|
لا أعلم هل قبلوا بي ام لم يقبلوا وما تفسير هذا التصرف ...؟
السلام عليكم ورحمة الله وبركاته
عمتم صباحاً او مساءاً // بعضكم اكيد يعرف موضوعي السابق في قسم المتزوجين والي صار فيه صولات وجولات وانتهت بالطلاق قبل أيام والحمدلله على كل حال .. طبعا انا متزوج سابق وعندي ولد وعايش عند امه وجدته (خواله) في مدينه تبعد عني حوالي 4 ساعات بالسياره .. المهم توكلت على الله واقدمت على خطبه فتاة من عائلة كريمه واتصل اخوي على ابوها وعرض عليه الموضوع قال ابوها ابي اشوف الرجال .. اتصل علي اخوي وعلمني قلت اوكي راح اقابله ..ثم اتصلت على ابوها وواعدني على الفطور هذا الكلام قبل 4 ايام ورحت له وجلست معه لوحدنا وافطرنا وجلسنا بعد الصلاه تقريبا ساعه ونصف والغريب ماسألني عن اي شي ..! فقط سواليف عاديه اخر شي قال باقي 5 دقايق على الصلاه واني ماسألتك ومن هالكلام لكن لي اتصال معك وبيننا تلفون ..! مر اليوم الاول والثاني والثالث والرابع ولا اتصال ولاشي قلت قبل ما اقدم على خطبه اخرى خلني استفسر منه اتصلت عليه مقفل واخوي اتصل امس مقفل وارسلت له رساله سلمت عليه وقلت انك تبي تتصل علي ولاكلمتني عسى المانع خير (انا ابغى يعطيني كلمه يانعم او لا) الرسالته وصلته لكن الى الان ماتصل وقلت لاخوي قال ممكن في مكه او مسافر ..الخ مادري تفسيركم للحاصل هل هي زحلقه محترمه او هي العاده كذا او كيف !! وشكرا |
رد : لا أعلم هل قبلوا بي ام لم يقبلوا وما تفسير هذا التصرف ...؟
جايز انت عطهم اسبوع وان ماردو خلاص
|
رد : لا أعلم هل قبلوا بي ام لم يقبلوا وما تفسير هذا التصرف ...؟
مرحبا اخويه
اصبر لين عقب العيد ان شالله واعذرهم ولاتتصلبهم اكثر من جي وخلهم يسالون عنك ع راحتهم.. عقب العيد باسبوعين . ان شالله ارجع اتصل وان ماردوا غض النظر ... اركد يااخوي ترى العيله موب زينه.. والله يااخويه من قريت خبرك وانا صارت فرحتي فرحتين فرحه تخصني بخبري وخبر انك قررت اجوف حياتك ولاتوقف عند اللي راح ربي ان شالله يحققلك امانيك ويدخل السرور بقلبك |
رد : لا أعلم هل قبلوا بي ام لم يقبلوا وما تفسير هذا التصرف ...؟
اسفه ساخرج عن الموضوع قليلا
ارجوك اخي لا تقدم على خطبة حتى تندمل جراحك فادخال ملف على ملف اخر لم يغلق يحدث تشويش بالذهن و ضغوط عصبيه ارجو لك من الله التوفيق |
رد : لا أعلم هل قبلوا بي ام لم يقبلوا وما تفسير هذا التصرف ...؟
المفروض انك تصبر
ولا تدز مسج تسأل عن الرد بعد 4 ايام بصراحه استعجلت امور الخطبه مرات تاخذ فوق الشهر ويمكن هم الى الان ما قرروا يبغون يسألون ومو محصلين عنك معلومات كافيه فلما تزن عليهم وبتعرف الجواب يمكن يقولوا ما فيه نصيب فالصبر والثقل مطلووووب حاليًا اصبر يمكن عندهم ظرف ما ينفع تخطب وهم ما ردوا عليك |
رد : لا أعلم هل قبلوا بي ام لم يقبلوا وما تفسير هذا التصرف ...؟
العلم عند الله ؛ يمكن اي ويمكن لا.
