|
شوروا علي
السلام عليكم ورحمة الله وبركاته كل عام وانتم بخير والله يتقبل منا ومنكم صالح الاعمال يارب وربي تنكدت بهالعيد اليوم جالسه ومرتاحه واتكلم وانا وخطيبي بالواتس وكنا مرره مبسوطين وقالي ابسالك من راح يجي الزواج ( طبعا الزواج الحريم راح يكون في بيتنا واح امي تقوم فيه وطبعا انا كنت ابي بس امه وخواته يعني عائلي مررررره وبعد الزواج اسوي عزيمه لي بس طبعا قال لا انو خالاتي بيجون وعمتي قلت اوك خلاص وطبعا حدد لي كم انادي في بيتنا :d وطبعا شي اكيد بنادي صحباتي المقربين ) المهم سالني من راح يجي قلت له خالاتي وعماتي وصحباتي الرجال عصب انو بتنادين صحباتك واهاليهم طبعا هذا مو كلامه قلت انا لا بنادي بس البنات وبعدين ماله شغل انادي مين واخلي مين هذا بيتنا وانا احدد اللي ابي مو انت واهلك انا سكت ولا حكيت شي قال انتي مو محترمه اهلي ومن هالحكي وانو انتي عندك الحلف بريال والله ثم والله انه عنده خبر انو بنادي صحباتي بس ربي كريم المهم انا اهله مرره قويين وانا اعرفهم انا بس بنادي خالاتي وعماتي حت يبدون بناتهم بس حريم كبار وتخيلوا يقولي امك ماراح تسوي لك زواره انا اهلي اكرموني وقاموا بواجب اهله المفروض اهله اللي يكرموني ويكرمون اهلي طبعا انا استحاله اسب في اهله او انوا اتكلم عنهم وانا عارفه انه هذا مو حكي زوجي عارفه انو حكي اهله ( راح احكي لكم عن طبعنا احنا طبعنا تتملك البنت وبعدها ابوها يسوي لها عزيمه كبيره بس رجال وكانها زواج من بوفيه ومن كل شي كان موجود ومناديين خواله وعمانه واخوانه وانسباه ثم حددنا الشبكه احنا عندنا الشبكه تكون مختصره وعائلية بس نتكلف فيها طبعا دقت امي ع امه تعزمها ع الشبكه هي وبناتها قالت لها انو بجيب خواتي معاي قالت امي لامه لاتحرجيني ياام فلان اذا بتنادين خواتك لازم انادي خواتي ومااقدر انادي خواتي واخلي عماتنا وانا ماابي اكبرها ع بنتي في الزواج ييصير حياهم الله طبعا قفلت امي من امي ويجي من بكره يقول امي دقت علي ضايقه تقول انا ام فلانه ماعطتني اجابه ايه ولالا وان شكل زوجتك هي اللي ماتبي خالاتك انا هنا هي ظلمتني بس ربكم كريم والله الشبكه ماكان عندنا خدامه رحنا جبنا ثنتين وظغطنا انفسنا علشان هم اللي كل شي يحددونه جا يوم الشبكه جابت خواتهم وهي تقول انا منحرجه من خواتي اقولهم لا ماراح تجون خفتي من خواتك ولا خفتي تتفشلين من اهل البنت وقمنا فيهم واكرمناهم جا الولد قال اهلي يبون زواج ومن الحكي انا قلت لا ماله داعي زواج كبير وحرام تكلفه قلت بس دام اهلك يبونه ماعندي مانع بس راح انا اقوم بقسم حريم يوم دروا اني بس بقوم بقسم الحريم كنسلوا الزواج يبون يبوني اقوم فيه كله :d فالاخير الولد عرف اني راح اقلب البيت واخليه مثل القاعه قلت خالاتك وعماتك هو يبي يجيب بنات خالاته وبنات عماتهم وحريم خواله وطقتهم احنا طبعنا عيب نكثر ع اهل البنت والعشا يكون علينا اذا كان عائلي ماتقوم فيه ام البنت هذا طبعنا ) طبع خطيبي ماعندهم لا شبكه ولا