|
خطيبي وعيوبه :'(
..
السلام عليكم ورحمة الله لي مملكة صار لي تقريبا أسبوعين بتكلم شوي عن خطيبي اكبر مني بسنه وشوي يعني فارق السن بينا بسيط متفاهمين في أغلب الأمور يموووووت فيني ومتعلق فيني لدرجة المكالمات مره مرتين يوميااا غير محادثات الواتس ملامحه حلوه مستواه التعليمي أقل مني (ثانوي) لكن شغله كويس وراتبه معقول أسلوبه في الكلام ماشاء الله حلو ودمه خفيف وذكي ومن ناحية الاأخلاق .. أخلاقه عاليه محافظ على صلاته في المسجد ومهتم بعمله .. ساكن في مدينه ثانيه .. واللقاءات اللي صارت بينا تقريبا اربع لقاءات والباقي مكالمات بالواتس مشكلتي وين !! بشكله .. شكله مو قبيح لا لكنه سمييييين وقصيييييير .. ولما كان يجي حاولت ألمح له اني أحب الجسم النحيف واللي يهتم بنفسه ومآحسيت انه فهم تلمييحي .. بالعكس لاحظت من خلال كلامه انو حتى مايحاول ينحف أو يدخل نادي او شي حتى لما يمشي أحسه متضايق وذوقه في اللبس اقل من عادي ومن زود الثقه يرسل لي صوره كمان بالبدل .. شخصيته في الواتس ماحبيتها كأني أكلم طفل..بس مضطره أكلمه بالواتس في بعض الامور اللي ماقدر اواجهه فيها وفيه حاجه مره قاهرتني .. يرسل لي بالواتس مسجات حب دقه قديمه حقت أيام النوكيآ .. واكتشفت انها من برنامج محمله عنده احيانا لما تجيني الرساله يجي أسفلها رابط البرنامج هذا مره هذا الشي يضايقني :'( .. خلآص إذا الكلام مو من قلبك لاتنسخ لي رسايل .. ماتو اللي يسوونها.. أول ماتجيني رساله كذا امسحها ماابغى اتذكر لما اشوفها لكنه مصر على الحركه كل شوي يرسل ودي اقوله خلاااااص وكمان لما نقابل بعض ماعمره ضمني أو باسني .. أقصى شي يسويه سلام باليد مع اني متاكده انه يحبني ..لكن ماحبيت ان الرجال يستحي المفروض انا اللي استحي تمنيت انه بادر بحركه او اي شي يخليني افكر فيها دايم وانبسط المشكله دايم أقارن بينه وبين إخوانه اللي اكبر منه متزوجين ويهتمون بأنفسهم وكشخه يمكن يكون فيهم سلبيات مااعرفها بس اتكلم من ناحية الشكل والاهتمام انا مااكرهه بالعكس فيه صفات كثيييره حبيتها بشخصيته بس في نفس الوقت مضايقتني هالأمور اللي تكلمت عنها ودي خلاص أشيلها من بالي لكن ماقدرت :'( |
رد : خطيبي وعيوبه :'(
اختي الفاضلة
لم يمض على الملكة سوى اسبوعين وهي فترة قصيرة جدا وغير كافية للحكم على خطيبك فخطيبك على مايبدو يجهل الكثير من الامور التي تخص المراة فهو يتصرف بعفوية لذلك عليك بالتريث واستغلال الاوقات المناسبة للبوح بما تريدين ففترة الملكة من اهم فترات الحياة الزوجية بل هي الاساس الذي ترتكز عليه علاقة الزوجين ببعضهما البعض فاجعلي منها وسيلة مفيدة تجني عليك ثمارا نافعة في المستقبل فبما انك تعلمين بانه يحبك فبالتاكيد انه سيتقبل منك ماتريدين فقط اختاري الزمان والمكان المناسبين لطلب ماتريدين منه نسال الله ان يوفقك ويسهل امرك اختي الفاضلة |
رد : خطيبي وعيوبه :'(
موصفات ماشاء الله رائعة وخطيبك لسة خجلان شوي ولازم تصبري معاه للأن الظاهر لم يسبق له التعامل مع أنثى
المشكلة إذا كان الرجل جريئ تقولون أنه له سوابق وووو..وإذا كان يستحي تتضمرون يا أختي الفاضلة كلشي فوقت حلو إياك ثم إياك أن تقارني زوجك بإخوانه او اي شيئ أخر للأن المقارنة تشعر الشخص بعدم الإرتياح والقبول ويؤثر ذلك على العلاقة وقد يؤذي ذلك الى الإنفصال لا سمح الله أسأل الله أن يبارك لكما ويرزقما السعادة والذرية الصالحة. وعقبال الباقين إن شاء الله |
رد : خطيبي وعيوبه :'(
هذه امور بسيطه وحلها سهل انشاءالله فلا تدعي هذه الامور تعكر صفوك وفرحتك
|
رد : خطيبي وعيوبه :'(
اختي انتي مبالغه الموضوع بي المره .
