|
مطبخنا ، وطباخي ، ونوم زوجتي..!!
السلام عليكم ورحمة الله تعالى وبركاته
تقبل الله صيامكم وقيامكم وجعلكم من العتقاء في هذا الشهر الكريم. بما ان المطبخ عندي من التحف الجميلة في شقتي ، قررت ازور هالمتحف واتفرج على مقتنياتة الثمينة والتاريخية التي تعود إلى سنة 2010م ، ف قلت لنفسي عشان ما أتأثر فيه عوامل التعرية "ويصدي" بخلي هالزيارة علمية وعملية ، بحيث استمتع بالذكريات الجميلة وانا اتفرج عليهم واتذكر كل شي شريتة ف هالمطبخ قبل زواجي(علمية) ، ومنها بعد اقعد اطبخ فيه شوي واعيد حيويتة ونشاطة(عملية). وبقولكم شي وهو يعتبر نفاق بصراحة ، ومعظمكم جربتوا هالشي اكيد اذا مو كلكم ، ليه في اول الزواج الحريم هبات ريح وقرمات ويسوون روحهم يعرفون يطبخون ، وتكون علاقتهم بالمطبخ علاقة جداً حميمية وجميلة؟؟ وليه بعد ما اطيح الميانة والكُلف اتخرب هالعلاقة ؟؟ للدرجة هاذي الحريم مالهم صاحب يعني ؟؟ هههههه (فقرة اخبال ماعليكم مني) ف لما سويت رحلتي العلمية والعملية قررت اني اطبخ اليوم واسترجع ايامي لما كنت اطبخ في المخيمات والرحلات ولما كنت اطبخ لأمي (ايام ماكانت نفاس) وأغسل لها المواعين، بس بقولكم شي عني عشان اكون امين ترى كل شي كان بحسابة ههههههههه امزح المهم رحت حق زوجتي وهي في عز نومها وفتحت الضوء وماحسيت إلا الزوجة النايمة الرقيقة الوديعة انقلبت وحش كاسر فجأة وقالتلي ياخي حراااام عليك والله مانمت شي طف اللييييييييت والله فزيت فزة مو طبيعية هههه (مادري ليه تذكرت امي بهالموقف لان امي كانت اتصايح علي لما افتح عليها الليت وهي نايمة) المهم قلت لها قومي ونسيني ضايق خلقي ، وبعدين ترى بطبخ اليوم وبدلعك واوكلك بيدي(بسويلها اغراءات عشان اتساعدني بالمطبخ) ومنها بعد نرحم التحفة اللي عندنا(اقصد المطبخ) ونحسسة ان فيه احد مهتم فيه .. حرام عليج خليينا انحسسة انه مطبخ على الاقل. ردت علي بكلمة وحدة .. مليغ .. (يعني ثقيل دم) ، والله ضحكت على شكلها وهي تقول مليغ ، المهم قلت لها منتي قايمة يعني ؟؟ قالت اشوي اقوم مو الحين وعلى فكرة طبخك مو حلو ولا راح اتعرف تطبخ اصلاً ، خلاص سكررر الباااااااااااب الحيييين تكفا ابغى اناااااااام سكرت الباب وانا اقول بقلبي ش هالزوجة الخايسة هاذي وش هالتحطيم انا اوريها والله لأطبخ واحرق قلبها!! (اللي يبي يقول ليه تقول بقلبك احب اقولك مالي خلق للمهاوش عاد هي اتصيد علي الغلطة هاليومين) ف نزلت لأمي تحت وقلت لها يمة لاتحسبين حسابنا ع الفطور لأن بنطبخ بشقتنا ، بس هله هله بالحلويات خلي الخدامة اتصعد لنا الحلويات ولاتنسين الشوربة ، فقالت امي وكلها علامات استغراب!! صدق يوليدي بتطبخون ؟؟ حسستني اني بشرتها ان جاني ولد !! قلت اي يمة بنطبخ شفيج متكهربة؟؟ قالت يوليدي مافيني شي بس مو متعودة!! ورحت لبست ملابسي وطرت ع السوبر ماركت جبت خضار وفواكة ولبن ودجاج ورز وسمبوسة وهالامور. وجيت للبيت وللحين المدام نااااااايمة وادخل مطبخي واسنع ذاك المجبوس السنع (اللي ودكم تاكلون اصابعكم وراه ههههه امدح طبخي) اللي كان ناقصة بس شوية ملح!!! لحد يضحك علي تراني صايم وماقدرت اذوق شي ف عن الشماتة لو سمحتوا ، وامدحوني تراني احب المدح. المهم مابي اطولها عليكم وانا اسوي الفطور وقبل الأذان بساعة صحت الأخت وجتني بالمطبخ تضحك علي وتقول الله يستر من طباخك ، لكن اعتبرتة كلام عذاااال ومارديت علية ، ورديت اقول بقلبي (اوريج ان ماحريتج من حلات طباخي هين يالخايسة) وبيني وبينكم حسيت ان الطبخة ماراح تكون موزونة بالملح وهذا احساسي مايخيب ابداً في طبخاتي فيني عقدة من الملح ، ف رحت وقلت لها شوفي من الحين امدحي الشغل واذا طلع الملح ناقص ترى مو مني منك لان من عرفتك وانتي ماتحسين بطعم الملح (ابجهز الضماد قبل الفلعة) ابتسمت ابتسامتها الصفرا بس قلت ماراح اتأثر. ف عشان انهي هالموضوع اليوم بوريكم الطبخة ، والله يرحم والديكم امدحوني هههههههههههه http://www4.0zz0.com/2012/08/03/11/290793257.jpg http://www4.0zz0.com/2012/08/03/11/320535290.jpg للامانة العلمية!! كل اللي سويتة هو الرز والدجاج والمرق واللبن والسمبوسة وسلة الفاكهة والباقي من امي!! الله يسعد الجميع يارب العالمين. |
رد : مطبخنا ، وطباخي ، ونوم زوجتي..!!
ما شاء الله تبارك الله الله يعطيك العافيه ما قصرت الله يحفظ لك امك ويوفقك يا رب
|
رد : مطبخنا ، وطباخي ، ونوم زوجتي..!!
ما شاء الله تبارك الله،،، والله يطلع منكم اذا اشتهيتوا تسوووون اي شيء ،،، بالعافية ،،،،
ودي أشوف المطبخ بعد ما طلعت منه !!! |
رد : مطبخنا ، وطباخي ، ونوم زوجتي..!!
ماشاء الله لاقوه الابالله .الله يحفظكم ويرزقكم الذريه الصالحه
سؤال يمكن يكون ماله داعى بالنسبه لك وانت حر بالاجابه عليه هل تحب زوجتك؟ سؤالي حاجه في نفسي |
رد : مطبخنا ، وطباخي ، ونوم زوجتي..!!
عفية عليك
ماشالله تبارك الرحمن بس تبي الحقيقة اخوي متفائل المرأة يبيلها ريال يشد عليها شوي والا اذا بتخليها جذي مطبخكم بيصير تحفة اثرية |
رد : مطبخنا ، وطباخي ، ونوم زوجتي..!!
صحتين صحتين :) شكل الكل جنان خاصة الحين واحنا صايمين :d
ما شاء الله لاقوة الا بالله .. وليه تتعب الوالدة .. كل يوم سوي طبخة دام معاك وقت .. حرام المدام ما معها وقت .. شفت كيف انها صحت من النوم قبل الاذان بساعة يعني بساعة ما يمديها تطبخ اقتباس:
|
رد : مطبخنا ، وطباخي ، ونوم زوجتي..!!
من جد انت مسوي الرز وبيتك وبرمضان بعد !!!!!!
شكلي بقلب ع هالرجال الي عندي 😔 مالي شغل ابي طريقه الرز بضبط والله انك اسنع من اسنع حرمه الي طلع منك كل هذا طبخ وتقطيع وكذا طيب بصراحه وش موقف حرمتك بعد هالفطور وش سوت لك ؟؟ وبرجع اقولك موقف لزوجي بشغل البيت بكسر خاطرك وبتجي تطبخ لي مثل هالرز 😁 ياحليلهم بعض هالرجال مازالو موجودين ع وجه الارض مع اني كنت متوقعتهم منقرضين الي يطبخون ويدلعون والحرمه نايمه بعد 😊 |
رد : مطبخنا ، وطباخي ، ونوم زوجتي..!!
