|
ملكت وياليتني ما ملكت
طبعا تعرفون قصتي من خلال مواضعي طبعا انا تملكت وبعدها الرجال دخل اصبت بحالة ذهول كاني اشوفة لازل
مرة سويت نفسي عادية حتى لايشعر بشي ولكن بعد الخروج قلت لاهلي وش هذا قالوا انتي شفتية قلت انا ماشفته زين وجتني حالة الله اعلم بها من اعياء وتعب . قالوا اذا تبين كملي واذا تبين انفصلي وانا بين نارين يقولون لي للي حولي حرام الولد زين وطيب وفعلا بس ما ادري حتى انا مترددة وفكرت اني اشوفة مرة ثانية واشوف واقررو حتى المهر لن اتصرف فية واقرر ان انفصلنا ابرجعه ش رايكم |
رد : ملكت وياليتني ما ملكت
ايش السبب لذهولك؟
|
رد : ملكت وياليتني ما ملكت
حالته الصحية ماتوقعتها صعبة كذامع اني اعرف حالته ولي صديقة تشبه حالته . وللي خلاني مترددة اخلاقة ودينه
|
رد : ملكت وياليتني ما ملكت
اختصري الموضوع من بدايته إذا كنت غير مرتاحه له انفصلي عنه , ولا توهمي نفسك أنك ستتقبليه وأنت غير مقتنعة به من الأساس . |
رد : ملكت وياليتني ما ملكت
يا أختي لا ترمين نفسك في الهاوية ان كنت لم تقتنعي به ولم تقبليه بالمرة انفصلي احسن وربنا
يعوضك بالافضل لكن ان كان عنده دين واخلاق ففكري جيدا ربما فيه خير لكن أنت لم تقولين واش السبب الي خلاك تريدين الانفصال ربنا ييسر أمرك استخيري أكثر |
رد : ملكت وياليتني ما ملكت
لا تتغاضي عن شق أكبر من الرقعة
|
رد : ملكت وياليتني ما ملكت
انا متابع مواضيعك اختى
قوليلنا ايش اللي سار معك بالضبط للفائده للجميع يعني شفتيه ماعجبك الرجال مريض وش الحكايه ومن حقك تطلبيه للمره الرابعه والخامسه والسادسه هذا زواج مو لعب |
رد : ملكت وياليتني ما ملكت
جوابِك كتبتيه بعنوان موضوعك
نصيحة لا تستعجلي أو تجاملي بموضوع الزواج |
رد : ملكت وياليتني ما ملكت
اختي حلم تائه ....
استخيري قبل طلب الطلاق و الله يسهل لك بس انتي ما قلتي ايش مشكلة الرجال ؟؟ هل هو مريض ؟؟ ولا تستعجلين فلربما تتغير مشاعرك بسرعه و تتقبلينه .. انا اشوف ان بعض النساء تخاف من الزواج في البداية ثم تتقبل الموضوع لاحقا .. |
رد : ملكت وياليتني ما ملكت
http://www.66n.com/forums/showthread.php?t=239298 هنا قصتي
بصراحة مترددة كثير ولا ابغى احمل لقب مطلقة والكل ممن حولي نصحني با لصبر والتريث والرجال ليس با الجسم بالعقل والتفكير وان للي امر فية حالة طبيعية وانه ولد زين مايعيبة شي لكن ما ادري وش للي جاني بعد ماراح كاني اشوفة لاول مرة وللعلم انا عندي اصابة بس مو مثلة الله يكتب للي فية الخير |
رد : ملكت وياليتني ما ملكت
اقتباس:
|
رد : ملكت وياليتني ما ملكت
اقتباس:
|
رد : ملكت وياليتني ما ملكت
شوفي حبيبتي
انتي الحين بتختاري زووووج . انسان بيضل معاك طول العمر باذن الله تاكلي و تشربي وتنامي معاه .وجهك بوجه اسالي نفسك قادرة تتاقلمي معاه ؟؟ وجدتي قبول له في نفسك ؟؟ تشوفي نفسك زوجة له و ام لاطفاله ؟؟؟ فعلا مقتنعة فيه كا رجل (يملى عينك و قلبك) ولا بيجي يوم و تندمي حين لا ينفع الندم؟؟ جاوبي نفسك عالاسئلة هذه غمضي عيونك وفكري به و بك فقققققققققط دون التفكير بكلام الي حوليك استخيري كثيرا .. وعشان تقرري صح .. ممكن تطولي فترة الملكة 3 شهور وخلال زياراته و حواراتكم ..تحددي هل ارتحتي له ولا لا لو خلاص دخل قلبك .. اللهم لك الحمد ولوما ارتحتي له مالك دخل من الي حولك .. مش هم الي بيعاشروه انتي الي بينقفل عليك باب معاه فاذا كنتي مش متقبلتيه فكيف بتعطيه حقوقه ؟؟ ومطلقة الان قبل الدخول ولا مطلقة بعدين بولد ولا 2 المهم تبني قرارك على اقتناااااع . سواء الاستمرار او الانفصال |
رد : ملكت وياليتني ما ملكت
و
اقتباس:
|
رد : ملكت وياليتني ما ملكت
حلم استخيري
من البدايه وانا حاسه انتي مو مقتنعه وتغصبي نفسك على الزواجه وتحاولي تقنعي نفسك وتبينا نقعك اساخيري |
رد : ملكت وياليتني ما ملكت
