|
زوجي سافر الي دبي مع اصحابه اول ايام العيد
السلام عليكم ورحمه الله
بدخل بالسالفه علي طول زوجي سافر لدبي اول يوم العيد مع اخوياه وانا كارهه السفره بس اللي هونها عندي ان اخوياه معاه بي اللي قاهرني انو هالمكان انواع الفتن وراح بوقت العالم كلها تجتمع فيه يعني زحممممه اناااا احسه شبع من الحريم اللي هناك واللي يقهر زود لو ناقشته بهالموضوع قالي انا ما احكم الناس وش علي منهم رايح استانس اوك رايح تستانس بس ما راح بعد تغمض عيونك لو مرت وحده حلوه ولا متبرجه ولحمها طالع واتحداه يوخر عينه وشوله تروح تفتن نفسك الرسول عليه الصلاه والسلام يقول القابض علي دينه كالقابض علي الجمر فيما معني الحديث فيه اماكن كثير تقدر تروح لها غير دبي وبهالوقت صراحه تعبت من التفكير واللي يفقع مرااارتي ليه اذا غار علي اقدر غيرته حتي لو كانت تافهه وما تستاااهل مثلا طلعت يدي بالغلط يهاوش مع اني البس قفاز وشراب ونقاب مسكرر ولا اتكلم بالسوق ولا شي هو اللي يتكلم عني ويهاوش لو تكلمت يعني امور عقدني فيها اوك تغار وانا اسوي الشي اللي ما يزعلك بس ليه غيرتي عليه مو مهمه اضغط علي مشاعري وقلبي واسكت ولو تكلمت قال انتي تنكدين وتبين مشاكل يعني تروح تناظر ولا تبين امنعك من السفر زوجي راعي سوااااابق يعني ما عاد اثق فيه بتاااتا اخر مشكله حصلت بيننا العام في العيد كشفته يكلم حريم ويتغزل وماهي المره الاولي كل فتره يكشفه ربي وقررت اتطلق منه بسبب العذاب النفسي والشك والمشاكل تعبت حيييييييييل اللي قاهرني بعد ما كشفه رب العالمين العيد اللي فات وعدني بامورر كثيره يترك شغله الخطابه ويترك السفر ويترك تقفيل جوالاته الثلاث 2ايفون واحد بلاك بيري وكلها مقفله ويترك تكليم هالحريم وعدني امور كثيره وعشانه وعدني قررت افتح معه صفحه جديده ولو ان الثقه معدومه ومع الايام بدا يسحب البساط من تحتي رجع قفل جوالاته ً رجع يكلم حريم رجع يسافر وينكر انه وعدني انه ما يسافر ولما وريته الدليل علي وعده لي قالي خلاص تراجعت عن وعدي اقوله يعني كنت تكذب علي عشان تمشي الحياه انا لولا الله ثم هالوعود ما رجعت لك اللحين سافر مرتين والله يستر الجايه لوين بيروح وانا ما عاد فيني اتفرج عليه وهو يسافر وانا عند اهلي اتعذب وش شاف وش سوي الي متي هالعذاب امور كثيره معذبتني وصابره ولو اكتبها ما اخلص اذا كان الرجل يحب زوجته ليه يفقدها الثقه واذا شكت فيه يزعل ويقول انتي نكديه طيب وش اسوووي صرت زي المريضه بسببه حسبي الله ونعم الوكيل |
رد : زوجي سافر الي دبي مع اصحابه اول ايام العيد
السلام عليكم اختي الكريمة
سؤال زوجك يصلي؟ |
رد : زوجي سافر الي دبي مع اصحابه اول ايام العيد
انا عن نفسي مااعيش من غير دبي .. سرتلها ثاني يوم مشالله اكثر ناس سعوديين بس عوائل اللي صادفني وبخصوص الفتن ترى ان ماسار زوجج دبي بيسير بتايا بانكوك ماليزيا انواع الفتن ع كيف كيفه.. حليلها دبي كل واحد في حاله كافي خيره شره الثاني محد يكلمك ولاحد يقولك شي تلقى الاجنبي العربي الاسيوي الخليجي كلن بحاله .. بعدين انتي تتكلمين على رجل موب طفل يعني لو بتنصحين والا غيره بيسوي اللي في راسه .. انتي اللي بتتعبين قي الاخر وبما انج تزوجتيه وقبلتي فيه ارضي فيه بزينه وشينه والله الهادي
