|
انا نكد ..
السلام عليكم ورحمة الله وبركاته كيفكم اخواني واخواتي الله يغفر لنا ذنوبنا وخطاينا ويتوب علينا بهالشهر الفضيل يارب جيتكم وعندي مشكله مرررررره قاهرتني المهم انا تملكت والله ثم والله اني ماتشرطت ع خطيبي ان السكن يكون عند اهلي او اهله وكنت راضيه بالمكان اللي يبيه ويختاره ولا قلت له ابي اشوف الشقه او اتشرطت عن كثير يقولي من حقك انك تحكين معاه وتتفاهمين معاه المهم انا لما يسالني اقوله حبيبي سو اللي يريحك واللي تشوفه وكان يصر بهالشي المهم هو قال انا ابيك عند اهلك علشان راحتك بس هو اتوقع سو كذا علشان اختي ساكنه عند اهلي قريب المهم انا ماجادلته جا عند حينا وشاف الشقق واحنا حينا مررره غالي ع خطيبي المهم اختار شقه قريبه من بيت اهلي مره 27 واختار وحده 28 بس عيبها الدور الثالث انا قلت لا حبيبي لا تستعجل حرام مره غاليه وهي مره صغيره قال خلاص جيبي لي وحده جديده تكون حول حيكم قلت حبيبي خلاص خذ اللي عند اهلك بما انه رخيصه وانا في قلبي اقول الحمدالله اني بنفس منطقة اهلي المهم جبت له ارقام كثيره وجا اليوم جبت له شقه قريبه من عندنا مره وجديده رخيصه راح شافها وفالاخير قال عيبها ارضي وفيها صراصير وفيه الدور الثالث وهو رافض طبعا هالشي قلت حبيبي اللي يريحك بس تري فيه شركات تنظيف وفيه تبع الصراصير ثم قال بس عيبها الوانها مو حلوه جلست اضحك لاني استغربت امر خطيبي قلت حبيبي لا تستعجل شوف اللي عند اهلك وبعدها قرر المهم عطيته وصف وحي يروح يشوفه وراح شافه وجلس يقول انتي وش وراك مرتاحه جالسه عند المكيف وانا ادور هالكلمه اقهرتني ممررره وانا اليوم كنت طالبه من اخوي اطلع ادور له المهم ارسلت له مسج ولا انرسل المهم رجع كلمني وقال ماتسحرت ومن هاالحكي قال انتي جالسه تحت المكيف ول رديت وانا والله ماكنت عند المكيف فقفلت ورجعت ارسل المسج الاول لاني اكتشفت انه ماانرسل رجع اتصل وقال وش هالمسج قلت هذا راسلته من قبل بس توه يوصلك وانا صادقه قال لا انا توني اقول انك تحت المكيف قلت له اسمعني ولا تجلس تظلمني انت من قبل قايل اني عند المكيف وجلس يعصب وانا اقوله اسمع واخذني بلسانه وجلس يقول تبين اروح استاجر اللي امر الصراصير قلت لا لا تروح روح شوف اللي عند اهلك بما انها قريبه من دوامك ومازال يظلمني وويعصب ويقول انتي رفضتي الغاليات علشان الغرف صغار وانا جالسه ادور اللي يناسبك وتبين غرف كبار كذاب انا ماقلت كذا عصب من القهر اللي عندي وبالاخير قال انا لو ادري ان الزواج كذا نكد ماتزوجت انا ماتشرطت بالسكن وقلت لك خذ اللي يريحك وجلس يمن علي باللي سواه حسيته هو الوحيد اللي سوا هالشي قلت انا الحمدالله ماتشرطت ابالسكن وكنت رافضه الشقق علشان اسعارهم انا افكر في بعدين ورجع قال كل المتزوجين مبسوطين بس انتي نكد اخ هالكلمه كرهتني فيه هو كذبني وظلمني وكان طول الوقت يعصب علي ويقهرني قلت تر اللي سويته كثير سواه وهذا الشي من حقي بس انا اللي انت تسويه لي لو كان قليل اخليه كبير وانت ماقصرت ولا نكرت اللي سويته قال بالاخير انتي نكاره انا مصدومه منه مررررره والله ثم والله انه هو اللي يعذرب بالشقق ووريته كلامه ان كان الشقق مو عاجبته ومازال يتهمني ورجع ارسل مسج قال بعد الصلاة بدق اتفاهم معك قلت له لا انت قلت اني نكد وانت ظلمتني ولا سمعتني الحين تبي تتفاهم انا كرهت الزواج بكبره ماتوقعت ان الواحد يسوي الشي للي يحبه ويجلس يمن عليه وربي في كلام كثير بس لان حالتي زفت ماكتبته زين ولا رتبته |
رد : انا نكد ..
