|
هل تقبلين الزواج من طالب ؟
السلام عليكم
انا الامر متخلبط علي قسم في حاله ما يعلم فيها الا ربي انا تولعت بالزوااااااااااااااااااااااااااااااااااااااااااااا ااااااااااااااااااج وبنفس الوقت طموح انا قررت اتوظف عشان اقدر اتزوج بنكسل العمل وبكمل الدراسة وانا ادرس ابي اتزوج اذا طالب عنده عنده مكافاة الف ريال وشقة جديدة ملك ان شاءلله وسيارة ملك ان شاءلله بالاضافة مساعدة الوالد من احتياج مصاريف هل توافقين ؟ عند التخرج من البكالوريوس ان شاءلله زمن سنتين بس الوضع يتحسن باذن الله فاحب اسمع رايكم بكل صراحة الله يوفقكم |
رد : هل تقبلين الزواج من طالب ؟
الامر شاغل بالي جدا انتظر ردودكم الله يوفقكم
|
رد : هل تقبلين الزواج من طالب ؟
عادي فترة وتركد.
بليز فكر بالواقع الف ريال وش تسوي حق فاتورة. ادرس وتوظف وكون نفسك واذا مستعجل مرة جرب واخطب الله ييسر أمرك ويكتب لك الخير. |
رد : هل تقبلين الزواج من طالب ؟
معاك حق بس انا ذكرت بمساعده ابي الله يطول بعمره
يعني باذن الله ما ينقص شي الله يسعدك |
رد : هل تقبلين الزواج من طالب ؟
لازم تضمن مساعده ابوك
|
رد : هل تقبلين الزواج من طالب ؟
لايمكن ابدا .... مع الغلاء بالبلد اللي صاير و راح يصير 10000 ماراح تكفي ...
نواف |
رد : هل تقبلين الزواج من طالب ؟
بالورقة والقلم
ماااااايمدي شف البابا وش رايه وحتى لو أبوك مقتدر ومستعد ترى الوضع يبي له قلب قوي دراسة+طفرة+مسؤولية زوجة.. غير مشاكل هالدنيا اللي تروح وتجي... وين الدماغ اللي يبي يشيل كل هالامور ولو نفرض ماتوافقت انت وزوجتك ..! وش تعمل... أو لو نفرض توافقتوا وانبسطتوا .. وش لون تسافرون وتعشون برا وتعيشون جوكم..! لو نفرض جاكم مولووود حتى لو ماتعمدت .. ترا ممكن يكتبه ربي !! وانت باقي لك سنتين .. هذا إذا ماتأخرت .. واحتمال تتأخر وتلقى عمل ..! ...... المسألة غير قابلة للرفض المطلق لدي .. لكنها صعبة قوية !! ولابد فيها من تظافر جهد عايلتين في زمن الأخو مايمون على أخوه...! وعلى رأي المثل : رُبّ طالب خير من موظف..!! هههههههه |
رد : هل تقبلين الزواج من طالب ؟
أحيي فيك أخي أبوكاس حرصك على اكمال نصف دينك, و هذا يدل على نضجك و احساسك بالمسئولية ,,
أشوف ان وضعك الحالي صعب ان تتزوج و تنفق على زوجة و ربما أبناء في المستقبل القريب باذن الله, فالف ريال لم تكن تكفيني و انا طالب عازب قبل 7 سنوات فما بالك اليوم في ظل الارتفاع الجنوني للأسعار و فوق هذا بتصير مسئول عن أسرة ,, أنا أقترح عليك انك تخطب و تملك و تخلي الزواج بعد التخرج و التوظف, و بكذا تكون نصف متزوج يمديك تكلمها و تزورها ,, بس أحب أبشرك أن امتلاكك للسكن سيسرع و يسهل زواجك بعد التوظف مباشر و يقلل من الأعباء المالية عليك فالاجار يأكل جزء كبير من راتب الأزواج و الله يوفقك |
رد : هل تقبلين الزواج من طالب ؟
بالنسبه لي انا ما اواافق الصراحه صعبه حتى لو مساعدة والدك ..