|
رد : زوجي سافر الي دبي مع اصحابه اول ايام العيد
يعني هي يت على دبي
كل العالم فيها فتن اشمعنى ترمسون ع دبي وبس واذا ريلج عنده مشاكل شخصية ونفسية مب لازم تيين وتعقين كل شي على دبي فديتج الله يهدينا ويهديج |
رد : زوجي سافر الي دبي مع اصحابه اول ايام العيد
ايوه يصلي وحريص علي الصلاهاساسا اخذته ملتزم بس اللي اشوفه انا قدام الناس التزام ولا من تحت لتحت انواع الخيانه ومكالمات
هاذا اللي طيحه من عيني وما عدت اثق فيه ابد بنت بو ظبي ادري انه مو طفل بس اذا خان الثقه خلاص بيكون بالي مشغول فيه شي غصب علي له سوابق وقبل سافر خمس مرات لاندونيسيا يرجع من السفر ومره مصر والله يستر من الجاااي |
رد : زوجي سافر الي دبي مع اصحابه اول ايام العيد
انا ما قلت شي علي دبي ابدن وادري انووو حتي بالسعوديه اللي يبي الخراب يحصله بجواله
موب عاد لا سافر بس لاصرتي ماتثقين فيه كيف تعيشين مرتاحه البال الامان بالحياه الزوجيه ضروري |
رد : زوجي سافر الي دبي مع اصحابه اول ايام العيد
اتمني تركزون علي نفس المشكله وتتفهمون وضعي مو تدورون الزله بالموضوع
|
رد : زوجي سافر الي دبي مع اصحابه اول ايام العيد
الله يعينك يارب ويصبرك عليه!!
حبيبتي ايش الخطوات اللي اخذتيها عشان تمنعي السفر ؟ ولما اكتشفتي موضوع الخيانه ايش صار ؟ |
رد : زوجي سافر الي دبي مع اصحابه اول ايام العيد
اقتباس:
والله يهدي سرج |
رد : زوجي سافر الي دبي مع اصحابه اول ايام العيد
بنات حبيباتي ابي لو دعوه بظهر الغيب او نصيحه
احس وضعي استغفر الله مع هالادمي ماله حل اللي سالتني وش الخطوات اللي اتخذتها عشان تمنعينه ذكرته بوعوده لما كشفت خيانته وانه وعدني ما يسافر وعلي اساس هالوعود انا قررت افتح معاه صفحه جديده ذكرته بحديث الرسول وعد الحر دينوايات المنافق 3اذا وعد اخلف رده الوحيد انه كان يقولي كذا لانه يحبني ويبغاني ولا السفر ما يقدر يخليه مهما كانت الاسباب علي قولته هوايته السفر دامه مو قد وعده ليه يرقصني بالكلام والكذب حتي كلامه ما صرت اثق فيه بعد الخيانه جلست 3شهور كارهته وحاولت اسااامحه لنا سنه الحين كلما صارت مشكله بيننا ارجع اذكره بماضيه وخيانته ولا قدرت انساااااااا ابد والشك الله المستعان خرب حياتي بسببه ابي اعيش مستقره وبالي مرتاااح ما افكر حتي جوالاته بعد ما فتحها فتره والله احصل ارقام واشياء تفقع مرارتي ورجع قفلهاااا وانا ولعت ما يقدر يخليها مفتوحه بسبب الارقام والحريم ولا محادثات او صور خلال سنوات زواجي منه تطلقت مرتين باقي طلقه وحده وخلاص وهو خايف من هالطلقه ورافض يطلق بتاااتا لاني اخر مشكله طلبت الطلاق وهددت بالخلع |
رد : زوجي سافر الي دبي مع اصحابه اول ايام العيد
عندك أطفال؟
هل هو قائم بحقوقك؟ |