اتوقع اللي فيكم من ضغط الزواج وتجهيزاته..احسن حل من وجهة نظري انكم توقفون مكالمات قبل الزواج..وقوليله البيت سو فيه اللي يريحك..راحتك عندي اهم من لون الصبغة ولا الاثاث ومابي انكد عليك..واتوقع هو بيستحي منك بعد هالكلام..
وبعد الزواج التفاهم بينكم بيكون اسهل بكثير.. |
رد : انا نكد ..
قلت له كذا
وقال انتي من حقك تختارين وتتشاركين رأيي فيه انا الحين انكد عليه وانا جالسه افكر في مصلحتها والله انه يسألني شنو تبين جهاز شنو ان استحاله تطلب او اقول شي يايسوي هالشي من نفسه يالا ادور راحته ولا ابيه يضغط نفسه ةفالاخير يقولي كذا مصدومه وربي مصدومه للمشكله هو كان يعصب وانا كنت ساكته ولا اقول شي قلت حرام مضغوط بس ماتوصل هالشي وينسي اللي اسويه ويقولي نكد |
رد : انا نكد ..
وعليكم السلام
الله لايفرق بينكم يارب ايش هالمشاكل الي تجي ورا بعض ,, بسم الله عليكم اسمعي ياختي هالفتره بالذات ابعدي عن المواضيع ,, خلي سوالفكم سطحيه خليها تريقه ووناسه وتنكيت ,, يعني مره لاتدخلي معاه بموضوع حاسم مثل السكن او او قوليله الي تشوفه انا مالي رأي من بعد رأيك<< طبعا عشان لايناقشك لانكم بحاله نفور من بعض واي كلمه تطلع من الثاني ولو بدون قصد بيتحسس منها الثاني فهمتي .. خليكم اسبوع على هالحال وباذن الواحد الاحد ترجعو مثل قبل واحسن مرررره وضعكم حساس ترا محد بيتقبل من الثاني اي عتب حتى لو كان نيتك سليمه اسبوع بس خلي مواضيعكم سطحيه واذا دخل بموضوع حاسم انتي باسلوبك قفلي الموضوع خليه يحس انه هو عنده القرار وتقوي ثقته شوي ((تسليك يعني)) وتغاضي عن كل الي قاله والي قلتيه لانكم ترا بفتره حساسه وطبيعي الي جالس يصير والله يوفقكم ويجمعكم على خير |
رد : انا نكد ..
ياعمري فعلا أنتو في مرحله ضغط بالذات عليه لانه يروح ويجي وحايس بس مهما كان المفروض يوزن الكلمه قبل لا يطلعها لانها جرحتك ماله حق الصراحة بس التمسيله العذر معليش بس اذا سالك عن شئ مره ثانيه قوليليه اللي يريحك مالي دخل وقتها ليعرف انه غلطان عليكي
موقفين يارب |
رد : انا نكد ..
بَـßÊـسّ خليه ياثث بكيفه ويدور بكيفه
وانتي تفرغي لنفسج وخففي المكالمات |
رد : انا نكد ..
حبيبتي طولي بالك ولاتقهرين نفسك موضوعكم جدا بسيط ويصير في كل البيوت شوفي الرجال لما يعصب احيانا مش كلهم يصير يرمي كلام مايفكر فية بالذات اذا كان مضغوط وانتي شكلك حساسة انا انصحك المرة الجاية لما تشوفينة هو شاد انتي ارخي وقوليلة نتكلم مرة ثانية لما تروق وتصير هادي والحين يااختي لاتكبرين الموضوع ولما يطلب انك يتفاهم معك مو مشكلة خلية يتكلم وانت سمعية وبعدين انتي تكلمي وهو يسمع وطولو بالكم والة داعي تكرهون الزواج من امور صغيرة زي كدا
|
رد : انا نكد ..
