سؤال غريب ... هل عيب تقول لخطيبتك / زوجتك انتي كذابه ؟؟
 

السلام عليكم ورحمة الله وبركاته


اخواني اخواتي ...
اعرف ان الكذب حرام واحيانا الانسان لازم يجامل ...
لكن صراحة موقفي مع زوجتي غريب .... زوجتي ارسل لها رسائل بالواتس اب و تقول ما توصل لها ... مع العلم ان الواتس اب يبين اذا وصلت الرساله او لأ ... واذا ارسلت لها وقلت تعالي ضروري ترد في اقل من دقيقة .... اما في الاوقات الثانية ممكن ترد بعد يومين او اكثر ،، واخر الايام صارت ترد بعد اسبوع .... لما عاتبتها بقوة تاسفت و قالت توها الرسايل تجي والواتس اب كان خربان ... الحركة ذي تكررت اكثر من مرة ... ومع اني بينت لها بطريقة غير مباشرة ان الكذبة هذي واضحه لكن استمرت علي ماهي عليه ...

اللي محيرني ان زوجتي ذكية و غريب عليها الكذب بالطريقه هذي ... ومع هذا تعدلت يومين ثم رجعت لما هي عليه ... شو رايكم ؟؟ هل اقول لها المرة الجاية انتي كذابة مع احترامي ؟؟ لان صراحة الكذب يكون معقول لكن ماهو بالطريقة هذي ..





نواف

رد : سؤال غريب ... هل عيب تقول لخطيبتك / زوجتك انتي كذابه ؟؟
 

قل لها ممكن اتفهم ظروفك إذا ما تبغين تردين

بس مافيه مجال تقولين انها ما وصلت الرسايل لأنه يبين انها وصلت

وكذا ممكن تبين لها بطريقة افضل من كلمة كذابة بشكل مباشر لأنها ممكن تفتح عليك ابواب مقفلة وتمسكها عليك في كل موقف

رد : سؤال غريب ... هل عيب تقول لخطيبتك / زوجتك انتي كذابه ؟؟
 

يا خوي شوي شوي هي تعرف وتخليك تبين حبك لها ولهفتك عليها عادي جدا بس لا تقول كذابة

رد : سؤال غريب ... هل عيب تقول لخطيبتك / زوجتك انتي كذابه ؟؟
 

سماري ...
هي قالت لي في اخر مكالمة انها كل الفترة اللي فاتت كانت فاضية ولا عندها ولاشي بعكس اول ... يعني اية ظروف ؟؟ حتي اصلا سألتها ... اذا عندك ظرف او اي شي اتمني تقولين لي عشان اساعدك لو اقدر ... قالت لا بالعكس ... و قالت كلمني علي طول بالجوال ما يحتاج واتس اب .. ثاني يوم ارسلت لي رسايل حب .. وقفلت الجوال ..؟؟؟!!! تخيل !!!!



شرور الشوق ..
بالعكس والله اني ما كنت ابخل عليها باي كلمة حب ... لكن والله في الفترة الاخيرة ما اقدر اقول كلام حلو لانها تصعب الموقف كثير علي ... و الله عودتني اني ما افقدها ابدا ... ما صرت احس بوجودها من عدمه ...

رد : سؤال غريب ... هل عيب تقول لخطيبتك / زوجتك انتي كذابه ؟؟
 

لا لا انصحك لا تقول الكلمة دى .....انا فى مرة قلت لزوجتى بلاش تمثيل وما اوصفلك عاللى عملتة...
خليها بطريقة غير مباشرة احسن

رد : سؤال غريب ... هل عيب تقول لخطيبتك / زوجتك انتي كذابه ؟؟
 

حبيبي mshihne ...
لاتشيل هم انا اصلا متعود علي الصراحة معاها ... ماراح تنصدم مني :) ..

