الثلج إذا تنفس
 

رد : الثلج إذا تنفس
 

يااااااااااااااااااااااااااااااااااااااااااااااااا اي

وااااااااااااااااااااااااااااااااااااااااااااااااا ااااااااي

شو اقول شو اخلي ههههههههههههههه

جميل .... رائع ... تبارك الرحمن .... الله يردني لذيك الديار هههههههههههههه

التعبير عفوي تماما :21::25:

الصور رائعة جداً ,,, شكرا جزيلاً ع الإبداع ...

رد : الثلج إذا تنفس
 

بسم الله عليك بشاير، أهم شي لايسمعونك الجيران :)

صحيح أيام ستعلق بالذاكرة.
شكراً لكِ.

رد : الثلج إذا تنفس
 

غريبه .. توه ينزل ثلجكم ..

احنا بنطلع ملابس الصيف وانتم توكم تثلجون

اجل مادام هالاجواء ننتظرك تسوي محلى ولا حنيني ولا قشد اسهل واسرع

رد : الثلج إذا تنفس
 

مثلجين من خمس شهور، وإلى أمس فيه ثلج بس خفيف، وهذي الصور قبل ممكن ثلاث أسابيع، واللحين الجو صاير دفأ يعني مثل اللحين 1 تحت الصفر، تراي قلت دفأ لاحظي :25: يعني قبل شهر ونص وصلت درجة الحرارة إلى 22 تحت الصفر :24:

بالنسبة للقشدة والحنيني كان ودي أسويهم لكن للأسف ماني من هواتهم

شكراً لكِ.

رد : الثلج إذا تنفس
 

تقصد بشرى :d
سمعوني زميلاتي في العمل وخلصنا :d

هاي الصورة من البرنده ع قولتهم :d
المانيا قبل 3 اسابيع تقريباً


[img]http://im31.***********/tKDN4.png[/img]

كان روووووووووووووووووعة البرد اوف كورس
لكن حالياً خلاص بدينا بالصيف ولله الحمد ...

رد : الثلج إذا تنفس
 

معذرة بشرى، العتب على عدم التدقيق بالقراءة :28:

حلو أول مرة أشوف بنت تحب البرد :d ، لو بيدي كان عشت بثلاجة :24:

على كل عساه مايجيكم صيف 2012 لأنه مريت على فرانكفورت يالله العشب كله ميت من الحرارة وصاير أصفر.

رد : الثلج إذا تنفس
 

سبحان الله

صور جميله جدا ..

ان شاء الله ربي يرزقني شوفته وامتع ناظري ^_^

رد : الثلج إذا تنفس
 

22 تحت الصفر..

معقوله

على بالي هالاجواء بالقطب الجنوبي بس

وش تسوون باعماركم ..
جانا كم يوم صفر و سالب 1 ..
الله لا يعيدها ..

ماتعودنا على كذا ..

انا كنت احب البرد قبل مااتزوج .. همي نفسي وبس

لكن الان .. قبل كل مشوار اطل بالجوال اشوف درجات الحراره ..
وراي اطفال .. وانا من النوع الي البسه خمسين قطعه ولا يمرض من البرد .. يانبني ضميري

لا من جد وش تسوون بالاجواء البارده هذي ..
انت باوروبا ولا امريكا

اتوقع ماتحمست للحنيني والقشد لان ماعندك تمر او ماعندك قهوه ..

رد : الثلج إذا تنفس
 

شكراً لكِ أعماق، وإن شاء الله تشوفيه وتشوف أجمل وأمتع منه.

رد : الثلج إذا تنفس
 

قبل سنتين وصلت درجة الحرارة إلى 33 تحت الصفر.

على كلٍ هنا صحيح الجو بارد جداً يقطع الجلد لكن التدفأة هنا رائعة جداً لدرجة أننا نموت حر داخل البيت، فنظام الدفئة عندهم مو زينا دفيات إنما على أمتداد الشقة فيه نوع من التدفئة يبث حرارة، نظامها أقرب إلى التدفاية الزيتية اللي تستخدم بالسعودية.

