|
اه اكرهه كره شديد
السلام عليكم
طليت الطلاق من زوجي البارح وقال ابي مهري المهر صرفته كله ماقدرت اتقبله ابدا اخاف من غضب الله علي زوجي صابر علي بس والله موبيدي اكرهه كره شديد الله يتوب علي ويغفر لي قلتله ابي اجلس عند اهلي ثلاثة ايام عشان اشتاقلك ورفض لان عنده رحلة يوم الاربعاء عمل للطايف لمدة شهر مو قادره اتحمله |
رد : اه اكرهه كره شديد
تزوجتي ... ماشاء الله مبرووووووووووك ....
عليك ياختي بالرقيه الشرعيه واستمري عليها .... |
رد : اه اكرهه كره شديد
مكانه المناسب
|
رد : اه اكرهه كره شديد
وش سبب كرهك له ؟
اتذكر انك تعلقتي فيه مره وهو تعلق فيك بعد النظره الشرعيه ؟ |
رد : اه اكرهه كره شديد
اقتباس:
اختي اصيله هذي مشاعري من ناحبته من اول ليله بعد الدخله ان شاء الله اقرا الرقيه |
رد : اه اكرهه كره شديد
اقتباس:
احب طليقي مو قادره انساه خصوصا قبل ادمانه |
رد : اه اكرهه كره شديد
يااختي تعوذي من ابليس
طليقك خلاص راح بحال سبيله ويا اختي والله انا حاسة فيج اول رجل في حياة المرة مستحيل ينسي بس ذكري نفسج بمساوئ طليقج وبمميزات زوجج يوم عن يوم راح تتعدل الاوضاع عندج الله يسعدج يارب |
رد : اه اكرهه كره شديد
لاحول ولاقوة الا بالله
هادي عين بلاشك ولا كيف كرهتيه وانت اصلا حبيتيه بعد الرؤية ارقي نفسك وسورة البقرة واستغلي سفره في الرقية وقراءة سورة البقرة وقيام الليل وتكثيف الدعاء بان يقلب قلبك و يرجع يحب زوجك الله يهديكي |
رد : اه اكرهه كره شديد
اقتباس:
كنت فرحانه بزواجي منه وهو نفس الشي اشتقت له كل شي يذكرني فيه احب هدوءه وعقلانيته وطيبته بس رفقاء السوء هم سبب في ضياعه |
رد : اه اكرهه كره شديد
ما أسباب كرهك وعدم تقبلك له ؟ هل هناك أسباب واضحة و منطقية ؟
|
رد : اه اكرهه كره شديد
وبعدين معاك يا قلب .. !!!
مع احترامي لك وتفهمي لوضعك النفسي انتي تفتحين مواضيع للفضفضه فقط .. ولا تاخذين بالاراء ابدا .. مع انه كل اللي قلناه حكمي عقلك حكمي عقلك حكمي عقلك .. ابدا .. مصرة تعيشين دور الضحيه والمشكله انتي اللي تسبين لنفسك المشاكل اصلا .. تتذكري لما قلت لك راجعي اخصائية تساعدك في مشكلتك.. بعد طلاقك من زوجك الاول ..؟ للان انا عند رايي انتي محتاجه مساعده اهل الاختصاص .. بعدك ما فقتي من الصدمه الاولى .. قبلتي خطيبك الثاني وملكتي وتطلقتي وانخطبتي المرة الثالثه والحين طالبه الطلاق بالله يا قلب هالمواضيع كلها كم المده اللي بينهم.. ؟ اصلا طلاقك من ابو عيالك كم صار له ؟ لين متى تبينا نجاملك؟ تتذكري شو رديت عليك لما قلتي في حد متقدم لي المرة الثالثه؟؟ اقتباس:
اقتباس:
تتذكري في موضوع العمليه قلت لك انسي الزواج فترة وروحي اشتغلي خلي يكون عندك دخل اي شيء تعتمدين عليه وتامنين مستقبل عيالك .. قلت لك يا قلب اقتصدي .. انتي تصرفين كثير تعلمي كيف تديرين امورك الماليه واقتصدي .. الحين بالله وين راح المهر في هالفترة القصيييرة ؟؟؟!!! ما اقول غير الله يسامح اللي شجعك على الطلاق من زوجك الاول .. ومعليش سامحيني على قسوتي .. لكن نحن لما نخصص من وقتنا ونرد على المواضيع مش عشان زياده في عدد المشاركات .. انما مهتمين في الموضوع ومتالمين لوضع صاحبها .. واقل شيء يقدر صاحب الموضوع يقدمه لنفسه هو انه يفكر في الاراء ويطبق المناسب .. معقوله كل الناس غلطانه وانتي الصح؟ شوفي كم وحده قالت لك تــمـــهــلـي .. ما قلنا لك انسي الزواج .. قلنا لك اجلي الفكرة شوي .... الحين نصيحتي لك كالمعتاد.. لا تتسرعي... وفكري بعقلك .. والله يكون في عونك وعون عيالك .. |
رد : اه اكرهه كره شديد
مع داماس وبقوة
لازم تغيرين تفكيرك وإلا سيكون الطلاق الثالث حلقة من سلسلة مشكلات لا نهاية لها |
رد : اه اكرهه كره شديد
داماس
المهر ماصرفت منه الا العطور والقمصان بس ونصه انسرق من الشنطه وانا في المشغل يوم الملكه مابقى منه الا عشره كانت الشنطه نسيت في الصاله ودخلت غرفة المكياج كان زوجي اتصالاته كثيره |
رد : اه اكرهه كره شديد
الله يسامحك ياروح الطير وجزاك الله خير
انا حبيت افضفض |
رد : اه اكرهه كره شديد
قلب دومج تقولين جزء من القصه و مب القصه كلها علشان الواحد يساعدج... تقولين الجزء اللي تبين الناس تتعاطف معاج فيه...
