|
اهله .. و لكن ؟
السلام عليكم و رحمة الله ..
كنت باكتب رد على موضوع الغالية بيتا .. الي بعنوان أهله .. لكن حسيت اني بحاجة لنقاش هذا الامر مع الجميع .. و ماحبيت ينفهم كلامي اعتراض على موضوع الغالية لاني مؤيدة لها بس حالتي انا شاذة .. . . لما اهل الزوج .. يكونوا عارفين عيوب ولدهم و البير و غطاه .. و عارفين انه بدون فلوس و لا وظيفة و لا ايجار بيته .. و انه زوجته شايلة كل شي .. و شايلة الاولاد و الشغالة .. . . و الزوجة تروح بيت اهل زوجها عشان تجاملهم و اولادها يتجمعوا باهل ابوهم مرة اسبوعيا .. و كل مرة اهل زوجها يدقوا ولدهم بالكلام قدامها .. اذبح لنا خروف و اعزمنا .. اشتري لنا اكل .. و ولدهم ماعمره ذبح خروف لزوجته و اولاده و حتى عقيقة اولاده و عيد الحج ما ذبح .. . . و لما مرة قال لهم .. باعمل مفاجأة لزوجتي عشانها وقفت كثير معايا قالوله انت خروف .. و قالوله .. لو زوجتك رضيت فهي ماهي متربية .. لازم تراعي ظروفك ؟ . . الحل ؟ . . مع العلم .. انا اعرف الاصول و الحمد لله مع كل الناس و الاقارب .. و زوجي يعرف الشي هذا .. بس هو يقولهم ان شاءالله و يطنشهم و يمشيييي الي براسه .. و هي كل ما راحت لاهل زوجها .. يدقوا بالكلام .. و اذا ماراحت يقولولها ليش ما جيتي تغديتي ؟ و ما تبغى تفتح باب على نفسها .. لانها شايفة كيف سلفتها يعاملوها .. و زوجها يفهم اهله .. فيتعامل معاهم بطريقته و هي تسكت ما تتدخل .. . . بس هما يبغوها هي تذبح لهم و تصرف راتبها عليهم .. لو معاه فلوس و مايقصر بواجبااته تجاه بيته و اولاده .. الله يحيهم باي وقت .. . . بس كل مرة يدقوا بالكلام .. اخر شي قالوا و نحن عالسفرة جالسين .. الي اختشوا ماتوا .. قمت و ما اكلت و هما فهموا .. زوجي قال كلي و طنشي .. بس ما اعرف اصير مثله .. . . .حتى وقتها قلتله اعزمهم .. و قال مالك دخل .. . . زي كذا ايش الحل ؟ المشكلة هما من النوع الي لو انعطوا وده .. يمسخوها .. *وجه لانه بداية الزواج عاملتهم بالاصول و راعيت .. شفت اشياء كثيرة و مواقف .. و كانت امي تقولي تستاهلي تعملي حالك ام الفزعات .. و كنت اقول .. اعطي فرصة يمكن يتعدلوا |
رد : اهله .. و لكن ؟
أعانكـ الله أخيتي ،، لدي نقطتين أعلم أنها قد لا تناسب شخصيتكـ لأنكـ تحبي ان تكوني رائعة لكن ليس جميع الناس ينفع معهم التعامل الراقي ، أولا : خليهم يتكلموا لمين يشبعوااا .. ثانيا : افهمي ما يرمون له واعملي عكسه من غير ما تضريهم ، يعني ماعليك منهم روحي وكولي والعبي وانبسطي مع الأشخاص اللي ترتاحي معهم والا الباقي اتقي شرهم لأن لك هدف عيالهم يتعودوا عليهم .. وأما تلميحاتهم ارميها ببيتهم قبل لا تطلعي لا تحملي نفسك سلبيات غيرك لا زوجك ولا أهله ،، أهم شئ سويتي اللي عليك ،، وأعتقد لو يكون بيدك صينية مرة ورى مرة شئ كافي منك بل كثير والباقي على ولدهم وهم عارفين ولدهم زين آسفة أطلت كثيرا |
رد : اهله .. و لكن ؟
نحلة ذكية
لو اودي صينية معايا مرة .. بافتح باب على نفسي .. يشوفوه اجباري علي و الي مسكتهم عني .. انهم عارفين زوجي مايرضى شي علي .. ياقلبي هما عارفين ماعنده مرات ريال .. و يقولوله .. اذبح و اعزمنا و يختاروا الاشياء الغالية .. ما ابخل عليهم .. لكن مرة وحدة قالهم باعمل حفلة لزوجتي .. ماسكتووووا .. حرمتك قليلة اصل لو تدري انه مامعاك فلوس و رضيت .. و كان بيعملها لي مفاجأة و قالوا لهم تكفي كيكة صغيرة انت و هي و لازم تقدر ظروفك وووو الخ قالهم مايكفي متحماة جلوسي بدون وظيفة و ايجار البيت و السيارة و كل شي عليها ماعجبهم و قالوا طول عمرك تيس تجلس و مامنك امل . . انا اروح ما اكل اصلا .. . . مرة جاملت و جبت عشا من السوق .. عشان امه و ابوه .. خلال ساعة .. عزموا اولادهم و احفادهم .. و قالوا روح الطير عازمتكم على عشا من مطعم .. طيب اذا و زوجي و امه و ابوه بيكلف 200 تقريبا و هما من غير ما ادري و انا و زوجي في المطعم و اعطي لزوجي الفلوس و هو داري و ساكت و محرج مني قال ماتكفي ؟ سالته ليش ؟ طلعوا اتصلوا بالوقت هذا على اولادهم و احفادهم ووو الخ .. و حتى بعد العشا .. مايبان .. يشوفوا انه غصبا عنك .. . . وقتها زوجي قالي تستاهلي .. ماحد قالك تعزميهم .. و تتصرفي من حالك .. و انا كنت حابة افرحه . . لو باودي شي معايا .. و جربت وديت مرة معايا شي .. و برضو يدقوا بالكلام .. انه ايش هذا ؟ مع انه محل فخم للحلويات . . زوجي يبغاني اكل و اقفل اذمي و الي يتكلم يتكلم . . و اهله عارفين اني باروح عشان الاولاد عشان كذا يرموا كلام بطريقة ذكية .. يعني ياخي استحي على وجهك و اعزمنا ياخي استحي على وجهك و اذبح لنا .. جالس تاكل و ماعندك احساس .. يالطيف .. و انا معاه بأأكل ولدي .. الصراحة قمت ووجهي قلب .. و قررت ما اروح اي عزيمة لاخوه الي يعزمنا و يسممنا .. عنده كلام .. يقوله لاخوه لوحدهم مو قدامي و قدام الاطفال و الكل .. . . زوجي وقتها اول مرة يرد .. . . بس قالي في البيت ليش تزعلي .. الكلام ليا مو لك و انا غصب عنه حاروح و اكل .. . . بكيفهم هما و ولدهم .. . . بس هما دايما يلمحوا على راتبي و وظيفتي و انا ما ابخل على بيتي و اولادي .. عشان كذا يحطوا عينهم على اولادي انهم لابسين ماركات .. و اوديهم مطاعم و ما احرمهم من شي بس بحدود طبعا .. عشان اعود اولادي على تحمل المسئولية و يعرفوا قيمة النعمة و الفلوس .. بس ماني مسئولة أأكلهم .. المفترض يقدروا ظروف ولدهم زي ما يبغوني اقدر و الحمد لله مقدرة حالته معليه .. انا وصلت لمرحلة ما اجامل .. |
رد : اهله .. و لكن ؟
الله يكون بعونك ويهدي اهل زوجك ويبعدشرهم عنك
|
رد : اهله .. و لكن ؟
فعلا حبيبتي حالتك شاذة . الله يعينك ويثبتك
روحي لما يكون وقت الأكل خلص .. العزومة مع الشاي والتحلية ووو تنتهي الجلسة بعد 3 ساعات مثلا .. انتي تغدي ويا زوجك وعيالك بالبيت وروحوا بعد ما يكون مر ساعة أو ساعة ونص وتجلسوا معاهم ساعة وكافي ... قولي لهم لما اكل بره بيتي تتعب معدتي وناظري بعيونهم خل يفهموا . وبرضه بتسمعي تعليقات وانك تقصدتي ما تروحي عشان توفري عزومتك لكن مرة على مرة بيتعودوا ويسكتوا .. زوجك عارف طريقتهم وعارف كيف يتعامل معاهم .... ولولا الحلال والحرام ولولا أنها رغبتك كان قطعهم وما دخل لواحد منهم بيت . وعيالك يكفيهم نص ساعة أو ساعة بالأسبوع .. ما هم هالقدوة الحلوة وللا الصحبة الغانمة حتى تدمجي الأولاد فيهم بزيادة .. |
رد : اهله .. و لكن ؟
عليكم السلام ورحمة الله وبركاته
لو الحريم يتصرفون على اساس خوفهم من رب العالمين والمحبة في الله جان ما صارت كل ها لبلاوي ولوجان مافيه غيرة بين الحريم جان الدنيا بخير وهم الاخلاق وتربيت البنت لها دور ام اذا جانت الخلاق معد ومهااا الله يعين الطرف الثاني ابو ريلي طيب وأم ريلي طيبه بس وحده من خواته صارتلي وياه مشكله عودة اهي عوبه ولسانه طويل امس يت عندي تبي تسلم على ابوه عندنا وجنت جالسة أصب لابو ريلي القهوة وجلسين اسوالف انا وياه جان تدخل علينا ابو ريلي يحب يمزح معاي وجان يلوي يدي جان تقوللي عيب تلعبين مع الشيب قلت هذا عمي وبعدين انا ماتعديت الآدب وراحت وقالت لا ريلي وهي خبره ان ريلي غيور مره بس اللي يقهرني اذا صف مع أخته انا يعيبني الريال الحقاني والعاجل بس ريلي يتعاطف مع أهله وهذي مشكلتي انامااحب ان الريال يدخل فى سوالف الحريم بعض الرياييل يقلقس تحت ريل مرته وتلاتقينها مطلعه لاهله قرون وميننتهم مو مخليتهم بحالهم وهذا بصراحه مرت اخوي الله لايوفقه سوت اشياء معاناا ماتتسوا انا ماتحسفت ع ظلمه كثير ماتحسف من تصرفاته معنا وكله جذب والله لم اخوي تزوج عليه ثلاث حريم فرحت فرح لا يوصف ماهو شماته بس احس المراة هي اللي تكسر المراة وتو أدبها عشان جذيه حبيت ماتصير مع اهل ريلي مشاكل بس المشاكل تأجيج غصب عنج ابي اقولج شي اذا صرتي زينه مع اهل الريال ماسلمتي من حمواتج تجيج وحده من حريم الحمى وتخرب عليج وتقول عنج حجي ماينقال (ورقه يامرقع ) انا افضل العلاقه تكون رسمية وما تطيح الميانه بزياده هذا رائيي لان حسيت تنفع معاهم انا اسفه على لأخطاء لاني بصراح النفسيه زفت. :) |
رد : اهله .. و لكن ؟
ابلة بيتا ..