رد : سؤال غريب ... هل عيب تقول لخطيبتك / زوجتك انتي كذابه ؟؟
 

ليس من الذوق والأدب أن تقال هذه الكلمة لأي شخص
فمـآ بالك إذا كانت لزوجتك؟!
التي هي أحق النـآس بجميل أخلآقك
: :
الكلمة والله تجرح مرة حتى لو تصرفاتها تدل على كذآ حتى لو بينكم صراحة وميانة
قوول لهـآ بكل حب وراحة نفس إذا ماتبغي تكلميني عآآدي قووليه و أنا ماراح اتصل
وشوف وش حتقولك
> لآتصير حساس مرة أحيان يمر علينا أوقات مانبغى نكلم أحد فااعطها حرية شوي
يمكن مشغولة يمكن مو رايقه يمكن عندها مشكلة يمكن تعبانة
تصرفاتها تدل على انه( أنا مو مستعدة اتكلم معاك الفترة الحالية)
طبيعي جدا خليها براحتها
إلا في حالة كنت انت عارف وش السبب الرئيسي لتهربها فعليك اصلاح المشكلة ليتحسن التواصل
الله يتمم امورك على خير يارب

رد : سؤال غريب ... هل عيب تقول لخطيبتك / زوجتك انتي كذابه ؟؟
 

هلا اختي سما ...
انا سمعت من بعض البنات ان ببعض الفترات مالهم خلق يتكلمون مع اي احد ...ممكن تقولين لي كم هذي الفترة ؟؟؟ لاني انا وزوجتي من تقريبا 3 اسابيع و الاتصال صعب جدا ... اكلمها اليوم ترد بعد يومين برسالة و هكذا ... تنتهي 10 ايام عشان نتكلم مكالمة مالها طعم .. الان والله ما اقدر اقول لها احبك ... احس اني منافق اذا قلتها .. اعتقد تفهمين قصدي .. لاني احس ان الوضع مو طبيعي وهي بعد حاسة بنفس الشئ ..

رد : سؤال غريب ... هل عيب تقول لخطيبتك / زوجتك انتي كذابه ؟؟
 

أخوي... اولا عيب تقول هالكلمه لأي شخص فما بالك زوجتك...

ثانيا... تراها ما جذبت عليك... كلامها صدق... انا ياما يرسلون لي عالواتسب و ما يوصل... و أحيانا يوصل بعد فتره... مع ان يظهر لهم ان وصلني... و أحصل نفس العتاب... بس شو أسوي يوم الواتسب يخرف احيانا... البرنامج احيانا فعلا يخرف...

و تعلم اللطف في الكلام... المصارحه الجافه ما اتييب نتيجه و انا اختك...

رد : سؤال غريب ... هل عيب تقول لخطيبتك / زوجتك انتي كذابه ؟؟
 

الأخ الفاضل /

قد تكون المشكلة فنية في البرنامج , أطلب منها حذف البرنامج وإعادة تحميله مره أخرى ..
حصلت نفس المشكلة في جهاز الآيفون لدي ,وفعلت نفس الطريقة ..
تريث قبل الحكم على الآخرين بما لا يليق ..

صدقني ..لو كانت ترفضك أو لا تحبك ,لقالت هذا ببساطة ,على الأقل لأهلها ..

رد : سؤال غريب ... هل عيب تقول لخطيبتك / زوجتك انتي كذابه ؟؟
 

اعتقد يانواف لمن يكون الشخص مطاااااارد فطبيعي راح يبعد قدر الامكان وان تواصل فما راح يكون التواصل المرضي
اعتقد انه لازم تبعد شويتين عنها عشان تعطيها بعض الراحه وترفع عندها من درجه الاشتياق
اما ادا انت تدق عليها وماترد وتجبرها على الاتصال ولمن تتكلم معها تعنفها طبيعي ماراح تستجيب لك
انت ان دقيت وماردت عطها العذر مرررة واتنين وتلاته وقول يمكن مشغوله عشان لاتشغل بالك وتشحن نفسك
فخلها هي لمن تدق واعرف ان دقت راح تدق محتاجتك مشتاقتلك وبكذا انت ريحت نفسك قللت من استنزاف مشاعرك
ومانصحك انك تقولها انك كدابه
كلامي يانواف مجرد تحليل للواقع اللي تعيشه فقط لكن جرب وعطنا النتيجه

رد : سؤال غريب ... هل عيب تقول لخطيبتك / زوجتك انتي كذابه ؟؟
 

شكرا حنون بطبعي ..
انا ماشي علي نصيحتك من كم يوم .... بس انا لما كنت اتصل كنت احاول اعطيها الراحة عشان تشكي لي لو في شئ زعلانة منه ...
طيب بما انك في مكاني ... لو ما اتصلت ابدا هل اتصل عليها ؟؟؟ لان برأيي ماهي حلوة نجلس فترة طويلة ما نتكلم لان القلوب بتشيل علي بعض ..

