|
مارأيكم فيما فعل زوجي
السلام عليكم ورحمة الله وبركاته
تدرون على اخر مشكلة .. تاكدت انه زوجي كان مرات يسحب من شنطتي فلوس .. كنت اشك .. و مجرد احساس . . المهم .. غيرت الرقم السري و الحمد لله ماقصرت معاه و لا مع البيت و لا الاولاد ايجار البيت و فتحت له مكتب مع شريك بس تعرف العقار مو على طول بيجيك مكسب .. . . باختصار .. امس استغربت انه سهران للفجر و يتفرج عالفيلم الانجليزي .. و قبله .. بس قبل امس ما حسيت بشي .. امس حسيت بشي .. ماعرف سر الاحساس ؟ سالته ايش فيك تسهر للفجر ؟ يقول اتفرج عالفيلم و اجلس مرة وحدة اصلي الفجر .. المهم .. زوجي لما يكذب احسسسس .. انه يتصرف تصرفات ماهي من طبايعه .. . . الحكاية انه كان يخطط كيف يسرق من حسابي اليوم عرفت انه سرق الفين ريال .. لو انا مقصرة اقول لك صح . . المهم هو معزوم اليوم في زواج .. دقيت عليه قبل ساعة و قلت له .. فيه الفين اتسحب من حسابي و ممسوحة الرسالة من جوالي انكر و قال يمكن لما سحبتي راتب الشغالة قلت له لا .. هذا واحد يعرف الرقم السري حقتي و انت اعطيتك الرقم السري قبل امس عشان تشتري حليب للصغير لانه كان نايم و ماقدر اخرج اسحب و هذا واحد بعد ماسحب الفلوس .. ردع البطاقة و مسح الرسالة من جوالي قلتله ليش سحبت الالفين ؟ ماعطيته فرصة يلف ويدور |
رد : عاجل .. أبو حكيم
الحكاية مو حكاية فلوس .. ادري يحتاجها ..
بس غلطته الاخيرة و سكت له .. و رجعت ساعدته بايجار البيت .. و تضاربت معاه عشان اخد خمسين من شنطتي .. و حلف و اقسم لو يموت ما ياخد شي و قبل اسبوعين جرح يده بالسكين .. قال عشان لو بيوم طلبت منك فلوس افتكر الجرح . . المهم .. قال لي طيب تبغي الصراحة ؟ بعد ما كشفته .. مع العلم انه مرة صاير حنون من يومين و قلت غريبة ؟ معقولة عشان الحمل ؟ طلع عشان بيخطط .. . . المهم قلت له .. المرة هذه .. لا عاد ترجع البيت |
رد : عاجل .. أبو حكيم
تأكدي من تاريخ ووقت سحب المبلغ ومن موقع الصراف الذي سُحب منه المبلغ ( عن طريق البوابه الألكترونيه للبنك ) ربما تكوني أنت سحبتي المبلغ ونسيتي |
رد : عاجل .. أبو حكيم
انيم ولدي
الزواج يخلص بعد ساعة ونص جلس يقول اصلا كنت ناوي ارجعه و عشان السيارة بالورشة ووو الخ قلت له الحكاية مو فلوس و انت تدري اني ما باقصر .. لكن لحد هنا و كفاية و خلص رصد جوالي و اتقفل و صكيت رقمه بالواتس اب عشان اعرفه .. لما يراضيني يعرف كيف يخليني احزن عليه |
رد : عاجل .. أبو حكيم
هو سحب و مسح من جوالي عشان لا ينكشف ..
و ماعرف ليش اول مرة يجي ببالي امس اشيك على حسابي من موقع البنك طبعا حافظة تخطيطاته .. . . امس سحب الفلوس و هو رايح صلاة الفجر و رجع و مسح الرسالة من جوالي |
رد : عاجل .. أبو حكيم
الحكاية مو فلوس
الحكاية انه خلاص متعود على مال الحرام . . في بريطانيا قدم على قرض ربوي .. قلت له حرام و مايجوز .. ووو الخ يعني مثلا ياخد ثلاثة الاف و يرجع كل شهر خمسين و المجموع يكون اكثر . . المهم ضحك عليهم و رجع السعودية وماسددها لهم ماعنده خوف بداخله و لا ماعرف ؟ المهم .. انا ردة فعلي الصراحة .. ابرد من البروووووود قفلت الباب و دحين انيم ولدي و باجلس اذاكر كلمات انجليزية جديدة |
رد : عاجل .. أبو حكيم
اعترف بالسرقه ؟ لا أدري بماذا أعلق |
رد : عاجل .. أبو حكيم
اخاف من اللي جاي ؟
مصيره بيراضيني .. بس مابغى اصالحه المرة هذه الا لما ريقه ينشششششف عشان من يوم تزوجنا .. ماعمري نمت يوم و نحنا متزاعلين دايما ارضى بسهولة .. وقت ماهو يحب يراضيني . . صار يستهين بزعلي و ندمت على اخر موقف عمله في رمضان اني رجعت له بسرعة |
رد : عاجل .. أبو حكيم
ايوة ..