طبيعي عند بعض الناس أكيد يقولون هذا توه مطلق مااسرع يخطب ! واحد نفس وضعك وانرفض من كثر مايدق ويرسل ابو البنت حط له حظر لمكالماته. بدري على الخطبة والزواج اطلع من حالتك بعد الطلاق وبعدين دور على عروس. |
رد : لا أعلم هل قبلوا بي ام لم يقبلوا وما تفسير هذا التصرف ...؟
ليتك تأنيت في إرسال الرسالة على الأقل إلى ما بعد العيد لا تستعجل الأمور ولا تقلق كثيرا . أسأل الله أن يكتب لك الخيرة في أمرك . |
رد : لا أعلم هل قبلوا بي ام لم يقبلوا وما تفسير هذا التصرف ...؟
أمر الله من سعه
أنت بالحيل عجل .. خابر رمضان داخل و طالع محد فاضي فأصبر شوي |
رد : لا أعلم هل قبلوا بي ام لم يقبلوا وما تفسير هذا التصرف ...؟
ليه الاستعجال
حنا بالعشر الاواخر ممكن بمكه هم معهم ضروف يسآلون عنك لو تنتظر للعيد افضل والله يقدم الخير لك |
رد : لا أعلم هل قبلوا بي ام لم يقبلوا وما تفسير هذا التصرف ...؟
رأيي مت رأي اﻷخت لينة العريكة
|
رد : لا أعلم هل قبلوا بي ام لم يقبلوا وما تفسير هذا التصرف ...؟
السلام عليكم
عذرا على التاخير كل الشكر لكم جميعا وجزاكم الله خير في هذه الليله المباركة بالنسبه لمن يقول اني مستعجل بالعكس انا ماستعجلت ولكن كان من المفترض انه يسالني اول عن كل شي بعدها بعطيه وقتي كله الى ان يسال عني وله الى شهر لكن استغربت انه قال بيني وبينك تلفون والى الان ماتصل لاني ابغاه يسال وش سبب طلاقي وكيف وليه ومتى وهل انت مقتدر وظروفك تاهلك للزواج مره ثانيه.....الخ اما بالنسبه للصبر فاعتقد اني صبرت بما فيه الكفايه وسبع شهور ماهي قليله علاوه على اني وحيد يتيم الابوين.... وساكن لوحدي حاليا وانا لوحدي واكل واشرب لوحدي... ولو اني اروح للاهل كل يوم او يومين ولكن الوحده تقتل ياجماعه! كل ما اطمح له الان هو اعادة ترتيب اوراقي من جديد والاستقرار الي هو اهم مطلب.... واللهم عجل بزواجي عاجلا غير آجل وارزقني وكل محروم بالطمأنينه والاستقرار وارجو منكم الدعاء لي بالفرج القريب ولكم المثل. |
رد : لا أعلم هل قبلوا بي ام لم يقبلوا وما تفسير هذا التصرف ...؟
ليس كل مقاس ( للباس ) يمكن أن يناسب الجميع، وأنت يا أخي لديك ظروف مختلفة عن الآخرين ، ولا ألومك على استعجالك الرد ، فالوحدة قاتلة للجميع ، وليس من يعيش بين أهله وأشقائه كمن هو وحيد .
وليس من العيب أن تترقب ردهم ، ولا يمكن إجبارهم على الموافقة ، ولكن لو أخبروك أنهم يريدون مهلة كذا للسؤال ، وهذا من حقهم ، أما الصمت فهذا أمر غريب ، ولكن انتظر إلى ما بعد العيد ، وما هي إلا أيام قلائل ويقدم الله ما فيه الخير لكم ، واجتهد في هذه الأيام الفضيلة بالدعاء أن يوفقكم الله في حياتكم القادمة . |
رد : لا أعلم هل قبلوا بي ام لم يقبلوا وما تفسير هذا التصرف ...؟
من عائلة لعائلة يختلف الحال
اصبر وانتظر رده وانصحك بعدم الإستعجال والخطبة من أي عائلة اسئل عنهم من يعرفهم قبل الإرتباط بهم اسئل عن شخصية الأم والأب والأخوة ولا تسئل من سيجاملون , بل اسئل من تظنه ناصحا يخاف الله ويتقيه قبل الجواب |
رد : لا أعلم هل قبلوا بي ام لم يقبلوا وما تفسير هذا التصرف ...؟
دعوت لك اليوم أن يخلفك الله خيرا عاجلا غير آجل ..
