زوجي بخيل(( مستجدات في الرد 55 ))
 

السلام عليكم

فيني قهر موب طبيعي وابي اجابات تكفون لا تتطنشوني لو بذي السالفه ،
اول شكيت بزوجي بخيل هوه حس انه حسيت بذا الاحساس ، قال تحسين اني بخيل صارحته قلت ماسك شوي قال لا من هالكلام ،
الحين اجهز لزواج خاص مهري ابويه يزددني ، قلت المصوره عليه ،
المهم كلمته كنت متوقعه رده طيب وكذا ، قلت ندفع عربون وبعدين ندفعه كامل ليله الزواج
رد علي وقال ماني مجبور ادفع لك ، اختي تزوجت ترا زدناها ، م خليناها تتطلب احد ،سكت انا انصدمت مرا قال خذي من فلوس الملابس قلت م تكفيني عشان اخذ منها قال اطلبي ابوك عادي قلت انت زوجي بعد ، قال م عندي اسف
وقفلنا ، احس بقهر كاني شحاده عنده ذا اول طلب لي ويردني كذا ،
استغفر الله العليم العظيم واتوب اليه


مشورتكم ، لا تتطولون بالرد تكفون انصحوني اي شي انتظررر

رد : زوجي بخيل
 

حتئ ول مثلا م عنده يقول بااسسلوب ، م قهرني غير بااخته لمن يقول اختي واختي ، قال موب لازم لا تكثرين ملابس الي شريتيه خلاص قلت ابويه م يوافق الا لمن اكون مثل اخواتي شريت كل اللي احتاجه ، بعدين قلت ليهراختك طلعت بكم لبس ، ولا كم شنطه قال لا شنط ينرفزني بس

رد : زوجي بخيل
 

اتصل علي وكلمني يقول م غلطت بكلامي اتا وبدء ينرفزني بالكلام ، وانا ساكته ، بعدين قال موب اجباري علي قلت وانا كمان ،
قال ااسالي اهلك قولي طلبتي مني قلت انا عع ذمتك وزوجتك موب طلبت من رجاب غريب عشان يصير كل ذا لكن ذا العشم فيك م عمري طلبتك ذا يكون ردك لي وبدء يستهزا يقول بالله انتي بذمتي بالله ،

رد : زوجي بخيل
 

رد : زوجي بخيل
 

رد : زوجي بخيل
 

أعانك الله وفرج همك

رد : زوجي بخيل
 

طبيعي جدا رفضه !
لأنه توه دافع مهر مبلغ وقدره ..

رد : زوجي بخيل
 

أسمحي لي يا أختي الفاضلة أن أكون صريحاً معكِ، حتى ولو كانت الصراحة مرة أتمنى أن تتقبليها لأن الهدف هو ملاحظة ونصيحة من أخ لكِ يتمنى لكِ الخير.

كثر الشكوى واللوم يكشف عن شخصية قد لا يفضلها الرجل ويتعب منها، حاولي أن تكوني سلسة سمحة متفهمة لزوجكِ، لا تكثري من الجدال، فقد يشعر أن خطيبته من النوع الجدلي الذي لايترك لا صغيرة ولا كبيرة إلا ويجادل من أجلها، حاولي أن تعطيه انطباع أنكِ متفهمة من دون جدل وبنفس طيبة، قولي له أبشر حبيبي من عيوني اللي تشوفه يناسبك يناسبني، ليس بالضرورة أن يكون الجدال على كل صغيرة وكبيرة، وليس بالضرورة أن يتحقق كل مانريده، ترى الرجل يحب ويخق على البنت اللي تعطيه جوه لا اللي تعارضه كثير وتناقره بالرأي، هل الحياة الزوجة لأجل المضاهر والجدل بالأشياء الهامشية أو أن هدفه هو الأستقرار والسكن والهدوء والمحبة، الرجل يحب أن يكون رأيه منفذاً دون مشاغبة، نصيحة يا أختي لا تدققي على كثير من الأشياء، وتعاملي ببساطة، وراعي ضروف زوجكِ المادية، فالشباب المساكين يستدينون آلاف مؤلفة قد تحتاج إلى سنوات طويلة لسدادها، عيشي الحب ودعي المشاغبة، وفقكِ الله وجمع بينكما بخير.