اختي من ناحية السمنه . عادي قولي لها انك سمين شوي . اختي انا خطيبتي لما ارسلت لها شوية صور لي كنت فيها شوي نحيف فجرتها في وجهي و قالت لي انتبه تجي لي وانت كذا نحيف و بعدها بشهرين سمنت و دخلت نادي و صار جسمي متناسق و ارسلت لها صوري في الجيم فقالت لي . ﻻﻻﻻ انت ما عندك وسط يا نحيف يا جثه اما مسألة القبله و الضم يا اختي في كثير شباب يحبو يظهرو بشكل الشاب الخلوق و المهذب و يخاف لو قبلك او داعبك ( مع انك حلاله ) تتغير وجهة نظرك عنه او انك تشوفيه انسان غير محترم و مستعجل . و بعدين بعدكم ما اخذتم علي بعض صديقة خطيبتي طلبت الطلاق من زوجها ( مملك عليها ) لانه تجاوز معها بقبل و المداعبات اختي خطيبك انسان محترم فلا تضيعه بشغلات ما تستاهل |
رد : خطيبي وعيوبه :'(
اقتباس:
شكرا لك أخي مارد بالنسبه للبوح والمواجهه في عيوبه أشوفها شوي صعبه على نفسي بالذات اني استحي اكثر منه ممكن مسألة السمنه بعد الزواج أكون قادره على مصارحته فيها بطريقة أو بأخرى لكن الأمور الثانيه مادري اشوفها صعبه شوي آمييييين واياك شكرا لك مره اخرى |
رد : خطيبي وعيوبه :'(
الظاهر زوجك ماشاء الله تبارك الله خام...
وإنت عجولة جدا...وسابقة اﻷحداث.. اﻷخوان واﻷخوات ماقصروا إن شاء الله تستفيدين من ردودهم.. |
رد : خطيبي وعيوبه :'(
اقتباس:
كلامك مريح شكرا لك |
رد : خطيبي وعيوبه :'(
اقتباس:
يعني لو ما تحمس الحين متى !! والزواج اساسا بعد 3 شهور يعني مافيه وقت ودي أعيش ايام الملكه بجمالها |
رد : خطيبي وعيوبه :'(
اقتباس:
والله ودي مررره انه يهتم حتى لو كان هالشي بيسبب لي احراج لكن اذا تاكدت انه مارح ينجرح او يزعل لاني احسه بريء زي الطفل وخايفه ينجرح اشكرك جدددددا |
رد : خطيبي وعيوبه :'(
اقتباس:
انه لم يتعامل مع أنثى من قبل وعلى قولته أول مره تنحط بنت قدامه صادقه مسألة المقارنات هذي متعبه خاصه مع أخوانه والله دايم لما اقارن اتعوذ من الشيطان الله يعين ويوفقنا وشكرا لك |
رد : خطيبي وعيوبه :'(
اختي الكريمة
أسبوعين ليست كافية لمعرفة معدنه انتي تقدري تغيري زوجك بشطارتك |
رد : خطيبي وعيوبه :'(
اقتباس:
لا تقااااااااررررنيييييين نفسك بااي شششخص انتي تسوين كل شي اسويه حتئ اخطائي انتبهي انتبهي تقارنين خلي حياتك منفصله عن الكل ، لا تقارنين نصيحه ، يمكن اخوانه مع زوجاتهم مافيه اعفن من اخلاقهم وذا عع انه شكله وكلامه الا مافيه اطيب من اخلاقه مثل م دكرتي بعد انه اخلاق ، اهم شي الاسسساس طيب م عليك بالباقي تخيلي خطبي متين ماشاء الله مرا بس طويل ذا اللي ساعده ، يعني احاول بااي شكل من الاشكال انه ينحف لي ثمانيه شهور اللمح وقد كتبت موضوع هنا عشانه متين ابيه ينحف م ابي تجرحه بكلمه ، ذي المشكله باقي عندي بس الكلام اتحسن والله احسن من اول مع الايام بيعرف لا تخافين ي شكلك |
رد : خطيبي وعيوبه :'(
