|
خطيبي ورايه بالزفه-مستجدات بالرد -78-
السلام عليكم
كيف الحال الله يتقبل منا ومنكم صالح الاعمال وكل سنه وانتو بخير مقدما عندي مشكله موترتني مرا امس تناقشت مع خطيبي عن الزفه قالي مايبغى يدخل قاعه النساء لانه حرام قلتله ماينفع تحرمني من فرحتي وجلسنا ساعتين تنتاقش ومو راضي يقتنع مررررا تضايقت قلتله حالي حال اي بنت تبغى تفرح بهاليوم قلي لا صعبه مارضاها نفسي وقفلت منه وقلت مصدعه يلا باي وناويه اطنشه وفكرت الغي الزواج عشان يتعلم ايش الحل معه والشباب ليش بعضكم يرفض الزفه؟ ايش فيها وليش مو زي البنات مو من حقي انزف مع زوجي وافرح |
رد : خطيبي ورايه بالزفه
احنا عندنا يدخل آآآآآآآآآآآآآآآآآآآآآآخر الحفله.. يعين 3\4 القاعه فاضيه... اللي يبقى بس الأهل المقربون فقط...
ممكن تقترحين عليه هالإقتراح... |
رد : خطيبي ورايه بالزفه
اقتباس:
بس انا ابغى الزفه شكلي بايخ وانا انزف لحالي ابغى تتصور الزفه كامله وهو يشوف ان هالشي مو من حقي تعبت معه |
رد : خطيبي ورايه بالزفه
اسمحي لي يا انسانة طفشانة .. الموضووووووع عادي ولا تكبرينه واذا مش راضي ينزف عادي صوري فيديو وراح يشووووفه بعدين معاكي .. وصدقيني يمكن انها خيره .. لا تصرين يمكن ربي العالمين يبغى يصرف عنك نظره معجبة من الحاظرين والله ماتسوى تنقلب حياتكم فوق تحت بسبب عين حاسده .. توكلي على الله وتحصني وادخلي انتِ ولا تزعلين ولا شيء هي حرية شخصية ووجهة نظر عنده احترميها ولا تخلين الشيطان يدخل بينكم افرحي بأيامك ولا تقلبينها نكد عليك وعليه.. والله يوفقك ويتمم عليك ويرزقك بالذرية الصالحة ..
|
رد : خطيبي ورايه بالزفه
اقتباس:
كيف النظام عندكم؟؟ لأن عندنا العروس تدخل اول و بعدها بساعه يدخل المعرس و يقعدون حوالي نص ساعه و ياخذ عروسته و يطلع... و بعدين على فكره... أنا ما الوم المعرس... لأنه موقف صعب الصراحه... تخيلي نفسج تدخلين على 500 رجل... نفس الإحساس عنده... لا تظنين انهم يحبون هالشي... الرجال اللي اعرفهم يقولون احساس غلط غلط غلط غلط... تحس 500 حرمه تطالع فيك!!!! |
رد : خطيبي ورايه بالزفه
كلام بسمة امل صحيح
بعضهم عيونهم ماترحم بالعكس يمكن تكون خيرة لك |
رد : خطيبي ورايه بالزفه
والله هو يقول حرام راجعى اراء العلماء وشوفى اذا فعلاً حرام ......اكيد انتى ما تحبين تبدأى حياتك بشىء حرام وممكن نتنازل شوية عن نزواتنا عشان حياتنا تصير ببركة الله ولا شو ....وكل عام وانتى بخير
|
رد : خطيبي ورايه بالزفه
اذا تفكري تكنسلي الزواج عشان موضوع تافه مثل هذا !!
يعني لازم تحترمي رغبته عموما الله يسهل اموركم بس نصيحه افرحي و خذي الامور ببساطة ترا كلها الزفه 10 دقايق مي محوجه تسير عليها مشكلة ،،، |
رد : خطيبي ورايه بالزفه
أنا عكسك ، كنت متفقة مع زوجي إنه ما ينزف و كان مقتنع ..
