|
محتاااااار
بسم الله الرحمن الرحيم
انا كتب الموضوع هذا واتمنى تروح الحيره بعد مشورتكم ان شاء الله الموضوع ومافيه اني خطبت وحده وطبعا بعد السوؤال والروحه والرده حصل شوفه شرعيه طبعا البنت ما شاء الله اخلاق وكلن يمدحها انا لما شفتها اعجبني اشياء كثيره فيها وطاقتها ايجابيه++++++ بشكل غير طبيعي احس اني ارتحت لها كثير كثير بس المشكله الوحيده ان وجهها عادي يعني مافيه جمال يعني عادي مو شينه لا بس انها عاديه وانا عاجبتني كثير بس اخاف اني اتندم بعدين وصراحه ماودي اظلم بنت الناس بعدين والشوفه كانت قصيره مره ماامداني ادقق في ملامحها وابوها على طول كرشني يعني الشوفه ماخذت اكثر من اربع دقايق وقالها روحي طبعا عمرها مناسب لعمري وصراحة عاجبني جسمها وسمعتها طيبه ما شاء الله بس اللي قاهرني وجهها عادي وتعرفون كيف التلفزيون والانترنت وقناة فاشين تي في الواحد معدل الجمال عنده يرتفع واخاف مع الوقت يحصل ان عيني تزوغ على برا وانا مازاغت عيني وانا عازب شكلي بانهبل اذا تزوجت وشاورت كثير وكلن يمدح البنت وحتى ابوي عاجبينه اهلها وناشب لي وغير كذا اخوي يقول لي ان البنت الجميلة تكون غالبا مملة وبعض الاحيان تكون شايفه عنرها وانا صراحه ابي وحده تعرف قيمة الرجل وتتمسك بزوجها لان الحياة صعبة ولازم تكون فيه مشاكل وماودي اني اتعذب مثل اول ولاودي انقهر على قرار اتخذته انا راح استخير ان شاء الله بس لاتنسوني من اراأكم |
رد : محتاااااار
السلام عليكم والرحمه
الف مبروك والله يكتب اللي فيه خير اسئله جات ببالي لكن لاارغب باجابه معلنه امامنا جميع هل انت جمالك شكلا افضل منها مراحل!!لااريد منك كلمه المجتمع الرجال مايعيبه شكله عيبه جيبه..هالقاعده ماتنطبق ع كل البنات هناك بنات رفضوا شباب كفوا بكل شي لكن اللون او خشمه او سمنته يعني امور غطت ع الاساسيات في الشراكه للحياه الزوجيه الجميله او زوجك او غيرهم ستاتيها فترات تدخل البيت ماعليها مكياج اطلاقا!!سياتي يوم تلاقيها بالمطبخ!!سياتي يوم بتلاقيها يتغير لون بشرتها بسبب الهرمونات العذر الشرعي !!وسياتي عليها تغيري شكلي ونفسي في فتره الحمل وما بعد الحمل!!وهناك وهناك...هنا هل انت ستكره الجميله وبتدور غيرها!! هل جمالها اقل مثلا من مستوى الجمال اللي انتم عايشين فيه يعني اقل من اخواتك امك بنات اختك اهلك الخ!! من جهه اخرى كيف ماطولت وانت تقول ان لديها طاقه ايجابيه كيف ميزت!! قدرت تاخذ رؤيا كامله عنها..ان كنت تملك عيوب شكليه فيك او مطلق او ارمل او ماديتك ضعيفه او او يعني وازن الامور ولا تحلم كثير ولايغرك اللي بالتلفزيون تجي اللي بالموضه مهتمها باكلها وشكلها جسديا ومكياج وعمليات فقط لم تقابل زوجا او حياه اسريه او حمل او مناقشه معها نسيت قول الله تعالى" قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ {النور:30}. عندما منعت عن المشاهده المحرمه فهذا نص الهي ستحاسب ع كل تدقيقه وتمعن وخيال رسمته بمشاهدك ابدء حياتك بعيدا تمام عن المعاصي حتى لو يكون كل اهلك يشاهدون فالقبر ماراح تنفعك قناه فيشن ولا اي مشاهده محرمه كلهم سيشهدون عليك يوم القيامه ............................... اي راي هنا او بحياتك الخاصه لاتاخذ به حيال شكلها هل توافق او ترفض الوقت اللي فكرت ان ترتبط وتقدم ع هالخطوه خل قراراتك نابعه منك داخليا حتى تعيش حياتك مرتاح البال.