|
طناش خطيبتي لي أمرضني( المستجدات بالرد 104)
بسم الله الرحمن الرحيم
السلام عليكم ورحمة الله وبركاته .. صراحة استفدت من هذا المنتدى الكثير الكثير .. سواء من طرحي لموضوعات سابقه أو من خلال متابعتي للمواضيع المطروحه .... إلخ * المشكله : طنااااااش خطيبتي لي ... اتصالات ماتدرد إلا نادر رسائل ماترسل إلا نادر .. طبعا متملكين .. أحيانا أقلدها واطنش ترجعلي مباشره وتسأل عني وتخاف علي .. وتقول أحبك وتكفى لا تتركني ... لكن بمجرد إني أرجع.. طنشت تماما .. تعبت ما أدري إيش الحل ... وحتى عند الزيارات ترفض اني اضمها او ابوسها ما ادري ليش تقول الحياء ذابحني ... وأنا متأكد إني لو طنشتها راح ترجع لي وبقووه .. ثانيا من ناحية الاتصالات ما عمرها اتصلت علي تقول استحي واخاف اتصل وتكون مشغوول .. مرة طنشتني شهرين كاملين طبعا لوجود خلاف بسيط وهو لأني عاتبتها ليش مهملتني فقط لاغير .. لكن بعد الشهرين ارسلتلها وقلت إذا ماتبيني عادي نتفارق مع اني متمسك فيك أنا واحبك فبمجرد هذه الرساله رجعت مثل الألف .. لكن أنا أبي نكون مستقرين مع بعض يعني لاأطنش ولا تطنشني ... تععععععععععععععععععبت .. لنا سنة عاقدين .. عمرها 21 وعمري 26.. حلولكم ؟.. ولكم مني دعوات بظهر الغيبب .. |
رد : طناش خطيبتي لي أمرضني ...
مدري وش اقول أخوي الله يعينك
طيب ممكن أسألك كم باقي على زواجكم؟ من تحليلي انت واضح عاطفي مندفع وهي العكس فأنصحك بأتباع منهج الوسطيه يعني لاتبالغ في أظهار مشاعرك ولا تقطع مره وخاصة انك وضحت انك أذا تجاهلتها تتعدل. بخصوص أذا زرتها ورفضها للأشياء الي قلت هي ذكرت ان الحياء يمنعها ويمكن عندها قناعه أن هالأشياء وقتها بعد الزواج.. ولاحظت انها تكرر سبب الحياء اكثر من مره يمكن فعلآ هي حياويه وماتقدر تظهر مشاعرها ولاتبادلك الي تبي.. أن شاء الله بعد الزواج وهي الحياه الفعليه لزواج يتغير حالها وتكون لك بالي يرضيك.. |
رد : طناش خطيبتي لي أمرضني ...
اقتباس:
الله يسعدك ع الرد .... باقي تقريبا 6 أشهر ... |
رد : طناش خطيبتي لي أمرضني ...
اقتباس:
الحياه الزوجيه تبدى فعلآ بعد الزواج لما تتعود البنت عليك وتفهــــمون بعض أكثر بالعــشره.. وصدقني البنت مهما كان تراها عاطفيه ومشاعرها جياشه وبيجي اليوم الي مشاعرها تتوقد لك.. بس مثل ماذكرت اتبع منهج الوسطيه لاأفراط ولاتفريط حب وأعطي بحدود..وبالدرجه الي يتقبلها منك الطرف الثاني.. الله يوفقكم ويجعلكم قرة عين لبعض |
رد : طناش خطيبتي لي أمرضني ...
قبل الزواج انت تلاحقها
بعد الزواج هي راح تلاحقك اصبر ^^ |
رد : طناش خطيبتي لي أمرضني ...
