|
اجهضت وزوجي زعلان
السلام عليكم
انقطعت فتره طويله عن المنتدى بسبب زواجي والحمدلله تزوجت من قبل خمسة شهور ومشالله تبارك الله حبيته بمعنى الكلمه وحملت وسقط نزل الجنين في الشهر الرابع وكان لعدة اسباب نزوله منها الالتهابات وهو عارف وش سببها كثرة الجماع مع ان الدكتوره نهتنا عنه وانا كمان جريت بس جريه خفيفه وفي نفس اليوم نزل الجنين وماكتب الله انه يعيش وزوجي زعلان رماني عند اهلي ولايكلمني ولايرسلي ولاحتى تحمد لي بالسلامه اخذ ولده من المستشفى وراح وانا احس نفسيتي سيئه بسبب زعله مني والله العظيم اني احرص منه على الطفل بس الله ما اراد يعيش وانا افتقدت حتى لصداعه والمه ووجعه لي واحس اني تعبت من التفكير وهو ماقصر كمل الناقص ولايرد علي ولايرسلي وكاني انا تعنيت وذبحته وش اسوي معاه تعبت من جد تعبت نفسيا |
رد : اجهضت وزوجي زعلان
اول شي الله يعوضك خير .. ثاني شي الاهم من كذا تستفتي شيخ اذا كان عليك كفارة في موت جنينك لان اربع شهور انخلقت فيه الروح .. لازم تهتمي بهالشي ..
|
رد : اجهضت وزوجي زعلان
ممكن ترسليله رسالة عتاب رقيقة .. وتشرحيله نفسيتك بعد فقد الجنين..
أكيد هو متأثر بسبب فقد طفله وحاس بالذنب.. مشكلتكم بسيطة لكن ممكن تتفاقم اذا كل واحد شال في قلبه عالثاني وانتظر المبادرة من الآخر.. فكوني انتي افضل منه وبادري في الاتصال. |
رد : اجهضت وزوجي زعلان
اختي احبه حبيبي
استفتي لمن اكون مثل غيري الي تشيل شي متعنيه او تسوي اي شي متعنيه عشان تسقطه لانها مو راغبه فيه اما انا راغبه فيه وبكيت عليه وللحين نفسيتي تعبانه ومانزلته بالعاني الله قدر انه ينزل مو متعنيه ويشهدد الله علي اني كنت حريصه عليه اكثر من ابوه اختي يارب اقبل توبتي بادرت كثير ارسلت له رسائل واتصلت فيه مو راضي حتى يسمعني ارسلي رساله وكتب ذنبه برقبتك وانتي السبب بكيت كثير لان والله مو انا السبب كان يوديني المستشفى ويلعني ويلعنه ببطني كنت اعاني من الالتهابات ويقلي شغلي اهم منك ارسلت له كلمته بادب بس مافيه فايده وبالاخير ماقدرت اتحمل قلت له اطلع من حياتي خلاص تعبت |
رد : اجهضت وزوجي زعلان
ياختي اللي حصل خيره من رب العالمين ...
وانت لاتراسلينه ولاتكلمينه ، وقفي مراسلات ومكالمات ... اللي حصل قضاء وقدر واللي قاعد يسويه زوجك اعتراض على قدرته .. خليه يرضى من نفسه .. |
رد : اجهضت وزوجي زعلان
والله حالة !!
انت اللي مسقطة واتت اللي ادورين رضاه .. صدق اللي قال يضرب الحب شو بيذل اقول اسفهيه بس قال زعلان قال هذا يلعنج ويلعن اللي ببطنج وحاط الذنب عليج عيل لو كان مدللج ومدلعج شو بيسوي قهرتيني بصراحة بدال لا انت تزعلين هو زعلان |
رد : اجهضت وزوجي زعلان
هو ليش يقول انك انت السبب يا ليت توضحين علشان نعرف منو الغلطان فيكم ؟
|
رد : اجهضت وزوجي زعلان
وش هالظلم مهملك من كان ببطنك
ويلعن ولما طاح غلى بعينه |
رد : اجهضت وزوجي زعلان
بعض الرجال من كثرة الزعل يتصرفون تصرفات عكسية جدا
خليه ولا تراسلينه ومرده راح يرد لج وين بيروح يعني |
رد : اجهضت وزوجي زعلان
انت المفترض تزعلي .. مو هو ..
|
رد : اجهضت وزوجي زعلان
الله يعوضك حبيبتي .. هﻻ شي طبيعي انه يزعل بس الي موطبيعي انه يحملك انتي الزنب! ويعاملك كانك مجرمة طيب مهوي ابنك كمان !