عزيمه بعد الملكه والزواج عندهم يجي الولد لحاله ياخذ زوجته بدون اهله وبدون اهل العروس بعد الزواج ام البنت تسوي عزيمه لبنتها بس انا ماالومها تسوي عزيمه لانها مااكرمت اهل الولد ماعزمتهم بالشبكه ولا عزمتهم بالزواج عكسي انا انا اللي يقهر انه يححددون اللي يبونه في بيتنا شي يقهر ويغبن المفروض الحين امك اللي تكرمني وتكرم اهلي انا سكت ومره مقهوره من خطيبي والله اني كرهت الزواج وخفت من الزواج اخ بس شوروا علي اذا انا غلطانه اللي يقهر يقولي انتي مو محترمه اهلي يقول انا لو اعطيك بطاقة الرجال 50 وحده عادي قلت له اصلا اساسا احنا عندنا عيب نكثر معازيمنا ع الولد بس ننادي المقربين واهلي عرفوك ع اقاربي يعني ماقصروا والله ان اتصل ع امه في العيد وابارك لها والله ان امي يوم رمضان اتصلت وتتصل اذا صار عندهم شي يوم جا العيد مافكرت ترفع السماعه ع امي وابوي يوم تعب ابوهم راح تعني لهم للبيت يعني كل هذا وصرت انا مومحترمه اهله والله اني اتصل ع امه وماانتظره يتصل ع اهلي اخر واحد يتصل ع اهلي جد قهرني بس بقولكم شي ايام خطبتي والله ثم والله ان امي كانت واضحه مع امه وقالت لها عن طبعنا وعن كل شي نسويه ولا حكت شي يعني احنا كنا واضحين وهو الولد عارفنا وعارف طبع اهلي ويوم زواج اخوي العروس قالت ابي زواج قمنا فيه كله ويوم الشبكه رحنا بس انا وامي وخواتي والبنت نادت خالتها ماتكلمنا ولا حكينا شي وبعد الزواج سوينا عزيمه بسيطه مررره لامها وخواتها وابوها واخوانها دخلناهم بيتنا لان حنا دخلنا بيتهم يوم زواج اختي ام الولد بس جت ببناتها بدون حريم عيالها بعد الزواج عزمناها وعزمنا حريم عيالهم واختها وبناتها واللي يعزون عليهم هذا طبعنا |
رد : شوروا علي
بس حبيت ادعيلك
الله يسهل أمرك وييسر زواجك ويتمم الزواج على خير... اللهم آميييين... ( نصيحة لك لاتشدين على خطيبك ،، حاولي تتغاضين عن بعض الامور وتمشينها ) |
رد : شوروا علي
اقتباس:
الله يوفقك ويسعدك ع ردك لي انا مااشد ع خطيبي بس قهرني ان حنا كنا متفقين ويجي اليوم يسالني ويتضايق انو صحباتي بيجون علشان بنات خالاته لو انه هو قايم فيه وربي ماتكلمت وبعدين انا عارفه خطيبي زين مو منه هالحكي وانا اعرف اهله وكثير يعرفوني ويعرفون شخصيتي ويعرفون اهله وشخصياتهم وانا شفتهم بعيني كيف قويين ويتهاوشون قدام الناس عادي وهيك طبعا انا امشي ومااحب انتقد اهله باي حركه ومااحب اجيب سيرتهم اصلا انا راح اسوي اللي يرضيه ربي وبي بس يجي الاخير يقولي انتي مو محترمه اهلي هذا اللي يقهرني ويضايقني بس ربي يعين |
رد : شوروا علي
ما أدري يا أختي بس أحس مشاكلك مع خطيبك كثيير .. ما أبي أخوفك .. بس سؤال كبير يستحق التفكير فيه .. هل زواج مثل هذا راح ينجح؟ .. أتمنى لك كل السعادة والتوفيق
|
رد : شوروا علي
والله التعقيد شبكة وملكة وحفله وعزيمه كبيرة وعزيمه صغيره إلى اخره
الله يوفقكم عقدتوا الزواج . الله يرحم ايام زمان. خذ زوجتك وتوكل على الله |
رد : شوروا علي
اقتباس:
كنا حيل مبسوطيين بس صارت الامور الاساسيه وهيك بدت المشاكل وصرت اكتم واضغط ع نفسي واكتم وصارت النفسيه زفت وصرت مااتحمل شي انا تعبت وانا أتنازل ولا يبين بعينه هوواهله خطيبي كان طاير فيني بشكل مو طبيعي احيان يجيني واعرف ان هذا مو حكيه ولا اسلوبه بس اسكت وامشي ويمك هذا غلط وخطيبي من النوع الدقيق ويبي كل شي ع كيفه هو واهله شوفي انا الحين في تردد وخوف كبير ربك يعين |
رد : شوروا علي
اقتباس:
|
رد : شوروا علي
الله يعينك
ياشين اذا تدخلوا اهل الولد وخربوا تخطيط كل شي |
رد : شوروا علي
والله اني مااحددت الشبكه ومرمطوني لين حددوها ويتشرطون
يعني مره اخترت يوم يقولون عندنا زواج اعذرهم وفالاخير حددت وقالو لامانقدر اي يوم أحطه مايناسبهم وفالاخير اكتشف انو ماعندهم شي بس كذا وفالاخير حددوها هم والله ثم والله اني أخذ راي اهله في كل شي وأشوف اللي يناسبهم في الزواج مرمطوني لين حددوه وهم اللي اختاروا اليوم والتاريخ والقاعه حطوها بعيد عنا وتخيلوا أقاربي مو كلهم بالرياض يعني كيف اللي بيجيب زوجته بالبيت ثم يروح للقاعه ثم يرجع لبيتنا شفتوا المرمطه إحنا بيتنا بالشمال وحطها عند بيتهم علشان اقاربه وراحته ولا تكلمت وحط الزواج ايام الاسبوع بالدراسه وانا اخوي مو موجود بالرياض وشغله عومه تعرفون شغل العساكر هالفتره والله العيد ماتعيد معنا بس رضيت وضغطت ع نفسي وع اهلي وبالاخير يحددون لي من أنادي ويتحكمون بعد انا أعرفهم قويين بس ماتوقعت كذا عنهم ماشاءالله ملتزمين ويخافون ربي بس عيب اهل زوجي انهم أقل أقاربهم ويحبون المظاهر يعني عكسي تماماً حتي هو يقوله عن انا الحمدالله عايشه بخير والحمدالله اهلي ماقصروا معي ومفروض يقدر هالشي ويقدر انو لا انا ولا اهلي نضغط عليه انا جيت وحكيت له انو انا ماجيت سالتك من راح تعزم وتنادي بالزواج واصلا إحنا ماراح نكثر عليك لانو عندنا اهم شي بزواج البنت ننادي المقربين ومانثقل ع اهل الولد يعني خلاص كل شي تبونه لازم اسويه وانا قلت له امك ماالومها تسوي زواره لخواتك لان انتم لا شبكات ولا زواجات عندكم فلازم تسوي لهم بس إحنا سوينا شبكة وراح اسوي الزواج ببيتنا والمفروض انو امه هي اللي تحط هالشي المهم انا قلت له المفروض امك وأمي هم اللي يتفاهمون ع هالشي وهم اللي يتفقون وكل وحده تعرف الثانيه ع طبعهاوانا وانت مالنا شغل بهالامور بكذا انا صادقه أنا من حقي اعرف عن طبعهم اكثر اذا انا غلطت بشي قولوا لي ووعوني بس انا رحت وسالت قبل وأشوف انو معي حق في هالشي يعني بيتنا وتحددون لي من أنادي وربي اني مااحكي لاهلي هالشي علشان ماينصدمون مثلي وربي كثير كثير يقولي خلي علاقتك رسميه ولا تدخلين مررره وربي اني بجد خائفه |
رد : شوروا علي
سؤال يطرح نفسه
من اللي يخبر أهل زوجك من بتعزمين ومن ما بتعزمين ؟ |
رد : شوروا علي
اقتباس:
طبعا بنات خالاتي ماراح يجون وحريم خوالي وعماني ماراح يجون كنت بناديهم بس امه بتتضايق وانا وأهلي مانبي مشاكل اناقلت حبيبي الزواج بيكون في بيتنا يعن اهلي بيتكفلون فيه لو تجي امي وتقول بنادي ماراح اقول شي وبعدين ماانادي صحباتي علشان بنات خالاته وش دخلهم فيني وفي زواجي انا مره مو مستوعبه اللي يصير |
رد : شوروا علي
[COLOR="DarkGreen"]وانت تشغلى نفسك بالامور دى ليه
عيشى مع زوجك حياتكم وتركوا هذه الاشياء للكبار من الاهل يعزم اويتعزم اخرجى انتى منها ولا تصبحى طرف [ اما بخصوص صاحباتك فافهميه انك نفسك تفرحى فى هذه الليله ودول اصحاب من الصغر وبعد كده كل واحد بيعيش حياته وتصبح الصداقه ذكرى الا من رحم ربى /COLOR] |
رد : شوروا علي
منو اللي بيدفع تكاليف الحفله؟ أهلج او اهله؟
بس تبين الصراحه... انا وااااااااااااااااااااااااااااااااااااايد مستغربه من طريقه العزيمه.... إذا بنات الخوال و الأعمام ما حضروا... الحفله غريبه بتكون.... ما أتخيل ان ولد خالي يسوي عرس و يقولون لي ما نقدر نعزمج لأن الحفله في بيت اهل العروس و المكان ما يكفي... إذا كانت على عقد القران ببلعها.... بس حفلة العرس!!! هذي قوية الصراحه... للطرفين أهل العروس و اهل العريس.... بنات الأعمام و بنات الخوال هذيل مب معازيم عندنا... هذيل يعتبرون من اهل العرس.... بس يمكن عاداتكم غير... نرجع لموضوعنا..... انتوا وااااااااااااااااااااااااااااااد تتناقشون.... الله يعينكم يوم تصيرون تحت سقف واحد... و التنازلات حلوه من الطرفين مب من طرف واحد على حساب الثاني... الله يكتب لكم اللي فيه الخير... |
رد : شوروا علي
تعبت وانا اقول امي وامك بيتفقوا ع كل شي
والله امه ماتتصل ع امي وأمي بس هي اللي تتصل انا قلت له وفهمته بس امه بيوم الشبكه كلمت امي وفالاخير انا انظلمت ربي يعين بس ملئت من هالامور قلت له من حقي افرح وعصب |
رد : شوروا علي
اقتباس:
وهم ماشاءالله كثيرين وبعدين هذا طبعنا وهم طبعهم ماعندهم زواج ابداً لو اني مسويتها بقاعه عادي بس انا زواجي عايلي وفي البيت وبعدين إحنا طبعنا اذا صار عايلي عند اهل لبنت أبوي هوو اللي يتكفل بالبوفيه مثلا لو صار اخوي المعرس طيب المفروض انهم مايتحكمون من اعزم ومن اخلي واحنا اذا بنروح لأهل البنت بس يروحون الحريم الكبار مانكثر ع الناس وكل واحد وعاداته انا لو ادري عنهم كان سويت زواج كبير وريحت نفسي بس يوم شفت الولد اللي بيتكلف في كل شي واهله مو مساعدينه بصراحه رفضت وخليته عايلي ويوم قلت لهم بتكفل قسم الحريم ماعجبهم الحكي تخيلي كانوا مخلين أخوهم ياخذ فندق الريتزكار هم همهم مظاهر وبس وبيتنا كبير بس زواجي وقته غلط ويكفي اني انا محددت هاليوم وربي خليتهم يسووون اللي يبونه لكن سالفة ماانادي صحباتي قويه والله قويه |
رد : شوروا علي
شوفي اختي... دام هو الزوج راح يدفع للحفله... إذاً من حقه انه يطلب أهله يحضرون... و انتي صاحباتج يعني مب مية بنت علشان يرفض... قولي له الله يحيي اهلك و صاحباتي انا راح اعزمهم... و لا تخلينها وحده بوحده... يعني إذا انتي عزمتي صاحباتج انا راح اعزم بنات خالتي... لأن هذا مب منطق...