اقتباس:
|
رد : مطبخنا ، وطباخي ، ونوم زوجتي..!!
أماني مفقودة
الله يجزاج خير يارب على هالدعوة الطيبة ، الله يسعدج. ambitiousdream الله يعافيج يارب ، اي طبعاً يطلع مننا بس اذا اشتهينا ، والمطبخ والله ماصورتة ، بس كان حووووسة القدووور بالارض والاكل كان طايح منة شوي ، هذا غير اللبن اللي طاح من ايدي وغير الحوسة اللي في الحنفية. عزتي ديني الله يرزقج الجنة يارب ، بجاوبج وبكون سعيد في اجابتج ، بس قبل كل شي شنو الغاية اللي بنفسج ؟؟ ههههههه فضول موهبة الكويت زين مابغيتي اتزورين متصفحنا !! لو اعرف ايبب يببت ههههههه ياموهبة ياوخيتي هي مو رافضة فكرة الطبخ ابداً بس المشكلة انها ماتعرف تطبخ وان طبخت والله ماتضبط شي لأنها لما كانت ابيت اهلها ماكانت تطبخ (اصغيرة ودلوعة امها) ، بس اهي قاعدة تتعلم الحين ، وبين فترة وفترة تطبخ لها شغلات خفيفة حلويات وهالامور وتجرب علي هههههه والشدة وانا اخوج مو في هالامور البسيطة هاذي ، الشدة لأمور الشدة ، والوضع هذا يبيلة شوية مرونة وتشجيع ومع الوقت بتتعلم. Beta2 مرحبا وسهلا بالخالة بيتا ، نوووورتي المتصفح وصاحبووو ، شوفي ياخالتوا ، امي اتسوي الفطور للبيت كلة ، وانا اخذت من فطور البيت (جزاهم الله خير تفضلوا فينا) ، بس عشان هذاك اليوم كنا سهراانين نامت كل هالنوم ، ولو ماكنا سهرانين كانت قطعت المطبخ من كثر الطبيخ ههههههه على فكرة ياخالتوا .. ابتعجبك في غسيل المواعين جد اتكلم هههههههه هذا الشي الوحيد اللي مستفيدة منها بالمطبخ. |
رد : مطبخنا ، وطباخي ، ونوم زوجتي..!!
نفسي اعرف وش علاقة الموضوع بقسم المتزوجين مع ان فيه قسم المطبخ
مفروض ينقل للقسم المناسب بس صراحه شكل الكبسة زين لو ذكرت المقادير والدقوس كيف طريقته |
رد : مطبخنا ، وطباخي ، ونوم زوجتي..!!
بسم الله ماشاء الله ..
الله يعطيك العافية |
رد : مطبخنا ، وطباخي ، ونوم زوجتي..!!
الله يكثر من امثالك هههههههه ,, ايش كان رأيها في الطبخ ,, وكيف تقبلت هيئه المطبخ بعد طلعت انت منه ...... !!
ربي يهنيكم ببعض |
رد : مطبخنا ، وطباخي ، ونوم زوجتي..!!
يما من شطانتك بس !
يوم تعبت نفسك وطبخت يقال لك ريحتها ليه عاد صحيتها من نومها ! كان كملت معروفك وخليتها مفاجاة .. يقال لي بريح زوجتي مهي طابخة اليوم وبنفس الوقت ماتتهنى بنومها ! قسم كيدك ولا كيد الف حرمة ههههههههههه بس عز الله سفرة تفتح النفس .. وموضوع يفتح النفس واسلوب ولا اروع تسلم يدينك |
رد : مطبخنا ، وطباخي ، ونوم زوجتي..!!
يسلمممو ادينك
|
رد : مطبخنا ، وطباخي ، ونوم زوجتي..!!
السفرة اليممممة مآآآشاء الله تبارك الله
عقبال ماتسوي مضغوط حاشي! |
رد : مطبخنا ، وطباخي ، ونوم زوجتي..!!
