|
طفلي يرفض الرضاعه الطبيعيه ؟؟
السلام عليكم ورحمة الله وبركاته
طفلي الصغير يبلغ من العمر شهر ونص تقريبا كان يعتمد أعتماد كلي على الرضاعه الطبيعيه فقط بدون أي مصدر آخر من أسبوع فقط بدات أدخل الصناعي لأن كل من يقابلني عندما يعرف أني ارضعه طبيعي فقط ينصحني بأن لاأجعله يعتمد اعتماد كلي عليه وان أدخل الصناعي حتي يتعود عليه لانه لو تعبت او أحتجت دواء لاسمح الله يستوجب وقف الحليب لاقدر الله او أي ظرف يكون له مصدر آخر ولانه لو تعود وكبر على كذا لن يتقبل الصناعي بعد ذلك ابداً فبدات من اسبوع حتى الآن ثلاث رضعات فقط وبطلعة الروح يتقبلها حتى مايشربها كامله المهم من امس لاحظته يرفض الرضاعه الطبيعيه :( واليوم زاد الوضع سووووء يبكي وجيعان وعند محاولتي لارضاعه يرفض وويبكي !!!!! نفسيتي جداً تعبانه بسبب هالوضع وتحجر الثدي بسبب الحليب وتعبت وبدأت بشفطه ووضعه بالرضاعه(الببرونه) وانصدمت عند أعطائي الرضاعه له تمسك بها وبدأ يشرب الحليب ماادري ايش اسوي وكيف اتعامل ؟؟ مرات اقول يمكن اكلي تغير يعني اكلت شي او شربت شي غير بطعم الحليب لذلك لم يعد يتقبله مع ان اكلي لم يتغير ولم ادخل شي جديد باكلي عن الايام السابقه لكن لو كذا ماتقبله بالرضاعه (الببرونه) بدات اوسوس والنفسيه مو ناقصه :21: فمين منكم مرت بهالوضع ؟ وايش ممكن تكون الاسباب ؟؟؟؟ |
رد : طفلي يرفض الرضاعه مني ؟؟
انا مريت بهذا الوضع مع ولدي الاول وهو عمره اسبوع اعطيته الرضاعه وصار يرفض صدري واجوعه بالساعات وبرضه مايرضى يرضع مني وجلست شهرين احاول فيه وفالاخير استسلمت وصار يرضع الرضاعه بس والسبب الحليب الصناعي اكثر ويخرج بسهوله بدون جهد بس انتي لا حاولي كمان معاه وحتى لو بكى لو جاع مرره راح يرضع منك والصناعي خليه مره وحده فاليوم والله يعينك فتره الرضاعه متعبه .
|
رد : طفلي يرفض الرضاعه مني ؟؟
:* |
رد : طفلي يرفض الرضاعه مني ؟؟
قبل اعطاؤه صدرك امسحي الحلمة بحبة تمر بحيث يشعر بطعم الحلاوة عند بداية الرضاعة فيشعر بأنه نال شيء .. الفرق بين البيبرونه والطبيعي انه الأولى اسرع بتنزيل الحليب فيرتاح لها الطفل أما الثاني فياخذ فترة وهو يمص قبل ما يوصل الحليب لفمه .