زمان لما كنا في بريطانيا حصلت مواقف كذا و ماشكيت فيه اتهم الشغالة و حرضني اخصم من راتبها و حلف و اقسم انه مو هو و صدقته بسرعة كنت اثق فيه لولا امي الله يرحمها اتصلت عليا و انا في بريطانيا و قالت يابنتي حتى لو الشغالة سرقت .. لاتخصمي من راتبها و اعتبريه صدقة عشان ربي يبارك لك بالمال و صحتك و نفس الوقت تاخدي اجر انه فلوسك انسرقت تخيل لو ظلمتها بسببه و هو يحرضني عليها عشان لا اشك فيه و يبعد الشبهة عنه |
رد : عاجل .. أبو حكيم
اعترف لانه خلاص مكشوفة اوراقه امامي صارت ..
و انا وصفت له الاحداث بالضبط كاني باشوفه امامي . . اتهرب و انكر و لف يمين و شمال و كان بيحاول انه يعمل فيها زعلان و يعصب ووو الخ عشان يقلبها علي .. بس عارفني المرة هذه مافي مفر حتى لو اضطريت اروح البنك و لا الشرطة و لا ايش ماكان .. اعترف .. حاول يبرر انه عشان لا يمسكوه الشردة عشان التوقيف ووو و سيارته بالورشة و عشان يوصلني الشغل و مايبغى يطلب مني و يقول انا اعتبرتها الالف و 500 الي وعدتيني بها قبل يومين انك تعطيني هي عشان اصلح سيارتي و ما احتاج لاحد قلت له .. ماعمرك اخدت شي و رجعته فلا تقول كنت ناوي ارجعها كنت ناوي تاخد الالفين و اعطيك فوقها 1500 عشان تصلح سيارتك . . قلتله انسى رقمي و المرة هذه انا جادة بكلامي و اتقفل الخط خلص الرصيد ارسل لي مرتين كووول مي و طنشته و لا هز فيا شعرة كنت احزن بس خلاص |
رد : عاجل .. أبو حكيم
بصراحه .. السرقه مهما قيل فيها تبقى صفة ذميمه وتُفقد صاحبها ثقة الناس فيه من حقك ألا ترضي بسهوله ولكن لا تجعلي الطلاق من ضمن الحلول |
رد : عاجل .. أبو حكيم
الحل انه اخوي يتدخل و يوقفه عند حده و يحط له خطوط حمرا ..
بس اخوي المشكلة .. ما ينسى ابدا .. و عنده يا ابيض او اسود .. و اسلوبه في الكلام يا هادئ جدا .. يا دببببش مرة و يخلي الواحد يكرهه بس له هيبة عند الكل و ماني حابة انزل هيبته عند زوجي .. زوجي يحسب له الف حساب .. . . بس دحين اتركه برة البيت ؟ كم يوم ؟ . . الطلاق مو حل .. ادري عشان كذا اخوي ماراح ادخله .. . . المرة هذه ماراح اتصرف غير بتوجيهاتكم .. و لو الاخ البليغ ممكن يساعدنا بالتوجيه و النصح |
رد : عاجل .. أبو حكيم
لا تدخلي أخيك بمشكلتكم وحليها بينكما بدون علم أحد من أهلك أو أهله إذا لم تسمحي له بالعوده للبيت .. أين سيبات ويقيم ؟ |
رد : عاجل .. أبو حكيم
هو راح يحط تبريرات .. سيارتي و توقيف وووو الخ ..