رد : زوجي بخيل
 

أهلا بك اختي ربي يتمم امورك على خير
صراحة يا اختي أنت التي تقهرينه وليس هو الذي يقهرك

تطلبين الكثير وفي هذا الوقت بالظبط والله استغربت خفت انه يؤدي عليك نظرة خاطئة
عزيزتي لا تخليه يملك من الان بكثرة طلباتك

بدي اسئلك سؤال هل يكون العرس بينكم في مكان واحد ؟

لاني ارى انك تطلبين ان تكون المصورة عليه اذا انت تعرسين لحالك
لماذا تطلبين انه يدفع للمصورة

وهل اعطاك المهر وبعدها فلوس الملابس أم أعطاك المهر منها تشترين الذهب والملابس معا ؟

بصراحة اذا زوجك اعطاك فلوس المهر واعطاك ايضا فلوس الملابس فهذا يكفي
وايضا يدفع مصاريف الاكل للذين تعزمينه بصراحة ما اعرف كيف تعملون أنتم للعرس

هل كل واحد يعرس ببيتم أم تجتمعون

اذا كان العرس مثلنا الزوج يدفع المهر قبل العرس كي تشتري به الزوجة الذهب

وعندما يقترب العرس يعطيها بعض الفلوس عشان تشتري ملابس تقليدية وبعض الهدايا

لكن الملابس الاخرى هي التي تتكلف به وفي اليوم ما قبل العرس يدفع لها الاكل بما تسقبل بها ما عزمتهم
للعرس واعتذر ان كنت اخطأت معك احنا ما عندنا أن البنت تطلب تقول لزوجها المصورة عليك ولا

الكوافورة عليك ولاولاولا

ربي يسهل امرك عزيزتي

رد : زوجي بخيل
 

مالومه
مصاريف الزواج تقص الظهر

الله يعين الشباب :D

رد : زوجي بخيل
 

اذاكان دافع لج مهرج اشتري منه
مو حلوة في حقكم أصلا
انج تطلبين منه فلوس انتي ببيت اهلج معززه ومكرمه
حسسيه ان اهلج مو مخلين شي قاصرج
وترى ماهي شاطره انج تطلبين منه اصبري حبيبتي مردج بتروحين بيت ريلج وهناك اطلبي منه اللي تبين تراااا عيب والله موفقه

رد : زوجي بخيل
 

اشكر كل من رد علي ،

انا عادي كلامه لي بس ليه يحسسني انه منه عليه ويجلس يقارني بااخته وفوق ذا كله اسلوبه استفزازي قول م اقدر نقفل الموضوع ،
ماديتنا تمام الحمدالله بس قلت له استحيت اطلب اهلي اكثر من كذا يعني. كل شي عندي وكمان المضوره لي ولك موب لحد

وانه انا دفعت حقت الملكه كمان حقت الزواج

رد : زوجي بخيل
 

انا ترا م اشحد منه هوه زوجي مكلف فيني م طلبته يزدني بشي ، طلبته شي بيكون ذكرئ بيني وبينه م بيخسر فيها
م قلت يدفعها الحين بس بندفعها ليله الزواج الحين نعطيها عربونها

رد : زوجي بخيل
 

المكتوب بالاحمر ما فهمته يعني هل أنت التي دفعت الملكة وتدفعين للزواج أو ماذا؟

اذا انت دفعت للملكة وكمان ستدفعين للعرس يعني مصاريف الاكل؟؟؟؟؟؟؟؟؟

بصراحة أنت لم تجاوبين على سؤالي هل العرس تقيمانه انتم الاثنين أم هو يعرس
بمنزله أنت بمنزل والديك لان العرس اذا اجتمع يختلاف عن العرس المنفصل يعني
كل واحد يعرس ببيته ؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يسهل امرك

رد : زوجي بخيل
 

لا حبيبتي احنا عرس بصاله افراح ، ونكون كلنا سوا ، رجال منفصلين عن النساٱ طبعا ، لمن تجي المصوره يجي الغرفه عندي نتصور ويطلع ، هذا احنا
الملكه من عادتنا انه الملكه علينا احنا الزواج عليهم ، الملكه جبت مصوره وانا دفعتها كلها فهمتيني وطبعا كل شي من عشاء من تقديمات بالملكه علينا

رد : زوجي بخيل
 

اتصل علي قاا كلامك انه نقفل السالفه وكذا دبرتيها قلت لا بس بااكلم اخواني م بيقصرون معايه ، قال اوك وسكت شوي قال باي قلت بايات قفل