رد : زوجي سافر الي دبي مع اصحابه اول ايام العيد
الرجاء الإلتزام بقوانين المنتدى و عدم تحويل مسار الموضوع الى مسار آخر
|
رد : زوجي سافر الي دبي مع اصحابه اول ايام العيد
عندي ولد وبنت وانا الان حامل الحقوق الماديه قائم فيها علي اكمل وجه
الامور الزوجيه مقصر فيهاااااا |
رد : زوجي سافر الي دبي مع اصحابه اول ايام العيد
اقتباس:
لا اريد ان احبطك لكن الرجال لا يردعهم الا دينهم ومخافتهم من الله في هذه الأمور ولو تصل بهم الأعمار الى الستينات او السبعينات انها حقيقة مؤلمة و الأمثلة هنا بالمنتدى كثيرة جداً تجدهم تابوا مؤقتاً ثم تجدهم عادوا الى هذه الأمور الدنيئة و كأن شيء لم يحدث و تركها صعب جداً لأنها ادمان و هذه حقيقة يعرفها الجميع لكن يتجاهلها البعض |
رد : زوجي سافر الي دبي مع اصحابه اول ايام العيد
هل هذه المشاكل المؤثر في تقصيره الزوجي معك؟
هل حاولتي حل هذه المشكلة معه؟ هل سبق وتحاورتم حوار هادئ ومثمر فيما يخص هذا الأمر؟ |
رد : زوجي سافر الي دبي مع اصحابه اول ايام العيد
من كثر المشاكل يحصل التقصير الزوجي معي
حاولت احلها بس ما قدرت صحيح نتحاور بس نقاااشاتنا عقيمه دائما ومالها حل |
رد : زوجي سافر الي دبي مع اصحابه اول ايام العيد
لماذا عقيمة .. هل منكما من يحاول فرض وجهة نظره ؟!
هذه البداية ومن هنا عليك الإنطلاق والإصلاح ونحتاج لتوضيح -أكبر إذا رغبتي -عن ماهية هذه المشكلات فقد نساعدك بشكل أفضل.. |
رد : زوجي سافر الي دبي مع اصحابه اول ايام العيد
مثلا عندك مشكله انو وعدني ما يسافر ويبطل سفر بعد مده بدا يقولي اخوياي بيسافرون للمكان الفلاني ويجيب سواليف عن السفر يلمح انه يعني وده يسافر حركاته مدروسه
قلت له ايوه واذا سافرو الله يهنيهم بعدها جا قالي بسافر قلت لا انت واعدني ما تسافر قالي انا ما وعدتك انا قلت خلاص ما راح اسافر لحالي بصير اسافر مع اخوياي قلت تستهبل معي انا حطيت شروطي كامله وقلت انت عليها تم وعلي هالاساس انا رجعت لك مو عشاني راضيه عليك جيت تتراجع مو علي كيفك ومن هنا بدا النقاش اللي نهايته قالي انا عشاني احبك ولا ابي اخسرك قلت لك ما راح اسافر ولا انا مقدر اترك السفر طبعا زعلت وصارت بيننا مشاكل يمكن وصلت لطلاق بعد ولا فيه فايده الامر الاخر الشك دايما اشك فيه رجلي يحب يكلم حريم رقمه منتشر بشكل فضيع عند اللي يسوي واللي ما يسوي لانه كان يشتغل بالخطابه ويتعامل مع خطابات وانا كنت كارهه الشغله من البدايه وتطور الامر الي ان صار هو اللي يكلم بنات ومطلقات وعوانس ويتغزل بهاذي ويكلم هاذي ويتزوج هاذي واذا كشفته انها العلاقه وبعد فتره يرجع لحركاته الخاينه مليت من كثر ما اسامحه واعطيه فرص كثير ويرجع يخون الي متي اسامح والي متي بتعذب معه كذا وياليته يترك الحركات اللي تشكك كتقفيل جوالاته وحتي الاسماء يقلبها مثلا ام محمد يخليها ابو محمد واكشفه واذا اقوله ليه تدور غيري يقولي كله منك ومن معاملتك وربي انه يكذب لاصارت الخيانه بدمه حطها فيني انا بشر ممكن ازعل منه وارفع صوتي عليه بس ما يبرر خيانته ابد او اني قصرت بشي او او بسبب سوء معاملته كان معقد ودقيق ومشكلجي |