رد : سؤال غريب ... هل عيب تقول لخطيبتك / زوجتك انتي كذابه ؟؟
 

أخوي نصيحه.. لا تصير لزقه...

إذا هي ما ترد عليك على الرغم من اتصالك المستمر لها... وطبعا انت حضرتك زدت الطين بله بصراحتك الجافه و انك قلت لها "كذابه"... فاصبر إلى ان تتصل هي...

ممكن ترسل لها مسج على الموبايل مب الواتسب... يكون عام... مب غرامي و لا اشواق... ممكن ترسل نكته او اي شي ثاني... و بعدها اقطع عنها خلاص... و انتظر علها تتصل...

طلبت منك ترسل المسج كتعديل عن الصفه اللي وصفتها فيها... مع ان الإعتذار يكون افضل في حالتك كونها كانت صادقه في كلامها...

رد : سؤال غريب ... هل عيب تقول لخطيبتك / زوجتك انتي كذابه ؟؟
 

شوف يانواف بما انك بعيد عنها هي في ديره وانت في ديره لو ماردت علي بعذرها وبقول يمكن مشغوله الان وبقلل اتصالي فيها وبعطيها الف عذر
لكن ايش بسوي لو انا عندي واتس اب برسلها رساله صغيره عشان ماتحس انها اني زعلان منها واقلها: ( اني اشتقت لك كثير وابا اسمع صوتك وبس اعطيني مس كول او رساله وقت ماتفضي )
واشوف رده فعلها وانتظر اتصالها
هدا كله عشان لمن تفضي نفسها تكون تهيات لاتصالك واشتاقت لك صح وتكون المكالمه لها طعم حلو
انت الان قلي هل تفضل انك تكلمها كل يوم وتحصل على مكالمه نكديه وطفش وشتياق من طرف واحد
ولا تفضل انها تكون مكالمه وحده كل فتره وفتره فيها اشتياق من الطرفين وتستمتع بكل دقيقه من مكالمتك

حاول تقلل من كلام الحب شوي ادا كنت مكثر لانه كثرتها ممكن تقلل من قيمتها .... بالمعني عطشها
ايضا حاول تكثر من النكت والفرفشه والهروج اللي تضحك ... البنات ينجذبو كثير للرجال الضحوكيين

وقلي وش تحس من ناحيتها لمن ثقلت عليها شوي

رد : سؤال غريب ... هل عيب تقول لخطيبتك / زوجتك انتي كذابه ؟؟
 

اخوي حنون ...
انا كنت اكلمها كل يومين تقريبا .... و كانت سواليفنا حلوة و ضحك .. لكن من 3 اسابيع او شهر بديت احس الوضع يتغير ... صارت تتاخر كثير بالرد ( طبعا عن طريق الواتس اب ) ... انا اعترف احيانا انها كانت تكلمني مجاملة ... اخر اسبوعين صارت ما ترد ابدا ابدا ... لاواتس اب ولا غيره .... كلمتها بصعوبة و قلت لها بكل احترام اذا في شئ علميني عشان اعرف و خليك صريحة معاي .. قالت مافي اي شي ... و اتصل في اي وقت ... بعدها ارسلت لي كلام حب .. اتصلت بعدها بيومين مقفل جوالها وارسلت لها رسالة حلوة وقلت لها اني اتصلت عليها ... الي الان لي 5 ايام ما ردت ..


علي فكرة انا مخفف من كلام الحب بالتدريج من فترة ... ولما اثقل عليها تقول لي وينك لك فترة ما تبين ...

رد : سؤال غريب ... هل عيب تقول لخطيبتك / زوجتك انتي كذابه ؟؟
 

ممكن تكون ماخدها في خاطرها منك !!!!
هل في يوم من الايام جرحتها وانت ماتدري ؟؟؟
اعتقد انك قلت لها انك كذابه بخصوص الواتس اب ؟؟؟؟
شوف هي معتقد تجي وتصارحك انك فعلت وسويت لانها تشوفها صعبه الان انها تواجهك
وحتا لو صارحتها بتدعي انه مافي شي وانه الامور عاديه
لكن انت بااااااادر اذا بالفعل جرحتها وقلت لها انك كدابه او جرحتها وانت ماتدري
بادر بالاعتدار لمن تكلمك وافتح صفحه جديده معها وشوف

طيب حلو لمن تغيب عنها هل تحس انها شتاقت لك ؟؟؟ ولا نبرتها عاديه

رد : سؤال غريب ... هل عيب تقول لخطيبتك / زوجتك انتي كذابه ؟؟
 

لالا ما قلت ها كذابة ... حتي لو كنت جرحتها باي طريقة فانا كلامي حلو دائما ...
بالطريقة هذي ممكن يكون مليون سبب او سبب لزعلها لانك تعرف البنات حساسين .. ما ادري صراحة اذا كان فيه اي شي سويته يجرحها ...

