم بالنسبة لي ولا في رغبات اهم واذا في حدديها ورتبيها وشوفي وين مرتبة هالصفة عندك وعلى اساسها قرري ولا تفكري انه بكذا نصيبك يوقف في حال انك رفضتي الله يخير لك الخير ولا تنسي صلاة اخر الليل

المشاركة الأصلية كتبت بواسطة يمام البراري (المشاركة 2955290) لا أرى أن سلبياته تستحق الرفض مطلقا ! لا يوجد رجل كامل أهم شيء الدين والخلق وأنتِ تقولين حتى شكله مقبول . أما تفكيره سيكون مقارب لتفكيرك لأنكما في نفس العمر فكلما زاد العمر كلما زادت الفجوة بينكما في التفكير . توكلي على الله واقبلي به وتفاءلي خيرا . وبإمكانك تأجيل الزواج إلى ما بعد سنتين ستتغير أمور كثير بحول الله .

المشاركة الأصلية كتبت بواسطة رغدة 000 (المشاركة 2955315) هلا أختي الغالية غريب انا اعرف الان مود الزواج يطلبوا وحدة في نفس العمر او سنتين يعني العمر متقارب انا كذا اعرف طلبات الاولاد الآن ويمكن عشان كذا خطبك ما خطب اختك ويمكن شيء ثاني مدري انا كذا شايفه وملاحظة يا عزيزتي وانا اقصد اذا قصدك العمر مثلا 20 و 20 يعني نفس العمر كرقم اما اذا قصدك النضج والعقلانية واحد فاهم وواعي هنا انا ما اقدر اقول لك شيء بس طبعا لازم تسألي اخوانك عنه وواحد يحكيك عنه تقدري منها تشتفي كيف نضجه وطبعا اذا سنحت لك الفرصة معرفته عن قرب افضل اهم شيء الاستخارة والدعاء والله يوفقك ويسعدك

سألت أخواني ..قالوا هادي وماله حس ،، حاله حال نفسه شكراً ع الرد الله يجزاك كل خير

المشاركة الأصلية كتبت بواسطة حلم تائة (المشاركة 2955318) لوكان اصغر منك او اكبر بكثير اقول معك العذر لكن في نفس عمرك . بصراحة اشوفه مناسب لك

المشاركة الأصلية كتبت بواسطة نبضها نادر (المشاركة 2955320) بسم الله عليك غلاتي وربي حاسه بلي تحسين فيه لكن هذا شئ طبيعي في بداية الامر ولا الومك وتبين النصيحه ؟؟ اذا كان الولد صالح ومضبوط في صلاته واخلاقه ولا هو راعي استراحات خلاص وافقي العمر مو مقياس لنجاح الزواج انا شخصيا خطيبي بنفس عمري لكن عقله يوزن بلد اذا تكلم المجلس كلهم يسكتون من الاحترام ( طبعا هذا كلام اخواني وعماني لي ) فتوكلي على الحي الذي لا يموت والله يوفقك ويختار لك الي فيه الخير ودائم ردد هذا الدعاء "" اللهم دبرني فاني لا احسن التدبير ""

المشاركة الأصلية كتبت بواسطة (أبو ندى) (المشاركة 2955355) السلام عليكم ورحمة الله وبركاته أسأل الله أن يكتب لك الخير ويصرف عنك الشر عفوا يأختي بالنسبة للعمر انتي ذكرتي أنه نفس عمرك من وجهة نظري أتوقع أنه بيكون مناسب لك أعماركم متقاربة فتفكيركم بيكون قريب من بعض فتفهمون بعضكم أكثر , والعمر موب مقياس يدل على رزانة الرجل أو إنه عاقل أو لا يا ما فيه رجال أعمارهم في 30و40 وتفكيرهم تفكير أطفال و شباب أعمارهم 18و20 عقولهم نيرة لديهم حكمة تفكيرهم مثل الرجال إلى ابو 30و40 فأنتم أسألوا عنه وعن دينه وأخلاقه, وخلي أبوك يعزمة في البيت ويسولف معه ومن ضمن السوالف يفتح مواضيع يشوف شلون تفكيرة وهل هو مثقف أو لا , فأنت استخيري الله قبل كل شيئ وأنتبهي لدراستك تراها أهم من كل شيئ أسأل الله يرزقك الزوج الصالح والذرية الصالحة