لو جلسنا ساعة و مشينا ، يقولوا أكلة و تصريفة ؟؟؟ و لو طولنا ، يبغوني أدخل المطبخ و أغسل لهم صحونهم و بناتهم جالسين و متسدحين اخر مرة طلبت مني حماتي اطبخ لهم ،، مو ناقص يعني أغراض و مقاضي بيتي اشتريه أنا عشان أولادي .. باقي أروح أقضي عشان أأكل ماشاء الله جيوشهم ؟ و حتى لما أروح ، أكل لقمتين مجاملة .. و زوجي يغرف لي قدامهم كل شوية و يقول لي ( كلي ) و يقدم لي من كل شي .. أحسه بيقهرهم أكثر .. لإنه ذكي ماشاء الله و يعرف كيف يستغبي .. . . و لو ما رحت ، يسألوا كلهم ( ليش ما جات ؟ ) ( كنتي جيتي و تغديتي عالأقل ) و لما أروح و أكل ، يقولوا لي ( المرة الجاية عليك يا روح الطير تشتري لنا كذا و كذا و كذا ) و أنا ابتسم و أطنش .. كل مرة يسمموني ،، و لما يكلموا ولدهم ، و هو يطنشهم و لا كأنه يسمممممع و يقهرهم أكثر و ياكل و يأكل أولاده و يغرف لي يقولوا له ( اللي اختشوا ماتوا ) و هو جالس عالسفرة .. . . ماسكة حالي عشان ما أرد و أغلط .. |
رد : اهله .. و لكن ؟
معناها لازم تتعلمي فن التطنيش :) روح حبيبتي مافي احد يستاهل انك تحرقي دمك وتزعلي عشانه حاولي انك تقتنعي بكده والله بيرتاح بالك ونفسيتك تتحسن >>>> عن تجربه
ربي يكفيك شرهم ويحفظلك اولادك وابوهم |
رد : اهله .. و لكن ؟
لا ادري ليه كل هذه المجاملات والقلوب مليانة
انا لو منك لا اذهب اليهم وقت الغذاء ولو كانت عزومة .. اعتذري قوليلهم قررت ان لا اكل برا بيتي الا في المطاعم هههه واذهبوا اليهم بعد الغذاء واكتفوا بشرب القهوة او الشاي مع اناس مثلهم اكيد سيعلقون ويعلقون حتى في جلسة قهوة الله يعينك حبيبتي عليهم وعلى استفزازاتهم و الله صحيح الي اختشوا ماتوا اختي روح حتى انا كتبت رد تاني طويل في موضوع الحبيبة بيتا ثم مسحته قلت في نفسي بالاها اشبك موضوعها اكثر خليها توصل فكرتها الطيبة للزوجات حديثي الزواج وللمقبلات على الزواج ..اما انا الشايبة في الزواج يبغيلي موضوع ثاني مستقل عن اهله انا زوجي غريب نوعا ما .. اجده قمة في الايثار ..مثلا يشتري جاكيت باهظة الثمن يلبسها يوم ويقول لي ساعطيها لاخي الفلاني اندهش انا فبعد اصراري الكبير عليه ان يشتري جاكيت جديدة يشتريها ثم يهديها وفعلا يهديها ويرجع لملابسه القديمة ومركزه يحتم عليه ان يكون بمظهر لائق .. واطلب منه ان يشتري ثانية وطبعا يرفض يقول تبذبر واكتفي بان اقول في قلبي ان زوجي قمة في الايثار ... واجده يمسك بيد زوجة اخيه ويمشي معها في رواق البيت وهي تتوجع من الام المخاض يصبرها ويواسيها بينما اخوه اسرع ليحضر السيارة عند الباب لياخذها للمستشفى وبالمقابل اجده معي بارد وجاف وانا اتوجع من الام المخاض يقول لي اطبخي للعشاء واخذك للمستشفى وان رفضت الطبخ يقول لي نامي وكفاكي تمثيلا وطبعا انتهى بي المطاف ان ولدت في السيارة ... لا استطيع تفسير مواقفه الراقية مع اهله ومواقفه الدنيئة معي وانا في قمة وجعي وانهياري وضعفي يا اما هو غير موجود غائب في عمله يا اما انه هنا وتكون مواقفه معي سلبية يا ينكت يا يضحك وانا في قمة حاجتي اليه اجريت عملية استئصال للغدة الدرقية كنت منهارة تماما وكنت ابكي اقول ساشرب دواء لمدى الحياة وان لم يتقر جسمي بجرعة الدواء ساسقط في بؤرة المرض المزمن ..ااثار جرح العملية في رقبتي لم لتقبل كيف سيكون يا ترى ولما جاءني بعد العملية في الصباح وهو يحمل جريدة بيده قال لي اتدري ما كتبوا في الجريدة نهار اليوم وجدوا امراة في الحي الفلاني اي حينا امراة مذبوحة من رقبتها من الوريد الى الوريد انا لم افهمه لكنه ضحك وقال انهم ذكروا اسمها فلانة بنت فلان وكان قد ذكر اسمي ...وبعد شهور قليلة اجده يتقلب في الفراش لم يستطع النوم ويقول لي بصريح العبارة اختي فلانة الحامل قال لها الطبيب ضغطك مرتفع قليلا ويمطرني بوابل من الاسئلة عن المراة الحامل وانا قد ولدت له 04 ابناء واليوم يسال عن المراة الحامل وكاني لم احمل مرة منه وكانه لا يعلم شيئا عن الحمل وعن المراة الحامل ترى الزوج لماذا يكون دنىء مع زوجته في كل المواقف الصعبة التي تحتاج وجوده معها بقوة و يريدها ان تكون ملاكا مع اهله ولماذا ان انتفضت ودافعت عن حقوقها وحقوق اولادها التي يريد اهله اهدارها يراها شيطاناااااااااا |
رد : اهله .. و لكن ؟
روح .. اسفة ..
بس ناس مقرفة بكل وضوح .. الله يعينك والله لايبلي احد بمثلهم يارب .. شجع .. وطمع .. ووقاحة ..؟؟؟؟ وش اللي اختشو ماتو ؟؟؟؟ مايعرفو كلمة عيب ؟؟ ذوق ؟؟ اخلاق ؟؟ معاملة حسنة ؟؟ وش يعرفووووووووووووون ؟؟؟؟؟؟؟؟؟؟؟؟؟؟؟؟ ياكلو بس مبطونين ؟؟؟؟؟ اللهم عافنا مما ابتلاهم وفضلنا عليهم تفضيلا بس يارب سامحني حسيت بقرف والله من اسلوبهم وخاصة لما ماصدقو واتصلو علي اخوانهم بالمطعم موووووووووووووووقف لاتحسدي علية :( |
رد : اهله .. و لكن ؟
:* |
رد : اهله .. و لكن ؟
ي قلبي شخبارك ان شاءالله انكك بخيرر
مااادري شو السالفة بس الله يفرج همك ويريح بالك ي رب ماشاءالله عليكك قوة صبرك عجيبه الله يزيدك من فضله انا لو مكانكك كان سويت العجبَ بس طبعا اخس منك عشان كذا مابقولك طريقتي لانها بتوهقك خخخ :) مثل ماقالو طنشي وماعليك من احد وحسك عينك تجاملي سبحان الله اغلب الناس صارو عيونهم قووويةة ومايستحوون يختي زمن عجيب الحمدالله وشكرر ! |
رد : اهله .. و لكن ؟
كنت داخله اقولج لا تروحين لهم او روحي بس فتره قصيره جدا ما تتعدى الساعه و لقيت اكثر من وحده نصحتج نفس النصيحه..
