|
وقت التقدم للخطبه (المستجدات بالرد 18_28_35_40_53 )
السلام عليكم
اتمنى أنكم تشرحون لي طريقة التقدم لخطبة بنت ما يعني ايش اخذ معي مثلا حلا شكليت وكيف يكون مغلف وكمان يعني كيف ابدا بالكلام مع اب العروس واي نصايح اتمنى ماتبخلون علي |
رد : وقت التقدم
يفضل
اذا عندك ام او اخت انها تفتح الموضوع بشكل ودي مع اهل البنت قبل ما تروح انت تخطب منهم بالهاتف و تاخذ الموافقه المبدايه بعدها تروح انت و ساعتها بنقوول لك ايش تسوي :) و بالتوفيق |
رد : وقت التقدم
شوف اذا انت تعرف الشخص ومتعود عليه
او الشخص هذا عارف انك جاي ومتقدم لبنته حلو او ان هذي خطبه رسميه بعد الشوفه وبعد كل شي اذا خلاص شفتها وتمت الموافقه خذ لك علب من باتشي حلوه علبها وتواجه مع بوكية ورد اذا ماصار شي وتوك في بداية الموضوع ماانصح انك تاخذ شي لانك توك في البدايه وماتدري شنو يصير بس خل احد يعطيهم خبر قبل عن الخطبه والله يكتب اللي فيه الخير |
رد : وقت التقدم
اقتباس:
انا اخذت الموافقة واتصلت على ابو البنت ابو العروس مايعرفني وراح يتعرف علي بالزيارة الاولى وانا ماابغى يدخل اهلي بالموضوع الا اذا عطوني الموافقة المبدئية |
رد : وقت التقدم
اقتباس:
انا اتصلت عليه واخذت منه موعد الزيارة راح اكون لحالي البنت قالت لو تحب تجيب شيء براحتك عادي حتى لو ماجبت طبعا سئلتها وش المفروض اجيب قالت شوكلاته بس مادري |
رد : وقت التقدم
اشوف ماله داعي تاخذ شي معك ..
اول زياره تعارف خاصة انه ما يعرفك من قبل موفق |
رد : وقت التقدم
اقتباس:
|
رد : وقت التقدم
كيف انت تعرف البنت
انا عن نفسي ماانصحك تاخذ شي بما انها اول زياره وتوه ماصار شي رسمي اذا جت الخطبه الرسميه خذ معك شي بس الحين تعتبر جلسة تعارف المصاريا كذا اذا راحوا يدقون باب احدياخذوت معهم شي إحنا لا الولد يجيب اذا جا مع ابوه يجيب معاه شي انا عندنا الحريم ياخذون معاهم بس الرجال لا هذي وجهة نظري بصراحه والله يكتب لك اللي فيه الخير |
رد : وقت التقدم
اقتباس:
|
رد : وقت التقدم
مدري من وجهه نظري ذوقيا لا دخلت على ناس او بيت اول مره لازم تأخذ شئ في يدك مهما كانت المناسبة وافضل شئ روح شوكلاين او باتشي او اي محل شوكلا فخم موجود عندهم صحون مغلفه وتجننن
موفق يارب |
رد : وقت التقدم
اقتباس:
بس انا بروح لحالي يعني اخذ معي واعطيه ابو العروس اول ماسلم عليه ولا يوم ادخل الغرفة احطه ادري اسئلتي غبية بس مادري كيف اتصرف |
رد : وقت التقدم
ابني الكريم :
أسأل الله لك التوفيق من خبرتي كأب مزوج بناتي يعني مستقبل أزواجهم أقول التعامل بين الرجال يفترض معرفته من الرجال فمنهج المرأة يختلف وللتوضيح أنظر لقصة نبي الله سليمان عليه الصلاة والسلام مع بلقيس سبأ وأنظر لرأيها و رأي الرجال في القصة) وأقصد أن المرأة ترى في الهدية تعبير جميل عن المشاعر وأنها لو تم تخييرها لاختارت تقديم هدية عربون محبة.. موافقة والد مخطوبتك بدأت في قبوله استقبالك كخاطب حيث رأي من المعلومات الأولية عنك وعن أسرتك أنكم مناسبون لهم وهم مناسبون لكم. ولأن الحديث سيتركز على تعميق معلوماته عنك واختبار شخصيتك ليثق بأهليتك أن يضع بين يديك أمانة ابنته وتفاحة قلبه فهذا يدعوك للآتي: 1- اختيار الوقت مناسب للزيارة فلا هو بالطويل ولا وقت وجبه ولا نهاية الأسبوع مثل بين المغرب والعشاء وسط أسبوع. 2- الهدوء والوضوح والصراحة في الجلسة والحديث وإعطاء المعلومات وإن كانت هناك معلومة مهمة لم يسأل عنها فبادر لإظهارها مما يهمهم معرفتها وتؤثر على الزواج. 3- يهم والد مخطوبتك حسن الإنتماء لديك وهو افتخارك بأسرتك واحترام مقامهم عندك وأحترام قرارهم في الزواج بتوضيح أن هذه الزيارة مبدئية وممهده للخطبة الرسمية. 