والحلو بالتمر انه الرسول (ص) كان يحنك الطفل حديث الولادة بها فمعناها انه التمر ما يضرهم وقادرين على اخذ القليل منه |
رد : طفلي يرفض الرضاعه مني ؟؟
اقتباس:
الله يحفظ لك اولادك ويسعدك اقتباس:
ندمانه جداً لرضوخي للضغوط الخارجيه والأستسلام لها بس كانوا يحسسوني باني أقوم بخطا كبير :29: عندما يسألوني عن رضاعته واخبرهم أنه معتمد عليه كلياً لذلك رضخت لهم :( مع احساسي الشدسد بالحزن وتأنيب الضمير عند أعطائه الصناعي بما أن الطبيعي متوفر ويسد حاجته ماشاء الله والحمد لله وقررت اوقف عنه الصناعي مع أنه لم يستسيغه ابداً وكنت اجبره على شربه وأظل ساعه وممكن زياده حتى يخلص الرضعه على قلة الكميه وكان هدفي يتعود على الشرب بالببرونه ويتعود على الصناعي لكنه للأسف تعود على الببرونه فقط وأستسهلها بدليل اني امس عند شفطي للحليب ووضعه في الببرونه لاحظت أنه شربه دون اي مشاكل لذلك قررت قطعها عنه :( الله يحفظ لك ابنائك ويسعدك ياغاليه:) اقتباس:
وبالتالي استصعب عليه الشرب من الصدر مباشرتاً لذلك قررت ابعادها عنه بدليل أنه يتقبل الحليب نفسه عندما أضعه بالببرونه:( وبأذن الله ساجرب طريقتك وبحول الله وقوته يرجع مثل قبل مره متعبني الموضوع ولو أستمر على هالحال لاأعلم كيف سيكون حالي لاسمح الله الله يسعدك ويجزاك كل خير ويحفظ لك أولادك من كل شر |
رد : طفلي يرفض الرضاعه مني ؟؟
مثل بنتي فاطمه
وكنت بعمر طفلك ونعم السبب هو السهوله في الشفط لان الحليب يخرج اسهل انتِ بس لو تقارني بدرجة التعرق لما يرضع منك او من الرضاعه الصناعيه تلقي نسبة العرق واجده بعد ما يرضع منك بعكس الرضاعه اقل لان المجهود اقل نسبة لي خلاص حاولت فيها حاولت حاولت لكن بدون اي فائده واللي صارلي حاله اكتئاب لان الحليب بدأ ينقص من عندي سبحان الله حتى الشفاطه تختلف عن مص الطفل هي بس الطلع لكن الطفل يستجلب من جوا ورضخت في الخير وللان وزنها هزيل ومتعبه جدا بعكس اللي رضعو مني والحمد لله على كل حال الله يكون في عونك اها لقيت طريقه ويارب تجيب نتيجه معك عارفه الجيهة المطاطيه الخاصه بمص الطفل خوذي وحده جديده من هالمطاطيه وخلي فتحتها صغييييييييييييييييييييييره جدا بحيث يستصعب المص ممكن يرد للمص الطبيعي وانتِ قبل لا ترضعيه منك طلعي جزء من الحليب برا بالعصر او باستعمال الشفاط لاستجلاب الحليب وممكن هو يحب يرضع وهو راقد على ظهره غير محمول يعني مستلقي الله يحفظه تخيلته هههه جربي انتِ تقربي نفسك منه وتمديله ... للرضاعه اذا ما فهمتي قصدي قوليلي ممكن انوضح بالتوفيق |
رد : طفلي يرفض الرضاعه مني ؟؟
فدييييته العسل ياناس قاعد يتدلع علينا
الله يحميه لك ماعاد في داعي الومك صح:( المهم دامك بس بادية من اسبوع باذن الله تقدري ترجعيه لصدرك امنعي الببرونة. وبس يجوع بيشرب منك باذن الله او اتبعي طريقة بيتا. يارب تفيد في اسوء الحالات اذا مارضي عندي حل حلو. بس خليني ادور على الصورة وارجع لك |
رد : طفلي يرفض الرضاعه مني ؟؟
http://www.tidewaterlactationgroup.c...pleshld-02.jpg