اللّه أعلْم زوجَتك تتبّع أسلوبَ الثقّل ولاهي واضٰح جداً انها تحبَك خذلك فره ع المنتديآت النسائيّه وشَوف وصآياهم لبعض ( مآيجّيب راس الرجًال إلا الثقل ، احقرْي رجلك يتبعَك ..... الخ
انا فَاهمه إنكَ مَتضايّق من تجّاهلها ونفَسك العَلاقه تصيّر أجمل وأقوى ... لآكن لعلهآ خيره مره قريت تحليل إستشارية زوجيه تقول لايٌفضل إستهٰلاك العواطف وإغداق المَشاعر فَترَة الخطَوبه وكتبت السبَبَ انو بعد مّاينتهي كلام الحب تبقى فقَط العلاقَه الجسديّه ثم المَلل ... أمَانةٍ مّ اقتنعت بَرايهها مَشآعر مّاقبل الزوَاج ذكرى كَالكنز فّي حياة كٰل متزوجّين ... بّحآلتك أنت ظروّري تصآرحها إذا التطنيش مّافاد ... قولها أنا حلالك وأنتي حلالي احبك وواثّق تحبّيني ليشٰ نعيّش هالفتوّر ليشَ أعطي ولآ أخذ لازم الطرفين يتبادلون الحب عشان تكَون العلاقه اجمّل وإذا تسميّن أسلوبك ثقّل وتظنيّن إنه يرغبَني فيك أكَثر ظروري احَذرك انه يفتّر مشآعري إتجاهك > لآزم تخآف .. وفيه نقطة ضعف لكَل أنثى قولهآ إذا أنا مّالقيت العّواطف والحُب اللي انتظَرته سنيْن بّالحلال تَرى الشيطّان مّامات وبَكل مكَان أنا معرض للفتنَه مجردَ مّاافتح اللاب وبظغطة زر ممكن ألقى وحده تعوضنَي عن اللي حرمتيّنياه ... وبّأذن الله بَتحس بحآجتك وتغيّر أسلوبها وتنتبه عليَك وأنت شجعها جآيز هي ماتبي تتوآصل معًك كثير وتزّهد فيّها وتطنشها ساندها عشان تشيل هالظٰنون من رآسهآ ويآرب تعيشون أيآم حلوه 3> |
رد : طناش خطيبتي لي أمرضني ...
اخي الفاضل فترة الملكة عندما تطول تكون احيانا سببا مباشرا في فتور المشاعر بين الزوجين بسبب شعورهما او شعور احدهما احيانا بوجود قيود مازالت في عقله الباطن تحد من ابداء مشاعره ممايتسبب في الملل فتعجيل امر زواجك هو الحل الانسب لمشكلتك لانه سيجعل زوجتك تتحرر من قيودها بمجرد علمها وتيقنها بانكما اصبحتما لبعض وبدون حواجز ::: وفقك الله اخي الفاضل
|
رد : طناش خطيبتي لي أمرضني ...
الله يسعد كل من رد ..
بس أتمنى أسمع آراء البنات لأنهم أدري .. ولامانع من ردود الاخوه الرجال .. |
رد : طناش خطيبتي لي أمرضني ...
يمكن بس تبغى تثقل
اتركها فتره عشان تشتاق لك وتحبك اكثر |
رد : طناش خطيبتي لي أمرضني ...
اقتباس:
الله يسمع منك .. والله يبعد الطفش عنك ..ههههههه |
رد : طناش خطيبتي لي أمرضني ...