اختي هو دافع تكاليف العرس و ما تبينه يعزم؟ هممم صعبه شوي اشوفها... و بعدين انتي ما قصرتي و جزاك الله خير ما كلفتي عليه و فهمناهالنقطه.. بس هالشي كان اختيارج فلا تتكلمين فيه لأنه راح يسوي حساسيات بعدين... ادري بتقولين انا بس اقول قدامكم... بس دام قلتيها قدامنا لابد يوم و يزل لسانج و تقولينها له في لحظة غضب... |
رد : شوروا علي
|
رد : شوروا علي
زواجي راح يكون في بيتنا انا وأبوي ربي يخليه لي هو اللي متكفل فيه اهله مجرد ضيوف
واصلا هم ماعندهم انو اهل الولد اذا كان عايلي يجيبون معاهم احد هم زوجاتهم يجي المعرس لحاله ياخذزوجته ويروح اهله همهم مظاهر ويبون يجيبون اقاربه في بيتنا علشان اهله يشوفون ومن مناسبين وهذا كلام خالته انا اللي قهرني ان الزواج في بيتنا وأبوي وأمي اللي عليهم كل شي يحددون لي من أنادي تري هم حددوا لي اني بس أنادي خالاتي وعماتي بدون بناتهم وانا سويت اللي يبونه جيت اباخذ جناح في الفندق وهو رفض وخطيبي مأخذ قرض حرام اخليه يحطه ع ليلة زواج علشان مظاهر وانا الحمدالله ماقصرت اكرمت امه وأكرمت ابوه شنو يبون اكثر من كذا هو بس متكفل بزواج الرجال وانا علي الحريم من الى انا راح اقلب بيتنا وحاجزه الكنباات والكوشه وناديت شركه تحتفظ بأثاث بيتنا والبوفيه راح يكون بالقبو لان قبونا ع البيت وكبير يعني هو ماراح يدفع شي أفهموني طلبتكم انا عارفه طبعهم زين وعارفه انو بس يجي الولد ياخذ زوجته بدون اهله كذا سوو مع خواته انا مامنعت امه انها ماتجي مثل ماهم يسوون انا قلت له امك وخواتك من حقهم يشوفونك بهاليوم وراح يجون خالاته وعماته نفس الشبكه طبعا جابتهم غصب علينا |
رد : شوروا علي
صراحة ياختي متابعة مشاكلك من اولها
وكل مشكلة تحطيها اقول الله يعينها بس .. اذا هذا اوله اهل زوجك اقوياء وزوجك للاسف معاهم عليك .. المفروض اما يوقف مع الحق .. او اضعف الايمان يطننننش و مايعطي اذنه لهم لكن للاسف من الان عاطيهم اذنهم .. المشكلة ماهي مشكلة كم عازمين و كم بطاقة و مين قال لمين المشكلة في المبدا نفسه .. انهم يعبوه وهو يسمع و يجي يفرغ فيك يسمع و يصدقهم .. فاخوفي بعد الزواج يتمادو اكثر بحياتك طالما انه سامح لهم .. استخيييييييييييييييييييييييييييييييييييييييييييييي ييييييري استخخخخخخخخخخخخيري في امر الزواج ... والله يوفقك و يسهل امورك . اما توقفي وتكلميه بحزم .. و ترجعي الطاولة عليه انه هو الي مايحترم اهلك ولا يحترم عاداتكم و لا يحترم رغباتك و انه هذا عرسك و لك الحق تعزمي الي تحبي وتفرحي مع مين تحبييي بس تحملي نتيجة الوقوف بوجهه او تمشيها و تسكتي و تكملي امورك .. |
رد : شوروا علي
خطيبي اهله ماكانوا معطينه بال وكان هو يحكي كذا
تملك وشافوا شكثر طاير فيني مثلا امه الله يهديها ظلمتني بالشبكه ربي يسامحها وقولتني حكي ماحكيته وكذبت امي والله اذا شأفته يزورني تقوله ماله داعي تروح لها وفجاءة صاروا يهتمون في موضوعه الشبكه تهاوشوا قدامي مع ولدهم انا استحيت ماتعود ع هالموقف وهم معروفين انهم مايحترمون المكان اللي راحوا له يتهاوشون عادي انا قلت له وانفجرت في وجهه وقلت له امي راح تعزم اللي تبيه دام اهلي بيتكفلون بكل شي وفي بيتنا تحمل وذكرته كيف طبعهم سكت ماعاد حكي شي لانه عارف انه غلطان وانا والله في الخطبه امي قالت لامه عن طبعنا وقالت امه حلو طبعكم يعني انا وأهلي كنا واضحيين معاهم من البدايه الحين الزواج باقي له شهر مااحجز شقه ولا سوي شي قلت له خلك من امور الزواج هذا امي وامك يتفقون انت بس خلص الامور للمهمه لانها اهم بكثير |
رد : شوروا علي
خطيبي مره قالي انو خواتي قوويات
وكان يقولي قوي نفسك ماابيك مسالمه وكذا وكان يقول انا عارف انو انتي ماراح يطلع منك شي وأقاربه إحنا نعرفهم كثير يقولون ومستغرب كيف أبوي رضي ووافق وكانوا يحكون انو امي مسالمه وإنكم اخذتوا وحده مو راعية مشاكل انا اعرف كثيرر من اهله لان امه نفس منطقتي وبينا نسب مع أقاربهم هو خطيبي عيبه انه يطلعني غلطانه عنداهله ةيطلع انو هو واهله الصح طيب انا تنازلت مفروض انت تتنازل والله اني كنت أخذ راي امه وكنت اقوله لهم شي يناسب لأهلك وكذا يعني كنت امشي بالأصول انا عندي إخوان وخوات متزوجين والله عمرنا ماتعارضنا مثل اللي يصير معاهم كنا متفاهمين مررره وهم كانوا حاضرين زواج اخوي وشايفينا كيف متكلفين فيه يعني هم عارفين عن طبعنا ولاكانوا معارضين أبداً |
رد : شوروا علي
نصيحتي لك وتفكين نفسك من المشاكل ..