صحيح مشكلة البرد بالنسبة للعوائل مع الأطفال، كثير من العوائل مايطلعون بسبب أطفالهم :29:

شكراً لكِ.

رد : الثلج إذا تنفس
 

ماشاء الله تبارك الله

الله يعطيك العافيه على الصور اللي تشرح الخاطر

رد : الثلج إذا تنفس
 

نسيت أضيف للأخت توفي، أنا بشمال أمريكا وهي معروفة بالبرود الشديدة في فصل الشتاء، لكن ليس كل أمريكا كذلك، جنوب أمريكا دافئ في الشتاء.

رد : الثلج إذا تنفس
 

الله يعافيك وابل الندى، شكراً على حضورك.

رد : الثلج إذا تنفس
 

فراكنفورت معروف يا ابيض يا اصفر :d
ما عندهم حل وسط

طببببببببببببببببببببببعاً اموت ع البرد واللون الابيض
انا واخوي :d نستمتع في هالأجواء

يمكن ما في وايد بنات يحبون الثلج والبرد لكن اغلبهم يحبون يعيشون هالتجربة لو مرة ف حياتهم

شاكرة لك ...

رد : الثلج إذا تنفس
 

صور جدا حلوة
انا من الي يحبوا شي اسمه فصل الشتاء
احب المطر واحب صوته جداااااااا
واحب الثلج والمشي وهو ينزل جدا جميل
واحلى شي لما اصحى والاقي المنظر بس بياض
لكن من سنتين بديت اكره شي اسمه شتى
لما شرفوا بناتي صرت ما احبه لان صرت محبوسه معهم ما اقدر اطلع اتمشى واستانس فيه
احتاج ان نويت اطلع -----طلعه ضروريه يعني طبيب مثلااا -----
احتاج اقل شي ساعه تلبيس البنات ملابس الشتى وتعذيبهم لي خلالها

الاوربيون عادي عندهم متعودين عليه ويعودون اطفالهم من الصغر
اما نحن العرب نخاف على اولادنا وما نتشجع نطلع بالثلج

لكن المطر سهل امره
عندنا حتى بالصيف تمطر
حلووووووووووووووووووو



قبل ست اسابيع تقريبا جا علينا موجة ثلج ما صرنا نعرف الشارع وينه من كثر الثلج تغطى
دورت على صورته ما لقيتها كنت حابه اشاركم فيها

اليوم بعد نزل الثلج عندنااااااا

دررجات الحرارة كانت توصل للعشرين تحت الصفر احيانا
وطول الفترة الي طافت من شهر نوفمبر الي قبل اسبوعين ما شفنا الشمس نهائيااااااااا


الحمد لله على كل حال

رد : الثلج إذا تنفس
 

بردت من شكل الصور بس :)

ماشاء الله الحال واحد

بس اليوم عندنا 8 تحت الصفر

وزي جالة دندورمة..اول كنت احب المطر و الثلج

اما بعد الانجاب كرهههتهم خاصة المشي مع عرباية الطفل وسط الثلج
اووووف اشغال شاقة يارب تكتب الاجر لنا ..

اخذ الاطفال عالحضانة تعب من كثر اللبس بالبيت و بعدين الشلح بالحضانة :)

اولادي يمشي كانهم رجال فضاء ههه لو حد منهم طاح مايقدر يقوم لحاله لازم حد يسحبه خخخخ

الله يعين بس

صرنا اذا الحرارة 5 ولا 6 فوق الصفر شفناه صيف وطلعنا بملابس اخف :)سبحان الله كيف الانسان يتعود
عالبرد

احلى مافي البرد الوجه ..
اتذكر السنوات الي فاتت كنا ننرل للوطن بعز البرد .. وعيالي بييض وخدودهم حمر :) شكلنا جايين من برا

السنة هذه نزلنا بالصيف و عيالي سمر و حرقتهم الشمس خخخ قالو من وين جيتو :)
شكلكم غير عن كل سنة ..