رد : زوجي بخيل
 

والله العظيم موب مدددح بنفسسي بس يعني حتئ لو انا نعصبه اعرف امسك اعصابي واتحكم فيها اكون حكيمه بااني اقول اي كلمه ، وهوه يعطي كل شي ويجرح بالاخير يقول شوفي اسلوبك اساله واقول قول وش فيه اسلوبي اذا فيه شي علمني بااذن الله م تلقئ الا اللي يرضيك ، قال كذا اسلوبگ ، انا والله احترمه حتئ لمن يتكلم صار يبي يمسك اي شي علي يقول اسلوبك وهوه لمم تكلمت واتناقش معاه بالموضوع يضحك ، سكت انا لمن ضحك قال لا تزعلين ويكمل ضحك كل شوي يقول يعطيك العافيه ويعطيك العافيه وربي م غلطت عليه بكلمه اجلس اقول له شي يقول بالله والله صدق حاجه جديده
طيب م تبي تتدفعها لا تتدفعها بس اسلوبك خليه اكويس معايه

رد : زوجي بخيل
 

عزيزتي..

المفترض أن أية أمور متعلقة بتكاليف الزواج يتم الاتفاق عليها مسبقاً .. بينه هو وأهله وبين أهلكِ.

ألم يحدث هذا معكِ؟

رد : زوجي بخيل
 

أختي تعوذي من إبليس وصلي على النبي ...

بصراحة ما حسيته فيه أي بخل بس ممكن الوقت اللي كلمتيه فيه كان معصب أو متنرفز على شغلة وأنتِ متوترة علشان التجهيزات وكذا ...
كبريها تكبر وصغريها تصغر ...

الله يسعدكم يارب

رد : زوجي بخيل
 

رد : زوجي بخيل
 

كلمني قال لي كلامه معاي من عصبيه ومن هالكلام ، انه التصوير شي لي وله وهوه بيدفعها ، بس لمن شفت من رده فعله كذا اول ، قلت لا خلاص بااكلم اهلي قال لا تزعلين وجلس يتكلم كلام كثير وانه ادفعي العربون ونكملها بعد الزواج ، قلت لا خلاص انا باادفعها ، خفت يدلني فيها بعد الزواج ابعد عن اي شي احسن لي ، مدري وش بيصير عاد هوه يقول عادي انا رفضت

رد : زوجي بخيل
 

عزيزتي الله يسهل امرك مادام أن الزواج عليه كله
وأنتم ستجتمعون في صالة افراح ان بادر هذه المرة
بأن تكون المصورة عليه فأهلا وسهلا وإن لم يقل أي شيء

فمن الافضل عزيزتي أن تطلبي من أبوك أن يدفع ثمن المصورة

بصراحة احنا عندنا المصورة تكون على العروسة ولو كان العرس مجتمع بينهما

الا نادرا ما يدفع العريس ثمن المصورة لانه بصراحة مقهر بدفع مصاريف الاكل

والمهر والملابس الله يعين وبس
بصراحة أنا لم ارى زوجك بخيل أنت ممكن يعصبك بكلامه فقط
ومادام أنه دفع المهر ومبلغ الملابس وسيدفع مبلغ العرس فهذا يكفي
ممكن ظروفه ما تسمح له يدفع اكثر
الله يسهل امرك عزيزتي ويتمم امورك على خير

رد : زوجي بخيل
 

الله يسهل ي رب ،
الله يسعدگ ويوفقگ يجزاگ بالجنه

رد : زوجي بخيل
 

التصوير من الكماليات ، إذا هو مو راضي يدفع ..
مو لازم ..

يكفي عليه إلتزامات مادية ..

و التصوير أقل شي 5000 ريال

رد : زوجي بخيل
 

معذور الرجال .. وردة فعله طبيعية .. هو تحصليه متسلف ويالله يجيب القرش عشان يمشي أموره .. وإنتي تطلبي منه مبلغ وقدره ( لشي تافه ) بالنسبة له ..

رد : زوجي بخيل
 

عزيزتي..

ما فهمته أنه وافق الآن على التكفل بثمن التصوير.

ربما لأنه لا يريد أن يكسر خاطركِ .. وربما أراد أن يعتذر عن أسلوبه الذي استفزكِ.

