|
ماذا لو سالني
السلام عليكم
وكل عام وانتوا بخير وعساكم من عواده بادخل بالموضوع على طول الحمدلله ان علاقتي بزوجي تطورت كثيرا من بعد ان استقليت بشقة منفصلة ومشاعره تغيرت بشكل ملحوظ قام يهتم اكثر بدا يشوفني بنظرة عادلة مثل ما انا بالحقيقة والحمدلله بدا يعبر عن مشاعره بصورة واضحة وصريحة بس اللي انصدمت فيه مرة سالني قالي قط مرة ندمتي انج تزوجتيني؟؟؟؟ الصراحة ما قلت له الحقيقة قلت له انا وايد فخورة انك ابو عيالي بعد كذا اسبوع سألني قالي موهبة تحبيني؟؟؟ قلتله لا قالي لا تچذبين انتي صايمة انا ضيعت السالفة رد امس سألني مرة ثانية ودي ارد عليه برد بس ماني عارفة شلون يعني ما ودي ابين له اني احبه مع ان افعالي من غير لا يسأل تبين اني ميتة فيه جان زين تعطوني اجابة فيها مكر انثوي شوي واذا قالي انا احبج شنو ارد عليه والله ما تعودت معاه عالكلام الحلو ما ودي اكون ناشفة ولا ودي اطيح نفسي عليه شاكرة لكم مقدما |
رد : ماذا لو سالني
والله مرررره صعبه انك تقولي لزوجك ما احبك ..
وخاصةً انه كان يسأل ومتلهف عالإجابه .. وحلو انه تكون مشاعرك فيها شفافيه ووضوح ومعبره عما بداخلك .. فيه بعض الاشخاص يحبو ن يكونون مثلك يخفون ما يبطنون ! فيقول لشريكه احبك مادام انك ما تغيرت علي او غيرتك الظروف .. |
رد : ماذا لو سالني
قولي له احبك بس مو على طول
اكيد حيسالك ليش قولي له كل اللي في قلبك حتلاقيه يستمع لك بتركيز وخاصة الاشياء اللي تضايقك وانتي كمان لا تتركي الفرصه دي حاولي تقولي له و تتطلبي منه اللي تبيه |
رد : ماذا لو سالني
وليه ما تقولين له أحبك وأموت فيك بعد :d؟؟
|
رد : ماذا لو سالني
موهبه إذا لاحظتي إنه متغير للأفضل فقولي له الصج
يمكن المشاعر إذا ترجمتيها إلى كلمات مسموعه بتعطيه دافع إنه يتمسك فيج أكثر وأكثر |
رد : ماذا لو سالني
مشكورين
حبيبتي شقردية الصراحة انصدمت من سؤاله لان قبل انا اللي دايما اسال مع اني كنت عارفة الاجابة خالتي العزيزة بيتا نور موضوعي بوجودج الصراحة ما ابيه يغتر مع اني ما اقصر من (( فديتك - حبيبي - يا قلبي- الخ) بس احس راح يغتر علي حبيبتي امل اي نعم هو متغير للافضل بشكل كبير وواضح اخوي فيصل هو عارف شنو اللي ابيه بس ما باليد حيلة وعارف شنو الاشياء اللي مو عاجبتني فيه زوجي لماح وفطين وانا بعد اي شي يضايقني لازم اوصله له انا ما ودي يغتر علي |
رد : ماذا لو سالني
اقتباس:
تثقلين لو شفتي منه صدود أو عندك وجهة نظر بدك تثبتيها ... وقتها يكون الثقل له معنى ووزن لأنه ساعتها راح يفتقد كلمة أحبك لكن لو هو ما يسمعها أصلا فكيف راح يفتقدها ؟؟ وكلمة أحبك بوقتها تختلف عن حبيبي ونور عيني ويا بعد جبدي ويا طوايف هلي ويا حشاشة يوفي :) << معلش أخر اللليل والفيوزات ضاربه :) تحملي سماجة مزحي |
رد : ماذا لو سالني
اذا صد او لهى عني اصلا ما اعتبره داخل نفسي ان موجود الا لما هو اللي يبدا سؤال باتصال او اي شي
يعني من رايج اذا سالني اقوله اي احبك وشلون اقولها والله محتارة ما ودي يغتر ويصدق عمره |
رد : ماذا لو سالني
اقتباس:
موهبة حبيبتي ما بدها حيرة ولا بدها سؤال .. أكيد الصح انك تجاوبيه باللي يسر خاطره ... مو لازم كل مرة ..لكن لازم بين فترة وفترة ...وبالنهاية انتي مو خسرانه شي لو جربتي ... ولو اني متأكدة مليون بالميه ما راح يغتر لكن لو شفتي أنه اغتر خلاص لا تعيديها واسحبيها وقوليله ندمت اني بيوم ظنيت اني أحبك :) عادي قوليها بكل مشاعرك وبعفوية . اللي بداخلك خليه يطلع براحته بدون تكلف سالك تحبيني .. تتطلعي بعيونه وتفكري بهالطفل الكبير اللي قدامك اللي يطلب حب حبيبته ومحتاج يسمعها وتتذكري مواقفه الحلوة معاك وتتذكري أنه أبو بنتك وتخلي لسانك براحته يقول اللي بدو اياه .. |
