|
هل هذا الشعور طبيعي بعد الملكه ؟!!
السلام عليكم ..
انا متملكه لي شهرين ومن بعد الملكه وانا جاني ضيق والشعور بعدم الرضا من هذا الزواج .. واقول ليت ماوافقت ليتني رفضت .. مع العلم اني مستخيره ومتوكله ع الله .. ولكن مادري كيف ابعد هذا الشعور مني :( .. علما مابينا لا اتصالات ولا تواصل .. مالحل برايكم .. |
رد : هل هذا الشعور طبيعي بعد الملكه ؟!!
خذي فترة وفكري بالموضوع من جميع جوانبه
كذلك حاولي تتواصلي مع خطيبك يمكن ترتاحي له اكثر ربنا يسعدك |
رد : هل هذا الشعور طبيعي بعد الملكه ؟!!
اختي مريت بهالشعور وانتهت بالانفصال طبعا بعد مشاكل انصحك تتريثي واستخيري وفعلا حاولي تتواصلي معاه يمكن ترتاحي الله يفرج همك وييسر امرك
|
رد : هل هذا الشعور طبيعي بعد الملكه ؟!!
شوفي حبيبتي ذا الشععور اغلب البنات مروا فيه ، تتدرين من شو ، من الشيطان يبي يخرب بينك وبينه ، انا كذا ججاااني ضيق م ابيه لمن استغفرت كثير افكر بكل شي حلو فيه اقتنعت ، وراح الشيطان عني ، بنت خالي نفس الطريقه اخت زميلتي نفس الطريقه بس م اعطوا ضيقتهم بال ،
وحده من زميلاتي اخوها ، خطيبة جاها ضيق وتتطلقت م تبيه كذا فجااهه ، وطلقها فعلا بعد م تتطلقت ندمت ندددم م بعده ، تعوذي من الشيطان كلها وساوس دام م شفتي شي منه |
رد : هل هذا الشعور طبيعي بعد الملكه ؟!!
مدام إنك متوكلة على الله ومستخيرة الله سبحانه وتعالى .. إذن إنتي في الطريق الصح .. ولن يخيبكِ الله تعالى .. وكل اللي بيجيكي من وساوس الشيطان ..
تعوذي بالله منه .. وأعرفي إن من حقك التواصل مع خطيبك لأنه لابد أن يكون هناك تعارف بينكم يؤدي إلى التقارب والتآلف بإذن الله . |
رد : هل هذا الشعور طبيعي بعد الملكه ؟!!
عآدي يآخجل
لآتخافي حتى أنا صار لي كذا في بداية الشهور هو فترة ويروح اهم شيء معاد تفكري فيه وتفكري بالأيام الحلوة الي تنتظرك إن شاء الله ولو فيه توآصل حترتاحي له أكثر الله يوفقك |
رد : هل هذا الشعور طبيعي بعد الملكه ؟!!
شيء عادي بحكم ما بينكم تواصل
نصيحتي لك تواصلي معه لكي تعرفي عنه اكثر اقل شيء خذي رقمه و راسليه بالواتس اب |
رد : هل هذا الشعور طبيعي بعد الملكه ؟!!
المكالمات افضل هوه يبادر عشان بعض الشباب اذا بادرت هي يحسب انه جرئيييه وكذا ، الافضل هوه يبادر
|
رد : هل هذا الشعور طبيعي بعد الملكه ؟!!
اختي خجل
طيب ايش السبب ؟ |
رد : هل هذا الشعور طبيعي بعد الملكه ؟!!
يعطيكم الف عافيه ع الردود ..
التوآصل اتمنئ انه يتوآصل معي عشان اعرفه وارتاح من الهم والوساوس .. بس كيف اتواصل معه وهو للآن مابادر لا باتصال ولا رساله ابدآ .. ايش الحل معاه اما بنسبه لاسباب الضيقه فيه عده اسباب ..ومن الاسباب اني كل ماسمعت اي شي عنه مو زين اتضايق .. والوالد الله يهديه يسبه عندي علما بانه كان موافق عليه بس ماعرف ليه يسبه .. حسيت انه شايف عليه شي ماوده يعلمني وماانكر انه هو فيه صفات ايجابيه وحلوه .. وطبعا واكيد لابد من السلبيات .. وهو عكسي تماما مبسووط بالملكه وطاير من الفرحه .. وانا مادري ايش فيني والله مو بيدي .. بالعكس نفسي انبسط وانسئ واحاول ابعده هالشي عني ولكن ماقدرت الئ الان ولا انا قادره استوعب اني ملكت وانه خلاص كل شي انتهئ |
رد : هل هذا الشعور طبيعي بعد الملكه ؟!!
اللي فيك من سب ابوك له
اسئلي ابوك وريحي راسك واذا شي مو مستاهل وفي الحالتين قولي له لو سمحت يايبه لاتسبه لان هذا فيه استنقاص له ولي واذا هو غلط هذا مايعني انك تسبه لانك تصغره عند اخواني وهذا بيكون ابو عيالي بكره |
رد : هل هذا الشعور طبيعي بعد الملكه ؟!!
رذاذ
معقولة تقول لبوها هذا ابو عيالي مستقبلا مستحيل وصعبة جدا (ما تزعلي مني حبيبتي رذاذ) الزمي الاستخارة فقط وكرري الدعاء في سجودك وحاولي كل ما والدك تكلم عليه انك تستغفري بينك وبين نفسك (اجمل طريقة لاستبعاد اي طاقة سلبية تهجم عليك) حاولي تركزي في استغفارك صعب نرد عالوالد لعدة اسباب وهو الخير والبركة وممكن تقولي لامك تجيبلك الزبدة اذا في شي وممكن والدك حد ماليه على خطيبك وكله ظلم وممكن وممكن الاحتمالات عديدة لكن الاهم استخارتك واذا ربي كاتب زواجكم لازم يصير اسألي الله دائما في سجودك التوفيق والسداد عشان ويوفقك ويثبت خطواتك عالخير والصواب بالتوفيق |
رد : هل هذا الشعور طبيعي بعد الملكه ؟!!