هدرت زيادة :)

المهم تسلم اخوي عالصور و ان شاء الله خلاص يخلص الشتاء ونشوف الربيع بسرعة
لانه بجد طول علينا

رد : الثلج إذا تنفس
 

فعلاً الأطفال معبين ويعيقون تحركك بسبب البرد، وفعلاً لحظات أن الغربيين مايقلقون على ابنائهم بالبرد يعني عادي درجة الحرارة خمسة تحت الصفر ويخلونهم يلعبون ويراكضون في الحديقة، حنا لو تصير درجة الحرارة 10 كان تعطل كل شي علشان الأطفال لايدخلهم البرد، ذكرتيني واحد كان ظهره يوجه ويقول أنه داخله برد، فقال لأمريكي أني مريض قال وش فيك قال داخلني برد ههه الأمريكي عجز يفهم، قال شلون يدخلك البرد ويصيب ظهرك!! عن جد شي غريب، نحتاج نعرف هل هو صحيح البرد يدخل الواحد!؟ ويصيب مثلاُ ظهره؟

كنت اتمنى تنزلي صور للثلج عندكم، شكراً لحضورك دوندرمة

رد : الثلج إذا تنفس
 

ضليت ساعةبالليل والعالم نايمة اقرأ بس العنوان وبتساءل
كيف يتنفس الثلج :25:
يا الله شو ضحكت على حالي :d
ما جمع عقلي وبعدين استوعبت انه إذاً تنفس
ضحكت ضحك على جدبنتي
صحا زوجي مرعوب

بالنسبة للثلج من شي شهرين وصلتت عنا الحرارة -٤٥
ووصل الثلج شي نصف متر او اكثر الحياة شبه توقفت الولاد بطلو مدرسة
معاناة والله بس حلو وقت تتمشي فيه باول ثلجية وتكون مرووق مع كوفي موكا او شوكولا :)
الله يعطيك العافية اخي

رد : الثلج إذا تنفس
 

انتبهي بس لا يدخلك البرد من هالصور :d أما الأطفال ورجال الفضاء صراحة حلوة تشبيه بليغ:22: عن جد تخيلتهم وهم يمشون ههههه مكتفين من عند كل جهة.

ملاحظتك في محلها من ناحية الجو، تصوري قبل شوي درجة الحرارة عندنا اثنين تحت الصفر والناس قاعد تمشي وفرحانة كأنه ربيع، عن جد لدرجة أنه ودي أطلع اتمشى

الله يسلمك، وفعلاً الشتاء تقل طول شوي، الله يخلصنا منه نبي نشوف الطبيعة ونطلع من دون شيل هم للبرد، شكراً لكِ.

رد : الثلج إذا تنفس
 

هههه إذا عنوان جلستي ليلة تقرينه وشلون لو غيره، بسم الله على زوجك كويس ماقالك سلامات وش شاربه :28: اما درجة الحرارة خمس واربعين تحت الصفر شكلكم بالأسكا، بس المشي بالثلج فيه شي من المغامرة يحتاج تمشي بتوازن كمان كأنه تراب يخليك تتأخر شوي بالمشي، عموما أحب أنا أشوفه من خلف الشباك كأن يكون في محل وكله قزاز وأشوف الثلج يتساقط مع وايت شوكلت موكا :) ، الله يعافيك وشكراً لكِ.

رد : الثلج إذا تنفس
 

صور جميلة جدا شكرا لك

رد : الثلج إذا تنفس
 

صور رااااائعه ... سبحان الله
وزايدها جمال اللون الرمادي ،، وكأنها مرسومه بالرصاص ..

ناقص كوخ مغطى بالثلج ،، !
ودي استمتع بمثل هالاجواء .. بس يكون الجو دافئ ^ . ~
عافاك الله اخي الفاضل ..

رد : الثلج إذا تنفس
 

حياك الله أخي أحمد، وشكراً لكَ.

رد : الثلج إذا تنفس
 

شكراً لكِ شقردية، فعلاً حاولت أن أعمد على أن يكون هناك فقط اللون الأبيض والرصاصي لتكون كأنها رسمة من دون ألوان.