اهلين احساس ولهان
عاد تصدق حركات زوجتك مثل حركاتي هههههه شوف انا مدة ملكتي كانت ماشاء الله 10 شهور .. صراحه ماكنت أتصل على زوجي أبد .. وكان يضآيق من هالشي كثير ، وكم مره يعاتبني و لا أزعل لاني متفهمته ويبغاني اهتم فيه زي ماهو يهتم فيني ، ويقولي ليش ماتدقي علي ولاتهتمي بس انا اللي ادق عليك ، انتي تثقلي علي انا داري .. << كاااشفني ههههه قلتله والله مو قصه اني مااهتم بس انا اخاف اتصل عليك في وقت مو مناسب ! اخاف تكون مشغول .. نايم .. قاعد مع اهلك اصحابك .. مااعرف اش وضعك انا .. علشان كذا ماادق .. ! واكتفي بالرسايل .. المره الاولى ماقتنع بكلامي بس مع تكرار الموال فهمني بحكم اني خجولة .. بس بالرسايل ماكنت اقصر معاه .. يعني مرة ارسله رسايل صباحيه مسائية ، شوق ، كلمات اغنيه سمعتها وذكرتني فيه .. واقول هذي راح تعوضه عن اتصالاتي .. وهو مع تفهمه لي بالعكس ماطنشني كل يوم يدق .. وانا مااصدق جري على غرفتي هههههه ومرات يكسسسسسر التلفون اتصالات وانا ماارد لانه صامت فــ يآاكون نايمة يآ اكون بالجامعه يااكون مشغوله ولما اشوف عدد الاتصالات ماادق عليه .. اعتذر له برساله سوري كنت نايمه او كنت مشغوله .. بس تبغى الصدق احساس .. انا كانت مااتصل عليه عشان ماادري بظروفه و كمان عشان اكون ثقيله لأن على قولتهم الثقل زين ! :) وقلتلك رسايل والله ماكنت ماقصره معاه ،، رساله كل يوم او كل يومين .. وفي بعد فتره انقطعت ماارسل رسايل له .. و دايما كنت اقول لنفسي [ انجبرت اكون قدامه ثقيل ! لكن من جوا انا ميت فيه ] ^__* فزوجتك شكلها زيي او فيها حركات الثقل حبتين .. وعندي حل يمكن ينفع معاها لان زوجي كان يعمله معايا .. اللي هو [ كان يطلب مني اصحيه لدوامه ويتصبح على صوتي هههههه وكنت اصحيه والله ، ومرات مااصحيه ياتروح نومه علي يا مآيمديني بالجامعه مع انو يقوم من نفسه بس كانت حجه عشان اتصل عليه .. مممممم او خليها تذكرك بأي موعد مهم يكون عندك .. ] احساس ولهان لاتتعب ولاشي .. صدقني زوجتك عندها حركات الثقل والدليل انها تحبك و رجعت مثل الالف من رسالتك لما زعلت منها بسبب اهمالها لك .. و البنت بطبعها تحب مين يهتم فيها .. فلا تطنشها و اتصل عليها ولا تزعل منها دامها تحبك 3> والله يوفقكم ويسعدكم ويسخر لكم لبعض .. ^____* |
رد : طناش خطيبتي لي أمرضني ...
يعني لو كانت علاقة بالحرام كان تطلع احلى علاقة حب
ولو بالحلال كله تحقير وتطنيش وثقل عجيب امركم انتم شنو من بشر |
رد : طناش خطيبتي لي أمرضني ...
اقتباس:
|
رد : طناش خطيبتي لي أمرضني ...
وعليكم السلام ورحمة الله وبركاته
زوجتك شكلها تستحي منك وخجلانه قوللها كلام حلو انك تحب تسمع صوتها وانك ترتاح لما تكلمها وو إلخ وشي ثاني عودها أنها تعطيك أخبارها أول بأول وتتواصل معك لو بمسج أهم شيء ما تنقطعوا عن بعض فترة طويلة وسببها كل واحد مطنش ومعتمد ع الثاني يبدأ والله يتمم لكم على خير |
رد : طناش خطيبتي لي أمرضني ...
اقتباس:
طيب وش رايك إني أتصل وما ترد تقول مشغوله مو مشكله يوم يومين ثلاثه لكن اسبوعين ... |
رد : طناش خطيبتي لي أمرضني ...
ياليت أكون طحت في بنت رومانسيه والله لدلعها و أدللها ..
|
رد : طناش خطيبتي لي أمرضني ...