مساله القبل واالضم مثلك بالبدايه م بدء يضمني ويبوس الا بعد شهر من الملكه بدء يتجرا بكلامه وحركاته لمن يجي
اسفه عع الاطاله ، بالتوفيق حياتي لا تخربين عع نفسة عيشي افضل ايامك ذي الفتره |
رد : خطيبي وعيوبه :'(
اقتباس:
|
رد : خطيبي وعيوبه :'(
اقتباس:
فترة الملكة احلى فترة و استغليها و مدري وش ياخيتي .. مو شرط والله و خطيبك مبين ع النيه .. انتي عارفه ليه هو يرسل لك رسائل قديمة هو يحب يتواصل معك و الدافع لرسائله هو ايصال مشاعره لك اذن النية طيبة بغض النظر عن الرسايل منسوخة او منقوله بالنهايه هاذي طريقته في التعبير .. و هذا شي مرة كويس ماشاء الله ... خافي من بياعين الكلام ان جيتي للحق نصيحة ، لا تتركين لابليس منفذ على حياتك الله يهنيك يارب |
رد : خطيبي وعيوبه :'(
خلك على النية، ولاتبحثي، ولا تقولي وراه سوى وراه ماسوى، والمسكين بعدين مجتهد جزاه الله خير ويرسلك من هالرسايل الحلوة، حتى ولو كانت حقت نوكيا، يكفي إن الجود من الموجود، ولو بيده كان صار لك نزار قباني وأغرقك بالكلمات العذبة، لا تلومي أي أنسان وكل شخص وقدراته، ومادام أن فيه مميزات كثيرة فالحمدلله لا تطمعين زيادة، ترى الطماع شين وأنا أخوك، ومسألة بعيش الملكة وماتعشينها مثل الأخرين، فهذا التفكير مدمر، الملكة في نظري إنها مو للرومانسية والبوس ...إلخ، هي أهدافها الأولية التعرف على شخصية الطرف الأخر ورسم المستقبل معه، إن جاء أكثر من كذا خير وبركة، وإن لم يأتي فالحمدلله، لا تعتقدي أن الناس كلهم على نمط واحد، ولا تظني أن كل اللي حضنوا وبوسوا زوجاتهم قبل الزواج الآن يعيشون بأجمل حلة في حياتهم، خوذي الأمور ببساطة وتلقائية تعيشي بسلام ولا تشغلي نفسك بأفكار لا تفيدك كل مصدرها الشيطان، خلك مثل زوجك ياحبيله على النية وببساطة داخل الحياة، وهذا النوع هو المؤهل جداً للنجاح بحياته الزوجية إلا إن رفضت شريكته، وأفهم يافهيم على قولت الفريان :)
|
رد : خطيبي وعيوبه :'(
اذا جت على العيوب فربما فيك من العيوب أكثر منه لكن لا يظهرها وربما يتنازل عنها لأجل مميزات امور أكبر أو يصارحك بها بعد الزواج تريدين رجل خالي من العيوب لن يرضيك رجال الدينا كلهم .. احمدي ربك على النعمة التي انت فيها كم من رجل فيه المميزات الشكلية التي تريديها أنت وداخله أجوف وربما صاحب علاقات
|
رد : خطيبي وعيوبه :'(
اخت وردة الوادي ,
اسمحيلي اقولك المشكله كلها فيكي انتي , تدرين ليش لان كل الامور الي ذكرتيها الي تضايقك منه , هذي مظاهر وشخصية واسلوب تكون عليه مو بارادته , مثل السمنه , والقصر, والشخصيه , والاسلوب , والتفكير ومحد يفكر بيوم من الايام يكون سمين وقصير وا وا الخ... والحمدالله كل الي يقدر عليه مثل اخلاقه ودينه وعمله مهتم فيها , هذي امور بيده غيره يكون مقصر بدينه او مايركعها حتى ويتوب , والي يجيك متعنطز وشايف نفسه و ا وا الخ.. والدور عليكي انتي تتقبلي شخص بالمظهر هذا والشخصيه هذي وتحمدي ربك على اخلاقه