رد : ماذا لو سالني
مشكورة يالغالية
لا انا اقولها وايد بس هالكلام قبل لما كنت في بيت ابوه اما لما انتقلت الى شقتي اليديدة ما اذكر اني قلتها له وراح اخذ بشورج انشالله اذا سالني مرة ثانية راح اطلع مافي جعبتي<<<<<<< سماجة تالي الليل |
رد : ماذا لو سالني
وليه ما تقولين احبك
يعني حرام الله يهديك انا ابنصحك نصيحه كوني للزوجك كما يحب وكما يريد يعني اذا كان مقبل ويطلب منك كلمة احبك اعطيها اياه اذا اعرض وقتها سوي عليه ثقل وبعدين لا تنسين انت لك جاره .. لابد تشتغل عندك مهارة الشفط ولفت الانتباه يارب وفقها لكل خير |
رد : ماذا لو سالني
اقتباس:
لا بس مو بقوة حتى ما يتفاجأ خليها عفويه وبكل برأه على حسب الظروف اذا شفتي من عيونه انه يطلب المزيد زيدي له اذا شفت من عيونه الاستغراب او الانكار على طول استوب وقفي مباشره العبره بما في عيونه .. وانت شاطره في فهمه بوركت |
رد : ماذا لو سالني
شكرا اخي عمران
مشكلتي ما احب روح المنافسة ابدا عشان جذي انا افكر في نفسي وفي بنتي وفيه هو واحس مهما سويت ماراح الفت انتباهه كثرها مشكور عالنصيحة وراح اعمل فيها باذن الله |
رد : ماذا لو سالني
اقتباس:
لما تسألينه .. ايش كنتِ تتمنين يجاوبك ؟ اللي تتمنينه منه ،، حاولي تعطينه اياه .. |
رد : ماذا لو سالني
ماشاء الله تبارك الرحمن
فرحت لك في اخر التطورات في موضوعك مع زوجك الله يسخره لك ويرده لك ردا جميلا اللهم امين نفس سؤال زوجي لي في رمضان سألني جاوبته وصرحت له اني احبه |
رد : ماذا لو سالني
مرحباا موهبه
والله يالغاليه وانتي موب محلفتني هاي حلفه اني كل مااجوف اسمج اني ادعيلج بالتوفيج مثل ماادعي لخواتي بنات ابوي ..وامي خليج ماشيه مثل ماانتي وتأكدي بوحج لمشاعرج له بالزين عمره ماراح تنتقص حقج كزوجه .. |
رد : ماذا لو سالني
كل الشكر لج حبيبتي شقردية
خلاص اذا سألني راح اجاوبه حبيبتي قلب الله يبعد عنج العذال ويسخرلج زوجج ويقر عينج بعيالج الغالية روضة يزاج الله كل خير ولج بالمثل يارب خلاص يا جماعة الخير راح اعلن مشاعري له اللهم وفق وسدد يارب |
رد : ماذا لو سالني
اقتباس:
الغالية مفروض اتكون ثقتج في نفسج اعلى منها بكثير مب عشان تتفوقين عليها او تنافسينها لاااا احنا مب في مدرسة لكن هاي حرب انثوية باردة ف لازم ترفعين مستوى الثقة عندج واتقولين انا اكيد بقدر عليه اكثر منها تكررين الجملة يوميا عشر عشرين مرات يسمونة قانون الجذب تجذبين الشي اللي تبين صوبج بالتوفيج |
رد : ماذا لو سالني
لا طبعا قولي احبك
موهبه شلون قدرتي تخلين زوجك يشيل فكره تلطلاق من راسه ويلتف لك هل استخدمتي كيد النسا ولا وكلتي امرك لربك وربك مايضيع احد طبعا |
رد : ماذا لو سالني
هلا بشرى
انا مابي ادش حرب لان راح ينقهر قلبي وراح يزيد كرهي لها واكيد في مرة من المرات راح احس بالهزيمة والصراحة ما اعبر على هالشعور بس باجرب اللي نصحتيني فيه |
رد : ماذا لو سالني
مبتعثة حبيبتي
والله اول الايام كنت وايد اتضايق بس كنت ادعي وايد لما حملت قمت استخدم كيد النسا شلون بنتك ما تتربى بين امها وابوها ... يكفي بناتك منحرمين من امهم بعد تبي تعيد التجربة طبعا غير الكلام الحلو وغير المدح وطبعا الصببببببر اللي ماله حدود والحمدلله مع الدعاء والصبر ربي يسير اموري |
رد : ماذا لو سالني
أكثر شي يحب الريال هي كلمة الشكر يعنى اشكريه كثير ليش انتم اكثر اهل النار لأنكم تكفرون العشير وتجحدون كل شي سواه وصدقيني اذا الحجي يسعده قولي له بس بحدود الريال مايحب
اللي تلزق فيه على طول يعنى كل يوم بتقولين أحبك ومدري وش الريال يحب المراه الثجيلة والعاجل صدقيني بعض الابتسام والنظرة الخجولة والدلع يكفي وبيحسج فاهمه الحياه الله يجملج بعين ريلج دايم يارب |
