|
غيييرتي تقتلني
السلام عليكم
انا اغاااااااار غيررهه تتعبببني وربي ، ما ابي يقول احد يحبه ولا ابي يقول اشتاق لاصحابه ما ابيه يقفل مني عشان يجلس مع بنات اخته، ادري غلللللط بس وربي موب يدي احاااول اضغط علئ نفسي بس احس بخنقه ، قبل ايام جا عندي فتح لي جواله طبعا موب تفتيش بس يعلمني بااشيا فيها ، شفت صوره بممثله تركيه بقروب اصحابه ما تكلمت بس ضغطت علئ الصوره قلت وش ذا قال قروب اخوياي وغير صورة القروب علئ طول ، بس وجهي انقلب علئ طول . قروب شباب وش يبون يحطون صوره بنت اما ما انفعلت عشان مرا ثانيه ما يقول ما بااعطيها الجوال تنشب لي بشي بس خطيت عبئ ابصوره وسكت ، من بعد هالموقف زادت الغيره اكثر من اول ، لمن يقول نازل السوق اتخيل يطالع فيهم ، اول يقول لي ترا عيني ماهي زايغ لانه لو طالعت فيهم بيجي واحد بيطالع فيگ ، بس حتئ ولو مرا تقهر حتئ لو بالتلفزيون ، يرسل لي صور بعض الاوقات فيها بنت مثلا وعليها كلام اقول اكيد يقارنها فيني ولا شي ، وربي اموت قهر ، مدري ايش الحل ، |
رد : غيييرتي تقتلني
اعتذر عن اي اخطاء املائيه لانه بالجوال داخله ، هل تعتقدون انه يتكلمون هوه واصحابه عن البنات او انه لمن حطوها عرض علقوا عليها
|
رد : غيييرتي تقتلني
هدي من غيرتك لانها بعدين بتقلب عليك
حاولي تحسنين الظن صح انه نزل السوق بس بيغض بصره لانه يخاف الله ويخاف بعد تنقلب عليك اوعلى اهله مبين ان ماله بهذي السوالف ولاماكان وراك الجوال كل ماتبدى فيك الوسوسة استعيذي من الشيطان واشغلي نفسك باي شي حتى تنسي اتمنى اني افدتك |
رد : غيييرتي تقتلني
الغيره المبالغ فيها = نقصان ثقه بالنفس
وحتى لو لم تظهري ذلك فهو بين. عبر الايحاءات والتصرفات. تشعرين بالغيره. فتمتعضين. فيراك فيشعر بشعورك بالنقص فيراك ناقصه هذه. طبيعة الرجل يراك كما ترين نفسك وبأي قيمه ارسلي لعقله الباطن رسائل ايجابيه. ولاتنبشي القبور فلن يصدر منها إلا .... كن جميلا ترى الوجود جميلا احبي نفسك وثقي بها. ليس من اجل حفظ زوجك فحسب بل من اجل اسعادها لتعبد الله دون معوقات إبليسيه يشغلك بها انت جميله. لان الله. يريدك كذلك. وخلقك كذاك. فلاتشوهي جمالك بنقصان الثقه لان الشك يهدم بيوتا كانت عامره |
رد : غيييرتي تقتلني
خففي من غيرتك
مرده لحلاله ومافي زي الحلال |
رد : غيييرتي تقتلني
اقتباس:
ايش الحل |
رد : غيييرتي تقتلني
اقتباس:
ماشاء الله تبارك الله ..... |
رد : غيييرتي تقتلني
طيب والحل !!!!!