ودينه او تعيشي بنكد كل يوم تفكري بذا الموضوع وتبينه مثل ماتكون صورتك ببالك بزوج المستقبل خلينا واقعيين اختي وحطي نفسك بمحله وتخنتي بيوم من الايام مع الحمل وكذا , او لاسمح الله تستعملي ادوية من وصفة الطبيب وسببت لك نقص بالشخصية والتفكير , تحسين هالامور بيدك تغيريها ولا يبغالها مجاهدة مع النفس حتى تتحسني احسن من اول مو عشانك مثلا جميله وتشوفي نفسك كامله والكمال لله عز وجل تستنقصي قدر خطيبك وتتأملي بشخص اجمل واكمل واحسن بالعكس ياختي انتي اكيد استخرتي وربك كاتب لنا كل أمر لحكمه منه , اليوم تتأففي من سلبياته وبكرة النهار يوقف معك بموقف محد من اهلك يوقفه معك وتعشقي عشق وانتي الحمدالله عارفه هالكلام وحبيتي اشياء فيه وقلتي ذكي وملامحه حلوه ودمه خفيف يعني في اعجاب بس الي ناقص منك تطوري هالاعجاب بالصفات الحلوه الي فيه لين يخليك تتغاضي عن شكله وكل شي ومالومك اختي كلنا نطمح للافضل والاحسن حتى لو شي تافه وبسيط نحاول نلقى له حل , هذي فطرة بالانسان يحاول يوصل للكمال قد مايقدر , وانا وغيري والكل لازم لازم في امور نبي نغيرها بشريك المستقبل لو مهما كان ايش بس عشان نكون مرتاحين ونعيش حياه افضل لابد نقتنع بالشي الي قدامنا , نحاول نعدل فيه بس بدون مايصيبنا ضيقه او نتأفف عيشي حياتك وانبسطي وخلي هالامور تجي زي ماتجي , وربي مع العشره وخفة الدم وذكائه بتعيشي احلى حياه , والمظهر وباقي الاشياء كماليات راح نتعود عليها وماتهمنا والله يوفقك يارب ويكتبلك الخير |
رد : خطيبي وعيوبه :'(
تقبليه كما هو ..
ليس كل شخص راضي بشريكه 100% من نآحية البوس والأحضان ماشاءالله اعتقد انك جريئه أكثر منه تستطيعي قبل زيارته بيومين مثلا إرساله رساله بمعنى نفسي أحضنك وهيك .. ان شاء الله يفهمها .. ويطبقها .. ومن ناحية الجسم صعبة ينحف في 3 أشهر بعد شهر ابدأي اذا أرسلك شيء علقي لو انك انحف أرى بأنه احلى عليك وحتى مايزعل بادريه وانت مارأيك بجسمي أنحف ام أسمن .. |
رد : خطيبي وعيوبه :'(
هذا الزوج ماتحصلي زيه ذي الايام .. من النوعية النادرة ..
وإن كان زي ماذكرتني ففي الغالب إنه خااام وماعمره مر بعلاقة حب وغرام ولا له باللف والدوران واللي نادراً ماتحصلي شاب في مجتمنعا من ذا النوع .. ولا له بالاتكيت والرومانسيات . مع الايام حبه حبه علميه إنتي .. والله يوفقكم |
رد : خطيبي وعيوبه :'(
عجبتني رسايله دقة قديمة خخخخخخ
مسكين تلقيه حمل البرنامج مخصوص عشان يرسلك و إنت تقولي : دقة قديمة :) يختي الرجال جاي من ثقافة و بيئة مختلفة عنك .. شي طبيعي يكون مختلف في كل شي ..مومعقول يجي كوبي منك وسلبياته اللي شايفتها سلبيات كلها مع الوقت تتعدل و تتغير .. سواءا سمنته أو طريقة كلامه أو لبسه أو حتى رسايله إنت تقدرين تغيريه ,,اصلا مع الوقت راح يتاثر فيك ويتغير .. |
| الساعة الآن 03:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©