اشتري راحة بالج يا اختي.... هو يبي يروح لهم الله يحفظه و مب مشكله ياخذ عياله معاه... هو متعود على كلامهم و مب فارقه معاه.. بس ليش تغثين نفسج يا روح... اقعدي في بيتج و ادلعي و اعتبريها فترة استرخاء لحد ما يرجعون... |
رد : اهله .. و لكن ؟
يقول المثل روح بعيد تعال سالم
انا ضد انج تقطعين اهل ريلج وتلغين دور الجد والجدة في حياة أسرتج الصغيره الله يفرج همج ويحل امورج وطنشي اي شي تعيشين مرتاحه |
رد : اهله .. و لكن ؟
ارجو من الله ان يلهمك الصبر و يحل مشاكلك بطريقه ترضي الجميع
للاسف ما عندي نصيحه لاني احتاج التوجيه في هذا الموضوع:) تسلمي اختي |
رد : اهله .. و لكن ؟
حبيبتي روح
انت مؤمنة ومؤمنة قوية احسبك كذلك ولا ازكي على الله احدى الابتلاء على قدر العزائم اليس كذلك واحس انك تعرفين ادارة امورك بشكل جيد ولكن حبذا لو تأخذي بنصيحة الغالية بيتا امي سمعت كثيرا من هذا الكلام وفعلا اصبحنا لا نذهب لهم الا بعد تناول الوجبة واذا ذهبنا واخذنا معنا شيء يقومون باخفائه ههه اتذكر مرة اخذنا فاكهة قاموبتقسيمها مثلا تفاحه الى 4 اقسام موزه الى قسمين وهكذا والباقي اخفوه عزيزتي اصبري وعاملي بأخلاقك اتذكر في عرس عممتي جهزنا انواع موالح وبكميات كبيرة والله تعبنا تعب انا وامي واخذت امي معها هدية خاتم ذهب وكان غالي فور انتهاء الحفل لان العرس عندنا ينقسم الى قسمين يوم خاص بالعروس ويأتي فيه اهل العريس كزوار فقط واليوم الاخر يأخذو العرسوس في نهاية اليوم الاول رمين عماتي بكلمات مضمونها لا تأتي غدا ووالله لم تذهب ووصل بهن الحد لقذفها واشياء كثيرة واقسم لك اني ما سمعت منها الا الله يسامحهن والله يهديهن وبعد ما يقولن كلام في وجهها ترد بارك الله فيكن والحمد لله صبرها اتى بثماره والان يحترمنها ويعتذرن لها باستمرار عزيزتي مغزى كلامي لا شيء يدوم على حاله وطالما ان تفكيرهم بس في بطونهم معناها لا تشيلي هم ولا شي عادي خلك ريلاكس ومشي اكيد تنسد النية عندهم لكن خوذي احتياطك وكولي قبل لا تمشيلهم والا مثل ماقالت الغالية بيتا واكيد الدنيا دوارة ويجي يوم ويعرفو قدرك امي صبرت 20 سنه بس في نقطه كويس ان زوجك مبرد خوذي منه بس لا تشكيلة منهم تعرفي كل ما حاول والدي يتدخل بينهم امي تقوله لا هن خواتك وانا زوجتك اكيد لما تنصر طرف الطرف الاخر يزعل ويكره لذا خليك برا هالدائرة وفعلا كان بس يصبر امي ومعاملته جيدة مع عماتي لكن في المشاكل كان مبتعد بعض الشيء وبها الشكل ما اهتزت صورته امام عماتي وما خسر امي ولله الحمد الله يفرج همك وحافظي على اذكارك وذكر (بسم الله الذي لا يضر مع اسمه شيء في الارض ولا في السماء وهو السميع العليم) كلما قلتيه بخشوع ككلما عطى ثمارة بشكل افضل فحافظي عليه (بخشوع )قبل ذهابك لهم وكرري هالدعاء (اللهم ارمي الظالمين بالظالمين واخرجنا منهم سالمين) له مفعول السحر بس داومي آسفة للاطالة ربي يحفظك حبيبتي |
رد : اهله .. و لكن ؟
بصراحة الاخوات ماقصروا بالنصايح ولو أني متاكدة انك جربتي أكثر من طريقة معاهم ..
الحمد لله يا أختي ان زوجك طيب ويراعي مشاعرك وبنفس الوقت مطنش ومريح راسه .. وياليت تصيرين مثله .. لكن لا تفتحين على نفسك باب وتعزمينهم أو تعودينهم على الصرف عليهم من راتبك.. أنتي ماقصرتي مع زوجك وعيالك وهذا هو المهم .. وقفتي مع زوجك وقفة طيبة جدا تدل على أصلك .. لكن راتبك لك وأهل زوجك مااالهم حق يحطون العين عليه .. |
رد : اهله .. و لكن ؟
انا زوجي الصراحة .. من الناس الي ينطبق عليه المثل ..
الي اختشوا ماتوا .. و هما صادقين مع ولدهم .. . . بس نفس الوقت .. هو طالع على مين بيكون ؟؟؟ . . اخوات زوجي للامانة .. ما يغلطوا ابدا و لو رحنا لهم بيوتهم ما يقصروا .. المشكلة في اللي وراهم .. امهم و اخوه زي نوعية زوجي .. . . المفترض انه زوجي يستحي .. و يقوم يصرف على بيته .. و يرد عزيمة اخواته و اخوه .. بس هو يروح ياكل .. زي أشعب و يعبي معدته و يمشي .. لو اني تكلمت .. اهل زوجي ما يصدقوا وقتها .. نفسهم يصير شي بيني و بين زوجي و يوقعوا بيننا .. فيتقصدوا يحرجوا ولدهم قدامي .. لانهم يعرفوني ماني مثله .. هو ما عنده احساس .. و هما يعزموه عالاكل عشانه يحب بطنه .. فعلشان يشوفوه .. لانه ما يسال و لا يروح لهم .. فأهل زوجي عندهم طريقتين عشان يسحبوا رجوله لعندهم يعزموه .. و ما يغلطوا علي .. . . مرة وحدة حاولت ابين لامه .. من خمس سنوات .. انه زوجي مقصر .. قالت .. هو مو صغير و عادي .. لازم تعطيه فلوسك و تصبري و تدعي .. و اني ما احب زوجي .. لو احبه فلازم اعطيه راتبي اقولها راح ياخده و يصرفه على اصحابه و يلعب ووو الخ قالت شفتي كيف ؟ انت تحبي الفلوس ماتحبيه .. لانها خبيثة .. تبغاني اعطي راتبي لزوجي و هو يعطيها ما فكرت بحفيدها مين بيصرف عليه غيري ؟ اهم شي نفسها .. . . عشان كذا .. قلت خليهم يستاهلوا .. هما يتحملوا عيب ولدهم دحين .. زوجي يروح اي عزيمة و ما يقولهم لا .. و ما يعزمهم .. و لو معاه فلوس؛ فالأولى انه يشتري اساسيات اولاده .. زي الحليب و الموية .. هما ماشاءالله ناس يحبوا بطونهم .. و انا ماعندي قدر اعمل فيه شي يكغيهم .. يعني ممكن مقاضي اقضيها للبيت و لاولادي حقة اسبوعين بقيمة 700 اقل شي .. تخلص بجلسة وحدة معاهم .. . . ماني مكلفة بهم .. دام ولدهم مقصر على اولاده و على بيته .. . . معليه حاسة دوختكم .. . . و ماراح اودي اي صحن معايا لو رحت لهم .. اول شي .. انا وحدة ماني فاضية و عندي مليون شغلة .. تاني شي .. لما القى وقت فاضي باعوض اولادي فيه .. و بيتي .. ثالث شي .. يكفي الضغط النفسي الي اتحمله من زوجي و انعدام المال معه الا بحالات قليلة .. رابع شي .. هما ما يستاهلوا .. و خليهم هما يتحملوا اخطاء تربيتهم لولدهم .. مو انا الي اتحمل عيوبه و اجي اجاملهم و اكرمهم ؟ . . |