انا بالنسبه لرأي انتي على حسب كلامك تقولي عندك حاله مرضيه بسيطه .. بس مو يتقدملك من ذوي الاحتياجات الخاصه
ليس نقص بهم ولكن كل شي وله وضعه .... لكن بما انك رافضه من مبدأه انه يقود او لا فقط بغض النظر عن حالته اقولك سببك ليس مقنع للرفض ..وانتي تقولي سواق اجل ايش المشكله ؟ وليش الحيره واذا انتي منتي مرتاحه من اساسه لكن تدوري اسباب . فلا تضحي مقابل فقط يُقال (تزوجت) ان كان له ولك خير ربي يجمعكم عليه .. وان لا يصرفكم الله عن بعض |
رد : ملكت وياليتني ما ملكت
اقتباس:
وطموحة لكني اصبت بالذهول من اعاقته اضافة الى توتر الملكة والاستعدادات مع اني عارفة ايش اعاقته لان لدي صديقة مثلة |
رد : ملكت وياليتني ما ملكت
اقتباس:
|
رد : ملكت وياليتني ما ملكت
اقتباس:
|
رد : ملكت وياليتني ما ملكت
اقتباس:
|
رد : ملكت وياليتني ما ملكت
وتصدقى انا الان اقول هذة الكلمة
بشرى اختى ماذا حدث معك |
رد : ملكت وياليتني ما ملكت
حرام عليك والله انا كسر خاطري يعني بتطلقين منه عشان سياره ماتوصلك يعني كل يوم بتخرجين ؟
ياختي فكري بالعقل لو فرضا انتي مكانه وملكتي وفسخ الملكه وش شعورك اذا اخوك مكانه وزوجته تقول نفس كلامك ذا وش نظرتك ؟ انا اعرف بنت تزوجت شخص مايسوق سياره وهو اساسا مافيه اي اعاقه بس مايسوق ابدااااا ومبسوطه معاه الزواج مو سياره وعماره وفيلا وروحه وخرجه الزواج مشاعر وحب وموده ورحمه بكره يجيك اطفال يودوك ويجيبوك لين تطفشي توكلي على الله ياما ناس بدون اعاقه ويسوقون لاكن الشكوه لله لادين لا اخلاق توكلي على الله ياختي لاتصيري انتي والزمن ضده والله يسهلك امورك |
رد : ملكت وياليتني ما ملكت
انتي اجمل كلام يوزن با الذهب بس ما ادري ليش الشيطان يوسوس لي قبل شوي كنت افكر اليوم يقدر يجيب سواق
بكرة مع الغلا كيف بيكون وضعنا مع انه الحمد الله قادر لانه موظف وللي خلاني افكر الف مرة اخلاقة العالية ودينة بس ربي يخلصني من الوساوس |
رد : ملكت وياليتني ما ملكت
داخل قلبك في اعماقك لايش تميلين للاستمرار ام للطلاق
تخيلي انك تطلقتي منه خلاص وش بيكون شعورك راحه والا حزن بعدين ترا ماييينفع ابددد اللي تقوليه لازم تتزوجي وانتي عندك رغبه واقتناع تاااام ماعليك من اللي يقول لاتكسري بخاطره ينكسر خاطره شوي الحين ولا ينفطر قلبه بعدين بعد طفل او طفلين كلامي مو معناته اني احرضك ع الطلاق اعوذ بالله لا ابين لك عشان ماتاخذك العاطفه انتي لازم تستخيري كل يوم بعد كل صلاه وشوفي وش بتقررين لاني اشوفك تحاولين تقنعين نفسك وتبغين احد يقنعك بس عقلك مو مقتنع هذي المشكله بكره تتزوجيه وتقلبي حياته جحيم ولا تسعديه وتخسريه فلوس بعد انتبهي اختي الله يرضا عليك |
رد : ملكت وياليتني ما ملكت
معليش اختي حلم تائه ....
انتي الان في حالة عدم اتزان ... لاتفكرين كثير ، استفيدي من نصائح الاخوان والاخوات هنا لاننا نشوف الحالة من الخارج واحنا غير مضغوطين ... ركزي علي عباداتك ، و علي نفسك ... وتري شئ طبيعي اللي صار الايام الاولي ... انا يوم ملكتي كان اصعب يوم بحياتي ، كنت مريض و مسوي عملية و مصدع و حالتي حالة ... فلاتحكمين علي الرجال اول ايام ... تري حتي هو متردد و خجول و عشان كذا يتكلم بكلام ما يدري وش يبي منه .. انا اتوقع بعد شهر نظرتك راح تتغير كثير عنه و راح تبدأ مشاعرك تجاهه ،،، وهو راح تزيد ثقته بنفسه ... والله يكتب اللي فيه الخيره ... نواف |
رد : ملكت وياليتني ما ملكت
كنت متوقعه لأنك من البداية متردده فيه
انصحك يا حلم لا تغلطين نفس غلطتي لا تجاملين على حساب عواطفك لا تخلين شفقتك تتحكم في حياتك الخاصة ترى محد بيتبهذل غيرك وبكرة لما تجيبين عيال بتعانين أكثر نصيحتي لك من الحين اتركيه اذا مو مقتنعة فيه يسر الله أمورك , .. |
| الساعة الآن 06:15 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©