الكتابة على الخواتم
 

ايش اكتب ؟

و اهم شي وين ؟

انا الان لابس خاتم خطوبتي ع اليمين و البنت كذالك.. لكن ما كتبنا شي :(

دايم نأجل

ثمن شغله ثانيه
انا شاري لها ٢ خاتم للخطوبه واحد عادي ساده و واحد غالي وفخم
هل اكتب عليهم كلهم ؟؟

وهل اكتب على خاتم الشبكة ؟؟

رد : الكتابة على الخواتم
 

اكتب على الدبلة بس اسمك واسمها وتاريخ لبسكم للخواتم
وما تكتب إلا على الدبلة الذهب السادة فقط هو الي بيظل بإيدها على طول
أما خاتم الشبة سواء مع أسوارة أو طقم ما ينكتب عليه
والمفروض إنك كاتب عليها قبل تلبسها .. بس ملحوقة قدامكم العمر كله بإذن الله
مبارك لكما

رد : الكتابة على الخواتم
 

مدري لكن .. مدري

الله يعافيك

مقهور :(
بصيح

رد : الكتابة على الخواتم
 

ملحوقة وانا اختك ;)


الكتابة تكون على الدبل يا أخي.

يُكتب الاسمين (اسمك على دبلتها واسمها على دبلتك) .. وتاريخ عقد القران.

وشخصياً كتبت على الدبلتين .. العادية والألماس.

رد : الكتابة على الخواتم
 

الله لايهينك أختي الكريمة
بس ضاق صدري صراحه
غديه بذن الله مهو شي كبير
عقدنا بعد كم شهر
وبحط تاريخه واسمنا اجل ع الخاتمين احسن احس للدبله
اما خاتم الشبكه ماظنتي بحطه

لكن وين مابي اعطي خواتم روحي لمكان يمخشن الخواتم ولا مايعرف يحط ويكتب
تكفون ابي مكان موثوق و مبدع
تعرفون احد برياض يسويها لي؟؟؟
لاتقولون لي رح المحلات الذهب
ابي محل اروح له بتوصيه وتجربه منكم او شهره تكفون
شي مجرب يعني

رد : الكتابة على الخواتم
 

المحلات الي تكتب على الدروع وكذا تلقى فيها لوك بالغربية علمتك
بعدين ليش تصيح ؟! دام ما انكتب العقد خلاص هي حلاتها بتاريخ العقد
الله يوفقكم ويسعدكم

رد : الكتابة على الخواتم
 

مدري حسبت اني سويت غلطه لاني ماكتبت تاريخ الخطبه او لبسنا للدبله

لكن اعتقد ما يضر اكتب تاريخ العقد اجل
كنت اضن ان الي يكتب هو تاريخ الخطبه او لبس الدبله
مادام الي يكتب هو تاريخ الملكه فالحمد لله مافات شي اجل

لاننا لبسنا الخواتم من يوم الخطبه ,, ونبدلهم يوم الملكه و راح اقدم لها الشبكه

و شلون بالغربية ؟؟
الشرقيه يعني لاني بالرياض
وحروح محلات الدروع واسئلهم اجل بكره بذن الله
الله يخليك ويرضا عليك
والله يوفقنا ويسعدنا واياك يارب ياكريم

رد : الكتابة على الخواتم
 

الدبلة تلبسها وتلبسك بيوم الشبكة هذا عندنا السعوديين ويكون بعد كتابة العقد
ولا تتبدل من اليمين لليسار إلا بالزواج
وما خبرت أحد يلبسها بالخطوبة إلا بعض الدول العربية لأنهم ما يملكون إلا بليلة الزواج
الخلاصة إنت صح
وأقصد لو إنت بالمنطقة الغربية كان دليتك

رد : الكتابة على الخواتم
 

الله يسعدك يا أخي مثل ما ضحكتني .. من وين طلعت (يمخشن) هذه؟ :)

أنا أساساً مب من السعودية .. لكن كتبنا على دبلنا عند محل ذهب عادي .. والأمور كانت طيبة ولله الحمد والدبل ما تمخشنت ولا شي :d <------ جد والله عجبتني الكلمة.

بس إن شاء الله حد من أهل الرياض يفيدك أكثر.


ولا تشيل هم وانا اختك ترا السالفة بسيطة بإذن الله.




الله يوفقك ويسعدك في الدنيا والآخرة.