. . نسيت .. قلتله .. الليلة لو مارجعت الالفين و فوقها ثلاثة الالف انسى ارجع لك .. بس حسيت كلامي اهبل ؟ بعدين عدلت كلامي لما قال لي .. اعطيني يوم زيادة قلتله .. ماهمني الفلوس .. تسرق ليش ؟ ايش ماكان هذه طريقة ماهي طريقة ناس شرفاء .. . . بس عاااادي الكلام ما ياثر فيه .. زوجي من كثر ما ينشتم من ابوه و اهله .. كرامته ميتة و امه نفس الشي .. . . عشان كذا ما حبيت اتعب حالي بالكلام .. و لو صالحته و دخل البيت .. لو وعد بايش .. اعرفه كذاب . . من شوال و انا مغيرة الرقم السري .. تويي من يومين اعطيته عشان يجيب حليب لولده .. لاني ما اقدر اخرج بالليل عشان اروح اسحب من الصراف و ولدي نايم .. . . قلت خلاص بيتوب و عارف نفسه مفضوح .. . . لو رجع لي .. ماراح يتوب .. راح يدور طريقة تانية ما اكشفه فيها .. في الشارع .. ماراح يروح لاهله راح يروح يسهر مع اصحاب السوء بالبلياردو . . على فكرة .. بعد الحكاية الاخيرة الي حصلت توقف عن السهر و بعد كثير عن واحد من اصحابه كان مرة ياثر عليه تعرف عليه وقت كنت مشغولة بحملي و مرض امي و موتها الرجال هذا يستغل حاجة زوجي للفلوس بس انا ماقصرت مع زوجي و عرضت عليه اساعده و اصلح له سيارته . . ما عرف .. . . ما انكر تعامله كويس احسن من قبل .. بس زايد المعيار كان اليومين هذه .. و في يده فلوس يصرفها ؟ استغربت و ما سالته .. اكيد احزن عليه .. . . بس باساعده .. طيب لمتى ؟ هو ما ترك احد ما ياخد منه فلوس حتى المرة هذيك اخد من ولدي .. . . ما عرف .. . . ما انكر تعامله كويس احسن من قبل .. بس زايد المعيار كان اليومين هذه .. و في يده فلوس يصرفها ؟ استغربت و ما سالته .. اكيد احزن عليه .. . . بس باساعده .. طيب لمتى ؟ هو ما ترك احد ما ياخد منه فلوس حتى المرة هذيك اخد من ولدي .. باعلم ولدي يجمع فلوس .. اعطيه ريالين او ثلاثة .. و اقول له اصرف ريالين و الثالث جمعه .. و مرات اعطيه ريال زيادة و اقول له عشان تشتري لاخوك معاك .. . . هذاك اليوم ما معاه و لا ريال .. زوجي عرف و طلبها منه و راح يجيب مقاضي للبيت .. صح كانت 12 ريال .. لاني بديت قريب اعلم ولدي .. . . بس و بعدين معاه ؟ طبعا ما شكتت لزوجي .. و قلت له انا اربيه عشان يتعلم كيف يصرف و كيف يدبر اموره و اعلمه عالكرم .. و راح اربيه كيف يساعد امه و ابوه ماتخرب تربيتي و تعلمه يستلف فلوس او ياخد فلوس من اي احد .. . . و يبدا يتعلم يكذب عليك و يقول ما عندي فلوس زوجي و اخوه يكذبوا على امهم و ابوهم و يقولوا ماعندنا فلوس عشان لما كانوا ضغار . كانوا كذا يحطوا عينهم على فلوس اولادهم و انا لما بديت اعلم ولدي نبهت زوجي و بطريقة حلوة و مؤدبة لكن لا حياة لمن تنادي |
رد : عاجل .. أبو حكيم
دعي زوجك ينام في البيت ولا تفتحي مجالا له للعوده لرفقاء السوء وفي بيتكم حلي مشكلتكم بداية .. تعاملي معه بكل رسميه وجديه ولا تحادثيه إلا للضروره فقط ثم نفكر بهدوء كيف تتعاملي معه |
رد : عاجل .. أبو حكيم
اقتباس:
أحسنت ..... |
رد : عاجل .. أبو حكيم
اخوي ابو حكيم ..
