منتدى عالم الأسرة والمجتمع - بنتي الصغيرة وما تعانيه

منتدى عالم الأسرة والمجتمع (http://www.66n.com/forums/index.php)

- ركن الطفل (http://www.66n.com/forums/forumdisplay.php?f=97)

- - بنتي الصغيرة وما تعانيه (http://www.66n.com/forums/showthread.php?t=240163)

بنتي الصغيرة وما تعانيه

لسلام عليكم ورحمة الله تعالى وبركاته الى الأخوات الغاليات والصديقات العزيزات عساكم بخير ان شاء الله وبأتم الصحة والعافية يارب اليوم اختكم في الله داخلة تبغى منكم تفيدونها عن مشكلة حصلت مع بنتها الصغيرة اللي عمرها الحين ماشية بالسنة الخامسة والحمدالله هي طيبة وماعليها لاكن حصل لها تغير من فترة طرئ عليها الخوف من اقفال الأبواب وهي في الداخل سوى معاها احد او لحالها وفي الحقيقة صار لها موقف ومن وقتها انتابها هذا الخوف الموقف هو الله يسلمكم يوم الإحتفال باليوم الوطني اختها اللي اكبر منها طلبوها من المدرسة تجيب زي واعلام وصور واكسسوارات لونها اخضر وابيض يعني تعبر عن هاليوم اتوقع كلكم عارفين مثل هالطلبات وماتخفى عليكم جميع المهم البنت الكبيرة قال لها ابوها تجهزي عقب صلاة العصر بشيلك انتي واختك الصغيرة اوديكم السوق اشتري لكم الأغراض اللي طالبينها منك المدرسة وراح يصلي وانا جهزتهم وبعد الصلاة جاء ابوها ومسك يد بنته الكبيرة ونادى على الصغيرة وقال لها تعالي بنروح السوق نشتري اغراض لأختك وهو في نفسة بياخذ لهم كلهم الثنتين مثل العاده كل شئ ياخذه للكبيرة ياخذ مثله لصغيرة المهم الصغيرة جاءت وقالت وانا كمان تاخذ لي قال لها ايوه اخذ لك وطلعت معاه من الباب بس كانت حاطه في خاطرها إنه ليش ما مسك يدها هيه وشالها هي معاه لأنها متعوده على هالطريقة ولما طلعوا لشارع انفجرت على اختها وتبالشوا على كل من تمسك يد ابوها ابوهم قال لهم كل وحده فيكم تمسك بيد وهم متحاشرين على يد وحده قامت البنت الصغيرة زعلت وقالت مابروح معاكم لسوق خلاص بطلت ورجعها ابوها للبيت مع اخوها الكبير فلما وصلت عند باب البيت الباب كان مقفل وانا كنت مشغوله هي دقت على الباب وبعنف وكانت تصرخ وتصيح افتحي الباب والله انا خفت عليها وجيت ركض افتح لها الباب حسبتها لوحدها او فيه شئ صاير لها لما فتحت الباب وجدت اخوها الكبير واقف معاها ويقول لها طيب امي بتفتح الباب الحين جاية وهي بالأصل مالها وقت من وقت مانزلت مع ابوها ورجعت بالحالة هاذي تصيح قلت لها ليش مارحتي مع بابا قالت ما ابغى اروح خلاص ابوية يحب اختي اكثر مني وانا مابروح معاهم ابوي صيح عليه ومايبغاني امسك يده واختي تمسكها وانا لا حاولنا نراضيها ونرجعها مع ابوها كان منتظرها في السيارة في الشارع بس هي رفضت رفض قاطع وكمان هي طلبت بالبداية تروح لسوبر ماركت بالأول وبعدين السوق بس ابوها قال لها الحين نروح السوق قبل الزحمه وبعدين ارجعكم لسوبر ماركت تاخذون اللي تبغونه المهم هي وافقت بالأول وراحت معاه بس الخلاف على مسكت اليد هو غير كل شئ حتى ابوها رجع لها وقال لها خلاص يالله الحين اوديك لسوبر وبعدين نروح لسوق رفضت وحاولنا فيها قلت لها انا اروح معاك خلاص ونوديك الحديقة والملاهي واشتري لك عروسة وهي رافضة ومصممه على رئيها بعدين انا طفشت منها وقلت لأبوها روح لسوق وهي خل دلعها ينفعها وطنشتها وابوها راح لسوق واشترى لهم كلهم هي واختها زي واعلام واكسسوارات واي شئ اخذه للكبيرة اشترى لصغيرة مثله ومر لسوبر واخذ لها كيس مليان من الحلويات والشوكلاته اللي هي تحبها وجابها لها هي واختها كلهم مع بعض طبعا عقبها تصالحت هي وابوها ولبسها بالزي الوطني وصورها ورضيت عليه بس عقبها بيومين كان لما بيظلع لسوبر او يبغى يوديها محل الألعاب كانت ترفض الخروج معاه وتبكي وتعصب لو جاء بياخذها بالقوة هي تحبه وتلعب معاه في البيت وعلاقتها فيه طبيعيه جدا لاكن لما يقول لها يالله اوديك السوبر او امشيك برى اوديك تلعبون محل الدبابات الصحراوية انتي واخوانك ترفض رفض قاطع رغم انها كانت تموت في هالأماكن من قبل حتى لو هي مريضة تقول له وديني لها بس الحين تغيرت كل اخوانها يروحون وهي ترفض ماتبغى تروح إلا انا اكون معاها اذا مارحت معاهم مستحيل تروح معاهم تحس بالأمان معاي ودائما تقول لي لا