المهم يا عزيزتي أن هذا الموقف هو نموذج لمواقف أخرى ستعيشينها مستقبلاً إن شاء الله .. فإن كنتِ تعرفين وضع زوجكِ المادي فالمفترض أن تقدريه وتطلبي ما تريدينه بناءً على ذلك .. والأهم هو أن تدركي الفرق بين الأساسيات التي لا يجب أن تتنازلي عنها .. وبين الكماليات التي لا تستحق أن تعملي مشكلة عليها إن كان زوجكِ لا يستطيع توفيرها أو حتى إن كان لا يرى أهميةً لها.


موفقة.

رد : زوجي بخيل
 

كماليات بس كل عروس تاخذها عشان تكون فيه ذكرئ حلوه م ينسوها لقطات تذكرهم باااول ليله بتعيش فيها معاه

رد : زوجي بخيل
 

موب تافه بنظره لانه يبي اجيب انا بس هوه م يدفع

رد : زوجي بخيل
 

هوه كلمنني بعد كلامه لي انا ماني مكلف فيك ماني مجبور ويقارني بااخته ذا اللي ذبحني ، اتصل علي وقال اسف وكنت معصب وكذا ، قلت اذا م تبي تتدفعها قول لي م اقدر انتهئ م يحتاج تقول لي ذاك الكلام ، قال انا قلت لك بالبدايه باادفعها قلت انا م قلت شي سكت قال طيب ! قلت انت سبقت فيها قلت زعلتي بعدين كملت ماني مجبور مع انه م تكلمت قال كنت معصب وكذا قال اسف ويجلس يعتذر قال انا باادفعها قلت لا مشكور اهلي ماهم عازنين مني بيدفعونها بس انا طلبت من اهلي كثيير وكمان فكرت بالمصوره لي ولك يعني م طلبت شي موب لك ، قال انا بادفعها قلت لا خلاص ، قال شي لي ولك وكذا وش فيها قلت م عاد ابي خلاص انا باادفعها ،
قال في بالك بااقصر عليك لو عندي م قصرت من هالكلام قلت انا م ابي اضغطك سالتك ي ايوا ي لا م يحتاج كلامك لي ، سكت ، واعتذروكذا قفلنا السالفه م عاد فتحناها ،

بس والله احس مقهوره منه كاني اشحده م رد علي برد بسيط م اقدر وانتهئ ، هذا اللي صاير ان شاء الله وضحت لك اكثر من الاولئ

رد : زوجي بخيل
 

زوجك مو مجبور يصرف عليك

الا اذا سكنتي معاه في بيت واحد ،،

مادام انتي عند اهلك هم المفروض يصرفون عليك ،،

جوفي الشباب مايحبون النكد ،،

ولا تحسسينه اهو غلطان واهو مقصر ،،

حسسيه انتي معاه وعطيه كلام حلو خليه يرتاح من بدال ترفعين عليه الضغط يعني لا تجنينه ،،

من تسكنين معاه طلبي الي تبين بس مو بالحنه

بالاسلوب الحلو

الصراحة عيب تقولين عنه بخيل بسبب شي تافه

ولا تهتمين بالكماليات

رد : زوجي بخيل
 

اول شي الشي لي وله بالاخير وش اهلي يدفعون له عشان يتصور معايه ، الملكه انا دفعتها عليه الزواج ،م طلبته شي خارج عن ارداته ولا طلبته شي لي خاص ولا لاهلي عشان يكون عيب
اقرا موضوعي من البدايه قلت فيه اسباب من قبل خوفتني يكون بخيل هوه سالني بدون م ابين تحسبيني بخيل !!
قلت لا ليه قال سالتك بالله ، قلت ماسك شوي بس ، يعني فيه اسباب من قبل هذا السبب !

رد : زوجي بخيل
 

بشري كيف امورك ايش اخر حل توصلتو له

وتصدقين في اشياء معك حق فيها بس من لب المشكله مانحس بالاشياء الي تحسيها , مثل كيف كان اسلوبه ومقارنته باخته الخ...
واظن هي الي ضايقتك بغض النظر عن انه دفع او لا , بس الاغلبيه وانا اولهم حكمنا من اصل المشكله انك طلبتيه وهو رفض وقلتي عليه بخيل , هذي النقطه الي نعارضك فيها ومايختلف عليها اثنين وبمهرك تسوي كل شي واذا عالمصوره وشي مشترك بينكم من المفروض انه يدفع معك بس لان هالشي يتم بين اهلك والمصوره هم يتكفلو فيه , وانتي طلبتيه من حسن نيه وصار الي صار