فانت اللي شفتها وجلست معها واخذت انطباع عنها يعني اي رايي منا لايقدم ولاياخر حتى لو توصف شكله وصف دقيق فالنظره بالعين مختلفه تماما عن الواقع فلا راي اخوك ولا راي ابوك او هنا بيغير راييك فانت اللي بتاكل وبتنام وبتشاركها كل شي هل تتقبلها كما هي بعيدا عن المقارنات في التلفزيون العبره من النظره الشرعيه الارتياح والقبول ويستمر الشخص ع الاستخاره ويسير بالامر حتى الله يكتب الخير مشاورتك هل تقبل شكلها جميعا لايمكنا ابداء الراي لان لولا اختلاف الاذواق لبارت السلع هناك كثير من الفتيات اخوانها اشباهم بشيعين وماتوقعت ان تكون عندهم اخت بجمال وهناك من يكون اخوانها جميلين وهي عاديه وهناك من يرى خطيبك جميله وبالنسبه لتقييمك عاديه وهناك من يراها المناسبه وكثيره عليه وهناك من يرى خطيبك ويسال من بعيد ياخوفي ماتوافق علي ومن هالكلام يعني عيش واقعك كما هو لاتاخذك العزه بالاثم وتطلب فوق الخيال من الصعب جدا تلاقي كل شي مكتمل استاذي اعذرني ع اطاله الحديث لكن انت داخل زواج ومرتاح من البنت وقلت راح تستخر اذن لاتفكر ولا تعطي الشيطان بال ابعد عن المشاهدات التلفزيونيه..بالاضافه كان من الاجدى طلب رؤيا مره ثانيه بنفس الوقت لها وغير كذا اريد راي الحريم فيها هل شافوها وهل هي خارجه بدون مكياج اذا كان شكلا مقبول بلا مكياج فالحمد لله تعتبر ملكه جمال به وحط ببالك مثل مانت عندك رايي في شكلها حتى البنات لهم رايي مو النظره قاصره عليك وازن الامور واكرر استخر والله يوفقك ويكتب اللي فيه الخير |
رد : محتاااااار
[align=center]السلام عليكم ورحمة الله وبركاته [/align]
أخوي RainBoW 0F LovE الفاصل الجمال جمال الروح وانا خوك مهوب جمال الخشة عفوا أخوي إنت بتعيش معها العمر يعني خذلك وحدة أخلاق تحترمك تقدرك تحفظ لك فراشك ,وأنت ذكرت (احس اني ارتحت لها كثير كثير بس المشكله الوحيده ان وجهها عادي يعني مافيه جمال يعني عادي مو شينه لا بس انها عاديه وانا عاجبتني ) لاتوسوس تقول إني بندم تدري متى بتندم إذا تزوجت وحدة جميله و كرهتك حياتك وطلت روحك وورتك نجوم الليل بعز الظهر هذيك الساعة تقول ياليت وياليت هنا بيحترق قلبك قهر ,ولاسيما إنك ذكرت(طبعا البنت ما شاء الله اخلاق وكلن يمدحها) فلا تضيعها عليك وذكرت (بس المشكله الوحيده ان وجهها عادي يعني مافيه جمال يعني عادي مو شينه لا بس انها عاديه) يعني بتتقبلها ومع الوقت مع العشرة الطيبة الحب يجي إلين تصير كل شيئ بحياتك فالبنت جابها الله لك لاتضيعها علشان هذا السبب التافه أسأل الله أن يرزقك الزوجة الصالحة إلي تعزك وتحترمك وتقدرك . |