رد : اهله .. و لكن ؟
انا ليه زعلانة طيب ؟
انا عيبي اني حساسة جدا .. و الحمد لله معروفة اني قوية الملاحظة .. و افهم بسرعة معنى ملامح الوجه و لغة العيون .. قدام زوجي زي العسل هما معايا .. و يرموا كلام عليه .. بس مفهووووووم معنى كلامهم موجه لي .. لانهم عارفين اني موظفة و اصرف على اولادي و كم مرة يقولوها بمزحة .. ياللا اشتري لنا كذا و كذا و انا اطنش .. . . بدأوا يعملوا حركات بوجههم .. من خلف ظهر زوجي .. يعني مثلا .. اذا تكلمت؛ تعمل حماتي نفسها كانها ماتسمع و تدير وجهها .. و انا ماني غبية عشان اعطيهم فرصة .. فاصلا اروح و ما اتكلم .. و اعمل حالي ما عندي احساس مثلهم .. و لما يشوفوني مطنشتهم و اعاملهم برسمية .. و ما اعطيهم وجه .. يصيروا زي العسل معايا و يمزحوا معاي .. . . لما بشكل عفوي مرات .. اتكلم و ابغى احكي عن شي .. يبدأوا يبغوا يعملوا حركاتهم .. انهم يطنشوني او اي حركة مستفزة .. عيونهم و نظراتهم تضايقني .. خاصة لما يشوفوا زوجي يسأل عني .. و لو حسوا انه زوجي بيوم مطنشني .. مايصدقوا عشان يتشمتوا فيا سلفتي .. زوجها يضربها و يسبها قدامهم و هما عادي عاجبهم .. و هي تخدمهم و تطبخ لهم ووووو الخ |
رد : اهله .. و لكن ؟
مممممم .. زوجك كم سنة عاطل ؟؟ ولييش ؟ هل هو مرتاح بهالوضع ؟
|
رد : اهله .. و لكن ؟
لانه انسان بدون احساس و لا حس للمسئولية ..
يوم عنده مية و يوم ماعنده شي .. اصرف على اولادي بس مالي دخل فيه يدبر حاله هو لو يشحت و لا اي شي .. اهم شي .. لو معاه فلوس .. يصرف عالبيت .. غصب عنه .. و لو ناقص شي بالبيت من الاساسيات يدبر حاله و يجيبه .. . . وظيفته هذه حكاية تانية ياقلبي .. . . اهله الي شوي مخليهم مالهم وجه يدخلوا البيت وقت مايشتهوا بدون حسيب و لا رقيب .. انهم عارفيني هادية و مسالمة .. بس لا يضغطوا على اي وتر .. لاني قاطعتهم فترة بسبب افعالهم .. مثلا بداية الزواج .. باول شهر .. حماتي تعزم حالها باي وقت و تعزم بناتها عندي مايراعوا اوقات دوامي بالعمل و كنت حامل و اجهضت .. و انا حامل .. عزموا حالهم و انا راجعة من شغلي الساعة ثلاثة الظهر .. جووووا البيت يوم االاثنين بوسط الاسبوع و ماعندي شغالة وقتها .. و مو لوحهم .. عزموا بناتهم و اولادهم و احفادهم .. و عزموا اخوالهم وسلفاتي .. ومافي وحدة من اخواته ساعدتني لولا الله ثم سلفتي الي شالت كل شي بعد الاكل .. و غسلته و رتبته لي .. و ما انساه لها لحد اليوم جميلها هذا .. . . جوا عندي العصر و خرجوا الساعة اتنين و نص الليل .. كانوا راح يجلسوا اكثر .. بس كلهم متجمعين بغرفة و مبسوطين و لانهم اقارب و اخواته مايغطوا على خالهم فانا المفترض اعمل لهم شاي .. بس شفت حركاتهم و طنشتهم .. رحت رقدت في السرير و رافعة رجولي عالجدر .. تعبانة مع الحمل و الدوام .. وتاني يوم عندي دوام نن بعد الفجر .. و سلفتي جالسة معايا على طرف السرير و نتكلم انا و هي جات حماتي تحسبني اقوم اسوي لهم شاي .. بس شافتني راقدة و اخدت عبايتها و قالتلهم ياللا .. و تركولي البيت مبهدددل .. غرفة الضيوف .. المكسرات الصينية الي اشتريتها و ضيفتهم بها .. يا مخلصين الصحووووون ماشاءالله .. يا كلللللللله عالارض مرمي و مكبووووب .. و الغرفة التانية .. الكراسي بجهة و الفرشات و كل شيييييي معدوم طبعا اللوم كمان على زوجي .. . . بس اكثر من موقف زي كذا باول بداية ست اشهر من زواجنا .. بعد مقاطعتي لهم و عودتي بالعلاقة معاهم .. ما فتحت الباب لهم الى الان انهم يدخلوا البيت باي وقت يبغوه يستنوا الفرصة |
رد : اهله .. و لكن ؟
راح يستمروا يعزموني و يدقوا بالكلام و يعملوا حركات ..
التتيجة : يحسبوا اني باخضع لهم و اعطيهم مفتاح بيتي يجوا وقت مايبغوا .. و يعزموا الي نفسهم يبغوا يعزموه .. و انا اصرف عليهم من جيبي .. و احرم اولادي عشانهم .. . . بس ما يدروا انه النتيجة راح تكون .. العكس .. راح ارد بيوم و اسكتهم .. او استمر بالتطنيش .. و اتنكد كل اسبوع .. زوجي مايبغاني ارد لانهم يبغوا كذا .. و يقولي تروحي معايا و تاكلي غصب عنهم .. و كلامهم ليا مو لك .. . . بس قليلين ادب .. و لو مثلا قلتلهم مايصرف على ولده .. راح يقولولي مالنا دخل و انت اعطيه .. خلاص يستاهلوا .. هما كمان لا يدخلوني بينهم .. و خليهم يصرفوا عليه |
رد : اهله .. و لكن ؟
الله يعينك عليهم ..