|
رد : لا أعلم هل قبلوا بي ام لم يقبلوا وما تفسير هذا التصرف ...؟
اقتباس:
تقول تبغاه يسألك عن سبب طلاقك ولو اني ما اعرف مشكلتك وما تفرق كثير ومبين عليك انت بتفضفض له وتطلع فضايح طليقتك علشان انت تطلع بالصوره الحلوه نصيحتي لا تشرح سبب طلاقك الستر زين وراح تطلع بصوره طيبه عندهم قول ما صار نصيب |
رد : لا أعلم هل قبلوا بي ام لم يقبلوا وما تفسير هذا التصرف ...؟
-أسأل الله أ يرزقك بالزوجة الصالحة عاجلاً غير آجل.. -انتظر لمدة 7 أيام أو إلى يوم العيد فإن لم يأتك أي اتصال فيمكنك التصرف حينئذ بالاتصال عليه أو الخطبة في بيت آخر.. |
رد : لا أعلم هل قبلوا بي ام لم يقبلوا وما تفسير هذا التصرف ...؟
اتفق مع اخوي بدوي مابستعجل بالحكم عليك لكن تحمل تقول كلمه شينه عن طليقتك
لانه بيقول اليوم رمس عن طليقته بالشينه باجر بيرمس عن بنتي اذا ماتوفقوا مع بعض.. تحمل يااخوي ... عطه اسبوعين عقب العرس خل يسالون عنك وانت اسال زين عن البنت .. والله بيوفقكم |
رد : لا أعلم هل قبلوا بي ام لم يقبلوا وما تفسير هذا التصرف ...؟
يا اخي انا اتبع القول القائل " من يريدني يجدني انا لا اجري ورا احد "
|
رد : لا أعلم هل قبلوا بي ام لم يقبلوا وما تفسير هذا التصرف ...؟
اقتباس:
وما تنفع المبالغه بتطنيش الناس على اساس اللي يبيني يلقاني المفروض تسعى والتوفيق من الله الناس ماهي ميته اذا ما زوجت بناتها الثقل من طرفهم مرغوب باعتدال والسعي من الرجل مطلوب باعتدال |
رد : لا أعلم هل قبلوا بي ام لم يقبلوا وما تفسير هذا التصرف ...؟
شكرا للجميع
ولاجديد للاسف ...لم يتصل الى الان .. |
رد : لا أعلم هل قبلوا بي ام لم يقبلوا وما تفسير هذا التصرف ...؟
لاتتشام يااخوي ترى الناس مشغوله اصبر شوي بس عقب مرخوص ومعذور باللي بتسويه
|
رد : لا أعلم هل قبلوا بي ام لم يقبلوا وما تفسير هذا التصرف ...؟
اقتباس:
|
رد : لا أعلم هل قبلوا بي ام لم يقبلوا وما تفسير هذا التصرف ...؟
حسيت فيك بصراحه وانت صادق الوحده تقتل ، استخير الله وكل امرگ لله م بتندم اذا فيها خيره ربي بييسرها اذا شر ربي بيصرفه ، الله يوفقگ ،
|
رد : لا أعلم هل قبلوا بي ام لم يقبلوا وما تفسير هذا التصرف ...؟
السلام عليكم ورحمة الله وبركاته..
الله يفرج همك ويشرح صدرك http://m.youtube.com/watch?v=mwD41j4...eature=related |
رد : لا أعلم هل قبلوا بي ام لم يقبلوا وما تفسير هذا التصرف ...؟
اقتباس:
البيت خالي يااخوي لاحس ولاروح فيه الاخوان في صوب وخوات الله العالم اان كانن مرتاحات مع ازواجهن او لا واب ربي يحفظه عايش لعمل الخير ودنياه الباقيه ومتناسي وجودنا.. كبرنا صحيح اعتمدنا ع انفسنا ماانكر هالشي لكن نظل اطفال من داخلنا بحاجه لان نتوسد روسنا على حضن من كان لنا حضن وامان في يوم.. بتلقاها يااخوي بأذن الله بتلقاها .. وبيقولووون كااااان هناك شاب يتيم وصبر والله عوض صبره خير.. اصبر يااخوي ولاتخلي الطامعين يطمعون فيك الناس مافيها خير هالوقت.. |
رد : لا أعلم هل قبلوا بي ام لم يقبلوا وما تفسير هذا التصرف ...؟
الشكر موصول لكم جميعا وجزاكم الله عني كل خير. ...