شلت الحظر عن الواتس و ارسلت له نام في بيتك ؛؛؛؛ زوجي كل اصحابه و معلييييه عالكلمة .. سلاتيح .. ماعرف معناها بس اسمع كذا .. يعني مو في راسهم يا اعمارهم 23 او واحد مطول شعره و عاطل و مسوي فيها مرة فرييي يا واحد موظف بس لسانه متبري منه و الفاظهم مرة .. . . زوجي ما يتحمل يمشي مع ناس متعلمين او ناس جاديين بالحياة . بس يعجبووووه .. و يثيروا اعجابه .. . . بس لما اكون معاه .. تاثيري عليه اقوى .. لانع اصحابه يعترفوا بمعزته لي و اعترافه امامهم .. و حتى اهله يعلقوا دايما عليه . . ادري انه بحاجة لفلوس و استحى يطلب مني .. لاني قبل اسبوع .. كلمته و قلت له لمتى ؟ بس مو تبرير .. ما راح اكلمه و بكرة باروح الشغل مع سواق اهلي .. بس راح يوصلني غصب عني و يتكلم معايا بالسيارة و يجيب لي فطور و يحاول يراضيني الحل ؟ كيف اتصرف معاه ؟ بس مجرد ما ارضى .. يرجع لحالته و يرجع يسرق |
رد : عاجل .. أبو حكيم
تعاملي معه برسمية وغموض وجديه ولا تفتحي له مجالا ليعرف بماذا تفكري ولا تجيبي على أي أسئله يطرحها , وخصوصا التي تتعلق بمستقبل حياتكم الزوجيه وحاليا لا تقبلي منه أي مبادرة صلح وارفضي كل ما يقدمه لك وعندما تشعري أنه وصل لمنتهاه ( بعد ما تنشفي ريقه ) حتى لو امتدت هذه الفتره لشهر أو شهرين أو أكثر تصالحي معه على شروط واضحه تضمني فيها خصوصيتك الماليه تماما وأن يكون هو المسؤول عن الإنفاق بكل تبعاته . هل يعمل في المكتب العقاري ؟ |
رد : عاجل .. أبو حكيم
ايوة .. استخرت الله و اعطيته مبلغ
معاه شريك .. شريكه ان شاءالله شخص جدي بالعمل و ماعنده يا ماما ارحميني .. موظف حكومي و له منصب .. وله خبرة بالعقار وارثها من ابوه و اقاربه لكن ما يقدر يفتح باسمه المكتب و مايبغى احد يشاركه من جماعته لانه كان مشترك مع اقارب له و كل ماكسب شي .. نشروه وسط القبيلة . . انسان فاهم و يعلم زوجي انه يشتغل .. ومرة زوجي غاب .. قال له شريكه ماتبغى تشتغل من دحين اتكلم و نفك الشراكة .. نن يومها صار يهتم بس ما بيكسبوا شي .. قاله شريكه .. هذاك اليوم .. على بالك الشغل سهل ؟ مرات تجلس شهر شهرين بدون شي .. و يجيك شهر و تكسب حقة ست شهور صار لهم شهر و نص .. مع اني كنت مقررة بعد المشكلة هذيك مالي دخل فيه و ما اجلس معاه لو جلس عاطل بس برضو وقفت معاه .. و ماهمني هو يقدر او لا .. باساعد باللي اقدر عليه و بالشي المنطقي |
رد : عاجل .. أبو حكيم
رد علي بالواتس
انتي فين ؟ بيحاول يستدرجني بالكلام معاه . . كيف اتصرف معاه .. . . اذا رديت .. حيقول اجيب شي ؟ و يبدا يعمل حركاته .. . . ماراح اكلمه هو يدري اني بالبيت .. بس حركة من حركاته . . هو شخص متعود يعطي وعود من يوم ما انخطبنا و حتى اهله شبعوا من وعوده بكل سهولة يدور على فرصة عشان يقلب الموضوع عالشخص و هو يطلع مظلوم او ينسسسسسى بكل سهولة . . اخوي ابو حكيم .. ايش الشروط الي احطها بعد فترة ؟ . . انسان يوعد .. على امل انه المرة الجاية يجرب طريقة جديدة بالكذب . . الفترة هذه كنت ادور على شقة تمليك عشان ننقل .. و هو كان يدور لنا .. يعني بيحاول يتكلم معايا و ينسيني الموضوع بس راح ادور بنفسي و اتفاهم مع مكاتب العقار بنفسي .. لانه بعد ثلاثة اشهر ينتهي عقد ايجارنا هنا .. . . هل اشيل فكرة شراء الشقة ؟ الشقة عشان الاولاد .. ماهمني هو .. . . ليتني رجال و هو حرمه .. |
رد : عاجل .. أبو حكيم
- نعم هذه طبيعة العمل العقاري تمر أشهر عجاف وفي شهر أو شهرين ربما يتحقق ربح سنة كامله - لا تردي عليه أين أنت هو يعلم أنك في البيت فلا حاجة للرد - الشروط مبدئيا .. لا تنفقي شيء على البيت من اختصاصه هو , ولينفق من سعته وعلى قدر دخله غيري الرقم السري لبطاقتك ولا تعطيه اياه لا يعلم كم رصيدك يعمل بجد واجتهاد في المكتب العقاري ووضحي له أنك لن تستمري معه إذا بقي عاطلا عن العمل |
رد : عاجل .. أبو حكيم
اخوي ابو حكيم ..