بس لي عتب عليك من اخ لاخته , واتمنى يتسع قلبك على كلامي

حركتك تنرفز بصراحه ماكان له داعي تقولي كذا
((قال انا باادفعها قلت لا مشكور اهلي ماهم عازنين مني بيدفعونها بس انا طلبت من اهلي كثيير وكمان فكرت بالمصوره لي ولك يعني م طلبت شي موب لك ، قال انا بادفعها قلت لا خلاص ، قال شي لي ولك وكذا وش فيها قلت م عاد ابي خلاص انا باادفعها ))

كذا انتي تسببي فجوه بينكم ولاتستهوني بها الامور الصغيره , هذي الي تسبب الانفجار مشكله ورا مشكله وتتراكم لحد مايتندم من داخله انه تزوج
وبدل مايعدي الموضوع على خير تشبيها من جديد
دامه رجع وعرف غلطه واعتذر ليه تقفلي الامور عليه وتعطيه كلام ان اهلي مو عجزانين يدفعوها , عيشي دور المتضايقه بس بدلع وغنج

كذا هو سكت عالموضوع بس بداخله غبنه ماقبلتي اعتذاره ورديتي عليه برد يخليه ماعاد يعتذر ثاني

والله يتمم امورك على خير يارب وخففو مكالمات , احيانن تخلص المكالمات ومن الطفش الواحد ينبش باشياء قديمه لين تصير مشكله

رد : زوجي بخيل
 

الله يسعدگ قسم كلامك يريح ، كلامگ كله صح ، انا ادري غلطت باللي قلت انه اهلي ماهم عزانين مني بس كنت مقهوره مرا حسسني انه اهلي نقصوا علي واهله كملوا لاختهم يعني من قهري بغيت ابين له انه اهلي ترا م يقصرون علي بشي انه يعطوني اللي ابيه م كلمتهم م ابي اخذ منهم اكثر من كذاا ، والله والله موب مدح بنفسي لكن لمن اكلمه بتفهم وبهدوء حتئ اسكت لمن ادري انه بااطلع كلمه شينه مثل اللي قلتها من ملكت للحين م عمري جلست اناحله زي هذي لانه اغلب الاوقات قال كلمه اخليه يهدا واناقشه ، بس وقت ماهو معصب اغلب الاوقات اسكت او اقول اقفل احسن لي ولك لمن تهدا كلمني ،
بس مدري كيف احسه مزاجي يبي الدنيا عع كيفه ، م احب كذا احس حبه لي بمزاجيته ، مزاجه رايق دلعني مزاجه موب رايق نبش بمشكله سمعني كلام يغثني ويقفل يجلس شوي ويتصل يعتذر انا اسف وطفشان ، صرت اقول م صار شي انتظر يروق اكلمه تراك غلطت علي بكذا وكذا وكذا ، ويقعد يعتتتذر ، نمشيها
مشكله المصوره شكله المزاج م راق لي عشان كذا قال هالكلام بس روق اتصل واعتذر انا باادفعها ومدري ايش

رد : زوجي بخيل
 

وصدقني لو انت طلبت شي من مثلا طبخه من خطيبتگ قالت لك والله ي اخويه وهوه مملك م خليناه يطلب من احد اللي يبغاه جبناه لين عنده هذا انا بنفس الموقع
وربي وربي م همني يدفع او لا كثر م همني احترامه لي ،
حتئ امس يقول مزاجي ماهو رايق اليوم قلت ليه عسئ م شر قال كذا الله يعينك عليه بس ،

الحين امورنا عاديه لكن مرا متخوووووه من بعد الزواج ، من الحين كذا اجل بعدين كيف ، !!