4- حسب عرف منطقتك في مثل هذه الزيارات وما جد فيها من تغيير فاعرفه ونفذه وبادر به ومن ذلك أنك ستقابلهم ثلاث مرات زيارة تعريف بك لوالدها ثم الرؤية الشرعية ثم الخطبة الرسمية ثم الملكة ويختلف الوضع إذا كانت الأسرتان تعرفان بعضهما من قبل أو لا.. 5- لعل الأنسب للهدية هو وقت الرؤية الشرعية والخطبة الرسمية وتشمل الفتاة ووالدتها وتكون متوسطة الحجم والقيمة لتكون هدية الملكة الأكبر والأغلى. 6-يقال في المثل الخطبة سر والزواج علانية فاحتفظ بسرية الموضوع على أضيق نطاق فقد يتم رفضك لسبب يخصهم ولا ترى فيه مانعاً ولكن الزواج بالاتفاق. 7- لتطمئن أثناء المقابلة فعليك بذكر الله وأقرأ المعوذات وآية الكرسي. يسر الله أمرك وأمر الفتاة على خير ما يحب لكما سبحانه. |
رد : وقت التقدم
اقتباس:
الله يجزاك الخير استفدت كثير من كلامك انا اخترت يوم الجمعة لأنها يوم اجازة واهل البنت الي راح اخطبها بمنطقة بعيدة وماقدر ازورهم بمنتصف الاسبوع مادري تصرفي صحيح ؟؟ وكمان احب اسئل اقدر اطلب من اب البنت النظرة الشرعية بنفس الزيارة وكيف المفروض اقوله ؟؟ |
رد : وقت التقدم
شوف اخوي اذا هو سال عنك وعارف انك جاي تخطب
اطلب الشوفه الشرعيه بس تري يمكن يرفض لان انا أبوي مايدخلنا ع احد الين يجلس معه ويشوف شخصيته واسلوبه وتفكيره الله يكتب لك اللي فيه الخير |
رد : وقت التقدم
اقتباس:
راح اطلب الشوفة والله يجزاك الخير |
رد : وقت التقدم
لا اعتقد انه يوافق تشوف بنته قبل ما يسال عنك ويدرس اخلاقك
انا من جهتي كان ابي يجلس مع الخاطب لوحده ويقول له بعد اسبوع نرد خبر بالقبول او الرفض انا من جهتي لازم الاهل يسالوا عن الخاطب؛يعني مش اي شاب ممكن يشوف البنت بكل بساطة؛لازم الاهل يكونو مطمنين من الشاب وشيء ثاني انا ما اشوفها مناسبة انك تطلب الشوفة فجاة يمكن البنت ما تكون مجهزة نفسها |
رد : وقت التقدم
اخوي وفقك الله راي وكلام رجل الرجال هو صحيح من واقع خبره وحكمه انا زوجت بنتين من بناتي زي ماقاله رجل الرجال بالضبط * زوجي يقابلهم اول ويتعرف عليه وعلى اسرته ويعرف وش معدنه ترى بعض الناس تحكم عليه من اول نظره هورجال يتحمل المسؤليه بعدين يسال عنك بظريقته الخاصه بس كون انك بتودي معك شي اشوف انه ماله داعي خلها يوم الملكه اذا كان فيه نصيب الله يكتب لك الخير وجميع المسلمين
|
الموعد
_ _ _ السلام عليكم أنا اتصلت على اب البنت الي ابغى اخطبها طبعا عرفت بنفسي وقلت له اني ابغى اخطب منه وطلبت منه موعد وقال هالاسبوع ماقدر وراح اعطيك خبر الحين وش اسوي انتظره يرجع يتصل علي وماعاد اتصل فيه لين يكلمني هو او أنا اكلمه مرة ثاني وبعد كم يوم المفروض اكلمه كيف اتصرف |
رد : الموعد
الله ييسر امرك ويأخذ بيدك في هالوقت الفضـيل : : : |
رد : الموعد
انتظر اسبوع وبعدين اذا مااتصل كلمه
الله يوفقك |
رد : الموعد
أنتظر أسبوع أو عشرة أيام بالكثير.. وإن شاء الله يرد عليك قبلها والله يكون بعونك ع الإنتظار لأن الوقت راح يمر ببطئ :( الله يوفقك أخوي |
رد : الموعد
هو قال راح اتصل خلاص انتظر اتصاله و لا تكون عجول
الله يكتبلك الي فيه الخير انشاء الله و ادا مثوتر اشغل نفسك بالدكر و الاستغفار |
رد : الموعد
اقتباس:
|
رد : الموعد
اقتباس:
راح انتظر واشوف بس اخاف مايتصل |
رد : الموعد
اقتباس:
راح انتظر لحد الخميس بيكمل 10 ايام |
رد : وقت التقدم للخطبه (المستجدات بالرد 18)
غريبه تروح بدون اهلك هذا الشئ يعتبر عندنا مرفوض ويرفض الخاطب لان الاهل تخاف انه يكون جاي وناوي زواج مسيار..