الموضوع احتاج فيه متابعتك اول بأول رجاء" .. لاني بافكر بعقلي المرة هذه. . . ما راح ارد و لا راح اكلمه .. و لا راح اجاوب .. ايش ما صار .. . . انا باصرف مقاضي عالبيت الف ريال اقل شي .. و ماهمني .. المهم الاولاد ماينحرموا و نفس الوقت بدون تبذير .. بس الحكاية هي حكاية المبدأ .. . . عمره ما حيتغير اذا في راسه انه بيعتمد علي .. . . قبل فترة لما سالته لمتى كذا ؟ اقترحت عليه اننا نبعد عن بعض خمس او اربع اشهر .. و قلت له نحن راح نكون موجودين و نستناك .. بس روح و كون نفس و اشتغل .. و وفر لنا حياة كريمة و قرر وقتها اذا تبغانا فنحن نستناك لو ماتبغانا .. لك حرية القرار |
رد : عاجل .. أبو حكيم
بالنسبة للبحث عن شقه .. استمري بالبحث وسجليها بإسمك عندما تشتريها ويمكنك البحث في النت لتختصري الوقت والجهد على نفسك وإذا وجدتي ما يروق لك بإمكانك الذهاب ورؤيتها على الطبيعه |
رد : عاجل .. أبو حكيم
لما تصالحت معاه بعد حركته الي في رمضان ..
قلت له اذا خلصت شغلة الحج و جلست عاطل .. ما اجلس مع شخص عاطل معليه .. و قال طيب و لما قرب يخلص شغله في الحج و ماشفته يدور على شغل باجتهاد لما اقوله بتجلس عاطل ؟ يقوم هو اللي يهدد .. ايش يعني بتسوي ؟ ما تجلسي معايا ؟ خلاص اخرج دحين .. و يتأفف و يحط تبريرات و لازم اقتنع بتبريراته .. و لا اكون نكدية و ما اقدر ظروفه . . الشروط نفسها حطيتها قبل .. و ماشفت نتيجة فعالة .. غير حرقة اعصاب و انا بالاخير اصرف يقولي ماعندي فلوس اكليهم اندومي |
رد : عاجل .. أبو حكيم
اخوي ابو حكيم
الوعود ماتنفع معاه |
رد : عاجل .. أبو حكيم
هو شخص متعود يعطي وعود من يوم ما انخطبنا
و حتى اهله شبعوا من وعوده بكل سهولة يدور على فرصة عشان يقلب الموضوع عالشخص و هو يطلع مظلوم او ينسسسسسى بكل سهولة |
رد : عاجل .. أبو حكيم
لازم يتعاقب .. عدم ردي او تجاوبي معه ..
هذا راح ياثر عليه .. لاني بجد المرة هذه جادة و اعطيته فرص .. بس الوعود هذيك .. اخدتها منه من قبل و قال طيب و ابشري .. |
رد : عاجل .. أبو حكيم
أختي الكريمه .. سأكون متابعا معك موضوعك واسأل الله التوفيق والسداد اقتباس:
اقتباس:
أتفق معك أن الموضوع هو مسألة مبدأ وبما أنه لم ينفذ الشروط سابقا إذن .. عليك هذه المره أن تكوني صارمة ورسميه وجاده وغامضه أكثر من أي وقت مضى , إلى أن يشعر بالجديه وأنك تغيرتي عن السابق وأنك لن ترضي بسهولة بعدما وصل الأمر إلى السرقه وعندما يغير من نفسه ويوافق على شروطك ولا تتنازلي عنها عودي لطبيعتك بالتدرج وضعي تصرفاته تحت المجهر . |
رد : عاجل .. أبو حكيم
كلمة السر غيرتها من شوال و مايعرف رصيدي من وقتها
حتى عمل حاله زعلان و اني ما اثق فيه و قلتها له بوجهه .. ليش تزعل ؟ ايوة ما اثق فيك .. . . لانه عمل حركاته هذه من زمان و كنت اجامله و اراعي مشاعره . . بس بعدين اخد من شنطتي صرت ما اخلي معايا فلوس بالشنطة و اعدها و لا اخلي الشنطة جنب السرير اذا بانام و فيها فلوس متخييييل الوضع ؟؟؟؟ |
رد : عاجل .. أبو حكيم
صارمة
جدية رسمية غامضة . . كيف لو احتاج شي من برة ؟ او ابغى ارجع من الشغل بالوقت الفلاني .. اقصد لو احتاج اغراض للاولاد ؟ كيف اطلبها منه .. هو راح يعتبر اني نسيت مجرد ما اطلب شي منه .. . . |
رد : عاجل .. أبو حكيم
اعرف كيف اكون كذا .. لانه طبيعة عملي مرات تخليني رسمية بالتعامل و جادة ..
