اشلون اوقفه عند حدوده؟؟
 

السلام عليكم
انا من كم يوم كتبت لكم مشكلتي مع زوجي من بعد الولاده واحنا ما قربنا من بعض وليوم ابي اخذ رايكم وحلولكم علشان تساعدوني بهالمشكله
امس تزينت وتعطرت ولبست قميص نوم جديد وصرت على احسن ما يمكن في انتظار زوجي العزيز انه يرجع للبيت ويلقاني باحسن صوره ..ولما دخل البيت تتوقعون شنو ردة فعله؟؟
نام!!!!!!!!تخيلوا ولا حتى علق على شكلي او مدحني ولا شي!
طبعا انا عصبت وايد وايد وما خليته ينام وطلبت منه نتناقش ونحل هالمشكله الي هي انه دايما لاهي عني ومسؤولية البيت كلها على راسي ومع هذا كله مو قاعده القى متعة الفراش الي ممكن تعطيني دافع اني اتحمل قسوة الحياة الزوجيه..
وصار بينا نقاش حاد واخرة كلامه اذا مو عاجبج روحي بيت اهلج وعيالج ما راح تشوفينهم!!
انا ادري ان هالكلام من ورا قلبه ومتاكده بعد بس ابي منكم حل يخليه يلزم حدوده وما يقول لي هالكلام مره ثانيه؟ واشلون اقدر اخليه يحس بقيمتي

اشدعوه ولا رد؟؟ والله اني بحاجه لردودكم

اختي القطوووه : بصراحه انا موضوع زوجك محيرني من مشاركتج الاولى لان مهما الانسان يكوون عنده برود جنسي ما توصل فيه لهذه المرحله ............. الجنس فطره الله حطها في الانسان مثل الاكل والشرب انا انصحج #1 ان ترجعييين حق ربج وتدعينه يرجع لج زوجك بالصوره الي تبينها #2 راقبيه بطرييقه غير مباشره جووفي شنو يحب ؟ كيف يقضي برع وقته ومع من ووين حاولي انك تتصلين فيه في وقت العمل انا مب قصدي اخرعج لكن محد يدري الغيب وشنو ورا هالفتوور بينكم


طبعن اهم شي انك ما تبينين له وتتعدلين له دايمن

شامبو55...والله كلامك يخوف انا ما اتوقع عنده وحده غيري لاني ادري انه مشغول اذا انا مو قادر علي بيقدر حق غيري؟!

هو كل يوم على الحال دايما تعبان ...وبعدين نا ما استعديت وتزينت الا له ومنت مستعده اسوي له الي يبي لكن لما يعطيني ظهره ويشخر احس ان اعصابي فلتت مني

انا مع كلام الاخت ميما . . . .
وعسى الله يهدي زوجك . .

السلام عليكم

سبحان الله ياختي يمكن متضايج شوي, او تعبان, او يبغي يتغلى شوي ههههههه وانتي سرتي دمرتي كل شي بعصبيتج .
كنتي رحتي له واتفاهمتي وياه وعطيتيه من الكلام الحلو شوي بدال هذي العصبيه يمكن يراجع نفسه .

والله يكون في عونج
وكل شي بالهداوه اختيه

الله يهدي الجميع
وسلامتكم,,,,,,,,,,,,,,,,,,,,,,,,,,,

اهلا اختى 000000000أصبري عليه يابنت الحلال ما اظنه راح يكون كذا طول الوقت تحمليه شوي معليش
دايم نقول التفاهم حلو للزوجين بس أختيار الوقت المناسب مهم0ما أظن زوجك طول الوقت مشغول أختارى الوقت المناسب تفاهمى معه بهدوء00000000 حاولى انها تكون خارج غرفه النوم وليش ماتكون أبتسامه حلوه وانتى تتفاهمى حتى لو كان هو عابس خلى أبتسامتك تنتصر على عبوسه
لا تبدأى بعرض مشكلتك وانه مقصر معك
أبدأى بالسؤال عنه (( وش مضايقك ياعمرى وش فيك تعبان سلامتك يابو عيالى من الضيق00000الخ )) وانتى وأسلوبك القصد انك تحسسيه انك معه حتى لو ماعرفتى وش مضايقه بس يكون حس انك مهتمه فيه
حلوه الفكره حقت الاخت ميما مساج خفيف على الكتوف 000000000وتتعدد الافكار الخ الى قصدته هيئ الجو المناسب عشان تتكلمى معه فى مشكلتك
المهم يا أختى لا تضايقي عمرك اعتبريها فتره وتعدى ولو انى احس ان زوجك فيه شي مضايقه يمكن من العمل او اهله او اى ضرف بس اعتبريها فتره وتعدى وتذكرى الواحد مو كل ايامه حلوه وسعيده يوم حلو ويوم مر
بس انتى أصبري وتحمليه وأنشاء الله خير

فى الاخير أتمنى انى افدتك ولو بالشئ البسيط لأنه بصراحه ماعندى خبره فى هالامور ومذكب عليك أحس انى مانى مقتنع بردي بس انتى خذى الى يعجبك ويقنعك
واتمنى لك التوفيق فى حياتك واللله يسعدك يارب قولى أمين

وفى الختام السلا111111111111م

السلااااام عليج اختي
وين الحب اللي بينكم .......عشان يوم واحد ماستوى اللي في خاطرج فيه تسوين ها كله.......يمكن هو كان متضايج او في شي متعبنه.....كنتي تقدرين تلمحيله بأسلوبج ;) (اي حركة تخلينه يفهمها...بس في اوقات الواحد مايكون مستعد للمعاشرة.....يا حرمة اصبري عليه ....ترى هو ابو عيالج......احمدي ربج ناس سوو نفس الحركة والحين يالسين يشتغلون في بيوت امهاتهم (الله لا يقول)....حاسبي ترى اللي سويتيه مب شوية......مب عيب انج تتأسفيله على اللي أستوى وألحين سيريله وتأسفي وبوسيه على راسه وأحضنيه .....صدقيني بتكبرين في عينه.....بسرعة اذا فات الفوت ماينفع الصوت........ ياحريم يودوها على الرياييل

.

انا مع الأخوات اللي يقولون اصبري

سؤال صريح للاخت قطوه
لم يقربك ابدا ابدا او فيه على عجل
يعني بسرعه واذا كان نهائيا لم يقربك
يكون خايف من التغيير بعد الولاده
او انه تزوج وانت نفاس يمكن

شكرا لكل من رد علي ولو ان ردودكم كانت قاسيع شويه وانا حالتي النفسيه جدا صعبه في هالوقت
شكرا على الروابط بنت الموج