كلمت ابوها اليوم ورد علي كوفحصنده ظرف وتحمدله بالسلامه وقلت له الموضوع بعد ماسلمت عليه وطولت بالسلام ان كان فيه قبول ولا اشوف وضعي طبعا قلتها باسلوب وهو يقول انا من عندي والله موافق لكن مابعد قلت للبنت الى الان! !!!! قلت اسمعني لاتستحي مني الموضوع هذا مافيه حيا اذا فيه قبول الله يوفق وان ماكان فيه قبول الله يوفق ايضا علمني واسالني واي شي تبيه انا كتاب مفتوح قال انا اعرف ابوك وكان رفيق لي ونعم الرفيق و...و...الخ قلت الله يجزاك خير بس لاتستحي مني قال انتظر لين اكلم البنت والله يسهل ولاعليك ابد انا من عندي ابشر بس بكلم البنت .. قلت.ابشر وانتهت المكالمه عاد متى الرد مادري والله ان مارد لي خلال اسبوع بتوكل على الله وادور لي بيت ثاني.... |
رد : لا أعلم هل قبلوا بي ام لم يقبلوا وما تفسير هذا التصرف ...؟
اقتباس:
في احتمالين ان يكون كلامه صحيح وبهذي الحاله لازم تنطر جوابهم او انهم رافضين سواء من طرفه او من طرف البنت ويبي يرفضك برد طيب ومحترم ولا عطيته فرصه يجاملك والمفروض تتظاهر انك مصدقه بس المشكله انك ما مسكت نفسك وقعدت تسأله كأنك تكذبه يا اخي طوف واصبر واثقل منت واثق من نفسك ! ترى شكلك غير مقبول وانت تركض ورى سؤالهم وملزم بتعرف جوابهم طلعت بمنظر غير مقبول ومستغرب تقول ردوا لي خبر والا بشوف وضعي !! ليه انت لاقي بنات كثير وحاطهم على قائمة الانتظار من بنت الى بنت يبيلك مدة اشهر على حسب التوافيق والا بنت وخلاص مجرد طريقتك واسلوبك كفيل ان يكون سبب لرفضك |
رد : لا أعلم هل قبلوا بي ام لم يقبلوا وما تفسير هذا التصرف ...؟
يا اخي الكريم يابدوي حساس اتمنى تطلع منها ياخي ماني ناقصك من شفتك تلاحقني من موضوع لموضوع وتتهجم وانا ساكت ارجوك لاتخليني ارد عليك رد ماتبيه. ...رجاءا مانبي منك حلول الله يستر عليك
|
رد : لا أعلم هل قبلوا بي ام لم يقبلوا وما تفسير هذا التصرف ...؟
اقتباس:
والا تبي نصايح تخديريه لك ومجاملات قاعد نعلمك تصرفك بملاحقة المخطوبه وطلب معرفة النتيجه بهذي الطريقه غير مقبول وما شفت احد من الاخوان بين لك هالنقطه وابي اعرف متى تهجمت عليك !! واتوقع فيه اسلوب افضل من اسلوبك والكلام معاك منتهي |
رد : لا أعلم هل قبلوا بي ام لم يقبلوا وما تفسير هذا التصرف ...؟
اقتباس:
|
رد : لا أعلم هل قبلوا بي ام لم يقبلوا وما تفسير هذا التصرف ...؟
رجل بلا مدينة
بما ني بنت اتوقع ان الاب موافق والبنت رافضة والرفض قد يكون خوف او تردد او قلق او...او.. من دلع البنات والاب يبي فرصة عشان يقنعها لانك عاجبه لو انهم رافضينك رفض قاطع ماجاملوك هالامور مافيها مجاملة خصوصاً اذا الرفض جاي من الرجال توكل على الله وادعي بالخيره احينا نتمنى اشياء بكل قوتنا ثم نندم انها حصلت والعكس بالعكس ادعي بالخيره وبالنسبة لرد الاخ بدوي بالنسبة لي كبنت لو شفت اصرار شاب علي بنبسط وبحس انه جاد وشاريني وبالعكس هالشيء يخليني افكر فيه بدل المرة الف يعني تصرفك سليم مية بالمية يمكن الكلمة اللي قلتها ( اذا مافيه نصيب اشوف غيركم) يعني هذي اللي اخذتها عليك لكن بما انك تقول اني جبتها باسلوب اذن مافي مشاكل ان شاء الله وراح يفسرونها بانها وضوح من طرفك وجدية (رجل مايحب البربسة ) موفق والله ينولك ماتمناه ان شاء الله |
رد : لا أعلم هل قبلوا بي ام لم يقبلوا وما تفسير هذا التصرف ...؟
اخوي هذي خطبه مو لعبه بتاخذ وقت وفيه ناس شهر
انت مطلق والمطلق الناس تتحذر وتسال عنه اكثر الله يوفقك |
رد : لا أعلم هل قبلوا بي ام لم يقبلوا وما تفسير هذا التصرف ...؟
شكرا لكم جميعا وجزاكم الله خير... اتصل علي قبل العيد بيوم اخوي وكلمني بخصوص الموضوع وقال اني كلمت ابو البنت والرجال ماعنده مانع ولكن قال اصبر الى بعد العيد وابشر بالخير بكلم البنت لاني مابعد قلت لها شي وانا الاسبوع الي مضى عندي ظرف وكذا ....الخ
والله يكتب الي فيه الخير يارب .... لاتنسوني من دعائكم فأنا لم انسكم .... |
رد : لا أعلم هل قبلوا بي ام لم يقبلوا وما تفسير هذا التصرف ...؟
يسر الله أمرك وكتب لك الخير حيثما كان
|
| الساعة الآن 12:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©