عرفيه شغلتين مهمين كتير .. اﻷولى انك انتي كمان زعﻻنة عالجنين واكتر منه كمان وانتي المتضررة نفسيا وجسديا مو زوجك .. . والتانية انه الله هيك اراد هاي ارادة رب العالمين وياما ناس اجهضوا والله عوضهم بالذرية الصالحة هاي مو نهاية الخلفة .. الله يقويكي ويعينك عليه .. |
رد : اجهضت وزوجي زعلان
اقتباس:
مع فاكهة جد بعض الرجال تصرفاتها تضحك مدري من اللي مسقط فيكم ؟؟! |
رد : اجهضت وزوجي زعلان
هلا أختي اجمل
ما حصل له صدمة بالنسبة له لذا هو يفعل ذلك فهذا طبيعي من قوة الصدمة دعيه سيأخذ وقتا لكن لابد من ان يوضح كيف يتهمك انك السبب ؟ فاذا قال مثلا المشي قولي له المشي لا يسقط المهم اعرفي السبب لا تحزني ترى بعض من الناس يلقى السبب على الاخر فيه هكذا صفه فلا عليك في طريقة : ابدأي انتي بالتذمر انا حزينة والحمد لله على كل حال واظهري حزنك وزعلك من الامر ليس منه افعلي فعله لكن اولا تأكدي كيف ردة فعله لا تكون معاكسة واستخيري وما يحتاج اوصيك على الاستغفار والدعاء الله يسخر لك زوجك |
رد : اجهضت وزوجي زعلان
شكرا لكل من رد علي
ورحت المستشفى اليوم وعرفت السبب قالت لي الدكتوره دام الجنين خرج طبيعي وكان لسع فيه نبض فالسبب مو منك ولامن اي شي السبب كان بالرحم عندك لان النساء يختلف كل وحده عندها عنق الرحم فلو نزل طبيعي بنبضه ومن حاله وجاك طلق وخرجت المويه طبيعيه فهذا يعني ان عنق الرحم عندك صغير ولايتحمل ضغط الجنين للشهر الرابع عشان كذا نزل من حاله ومثل حالتي لازمها ربط عشان تحمل والله هذا كلامها بكيت لان الحمدلله مو انا السبب مافيه ام تكره الي ببطنها انا الي جاني الصداع وانا الي ذبحني الاستفراغ وانا الي جاني النزيف وانا الي جاني المغص وتعبت هو تعبه مايتعدا ال5000 ريال حقت مستشفى فقط تعبه على ورق بس انا تعبي اجر على الله انا تعبانه نفسيا ومقهوره احسه كرهني حتى بالواتس حطني حظر واهله الحمدلله واقفين في صفي انا فكرت مع نفسي لو اني بعد كذا رجعت له وحملت ومات الطفل بالتاسع لاقدر الله وش كان سوى فيه تكفون دعواتكم لي فوالله ضاقت بي الدنيا |
رد : اجهضت وزوجي زعلان
استغفر الله العظيم هدي قدرة الله وقضاءه
انا كنت اجري واشتغل في البيت شغل وكرف وماطاح الجنين لان ربي كاتب له يعيش وثانيا لان حملي سليم وماعندي مشاكل الحمدلله لكن الي حملها مو سليم والرحم عندها مايتحمل بيكون جنينها معرض للنزول يعني مستحيل كل وحده في الدنيا بتحمل معناه بتنام على ظهرها وتوقف اشغالها 9 شهور بسبب انه المشي والحركه تضر المشي والحركه واالجماع والنطنطه ماتضر االحمل ابدا ادا كان الحمل سليم ميه في الميه الا ادا ربي كتب له اانزول قبل اوانه |
رد : اجهضت وزوجي زعلان
هو حاس بالذنب بَعَــ♡ـدْ !!
وضميره يانبه اكيد !! وقاعد يحملج هالامر عشان يرتاح نفسيا !! ف خليه ... يرتاح ،،،، وينسى مٍْْـٍْْ♡̷̴̬̩̃̊ـٍْْنٍْْ نفسه!! ويرضى!! |
رد : اجهضت وزوجي زعلان
لا ترسلين ولا تتصلين أبدا
|
رد : اجهضت وزوجي زعلان
ادعي له بالهداية ..
قدر الله و ما شاء فعل .. |
رد : اجهضت وزوجي زعلان
شوفي يا بنت الناس
خليه لغاية ما يطيح اللي برأسه ويرجع بعدها خذي حقك لا تقصرين انت بأمس الحاجة الحين للكلمة الطيبة ، |
| الساعة الآن 08:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©