أن شاء الله تقدرين تتكوني بمثل هالأجواء ونزود درجة حرارة الجو للحرارة اللي تناسبك :28:

اظام لتدفئة هنا رائعة جداً بحيث أنك داخل البيت تستطيع أن تجعل التدفئة تصل لدرجة أربعين، بينما في الخارج درجة الحرارة أربعين تحت الصفر على سبيل المثال، أحياناً من شدة الحر داخل الشقة أفتح النافذة علشان يدخل شوي من البرد وهي درجة الحرارة عشرة تحت الصفر، عاد جسمي حار نسبياً ولا يتحمل زيادة حرارة.

وهكذا في كل البيوت والمدارس والباصات والمستشفات التدفئة رائعة جداً لدرجة أن الشخص قد يأتي الشتاء ويخرج وهو لم يلسعه :d


على طاري توقيعك من زمان مالك حس ولا رس بهالمنتدى، لدرجة أني فقدت شي وهو أن مشاركاتي صارت ماتنحذف :23: أمزح معك صاير شاب مؤدب ملتزم بالقوانين :d وأنتي ماحذفتي إلا ما استوجب حذفه لأني أول ماتدخلت المنتدى كنت مراهق ومشاغب بس عقلت اللحين :22:

رد : الثلج إذا تنفس
 

ماشاءاللهامووووت بالثلج واااااوامنيتي اشوف الثلج
بس مو على طول يعني يوم يومين اسبوع عشان خاطري بس!!
قبل العام صعدنا لقمة جبال الالب عشان اشوف الثلج بس ماحصلنا الا
كم قطعه متناثره هنا وهناك!! لكن مصرره الا احقق امنيتي والعب بالثلج!!


قريبا يارب🙌

رد : الثلج إذا تنفس
 

مرحبا ناني
برسلك تذكرة وتعالي عندنا لعله يمديك تلحقين على باقي الثلج لأنه بنهايته واليوم طاح شوي ثلج :28:

جبال الآلب الآن فيها ثلج، أخوي رايح لذيك المناطق وأشوفه منزل صور بتويتر فيها ثلج، أقرب للسعودية شدي حيلك وروحي ع أقرب طيارة :d

شكراً لكِ.

رد : الثلج إذا تنفس
 

انزعجت كثير من طريقة ردك حسيت فيها سخرية وعدم تصديق
بالنسبة انه جلست ساعة بس لاقرأ عنوانك
فما تستغرب كثير واذكر اخوانك المهاجرين طبعا في كثير منهم حتى أ -ب
ما بيعرفها
ودرجة -٤٥ هذا صدقا ولست بالألسكا
وما حبيت اعقب على ردك بس ما بحب شيل بقلبي على حدا بدون ما اتاكد يمكن يكون فهمت خطأ

رافقت صورتين هول من قدام بيتي من شي ٤ ايام
http://www10.0zz0.com/2013/03/25/14/831852991.jpg
http://www10.0zz0.com/2013/03/25/14/732054484.jpg


وباتمنى اكون فهمت حكيك خطأ لانه حضرتك من الناس الي بحترم رقي حكيهم وبتابع ردودهم

رد : الثلج إذا تنفس
 

أي والله ياخيتي فهمتي كلامي خطأ، مافيه أي كلمة فيها سخرية وأعوذ بالله أن أسخر من كلام الناس أو أي شيء يتعلق بهم، مجرد تعليق عادي لطيف ليس فيه أي نوع من التكذيب، ولماذا لا أصدقك ونحن قبل سنتين كانت درجة الحرارة لدينا 35 تحت الصفر، وفي روسيا قبل مدة وصلت درجة الحرارة إلى 71 تحت الصفر، توقعت لما ماعرفتي تقرأين عنوان موضوعي أنه بسبب أنه مافهمتي زين مثلي أنا لا أفهم أحيانا بعض الكتابات أو العبارات بسبب أنه أختلط عليه شيء ما أو أنها تحتمل أكثر من معنى، عموماً أعتذر لكِ إن كنتُ سببت أي جرح لكِ من دون قصد.