تقفلين عليك الباب دائما تقول لي اهتي تبغيني اروح معاهم بعدين تقفلين الباب وبعدها الباب ماينفتح وانا اجلس بحالي بالأمس طلعنا برى كان عندها موعد مع دكتورتها اللي تتابع معاها بالأول كانت تروح لوحدها مع ابوها كل مراجعاتها وكل مواعيدها بس هالمرة هاذي رفضت إلا انا ارافقها واصرت وبكت علشان اروح معاها ورحت معاها وخلصنا من عند دكتورتها وعقبها قالت وديني للحمام وانتم بكرامه وديتها للحمام ودخلنا وقفلت باب الحمام واحنا داخل الحمام وهي تغيرت ملامح وجهها وكانت خايفة وتبغى تبكي وجالسة تقول لي هالباب ينفتح ولا ماعاد ينفتح واطمنها واوريها انه ينفتح بس احس انها باقي ما اطمئنت إلالما طلعنا من الحمام ارتاحت نفسيتها وبعدماخلصنا من المستشفى طلعنا ومريت اخذت اخوانها الكبار من البيت لأنهم توهم راجعين من المدارس مرينا عليهم واخذناهم وطلعنا للغداء تغدينا برى وبعدين وديتهم لمكان منتزه زراعي وفيه جلسات والعاب ومكان الألعاب عليه شبك دائري وله باب كل اخوانها دخلوا داخل الشبك يلعبون في الألعاب وهي جلست عندي انا وابوها رفضت تروح تلعب معاهم اخذت لها تذاكر ورفضت نهائيا سألتها ليش ماتلعبين مع اخوانك قالت لي الحين العامل اللي يشغل الألعاب يقفل علينا الباب واحنا داخل وما ابغى العب الباب يتقفل ماعاد يفتح وانا اجلس داخل الباب والألعاب موجودة امامنا انا وابوها كنا جالسين على طاولة مقابلين الألعاب جنبنا ونشوفهم وهما يلعبون لأن انا ما ارتاح إلا واولادي يلعبون امام عيني اخاف عليهم يصير فيهم شئ لازم اني اراقبهم وكمان العامل مايقفل الباب هناك ولايجلس عندهم ياخذ التذاكر ويروح وكمان مافيه زحمه في المنتزه كله مافيه إلا احنى وعائلة ثانية جالسة ماعندهم اطفال وبنتي دائما تحب العابهم وتموت عليها والمكان هذا هو المفضل عندها بس ما ادري ايش اللي صاير لها فجأة الحين خايفة عليها لايكون عندها حالة نفسية من قفلة الباب وخايفة تستمر هالحالة معاها وتطور لشئ مو بصالحها ومحتارة ما ادري ايش اسوي معاها ماتبغى تروح مع ابوها لحالها لازم اكون معاها كمان الباب ما تبغاه ينقفل نهائيا ولو رحت معاهاوانا في السيارة ونسيت شئ في البيت ونزلت من السيارة بجيبه من البيت تبكي وتصيح وتصير معاها حالة غريبة عجيبة خوف ورعب وتصيح وتجلس ترتعش من الخوف امس وحنا رايحين لموعدها نسيت احط مفتاح البيت لإخوانها في المكان اللي متفقين عليه يلاقونه اخوانها فيه ونزلت من السيارة بحط المفتاح فيةالمكان المحدد علشان لما يرجعون من المدارس يشيلون المفتاح ويفكون الباب ويدخلون للبيت يرتاحون وينتظرونا لما نرجع من برى ولما جيت بنزل تمسكت فيني بكل قوتها وتبكي وتصيح ماتبغيني انزل من السيارة وانا عصبت عليها وقلت لأبوها امسكها بالقوة ومسكها وانا نزلت حطيت المفتاح ورجعت لقيتها في حال يرثى لها تصيح وتبكي وتضرب في ابوها وماسكة بمقود السيارة ماتبغى ابوها يحرك السيارة سألتها ليش تسوين كذا قالت خايفة تروحين للبيت والباب يتقفل عليك وماعاد ينفتح والله والحين انا حايسه فيها ولا ادري ايش اسوي معاها قلت لأبوها من قهر جيب لك نجار وخل يخلع لنا باب البيت ويجلس البيت بدون باب علشان الهانم ترتاح وتنفك عقدتها الصراحة تعبت معاها ولا ادري وش اسوي معاها طفشتني وانا مافيني صبر احيان اعصب عليها وارجع ارحمها واشفق عليها والحين ابغى نصحكم وتوجيهكم لي يابنات يا امهات اللي قد سبق ومرت فيها هالحالة تنورني وتطمني هل مع الوقت راح تنسى بنتي وتروح عنها هالحاله ولا وش اسوي معاها والله اني محتارة وشايلة همها هي تلعب عادي وتنام عادي وتاكل عادي الحمدالله وضعها طيب من كل النواحي الا هالناحية وكمان لو غفلت عن عينها في البيت تجلس تدور وراي وتصيح وتبكي وهي خايفة تلف كل غرف البيت وتنادي امـــــي امي وينك ولو مارديت عليها بسرعة تبكي وترتعب بالمرة ولما تشوفني تجلس تبكي وتضرب فيني بيدينها وتقول وينك وين رحتي والحقيقة ماعرفت وش مشكلتها تكفون اللي عندها حل او معلومه تقدر تفيدني فيها او نصيحة توجها لي مشكورة وجزاها الله خير وبارك الله فيها اختكم بحاجة لمساعدتكم فلا تتركوها فليس لها بعد الله عز وجل سواكم وحفظكم الله وبارك الله فيكم واعتذر عن اطالتي عليكم