اقتباس:
و تذكري انه كل انسان له ايجابياته و سلبياته |
رد : هل هذا الشعور طبيعي بعد الملكه ؟!!
خذي فترة وفكري بالموضوع من جميع جوانبه
|
هل آفسخ الخطوبة من آجل هذا الامر .. ؟!
السسسلام عليكم ..
انا متملكه وخطيبي معه شهاده الثانويه متوظف بقطاع خاص .. وانا هالشي مضيقني .. واحتمال كبير انه مافكر يكمل دراسته لانه عمره كبير ولايهمه التعليم .. كيف اقدر اخليه يكمل دراسته ويتوظف بوظيفه عاليه وحكوميه ؟! علما اني جامعيه وافكر اكمل الدراسات العليا وانا طموحه واحب التعليم هل عادي افسخ الخطوبه من اجل هذا الامر ؟! |
رد : هل آفسخ الخطوبة من آجل هذا الامر .. ؟!
.
. طيب قبل ماتملكي ماكنتي عارفه? |
رد : هل آفسخ الخطوبة من آجل هذا الامر .. ؟!
ما كنتي تعرفين قبل الملجه؟
|
رد : هل آفسخ الخطوبة من آجل هذا الامر .. ؟!
شهادة الثانوي حد ادني مقبول يا أختي، وترى الرجل مو بالشهادة، ومادام أنه موظف ومسؤول الحمدلله، وحتى لو درس جامعة وتخرج أصبحت الوظائف صعبة.
قولي لنا عن إيجابياته وشخصيته وغير ذلك. هل هناك سبب آخر يدعوك لفسخ الخطوبة غير سبب دراسته!!؟ |
رد : هل آفسخ الخطوبة من آجل هذا الامر .. ؟!
الا كنت اعرف بس كل شي صار بسرررعه ومادري كيف جت الموافقه .. حاسه اني توني صحيت واستوعبت الامر جيدا ..
ايجابياته خلوق ويصلي .. والسبب الاخر انه عصبي .. حاسه نفسي اشعر بعدم الرضا من هذا الزواج وندمانه كثير .. |
رد : هل آفسخ الخطوبة من آجل هذا الامر .. ؟!
اهم شيء الاخلاق ،، لا تندمين
و اكيد اهلك ما وافقو اذا ما كان قد المسؤوليه |
رد : هل آفسخ الخطوبة من آجل هذا الامر .. ؟!
عمر الشهادة والوظيفة ماكانت عيب يا أختي .. ترى المهم في الرجال حبه واحترامه لك ولأهلك وطيبته معك واخلاقه وإنه يخاف الله ويصلي .. هذا أنا معلمة وقاعدة أدرس ماجستير وزوجي ماعنده إلا كفاءة وموظف قطاع خاص وانسان رائع بأخلاقه وأسلوبه وتعامله .. وهو إللي واقف جنبي ويدعمني في دراستي ومهيأ لي كل الظروف عشان أتفوق بدراستي ..
ياما رجال عندهم شهادات وأعلى المراتب ووظائف وفي أخلاقهم صفر .. بالتوفيق |
رد : هل آفسخ الخطوبة من آجل هذا الامر .. ؟!
كلمتيه تواصلتي معه ؟
|
رد : هل هذا الشعور طبيعي بعد الملكه ؟!!
تم دمج الموضوعين لارتباط المحتوى
|
رد : هل هذا الشعور طبيعي بعد الملكه ؟!!
اقولك خذي رقمه و ارسليله
و الله عادي ،، اما ياخذ فكره ما ياخذ فكري انه محد متضرر غيرك و بالنهايه هو حلالك و انا سويتها عادي ما قال جريئه ولا شيء حاس اني باخرب احلى ايامنا بخجلي و بينيله هدفك التعارف |
رد : هل هذا الشعور طبيعي بعد الملكه ؟!!
عزيزتي خجل .. لا تخجلي الآن من سؤال والدك بشكل صريح !
وش اللي مو عاجبه في خطيبك وليه السب ؟ قولي له : إذا شايف عليه شي أنا مو شايفته علمني الآن قبل الزواج لا تتركني حايرة ومستغربة من كلامك عنه ! بالنسبة لضيقتك مادامتِ إستخرتي وأقتنعتي ووافقتي توكلي على الله اللي فيك شعور طبيعي حياة جديدة وشخص غريب أكيد بيكون فيه ترقب وتوتر نصيحتي لك لو كان عندك أخو قريب لك يجلس معه ويكلمه وبالأخير يعطيه رقمك ويقوله تواصلوا مع بعض ولا تفوتون أيام الملكة الجميلة بعد التواصل راح تتطمنين أكثر وترتاحين موفقة يا عروسة : ) |
رد : هل هذا الشعور طبيعي بعد الملكه ؟!!
أختي الغالية.. الله يوفقك في زوجك ويتمملك على خير. هذي مجرد وساويس من الشيطان .. تعوذي منه وكثري من الاستغفار وقال الله تعال (عسى أن تكرهوا شيئا وهو خير لكم). الله يوفقك ويتمملك على خير . |
رد : هل هذا الشعور طبيعي بعد الملكه ؟!!
يعطيكم الف عافيه ع الردود ..
|
رد : هل هذا الشعور طبيعي بعد الملكه ؟!!
نسال الله لك التوفيق اختي الفاضلة
يغلق |
| الساعة الآن 03:29 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©