الله يوفقك في دراستك ويسخرلك بالوظيفه والعمل والزوووجه الصالحه يارب دمتم بود .,~ |
رد : هل تقبلين الزواج من طالب ؟
|
رد : هل تقبلين الزواج من طالب ؟
لا
بيكون جدًا صعب توفير الاحتياجات الأساسية لأسرتك |
رد : هل تقبلين الزواج من طالب ؟
السلام عليكم ذكرتني بنفسي قبل سنة ,, نفس حالتك طالب وكنت متشفق للزواج..وما ارتحت الين تزوجت :d والأن الحمد لله عندي بنوته مثل القمر,, لكن كانت سنة صعبه,, ليست من الناحية المادية فالأرزاق بيد الله..واموري المادية كانت الحمد لله ميسرة ,وان مرت ضائقة مادية ماتلبث ان تفرج.. مكافاتي على مكافاتها مع الاقتصاد تتيسر بفضل ربي الصعوبة كانت التأقلم مع الحياة الجديدة ,, وفي عدم امتلاكي حرية الوقت وتأثرت بعض قراراتي من حيث تغيير تخصص الدراسة ومكانها..لكن ليس في استطاعتي فأنا سجنت نفسي في الزواج الجامعة اللي انا فيها جدا سيئة..فكرت بالتحويل والهروب منها..ماقدرت انا متزوج مرهون بوقت وبمكان بعد 3 سنوات دراسة تمنيت وبشدة,,الانسحاب والبدء من جديد في تخصص احببته بجامعة اخرى ولم استطع دايم اقول في نفسي,لو استقدمت من امري مااستخرت لاخترت الزواج بعد الوظيفة , منها اقدر ارسم مستقبلي بكل اريحيه وبدون ضغوط , ولا سمحت لشعور النقص بسبب المجتمع يأثر علي , ولا جعلت من اسئلة الناس كيف تصرف ؟ كم باقيلك على التخرج ؟ كيف...الخ اسئلة تؤرقني مع ذلك,, مبسوط من زواجي وفي زوجتي وبنتي الله يصلحهم لي ويحفظهم |
رد : هل تقبلين الزواج من طالب ؟
السلام عليكم ورحمة الله وبركاته
اخوي بارك الله فيك انصحك بالتوكل على الله ثم الأستخاره والعزم على الزواج الزواج اكمال للدينك واعفاف لنفسك بالحلال والزواج سببا للغنى بذكر لك اخوي قصتي كان زوجي يرغب بالزواج وهو في صف ثاني ثانوي ومتشفق مره للعرس بحث عن وظيفه عشان يتزوج وبحث وماحصل شي للأسف وكمل دراسته وتخرج من الثانويه وقدم على الجامعه وتخرج وحضر الماجستير واثناء دراسته قدر يجمع مبلغ خلال هذي السنوات الي راحت وخطبني ورغم انه شايل هم كبير من بيرضى فيه وهو توه يدرس لكن بعد ماخطبني ابوي وافق عليه على طول ورحب فيه واعطاه الموافقه قبل لايكلم امي او ياخذ رايي بحكم قرابته لنا وتزوجنا قسم بالله الناس متعجبين من زواجنا ومن وضعنا شلون واحد زوج بنته لواحد يدرس وماعنده وظيفه اودخل إلا مكافئة الجامعه وهي 800 ريال عاد الناس فيهم تطفل ولقافه من اعجب مايكون لكن ربك كريم وخيره كثير والزواج سبب للغنى وبعد ستة شهور من زواجنا ولله الحمد طلع تعيين زوجي في وظيفه لها مركز أجتماعي وتوظف فيها وتغربنا والحمدلله نعيش حياة أسريه مستقرة ولدينا طفلين الله يحفظهم لي هم وابوهم ويقر عيني بصلاحهم الله يرزقك من حيث لاتحتسب ويرزقك بالزوجة الصالحه التي تكون لك عونا على الطاعه |
رد : هل تقبلين الزواج من طالب ؟
تزوج يا اخي بعد الاستخارة وفي كثير من البنات يرضون لكن
لا تاخذ الا البنت اللي تعجب من اخلاقها اولا يعني بصبرها ومحبتها لزوجها راح تنجحون انتم الاثنين والله يوفقكم ياااارب |
| الساعة الآن 03:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©