يوم الزواج قال بينزف .. الصراحة ، إذا هو رافض فخلاص ماله داعي ينزف و تكبر المشاكل .. و كويس إنه يراعي ربنا .. :) |
رد : خطيبي ورايه بالزفه
اقتباس:
عموما الزفة وما أدراك مالزفة، بالنسبة لنا غالباً ماعندنا زفة، ولو طلبت مني خطيبتي قد أوفق على ذلك، لكن يا أخيتي الطهبلة وحب الظهور والزفة وما أدراك ما لزفة لن تقدم ولن تؤخر، وإنما الذي يقدم ويؤخر هو حسن تعاملك مع زوجك ورضاه وأحترامه وتقديره، وأنتبهي زين تراك أنتي البنت، بمعنى حافظي على نفسك وأنتبهي لأسلوبك جيداً مع زوجك، يعني أنتي الخسرانة لو حدث شيء لايحمد عقباه، وجزاه الله خير زوجك أنه صبر على تصرفاتك السيئة من أول الملكة وأنتي لاميول ولا أهتمام به، وصراحة أنا كبر عيني زوجك لما قال مابي أدخل عند الحريم لأن الرجل فيه دين، ويابخت من تتزوج شاب فيه دين لأن أكثر الشباب غير متديين وهذا له انعكسات سلبية، والله يرزق أخيتي زوج مثل هالزوج يارب. روحي حبي يدك مقلوبة على أن أعطاك ربك هالزوج، وأنتبهي تخربين مستقبلك بيدك، وأبعدونا ياعالم عن الشكليات تنجحون بحياتكم. |
رد : خطيبي ورايه بالزفه
عزيزتي
انتي حرة بالاشياء الي تخصك انما الاشياء الي تخص غيرك .. تخصهم هم يفترض فيك تحترمين رايهم ! زوجك موحاب يطلع .. خليه على راحته اطلعي انتي .. واجلسي شوي بعدين ارجعي الغرفة تصوري معه ! مكن بنفس وقت تصويركم بالغرفة تكون زفة صغنونة فيها اقاربكم المقربين كذا احسن .. اذا تقبلين نصيحتي .. لا تصرين على رايك بالامور الي تخص زوجك .. عشان بس ماتدخلين بصدامات معه وعشان تثبتين له انك تحترمين رايه وبالتالي حتى مستقبلا يقدر يحترم رايك ولا يفرض عليك شي .. موفقة ان شالله .. |
رد : خطيبي ورايه بالزفه
ربما موقفي سيكون مشابه لموقف زوجك
أنا شخصياً بمجرد التفكير بهذا موضوع يجيني مغص! سأترك مسألة الحكم الشرعي جانباً وسأركز على الجانب النفسي. ربما زوجك لم يتحدث صراحة عما يمكن أن يشعر به اذا دخل فعلا في صالة كلها نساء! موقف محرج حقيقة ونحن نعيش في مجتمع لا يجتمع رجل وامرأة في مكان واحد، فما بالك بقاعة كاملة! تخلي نفسك في قاعة الرجال 500 رجل ما فيه الا انتي خخخخ |
رد : خطيبي ورايه بالزفه
اقتباس:
ليش يحرم نفسه مو زي باقي الشباب امين وتسلمي عالكلام |
رد : خطيبي ورايه بالزفه
اقتباس:
يقطعو كيك ويلبسو دبل ويرمو ورد كل اخواتي واخواني وقريباتي كذا عملو بزواجهم وانا من حقي افرح زيهم وهذا جا بكل بساطه يخرب علي |
رد : خطيبي ورايه بالزفه
اقتباس:
ايش الحرام الي فيه؟ قلتله جيب لي دليل انه حرام قام يصرفني وانتي بخير حبوبه |
رد : خطيبي ورايه بالزفه
اقتباس:
بس الي يتحصن ويتوكل ع ربي مايجيه شي |
رد : خطيبي ورايه بالزفه
اقتباس:
البنت ببتتزوج مرا وحده من حقها تفرح وتصير زي باقي البنات لاتحقرو الاشياء البسيطه هذي هذي خطوط حمرا عندنا احنا البنات شكرا عالرد |
رد : خطيبي ورايه بالزفه
اقتباس:
بس هذا من حقوقي مرا متضايقه بسبب هالموضوع |
رد : خطيبي ورايه بالزفه
اقتباس:
عجبا لكم يالبنات كيف تتزوجو بدون زفه معرس |
رد : خطيبي ورايه بالزفه
اقتباس:
مشكوره عالرد |
رد : خطيبي ورايه بالزفه
اقتباس:
مادري والله الله يعين ويوفقنا جميعا شكرا لك اخي |
رد : خطيبي ورايه بالزفه
اختي الكريمه ..