ماشاء الله تبارك الله عليك - سفره دائمه ان شاء الله-
طيب بقول شئ : انا مستغربه كيف رز ودجاج على الفطور ؟؟ بالعاده تكون على السحور , سبحان الله كل مجتمع وعاداته , على العموم الله يوفقك ويرزقك ماتتمناه |
رد : مطبخنا ، وطباخي ، ونوم زوجتي..!!
ماشاء الله تبارك الله ... تسلم يدك شيف متفائل
ممكن ناخذ عندك كورسات طبخ؟ |
رد : مطبخنا ، وطباخي ، ونوم زوجتي..!!
زين مابغيتي اتزورين متصفحنا !! لو اعرف ايبب يببت ههههههه
ياموهبة ياوخيتي هي مو رافضة فكرة الطبخ ابداً بس المشكلة انها ماتعرف تطبخ وان طبخت والله ماتضبط شي لأنها لما كانت ابيت اهلها ماكانت تطبخ (اصغيرة ودلوعة امها) ، بس اهي قاعدة تتعلم الحين ، وبين فترة وفترة تطبخ لها شغلات خفيفة حلويات وهالامور وتجرب علي هههههه والشدة وانا اخوج مو في هالامور البسيطة هاذي ، الشدة لأمور الشدة ، والوضع هذا يبيلة شوية مرونة وتشجيع ومع الوقت بتتعلم. والله وانا اختك أغلبنا طالع من بيت أم ما يعرف يطبخ انا عن نفسي لوما زوجي وراي ويعلق وينتقد وانا أصحح من نفسي جان نزل وزنه 20 كيلو بس الحمد لله ربك كريم |
رد : مطبخنا ، وطباخي ، ونوم زوجتي..!!
الرّجال لهم (نَفَسْ خاص) في الطّبخ ..
أهنّيك حقيقةً .. |
رد : مطبخنا ، وطباخي ، ونوم زوجتي..!!
اقتباس:
والله بدي أنفجر من الاستغراب ... رز ودجاج على السحور ...!!! أمال طيب شو راح يكون على الفطور عجل محشي خروف ...!!! أمر غريب وعجيب ..........!!! |
رد : مطبخنا ، وطباخي ، ونوم زوجتي..!!
اعجبتني الكبسة كبسات الرجال خطيرة لكم خلطة سرية غير معروفه :d اقتباس:
ما شاء الله ذكرتني بأمي تزوجت ابوي وهي ماتعرف الطبخ جدتي ماتسمح لها تدخله عشان ماتخربه تزوجت ابوي وهي ماتعرف حاجه حتى بأول زواجهم الفطور " سلطة ولبن " :d بس بعدها تعلمت بمساعدة ابوي لها وساعدته في مصاريف البيت تطبخ وتبيع طبخات تتفنن فيها وتخترع طبخات الحمد لله اللين في هالامور مطلوب اقتباس:
وانا كمان بدي انفجر :( فجر تسحروا خفيف تمر ولبن ولا من بقايا العشاء عشان ماتجيكم اضطرابات معوية |
رد : مطبخنا ، وطباخي ، ونوم زوجتي..!!
اقتباس:
بس ماقلت انا اتسحر كبسه اشفيكي علي :d:d:d والله لو تبغين الصدق - انا اتسحر حلا لأني أحبه :):):) |
رد : مطبخنا ، وطباخي ، ونوم زوجتي..!!
اقتباس:
|
رد : مطبخنا ، وطباخي ، ونوم زوجتي..!!
ما شاء الله سفرة تفتح النفس وتسلم ايدك .....
|
رد : مطبخنا ، وطباخي ، ونوم زوجتي..!!
ماشاء الله تبارك الله اول شي عليك وثاني شي على الطبخه
|
رد : مطبخنا ، وطباخي ، ونوم زوجتي..!!
الله يخليك لمرتك ويخليها لك والله يستر عليك من العيون وترى طبيعي واجد بنات مايعرفون يطبخون ويتعلمون شوي شوي ولا حد يقول لك شد عليخا لابالعكس امدحها وشوي شوي بتتعلم
|
رد : مطبخنا ، وطباخي ، ونوم زوجتي..!!
