اللهم اجعله خير ..
 

السلام والرحمه .. والله يعود علينا وعليكم رمضان كل سنه وكل حول ..


سؤالي وفضولي لمعرفه الاسباب كفيله في اشباع قراري وقناعتي في تفاصيل متعلقه فيني ..
بعيد عن تغكيري الخاص

سواءن كنتي مطلقه او ارمله او عازبه .
و تقدملج شاب يملك مؤهلات كافيه لاسعادج في حياتج وبالرغم معرفتج فيه انه متزوج وقبولج بالوضع

وموافقتج عليه بدون تردد .. لمصلحتج الخاصه


شو النتايج اللي راح تخلفينها من ورى خطوتج هاي؟؟؟؟؟



ارجو منكم خواتي التقيد بجواب شافي بعيد عن خلط المواضيع.. والمثاليه .. انا الحين فاضيه واساله تردد في راسي سؤال ورى سؤال ومابا ادخل بالتفاصيل الممله..




والسوحه ..

رد : اللهم اجعله خير ..
 

رد : اللهم اجعله خير ..
 

رد : اللهم اجعله خير ..
 

باقولج تجربتي

------ ماكو شغل بس انشر بهالتجربة----- هههههههههه

زوجي لما تقدم كان فيه كل المميزات اللي ابيها

كلها كلها كلها

بس عيبه ان متزوج وكان وقتها منفصل - مو مطلق - زوجته

وطبعا مع الايام ذقت الويل منه ومن زوجته بس مع الصبر الحمدلله

ربي ابدل حالي الى احسن حال

وانا متاكدة يايني الخير

حقيقة وايد مرات اتندم اني وافقت عليه واقول لو صابرة شوي


وبالمقابل وايد ايام افرح ان من نصيبي

اذا تبين شي لازم تواجهين العواصف عشان تثبتبن وتاخذينه

الاصرار والعزيمة والاعتماد على الله والتوكل عليه هي العناصر الاساسية

ربي يوفقج ويسددج

رد : اللهم اجعله خير ..
 

اشكرج عزيزتي

بس الغيره فطره غريزة فينا .. موب خياري.. واذا ع التفكير هي والله الله يكوون في عوني

رد : اللهم اجعله خير ..
 

لا عادي حبوبه الواحد لازم يذكر الناس بتجربته عشان يستفيدوون .

وكلامج ريحني وايد بالفعل اساس نجاح اي خطوه هي التوكل ع الله

رد : اللهم اجعله خير ..
 

هلا روضه تدرين اني احبج هههه شكو بس حبيت اعبر
احسج قويه وحنونه بنفس الوقت
انا مطلقه ومب صغيره بس ادعي ربي يعوضني بالاعزب سواء مطلق او ارمل وعندي يقين ربي بيعوضني خير
ليه مااتمنى متزوج لان ابوي كان متزوج على امي ومره عشت التجربه وتالمت شفت امي وحزنها والمها وبصراحه ماودي اكون سبب بالم انسانه مااعرفها
ادري شرع ربي ومحد يقدر يتكلم بس اقول لك عن شعوري
بعدين اعرف نفسي مره غيوره يعني بتعذب واعذبه معاي خاصه اني مب شاطره بكيد النساء ولا احب المشاكل
وبصراحه مافيني بهالعمر اخوض صراعات ومشاكل ومحاولات كسب سي السيد بدال مايقعد يدلعني اقوم انا وضرتي نركض لرضاه ومايصاحبه من تنازلات
قريت قصص لعضوات زي كوين وموهبه الكويت ولمسه غروب وشفتي معاناتهم بتجربتهم كوين رماها وفرط فيها وموهبه ولمسه يحاولون يثبتون انفسهم ويعانون من التهديد بالطلاق وسهوله انتهاء حياتهم الزوجيه والتفريط فيهم على الرغم من انهم شايلات انفسهم ماديا ومريحات رياجيلهم بس يظلون الجانب الاسهل التفريط فيه
الله يكتب لك السعاده روضه لاتدخلي هالخطوة الا انتي عارفه كل شي وشارطه شرطك ومامنه وضعك
الحب مهب كل شي
شي مهم طبعا بس فيه اشياء ثانيه بعد مهمه
استخيري استخيري واعرفي مثل ماقلت وضعك
انتي راضيه بسالم كذا بوضعه ولا تقولي لنفسك ماعليه نتزوج ونغير من وضعه
لا حطي ببالك ان هذي بتكون حياتك معه للابد راضيه فيها وسعيده واستخرتي خلاص توكلي على الله
لاتقولين بجمالي وفلوسي ودلعي بغير وبخليه يسوي كذا وكذا لا الرجال ماغشك وانتي عارفه وضعه
الله يوفقك دعواتج لي

رد : اللهم اجعله خير ..
 

تدرين الغاليه اتلفت في البيت واسال نفسي لو انج ياامي موجوده جان تركت القرار لج .
بس الحين لاونيس ولاحسيب غير الشياطين في راسي يلعبون بي بأسالتهم.
والله مامبتعثه ادري بتجارب الخوات ادري انه موهبه صابره ولاعمرها اغلطت ع زوجها والعنت خيره بالرغم من قسوته معاها وكوين ربي يكون في عونها


بس الشي اذا مسج تحسين بعمرج في البحر مرة الموج يرفعج فوق ومره يفرج بالقاع وكل هدفج تحفظين توازنج عشان توصلين لغايتج


والله يامبتعثه اني احترمج واحترم تجربتج بالرغم من قسوتها شوي.. الا اني اتمنالج التوفيج

رد : اللهم اجعله خير ..
 