رد : محتاااااار
|
رد : محتاااااار
الجمال جمال الروح
|
رد : محتاااااار
الجمال مطلب :29:
لكن خطيبتك اذا ماكانت جميله فَ من كلامك انها مو شينه وياخوي الجماال مو كل شي .. وانت تقول ارتحت لها وذا الاهم تخيل لو خطبت وحده جميله بكل معنى الكلمه لكن سبحان الله ماارتحت لها ! بتآخذها عشان جمالها و طز ب الراحه ؟؟ :( ما اعتقد استخيرر والله يوفقك ويكتب لك الخير .. |
رد : محتاااااار
اشكر الجميع ولاكن السوؤال كان
هل اذا تزوجت وحده عاديه راح احصل في نفسي عدم رضىء يعني بعدين اذا مر على الزواج كم سنه انا كتبت الموضوع عشان اخذ اراء المتزوجين ؟؟؟؟؟؟؟؟ واشكر الاخوان واحد واحد خلينا نناقش هالموضوع تجي تخطب يقول لك قابل ابوها تقعد تشخص وتلبس وتحوس وتروح تقابل ابوها لق لق لق وبعدين تعال الاسبوع الجاي تجي الاسبوع الجاي لق لق لق عطنا رقم مديرك ورقم صديقك ورقم نتصل عليه في حالة الطوارىء ورقم الامام ورقم المؤوذن ورقم جيرانكم طيب عطيتهم الارقام كلها سوو جلبه مافيه احد مادرى اني خاطب بعدين يقول لك تعال شوفة شرعيه اجي شوفه شرعيه اناظر البنت انا احلى منها على ايش التعب والغثى واهلي يظغطون علي تزوجها وكله عشان عزايم وقبل الشوفه يقولون البنت جميله وحلوه وماادري ايش بعد الشوفه اقول لهم ليه كذا يقولون والله طلعت موحلوه؟ مادرينا.....ترا اهم شئ اخلاقها اقول لهم كيف شعرها ماانتبهت له يقولون ماندري ... طيب ليه رايحين ؟ وانا ماقاعد اتكلم على البنت اللي خطبتها اخر وحده صار فيني الموقف هذا كثير قبل تقول البنت مو جمال فقط فيه اخلاق فيه اسلوب فيه كاريزما انا كيف بااعرف هذا كله "اصدق اهلي؟؟؟" اذن انا ساذج وبعدين فيه ناس سبحان الله تنسجم مع بعض وفيه ناس ماتنسجم مع بعض تجون تقولون لي شوفه شرعيه ماتتعدى اربع دقائق احدد فيها مصير حياتي كلها واخوي اللي يسأل يقول اذا فيك عيب خلقي او شيء اقول لك لا الحمدلله مافيني اي عيب اللهم ان وزني زايد اشوي يعني طولي 168 والوزن 100 يعني مرطرط اشوي بس ولا ملامحي كويسه واسلوبي نايس مع الصغير قبل الكبير وبشرتي بيضاء مانيب اسمر وخشمي اوربي هع هع هع ومااشوف فيني عيب غير اني مدخن فقط والبنت عاديه ومستوى جمالها بين اهلي لا والله اخواتي احلا وبنات اختي احلا وواقول لك طاقتها ايجابيه من ملامح وجهها من دخولها للمجلس من جلستها من نظرتها لابوها يوم قالها اطلعي من احساس السكينه اللي دخل معها هذا مقصدي بطاقتها الايجابيه اتمنى اني ماطولت الهرج لاكن محتر وماابي اقرر واتندم وشكلي بااهون وافتك الله يهديك ياامي |
رد : محتاااااار
اخوي استخير قبل كل شيء
هذه حياتك لا تجامل احد على حسابك انت اللي بتعيش معها اذا انت مقتنع بالفتاة بالتوفيق لك و لها واذا ما اقتنعت فالزواج قسمة ونصيب بالتوفيق اخي الكريم |
رد : محتاااااار
عفوا الطول 178 والوزن 100 :)
|
رد : محتاااااار
اكثر من الدعاء والاستخارة. وربك ييسر.