اعرف وحده حجزت قاعه هاي كلاس ..وكل شي مجهز من الى .. لدرجه ان المعازيم دافعين عربون الكوافير .. قبل باسبوع ..صارت مشكله على الزفه ..وطلقها ...؟؟ وبعدين وش تبين بالزفه .. انا اشوف المعرس بعيوني من يدخل وهو يتلفت وعيونه يمين ويسار .. لو بكيفي خليت زوجي من يدخل لين يطلع مايشوفه احد .. لان مافي حريم يروحون زواج ..لالا لازم يقولون الكلمه المشهوره ..المعرس احلى منها ..... طيب سوي الزفه بالشبكه وفليها ..مع محارم زوجك .. |
رد : خطيبي ورايه بالزفه
اقتباس:
احسك ما اقتنعتي بكلامي ولا زلتي مصرة على رايك .. انتبهي .. ! ماودي ينتهي الموضوع بمشاكل لذلك ارجع اقول لك لاتصرين على رايك شوفي بدائل اخرى وترضيه .. دمت بود .. |
رد : خطيبي ورايه بالزفه
اقتباس:
بس موضوع الزفه مو راي شخصي لان لزفه لي وله من حقي افرح مابغى اكون اقل من غيري من صغري احلم بالزواج والزفه ماابغى بكرا كل ماروح زواج واشوف العريس مع عروسته انقهر ارجع البيت الومه على نقص فرحتي بيومي المهم فاهمه علي صح؟ ليش تشوفو ان مو من حقي اصر عالزفه لازم ينزف معي هذا زواجه وليله عمره |
رد : خطيبي ورايه بالزفه
اقتباس:
كيف يطالع يمين ويسار العريس المحترم بتملى عينه زوجته مافي زفه بالشبكه لاننا ملكه بالبيت عائليه والزواج قريب زي مانتي شايفه بالتوقيع ومخططه احط الزفات المعينه وجا خطيبي صدمني بالخبر الله يعين ويجزاك خير عالرد |
رد : خطيبي ورايه بالزفه
معليه يا انسه طفشانه اني طلبتي الراي والجميع هنا قالك الموضوع مو مساهل الطلاق ولايستاهل انك تكبري الموضوع
بس انتي الله يهديم مصره على كلامك وكان هـ الزفه سبب سعادتك وين المشكله لو انزفتي لوحدك والله بالعكس احلى اشوف البعض في زوجاتهم نتزف العروس لحالها وتكون المصوره معها طول الزفه وتجلس ن ساعه ساعه ويكون زوجها منتظرها بغرفه في القصر وطبعا ويكونون مجهزين طاولة الحفله من كيكه وعصير وتدخل عليه العروس وتقطع الكيكه ويشربها العصير كل هالفلم يتسوى هههههههههههههههه والمصوره تصور طبعا اكيد طبعا اهله واهلها يكونوا معهم اقترحي عليه هالفكره بدل انو ينزف معك |
رد : خطيبي ورايه بالزفه
طيب خلي الزفه لحالك ..