رد : الكتابة على الخواتم
 

Be with me


2My heart

Y&M For ever

Lovely

For ever


My love

حرفك&حرفها


I♡Y baby


وايد كلام هاللي طلع مني الحين
وبالوتوفيج ان شالله

رد : الكتابة على الخواتم
 

أهم شي لا يكون اسمك من أسماء -ما عبد-
فتدخل زوجتك بها دورات المياه أكرم الله الجميع

رد : الكتابة على الخواتم
 

الله يخليك تسلمين والله ماقصرتي
والحمد لله لبسنا الدبل قبل الملكه :)
باقي الشبكة يوم الملكة بذن الله
الله يوفقنا واياك ومن نحب

رد : الكتابة على الخواتم
 

ههه الله يوفقنا واياك كنت اكتب ونا متحمس صراحه وخايف تذكرت اني مسجل هنا قلت اسئلكم :)
ماسبق وكتبت شي ع الخواتم ولا اصلا لبست خاتم فكنت اظن ان الخاتم ممكن يخربه الي يخط عليه ولا شي وكنت ابي محل مضمون عشان مايمخشه هههه شسوي اخاف اخرب الخاتم وانهبل عاد
الحمد لله لعلها سهله مثل ماقلتي لكن الخضه الي فيني حاستني شوي
الله يوفقنا واياك ويسعدنا ويهنينا ويكرمنا بشوفة رب العزة والجلال
الف تحيه وتقدير

رد : الكتابة على الخواتم
 

روعه الف شكر والله سهلت علي كثير
الحين عرفت يعني النهج وتبينت لي الطريقه
الف شكر والله

رد : الكتابة على الخواتم
 

الله يكرمك، لامايضر ان شاء الله
وابد اسمائنا ماهي معبده اشوا
بس حروفنا كثيره
هي ٥ ونا ٥ احس بيتوهق الي بيكتب وتطلع حفله

رد : الكتابة على الخواتم
 

اسمها على دبلتك واسمك على دبلتها وتاريخ العقد وليس تاريخ الخطبة فليش الصياح؟

رد : الكتابة على الخواتم
 

رد : الكتابة على الخواتم
 

الافصل مثل دبلتي مكتوب عليها بس
اسمه ♡ تاريخ القران
دبلته اسمي ♡ تاريخ القران
افضضصل بكثير من كتابة الاسمين
حلو لو كان بالانقلش كمان

محلات الذهب يسونها

رد : الكتابة على الخواتم
 

Rm+Sk

Rm&Sk

Rm♡Sk

حرف من اسمك وقبيلك او اسم العايله وحرف من اسمها وقبيلتهاا ...





انا اللي انصحك فيه هالكلمه ...Beloved هالكلمه تكفي عن كل المعاني بالنسبه لي طبعن

تاريخ والاسم الواحد مايحتاج يوثقها في خاتم لانه موثقه في القلب والورق الواحد يستغل هالامور لكلام الحب احلى

عندك ..
....Tell death do us part

Yours for ever

وموب شرط يكتبلك كامل يختصرها بحروف وبالانجليزي طبعن



You are my life يقدر يختصرها y.a.m.life
y.a.m.home

y.a.m.lovely

Pretty
Sweety

وعلى هالموال


مانصحك بكتابه تاريخ ابتعاد عن تكرار والتاريخ محفوظ في العقد الواحد يستغل هالكماليات للمور مثيره اكثر



..






واذا استسلمت خلاص .. اكتب


Ra& SK.. .30.8.2013


حرف من اسمك وقبيلتك وحرف من اسمها وقبيلتها وتاريخ العقد .. وعلى الدنيا السلام

رد : الكتابة على الخواتم
 

والله يا خوي واضح جداً انك مخضوض :)

يعني إذا هذا حالك كيف عيل حال عروسك الحلوة! ;)



ليست عندي إضافة .. لكن صدقاً أحببت حماسك واهتمامك بهذا التفصيل الصغير والذي لا يتوقف عنده الرجال عادةً.


ما شاء الله عيني عليك باردة.

ربي يوفقكم ويهنيكم ويتمم لكم على خير.

رد : الكتابة على الخواتم
 

الله يهديك الحين بتمسكونها علي اني بصيح !!
هذي ميتافور-METAPHOR تعبر عن إستيائي ,, ثمن ممكن اصيح والله لو كنت مسوي شي غلط وكبير في مثل هذا الامر بنظري فادحه والله لكن الحمد لله ماصار شي اشوا
ونا ماكنت اعرف يا -اختي في الله- ,, ماكنت ادري والان دريت
الف شكر ع مرورك ومحاولتك المساعده والحمد لله -اخواتي في الله- الثانيات ماقصرو



الف شكر ان الدانة



صدقتي وهذا الي في بالي صراحه بذن الله ... شكرا

الله عليك مشاركه مفيده والله مره واستفدت كثير توجيهات طيبه الله يسلمك
الف شكر والله


اللهم امين واياك
-اختي في الله- مهره الله يحييك والله اعتز بإطرائك علنا نستحقه بارك الله فيك واعلى من شأنك دنيا واخره -الله يحفظكم ويخليكم لعين ترجيكم
ازكى التحيا والتقدير لكن جميعا افدتوني والله