مــاشاء الله تبارك الرحمن صراحه عفت كبستي الي كنت بازه فيها بعد كبستك ههههه..جعلها سفرة دايمه
بس عندي ملاحظه أخوي المتفائل:أستتغربت أن والدتكم هي الي تسوي الفطور للبيت كله وترسل لكم .. جا الوقت الي انتم تريحونها وتسون لها وترسلونه.. أقلها زوجاتكم ينزلون يساعدونها اتمنى تتقبل كلامي بصدر رحب. |
رد : مطبخنا ، وطباخي ، ونوم زوجتي..!!
ماشاء الله عليكم بالعافية
|
رد : مطبخنا ، وطباخي ، ونوم زوجتي..!!
ما شاء الله عليك
اهنيك علئ رجولتك الله يحفظك ستجد ثمار هذا الحب باذن الله ويا زين طباخ الرجال ترا الطبخ ليس احتكار للمراه فقط ما عليك الكبسه شكلها لذيذه لذيذه ومن يد طباخ الله يهنيك بزوجتك يارب وتكرمك مثل ما تكرمها باذن الله |
رد : مطبخنا ، وطباخي ، ونوم زوجتي..!!
الله يعطيك العافيه ويكثر من امثالك
وربي يسعدكم ويهنيكم |
رد : مطبخنا ، وطباخي ، ونوم زوجتي..!!
العين تاكل قبل الفم
من الصورة باين لذيذ تسلم يدينك سؤال هل هذه اول مره تطبخ رز ؟؟ اذا كانت الاجابة نعم فانت عبقري |
رد : مطبخنا ، وطباخي ، ونوم زوجتي..!!
والله سفرة تفتح النفس يسلمو هالايدين ههههه ع فكرة انت متل زوجي الك نفس في الطبخ بس هو بالمنااااااااااسبات لما يجي عبالو يطبخ ما شاء الله عليه بيعمل كل شي انا تعلمت ع ايديه صراحة لانه كان عايش بغربة والله يوم ما يطبخ الرجال بيكون احتفال ... ربي يخليكو لبعض ان شاء الله |
رد : مطبخنا ، وطباخي ، ونوم زوجتي..!!
اقتباس:
يسلم من رباك لك اكثر من سنتين متزوج ولسا تقول شوي شوي وتتعلم متى بتتعلم اذا جاكم عيال !!!:15: اقلها تنزل عند امك تساعدها وتتعلم في نفس الوقت فعلا اخوي انتهى وقت اللين وجاء وقت الشد:30: الطبخ متعب لشخصين فما بالك عوائل ووالدتك حفضها الله كبرت حرام عليكم المفروض ترتاح لو انك ساكن بعيد عن اهلك لكنت تجيب من المطعم ثم تتعب بسبب المصاريف ثم تجبر زوجتك على تعلم الطبخ شوي شوي وتتسنع :d اكيد امك تطبخ لكم لانها خايفة تتمشكلون بسبب الطبخ والنفخ فضغطت على نفسها في سبيل راحتك ولا هي ودها لو ان زوجتك تحشمك وتطبخلك ارجو ان تتقبل كلامي بصدر رحب والله يكثر من امثالك ويحفظك لاهلك والله اني حبيت امك كثير (( قلبها طيب)) |
رد : مطبخنا ، وطباخي ، ونوم زوجتي..!!
يا جماعة يعني ازا هُو ما بدو مرتو تطبخ ولا تتعب ومبسوطين .. انتو شو دخلكم بينهم ..؟؟ لا اله الا الله وبعدين هو حكآ انه الخدامة تاعت امه هي يلي تسوي الاكل مو معقول يعني امه الي تعمل وهو يقعد يتفرج عليها ..!! ادعولو بالسعادة وخلص |
رد : مطبخنا ، وطباخي ، ونوم زوجتي..!!
يابخت زوجتك فيك
الله لايضرك ماشاءالله |
رد : مطبخنا ، وطباخي ، ونوم زوجتي..!!