انا انجرحت منه كلمته قهرتني
انا شوف اللي معي تتشرط بالأثاث وبالطلبات وانا راضيه بكل شي فيه وحده ترفض تسكن عند اهلها انا رفضت لا حينا أغلي من حيهم بكثير ويوم جبت له ماعجبته انا الحمدالله مو راعية طلبات ولا تشرط وتشوفيني قلت له لا تستعجل بشي لان راح يضغط نفسه وماراح يحس بالضغط الحين راح يحس فيه بعد الزواج انا افكر في بعدين وبالاخير يقولي انتي نكد انا لو ادري ان الزواج نكد ماتزوجت انا ماضغطت عليه بشي مدري هو كيف يفكر وكيف عايش بالضبط يعني مايدري انو اللي جالس يسويه كل رجال يسويه ومايدري انو هالشي راح يسويه حتي لو خذي غيري هو اللي ضغط نفسه باقي ع زواج شهر و 24 توه يفكر انه يدور حتي السفر ماحجزه وانا راضيه وساكته وأقول حرام مضغوط بس بالأخير يجرحني بكلمته وربي أني مو مستوعبه اللي قاله عيبه انه مايعترف بخطاه اخ بس للمشكله يجلس مع ناس ومفهمينه الزواج غلط وانا اللي اروح فيه يأخذني بلسانه ويتوقعها شطاره |
رد : انا نكد ..
أنا جاني تشنج عصبي في المخيخ
:d كم مره قلتي حبيبي !؟ المفروض ما تطلع منك ولوو مره مره لززم الموضوع تكون مره وحده وبالقوه طول فتره الملكه ومححد يسمعك وف ااخخخرر الليل واهلك نايمين :22: كوني واثقه اكثر اطرحي رأيك انت وبطليها سو اللي يريحك سو اللي يريحك |
رد : انا نكد ..
هالكلمه بس أقولها له مسجات
لكن صوت مااقولهاكثير إذا شفته مضغوط كذا ونفسيته زفت أتضايق واحس أني ظلمته وتعبته عن هو اللي جا وخطبني وربي احيان اقول ننفصل وأريحه من ازواج كله دعواتكم لي وله |
رد : انا نكد ..
لابد يتعب ويتعب هذه سنة الحياه
اتوقع انك نرفزتيه بخوفك وقلقك الزايد عليه وهذا شيء يجرح كرامة الرجال |
رد : انا نكد ..
بالعكس مانرفزته هو من قبل يعصب
انو جالس يدور ويتعب وربي ان نفسيتي زفت احيان اقول راح انفصل وأريحه من الزواج وهمه دامه موقد هالشي ليه قدم هالخطوه الحين نفسيته زفت ولإعاد يتحمل شي والله ثم الله اني مااطلب والحمدالله انا شبعانه ومو ناقصني شي والله الشي الوحيد اللي يسويه انه يسدد جوالي وربي اني تعبت من التفكير والنفسيه زفت الحمدالله ع كل شي |
رد : انا نكد ..
اقتباس:
وصادقه ومعك حق بشعورك لما تستقصد ووتحاول قد ماتقدر تريح وتسعد الي قدامك وفجئه تحس كل الي تسويه ماله داعي وتصيبك غصه وقهر,, بس استهدي بالله واتيقني ان هذي لها حكمه من ربك وحلاوة الزواج تذوق حلوها ومرها واحمدي ربك ان هذي مرها نقاشات خفيفه تتحول الى اتهامات من زوجك الخ.. بس والله الذي لا اله الا هو في اليوم افكر اخطب الف مره ومايردني وياجل الفكره براسي الا هذي النقطه الضغوط الي يمر فيها اي شاب من تاثيث شقه ومن حجوزات للسفر واقساط البنك وا وا وا الخ.. ومابالك بالي يمر فيها ويكون مشتت تفكيره اصلا مره يدور شقه هنا ومره شقه بحيكم ومره ومره وغير الحجوزات ماخلص منها هذي الضغوط الي يمر فيها باذن الله بعد ماتتعدا ويتم زواجكم والله يحس بطعمها ويحس بوقفتك معاه وتتذكرونها وتضحكو بس خلاص هوني الموضوع كلها فتره وتتزوجو باذن الله وتبدء صفحه جديده والله يوفقك |
رد : انا نكد ..
شوفي هذي ضغوطات وتعب وكمان رجال مايحب احد يدخل
وبعدين انتي خلي كل شي بيده لا تقولي له شي قولي سوي الي تبي وين مكانت عاتي اهم شي اكون معاااك وموفقين يارب |
رد : انا نكد ..