سالفة اهل زوجك شي هين وبسيط صدقيني .. خلي علاقتك فيهم علاقة سطحية .. اسبوع روحي واسبوع لا .. وكلامهم لزوجك طنشيه .. أساسا إذا هم يقصدونه خليه يشيل همه لحاله.. وإذا يقصدونك دخليه من أذن وطلعيه من الاذن الثانية .. مانقدر نتحكم بالناس أو نعلمهم الادب والذوق .. لكن المشكلة موب فيهم .. مشكلتك مع زوجك الاتكالي .. شكله عاشق للراحة وهمه بطنه وبس .. متى بيحس إنه عنده بيت وزوجه وعيال لازم يتكفل فيهم ويتحمل مسوؤليتهم .. مساعدة الزوجة ومساهمته لحاجيات الاسرة شي .. واعتماد الاسرة كليا على راتبها شي ثاني ... أصلا شلون الزوج يرضى على نفسه بهالشي .. اعذريني بس المفروض هالشي انتقاص من رجولته ولازم يحس شوي .. الله يصلحه ويهديه .. |
رد : اهله .. و لكن ؟
روح .. الله يصبرك ..
اغبطك علي قوتك وتحملك . ما شاء الله لاحول ولاقوة الا بالله .. ياخوفي عليك هالتحمل والصبر والقوة يطلعونة فيك لاقدر الله بنفسيتك لان الكبت يجيب امراض الله يحميك ويحفظك .. يمكن لقلة خبرتي نصايحي ماراح تكون مهمة لكن لو مكانك ولي اهل ينشد بيهم الظهر ورزقي بيدي ماكملت هالحياة والله ماكملتها لان النهاية بالتحمل والكبت وخيمة الله يعينننك .. سؤال يمكن انتهي وقتة لكن خاطري اسئلة سالتو عنة ؟؟ وقت تقدم لكم ؟ سالتو عنة كويس ؟ هالنقطة صارت تشغل بالي وعقلي كثير لاي متقدم ؟؟ هل السؤال الجيد والمكثف عن الشخص تفجعنا بعدين بامور مثل كذا ؟؟ ومن قصتك اكتشفت اكبر كذبة يقولوها المتزوجات ان زوجك هو الاهم اما اهلة فلهم الاحترام والتقدير هذا وانتي محترمتهم وقدرتيهم وكذا خاصة لما عزمو اهلهم ببيتك وبعز انشغالك ولا احترمو تعب ولا شي الحمد الله علي كل حال يمكن استنكر هالعيشة لاني والحمد الله لي زوجات اخ وامي لها زوجات ابناء لكن ماعمري عاملت واحدة فيهم الا انها ابنة امي ووالدي الله يرحمة ماشاء الله تبارك الله نزورهم بعز دراستها وشغلها لكن الوضع يختلف جدااااااااااااااااا انا وخواتي يدنا بيدها وممكن احيان هي تكون فرضا تتحمم كمثال وانا اكمل واجهز او اقوم اطبخ ببيت اخويا وهي تغسل وكذا انا زعلانة علي كل بنت حلال طيبة ومحترمة تطيح باهل زوج مثل كذا ؟؟ ابرضو بواقع حياتي مر علي عيلة وصلت لدرجة انها تهين زوجة ولدها قدام الناس وكانت محترمة وتقول هي مثل امي وسلفتها لان لسانها شبرين محترمينها الدنيا صارت عكس ؟؟ :( |
رد : اهله .. و لكن ؟
زوجي .. موضوع اخر ..
تناقشت فيه من فترة ( هنا ) .. و أعلم عن جميع عيوبه ،. و مافي فايدة من التحدث عن عيوبه من جديد .. لإني خلاص صرت أعرفها كلها .. و الحل هو الإنفصال أو التحمل و إصلاح ما يمكن إصلاحه .. و الإنفصال مستحيل .. . . و تسسسسسلموا .. و عادي حبيبتي أم دانة :) بس أول مرة أشوف اسمك بالمنتدى ؟؟؟؟؟ . . و حتى لا أرسل رسائل سلبية إلى دماغي .. ( سلبيات زوجي تعلمها من أهله ، و هم كانوا يبغوا .. سلبياته تكون ( على ) ، و إيجابياته ( لهم ) .. مثل بقية أولادهم ،، حبهم و مودتهم لأهلهم .. و بلائهم على زوجاتهم ) لكن انقلب السحر عالساحر .. يحاولوا بأي طريقة ، يرموا عيوب ولدهم ( و أسبابها عليّ ) .. لكن توقفوا الآن ، و أخذوا درس ( مني ) ما ينسوه .. عشان يتوبوا يرموا أي شي علي .. بس أنا مليت و ما أبغى وجع راس .. فلو كل واحد عرف حدوده ، كان الكل أرتاح .. المفترض يقولوا ، الله يجزاها خير .. كفاية متحملة .. و شايلة البيت و تربي أحفادنا أحسن تربية .. بس مو عاجبهم ، يبغوني ( أصرف عليهم ) . . ميزة زوجي و اللي أنظر لها : * و الحمد لله و الشكر * - معاملته لي و اهتمامه و خوفه علي .. - احترامه لي أمام أهله ، و مدحي أمامهم و عدم إتاحة أي فرصة لهم للغلط علي .. - اهتمامه بأولاده ( سابقاً ما كان كذا ) ، و يحبهم و يلعب معاهم .. - إذا طلبت شي ، يعمله لي و حتى لو كان مريض و مو قادر يتحرك .. - إذا كنت نايمة و صحي ولدي ، يقوم يجهز له رضاعة الحليب و ينيمه .. و ما يصحيني و يسهر معاه .. - احترامه لأهلي و صحباتي .. - يمدحني أمام أصحابه ، و يفتخر بيا أمامهم و ما همه إذا أي واحد اتريق عليه لإنه عرف اسمي .. يقول اسمي قدامهم و يفتخر .. - مرات يجهز لي العشا ، و لما مرة تعبت .. عمل لي شاي بالنعناع و سهر علي .. - محاولته للتغيير من أجلي و من أجل الأطفال .. |
رد : اهله .. و لكن ؟
روح اذا رجعتي امريكا ممكن تجين معي ليله وحده بس؟