هذه القطعة اسمها nipple sheild تنحط علا الصدر وقت الرضاعة فيتهياله انه يرضع من ببرونة :d تستخدم اكتر شي للي تعاني من الحلمات الغائرة او الالام الحلمات بس خليها اخر حل جربي طريقة بيتا ربي يحمييه واخوته لك |
رد : طفلي يرفض الرضاعه مني ؟؟
[QUOTE]
اقتباس:
أيضاً لاحظت أنه يرضع اكثر وهو مستلقي :( ولن أيأس بأذن الله فيه تحسن ولله الحمد لكن فرق عن السابق مشكوره ياأغلى أونا على مشاركتك لي الله يحفظ لك فطوم وأخوانها ويسعدك :) |
رد : طفلي يرفض الرضاعه مني ؟؟
اقتباس:
اقتباس:
حتى يعقل :d ويبطل هالحركات الله يسعدك يااغلى أخت ويخليك ليا ولكل محبينك ويحفظ لك كل غالي على قلبك |
رد : طفلي يرفض الرضاعه الطبيعيه ؟؟
اقتباس:
الحمدلله انك لحقتي تعدلين الوضع .. والله انقهر لما اسمع هالنصائح .. هي الناس على بالها تفيد بهالنصائح لكنها للاسف تخرب وتضر.. اصلا الطفل معدته صغيرة وبسرعه يشبع .. ما يحتاج حليب كثير .. واذا الحليب ما كان كافي الام بتفهم لانه البيبي بيضل يبكي وحتى وزنه بينزل .. اما موضوع المرض والظروف اللي ممكن تخليني ما اقدر ارضع طفلي.. لوووول..طيب يمكن ما امرض وما تصير لي ظروف.. وبكذا اكون عطيته حليب صناعي عالفاضي ..؟! بعدين تعالي حبيبتي بنصحك .. وحتى باقي الامهات لا تخبرون الناس انه طفلكم ما يرضع الا طبيعي .. لا تعطونهم مجال انهم يتدخلوا بنصائحهم لانكم انتوا اللي بتوسوسون بعدين .. وفيه ناس تتناقل الاخبار وتعيد وتزيد .. وبهذا تكوني عرضتي نفسك وطفلك للحسد... انا عن نفسي اي نصيحه ما اقتنع فيها اطنشها .. فيه طبيب اطفال متابع ابني من عمر الشهرين .. كنت استشيره في اي تغيير بسويه .. طلبت منه يكتب لي على حليب صناعي .. واشتريته وحطيته في البيت .. فتحته واستخدمته مره .. واي وحده تسالني تعطينه صناعي .. اقول لها الدكتور وصف له هذا الحليب .. وبس .. رضينا كل الاطراف وبدون كذب لووول .. وبدون ما اعطيه الصناعي .. فيه ناس ما ترضى ترى .. لازم تستخدمين الصناعي عشان هم يرضون .. وناس تقول لك عطيه حليب البقر .. انتبهوا تسوونه والطفل مو مكمل سنه من عمره . . وحده قريبتي مره قالت لي اذا وقفتي الطبيعي عطيه حليب البقر لانه الدكتوره نصحتها وقالت لها احسن من الصناعي .. هي تقصد تفيدني طبعا لكن .... هي وقتها بنتها عمرها فوق السنه وانا ابني تحت ال 8 شهور .. طبعا مو كل الناس تنتبه لهالفروقات والتفاصيل.. لذلك دايما اقول و اكرر .. لا تسوون اي تغيير بدون استشارة الطبيب ... وتدرين حبيبتي.. طالما في حليب طبيعي.. ومكفي الطفل ل 6 شهور مثلا فما بيحتاج الصناعي اصلا .. لانك بتدخلي الاكل في هالفتره .. وحاجته للحليب بتقل .. الا اذا .. وقفتي الرضاعه الطبيعيه .. وقتها تحتاجي الصناعي .. طبعا هذا في العاده .. لكن في اطفال يحتاجون.. والطبيب هو اللي يحدد .. وبس .. طولت عليكم وطلعت من الموضوع لكن شفت الاخوات الله يجزاهم الخير افادوكِ بالطرق قلت اكتب لكم عن طرق الوقايه .. خخخ والله يحفظ لكم اولادكم ويحميهم ويحفظهم من كل شر .. |