يمكن فعلاً مشغولة أو يمكن فاهمة الثقل غلط
بس على فكرة هي تحبك من كلامك لما بعثت لها رسالة رجعت لك مثل الألف وكأنها كانت تتنظر منك هالمبادرة على أحر من الجمر مو مشكلة كون أنت معها حبة حبة راح تتغير فهمها أيام الملكة أحلى أيام العمر لا تحرميني وتحرمين نفسك اللحظات الحلوة تقرب منها شوف وش تحب وش تكره وانت بعد نفس الشي عشان تكسر الحاجز بينكم وتتجرأ شوي يمكن ما تتصل لأن ما عندها سوالف تسولف فيها معك |
رد : طناش خطيبتي لي أمرضني ...
احساس تعبر اللي بعدي ، و ماتعبر ردي :25: ههههه
ع العموم حبيت ارد لانك طلبت اراء بنات .. وكان مجرد رأي لا اكثر .. تحياتي :) |
رد : طناش خطيبتي لي أمرضني ...
اقتباس:
طيب وش تستفيدين إذا ما رديتي عليه أبي أعرف ؟ ثانيآ ماتخافين يزعل وتكبر السالفه ..؟ أتمنى الرد ؟ |
رد : طناش خطيبتي لي أمرضني ...
^
نفــس السؤال يـآ حــلم ؟ ^_^ يبغالوا يسوي فيكي نفس اللي تسوي فيه عشان تحسي ههههههـ ياحلم انتبهي بعضهم يفكروا ينفصلوا واقرأي المواضيع اللي هنآآ لأنهم يشوفوها تطنيش مو ثقل >_< |
رد : طناش خطيبتي لي أمرضني ...
اقتباس:
يا رجال ويا بنات ... فترة الخطوبه أو الملكه حساسه جدا ممكن تثقلي ويحسبك طنشتيه .. حتى شوفوا موضوعي ( طناش خطيبتي ) وإلى الآن ما أدري هل هو طناش أو ثقل ....!!!! حتى رسايل أرسلها أستفسر عن شي أو عن صحتها ... ما تتنازل ترد على استفساري ... حلم ردي على استفساري ..؟؟؟ |
رد : طناش خطيبتي لي أمرضني ...
اقتباس:
بس ! مرات الاقي اتصالات كثيرة .. مو تعمدا ماارد .... لكن يكون مرات صامت لاني نايمة او بالجامعه .. او مشغوله وبعيده عن الجوال .. زوجي متفهم وماحيكبر السالفه مجرد مااقوله ليش انا مارديت .. اللي كنت بقوله لك وبوصله اني انا ماعمري دقيت عليه ابدا .. بحجه ان الثقل زين وبحجة كمان اني انا مااعرف وضعه وظروفه .. اخاف ادق في وقت غلط فأكتفي بالرسايل .. << وهو يزعل من هالشي بس بعدين تفهم بحكم اني خجولة .. و خطيبتك برضو ماتدق عليك ابد .. واتوقع كلامها صحيح وخايفه تدق بوقت انت منت فاضي فيه ! فهمت علي .. ؟ |
رد : طناش خطيبتي لي أمرضني ...
اقتباس:
الحمد لله إلى الآن لقيتك قريبه من اللي أبي أنتي وغيرك من البنات ... طيب قلنا مو مشكله لا تتصل بي أقل شي لييييييييييييييييييييييش ما ترد ع اتصالي ؟؟؟!!! :( |
رد : طناش خطيبتي لي أمرضني ...
حتى أحيانا أوقات المناسبات لي ما تهنئني أبدا إلا بعد ما ترد علي بعد فترة ولا كمان أذكرها ..!!!!!!!!!
|
رد : طناش خطيبتي لي أمرضني ...