سأجعلك تقرأين الألف ياء انت نابغة وحذقة جدا جدا جدا عندك امكانات هااااائله فقط تحتاجي لاختيار مواطن القوة في قادم جميل روح ضعي عينك على أهدافك واصرفيها عن العوائق ارجوك كوني اكثر تركيزا وابتعدي عما يشتت تفكيرك هناك أمور كثيرة بحياتنا من المسلمات والحديث عنها هدر لوقتنا لالبابنا لقدراتنا المذهله نعمه ودي انك تستمتعين فيها وبلذذذذذذذذذذذذه |
رد : اهله .. و لكن ؟
واضح ان زوجك تحسن سلوكياته كثيرا مقارنة مع سلوكياته في الماضي
وهذه هي طبيعة بعض الرجال .. تروح عنهم بعض حركات الاستهبال الشبابية بالتدريج مع التقدم في العمر اما عن اهله .. فانتي معطيه الموضوع اكبر من حجمه والمعاملة الدبلوماسية هي اسلس الحلول على فكره صار لي شهور لم اكتب اي رد في المنتدى لكن مواضيعك بصراحة تفتح النفس للرد :d |
رد : اهله .. و لكن ؟
^
ماني شايفة أي تحسيين بتقول عنه ( حضرتك ) ؟؟؟ و لا أي فرق بين دحين و بين الماضي ؟؟؟ أنا بأترك له مرات عناية الطفل ، عشان يحس بقيمة ولده .. و الحمد لله بانت النتيجة و بدأ يتعلق فيهم و يعرف إنه مسئول عنهم .. بس هذا التغيير ؟؟؟ عشانه بدأ يحب ولده الصغير ؟؟؟ و على قولة أمي الله يرحمها .. ( عمرك يا بنتي شفتي حـ .... ،، صار انسان ؟ ) و أبوه قال نفس الكلام .. ( إنت عايشة مع حـ .... ) . . و إذا إنت مانت شايف أهل زوجي و تصرفاتهم مشكلة ،، أنا بالنسبة لي ( مشكلة ) لإني بأتحمل أولادي ، أتحمل زوجي ، أتحمل الشغالة ، و أتحمل مشاكل العمل .. و أتحمل أهلي و أراعي مشاعر الكل .. و أظن كفاية على كذا .. علشان لا أرمي الجمل بما حمل ، و أرمي لهم ولدهم ( هما يربوه و يصرفوا عليه ) . . ما أبغى أخرج عن الموضوع .. علشان لا أحط حرتي فيك يا أستاذ .. |
رد : اهله .. و لكن ؟
ياقلبي ياروح معاك حق انتي حاسة بالضغط من كل صوب .. وهالشي فوق احتمال اي انسان ..
الله يكون في عونك حبيبتي والحمد لله ان زوجك فيه حسنات وعنده صفات حلوة .. يكفي انه يحبك ويحترمك وحاط لك قدر عند أهله واهلك واصحابه .. معرفي السابق (بحرينية ولكن) :) |
رد : اهله .. و لكن ؟
والله يا رزح اهل زوجك لا هيك عاجب ولا هيك عاجب
لذلك اعملي اللي يريحك انتي فقط شكلهم ناس فاضييه ولا عندها هم الا انو ينكدوووو عليكي ااااااااااااااااعملي اللي يريحك انتي فقط ومن بعدك الطوفااااااااااان |
رد : اهله .. و لكن ؟
ياختي لا تشغلي وقتك و تفكيريك بهم ..
موضوع بيتا كان انك لا تدخلي بين زوجك و اهله .. مو اسمحي لهم يحتلو حياتك !! وانتي احسن ماعملتي وقوفك لهم و انك حطيتي خطوط حمرا لهم ... وبالنهاية .. ماعليك من زوجك و علاقته باهله .. بس عليك تنصحيه يبرهم و هو حر معاهم وانتي عليك زياراتهم في الواجب .. و ماتقطعي عيالك عنهم ... و بنفس الوقت ما تخليهم يندمجو كثير و ياخذو من صفاتهم لا افراط و لا تفريط |
رد : اهله .. و لكن ؟
اقتباس:
( اللهم اكفني شر أم زوجي ، و أهل زوجي ووو إلخ ) زمان أول ما تزوجت ، كنت أدعي ( يارب حببهم فيا و حببني فيهم ووو إلخ ) دحين ما أبغى منهم شي .. بس يفكوني من شرهم .. لولا ( أولادي ) ، ما كنت رحت لهم غير بالشهر مرة .. . . أخلص من أهله ،، يجوني سلفاتي .. إيش تطبخي في البيت ؟ كم وجبة ؟ و زوجك كيف معاك ؟ عصبي و لا حنون ؟ . . نفسسسسهم يعرفوا أي شي .. . . و لو شفت ابتسامة أو معاملة حلوة ، أعرف إنه وراها ( مصلحة أو طلب مساعدة مالية ) مافي شي اسمه ( لله ) عندهم .. و زوجي مثلهم ترى .. بس صار ( يتمصلح منهم و من أمه ) خليها تشوف نتايج تربيتها .. |
رد : اهله .. و لكن ؟
اقتباس:
هذه حكاية تانية ، كنت أول أسمح لولدي ينام عندهم يوم مثلاً و يرجع تاني يوم .. ( كان على بالي إنه تربية أولاد سلفتي ، تربية دينية ) و منها يضبط الكلمات العربية .. و يتربى مع أولاد عمه .. لكن للأسف ،، عندهم قشور الدين .. مثل زوجي .. و تعامل الأولاد مع بعضهم ( يفتقد للإحترام ) و فقط ( ضرب بالقتل مو ضرب عادي ) .. حتى أخو زوجي يعامل زوجته بطريقة سيئة و سب و شتم أمام الأطفال .. و حتى ألفاظهم سوقية و وسخية .. ما عمري سمعتها غير معليه ( عند أولاد الشوارع ) و زوجي أمنعه يقول الألفاظ هذه أمامي أو أمام أولاده .. و المشكلة ( أم زوجي هي اللي معلمتهم الألفاظ هذه ، لازم تستخدم كلمة وسخة في وسط كلامها ) . . و لاحظت إنه ولدي يرجع من عندهم ، و يعامل أخوه يومين ( بطريقة سيئة ) .. و يضرب أخوه و يكرهه .. قلت له ، بعد اليوم ( ما تنام عند أحد ) .. تنام في بيتك .. . . اخر مرة زوجي بنفسه شاف، كيف لما رجع ولدي من عندهم .. يعامل أخوه بالضرب و الشتم و يطالع فيه بنظرات كره و حقد .. و أولادي ماشاء الله يحبوا بعضهم ، خاصة الكبير مرة حنون على أخوه .. فزوجي شاف الفرق ، لما رجع ولده من هناك .. كيف صاير يضرب أخوه و ما يبغاه .. وقتها زوجي بنفسه أقتنع .. . . يروح يلعب معاهم ، بس ما ينااااااااااااااااااااااااااام عندهم .. |