طولت عليگ بالكلام بس حسيت انه احد فهمني لانه رد اختي نفس رد الاعضاء هنا ،
مدري م احس احد فهمني
مشكور عع سوالگ

رد : زوجي بخيل
 

والله انك صادقه لو طلبت من خطيبتي تطبخ لي وكذا كان ردها بتقفل الدنيا بوجهي
وحسيت انه هذا السبب بردودك عالاعضاء لما وضحتي اكثر اسلوبه وطريقه كلامه وماتنلامي فيها

وانتي باين عليكي والله ذكيه وعاقله ولماحه , بس مدري احسك طلع منك هالكلام بعد مانفجرتي وصبرتي على مزاجيته وطفشتي من دور الهادئه والعاقله

ومايحتاج اكثر بالكلام واقولك عن اشياء انتي بغنى عنها وفاهمتها

بس ودي ماتضخمي الامور وتقولي هذا زوجي واسلوبه كذا معاي وا وا وا ترا كل الي يتغير شخص جديد يدخل بحياتنا ونشترك بامور خاصه بيني وبينه , خذيها بسلاسه والحياه بشكل عام اكبر من كذا , والزوج والزوجه اضافه لكل واحد فينا , مو معناته شخص نتملكه ونريده مثل مانبي باسلوبه وغيره ونقول هذا زوجي وكذا رده لي , يعني لو اخوك رد عليك كذا ماضخمتي الامر لانه اخوك بس هذا زوجك قووويه , لا لا لا لاتفكري كذا لان حتشوفي اكثر واكثر , مو اشياء ابشع لاتخافي , بس حتشوفي من ذي الحركات كثير يوم تطلبيه يوصلك يرفض وبتقعدي تحسبين هالزلات له لحد ماتنفجري ثاني ويطلع منك كلام مو حلو, وعلى هالمنوال , ومن بدري اقولك استرخي وانبسطي بحياتك والزواج جزء من حياتك مو محور اهتمامك كله

وانتي قدها والله والي مثلك ماينخاف عليه وننصحه , بس حبيت ابين لك

الله يوفقك ويسعدك يارب

رد : زوجي بخيل
 

إذا تبين نصيحتي في حياتكِ الزوجية يا أختي الفاضلة هي/

غضي الطرف ولا تكثري الجدال.

وفقكِ الله.

رد : زوجي بخيل
 

كلامك كله صح ، انا عارفه مافيه احد كااامل والكمال لله بس بعض الاوقات فيه صفات م يقدر يتقبلها الشخص فيه صفات اقدر اقول انهاتتمشئ
يعني بصراحه كل مششاكلي اللي اكتبها او لا بسبب المزاجيه ، صعبه اني ادقق عع كل شي عشزن كذا اسكت واصبر بالاخير احكي له بهدوء او انفجر مثل اول ، لانه مقدر اقول كذا وكذا انت رجال وتعرف م تحبون الانتقاد ، عشان كذا اكتم شوي ،
كمان قد كتبت موضوع هنا عع المزاجيه بس م كان فيه تفاعل من الاعضاء
كنا نتكلم عع ليلة زواجنا ، يقول لو مزاجي رايق مرا سويت كذا ولو نص نص سويت لك كذا
يعني صارت حياتي كلها محكومه حسب مزاجيته

ادري دخلت موضوع بموضوع بسس لانه اساس المشكله ذي واللي قبلها المزاجيه ،
وكمان هوه كبير اكبر مني بتسعه سنوات صعبه انا صغيره اتحكم بنفسي هوه م يقدر


ايش الجل برايگ ، وبراي الاعضاء الباقيينن

رد : زوجي بخيل
 

في اشياء ياختي ولا ابن امه يقدر يحس فيها , في مرات تقابل اشخاص تحس بنفور اتجاههم واذا جا احد كلمك عن هالشخص ويمدح فيه , انت بداخلك مو مقتنع فيه وتقول بينك وبين نفسك ماطيقه او بمعنى اصح ماهضمته وايش السبب ماتدرين , كذا سبحان الله تحس بنفور منه يامن هيئته يا من ملامحه وماتقدر تقول لاحد عن هالاحساس لان مافي سبب معين تقدر توصفه

انتي نفس الحاله عايشه مع خطيبك الحين , من اسلوبه معك ورده لك يدخلك باحاسيس تضايقك منه وتزعلك ولما تحاولي توصفي سبب زعلك وضيقتك الاغلب يشوفها تافهه او انه ماسوا شي غلط , لان ماتوصلت لنا فكرة هالاحساس الي عايشته , اللهم انك وصلتي لنا الشي الظاهري والواضح بالمشكله ككل , مثل مزاجيته , لها الف حل وحل بامكاننا نقولك سايسيه , اتدلعي عليه , اتقبلي طبعه الخ..