رد : ماذا لو سالني
من ناحية الشكر اشكر وايد
في حديث سمعته ان لا تدخل الجنة من لا تشكر زوجها وهي لا تستغني عنه الشكر مو مقصرة فيه وعبارات الثناء ويا حبي وقلبي وفديتك الخ مو مقصرة فيها بس انا سؤال اذا قالي تحبيني شنو ارد عليه |
رد : ماذا لو سالني
يعنى انتي بس وش تقولين اذا قالج تحبيني قولي أحبك
وانتهينا اعرف لج حريم اذا سأله ريلها تحبيني تقول ايه وأموت فيك وهي من جنبها ماتحب ولا تواطنه بعيشة الله الريال مو داري بللي بقلبج اجذبي وانتي تقولين احبه خلاص عبري عن حبهاااا لج |
رد : ماذا لو سالني
لا يحتاج لتفكير حبيبتي
نعم قولي أحبك وبكل مشاعرك شعوره بمحبتك يولد ليده مشاعر حب أكبر لك وشعوره بنفورك يبعده عنك |
رد : ماذا لو سالني
اوكي خلاص اذا سألني مرة ثانية باجاوبه
انزين دام احنا في موضوع الحب لما سألني ذيج المرة وما جاوبته قالي موهبة خلنتكلم عن الحب انصدمت وتعجبت ما عرفت شنو ارد عليه سويت نفسي ما سمعت ولاهية مع البنت الصراحة مواضيع ولا مرة يفتحها معاي اصلا قبل لمن كنت اساله : تحبني ؟؟؟ يجاوبني وعينه مو معاي ويقولي اي من ورا خشمه ما ادري شلون اجاوبه اذا سألني الحمدلله والشكر احس نفسي كأني توني مخطوبة وخجلانة من خطيبها هههههههههههههههههه |
رد : ماذا لو سالني
موهبة ..انتي من نوع الناس اللي تظهر انفعالاتهم على وجههم غصب عنهم وللا تقدري تخبي انفعالاتك ؟؟
|
رد : ماذا لو سالني
اي تظهر بشكل كبير
حتى نبرة صوتي تتغير |
رد : ماذا لو سالني
موهبه هذي نتيجه صبرج
جيبي اطفال اكثر ولد او بنت وكثري ذريتك |
رد : ماذا لو سالني
اقتباس:
معقووووووووول .. فلما تشاغلتي ببنتكم هو شايف وجهك وسامع صوتك وأكيد لاحظ رجفة التوتر ووجهك صار بندوره :29: يعني هو عارف ومتأكد من حبك له وبالتالي لو يبي يغتر كان اغتر وخلص ... لكن الواحد يحتاج يسمعها صريحة ويحتاج يتكلم ويناقش بالحب مع حبيبه .. لو ما تكلمنا عن الحب مع الحبيب مع من نقدر نتكلم فيه يا موهبه يا حبيبتي :) واضح ان زوجك رومانسي عاطفي لكن ظروفه الاجتماعية ومحيطه يجبره يتصرف بطريقة معينة معاكسه لطبيعته الحقيقية فيحتاج فسحة حرية يتكلم فيها براحته وعلى طبيعته ويمكن طليقته عرفت النقطة هذي وكانت مدخلها لقلبه . ناقشيه بالحب يا موهبه وافتحي قلبك له وخلي البساط أحمدي بدون حسابات ... اعتبريها مساحة حرية لك أنتي كمان ... فترة من الزمن مقتطعة من الحياة المليانه تكلف وحسابات لكل كلمة نقولها وأثرها .. فترة زمنية نرتاح فيها من كل الحسابات ونكون على السجية واللي بالقلب يطلع بدون حساب . موفقه حبيبتي والحمد لله ربي يحميكم من العين والحسد . |
رد : ماذا لو سالني
مبروك المنزل الجديد و ان شاء الله بيت عامر
قد يشعر زوجك بالذنب و تأنيب الضمير بسبب تقصيره بحقك في الفترة التي مضت وها هو الآن يتودد اليك و كأنه يقيس نبضك و ردة فعلك عامليه بالطيب و الحسنى و ادي حقوقه وهو بدوره سوف يشعر بنفسه لو قصر بشيء في الأيام القادمة فالطيب لا ينسى الإحسان و العمل الطيب افتحي معه صفحة جديدة يملؤها الحب المتبادل و الإحترام فأعلمي بأن الرجل عندما يسأل زوجته هل تحبه ام لا فهذا يعني بأنه يحبها |
رد : ماذا لو سالني
فعلا خالة بيتا زوجي عاطفي جدا ورومانسي
بس ماكان معي جذي الحمدلله ان تغير وانشالله اذا انفتح الموضوع راح اطلع كل اللي بقلبي اخوي امين الله يبارك بحياتك هو فعلا وايد يأنيه ضميره ويحس مهما سوى لي مقصر بحقي بس طبعا مزاج مرة ومرة الله يسخره لي ولبنتنا يارب |
| الساعة الآن 09:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©