وعالبروجكتر ..صور الشبكه مدري الزفه .. وبيصير موجود بالزفه بشكل غير مباشر .. |
رد : خطيبي ورايه بالزفه
حبيبتي احمدي ربك على هالنعمه .. والله ان هالرجل نعمه فعلا الرجل المتدين هالاياام ناادر ..! اقتباس:
والله لو يجي نصيبي مثل إلي جااك .. اقبل فيه بدوون زفه ولا حتى مهر المهم انه يخاف ربه و يكفي انه صبر عليك .. لو احد غيره يرووح يشوفله وحده تحترمه احسن تقبلي مداخلتي .. كنت اتجول بالمنتدات و شفت موضووعك .. سجلت بالمنتدى بس عشاان ارد عليك ربي يهديكِ ..! |
رد : خطيبي ورايه بالزفه
اسمحيلي اسلوبك غير مثل جده غير .. لا تكفين الله يرحم والديك لاتكنسلين الزواج .. باين من اسلووبك تحبين المظاهر الله يعينك شنو الاسلوب هذا وهي واقفه عليك يوم تبغين تقولين ابغى اكنسل الزواج وربي انه اسلوبك يجبي المرض هذا وال الزوج الله يعينه بعد الزواج .. الرجال مايبغى وهو غصب .. وبعدين يدخل عند الحريم مايجوز وهو صادق يعني يبي يكون فيه حريم ماعليهن غطاء وانا ايده بقووووه ... انتي مسويه زحمه والشارع فاضي ... اتمنى ترتقين في اسلوبك ياخيتي مع زوجك علشان تمشي الحياة واقسم بالله انه كله مهايط وهي ماله داعي ابدددد ... اتمنى ان يكون عندك اسلوب راقي ترى اسلوبك هذا مو ماشي معه ............. وهي مو شي لالالالالالازم بالتوفيق اختي |
رد : خطيبي ورايه بالزفه
، وزوجك كلامه منطقي لان دخوله علي النساء الاجنبيات حرام ولا تقولي بيتغطون لان فيه حريم ما يتغطون ، هذا من غير العري اللي في الزواجات والملابس الشبه عاريه ، يعني الوحده وش الفايده تغطي وجهها وهي عورتها مو مستوره ، والزوج هالمسكين من كثر ما يشوف من الجميلات يصير يشوفك ، وما يدريك يمكن يصير له معجبات في الحضور وهذا شيء غير مستبعد لان اكيد ان فيه اجمل منك ويبدا يقارن المسكين
بعد هالفيلم الكوميدي خخخخ نصيحتي لك اختي ، زوجك واضح انه ابن حلال فحاولي تحافظين عليه وكلامه وربي منطقي ، واذا كان مجتمعكم مؤيد لمثل هالافكار من زفة المعرس ورمي الورد ، فتآكدي انها امور دخيله علينا وابحثي عن اساسها وتلاقينها ما هي عندنا كمسلمين اصلا ، هذي كلها امور مآخوذة من الغرب وامور عند النصارى ، وهذا اللي مطيح حظنا اللي هم السذج امثالك واسمحي لي اقول لك انك ساذجه لانك ما راعيتي دينك ولا زوجك وانتي من ضمن كثير من الناس الذين يعيشون تحت ظل ثقافة القطيع ، بمعنى ان الغرب لو سوى شي تقلدينه وهذا اللي دمرنا في بعض مجتمعاتنا وبدون ذكر اسماء ، اللي ما عندهم حاضر مشرف ولا ماضي جميل وانا اتحدى الغرب يقلدونا في شي واحد ، لانهم اعزوا انفسهم ، ووالله لو الغرب دخلوا جحر ضب لدخلتموه.. يقول عمر بن الخطاب رضي الله عنه (نحن قوم ٌ اعزنا الله بالاسلان فان ابتغينا العزة بغيره اذلنا الله) وينك يا عمر تشوف حال المسلمين.. عذراً على القساوة لكن هذا ما اراه صحيح |
رد : خطيبي ورايه بالزفه
لا أوافقك الرأي عزيزتي بأصرارك
لكن مصدووومة من الردوود @___@ |
رد : خطيبي ورايه بالزفه