|
رد : محتاااااار
اخوي الافضل انك تطلب من ابو البنت تشوفها مره ثانيه مو معقوله اربع دقايق بتحدد مصير حياتك فيها
المفروض تتكلم معاها حتى عشان تشوف اذا كنت مرتاح او لا النظر وحده مايكفي وفعلا الجمال مو كل شي مثل ماقالو الاعضاء بس متى نقولك هالكلام اذا شفتها مره ثانيه وتكلمت معاها وتاكدت من قبولك لها وماكان واقف في طريقك الا شكلها العادي وبالنسبه لسؤالك عن وضعك بعد الزواج صدقني اذا شفتها زين وتكلمت معاها وارتحت واخذتها عن قناعة ماراح يهمك الشكل ومواصفاتها بتحليها في عينك وبتتغير نظرتك لها تماما والله ياما شفنا بنات اقل من عاديات ومرتاحات مع ازواجهم ماشاء الله لان في اشياء اهم من الجمال وترى اهلك لهم لوم كبير المفروض يوصفون لك كل شي ماتشوفها الا وانت راسم لها شكل في بالك الظاهر اهلك يروحون يتعرفون ويستانسون وينسونك هههههههههههههه ذكرتني قبل فتره رحنا نخطب لاخوي وبمجرد ماشفنا البنت رفضنا الموضوع وماسمحنا لاخوي يشوفها تعذرنا للناس ان مافي نصيب لاني اعرف ذوق اخوي مابتعجبه البنت حرام اسمح له يروح ويشوفها وينكسر خاطرها وانا عارفه ردة فعله من الاول انت شدد ع اهلك ينتبهون اكثر واذا مايفيد معاهم الافضل ترسل عمتك او خالتك او حتى من بنات اختك معاهم المهم تلاقي احد يوصف لك شكل البنت مبدئيا اسال الله ان يكتب لك اللي فيه الخير ويوفقك ويسعدك دنيا واخره |
رد : محتاااااار
السلام عليكم ورحمة الله وبركاته الأخ الفاضل لالالالا ياخوي هد شوي ونا خوك لاتتعصب إنت انسان محترم ومتربى فلها ونبسط واستانس لكن يا خوي من غير ماتعصى ربك ومين قال اغلق على نفسك وسكر عيونك لالالا ياخوي رح وتعال وتمش لكن غض البصر كما قال الله تبارك وتعالى في سورة النور " قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ {النور:30}. ترضى أحد يطالع أخواتك ويستمتع وهو يشوفهن مأتوقع أي كائن بشري يرضاها إلا إذا كان فطرته منتكسه إعتبر البنات إي في الشارع اخوتك فإلي ماترضاها على اخواتك إلي من أمك وابوك لا ترضاها على إخواتك في الله أليحن عنترة وهو كافر سدحلة ذاك البيت إلي هو وأغضُّ طَرْفي حين تبدوجارتي حتى يُواري جارتي مَأواها فما بالك حنا يالمسلمين وخذلك حديث حبيبك المصطفى صلى الله عليه وسلم ((ثلاثة لاترى أعينهم النار يوم القيامة: عين بكت من خشية الله، وعين حرست في سبيل الله، وعين غضت عن محارم الله)) [صححه الألباني]. ومين قال كل شيئ حرام حرام حرام يامكثر الأشياء الحلال أخوي الفاضل عندي لك ملاحظات على ردك الأخير : إذا أعطى الله سبحانه وتعالى طاقة للإنسان وقوة وصحة وعافية في بدنه يستخدمها في إلي يفيدة في دينه ودنياه بس من غير معصية , الله قادر على أن ياخذها منه, الطاقه إلي أعطاها الله له يطلعها على زوجتة وإذا ماقدر يتزوج يصبر نفسه سواء بالصوم كما قال الحبيب صلى الله عليه وسلم وبغض البصر وزي ماذكرتلك إعتبر البنات إلي