رد : اهله .. و لكن ؟
اقتباس:
تعالي شوفي تعامل أمي كيف كان مع زوجات أخواني ؟ الحمد لله ما عندنا الأشياء هذه في عيلتنا .. بس دايما أمي كانت تقول ( بنتي هذه زواجها كان غلطة .. و انضحك علينا .. أكثر وحدة تعبت في تربيتها ، و بالسهولة كذا رميتها ) تقدموا لنا إنهم ( بيت شيوخ و من أهل الدين ) .. . . المهم .. أنا حتى سلفاتي ، تحسيهم مقهورين ( لييييه هما يخدموا ، و أنا لأ ؟؟؟ ) ( يبغوني أصير مثلهم ، و معليه أنا ما راح أدخل المطبخ أنظف .. و أخوات زوجي حاطين رجل على رجل إذا سلفتي عاجبها ،، أو زوجها يضربها عشان تدخل المطبخ .. مشكلتها هي و زوجها و أهل زوجها .. مو تجي تاخد حقها مني ؟؟؟؟؟ ) . . و أنا ترى بأتحرك - بس من حالي و لما أشوفهم محتاجين مساعدة - .. مثلا مرة كنت عندهم ، و كانوا بيجوا ضيوف من برة لبيت أهل زوجي .. بسرعة قمت و ساعدت أم زوجي و شلت الأغراض و رتبت معاها .. . . و مرة شفتهم مشغولين بيقطعوا خضار .. لفيت الطرحة براسي زي حريم الأتراك و الصعايدة و شمرت عن أكمامي .. و ساعدتهم بالتقطيع .. و لو احتاجوا مني مساعدة أو طلبوا شي مني .. ما بأقصر .. و لو أمه دقت عالجوال و زوجي طنشها ، أخليه يرد عليها و لو كنت نايمة و دقت علي ، أقوم و أرد .. أعرف الإحترام ،، و أحب أحسسهم إني طيبة معاهم و أحبهم لإنهم أهل زوجي و أولادي .. بس هما اللي يبدأوا ، لما يشوفوا ( طيبتي معاهم ) .. يبدأوا حركات النص كم .. و أنا ماني هبلة ، عشان ما أفهم ؟؟؟ |
رد : اهله .. و لكن ؟
اقتباس:
. هما المشكلة ( ما يرتاحوا ) .. شكله بيوم من الأيام إذا قالوا لزوجي قدامي ، أعزمنا و اذبح لنا .. أقول لهم ، هو ما معاه وظيفة يأكل منها أولاده .. تبغوه يذبح لكم ذبيحة ؟ عشان يستحوا على حالهم .. |
رد : اهله .. و لكن ؟
الحكم لو كان صادر مني فقط .. كنت قلت يمكن لانهم اهل زوج ..
لكن غير صحيح .. شغالتيراحت لهم اربع مرات فقط .. و جاتني اخر مرة و تقول لي معليه .. مابغى اروح لهم هذه ام زوجك حرمة تصلي و ماتخاف الله .. كيف كذا تصلي ؟ تقول سوت كم حركة بس كنت اسكت ما اقول لك عشان ما يصير مشاكل بس هي ليش كذا يسوي ؟ . . قلتلها خلاص مو لازم تجي معايا .. اجلسي في البيت .. حسيت وقتها كأني عتقت رقبتها . . حتى شغالة امي .. اول ماتزوجت و راحت لبيتهم .. تاني مرة قالت لامي مابغى اروح هناك .. . . الخدم ناس ضعفاء .. و مالهم مصلحة بالتشكي .. . . بس حبيت أبين انه ما حكمت لانهم اهل زوج .. بس الواحد طفش خلاص .. و زهق .. |
رد : اهله .. و لكن ؟
إمرأة من مكان ما ..
جربنا المقاطعة و ما نفع ، عشان أولادي .. و كنت أعمل زي ما قلتي ببداية الزواج ، و ما استفدت .. ( استوقحوا و لقيوا فرصة ) . . و ترى أغلب الرجال مثل زوجك ، فلا تشيلي هم .. عشان كذا أمي كانت تقول لي ( ميزة زوجك هذه لوحدها .. تكفي ، إنه ما يجبرك و ينكد عليك عشان أهله ) |
رد : اهله .. و لكن ؟
اقتباس:
. . و كل أهله ، يموتوا في أي شي ( فيه أكل ) .. تبغي شي منهم ، أكلييييهم .. و ترى يعرفوا كل شي ، لكن بمزااااااااااااااااااااجهم .. و قدام الناس بالظاهر فقط .. عشان يوصلوا لمصالحهم الخاصة .. |
رد : اهله .. و لكن ؟
اقتباس:
و زوجي ما يروح لهم غير بالنادر .. و إذا راح لهم يعدي عالسريع و يمشي .. فأروح الوقت هذاك و أخلص نفسي .. و ما نطول أصلا .. ثلاث ساعات بالكثير ، بس أحسها 30 ساعة .. لإنه بعد الأكل كلهم يطالعوا فيا .. يستنوا يشوفوا ( إيش اعمل ؟ ) أحس إنه روحتي هذه مع الأولاد تكفي .. و لو فيه مناسبة و نادوني ، بأحضر و ما أقصر معاهم .. |
رد : اهله .. و لكن ؟
اقتباس:
. . أنا الصراحة ، أحب أجامل الناس و أعزمهم عندي و ما أقصر معاهم .. فتلاقيني أقاوم نفسي مع أهل زوجي ، لإني كل ما عملت شي لهم .. أندم و افتح أبواب على نفسي ما تتقفل أبداً .. و زوجي وقتها، يحط اللوم علي ، و يقول لي ( تستاهلي ، ماحد قال لك تتصرفي من حالك ) و لما أطلب منه يعزمهم ( يقول لي أنا اتصرف لا تتدخلي ، و يطنششششش ) بعدين اكتشفت إنه فاهمهم .. . . فصرت أطنش مثله .. بس تقهرني الحركات اللي تعملها حماتي بوجهها .. و التلميحات و دق الكلام .. |
| الساعة الآن 10:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©