|
رد : غيييرتي تقتلني
سوي بحث بجوجل عن الشعور بالنقص
يمكن تلقي تفسيير لذي الحاله ،، |
رد : غيييرتي تقتلني
اختي يحق لج تزعلين إذا شفتي صورة بنت ممثله بالموبايل
وضحي له زعلج وغيرتج...وإنج ماتحبين تشوفين صورة أي ممثله بالجروب تبعه بالنسبة للغيرة الزايده.. لاء هذي بتكون دمار لعلاقتكم فاحذري منها..! ربي يفرج همج وييسر لج جميع أمورج |
رد : غيييرتي تقتلني
اقتباس:
حبيبتي الغيره والله متعبه لك نفسياً وغير كذا اخاف عليك بالمستقبل من مشاكل بسبب غيرتك ويكون امر بسيط ويكبر ..... وانتي حطي نفسك مكانه ماتشتاقين لصاحباتك ؟ او مثلاً تجلسين مع عيال اختك او اخوانك وهو يقولك لاتجلسين معهم اغار هذا مثال بس عشان ابين لك يالغاليه الشعور هذا مو بمحله وفكري بها بعدين بتعيشون مع بعض وبالنسبه للقروب ياغلا اختك وربي عادي تدرين ليه شي قدام عينك ولا شي من وراك ولاتحرمين نفسك بعدين من انه مايوريك شي ويزيدك قهر لان اذا زاد الشي الطرف الثاني يتحاشاه ويحط حدود وهو ماحط بينك وبينه اي شي يعني ( شفاف ) بكل تصرفاته معك ... وبهالزمن كل شي فيه صور حريم بالتلفزيون بجوالات وبالسفر العالم كلها فخلي عندك ثقه ان مافيه احد ازين منك حتى لو صفوا حريم العالم انتي احلاهم فليه تتعبين نفسك واجعليه صديق لك راح تكسبينه ويتلاشى كل غيره انا عن نفسي بوقت خطوبه ماقال اشتقت لصديقي ولا قالي جالس مع خواتي يقولي عن قبل كان خاطب فلانه ولاقبلوا وكانت بنت خالته تبيه وان اهله قالوا ياليت صديقة زوجتك اخذناها ويقولي هالحكي اللي يجرح هنا الغيره محلها والتصرف بطريقه مايقهرك بعدين ولا تجرحينه وتحطين حد لهذي الامور وبأذن الله ربي بيبعد عنك هالاحساس وترتاحين وتعيشين مبسوطه بحياتك ربي يوفقك يالغاليه ❤ |
رد : غيييرتي تقتلني
ان تعلمي ان رضا الخلق. يستوجب رضا الخالق
فاسعي لرضا الله. ورؤية جماله. لتستشعري جمالك الروحي وتلمسي به جمالاتك الظاهريه وتنمي فيك الرضا والثقه اذا كنت امام زوجك. امتدحي نفسك او ماتشعرين بإنه عيب فيك لإنه سبحان الله الرجل يشكل افكاره حسب مايتلقاه لكن اياك والمبالغه في المدح ولك ان تدخلي قسم المتزوجين وتري كيف تلك تتبرج. كي لاينظر زوجها لغيرها ثم انه يهددها الان بالطلاق واخرى تكاد تهدم بيتها لانها تغار من زوجة اخ زوجها ووصل الامر إلى ان قذفتها والكثير من العجب العجاب فلا تغاري. لأن الغيره اقوى اسلحة ابليس الفتاك يضاعف. سمها بسرعه هائله ومخيفه فتكون غيره مبالغه. وقاتله تفتك بالعلاقه وتولد الشك وما ادراك مالشك وتفتك بنفسية صاحبها فيموت موتا قاسيا وبطيئا ثم يضحك ابليس من خلف الكواليس |
رد : غيييرتي تقتلني
انكسار حلم وامل ، مشكوره حبايبي م تقصرون الله يجزاكم بالخير افدتوني
|
رد : غيييرتي تقتلني
اقتباس:
الله يسعدك ويوفقك كلامك اقنعني مرا |
رد : غيييرتي تقتلني
اقتباس:
|
رد : غيييرتي تقتلني
انت تحبيه بجنون .. حاولي ان توزعي كل هذا الحب علي اخرين غيره من محارمك طبعا .. ان فعلت ذلك ارحت نفسك و ارحتيه
|
رد : غيييرتي تقتلني
اقتباس:
|
| الساعة الآن 04:26 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©