رد : سؤال غريب ... هل عيب تقول لخطيبتك / زوجتك انتي كذابه ؟؟
 

تصدق احس اني ضعت معك مبين ماعليك قصور بس اكيد انها مو مجبورة عليك او شي من دا القبيل بس انت.بشكل عام اعتذر منها ان كان صدر شي منك وانت ماتدري

رد : سؤال غريب ... هل عيب تقول لخطيبتك / زوجتك انتي كذابه ؟؟
 

هههه اخوي و الله لو اقول لك تضحك ... انا كانوا يسألوني هل انت مجبور علي بنتنا و قلت لا والله عاجبتني .... و بعدين كنا سمن علي عسل الي وقت قريب ... يعني انا جالس اشوف المسجات بيننا ولقيت اننا كنا حلوين حتي 19 سبتمبر تقريبا ... بعدها تغير الوضع ...

رد : سؤال غريب ... هل عيب تقول لخطيبتك / زوجتك انتي كذابه ؟؟
 

والله مدري وش اقلك لكن لعله الواحد يحتاج فترة يجلس فيها لوحده ويغيب شوي عن حبيبه عشان تجدد المشاعر من جديد وربي يوفقك ان شا الله ويسعدك

رد : سؤال غريب ... هل عيب تقول لخطيبتك / زوجتك انتي كذابه ؟؟
 

الله يعافيك اخوي و مشكور علي دعائك و الله يوفقك ...
انا راح انتظر اسبوع ( لاني اعرف انها راح تكون مشغولة الايام الجاية ) ومن ثم راح اكلمها واتمني ترد علي .. عسي ان الله يهدي قلبها و تكون اشتاقت لي و منها تكون رجعتي للسعودية قريبة فارجع و اقابلها و اتفاهم معاها ... لاني اتوقع اللقاء وجه لوجه راح يكون افضل ...

رد : سؤال غريب ... هل عيب تقول لخطيبتك / زوجتك انتي كذابه ؟؟
 

إذا كلمت تخرب خطتك
ولا وش فايدة الإنقطاع؟
خليها منها حتى تدق وإذا دقت رد عليها ولاتكون زعلان ولا تعاتب بالعكس رحب فيها و قولها كلام طيب
و المرة الثانية اعمل نفس الطريقة
في شيء مهم جدا
لما تشوف حاجة حلوة منها رسالة أو مكالمة
لاتنسى تشكرها على تواصلها.. بكذا تحفزها أكثر
والله يرجعك بالسلامه ويتمم امورك على خير

رد : سؤال غريب ... هل عيب تقول لخطيبتك / زوجتك انتي كذابه ؟؟
 

طيب اختي سما ... انا اخطط اني ما ادق .. لكن لو كانت زعلانه ؟؟ ما تشوفين اني لو اخطأت بحقها لازم اعتذر ؟؟ انا قلت لها اذا في شي مضايقك اتمني تقولين لي وقالت مافي شي ...
ومشكور علي دعواتك و الله يجزاك الف خير

رد : سؤال غريب ... هل عيب تقول لخطيبتك / زوجتك انتي كذابه ؟؟
 

أكيد إذا غلطت تعتذر بس اللي فهمته إنك مو عارف هي زعلانه منك أو لا
ممكن ترسل مسج أخير تكتب فيه
(مساء الخير حبيبتي كيف حآلك
حبيت اقولك إنه متى ماتبغي تتصلي بأي وقت أنا متواجد و آسف إذا غلطت في شيء.. اشتقت لك )
وخلآص وقف على كذا منها اعتذرت ومنها بينت انك حاب تواصلهـآ
واعذرهـآ كثيير ماتدري عن ظروفهـآ
توجه لدراستك كلهـآ كم شهر وتتزوجو إن شاء الله