خطيبي توه يفكر يتحرك ويدور
مفروض من قبل رتب نفسه ووضعه واستغل التخفيضات اللي صارت تبع الأثاث وغيره هو بارد وقبل الشي يتحرك مره يقهرني واهله ماساعدوه بشي ومو مهتمين فيه وهو بعد رافض ابوه يساعده حتي السفر ماحجزه اوك هالشي عادي الشقه توه يفكر يدور تيب يمكن يبي لها تعديل بعدالتعديل لازم شركة نظافه وتبع الحشرات وبعدين الأثاث انا احتمال اختار غرفة النوم والصاله لان هو ماعنده وقت ويتوقع انو انا عندي وقت والله اني اساعده وأدور اللي يريحه لما حكي ماراح نسافر قلت سو اللي يريحك وربي اني مو من انوع اللي تتشرط وتبي هدايا وتبي مصروف وهالخرابيط انا في بالي شي وهذا اهم شي عندي بس هو ينرفزني بأفكاره لأني احبه ألوم نفسي لأني رضيت ان حنا نرتبط هو خاطبني من خمس سنوات ولنا متملكين 11 شهر مو المفروض انه مرتب نفسه وحاط لنفسه جدول وجلس يدور بروقان يشوف الأسعار وكذا دعواتكم وربي النفسيه زفت وتعبت وانا امثل لاهلي اني مبسوطه وكل أموري تمام ربي ان شاءالله بفرجها تري الزواج الرجال هو. اللي حاطه وهو اللي طالب وأبوي كان مقدر وضعه وسو عزيمة مرررره كبيره له علشان مايتعب نفسه بس هو طلب هالشي وزواج الحريم في بيتنا وانا راح اقوم فيه وأحاول مااضغط عليه بشي بس هوالله يهديه خطيبي حنون ومتعلم وفيه اشيا حلوه بس ناقصه انه يتثقف بهالامور الحياة الزوجيه لان اللي حوله مفهمينه ان الزواج نكد وغثا وخرابيط لو تقرا مواضيع لي راح تشوف حالتي معاه وتفهمها اكثر اخوي اذا انت قادر انك ترتبط ومخطط ولك ترتيبات تقدم بهالخطوه |
رد : انا نكد ..
اقتباس:
اهم شي نمشي عالمثل المتداول بيننا (( طبطب ليس يطلع كويس)) :) وربك بيرزقك على قد نيتك بس نفسيتك سوائن زفت ولا زي الحلاوه مابيقدم ولا بياخر وليش تجيبي الهم والغم على نفسك وخمس سنين خاطبك ولاسوا شي ....؟ هذي مو غلطه هذي اكبر غلطه بسنه وحده يبغى يسوي كل شي وربي غصبن عنه يتكاسل يسوي ذا ولاذا ولاذا وبالاخير يكنسلها ,,, بس مجنونهj(( هذا قدرك وهذا نصيبك والمطلوب منك تحمدي الله اول شي على الايجابيات الي فيه والسلبيات لو مانذوقها من بعض مانحس بحلاوة الحياه )) ومن اول الموضوع لاخره والله الحق معك بس اتمنى انك تجلسي اسبوع لاتناقشيه بشي ابدا بس مواضيع سطحيه ,, اول حاجه بيشتاق لنقاشك ثاني حاجه بيلاحظ في شي متغير وماتفاتحيه بالمواضيع وثالث حاجه يبي الدعم منك والتشجيع,,, وهو اظن ذاق ك هذا منك بالايام الي فاتت ومو حاسس فيها الا لما يفقدها اسبوع وذيك الساعه قوليله كل شي وعاتبيه بادب وبيحس بغلطته ,,, لان العيب في الرجال بشكل عام (( يبي احساس فرض الشخصيه حتى لو كان من جنبها اهم شي اقرب شخص حوله يحس انه متمكن منه يطبق عليه هالاحساس )) ويارب بها الشهر الفضيل يتمم اموركم على خير ويتمم كل الي تتمنيه ,, بالتوفيق |
رد : انا نكد ..
قريت لك مشاكل كثير في القسم الله يهدي سركم ويتمم لكم على خير .!
بس قريت رد من ردودك تقولي الانفصآل .. حبيبتي الانفصال بعد ه المده جدآ صصصصعب ورآح تتعب نفسيتك لدرجة مآ تتصوريهآ لآ تستهوني الكلمة ولآ تنزليهآ قولي الله يصخرنآ لبعض ويتمم لنآ على خير .. منتي غلطآنه يَ قلبي .. بس حآولي تفهميه بـ آسلوب طيب وفي وقت منآسب انه مآ يتلفظ عليك شي نكديه وشي مدري ايش .. حتى لو انه معصصصصصب الحيآة الزوجيه قآئمة قبل الحب ع الاحترآم ,! اذا انعدم الاحترآم الحب يكون متذبذب ..! اسال الله ان يوفقكم .. |
رد : انا نكد ..
مره مشكورين
ويعطيكم العافيه والله يفتحها بوجيهكم وييسر أموركم يارب دعواتك ان ربي يفتحها بوجه |
| الساعة الآن 09:11 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©