اقتباس:
رسلت رساله كيفك انت بخير طمني عنك .. :) بس طلع نايم لان اليوم اللي قبله سهر تقريبا يوم كامل .. واول ماصحي من النوم كلمني وصوته كللله نووم هههه ممكن صح ككلامك البعض يشوفها تطنيش مو ثقل .. بس دا الشي يعتمدد على الخطيبة نفسها .. على بيئتها اللي ممكن الثقل شي مفروض عندهم .. و المفروض برضو ماتتحسسو بإهمالها بطريقه تطفش خطيبها خاصة لو هالشي منرفزه ومزعله .. لازم تزود اهتمامها حبتين لو دق تكلمو وتنبسط بمكالمته .. لو غاب عنها يوم تهتم وترسل رساله تحسسو انها مهتمه فيه .. |
رد : طناش خطيبتي لي أمرضني ...
تبون الصدق أحس إني مظلووم أشوف بعض البنات شكاويها إن خطيبها ما يتصل ..
طيب قولوا لي أبي حل عشان ترد بس ما أبي تتصل ..؟ |
رد : طناش خطيبتي لي أمرضني ...
اقتباس:
حاول لما تتكلم معاها .. تتكلم في الاشياء اللي تشدها وتهتم فيها . اقتباس:
بس متأكده انها تحبك .. والدليل زي ماقلتلك رجوعها مثل الالف من كلامك .. لو ماتحبك ماكنت اهتمت .. والله يسخركم لبعض .. |
رد : طناش خطيبتي لي أمرضني ...
طيب حركاتها طبيعية ..؟
الله يسسعد قلبك يا حلم على ردودك و الله لايحرمك الفردوس الأعلى .. |
رد : طناش خطيبتي لي أمرضني ...
اقتباس:
طيب شوف ارسلها رساله في وقت تكون فاضيه فيه وقولها حياتي ابغاك في موضووع جدا ضروري وابغى اخد رأيك فيه .. <<< هذي الرساله عشان ترد .. اوك لما ترد هلل فيها ورحب فيها هلا وغلا هلا بحياتي كيفك طمنيني عنك وحشني صوتك .. يعني من هالكلام .. واسألها عن يومها .. وكلمها عن يومك اش سويت و اش ماسويت .. وبعدين اذا جا الوقت المناسب قولها ابغى اصارحك بشي وابغاك تسمعيني للاخر زين .. وانت بعدين عليك الباقي صارحها و قوووول كل اللي بخاطرك لاتسكت .. خل بينكم الصراااحه انت جررهاا بالكلام شجعها يمكن ماعندها اسلوب بالتعبير بالكلام او يخونها التعبير ... عشان كذا ماترد عليك او انها تستحي يعني انت جرئها حاول معاها .. انت حاول تزورها استغل ايام الملكه بالزيارات والهدايا حاول انك تعرف شخصيتها .. وتتعرف عليك وتتعود عليك برضو .. |
رد : طناش خطيبتي لي أمرضني ...
مشكوره حلم .. مع إني أرسلتلها أبيك في كلام ضروري وكمان ما ردت ... لكن كفيتي ووفيتي ...
|
رد : طناش خطيبتي لي أمرضني ...
اقتباس:
طيب هي كيف شخصيتها .. ؟ من النوع الخجول اللي مايتكلم .. و لا من النوع اللي يتكلم ويتحاور .. ؟ طيب اذا كانت قريبه من اخواتك .. خخل وحده منهم تجس نبضها .. او انت اذا كنت قريب من وحد من اخوانها كلمه استفسر منه .. ؟ والله يجمعكم على خير و يوفقكم .. :) |
رد : طناش خطيبتي لي أمرضني ...
شوف علي حسب خبرتي بالبنات
اذا البنت ماترد على اتصلاتك ولا مسجاتك فتره يعني ماتبيك او للحين ماحبيتك واهي من قالت لك البنت تحبك ولا تتركني هاي فراغ عاطفي ولحظه انها محتاجة لكلام حلو .. البنت اذا تبين راح تتلهف علي رسايلك وراح ترد عليك بالرسايل حتي لو كانت تستحي تكلمك |
رد : طناش خطيبتي لي أمرضني ...