اقتباس:
حبيبتي ما قلنا شي غلط الله يهنيهم ببعض ولو يطبخ طول العمر لها والله ما بزعل بكون فرحانه حلو الواحد يدلل زوجته:18: وفية كثير ازواج ذكرو في المنتدى ان زوجاتهم ما يعرفون الطبخ وما يطبخو وانا دائما اقول الله يهنيهم ولا علينا منهم بس انا اقيس على مجتمعي القريب توجد لدينا خدامات ولكنها لتنظيف وغسيل الاواني لكن لا تطبخ ابدا بل الطبخ على الام او ربه المنزل وان كانت الخادمة تساعد في بعض الاشياء منها استنتجت ان امه تطبخ والخادمه ترقى بالاكل للعرسان فحطيت امة مكان امي ومنها استنكرت ذالك وفزت عاطفتي الله يهني كل زوج يحب الطبخ بالمطبخ :d والله يهني كل زوجه زوجها يطبخ لها :d |
رد : مطبخنا ، وطباخي ، ونوم زوجتي..!!
good man:22:
ولكن مجرد ملاحظة : إن بقيتم تعتمدوا على طبخ الماما أطال الله بعمرها وألبسها ثوب الصحة والعافية لن تتعلم المدام الطبخ يوما .. قل للماما أن توقف الاعانات والاغاثات :d رغم أني على يقين أن هذا هو أحبّ ما ع قلبها ولكن كي تدخل المدام الحلوة مطبخها وتشمّر عن ساعديها :18: وتبدأ في التعلّم .. أدام الله الود بينكما وجعل أيامكما تعبق بالحب والتفاهم .. وروائح الطبخ الشهي .. |
رد : مطبخنا ، وطباخي ، ونوم زوجتي..!!
ومسوي ..فيها خبير ومعلم .....وتنصحنا ....وتحلحل مشاكلنا .......وخذوها ببساطه
وتنصحنب اشتري .....همبرقر من السبر ماركت ........... وتاليتها .....................انت الي تطبخ هههههههههههههههههه لا ونصف عمرك عاله على الدول المجاوره ...........اقصد ميمتك الي تحت ياخي حرام عليك .........حملت بك ورضعتك وزوجتك وتاليتها هي الي بعد تطبخ للك انت وياها ؟؟!! بصراحه طحت من عيني ...........ولا عاد ابي اشوف للك نصيحه .......الا ول سنع بيتك ... .ثمن تعال تناصح مع المسلمين وسفرتك لا يغرك راي الحريم ترى يحبون اي شي ينطبك من الرجال ................والله لو تسوي لهم فيمتوووو ........تلاقيهم مبسوطين ويتلذذون بالفيمتوووو........وتسمع ...وااااو...فيمتو عجيب .................. وفرحانين ............عشان يشجعونك تسوي زياده وتورط نفسك في المطبخ دريت ليش اغلب الطباخين المشهوري رجاااااااااااااااااااال ؟!تقبل مروري بروح رياضيه |
رد : مطبخنا ، وطباخي ، ونوم زوجتي..!!
ياليت كل الرجال يقتدوا فيك ويصيروا مثلك ماشاء الله عليك
|
رد : مطبخنا ، وطباخي ، ونوم زوجتي..!!
ريفان
هلا و غلا بالطيبة ايه والله ياريفان انا اللي مسوية وبرمضان وبشقتي بعد ، وزوجتي مو اول مرة اطبخ لها ، طبخت لها واجد ، خصوصاً بالإيجازات (احب الطبخ خصوصاً بالمخيمات وطلعات البر) ، بس كانت تصور الاكل ، ورجيت راسها كل اشوي اقولها ها شرايج بالاكل ؟؟ تقول والله روعة بس الملح!! قلت لها يختي خليتي كل شي وماركزتي الا بالملح !! دامج مدحتي لاتنتقدين حاصلج انتي انا اطبخلج هههههههههه ماداني طاري الملح. بالنسبة حق الطبخة اذا تبون نفتح موضوع بقسم المطبخ فيها ترى يسعدني اعيش معاكم دور الشيف واعلمكم طريقتها(: وقوليلي وشو موقف زوجك اشتقت اعرفة!! ولهان هلا بالطيب ، شكلي بسوي شيف عليكم وافتح موضوع بقسم المطبخ وأعيش الدور ههههه حاضر اوعدك اعلمك بكل شي وبالتفاصيل ، وجداً جداً بسيطة والله وراح اتضبطها إن شاء الله حبييييييييب |
| الساعة الآن 07:43 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©