في الشارع الكبيرة منهم أمك والصعيرة أختك . صح طريقة الخطبة عند البعض لك عليها خاصة إلي يمنع النظرة الشرعية سلامات وش ذا لكن ربعنا الله يهداهم, لكن ياخوي فيه صلاة الإستخارة انت استخير الله بصدق واخلاص وأبشر بالي يسرك الله سبحانه مايخيب عبد رجاه ودعاه أسأل الله ان يهديك وينورك بصيرتك ويحفظك من جميع الفتن ماظهر منها وما بطن ويرزقك الزوجة الصالحة إلي تسعدك في دينك ودنياك |
رد : محتاااااار
ياحبني لك ياابو ندى والله اني قريت ردك الاول وتفاألت وردك الثاني لم يزدني الا تفاؤولن بكسر اللام ههههههه
ياحبني لك لوك جنبي عطيتك بوسه واعذرني على اسلوبي الاول بس كنت محتر واكتشفت اني احول وان شاء الله تفهم مقصدي لانه يقال اقضوا حوائجكم بالكتمان وماكان قصدي اني اطالع بنات الناس فالشوارع واتمقلهن لا والله تراي من النوع العاقل ولاازكي نفسي على الله ولاكن انقهرت من اللي يقولون لاتطالع قناة فاشين تي في لاني احب الفاشين وانا اخوك ;) بس لازم نوعي الاباء مثل ماسويت اليوم والله اني مانيب سهل ما شاء الله علي قولوا ماشاء الله تراي كل ماقلت خطبت وكتبت هنا خربت الامور ومسألت الشذوذ تراها خطيره وتمر مااحد يلاحظ وان لاحظنا استحينا وماتكلمنا والمجتمع في خطر ماادري عنك ياابو ندى بس تراي اطلع على امور نسأل الله العافيه خطره والله يحفظنا المهم انا الادرنالين عندي 600 وماادري وشلون بنام |
رد : محتاااااار
اقتباس:
كلامك درر ماودي اقول زياده بس هذا اللي صار وتغيرت نظرتي لها بالعكس احس اني ع...ها ودي اروح ادور عند بيتهم هههههههههه سبحان مغير الاحوال بس اهلي انهبلوا لاصراحه خشت قلبي وكنت خايف قبل مااروح بس نحمد الله ونشكر كل الاعضاء بس اني طلعت احول والعتب على النظره الشرعية |
رد : محتاااااار
السلام عليكم ورحمة الله وبركاته تسلم يابوي أدري أنك رجال وابن رجال اسأل الله ان يحفظ في دينك وعرضك وأهلك ومالك وأسأل الله لك السعادة في الدنيا و الأخرة وصحيح يابوي الخطبة عندنا للأسف سواءا من ناحية الشروط أو المهر أو التكالبف أو النظرة...........إلخ يبلها إعادة برمجة من جديد طبعا ما أعمم في ناس عندهم كل شي سهل ومهوب معقدين ويعطونك وقتك في النظرة الشرعية وكل شيئ عندهم سهل وماشاء الله تبارك الله عليك الله يحفظك من العين وأسأل الله ان يوفقك لهداه ويجعل عملك في رضاه |
رد : محتاااااار
استخير اول ، لو ارتحت تذكر انگ بتگلمها بعد الملگه وراح تحبها وتعرف شخصيتها بتتعلق فيها بروحها موب شگلها
والله العظيم اخو زميلتي ملگ عع بنت جميله بمعنئ الگلمه لگن الله لا يستر عليها لسانها طويل طلقها الحين ملگ عع وحده موب مرا ، ومتينه وفيها اشبا عديده وهوه احلئ منها بس الحين زواجه شهر ثلاثه مبسوط معاها وربي ، |
رد : محتاااااار
تق
اقتباس:
وحنا تحكمنا الشريعة الاسلامية |
| الساعة الآن 04:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©