مع طليقج الاول ما ذكرتي ابدا انه طلقج مرتين.... و نصحناج بالطلاق لان العيشه معه صعبه و هددج بالسكين وخفنا عليج.... و تفاجأنا بعدها انها الطلاق الثالث... مع الثاني حطيتي عالريال حط.... متناسيه انه مب لعبه بيدج انتي و اخوج علشان تملجون و بعدها تطلبين الطلاق على طول...مع الثالث نصحناج بالصبر قبل العقد... و كالعاده اذن من طين واذن من عجين.... صدق نضيع وقتنا معاج... طنشتي كل شي و ملجتي... و الحين بعد اسبوع من الزواج طلبتي الطلاق بحجه "واااااااااااااااااااااهيه" نعم... من حقه ترجعين له المهر.... كاااااااملا... لانه حالتج تعتبر "خلع" مب طلاق.... الزواج مب لعبه يا قلب... والناس مب لعبه في يدج و يد اهلج... تتزوجين و الناس تدفع و بعدين تطلبين الطلاق... حكمي عقلج... زوجج مدحتيه وااااايد و طرتي فيه... مب ياهل علشان تطلبين الطلاق بدون سبب... اه صحيح... موضوعج للفضفضه و مب علشان ايجاد حلول... فاسمحي لنا لو غثيناج... |
رد : اه اكرهه كره شديد
اقتباس:
|
رد : اه اكرهه كره شديد
قلب
معرفك سلبي ! غيريه خلي هالقلب ينام شويه ويرتاح مسكين زوجك قلبي عليه لما قلتي له طلقني ! تخيلي قصور من الاحلام والطمأنينه انهارت امامه خذلتيه ياقلب ! تفتكري لو رجعت له المهر ! وتطلقتي ! بترتاحين !!!!! تفتكرين ان ظليمتك له بتمر هوا !!!!! كسرتي قلبه وهو عريس الله يقول وتلك ايام نداولها بين الناس فكري في بكره لاتستهيني بقلوب الناس عشان خاطر قلبك ! لأن قلبك ماهو اكبر من قلوبهم معليش رغم اني ابدا ماحب ألوم واكره اللوم جدا الاني اضطريت اكتب اللي كتبته اصحي ياقلب ! قبل تلتفتين ماحولك احد ! حلو انك تطلقين 3 في هالفتره !!! الحل هو انك تسكرين موضوع الطلاق ذا وتبتسمين غصب كذا ^_^ غصب عن قلبك ذا تقلبينه قلب فرحان الين يسافر زوجك وانتي مطيبه خاطره لابيت اهلك ولاهم يحزنون واذا سافر تجلسين جلسه مع قلبك لين تشوفين له حل |
رد : اه اكرهه كره شديد
اغلاق الموضوع خلاص مابي اقرا ردود جارحه ارجوكم
|
رد : اه اكرهه كره شديد
قلب انت جزء مهم في عائلتنا عالم الأسرة والمجتمع
ولا يرضينا الوضع اللي انت فيه ان نصحنا وان قسينا لأنك أختنا الله يصلح حالك ويسمح دربك لكن العشوائية وضربة الحظ هذي تضيع بلد باللي فيه.. انت شفتي شي مع هذا الرجل ماعجبك وقمتي تفضفضين.. خصوصاً ان قرارك ما كان مدروس وانت للأسف ماتعرفين وش تبين ولا عندك حدود تمشين عليها .. أي شي يجي والسلام.. |
رد : اه اكرهه كره شديد
اقتباس:
|
| الساعة الآن 10:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©