على الاقل اخذ احد الرجال معك ولد عمك اخوك ولد خالك رجل كبير حتى يطمئن قلبهم ثم اخذ امك وخواتك بالتوفيق |
رد : وقت التقدم للخطبه (المستجدات بالرد 18)
اقتباس:
عندي ظروفي الخاصة امي مريضة لدرجة انها ماتقدر تخرج من البيت الا لضرورة والوالد بعد واخواتي كلهم متزوجات في مناطق بعيدة وعيالهم في المدارس والعروس في منطقة ابعد اذا اب البنت ماعنده مانع او سبب خاص فيني يحتم الرفض راح اجيب احد من اهلي هذه زيارة اولى بمثابة تعارف انا كلمت ابو البنت وقلت له بزورك لحالي |
بكرا يوم حاسم
.
. . . . . . . بكرا راح اتقدم للخطبة البنت الي ابغى اتزوجها ادعو لي الله ييسر امري ويوفقني اذا صارت موافقة مبدئية راح ابشركم |
رد : بكرا يوم حاسم
وفقك الله ويسر أمرك..
وبشرك الله بما يسرك |
رد : بكرا يوم حاسم
الله يوفقك يارب
و يفتحلك ابواب الخير والرضا والتيسر |
رد : بكرا يوم حاسم
الله ييسر امرك ويوفقك ويكتب لك الخير يارب
|
رد : بكرا يوم حاسم
الله يسهل لك أمورك معها و مع عائلتها آمين
|
رد : بكرا يوم حاسم
الله يكتبلك الخير و الرضا و يسخركم لبعض يا رب
|
رد : وقت التقدم للخطبه (المستجدات بالرد 18_28)
تم دمج المواضيع لأرتباط المحتوى
|
رد : وقت التقدم للخطبه (المستجدات بالرد 18_28)
الله يجزاكم الخير ويحقق لكل عضو دعا لي مراده
الحمدلله تقدمت للبنت وكل شيء تسهل بتوفيق من الله اخذت الموافقة المبدئية وشفت البنت كانت جميلة جدا |
رد : وقت التقدم للخطبه (المستجدات بالرد 18_28)
مـــاشاء الله الله يباركلك ويتمم عليك
فرحتك.. وعقبال مايبشرنا أخونا حبر سايل.. |
رد : وقت التقدم للخطبه (المستجدات بالرد 18_28)
ما شاء الله تبارك الله الله يسهل اموركم و يتمم على خير
|
رد : وقت التقدم للخطبه (المستجدات بالرد 18_28_35)
الله يسلمكم ويجزاكم الخير
|
رد : وقت التقدم للخطبه (المستجدات بالرد 18_28_35)
ماشاء الله
مبروك والله يتمم امورك على خير |
المهر والشروط [ مستجدات الرد 14 ]
تقدمت لخطبة بنت ووافقو علي مبدئيا
طبعا ماتكلمنا بالشروط والطلبات الحين لازم ازورهم مرة ثاني عشان اشوف طلباتهم؟ ولايكفي بالجوال وايش هي الشروط الي تحق لاهل البنت طلبها وكمان الاشياء الي تلزم العريس والي ماتلزمه اذا كانت شروطهم اكثر من المفروض كيف اتصرف وبعض النصايح منكم وشكرا |
| الساعة الآن 04:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©