بس بداخلك احاسيس اكبر من هالشي , مثل موضوع المصوره والكل يقول عادي ومو بخيل وانتي بمهرك تسوي كل شي
بس من داخلك ليه مايساعدك ليه مايعيشك فرحتك وليه مايغير اسلوبه المزاجي من اجلي وا وا وا

الي بوصلك له انه محد يقدر يوصلك لحل مضمون , ودائم يقولك فهم السؤال نص الاجابه
وماتقدري انتي توصلي لنا احساسك مهما حاولتي وبسبب هالشي محد يقدر يفيدك الا بنسبه بسيطه

بس كل الي اقدر اقوله لك ياختي , الي بداخلك حاولي قد ماتقدري تحرقيه بوقتها لاتخلي شي يتراكم عليك
اليوم انتي وهو بخصام وبكره ماتدرين لاسمح الله واحد فيكم تحت التراب بقبره وتتندمي على كل كلمه ضايقتيه فيها

على قولتهم فكيها شويا وعيشي الحياه والي مايعجبك ارميه ورا ظهرك

واليوم انتي مضايقك مزاجيته وبكره بيجيك امر اخر يضايقك وتشوفي مزاجيته ولاشي بالنسبه للمشكله
وعلى هالمنوال عايشين , وكل مازاد راتبنا زادت مصروفاتنا وهذي طبيعة الحياه , وليه ننصدم بكل مشكله ومشكله ,خلينا مرنين ونرمي مشاكلنا ورا ظهرنا ونتيقن انه بيجينا الاسوء والاسوء

رد : زوجي بخيل
 

وبيني وبينك ماله داعي يقولك بكل موقف مزاجيتي ومزاجيتي , حسسني ان الحياه واقفه على مزاجيته, وفوقها يقولك اياها بالوجه الله يعينك عليه مزاجي مو رايق , بصراحه ينرفز وربي

بس بالله ايش بتسوين, بتعيشي بنكد من مزاجيته ولا بتشتري راحتك
ياعمي خليه مع نفسه هو ومزاجيته بس مو على حسابك
بس للاسف الواقع مخليه عايش مزاجيته على حسابك بحكم انك زوجته وبذي الحاله حاولي تمسكي العصا بالنص شدي معاه شوي ومره ارخي معاه
حلاوة الحياه بحلوها ومرها

رد : زوجي بخيل
 

سبحان الله كانه دخلت قلبي وعرفت وش فيه ، الله يجزاگ بالجنه
بس ليه انا اعططي م اطلع الغلطه مني الا بالنادر وارجع ابين له ، ليه هوه م يرد لي اللي اسويه له اهتمامي فيه واهتمامي فيني قدامه اسلوبي شخصيتي اسلوبي مع اهله احترامي لهم كلهم ،
ليه م يردها لي يحاول يضغط عع نفسه عشاني !!
معقوله الطيبه الزايده تخليه م يبالي فيني ، م احب اقارن انا ! بس لمن اشوف بنات خالاتي واساليبهم مع ازواجهم وكلامهم عكسي تماما انا معاه اتكلم بدلع وبحياء كمان ، هما احسهم باردين ومع هذا م يرفضون لهم طلب صارو يبون حاجه موب بااساله واشوف خلاص بااخذها عارفه انه م يقول لهم لا غير الاشيا اللي بملكتهم وطلباتهم ، الله يهنيهم م احسدهم ولا اقارن وكلن ونصيبه ، بس انا احسن منهم بالاسلوب وبالجمال ، يعني المفروض اكون بنفس عيشتهم ، م ابي اجحده صح فيه ايام حلوه قضيتها معاه ،
بس يبين لي انه لو طلبتي شي مافيه ، ولا مثلا يقول الميزانيه م تسمح اصير حتئ م ابين له انه م عندي رصيد عشان م يشحن لي احس يطلع منه الشي بالزور ، مدري هوه اسلوبي انه طيبه بزايده كذا مقابلها ولا شو ، والله احاول اجلس معهم ابي اشوف هما ايش يسون زياده عني للككل مافيه شششي ، مدري وش هوه السسر بالموضوع ، بعض الاوقات اقول معقوله لو تزوج غيري يكون احسن من هو معاي بيقدر كل شي تسويه له يغير من طبعه عشانها ، ولا هداياه م بتقطع عنها ،
مدري هي غلطتي ولا شو


اذا اسلوبي هوه يقووول عاجبني مافيه احسن منك طيب كل شي انا عاجبته ، وترا انا معاه موب مرا مطيحه الميانه ولا شاده يعني لا افراط ولا تفريط ،