المشاركة الأصلية كتبت بواسطة لينة العريکة (المشاركة 2955418) اهلا بك mema اجوبتك تدل على انك انسانه ناضجه و عاقله و لا تستعجل الامور فاحسنت اختي انا اوافقك الراي الشاب فهي هذا العمر يكون غير ناضجا الا ما ندر و علم النفس يقول ان المراة تكبر الرجل في نضوجها ثلاث سنوات و قيل خمس اذا فيك و فيه بعض الصفات من الممكن ان تكون زيجه ناجحه اذا كان على قدر المسؤولية و غير مدلل من قبل اهله، بما انك لا تستطيعين التحدث معه تقدمه بالدراسه و اذا كان متفوقا فيها و ليس مدفوعا من الاهل دفعا ياخذ درجات القبول فقط فهذه من علامات تحمل المسووليه اذا ما يجلس على النت و الموبايل بالساعات و يهتم بشراء بعض لوازم المنزل لاهله فهو يتحمل المسووليه اذا ما يتاخر على دوامه بالجامعه صباحا فهو يتحمل المسووليه حتى و ان فيه بعض الطيش و له هذه الصفات فلا باس ابدا اذا كنت صبوره و تتعاملين باحترام مع اخيك الاصغر و ان اخطا فلا تعاقبيه و تحاولين ان تحترميه و تعتبرين علمه غير لائق و تكلميه بكل هدوء فزيجتك ستكون ناجحه اهم صفتين ان تحترميه و لا تعتبريه طفلا حتى و ان رأيت تصرفا طائشا و ان تصبرين على تصرفات قد لا تعجبك فيه اسال الله ان يوفقك لمرضاته

جالسه اقرأ كلامك حرف حرف واتمعن في كل كلمة قلتيها ..الله يسعدك يارب كلامك جداً منطقي وهذا الي أحاول اوصله لهم لكن مايقتنعون خلااااااص هذا هو علم النفس قال ماكان في خاطري لذلك أنا مهم عندي العمر بس صعب أعرف عنه كل هالاشياء بس من ناحية مدلل فهو يمكن مدلل نوعاً ما الله يجزاك خير يالينة وبتبع كلامك وإن شاء الله خير ..

المشاركة الأصلية كتبت بواسطة أم الدانــــــة (المشاركة 2955424) إذا شكله صغير وباين عليه أصغر منك .. أحس مب حلوة تبين الزوجة اكبر من زوجها .. بغض النظر عن العمر والنضج ..

المشاركة الأصلية كتبت بواسطة نبض وطن (المشاركة 2955536) مُذ سنواتٍ عدة وأنا أتابع هذا المنتدى عن كثب دونما مشاركة ولكن موضوعك يا أخية أبت أصبعي ألا تخط هذه الحروف وكأنني اقرأ قصتي منذ سنوات عدة ولكن كبرت أنا وكبر هو بالضبط حكايتي كــ حكايتك صلة القرابة العمر كل شي لكن فرق إننا في المناسبات نلتقي سلام من بعيد دونما مصافحة وكنت أشعر بمدى اهتمامه وحبه ولكني لا أعيره أي اهتمام والسبب إننا بنفس العمر وهذا ما لا أحبه في زوج المستقبل تقدم وفكرت كثيرا كثيرا في حيرتك تلك كنت أقبع ولكن تم الرفض وسبحان الله على الرغم من كثرة الخطوبات بعده ألا إنه لم يتم منها ولا واحدة بعد ذاك الاهتمام يا أخية حتى السلام أبقى الوحيدة من المتجمعات التي تم سفهها 😁 ولو يعيد التاريخ نفسه وعجلة الزمان ترجع سنوات للوراء لقبلت ولكن قدر الله وما شاء فعل والحمدلله على ما تفضل وأنعم فكري يا أخية فكري ثم فكري ثم فكري ثم فكري ثم فكري ولو وجدتي كل صفات الرجل الصالح توكلي والله يكتب لك الخير نصيحة من أختك الكبرى

المشاركة الأصلية كتبت بواسطة رجل حليم (المشاركة 2955568) لن تستطيعي ان تتخذي قرار قبل التحدث اليه .. لابد ان تتحدثي معه

المشاركة الأصلية كتبت بواسطة سكان (المشاركة 2955776) انا زوجتي سابقا اصغر مني بسنتين وبصراحه مبسوط لأن احنا من نفس الجيل ومايمنع اني اتزوج وحده كبري اذا صارت بنت عاقله وثقيله الله يوفقك وييسر امرك استخيري اكثر من مره واذا مو مرتاحه قولي حرام تضلمينه معاك

المشاركة الأصلية كتبت بواسطة memaシ (المشاركة 2955470) جالسه اقرأ كلامك حرف حرف واتمعن في كل كلمة قلتيها ..الله يسعدك يارب كلامك جداً منطقي وهذا الي أحاول اوصله لهم لكن مايقتنعون خلااااااص هذا هو علم النفس قال ماكان في خاطري لذلك أنا مهم عندي العمر بس صعب أعرف عنه كل هالاشياء بس من ناحية مدلل فهو يمكن مدلل نوعاً ما الله يجزاك خير يالينة وبتبع كلامك وإن شاء الله خير ..