لكن في بيتي جدا مختلفة .. بس عادي اقدر .. بس لو ناقص شي .. اروح الباقالة مع ولدي و اجيبه ! *البقالة |
رد : عاجل .. أبو حكيم
نعم .. أعلم ما هي صعوبة أن تعيش مع شخص فاقد الثقة فيه وتخشى سرقته لك في أي لحظه ربما لو ابتعدتي فترة عنه كما اقترحتي عليه سابقا ربما يصحو من غفلته ويعيد التفكير بحياته ووضعه من الألف إلى الياء |
رد : عاجل .. أبو حكيم
معليه .. باسال لانه طبعي كذا مع الناس ..
مثلا اخوي التاني .. من فترة ما يسلم علي و يشوفني و لا كاني فيه .. و امد يدي و بالقوة يمد .. و هو الغلطان و اصغر مني بسنة .. و مفتري علي و مطلع كلام عني كذب بس قبل شهرين عزمت الكل و عزمته .. و ما جا قمت ارسلت لهم نصيبه من الاكل و رتبتها له و ماحد فكر فيه غيري و قبل يومين عزمت الكل و جا جلس بالاخير ربع ساعة و انا مديت يدي و سلم علي و ماطالع فيا مع انه هو الغلطان .. . . بس مو هبل مني .. اقدر اكون اقسى منه .. . . و نفس الشي مع زوجي .. كنت بسرعة ارضى .. . . بس المشكلة لما ينقص شي للاطفال .. و لو ما قلتله .. بيكون عززز الطلب عنده ريحته كذا من المسئولية |
رد : عاجل .. أبو حكيم
طيب اخليه برة اذا كذا !؟؟؟؟
يمكن يتعلم ؟؟؟؟ |
رد : عاجل .. أبو حكيم
اقتباس:
اقتباس:
يجب أن يفهم زوجك بوضوح أن طلبك لشيء ما للبيت لا يعني أنك راضيه وأن هذا واجبه في كل الظروف وإذا استطعتي أن تذهبي لعملك مع سائق أهلك بدلا من زوجك يكون أفضل لك , ليشعر أنك لا تطلبي منه شيئا شخصيا لنفسك خارج حدود مسؤوليته . |
رد : عاجل .. أبو حكيم
هو من زمان يتمنى اني اجيب الفرصة هذه له .. اني اروح الشغل مع السواق
عشان هو ينام .. بس ماكنت اعطيه الفرصة هذه .. و يتمنى اعطيه فلوس عالتوصيل .. بس انا محسسته انه هذا واجبه تجاهنا .. عشان لا يتعود يرمي اشغالي عالغير .. . . وقتها راح يقول احسسسسن ريحتني ياليت تزعل على طول |
رد : عاجل .. أبو حكيم
معليه تعبتك اخوي ابو حكيم ..
انا حاليا راح التزم باللي وعدت به .. و حتى لا خليكم تسهروا .. اعتذر بجد .. لكن عجزت معاه .. |
رد : عاجل .. أبو حكيم
لا تخلي زوجك بره وأقصد أن تنفذي هذه الفكره ربما يصحو لنفسه .. اقتباس:
|
رد : عاجل .. أبو حكيم
كنت اقصد بها .. نبعد عن بعض ..
يعني يتركنا و مانشوفه و لا يشوفنا اربعة اشهر .. . . لانه طول ماهو في البيت .. راح يعتمد انه ينام مرتاح و ياكل و البيت نظيف و كل شي متوفر .. . . |
رد : عاجل .. أبو حكيم
معنى كذا .. راح اخلي اللي حصل حجة لعدم الحديث .. و للابتعاد ..
حتى يثبت تغيره و حتى لو امتد الموضوع لشهوووور |
| الساعة الآن 04:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©