بس حبيت اوضح شغلة اختي مبتعثة

انا مو شايلة نفسي ماديا

هو اللي يصرف عالبيت كله من الى غير الاجار

صحيح ان معاشي قوي ولله الحمد بس الريال له دوره والمرة لها دورها

وبعدين اختي روضة انا مع زوجي ما كان بيننا حب نهائيا وهو اساسا ما كان له رغبة بالزواج بس ارضاء لامه تزوج


عموما شنو ما كان الهدف الحمدلله ان حياتي الان مستقرة وسعيدة


نسيت اذكرج يشغلة لقيت لها الاثر الكبير في حياتي اللي هو


الدعااااااااااااء

انا كل شي تغير بحياتي عن طريق الدعاء كنت ادعي بكل لحظة وبكل وقت

والحمدلله ربنا كريم ورزاق ورحيم

ويرزق الانسان على نيته

رد : اللهم اجعله خير ..
 

روضة
انا زواجي الاول كان من متزوج
راح اذكر التجربة بعدين

رد : اللهم اجعله خير ..
 

في انتظارج عزيزتي

رد : اللهم اجعله خير ..
 

اكيد الغاليه تجربه عن تجربه تفرق والهدف راحه بال والدعاء نعم اشهد انه مقصرين فيه وايد..والله يديم المحبه بينكم ان شالله

رد : اللهم اجعله خير ..
 

موهبه اعتذر جد ماكان قصدي اتدخل بحياتج سامحيني وسعيده ان زوجج يصرف عليج معناته مهتمةفيج لله الحمد
فاكهه جد كنتي متزوجه من متزوج اول مره ادري ليت تفردينها برد طويل
لانهم يقولون دايم المطلقه ماتاخذ الا متزوج وانتي العكس
الله يوفقكم ويوفق روصه حبيبتي .روضه استخيري اكثري استخاره ومتاكده ربي بيوجهج للطريق الصحيح

رد : اللهم اجعله خير ..
 

طبعا سوالك بتختلف اجابته
حسب الي يرد
حسب ظروفه وبيئته واولوياته

مادري صعب اجاوبك من خيالي
يمكن كنت اوافق على اساس تجربة
ان نجحت خير وبركة ولو مانجحت عادي
(خاصة لو كنت احبه مثلا او اذا كنت
بعمر كبير ماعاد يجوني فيه خطاب
او اذا كان في مضايقات ببيت اهلي واهلي
ضاغطتين علي او غيرها من الاسباب الي تشجعني
عالاقدام)

وممكن كنت ارفض لانه متزوج واقول لنفسي
ويش لك بوجع الراس .. مشاكل رفض زوجته
الاولى اكيد بتخليه بهم ونكد و هذا طبيعي
ينعكس على حياته معي ..
الغيرة وماادراك مالغيرة خاصة اني اعرف نفسي
غيورة .. فكيف بستحمل وجوده عندها
وبقعد اتخيلهم سوى ..

يمكن اكثر مايخوفني من الاقدام
هو مسالة الاطفال!
لذا افضل عدم الانجاب لفترة

يمكن حيرتك بردي
بس فعلا القرار صعب صعب

الله يكتب لك الخير ويوفقك للقرار الصح ..

رد : اللهم اجعله خير ..
 

لا والله عزيزتي ردج صحيح . لازم الواحد يتوسع بتفكيره ..


اشكرج وماقصرتي

رد : اللهم اجعله خير ..
 

ان شالله اختيه

رد : اللهم اجعله خير ..
 

6.8.2013..


اكتفي بهذا القدر .. بسير الحق واخلص سامان العيد ماخلصت امور وايده من الكسل.. يمكن باجر العيد حسب الاخبار المنتشره في برق الامارات مع قضاء يوم بنسبق لجنه رؤيه الهلال في شؤون الاوقاف قبل لاتصدمنا بخبر باجر العيد..


وامبارك عيدكم كل سنه وكل حول .





يرجى غلق الموضوع لانتهاء الغرض منه

رد : اللهم اجعله خير ..
 

مرحباااا
انا عن نفسي مااقبل راجل متزوج بالمره
مااقدر ابني سعادتي على تعاسة واحدة ثانية من سابع المستحيلات
الا اذا كان مطلق وحتى لو عنده اولاد عادي انا بربيهم ومااظن انه شي واحده تربيهم وتحبهم احسن مني لأني جربت هذا الشي مع اهلي والي عشته دايم كنت اتمنى ربي يرزقني بواحد مطلق او ارمل وعنده اولاد صغار لأني انا الي راح احس فيهم واعطيهم الي ان اتحرمت منه
بس اقبل تكون عندي ضرة هذا اذا فكر يتزوج من بعدي لأنه مستحيل يعملها هههههه
الله يرزقنا بالي فيه الخير يارب

رد : اللهم اجعله خير ..