رد : زوجي سافر الي دبي مع اصحابه اول ايام العيد
الأمور الزوجية الأخرى بخير؟
وهذه فقط مشكلتك الوحيدة معه؟ |
رد : زوجي سافر الي دبي مع اصحابه اول ايام العيد
جوان واضح أنك تعيشين حالة قلق عارمة وهو يعيش هذه الأجواء معك
هو يحاول أن يبحث عن بديل وأنت مستمرة في الإشتعال.. والمشكلة الأكبر الأطفال ووضعهم النفسي في هكذا أجواء وأنت سيدة حبلى والمشاعر السلبية تتضخم سريعاً أنت عصب الحياة في المنزل وقلقك أو مزاجك السئ ينعكس سلباً على كل سكان المنزل بمن فيهم زوجك الذي لن يستطيع أن يصمد أمام كل هذه الشحنات السالبة أنت الفرد الأقوى طالما أنك بينهم وتستطيعين فعل الكثير ولكن عند الهدوء والتوازن وحضور العقل والصبر العناد والعصبية لن يأتيان بنتيجة مفيدة مع زوجك فتخلي عنهما وفوراً |
رد : زوجي سافر الي دبي مع اصحابه اول ايام العيد
نامل من الجميع التركيز على صلب الموضوع بمايخدم صاحبة المشكلة
الاشراف |
رد : زوجي سافر الي دبي مع اصحابه اول ايام العيد
الله يعينك يارب ويسخر لك زوجك
كنت بقولك الوي ذراعه واطلبي الطلاق بس بما انك تطلقتي مرتين احسها صعبه انا ماودي احطمك بس يقولون غير جبل ولاتغير طبع بس فيه شي تقدري تغيرينه وهو نفسك وشخصيتك واسلوب حياتك كل شي بدايته صعبه بس حبه حبه ان شاء الله تتيسر امورك وزوجك مايخاف من ربه تبغينه يخاف منك !!! ادعي في صلاة القيام وان شاء الله ربك يستجيب |
رد : زوجي سافر الي دبي مع اصحابه اول ايام العيد
لن يتغير إلا إذا هداه الله وأراد ذلك من نفسه
أما تغييره بالإجبار والشروط فلن يؤثر بشئ , سيتحايل ويخفي عنك ما تكرهين بما أن لديك أطفال والإنفصال صعب أنصحك بثلاثة أمور : الأول تجاهل ما يفعل وعدم البحث خلفه, وإن فعل ما يخالف الشروط ويسئ إليك فأظهري الغضب الصامت دون أي حديث فضلا عن الجدال الثاني : غيري من نفسك بالإلتفات لها وإسعادها بما تحب وأداء حقوق الله وحقوق نفسك وأطفالك وزوجك وحاولي الخروج من دائرة زوجك لدوائر أرحب : وظيفة أو هواية أو دراسة أو صديقات علّها تستهلك تفكيرك وتشغلك عنه الثالث وهو الأهم: الدعاء والتضرع إلى الله أن يصلح حال زوجك ويطهر قلبه وجوارحه من المعاصي والخيانات وحب النساء وأن يصب محبتك في قلبه |
رد : زوجي سافر الي دبي مع اصحابه اول ايام العيد
حبيبتي كان جيتيه بالين وإنك ودك تقضون العيد سوا ومن هالكلام
الشده ما تنفع بهالأمور لان الي بيسري الغلط بيسويه مارح ترده زوجته إذا هو ما خاف من رب العالمين ليه بخاف من البشر عليك بالدعاء سلاحك الوحيد دام باقي لك طلقه اصبري عليه ولا تشتتي أسرتك والله يهديه ويصلحه |
رد : زوجي سافر الي دبي مع اصحابه اول ايام العيد
اقول لك حاولي ثم حاولي ثم حاولي
ولكن اجعلي الطلاق حلك الاخير.. اسأل الله لك التوفيق والسداد وان يعيضك في صبرك خيراً. |
| الساعة الآن 12:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©