رد : طفلي يرفض الرضاعه مني ؟؟
اقتباس:
اللهم لك الحمد.. بسم الله ماشاء الله شطوووووووورة يا عسل ... الحمدلله لحقتيه بسرعة سما صايرة اخر اسبوع تطلب ترضع من صدر واحد .. :) و الثاني ماتحبه !!! لو اطفي النور تعرف السوسة :d انها هذا الصدر الي ماتحبه .. جاعت و بكت و بالنهاية استسلمت :d:d:d ياختي الله يهديهم لنا عليهم شطحات غرررريبة و ابنك شطح و رجع عقل الحمدلله والله صح كلام ديماس الله يعطيها الصحة يارب احيانا يسالوني بنتك لسه ترضع اقولهم ايوة (عمرها سنة و اربع شهور) على طول يبادروك .. ليييش ؟؟ كفااية عليها .. خلاص اعطيها حليب بقر ليش البقرة احسن مني :(:( طالما في حليب خليها تشرب .. هم الي تاعبين بالرضاعة و لا انا !!!!! المهم ياستي الله يعينيا على رضاعتهم و فطامهم و تربيتهم و يجعلهم من البارين الصالحين ويسعععععععدك يا احلى و اطيب و اغلى اخت حبيبتي |
رد : طفلي يرفض الرضاعه الطبيعيه ؟؟
خلاص لا عاد تقولي لاحد انك ترضعيً طبيعي قولي شويً طبيعي شوي صناعي
لانه صراحه لو فيك حليب كثير وب يشبع البيبي منك ووزنه يزيد كويس وفيكي قوه ورغبه حرااااام توقفي او تخليه يتعود على صناعي الله يقويك حبيبتي |
رد : طفلي يرفض الرضاعه الطبيعيه ؟؟
اقتباس:
الله يعطيك العافيه حبيبتي demise ومعك حق هالناس مهما عملتي الا مايطلعوك غلطانه وغلطانه اللي تسمع لهم المفروض بما اني عارفه ومقتنعه باللي أسويه وأنه المناسب لطفلي فالمفروض اقفل أذاني عن كلامهم :( وانا الغلطانه اللي أحكي لهم الحق مع ان امي تنصحني لاتقولي لهم أنك معتمده على الطبيعي واكون مقرره بيني وبين نفسي أرد على اللي يتدخل اني أستخدم الأثنين لكن بمجرد مايسألوني أنسى :29: لكن البعض فيهم تدخلات زايده عن حدها الأسبوع اللي فات جاتني ضيفه وكان كل مايبكي ابني أخذه للغرفه ارضعه لأني أعرفها واعرف نصايحها ولانها زيارتها طويله شوي بالنهايه تعبت وصرت أرضع عندها فلما شافتني قالت ليش ماتسوي صناعي !! قلت لها مااعطيه ماعرفت اكذب :dارتبك ويبان بوجهي الكذب فعلى طول بدأت بتوجيه النصايح وكأني عامله خطأ كبير ليه كذا ؟؟ ولما قلت لها لأنه افضل ولاني مقتنعه وماابغى ادخل الصناعي ولساته صغير وجهت لي سؤال عصبني كيف تقدري تذاكري لبنتك وانتي ترضعيه طبيعي ؟؟!! ماأعرف هذي ايش دخلها بالرضاعه وكاني 24 ساعه باليوم أرضعه ناس عجيبه !!! ربي يجزاك كل خيير ردك مفيد وشامل لكل أم الله يخلي لك أبنك ويحميه من كل شر |
رد : طفلي يرفض الرضاعه الطبيعيه ؟؟
اقتباس:
الحمد لله مع انه مو مثل قبل لكن بأذن الله يرجع مثل قبل وبعضهم مهما حاولت أخبي الحقيقه الا مايكشفوها !!! الله يسعدك يانورا على هالرد الحلو أللي أدخل السرور ألى قلبي :) ويخلي لك سما الذكيه ماشاء الله طالعه لأمها اقتباس:
معك حق ياأم عبدالله الله يخليلك عبود وأخوه ويخلي لكل ام اولادها ويرزقنا برهم |
| الساعة الآن 08:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©