ما رأيت والله مثل اليوم عجباً .!! سبحان الله كلامك يا أخيتي يفوح منه رائحة الكبر، والتعالي .! اسلوبك مع زوجك سيء للغاية، وطلبك هذا الذي تقولين بأنه حق من حقوقك، أقول لك: هذا محرمٌ شرعاً، والمحاذير الشرعية في ذلك كثيرةٌ جداً جداً . فاتقِ الله في نفسكِ، وفي زواجكِ .. يجب أن ينتهي الكلام في هذا الموضوع، ووالله إنها فرصة لكِ، أن تسجلين في سجل زواجك مع زوجك موقفك الجديد: قولي له : خلاص حبيبي انا فكرت في الموضوع، وشفت أن كلامك هو الصح، وما أبي تدخل معاي الزفه قدام الحريم .!! وثقي تمام الثقة أنك ستكبرين في عينه كثيراً، وسيكون موقفك إيجابياً، وسيفرح هو بذلك، ويقول، فعلاً هذه البنت عاقلة !! ولا تقولين : أبي افرح مثل باقي البنات !! الخطأ مرفوض من أي أحد ، كائناً من كان !! حتى لو جميع قريباتك سوو هالزفه ودخلوا معهم ازواجهم، فتميزي عنهم أنتِ بعدم دخول زوجكِ .. وكوني كالصحابيات، الاتي تحبينهن، وتقتدين بهن، فلم يفعلن أمثال هذه الأفعال السخيفة .. عن نفسي، لو طلبت مني زوجتي، مثل هذا الطلب، ورأيت منها [ إصراراً ]، وتضخيم للأمر، ربما [ اتركها بهدوء ] ، وابحث عن إنسانةٍ يهمها رضى الله سبحانه وتعالى أولاً، لا مجرد التباهي والاهتمام بنظر الناس وووو .. دعواتي لكِ بزواجٍ عامر بالأنس، طافحٍ بالسرور .. |
رد : خطيبي ورايه بالزفه
انصحوا بإسلوب يا إخوان
لاتنهى عن خلق وتأتي مثله ... عار عليك اذا فعلت عظيم مبروك الخطوبة طفشانة وحاولي تفكرين بطريقة زوجك شوي , عشان يتضح لك موقفه |
رد : خطيبي ورايه بالزفه
مثل رأي مدن السلام
|
رد : خطيبي ورايه بالزفه
انسه طفشانه ,,
سؤال: الموضوع منتهي بالنسبه لك مو قابل للنقاش..؟ |
رد : خطيبي ورايه بالزفه
اقتباس:
لذلك تتفقون على حل مرضي لكم مع بعض ! عزيزتي انتي الان بمرحلة تاسيس .. حطي اساسات صح لحياة ممكن تظل لين نهاية عمرك .. هذي فرصتك تظهرين له احترامك لرغبته هذي فرصتك ... اعرفي حدود حريتك وحريته .. وين المشكلة لو صرتو بغرفة تتصورن قدام محارمك ومحارمه ؟؟ ليش مصرة الحريم كللللهم كللهم لازم يشوفونك معه ؟ والله ما يسوى الشي ذا وربي .. ! |
رد : خطيبي ورايه بالزفه
ياقلبي انا عارفه قد ايش ليلة العمر مهمه وقد ايش كنتي تحلمي فيها بس انصحك نصيحه لوجه الله البنات اشكال والوان وفيهم الصالحه وفيهم الطايحه يمكن وحده منهم تعجب بزوجك جماله شخصيته رزته وكشخته وتخطط عليه بعد وقت الين ماتجيب راسه ان كيدهن عظيم
اعرف حريم كذا وكمان بعض المعاريس لما يدخلون عيونهم يمين يسار فشله صراحه زوجته جنبه وهو يطل يمين يسار كيف بيكون موقفك قدام الناس بتكوني مضرب مثل لهم غير لو يطيح او يطيح عقاله او يكون اجمل منك وممكن تردين عين حاسده او معجبه عنك او سحر لاسمح الله اصلا بعض البنات يتركون العروس ومايطالعوا الا في العريس خصوصا لو كان وسيم او جذاب وين غيرتك على زوجك كيف ترضين تدخلينه على أمه من البنات انا لو اموت مااخليه يدخل مستحيل اغار عليه جدا أجل أخلي البنات يتفرجوا في زوجي وانتي تعرفي كيف البعض بعضهم ملكات جمال واكيد فيه اللي اجمل منك حتى لو مافيه الناس اذواق وبعض البنات لايغطون ولاشي الله لايبتلينا ترضين زوجك يجلس يتفرج فيهم وهم في قمة أناقتهم غير اهم شي وهو حرااام مكان كله حريم وش يبغى الرجال يدخل بينهن نصيحه اعقلي وبلاش تنكدين على نفسك وعلى زوجك في هذا اليوم قولي يمكن خيره وخلاص مشي الموضوع ياقلبي* |
رد : خطيبي ورايه بالزفه
اقتباس:
هو عارف ايش قد هالموضوع يهمني ومو قادر يتقبله بس بحاول بحل يرضينا احنا الاثنين ماقصرتي |
رد : خطيبي ورايه بالزفه
اقتباس:
وجالسه افكر بحلول ترضي جميع لاطراف ههههه |
رد : خطيبي ورايه بالزفه
اقتباس:
حاولت وان شالله نتفق ع حل تمام نورتي |
| الساعة الآن 07:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©