قولي أنا و أنت ماعلينا من المعازيم .. هالكلام بين أمي وأمك أو أبوي وأبوك . أرررررريح لك ... ربي يوفقك |
رد : شوروا علي
اقتباس:
وربي اني قلته بس امه وخواته تعبوني من كثر مايسالونه جدتعبت من هالموالات ربي يعيني ويصبرني بس اجمعين يارب ان كان زواجي منه فيه خير لي وله الله ييسره ويتمم لي ع خير وآن كان زواجي منه فيه شرلي. وله الله يبعده عني ويبعدني عنه ويعوضه أخير مني ويعوضني أخير منه اللهم امين |
رد : شوروا علي
اختلاف عادات وتقاليد بينكم ,,
مفروض اتفاقيات الزواج تكون بين الرجآل احسسن كلمتهم كلمة وماحد يتدخل بعدين .. والله اني شايله همك .. دايم في مشاكل مع زوجك .. الزواج تقدير واحترآم ومشاركه وممحبة .. اذا احترمك بيحترم اهلك وبيقدر ضروف بيئتكم وبيئته .. الله يكتب لك الخخخخخخير يَ قلبي ويألف بين قلوبكم ويتمم فرحكم على خير .. |
رد : شوروا علي
الله يعينك ياقلبي زوجك متعب جدا
وفعلا مشاكلكم بسبب اختلاف العادات والتقاليد + تدخلات اهله + شخصيته التي تسوف وتؤجل كل شئ ثم تشعر بالضيق لتراكم الاحداث يالغلا حاولي تقنعي زوجك يدخل دورات تأهيل للزواج او يقرأ عن المواضيع المهمة ويفهم ضرورة تكوين اسرة مستقلة بدون تدخلات الاهل والاصحاب المدمرة انا اشوف انك اتنازلتي كثير وعداك العيب حتى زواج الحريم اتكفلتي فيه بس هو يحتاج للخروج من دائرة تأثير اهله ومثل ماقالو الاخوات خلي الكلام بخصوص الترتيبات بين اهلك واهله افضل والزمي الاستغفار والدعاء وابتعدي عن مصادر التوتر لانك عروسة ولازم تطلعي بأبهى حلة ياقمر اسال الله ان يسخر لك زوجك ويهديه ويصلحه ويريح باله وبالك |
رد : شوروا علي
ايه انا قلت أنو وانا وانت مالنا شغل وهذا هو الأصول اصلا
المفروض امه تتفاهم مع امي وانا مالي شغل بس تعرفين حركات الخوات اللي قدام أخوهم مثلا أخته كانت متملكه معي فكانت تقارن وتقوله شوف انا شنو سويت وهيك طبعا انا اطنش ولا كااني اسمع شي انا الحمدالله كنت واضحه من البدايه معاه فيتحملون لان خلاص عرفتهم وعرفت الشخصيات ودامني اني ماضريتهم فخلاص بكيفهم وراح اقفل هالموضوع وان رجع وسألني عن اي شي يخص هاليوم راح اقوله امي عندها كل شي عندها انا مالي شغل في شي والله يعيني ربي يصبرني خوفي بعديين يتدخلون ومن هالحكي تري حتي السفر يتدخلون فيه وكنت اسكت واتغاضي لين قدرت اتفاهم معاه دعواتكم لي وراح يجي يوم علمه من انا زين |
رد : شوروا علي
حبيبتي الحين وقت استجابة الحي على الله عزوجل بالدعاء انه ربي يسخرلك زوجك ويبعد عنك شياطين الانس والجن
ويكتب لك الخير وين ماكان |
| الساعة الآن 12:35 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©