خطيبتك لها غرفتها الخاصة ولا مشتركة ؟
إذا غرفتها مشتركة مع خواتها يمكن تستحي تكلمك وترد عليك قدامهم يعني ما تاخذ راحتها أو يمكن لما أنت تتصل عليها تكون قاعدة مع أبوها ولا أخوانها أنت حط كل الإحتمالات عشان ما تظلمها وتفكرها تطنش ويمكن بعد تمر بمشكلة ومأثرة عليها الله أعلم جرب أكتب لها رسالة بين خوفك عليها ليش ما تردين علي فيكِ شي طمنيني عنك وحشني صوتك وإلخ |
رد : طناش خطيبتي لي أمرضني ...
يمكن ظروفها بالبيت ماتهيء انها تكلمك اوترد على اتصالاتك
تأكد من هالنقطة الله يسخركم لبعض ويجمع بينكم بخير |
رد : طناش خطيبتي لي أمرضني ...
أشكر كل مر رد على موضوعي وصراحة أستفدت من رد كل شخص ..... الله يكتب لكم الأجر والعتق من النيران ...
|
رد : طناش خطيبتي لي أمرضني ...
أكتشفت المشكله ... رحت زرتها أمس وقالتلي نبي نتفاهم ... قلت ما في مشكله ... قلت ليش زعلانه .. قالت لأن آخر زياره لك جيت بدون هديه لي طبعا كنت مسافر وقتها في مدينه ما وتقول تكون جبت هديه من ذا المدينه لي ... وقلت غيرها قات إنت لك فتره ما شحنت جوالي ..
للعلم الزياره الوحيده اللي ماجيت بهديه أما باقي الزيارات ما بين لابتوب وجوالات وذهب واكسسوارات وعطورات أنواع وأشكال .. قتلت بس قالت باقي كثير بس هذي أهمها اللي ذكرت ... قلت بسيطه تتعوض .. قالت خلاص راحت ماعاد تتعوض قلت وش الحل اللي عندك قالت ننفصل قلت بس عشان هديه .. قالت إيه .. فقلتلها مو مشكله هل عمرك أهديتيني هديه .. قالت لا .. قلت عمرك اتصلتي او ارسلتي رساله لي إذا شحنتلك ..قالت لا قلت عمرك هنيتيني في أوقات المناسبات لي ... قالت لا .. قلت عمرك قلتيلي كلام حلو .. قالت قلي جدا .. قلت طيب الزواج أخذ وعدا ... وبعدين صعب تحكمين علي أو أحكم عليك واحنا ما عشنا في بيت واحد .. قالت اختبرتك فتره طويله وما ناسبتني .. وش رايكم بالله ؟؟؟؟ |
رد : طناش خطيبتي لي أمرضني ...
اقتباس:
* دعواتكم لي بان الله يصلحها ويهديها .. |
رد : طناش خطيبتي لي أمرضني ...
ما أحد رد .... شكرآ..
|
رد : طناش خطيبتي لي أمرضني ...
اهلا اخي .. بصراحة السبب الي ذكرته خطيبتك يدل على انه. في فرق كبير في مستوي الوعي بينكم .. مامعقول تزعل لهذا السبب وهي بهذي الطريقه تاخذ منك ولاتعطي في المقابل والحب لا يقاس بالماديات ..الا حظ انه مافي انسجام بينكم وبالذات انها طلبت الانفصال على السبب الي ذكرته ممكن حجه وماحابه تذكر السبب الحقيقي واحتمال هي مو مرتاحتلك وماحست بانسجام
|
رد : طناش خطيبتي لي أمرضني ...
اخي في برنامج للدكتور جاسم المطوع علي اليوتيوب بعنوان الحب والخطوبه انصحك بمتابعته الدكتور يطرح مجموعه من الاختبارات الي ممكن تستخدمها مع خطيبتك عشان تشوف فعلا اذا متوافقين او لا .. وثاني شي في كتاب اسمه الرجل من المريخ والمراه من الزهره زين لو تقراه وكذلك تهديه لخطيبتك
|
| الساعة الآن 03:55 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©